رواية كان في و خلص يابيبي - ‏الجزء ‏الثالث

رواية كان في و خلص يا بيبي الجزء الثالث - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية كان في و خلص يا بيبي الجزء الثالث 

للكاتبة/حنان حسن 


بعد ما اتصلت علي الدكتورة سهام 
عشان استنجد بيها ..
بعد ما عماد مات

 بصراحة ...
لم يمر سوي وقت قليل ..

وكانت سهام ادامي ...

 ولما قولتلها علي الي حصل

 وشافت المصيبة الي انا فيها

 اتصلت سهام بهند حقنة 

عشان تشوف حل للشورة السودة 
الي شارت بيها هند عليا


للكاتبة حنان حسن



وبالفعل...
 وصلت هند بعد فترة قصيرة من الزمن

ولما اجتمعنا احنا الثلاثة ...

سالوني عن مكان نورهان ؟

فا اخدتهم لغرفتها

لكن ...لما دخلنا علي نورهان

 لقيناها قاعدة علي الكرسي ومغمضة عنيها..

 فا قربت منها عشان
 اصحيها 
فا لقيتها وقعت علي الارض

وبسرعة جريت عليها الدكتورة سهام 

ومسكت ايديها
 عشان تشوف نبضها...

 وفضلت تقلب فيها يمين.... وشمال

وفي الاخر..

قامت سهام من جنبها  ...
وهي وشها اصفر

وسالتني سهام
قالت
هو انتي دلقتي المية علي مين بالظبط؟

قلت..دلقتها علي عماد

ردت سهام

وسالتني تاني
وقالت

امال انتي عملتي ايه في نورهان  يا فريدة؟

قلت..معملتش حاجة

 انا بس قيدتها و جيبتها لغاية  الغرفة هنا 

عشان ...  كانت عايزة تبلغ عني 

وسالتها؟
قلت..هو في ايه؟

ردت سهام باسف

وقالت..
للاسف نورهان ماتت

نزل عليا الخبر كا الصاعقة
ولقيتني  بقول..

يا نهار اسووود

عمود نورهان ماتوا؟ ...ماتوا؟....ماتوا؟

وفي شقتي ؟
وفي ليلة واحدة؟

 يعني انا كده روحت في
 داهية ؟


للكاتبة حنان حسن


 ردت هند حقنة

وسالتني؟
وقالت..ايه عمود نورهان ده؟

اهدي كده واسمعيني

لو فعلا انتي صادقة في كلامك ومقتلتيهاش

يبقي ممكن تكون  ماتت بسبب خوفها منك لما هددتيها

يعني ممكن  تكون نورهان  ماتت
ب(سكتة قلبية مثلا)

وده معناه ... ان  نورهان ماتت موتة طبيبعية

وانتي كده ... مش هتبقي  مدانة

لكن بقي لو كنتي حاولتي تخنقيها مثلا 
او سممتيها او...او  ...

فا كده انتي هتبقي جيبتي لنفسك مصيبة ...
وحبل الاعدام هيتلف حوالين رقبتك

فضلت اعيط

واقولهم..صدقوني والله ما لمستها
 انا بس كنت بهددها بالسكينة

 عشان تمشي معايا للغرفة بتاعتها  لكن ملمستهاش

قعدت سهام بعدما تنفست بارتياح

واستلمتني نورهان

وقالت..

اسمعي يا فريدة

انا ممكن اخلصك من الجثتين...
 ونستخرجلهم تصاريح دفن شرعية 
 وندفنهم عادي جدا 
زي اي حد ميت طبيعي

وانتي كده موقفك القانوني هيبقي زي الفل

 ومفيش عليكي اي حاجة

لكن بشرط...

بصيت لهند حقنة بغيظ...

 لاني كنت حاسة انها هتتحفني بشرط زفت زيها 

ولقتني بسالها
وقلت..
شرط اية؟
تحبي نسلخ الجثتين قبل ما ندفنهم؟

ولا نلسوعهم في فخادهم؟

ردت هند حقنة

وقالت..
سلخ ايه  ولسوعة اية؟
لا طبعا


للكاتبة حنان حسن


قلت .. امال ايه هو الشرط؟

قالت...انا وسهام هنبقي شركاء ليكي
 في الميراث 
وهنتقاسم كل مليم هتورثية
 من عماد

قلت..موافقة 
بس خلصوني من الكابوس الي انا فيه ده


ردت هند حقنة

وقالت...اطمني ...
الدكتور الي كان متابع حالة عماد

 كان متوقع ان عماد ممكن يموت 
في اي وقت 

بسبب الجلطة الي اتصاب بيها

واحنا لو قدرنا نجيب واسطة

 هنقدر نمرر وفاة  عماد
 علي انها حالة وفاة طبيعية
  
ووجهت هند كلامها  للدكتورة سهام

وقالت...
انتي في ايدك انك تساعدي فريدة يا سهام

ردت سهام 
وقالت
اساعدها ازاي؟

قالت... ممكن تستعيني باي زميل ليكي
 عشان يساعدنا في استخراج  تصريح لدفن الجثث دي؟

بصت الدكتورة سهام 
لهند وبعد ما فكرت شوية

مسكت سهام الموبيل بتاعها

 ودخلت في الغرفة المجاورة لينا 
عشان تعمل اتصالتها

وبعد شوية

رجعت سهام بعد ما خلصت اتصالها

وقالت...
وانا خلاص اتصلت  باا لدكتور عوني زميلي...
 عشان يجي

فسالتها

قلت...الدكتور عوني ده هو   الي هيشخص حالات الوفاة؟

ردت الدكتورة سهام
وقالت..ايوه

وهو كمان
  الي في ايده انه يستخرج تصاريح بالدفن 

وبالفعل...
لم يمر الا القليل من الوقت

  الا وحضر الدكتور عوني
والقي نظرة سريعة علي  الجثث 

 وكان واضح ان الوسطى واخده حقها

لان الفحص كان روتيني وغير دقيق 

المهم ان بعد كام ساعة

 قدرنا نحصل علي ..
 تصاريح بدفن الجثتين

وبعد ما قمنا بدفن جثة عماد وجثة نورهان....

في مدافن الصدقة

رجعت في السيارة مع الدكتورة هند والدكتورة سهام

وفي اللحظة دي

 بصيت لسهام وهند وانا مش مصدقة
ان المشكلة اتحلت اخيرا

و اني خلاص  خرجت من المصيبة دي

وسالت سهام
قلت..
هو كده خلاص؟

 انا صحيت اخيرا من الكابوس ده؟

ردت هند 
وقالت...
لسه متفرحيش اوي
لان في خطوة مهمة لازم تتعمل

قلت... اي خطوة؟

ردت هند
وقالت...

خلي بالك ان عماد ممكن يظهرلة اقارب ....او زوجات تانين
 غير نورهان


للكاتبة حنان حسن


عشان كده
 لازم تامني نفسك 

فسالتها
قلت ائمن نفسي ازاي؟

ردت هند موضحة

وقالت...
بسرعة شوفي اي محامي يوثق الاوراق
 الي عماد وقع عليها

قلت..ماشي انا عندي محامي شاطر 

ردت سهام 
وقالت
طيب انجزي 
واتصلي بالمحامي 

عشان تنقذي التركة من الضياع

وبالفعل... اتصلت بشريف نتنياهو المحامي

  وحددت معاه ميعاد

 واخدت الورق الي عليه توقيع عماد وروحتلة 
انا ..وسهام ...وهند

وجلسنا احنا الثلاثة عنده في المكتب

وطبعا اضطريت اشرح لنتنياهوا كل الي حصل

 عشان افهمة
انا ازاي اخدت توقيع عماد علي الورق 

وبعد ما استمع نتنياهوا
 لحكايتي
 بصلي من تحت النظارة بنظرة لؤم 
ولقيتة بيصفق  بايده  
وبيقولي ...برافوووو

قلت..برافوا علي ايه؟

قال...لانك خدعتي جوزك واخدتي توقيعة  
علي ورق ابيض ...
وقتلتية بعدها 
 وهتورثية دلوقتي

وكل ده....
 وموقفك القانوني سليم

بجد شابوووووة

اتصدمت من كلام نتنياهو 

واتصدمت اكتر ...
انه فهم من حكايتي  اني مجرمة

خططت ...وسرقت... وقتلت عشان اورث

واستفزني كلامة 

لدرجة ...اني قمت وقفت وانا بحاول افهمة انه غلطان 

فا قلت...اية الي انت بتقولة ده يا استاذ شريف؟

انا اصلا مقتلتش حد 
ولا........
وقبل ما اكمل كلامي

لقيت نتنياهو استوقفني في الكلام

وقالي...
يا مدام فريدة انا مش بتهمك بحاجة 
انا هنا المحامي بتاعك

 يعني مهما عملتي او اقترفتي من اخطاء
 انا في صفك ...وهدافع عنك

ولازم تثقي فيا 
ومتخافيش مني ولا من الكلام معايا

وفي اللحظة دي

سالت هند سؤال لنتنياهو

قالت..المهم دلوقتي يا استاذ شريف
 انت هتقدر تنقل الملكية من عماد لفريدة بالتوقيع  الي بخط عماد ؟
 
رد نتنياهو بثقة 

وقال.. اعتبرية حصل

واعتبري ان مدام فريدة هي صاحبة كل شيئ دلوقتي

ابتسمن هند وسهام 

وهن ينظرن لبعضهن 

وبعد ما نتنياهوا
طمنا ...ان ثروة عماد
 اصبحت في حيازتي


للكاتبة حنان حسن


رجعنا انا وسهام وهند حقنة علي بيتي

وفي بيتي كانت المفاجئة

لاني لما جلست مع هند وسهام
عرفت الي في دماغهم

ولقيتهم بيقترحوا عليا اقتراح غريب 
ومستحيل في نفس الوقت

فا مثلا ...
لقيت هند بتقولي...

ايه رايك بقي دلوقتي في شورتي الي كانت مش
 عاجباكي يا فريدة؟

اديكي خلصتي من جوزك الظالم وضرتك الي كانت فرساكي

(وورثتي كمان) 

قلت ...اه صحيح علي رايك
وسالتها
قلت...
 شوفتي النصيب عمل ايه؟

ردت هند
 وقالت...
ده مش النصيب

الي حصلك ده كان بمساعدتنا ليكي انا وسهام

قلت..مش فاهمة تقصدي ايه؟

ردت هند 
وقالت ...

 سهام تنبات بموت عماد 

وانا ساعدتك بالعقار الي حقق النبؤة
وانتي بذكاء الانثي قدرتي تستفيدي من الموقف

قلت...بردوا مش فاهمة حاجة؟

ردت هند 
وقالت
احنا الثلاثة ساعدنا بعض 

لغاية ما حررناكي من عبودية عماد جوزك 

واستفدنا احنا الثلاثة بالميراث

والي حصل ده 
اثبت اننا ممكن نتعاون 
مع بعض
 عشان نحقق ثروة طائلة

وسالتها بدهشة؟

قلت...نتعاون؟ ونحقق ثروة ازاي؟ 
وضحي كلامك؟

تدخلت سهام

وقالت....انا هفهمك يا فريدة

وبدات فريدة تشرح مقصد هند

وقالت...
هند تقصد اني انا عندي ميزة مش عند حد تاني

وهي اني بقدر اتنبأ باشياء ممكن تحصل في المستقبل

وهند كمان عندها العقار السحري الي اخترعتة 
وساعد في الخلاص من عماد

 بدون ما حد يكتشف ان العقار هو السبب

وانتي كمان يا فريدة

 اصبحتي ارملة جميلة... وثرية 

نقدر نستخدمك كا طعم نصطاد بيه الضحية

واحنا الثلاثة لو اتعاونا هنجني ثروة مهولة

بصيت لسهام وانا حاسة اني فقدت التركيز ...والفهم كمان

ولاحظت سهام اني لسة مش فاهمة

فا بدات تشرح بالامثلة
وقالت..
يعني مثلا يا فريدة
 انا  عندي شخص  في حياتي معذبني
 زي ما عماد كان معذبك
 بالظبط 

وسالتها

قلت..مين الشخص ده؟

ردت سهام
 قائلة

الشخص ده هو... الدكتور شوقي
 كان زميلي في المستشفي الاستثماري
 الي كنت بشتغل فية من فترة



للكاتبة حنان حسن


 وكان فقير زي حالاتي

 ووهمني بالحب
 فا رفضت كل العرسان الي اتقدمولي عشانة

 لغاية ما ضاعت مني سنين كتير من شبابي وانا مستنياه

وللاسف 
كانت غلطة عمري
 لما صدقتة...
 وهو  بيعشمني بالجواز

واضافت سهام
 قائلة

شوقي يا فريدة 
كان افظع من عماد

لانة ياما استغلني  ...

واخد فلوسي... وتحويشة عمري 

وخدعني باسم الحب 

لغاية ما سلمتلة نفسي...

ولما طلبت منه يوفي بوعده..
 ويتجوزني
 اتهرب مني... واختفي فجاءة

 وفي الاخر
 اكتشفت انه اتجوز مديرة المستشفي
 الي بنشتغل فيها انا وهو

 والبية راح اتجوز واحدة اكبر منه بثلاثين سنة ...طمعا في فلوسها...
ولما  زوجتة ماتت 
( ورثها)
 واصبح بيمتلك المستشفي
 الي انا بشتغل فيها

واول قرار اخده شوقي بعد ما اتعين مدير للمستشفي

 هو... انه فصلني من شغلي 

ودلوقتي انا  بشتغل في مستشفي حكومي

 وباخد راتب مش بيكفي مواصلات ...واكل ...وشرب
  زي منتي شايفة

بصيت لسهام
 وبصراحة... اتعاطفت معاها جدا

وقلتلها..

ياااه يا سهام 
انتي كنتي بتعاني كل ده لوحدك؟

طيب ليه معرفتنيش ؟

دنتي كنتي بتقوليلي كل حاجة

ردت سهام 
وقالت...
انا دلوقتي بقولكم لاني محتاجة مساعدتكم 

ولو اتعاونا احنا الثلاثة

هننتقم من شوقي زي ما انتقمنا من عماد

وسالتها

قلت...ايوه بس هنساعدك ازاي؟

ردت سهام
وقالت
امبارح باليل انا تنبات تاني

و شوفت ادامي شوقي وصلاح وهما بينتهوا  نهاية سودة

اسوء من الي شافها عماد
 
وعشان كده...

 انا عايزاكي تتجوزي شوقي يا فريدة

 وعايزة النهاية الي حصلت  لعماد تحصل لشوقي

وساعتها هبقي انتقمت منه

وفي نفس الوقت 
هنورثة 
وهرجع فلوسي الي سرقها مني

وسالتها
قلت..لحظة يا اختي استني عليا  والنبي
  الحوار الي فات كان فيه اسم صلاح
مين صلاح ده كمان؟

وفي اللحظة دي

تدخلت هند في الحديث
وقالت
صلاح ده يخصني انا

لاني انا كمان في شخص قهرني ونفسي انتقم منه

والشخص ده هو صلاح

وصلاح ده ....اتسبب في حرماني من خطيبي الي كنت بحبة


للكاتبة حنان حسن


 اصل صلاح كان عارف 
ان خطيبي محوش قرشين للجواز 

وكان عارف كمان ان الفلوس  في البيت 
بحكم انهم اصدقاء 

وفي ليلة ...
دخل صلاح  دبح خطيبي بدم بارد 
وسرق فلوسة

والبواب شهد بكده

 لكن صلاح الكلب 

جاب شهود اثبتوا انه كان في مكان تاني 
ساعة ارتكاب الحادثة

 وخرج منها 
وشغل الفلوس الي سرقها

 ودلوقتي بقي مليونير 

ومش قادرة اخد منه حق 
ولا باطل

ومن يومها 
وانا عايزة اقضي علية 

لانه سرق فرحتي وقتل خطيبي وحبيب عمري

واضافت هند

قائلة

 ولو انتي يا فريدة اتجوزتي صلاح 

 انا هقدر انتقم لدم خطيبي

 وهرجع الفلوس الي صلاح الكلب سرقها 

ونورثة زي ما ورثنا عماد
 بالظبط

بصيتلهم وانا حاسة اني عايزة ازغرط من فرحتي بيهم هما الاتنين

ولقيتني بقولهم...

يا صلاة النبي عليكي انتي وهي

لا دا واضح التجربة كانت شيقة
بالنسبالكم

وواضح كمان
 انكم حبيتوا الموضوع اوي

وسالتهم

وقلت...
يعني انتوا عايزني زي ما جلطت عماد ...وجيبتلة شلل...
ودفنتة مشوي

اعمل كده في حبايبكم انتوا كمان؟

ردوا الاتنين في نفس واحد وقالوا

ايوه .....بالظبط كده

قلت...استحالة طبعا مش هعمل كده

ولازم تعرفوا ان الظروف هي الي غصبتني
 اعمل في عماد كده 

لكن انا عمري ما كنت مجرمة 
ولا قتالت قتلة

وفي اللحظة دي

اقتربوا مني هما الاننين

وبداؤ يهددوني

وقالت سهام

اسمعي يا فريدة

انتي مش مخيرة يا حلوه

انتي مجبرة تنفذي كل الي هنطلبة منك

قلت مش هيحصل وعلي جثتي اني انفذ الي بتطلبوه ده
ردت هند
وقالت..
لا هتنفذي ورجلك فوق رقبتك

لاننا لينا  عليكي دين 
ولازم تردية

يا اما بقي هيوصل بلاغ صغير للنائب العام 

بان في جثة ادفنت ومشكوك في وفاة صاحبها 

وساعتها هيخرجوا الجثتين

 وهيكتشفوا  ان عماد يا قلبي
 اتشوا قبل ما يموت 

وبقي ...
 نصف سوا

بسبب كيد النسا 
وغيرة النسوان


وساعتها حبل المشنقة هيتلف حوالين رقبتك

واضافت هند

قائلة...
ده غير الجرايد الي هتخلد الجريمة 

ووصمة العار هتفضل ملزمة بنتك طول العمر

وشوفي بقي بنتك ممكن يحصلها ايه 

لما يعدموكي وهي تفضل لوحدها
ده غير ال....

وقبل ما تكمل الجذمة ليستة البلاوي
 الي ممكن تحصل لو انا رفضت طلبهم

لقيتني بسالهم

قلت..انا معترضتش علي الجواز يا جماعة 


للكاتبة حنان حسن


انا بس كنت بسال..

 انا هبدء بشوقي ولا صلاح؟

ردوا الاتنين في صوت واحد
وقالوا..  

الاتنين...
سمعت ردهم
وموصلنيش المعني اوي

فا قلتلهم..
لا انا معنديش مشاكل ان كنت اتجوز الاتنين ولا الخميس

انا بسال

انا هبدء بجوازي بمين الاول ؟

 بشوقي ولا صلاح؟
ردوا تاني في صوت واحد وقالوا...
بشوقي ....وصلاح

وكنت هرد عليهم رد مش محترم لولا ان.............



لو عايز باقي احداث القصة
ضع عشر ملصقات مع متابعة صفحتي الشخصية
مع تحياتي
الكاتبة
حنان حسن

التعليقات

BLOGGER: 1

الاسم

رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية تحت بير السلم,12,رواية جواز عرفي,10,رواية حضن الأرامل,13,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة للإيجار,12,رواية زوجة محرمة ليلا,12,رواية شبة أنثى,12,رواية عشقتك رغما عنك,11,رواية علاقة ساخنة,9,رواية غرام في الظلام,9,رواية فضيحة بالدور الأرضي,5,رواية فضيحة طبيب,13,رواية فعل فاضح,12,رواية قادر و فاجر,1,رواية كان في و خلص يا بيبي,13,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,قصص و روايات,438,
rtl
item
حنان حسن - كاتبة روائية: رواية كان في و خلص يابيبي - ‏الجزء ‏الثالث
رواية كان في و خلص يابيبي - ‏الجزء ‏الثالث
رواية كان في و خلص يا بيبي الجزء الثالث - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
https://lh3.googleusercontent.com/-KyontH-Th_8/YO98njVXcpI/AAAAAAAADhg/_JUAiifGXvwFPbKUy9KAOK1J8NRMD6flQCLcBGAsYHQ/s16000/1626307730396074-0.png
https://lh3.googleusercontent.com/-KyontH-Th_8/YO98njVXcpI/AAAAAAAADhg/_JUAiifGXvwFPbKUy9KAOK1J8NRMD6flQCLcBGAsYHQ/s72-c/1626307730396074-0.png
حنان حسن - كاتبة روائية
https://www.hananstory.com/2021/07/blog-post_15.html
https://www.hananstory.com/
https://www.hananstory.com/
https://www.hananstory.com/2021/07/blog-post_15.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content