رواية نوع من الحب - ‏الجزء ‏السادس

رواية نوع من الحب الجزء السادس - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية نوع من الحب الجزء السادس 

للكاتبة/حنان حسن 


بعدما عرفني حماية 

اننا علي وشك تنفيذ  المهمة...

 فاجئني... 

بانه ليه طلب... 
ورجاء
وعايزني انفذة 

بدون ما استغرب

 ولا افهم غلط

استغربت لكلامة

وسالتة؟؟ 

طلب ايه؟ 

قال... انا عايزك
توقعي علاء 

قلت.. اوقعة ازاي

قال.. عايزك توقعية في حبك
عايزة ... يتعلق بيكي 
 و يحبك 

استغربت لطلبة الغريب ده

لدرجة اني اكون شكيت في وداني

وقلت اكيد انا سمعت غلط
فسالتة
قلت.. نعم؟ 

رد حماية

وكرر نفس الطلب
 تاني

وقال... ايوه يا مريم

 انا قلت الي انتي سمعتية

انا عايز علاء يحبك... 

 ويعشقك بجنون كمان

 لدرجة انه ميقدرش يستغني عنك

 ولا يرفضلك طلب

وعايزك تعملي 
  المستحيل

 عشان توصلي لكده

بصيتلة بدهشة

وسالتة... 

قلت.. هو انت مش
 قلت 
اننا هنستدرجة بموضوع الثروة 
وبعد كده 

انت هتتعامل معاه بالقوة

 وتجبره انه يرجع العيال؟ 

بمجرد ما نعرف هو مخبي العيال فين؟ 

رد حماية 

وقال... ايوه فعلا انا قلت كده

وسالتة

قلت... امال ايه بقي لزمة انه يحبني ويعشقني؟ 

والطلب الي انت بتطلبة ده؟ 

رد حماية موضحا


للكاتبة حنان حسن



وقال... 
الطلب الي انا بطلبة ده

 ملوش علاقة برجوع ولادك و حقك انتي

الطلب ده 
مهم
 عشان رجوع حقي انا

بصيتلة باستغراب

وقلت.. مش فاهمة حاجة؟ 

قرب مني حماية

وقال... انا عايزك
 تساعديني 

اني اثبت برائتي

و زي منا هساعدك انك ترجعي ولادك 

انا كمان محتاج
 لمساعدتك

 عشان ارجع حقي

 
قلت... ايوه بس

 انا هساعدك ازاي؟ 

رد حماية

وقال... 

اسمعيني يا مريم
 كويس
 وحاولي تفهميني


قلت... اتكلم
 وانا سمعاك

قال.. انا قبل كده
 قلتلك
ان علاء وزوجتة لفقولي تهمة قتل


قلت.. ايوه


قال.. دليل برائتي مع علاء

وعلي حسب معرفتي بعلاء 

عارف..
 انه بيحتفظ بكل الحاجات المهمة 

في الخزنة بتاعتة 

وطبعا دليل البراءة موجود في الخزنة عنده

والخزنة محدش يعرف مكانها غير علاء

وحتي لو عملت المستحيل وعرفت مكانها 

الخزنة بباسورد
(رقم سري) 

والرقم السري ده
 محدش يعرفة غير علاء

من الاخر 

مش هقدر اوصل لدليل برائتي

 الا من خلال (وسيط) 

والوسيط ده
 لازم يكون مقرب  من علاء  

وعلاء بيمنحة الثقة

 والوسيط ده هقدر من خلاله  ادخل بيت علاء
 واوصل للخزنة


وانا عايزك انتي تكوني الوسيط ده

وطبعا ده مش هيحصل

 غير لما علاء يحبك

 وساعتها
 هيثق فيكي



ولسبب ده .. 

انا عايزك تعملي المستحيل

 عشان تقربي من علاء

 وتخليه يحبك ويعشقك بجنون

بصيت لحماية

بخيبة امل... 

ولقيتني بفكر بيني
 وبين نفسي

وبقول.. 

واضح اني مش فارقة معاه خالص


للكاتبة حنان حسن



بدليل انه بيطلب مني طلب زي ده

ولقيتني بسال نفسي
وبقول

وايه الصدمة في كده؟ 

هو انتي يا مريم 
كنتي بتحلمي انه يفكر فيكي؟ 

 بعد ما قولتيلة علي كل حاجة؟ 
وسردتيلة حكايتك البشعة

وحقيقة بنتك الي انتي متعرفيش مين ابوها لغاية دلوقتي؟ 


اتنيلي يا مريم
 وبلاش خيالك يجمح بيكي

 

انتي مهما روحتي ولا جيتي

 حتة بنت مشردة

لا ليها اهل... 
ولا بيت...
 ولا حد في الدنيا بيعترف بيها اصلا

واثناء ما كنت شاردة بذهني


سمعت صوت (حماية) 

وهو بيعيد عليا سؤال

قال.. انتي سمعاني يا مريم؟ 

بصيتلة بخجل

وقلت.. ايوه معاك

معلش عيد تاني
انت كنت بتقول ايه؟ 

قال... انا كنت عايز اعرف رايك

انتي موافقة انك تساعديني؟

اني اوصل لدليل برائتي ولا لا؟ 

قلت... وده سؤال؟ 

يعني معقولة انت بتعمل كل الي بتعملة ده ؟

عشان ترجعلي العيال؟ 


 وانا ارفض اساعدك عشان توصل لدليل برائتك؟ 


ابتسم حماية

وحط ايده في ايدي

وقال... يبقي اتفقنا

وقرب مني حماية
وقال.. 

عايزك بكره مترجعيش
من الحفلة

 غير وانتي بتتصلي بيا

 وبتقوليلي... 
 انك لفتي نظر علاء

بصيت لحماية

وسالتة

وقلت... انا بس مش فاهمة

 انت ليه واثق اوي اني ممكن اعجبة؟ 

مهو شافني قبل كده
 ومخدش بالة مني 

 وملفتش نظرة حتي

بالعكس ده كان قاصي جدا
 في معاملتة معايا

ابتسم حماية 

وقال... ده كان تصرفة معاكي
لما كنتي مريم
 القديمة...

ساعة ما كنتي مريم
 البنت الغلبانة... 

الي مكنتش مهتمة بنفسها 

لكن دلوقتي.. 

انتي مريم الغنية
( الثرية) 

 الي بتلمع بجمالها ...
وانوثتها 
الي برزوا بالاهتمام... واللبس.... والفلوس

وبعدين لاحظي ان علاء
انسان محروم

لانه  دافن شبابة 
مع زوجة اكبر من امة

 عمره ما حبها ولا عمره كان  بيطيقها

وتخيلي بقي رد فعل علاء بكره 

لما هيشوف بنت زي القمر
ارملة وحيدة

 مفيش في جمالها اتنين

بنت طلقة في الجمال
شكل... وجسم... وشياكة.... 
واستيل... 
ده غير انها مليونيرة

سمعت كلام حماية

وانا مش مصدقة نفسي

وسالتة
قلت.. الكلام ده عليا انا؟ 

قال.. ايوه طبعا بتكلم عنك انتي

وسالتة تاني

قلت... 
انت قلت اني حلوه وزي القمر؟ 

قال.. ايوه طبعا


للكاتبة حنان حسن


وسالتة بسعادة
قلت.. 
يعني بجد والنبي انت شايفني كده؟ 

قرب مني حماية.... 

وبص في عنيا....

 بعيونة العسلية
وقالي.. 

انتي احلي واحده شافتها عنيا يا مريم

قلت.. طيب بقي  امال في ايه؟ 

بصلي حماية بتعجب

وسالني.. 

وقال.. في ايه بالنسبة لايه؟ 

قلت... 
بالنسبة.. لعمي القلب
الي حاصل ده؟ 

قال.. مش فاهم تقصدي ايه؟ 

قلت.. لا ابدا ولا حاجة

 اقصد ان علاء ممكن يكون عنده عمي قلب 

ويطلع غبي بعيد عنك

 وميخدش بالة مني
مثلا

رد حماية

وقال... استحالة

 ده لو حجر 
هيتحرك ادام جمالك

وسالتة بغيظ

قلت.. يا راجل؟ 

رد حماية 
وقال... عيب عليكي

 دنا معروف عني اني عندي نظرة ثاقبة
في الامور دي

جربي انتي بس  بكره وهتشوفي

قلت.. ماشي

رد حماية وهو بيستعد
للمغادرة

وقال.. انا هسيبك دلوقتي

عشان تلحقي تنامي وترتاحي شوية

وبكره عايزك تقومي تستعدي للحفلة

عايزك تبقي  احلي واحده في الحفلة 

وسالتة

قلت.. هو انت هتبقي هناك؟ 

قال.. لا بس هيكون معاكي الرجالة بتوعي
 
عينهم هتبقي عليكي
 وهيحموكي لو لزم الامر


ده غير اني هكون معاكي بالجهاز ده

واداني حماية جهاز صغير في ايدي

وطلب مني البسة جنب الحلق 
في وداني 

اول ما اروح الحفلة

ولما سالتة 

ايه ده؟ 

قال... ده جهاز هقدر اكلمك واسمعك  واسمع كل حاجة بتدور حواليكي من خلالة

من الاخر 
هشوف الحفلة لايف
 وانا في البيت

عشان لو حصل معاكي اي موقف
 او حصلت مشكلة

اقدر اسمع واساعدك

قلت... يعني هتبقي متابع  معايا 

كانك معايا علي الموبيل مثلا

قال.. ايوه

 بالظبط كده

قلت.. تمام
و اخدت منه الجهاز

وبعدها تركني حماية
 و غادر

وتاني يوم

 قبل ميعاد الحفلة

لقيت حماية بيكلمني في الموبيل

وبيقولي...

 انا باعتلك العربية

وباعتلك مع السواق واحده من امهر البيوتي سنتر

 عشان تعملك شعرك  وتجهزك للحفلة

وبعتلك معاها كمان فستان
اتمني يعجبك

واستغربت لموضوع الفستان ده

وخصوصا انه كان جايبلي اكتر من فستان غالي قبل كده

فسالتة
ولزمتة ايه الفستان

منا عندي فساتين تنفع للحفلة؟ 

قال.. منتي فاهمة بقي؟ 

 اليلة دي 

 انا عايزك تبقي ملفتة للنظر
 بشكل غير عادي


قلت... ماشي

وبالفعل

بعد شوية

وصل السواق بالعربية

ولقيت البنت الي بعتها حماية 

داخلة بالفستان

وبالفعل.. ساعدتني اني ابقي جميلة 

ولما القيت اخر نظرة علي نفسي في المراية

كنت راضية عن شكلي

وبعتقد اني مجرد واحدة جميلة

وبعدها استعديت
 للخروج
 وحطيت الجهاز في وداني 

قبل ما البس الحلق

وبعدها  خرجت من الفيلا
 وركبت العربية الفارهة

 الي بعتهالي  حماية

 ووصلت للحفلة

وبمجرد ما نزلت من العربية 

لقيتني بلفت نظر واعجاب كل الي بيشوفني 

وكنت عارفة ان حماية سامع... وشايف كل الي بيحصل


للكاتبة حنان حسن


فسالتة بصوت واطي

وقلت... هي الناس دي مركزين معايا كده ليه يا حماية؟ 

رد عليا حماية

 وهمس في وداني وقالي

عشان انت جمالك محصلش ولا هيحصل
 يا مريم


في اللحظة دي بس

حسيت اني اجمل واحدة في العالم

 وساعتها بصيت للناس بثقة وشوفت
 اد ايه... الجميع كانوا مبهورين
 بجمالي فعلا

وفضلت ادور بعيني علي علاء

وومكنتش شايفاة

لكن بعد دقيقة

سمعت حماية
بيقولي

خدي بالك الهدف واقف علي شمالك في وسط شلتة
فسالتة

قلت... 
طيب وانا اعمل ايه عشان الفت نظرة؟ 

قال.. متعمليش حاجة

خليكي واقفة
 زي منتي
وانتظري ردي فعلة

قلت.. تمام

وبالفعل

بمجرد ما واحد من الشلة 
الي علاء كان واقف معاهم شافني

ولقيته لفت نظر الجميع

 ومن ضمنهم علاء

ولمحتهم بجنب عيني بيقربوا مني

وحاول واحد 
منهم انه يتودد ليا لكن انا صديتة وكسفتة

وبعدها جرب واحد غيرة من الشلة حظة معايا 


 لكن انا كنت بتجاهل الجميع

 وبرفض اني تجاوب مع اي حد في شلتة 

وكنت واقفة لوحدي

وانا بدعي
 اني منتظرة  اصدقاء ليا في الحفلة

لكن الغريبة
 ان علاء محاولش يقرب مني خالص

وكان واقف يتابع من بعيد
 في صمت

وهمست  لحماية

وسالتة
قلت... صاحبك مجاش ليه؟ 

قال... اصبري
 ومتبصيش ناحيتة مهما حصل

قلت... ماشي

وشوية... 

و ببص علي علاء

 لقيتة اختفي تماما
 من المكان


وورجعت تاني اسال
حماية

قلت.. صاحبك اختفي نهائي

وباين علية مشي من الحفلة

قال... لا ممشيش

الجماعة بيقولوا انه اتجة للجراج

فا سالتة

قلت... يعني خد عربيتة ومشي؟ 

رد حماية 
وقال
لا..لسة موجود في المكان 

بس واضح انه اختفي لما شافك

 
قلت... غريبة؟ 

رد حماية 
وقال

غريبة ليه؟ 

ده رد فعل عادي جدا

انتي ناسية انه خطف ولادك؟؟

واكيد خايف من رد فعلك 
لما تشوفية؟ 

لما سمعت من حماية ان علاء ممكن يكون مشي قلبي اتقبض

وسالتة
قلت... يعني افهم من  كده 
ان الخطة فشلت؟ 
وضاع الامل اني ارجع ولادي؟ 

وانتظرت رد حماية

وفجاة

لقيت حمايا

بيحذرني
 وبيقولي
اخرجي فورا يا مريم وسيبي الحفلة

قلت.. ليه؟ 

قال... اختفاء علاء مره واحده كده
 مش مريحني

 وخايف يكون بيرتب لحاجة

وعشان كده


للكاتبة حنان حسن


 لازم تمشي من عندك حالا

قلت.. ماشي

وبالفعل.. سيبت الحفلة وخرجت
 من القاعة الكبيرة

 واتجهت للباركينج

 عشان اركب العربية

 وارجع علي الفيلا

لكن قبل ما اوصل للعربية

اعترضت  طريقي عربية
غريبة 

ووقف صاحب العربية ادامي
 واتفتح شباك العربية

ولقيت ادامي.. 
علاء

هو الي قاعد علي عجلة القيادة

ولقيتة بيبتسم
 وبيقولي

ازيك يا مريم

ادعيت الدهشة... والذهول

وقلت... 

معقولة؟ 
علاء بيه؟ اخيرا لقيتك؟ 
انا ياما دورت عليك
رد علاء وقالي
انا كمان ياما دورت عليكي يا مريم

قلت.. فين ولادي الي خطفتهم
قال.. ولاد مين الي خطفتهم انا مخطفتش حد
قلت... لا انت خطفت اولادي واختفيت

 انت وعالية مراتك يعني انا ممكن اوديك في ستين داهية دلوقتي لو مقولتليش ولادي فين؟ 

رد علاء ببرود
 وقال
اولا انا مخطفتش حد

ثانيا.. الي اخد عيالك هي عالية هانم

 وهي قالتلي 
انها اخدتهم... 
بموجب تنازل منك انتي شخصيا عنهم
 مقابل مبلغ مادي هي دفعته ليكي
قلت... الكلام ده كدب وانا موقعتش علي حاجة
رد علاء بنفس البرود
وقال... غريبة لكن انا شوفت العقد الي انتي اتنازلتي فيه عن الولاد
وانتي بنفسك موقعة علي التنازل بايدك

قلت... اسمع بقي
انت لازم ترجعلي ولادي
يا اما قسما بالله....... 

وقبل ما اكمل تهديدي

شاورلي علاء... 
عشان اركب جنبة

وقبل ما كمل كلامي
قاطعني علاء
وقال... 

تعالي يا مريم اركبي

وفي اللحظة دي

سمعت حماية 
بيحذرني

وبيقولي.. متركبيش معاه

واطلبي منه يركب هو معاكي

قلت... انا عربيتي واقفة هناك
تعالي اركب انت معايا



بصلي علاء
 وفكر شوية

وقال.. مفيش مانع

وبالفعل... 
 ركن عربيتة

وجه معايا.... وركب عربيتي 

ولما دخل للعربية
اتوسلتلة

وقلتلة... 

ارجوك يا علاء بيه

 قولي فين عيالي

 انا بموت من ساعة ما اخدتوهم مني

وفي عز منا كنت بتحايل عليه

 عشان يرجعلي ولادي

لاحظت ان علاء بيبصلي بطريقة غريبة

وبعد شوية

لقيت  علاء بيه
بيقولي

انتي جميلة اوي يا مريم

 هو انا ازاي مكنتش واخد بالي منك 
قبل كده؟ 


بصيت لعلاء 

وفهمت الافكار القذرة الي بيفكر فيها

وقلت اتماشي معاه للاخر

وقلت... اخيرا اخدت بالك مني؟ 

بصلي علاء بدهشة

وسالني

قال.. ايه ده بقي

هو الاعجاب بينا متبادل ولا ايه؟ 

قلت... 
من اول لحظة


للكاتبة حنان حسن


 شوفتك فيها وانت عاجبني 

بالرغم من القسوة الي شوفتها منك

بصلي علاء... 
وابتسم

وقالي... واديني اخدت بالي

قلت... وانا تحت امرك بس رجعلي
 ولادي

في اللحظة دي

سمعت حماية
 بيوبخني
 وهو في شدة الغضب

وبيقولي... 

ايه الي انتي بتعملية ده يا غبية؟ 


كنت سامعة كلام حماية وتوبيخة

لكن انا مكنش هاممني ساعتة اي حاجة

ولا كنت مركزة في حاجة
 غير اني اعرف مكان العيال

وفجاة
 لقيت علاء
 بيقولي... 

تعالي معايا

قلت... هنروح علي فين؟ 


قال... انتي مش قولتي
انك هتبقي تحت امري

لما اوصلك لاولادك؟ 

قلت.. يعني انت هتوديني لاولادي دلوقتي فعلا؟ 


بصلي علاء 

وقالي... يبقي سيبك من العربية بتاعتك
 بقي 

وتعالي معايا في عربيتي

قلت... تمام

وبالفعل
 نزلنا تاني

 من عربيتي وروحت معاه 
في عربيتة

وبعد ما وكبت معاه

فضل  علاء سايق
العربية 

وانا كنت 
بعد الدقايق  والثواني

 عشان اوصل للعيال
 واخدهم في حضني

وبالفعل

 وصلنا لمكان في منطقة متطرفة

ونزل علاء

وقالي... 
انزلي يا مريم
وسالتة
قلت... انزل فين؟ 

قال... مش عايزة تشوفي ولادك؟ 

قلت.. ايوه

قال... خلاص تعالي
 نطلع ولادك 
هنا في العمارة دي


بصيت للبيت الي بيشاورلي عليه

وكنت متردده 
اني انزل

لاني كنت سامعة (حماية) من خلال السماعة

وهو.. عمال يصرخ في وداني

و بيقولي... 
 اوعي تنزلي معاه يا مريم

بس انا مسمعتش


للكاتبة حنان حسن


ونزلت... ومشيت مع علاء
 ناحية البيت

وانا متجاهلة صراخ حماية وغضبة

وفي الاخر 

طلعت معاه لشقة فوق

ووقفت ابص علي علاء وهو بيرن الجرس
والي طمني
اني لقيت نور جوه الشقة

وقلت...
 يبقي ممكن فعلا
 العيال يكونوا جوه

وبعد شوية
سمعت خطوات حد جوه الشقة
وبعدها
اتفتح الباب

وبمجرد ما اتفتح الباب

بصيت علي الي فتح الباب

واتفاجئت ب......... 
 

لو عايز باقي احداث القصة ضع عشر ملصقات مع متابعة صفحتي الشخصية
مع تحياتي
الكاتبة
حنان حسن

التعليقات

BLOGGER: 7

الاسم

رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية جواز عرفي,10,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة للإيجار,12,رواية شبة أنثى,12,رواية عشقتك رغما عنك,11,رواية علاقة ساخنة,9,رواية فضيحة بالدور الأرضي,5,رواية فعل فاضح,12,رواية قادر و فاجر,1,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,قصص و روايات,366,
rtl
item
حنان حسن - كاتبة روائية: رواية نوع من الحب - ‏الجزء ‏السادس
رواية نوع من الحب - ‏الجزء ‏السادس
رواية نوع من الحب الجزء السادس - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
https://lh3.googleusercontent.com/-86teFGfnZ84/YGSafaylsUI/AAAAAAAADS8/usvOJjrb50Ayhn8F0WXZpUdkM6QBIXGKgCLcBGAsYHQ/s16000/1617205882164304-0.png
https://lh3.googleusercontent.com/-86teFGfnZ84/YGSafaylsUI/AAAAAAAADS8/usvOJjrb50Ayhn8F0WXZpUdkM6QBIXGKgCLcBGAsYHQ/s72-c/1617205882164304-0.png
حنان حسن - كاتبة روائية
https://www.hananstory.com/2021/03/blog-post_31.html
https://www.hananstory.com/
https://www.hananstory.com/
https://www.hananstory.com/2021/03/blog-post_31.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content