رغبة ملعونة الجزء التاسع للكاتبة..حنان حسن بعدما اجبرني اخويا.. وطليقي مسعود علي اني اعمل تحليل دي.. ان... اية فضلت منتظرة نت...
الجزء التاسع
للكاتبة..حنان حسن
بعدما اجبرني اخويا.. وطليقي مسعود
علي اني اعمل
تحليل دي.. ان... اية
فضلت منتظرة نتيجة التحليل وانا متاكدة
اني هالكة لا محالة
وبعد ما ظهرت النتيجة
لقيت الطبيب بيقراء التقرير
وبيقول...النتيجة
وهي ...
ان التحليل اثبت ان الجنين الي في بطني
بينسب لمسعود طليقي فعلا
وفي اللحظة دي
لقيت مسعود بيكبر ...ويهلل
وكان بيرقص من الفرحة
..وفضل ياسين يهنية لانة هيبقي اب اخيرا
اما انا..
.فا كنت واقفة مش مصدقة النتيجة..
ولامصدقة الي بيحصل
وفضلت اقول لنفسي..
طيب ازاي؟ الحمل طلع من مسعود
وهو عقيم اصلا؟
ولية عبد القادر كدب عليا وفهمني
ان الحمل كان من العفاريت؟
والي كان شاغلني اكتر
ومنكد عليا
هو.. ان مسعود ...واخويا ياسين
كانوا مصممين
علي اني ارجع معاهم البلد
ومعني كده...
اني هاكمل رحلة الشقاء
الي شوفتها في بيت مسعود..
وهرجع للذل ..والاهانة... والمرمطة تاني
واستغليت انشغال بسنت بنت خالتي
في مكالمة تليفون
كانت بتعملها...
ومشغولة فيها
وفضلت اتوسل لخالتي ...
انها متسبنيش ارجع معاهم تاني
وفعلا خالتي خرجتلهم
وسمعتها وهي بتطلب منهم ينتظروا
لما يتغدوا قبل ما يرجعوا ع البلد...
لكن ...
مسعود... وياسين اعتذرولها...
وقالوا...
انهم لازم يسافروا حالا
عشان وراهم اشغال
وطلب منها مسعود انها تستعجلني
عشان نسافر
ولما خالتي قالتلة ....متخلي ياسمين معانا يومين
رفض
وقالها ..
لا خلاص معدش له لازمة
قعدتها هنا
وبعدما سمعت رفضة ...
وانا في الاوضة
فضلت اعيط واقول
( يارب )
هعمل ايه دلوقتي؟
ومين هيحميني منهم؟
دنا لو رجعت تاني
للمرار الطافح الي كنت بشوفة في البلد ...
ممكن اموت
وقبل ما الاقي حل للمصيبة
الي انا فيها
سمعتهم وهما بيندهوا علبا
فا خرجتلهم...
ودموعي علي خدي
وقلتلهم...
انا مش عايزة ارجع البلد تاني
فصرخ فيا ياسين
وقالي..
هتتسيبي بيت جوزك...
وتقعدي هنا تعملي ايه؟
وفي اللحظة دي
كشر مسعود عن انيابة
وقالي..
اوعي تكوني فاكرة
اني هعديلك الي فات...
ومش هحاسبك علية
انا الي مصبرني عليكي لغاية دلوقتي بس
هو... الحمل الي في بطنك
وبعد كدة
هعرف ازاي ارجعك تاني تلحسي التراب
فا اخلصي... والبسي
عشان منتاخرش
فا انهرت بالعياط
وانا حاسة اني لا حول ليا ولا قوة
وهما بيحددوا مصيري
كاني بهيمة بيسحبوها
وراهم
وداقت بيا الدنيا
لدرجة ...
اني كنت بتمني الموت
عن رجوعي للبلد مع مسعود
وقلت احاول تاني مع ياسين اخويا
فا قلتلة..
انا كارهة الرجوع لمسعود..
وكارهة عيشتي معاه
والنبي يا اخويا مترجعني لمسعود تاني
وفي اللخظة دي
مسكني ياسين اخويا من هدومي
ولقيتة رماني تحت رجلين مسعود
وقالة..
ادب مراتك
بدل ما اتهور واقتلهالك...
وتخسر الي في بطنها
فا بصلي
مسعود بغل
وانا واقعة ع الارض ادامة
وراح قبض علي شعري بكل قوتة
وقالي...
فزي يا بت قومي
معانا
بدل ما اعدمك العافية ...
واخدك للبلد علي نقالة
وفي اللحظة دي
سمعنا نبرة تحذير مدوية
جاية من ناحية الباب
والصوت كان صوت( شهاب بية)
الي قال لمسعود
شيل ايدك من عليها
واحترم البيت الي انت فية
فا بص مسعود بوجهه المخيف لشهاب بية
وسالة...
وقالة..
انت مين؟
فا رد شهاب بية
وقال..
انا صاحب البيت الي انت واقف تبرطع فيه دلوقتي
ممكن بقي دلوقتي انا الي اعرف
انت الي مين؟
فا رد مسعود
وقالة..
انا جوز صابرين..
وجاي ارجعها معايا البلد
فا رد شهاب بية
وقالة..
انا الي اعرفة
ان صابرين تبقي طليقتك
مش مراتك
فا رد مسعود
وقال..
انا طلقتها بس ناوي اردها
فسالة شهاب بية تاني
وقالة..
وهي موافقة ترجعلك
فا رد مسعود
وقال..
مهي لازم توافق
عشان ابني الي في بطنها
فا بصلة شهاب بية
وقالة...
ايوه بس برضوا
هي لازم هي توافق علي الرجوع..
وانا دلوقتي
هسالها
ولو رفضت ...
يبقي تتفضل توريني عرض اكتافك
فا رد مسعود
وقال
لكن اخوها اهوه ادامك..
وموافق اني ارجعها لعصمتي
فا رد شهاب بية
وقالة..اظن انا بتكلم عربي
وكلامي مفهوم
لازم ناخد رايها وهي الي هتقرر
وسالني شهاب بية
وقالي...
موافقة ترجعي لمسعود
قلت...لا
فا رد شهاب بية
وقالة..شوفت سهلة ازاي؟
اتفضل بقي وريني عرض اكتافك
فا رد مسعود
وقالة..
وانا مش همشي من هنا الا لما اخد مراتي
في اللحظة دي
اتعصب
شهاب بية
وقالة..
انت ملكش حريم هنا
صابرين كانت مراتك
وانت طلقتها...
وهي مش موافقة انها تتردلك
وهقوهالك تاني
صابرين دلوقتي حره
وليها حق الاختيار...
واهي قالتلك انها مش عايزة ترجعلك
وفي اللحظة دي
رد ياسين اخويا
وقال...
وحتي لو كانت اطلقت...
فا انا اخوها
وليا عليها حق الطاعة
ولازم ارجعها البلد
وفي اللخظة دي
بص شهاب بية لياسين
اخويا
وقالة...
الاخ الحقيقي
مفروض يبقي حماية لاختة
من الذل والبهدلة
مش يبقي هو مصدر ليهم
و انت عمرك ما كنت حماية لها
ومع ذلك...
صابرين مش قاصر ...
ولا فاقدة الاهلية
يعني برضوا ملكش انك تفرض عليها رايك
وتتحكم ان كانت تسافر..
او تقعد
وبعدين هي هنا في بيت خالتها
يعني بيتها التاني
ولازم تخيرها الاول
ان كانت تقعد ...او تمشي
فا رد ياسين
وقال...مفيش الكلام ده
انا هاخدها غصب عنها
انشلة لو هاخدها جثة
وفي اللحظة دي
اخدني شهاب بية ورا ضهرة
ورد علي ياسين بنبرة
كلها تحدي وغضب
وقالة...
يبقي لازم تعدي علي جثتي انا الاول
قبل ما توصلها
ووقف شهاب بية قصاد ياسين اخويا بشجاعة
وهو بيستعد للاشتباك
..والهجوم
ولما ياسين لاحظ ان شهاب بية شخصيتة قوية
وصعب انه يتراجع عن موقفة
فا هدي اللعب
وبدء يلين مع الريح
ولقيتة بيوجهلي الكلام
و بيقولي...
احتراما لكلمة البية
الي احنا في بيتة بس
انا هسيبك يومين تفكري
في موضوع رجوعك لمسعود
بس اعملي حسابك...
انا راجع تاني
و لو رفضتي انك ترجعي لجوزك
انا هاخدك للبلد غصب عنك
حتي لو هضطر اني ابلغ البوليس
وبعدها ...ادانا ضهرة وهو بيقول...
سلاموا عليكم
وسابنا ياسين اخويا وخرج
هو ومسعود
وساعتها
انا كنت عمالة ابص لشهاب بية
با اعجاب... وامتنان
وانا مستعجبة ...ومستغربة من موقف شهاب بية
اصلي عمري ما شوفت
ولا صادفت
شخص شهم وشخصيتة قوية كدة
وقبل ما انطق... ولا
اشكر شهاب بية
سمعت بسنت
وهي بتتخانق معاه
و بتقولة...
تقدر تقولي..اية الي خلاك تعمل كدة؟
وازاي تدافع عن البت الشغالة بالشكل ده؟
وفي عز ما كانت بسنت واقفة متعصبة ...
وبتحقق مع شهاب بية
لقيتة سابها وانشغل بالموبيل بتاعه
وكانة مش شايفها اصلا
وطبعا انا جريت ...وخرجت من شقة خالتي
ورجعت لشقة الباشمهندس
قبل ما بسنت تحط غلبها فيا انا...
وتاكلني باسنانها
وفعلا نفدت بجلدي منها
لكن...
لما بقيت لوحدي رجعت اشيل الهم
وافكر هعمل ايه لما ياسين يجيب البوليس ويجي تاني
وفضلت في القلق ده
لغاية... باليل
واخر النهار
سمعت الجرس بيرن
فا قمت فتحت
واتفاجئت
ادامي بصاحب البيت
ولقيتة بيقولي...
كنت عايز اتكلم معاكي يا صابرين لو سمحتي
قلت..ماشي تحت امرك
فسالني
وقالي..
انتي عارفة المكتب بتاعي فين؟
قلت..ايوة
في العمارة الي جنبنا
قال..بالظبط كده
كنت عايزك تيجيلي المكتب كمان ساعة كدة
عشان عايزك في موضوع مهم
وياريت متنسيش تجيبي بطاقتك معاكي
قلت..حاضر
وكنت مستغربة من زيارة صاحب البيت
وطلبة الغريب
لكن...دهشتي دي زالت لما روحتلة
وفهمت هو عايز اية؟
اصلي اول ما دخلت وقعدت ادامة
لقيتة بيقولي..
جيبتي بطاقتك معاكي؟
قلت..لية؟
قال..هتفهمي كل حاجة لما شهاب بية يجي
قلت..شهاب بية؟
فا رد صاحب البيت
وهو بيشاور باتجاة الباب
وقالي...
اهوة شهاب بيه جه
واستغربت من الي بيحصل
وسالت شهاب بية
قلت..هو في ايه؟
قالي..مفيش حاجة
هاتي بس بطاقتك واديها
لصاحب البيت
وانتي هتفهمي دلوقتي
وفعلا اديتهم البطاقة
ولقيت صاحب البيت بيكتب عقد
وبياخد رقم بطاقتي...
ويننقلة في العقد
وبعدما وقع علي العقد
قالي ..خدي وقعي هنا
قلت...اوقع علي ايه؟
فا رد صاحب البيت
وقالي..
انا عندي شقة فاضية هنا في العمارة
الي فيها المكتب ده
وبقالها فترة محدش سكنها
فا شهاب بيه اقترح عليا
انك تاجريها
وبلاش من البيات في شقة الباشمهندس
تفاديا للقيل والقال
قلت..ايوه بس بالنسبة للايجار يعني؟؟؟
فا رد شهاب بيه
وقالي...هششش خلاص يا صابرين
انا اتفاهمت مع صاحب البيت في كل التفاصيل
يعني متشغليش بالك باي حاجة
واتفضلي بقي
وقعي علي العقد
وفعلا وقعت علي العقد وانا مش فاهمة حاجة
وبعد ما صاحب البيت تمم العقد
مدلي ايدة بالمفاتيح
وقالي..مبروك..
وفي اللخظة دي
خدني شهاب بية من ايدي
وهو بيقولي..
تعالي اعرفك مكان الشقة
وبالمرة تشوفي ناقصها اية ؟
وفعلا روحت معاه
ولما فتح باب الشقة لقيتها روووعة
ومفروشة كمان
فسالتة وانا مبهورة ...ومتخدة
قلت.
ايه الي بيحصل بالظبط؟
واية الشقة دي
حضرتك عارف
ظروفي...
وعارف كمان
اني مش هقدر علي ايجار شقة زي دي
رد شهاب بية
وقالي..
اولا..متشيليش هم الايجار
لاني انا الي هدفعة
قلت..وحضرتك عليك باية يعني؟
قال..
انتي ناسية انك قريبة حماتي؟
يعني قريبتي
وبصراحة انا حاسس بمسؤلية ناحيتك
ومش معقولة يعني
هسيبك تباتي في بيت راجل عازب
بعدما عرفت انك قريبتي
قلت..عادي منا ببات في مكان شغلي
فا رد شهاب بية
وقالي...لا
مهو انتي معدتيش هتشتغلي عند الباشمهندس تاني
قلت..ازاي الكلام ده؟
قال..اسمعيني ياصابرين
وحاولي تفهميني
اخوكي لو عرف انك بتباتي في شقة راجل عازب
هيصمم انه ياخدك معاه
لما يجي
كمان يوم ولا اتنين
ووجودك في بيت خالتك هيبقي صعب
لان بسنت زي منتي عارفة مش هتقبل بوجودك عندهم
يبقي الحل
ان يكون في مكان خاص بيكي تقعدي فيه
وبالنسبة للشغل يا ستي
انا هبقي اشوفلك شغلانة تانية
وعلي م اشوفلك الشغلانة الجديدة
هبقي مسؤال عن كل طلباتك
قلت..ايوه بس كدة كتير
دنا اخويا نفسة عمره ما عمل معايا كدة
فا رد شهاب بية
وقالي..سيبك من الكلام ده
واسمعي الي هقولهولك
قلت...اتفضل
قال...انا حاولت اتكلم مع الباشمهندس
عشان اعرف ايه حكاية الطفل الي كان في شقتة
دي..
ومعرفتش اوصل منه لاي معلومة
ولاحظت انه راجل غامض
ومرتحتش من ناحيتة
ده غير اني عرفت عنة معلومة زي الزفت
قلت..معلومة اية؟
قال....معلومة كده هبقي اقولك عليها بعدين
المهم دلوقتي اني نويت احطة تحت الميكروسكوب
لما اعرف حكايتة ايه؟
قلت...طيب دلوقتي انا كنت عايزة اسال سؤال
قال..اسالي
قلت..هو حضرتك هتقول لبسنت
انك انت الي اخدتلي الشقة دي؟
ابتسم الباشمهندس
وقالي...ايوه هقولها طبعا
لاننا مش بنعمل حاجة غلط
قلت...تمام
قال...طيب انا هسيبك دلوقتي
وانتي انزلي دلوقتي هاتي حاجتك
من عند الباشمهندس
وكويس ان الشقة هنا فيها تليفون ارضي
عشان ابقي اتصل بيكي...
و اشوف لو كنتي محتاجة لحاجة
فا ناديت عليه قبل ما يمشي
وقلت ....شهاب بية
قال...نعم؟
قلت...انا لو قولتلك كل كلام الشكر الي في الدنيا
مش هوفيك حقك
رد شهاب وهو بيبتسم
وقالي..وفري الشكر
لغاية ما اخلصك من كل المشاكل الي حواليكي
وسابني شهاب بية ...وخرج
وانا فضلت اتنطط من الفرحة
وانا ماسكة عقد الشقة في ايد
والمفتاح في الايد التانية
وبقيت مش مصدقة الي حصل
ولا مصدقة ان الدنيا
الي كانت بالنسالي غابة
وعايش فيها ياسين اخويا ومسعود
وكل الناس الشر الي قابلتهم
تبقي هي نفس الدنيا...
الي فيها واحد شهم
زي شهاب بيه
وكنت حاسة اني اسعد واحدة في الدنيا
لاني لاول مره احس اني حره
ايوه انا عندي دلوقتي مكان ملكي
اعيش فيه
ومفيش حد هيطردني منة
ولا حد هيتحكم فيا بعد النهاردة
والاجمل من كدة
اني اتاكدت ان عبد القادر
كان بيكدب
وانا مفيش عفاريت ولا اي حاجة ربطاني ببيت الباشمهندس
المهم...خرجت بسرعة
وروحت علي شقة الباشمهندس
وكنت ناوية افهمة
اني خلاص مش هشتغل عندة تاني
لكن...للاسف
ملقتهوش...فا دخلت جيبت شنطتي
الي فيها هدومي
وكنت هخرج علي طول
لكن...
المرة دي افتكرت الشنطة بتاعة الحرامي
فاطلعت فوق الدولاب عشان اجببها...
لكن ..
للاسف...ملقتهاش
واكتشقت انها اختفت
وفضلت ادور في الاوضة كلها وبرضوا ملقتهاش
وكنت مستغربة
ومش عارفة مين الي اخدها؟
وفضلت اقول لنفسي
معقولة؟
الشنطة تختفي لوحدها كده؟
دنا حتي لسة مفتحتهاش ...
ولا اعرف جواها ايه؟
المهم...
اخدت شنطة هدومي وروحت علي شقتي الجديدة
وفضلت فيها
لغاية...لما شهاب بية اتصل بيا
وقالي...
ان اخويا ياسين وصل من البلد
وكنت خايفة من مواجة ياسين اخويا
لاني كنت عارفة انة هيصمم انه ياخدني للبلد
وممكن يحصل اصطدام بينة وبين شهاب بية
وبصراحة...
انا مكنتش عايزة اني...
اتسبب في مشاكل لشهاب بية تاني
عشان كدة
قررت لاول مرة
اني استغيث بقادرة
وبسرعة بليت الحجاب
ولما ظهرت قادرة
لقيتها بتبتسم
وبتقولي..
اخيرا عرفتي ان الطيبة ضعف؟
واخيرا كمان
طلبتي مني المساعدة بتفسك؟
قلت...الحقيني يا قادرة..
ياسين عايز يرجعني للبلد بالعافية
وممكن يعمل مشاكل مع شهاب بية
فا بصتلي قادرة بقرف
وقالتلي...
وهو فين دكر البط الي اسمة ياسين؟
قلت..عند خالتي في شقتها
فا قالتلي..
طيب اترمي انتي هنا
لغاية ما اروح امسح بكرامتة الارض ...
واشحنة علي البلد في اوسخ كيس زبالة
وفعلا راحت قادرة علي شقة خالتي...
لكن...قبل ما تروح علي هناك
جابت زجاجة وكسرتها
ودخلت علي ياسين
وقالتلة..نعم؟
عايز مني ايه يا حيلتها؟
فا بصلها ياسين
وقالها...
اية يا بت الي في ايدك ده؟
قالتلة...
انجز ياض...
وقول انت جاي لية؟
فا قالها...
امشي غوري البسي هدومك عشان تسافري معايا
فا ردت قادرة
وسالتة
وقالتلة...
بتعرف تعمل باي باي؟
قالها..ايه السؤال ده؟
قالتلة...
عشان تودع كل حباييك
قبل ما اقطعك
وقربت قادرة ناحيتة برقبة الزجاجة
فا خاف وجري بعيد عنها
وهو بيقولها ..انتي اكيد اتهبلتي
فا بصتلة قادرة
وقالتلة...
هبل بهبل بقي
يبقي لازم تبات في القسم الليلة
وبجراءة ما بعدها جراءة
جرحت نفسها برقبة الزجاجة
وواتصلت ببوليس النجدة
واتهمتة بانه اتهجم عليها
وكان عايز يقتلها
وطبعا ياسين بات في القسم في الليلة دي
واترحل ع النيابة تاني يوم
وكنت متاكدة
ان ياسين اخويا
هيحرم يهوب ناحية القاهرة تاني
بعد الي قادرة عملتة فيه
وبعد ما اتخلصت من ياسين
اتنفست بارتياح
وبعدما اتخلصت من تحكمات وظلم ياسين
لقيت شهاب بية جاي عندي في الشقة
وبيقولي...
انا عايزك تاخدي بالك من نفسك يا صابرين
قلت...ليه؟
قالي...انا كلمت اكتر من صديق ليا في جهة امنية
وعملوا تحريات عن الباشمهندس
الي انا اديتهم عنوانة...
والبيانات بتاعتة
ومش هتصدقي الي عرفتة عنة
قلت...عرفت اية؟
قال...
الباشمهندس صلاح احمد عمران
الي انتي كنتي بتشتغلي عندة
قلت...مالة؟
قال...مات من سنة ونصف
ثواني بس
عشان بستوعب الكلام
الباش مهندس الي انا كنت بشتغل عندة
ولسة سايباه امبارح
طلع ميت اصلا من سنة ونصف؟
عارفين ده معناة اية........؟
لو عايز باقي احداث الرواية صلي علي رسول الله..وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
كملي بسرعه
ردحذفاللهم صل وسلم وبارك على سيدنا محمد وعلى آله وصحبه وسلم تسليما كثيرا
ردحذفماشاء الله عنك افكارك حلوي
ردحذفاللهم صل وبارك على سيدنا محمد وعلى آله وأصحابه وسلم تسليما كثيرا
ردحذفاللهم صلي وسلم وبارك على سيدنا محمد وعلى اله وصحبه اجمعين
ردحذفيبقي الشخص ده منحل شخصيه المهندس بعد مامات وسرقوا فلوسوا هو وعبد القادر وتتبع صابرين لما اخدت الشنطه ومثل علي صابرين أنه من العافريت
ردحذف👍
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفكملى بسرعه بجد تحفه 👌👌👌
ردحذفملكة الإثارة والتشويق يا حنون
ردحذفاللهم صل على سيدنا محمد وعلى آله وصحبه أجمعين
ردحذفقصصك دائما جميلة ومشوقة استمري ولا تطولي علينا مامنقدر ننتظر كتير قصصة حلوة ومشوقة
ردحذفالسلام عليكم ورحمة الله وبركاته بارك الله فيك يا اخت حنان المرأة لما تكون في عدة الطلاق ويتبين أنها حامل فإن عدتها تنتهي بوضع حملها وليس ثلاثة قروء فتنبهي بارك الله فيك
ردحذفآللهم صل وسلم على نبينا محمد وعلى آله وصحبه أجمعين
ردحذفطيب ليه قادره مقالتش لها عن عبد القادر أو هي سألت قادره
ردحذفاللهم صلي ع سيدنا محمد
ردحذف