رواية كان في و خلص يابيبي - ‏الجزء ‏الخامس

رواية كان في و خلص يا بيبي الجزء الخامس - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية كان في و خلص يا بيبي الجزء الخامس 

للكاتبة/حنان حسن 


بعدما اتقنت دوري  في الاسانسير
وادعيت باني مريضة 

عشان الاقي فرصة للتعارف
 علي الدكتور شوقي

وبعد ما  نجحت فعلا اني احصل علي تعاطفة معايا ....

 ومع حالتي الصحية

في اللحظة دي

كنت ناوية اني او طد علاقتي بشوقي  اكتر ...

واطلب منه رقم الموبيل الخاص به
لكن قبل ما اعمل كده

توقف بينا  الاسانسير....


للكاتبة حنان حسن


فا احتضني شوقي بيدية ...
خوفا عليا من اني اصاب بالدوار واقع علي الارض

وانتهزتها فرصة عشان اغرية 


واستفردت بشوقي في المصعد

واستخدمت اسلوب السهوكة

وخفضت من طبقة صوتي 

 وكنت بتكلم بهمس يكاد لا يكون مسموع

ولما لقيتة احتضني بذراعية
لفيت ذراعي حول رقبتة

وكنت  عايشة في الدور 

وكاني بمثل في رواية رومانسية

 لكن  الي وقف المشهد المؤثر ده

 هو عودة صوت سهام في  السماعة الي في وداني


وكانت عمالة تصرخ وتشتم

وتقولي...ردي عليا يا زفتة؟

انتي فين  يا زبالة؟

وفي اللحظة دي

بصيت لشوقي 

وقلتلة..
ياررربي....  اهلي قلقانين عليا جدا 
عشان كده كل شوية الاقيهم بيتصلوا بيا 

ومسكت الموبيل
وعملت نفسي برد علي  حد من اهلي

وقلت..
الووو..ايوه يا طنط 

ردت سهام وقالتلي...

طنط في عينك
 انتي في انهي داهية ؟ يا زفتة انتي؟

قلت...انا تعبت تاني يا طنط...

 وروحت اكشف ....
وانا دلوقتي عند الدكتور 
شوقي 
عشان بيكشف عليا


ردت سهام بغضب

وقالت...شوقي مين يا غبية؟

قلت..دكتور شوقي يا طنط انتي نسيتية ولا ايه؟

ردت سهام بعصبية 
وقالت...
يعني اذاي انتي عند الدكتور شوقي يا متخلفة

اذا كان شوقي ادامي علي باب العمارة تحت اهوه؟

بعد ما استمعت لكلام سهام....

فهمت ان حصل لخبطة 
 واني  اتقابلت في الشخص الغلط

 وفي اللحظة دي

بصيت للاخ الي كان حاضني
وعمال يفعص فيا  بضمير

 ولقيتني اتعدلت 
وقلتلة...
معلش ايدك كده يا باشمهندس   شوية

 

بصلي الاخ الي كان عايش في دور المنقذ 
وهو بيسبل في عنية




للكاتبة حنان حسن


وقالي..لا
 بلاش تجازفي وتبعدي عني 
 لا تقعي تاني

خلي ايدك في ايدي

بصيتلة بغضب...
 ورفعت طبقة صوتي...
 لغاية ما وصلت لطبقة صوت المرحوم غسان مطر

وقتلتة...
ايدي ايه الي عايزني اخليها في ايدك
 يا عم النحنوح ؟

 انت فاكرني نجاة في فيلم الشموع السوداء؟

رد الشاب بعد ما اتفزع من التغيير المفاجئ

وقال...
لا والله انا مقصدتش حاجة 

انا بس كنت عايز افضل ساندك

 لغاية ما اوصلك لعيادة الدكتور الي انتي طالعالة

قلت.. دكتور مين يا عم ...
 وسع من طريقي

انا لازم انزل لان دكتور شوقي لسة  تحت
ولما سمعت سهام عمالة تشتم باقذر الالفاظ

قفلت السماعة الي بيني وبينها

وسحبت  ايدي من ايده والتفت ناحية باب المصعد

 وضغطت علي زرار المصعد
 عشان انزل  ....
والحق الدكتور شوقي ادام باب العمارة

لكن لقيت الشاب الي كان واقف معايا
بيقولي...استني متنزليش
الدكتور شوقي طالع حالا

فسالتة
قلت...وانت عرفت منين؟

رد الشاب وهو بيمد ايده ناحيتي عشان يقدملي نفسة

وقال..انا الدكتور سليم ....

مدير المستشفي
 الي حضرتك فيها دلوقتي

بصيتلة بتعجب

وقلت...ازاي الكلام ده؟

انا اعرف ان مدير المستشفي (وصاحبها )

هو الدكتور شوقي؟

رد الشاب
وقال...الكلام ده مش صحيح

المستشفي دي كانت ملك  ليا انا ووالدتي
( الدكتورة تماضر) 
 الله يرحمها 
بالمناصفة

وانا كنت المدير المسؤل عن المستشفي كلها

لكن لما ولدتي تزوجت من الدكتور شوقي

 تنازلت عن نصيبها في المستشفي له
الي هو النصف

واصبح الدكتور  شوقي شريك في المستشفي 

واخذ منصب (نائب المدير)

وانا فضلت المدير المسؤال
 زي منا 
لاني شريك بنسبة ٥١ في المية 

يعني الدكتور شوقي ملوش اي سلطة مطلقة هنا

لما لقيت الدكتور سليم بيتكلم عن شوقي بقرف كده 

وبيحاول يقلل من شانة ادامي

قلت..احاول اسخن الدكتور سليم  واستفزة 

 عشان اشوف العلاقة بين الابن... وزوج الام
  اخبارها ايه؟

علاقة مسمومة.... ولا الدنيا تمام ؟

فا ابتسمت وسالتة

قلت...غريبة 


للكاتبة حنان حسن


امال ليه الدكتور شوقي ...ماشي يقول في الدنيا كلها 

انه بيمتلك المستشفي
بالكامل 

وانه هو المدير المسؤال كمان؟


رد الدكتور سليم....
 بعد ما بدت علي وجهة علامات الغضب

وقال ساخرا

الدكتور شوقي ميقدرش يدير محل كشري  حتي

فما بالك  بمستشفي كبير زي ده

بس هو الي حابب يعيش في الدور


قلت...اه كده انا فهمت

كان واضح من كلام الدكتور سليم
 وسخريتة من شوقي

ان العلاقة بينهم منيلة بستين نيلة 
وتكاد تصل لدرجة العدواة

وبصراحة..انا ارتحت جدا للموضوع ده 

و حسيت اني لقيت السلم
 الي هيوصلني للزواج من شوقي في اسرع وقت

وفي اللحظة دي

مديت ايدي للدكتور سليم

وانا بقولة...انا لسه معرفتكش بنفسي

انا فريدة مهران

سيدة مجتمع ...

اكيد انت سمعت عني....

اصلي مشتركة في معظم النوادي الراقية الي في مصر ....

بس جاية النهاردة اكشف عند الدكتور شوقي

 عشان مريضة زي منتا شايف

ابتسم الدكتور سليم

وهو بيمد ايده

وقال.. اتشرفت بحضرتك

قلت...ميرسي لزوقك

ولما لقيتة بيبص في عنيا وعمال يسبل

حاولت اغير الموضوع بعد ما حسيت بالخجل

وقلت..
معلش لو كنت عطلتك معايا واخدت من وقتك....

 اصلي  بجد انا تعبانة اوي
 وقلبي  تاعبني جدا

عموما تقدر تتفضل 

وانا كمان هروح ادور علي عيادة دكتور شوقي

عشان الحق احجز كشف عنده

ابتسم الدكتور سليم
وسالني...
قال..انتي بتقولي انك بتشتكي من قلبك صح؟

قلت...ايوه صح

رد الدكتور سليم


وقالي...امال ليه جاية عند الدكتور شوقي؟

من كلام الدكتور سليم

حسيت ان الدكتور شوقي مش تخصص قلب

فا حاولت اصلح الي انا نيلتة

وقلت... 
انا عارفة ان الدكتور شوقي مش متخصص في امراص القلب

بس انا عندي مشاكل في المعدة 
عشان كده قلت اعدي عليه بالمره

ابتسم تاني الدكتور سليم
وقالي...

بصراحة بردوا  انا مش شايف اي داعي انك تكشفي عند الدكتور شوقي

قلت...ليه؟


قال...انتي عارفة دكتور شوقي تخصص ايه؟

بعد ما سمعت سؤالة ارتبكت

 لاني فعلا مكنتش عارفة الدكتور شوقي متخصص في ايه؟

لكن كان لازم اهرب من السؤال
فا عملت نفسي بتالم


وقلت..
مش وقت اسالة دلوقتي يا دكتور 
انا تعبانة جدا زي منتا شايف

ولازم اسيبك عشان اروح احجز عند الدكتور شوقي حالا

 عن اذنك...وكنت هسيبة وامشي...

لكن لقيت الدكتور سليم

بصلي  بشفقة علي حالة الالم الي انا فيها
وسالني

طيب تحبي ادخلك لطبيب قلب متخصص يكشف عليكي؟

قلت...يا دكتور بقولك انا مش عايزة غير الدكتور شوقي 

مش  برتاح غير في الكشف عنده يا سيدي انا حره
 
قال...خلاص براحتك

قلت...بعد اذنك بقي عشان هروج احجز و.....

وقبل ما اكمل كلامي.... لقيتة بيشاور علي باب المصعد

 وبيقولي...
اهو الدكتور شوقي طلع اهوه


ولما بصيت علي الدكتور شوقي....

 لقيت ادامي  شخص كيشر  وضارب بوز ميتخيرش عن بوز عماد الله يرحمة


واثناء ما كنت واقفة ابص علي الدكتور شوقي...

سمعت الدكتور سليم
 بيقولي..
تعالي انا هدخلك للكشف 
 بدون حجز ...


للكاتبة حنان حسن


 طالما تعبانة اوي كده

قلت...ايوه بس.....؟

قال...متقلقيش من حاجة بس انتظري هنا دقيقة

وغاب سليم شوية

وبعديها لقيت ممرضة جاية عليا
وبتقولي ....
اتفضلي الدكتور منتظرك

فا مشيت معاها....

 و قبل ما نوصل  لغرفة الكشف الخاصة بالدكتور شوقي

سالت الممرضة؟

قلت...هو الدكتور شوقي تخصص قلب وباطنة ؟
ولا باطنة فقط؟

بصتلي الممرضة بتعجب
وقالتلي..

الدكتور شوقي مش تخصص باطنة ولا قلب

قلت...امال الدكتور شوقي تخصص ايه
ردت الممرضة 
قالت..
تخصص مسالك بولية

اتصدمت لما عرفت تخصصة

وفضلت شايلة هم الكشف 

 وقولت لنفسي
يا نهار ازرق؟

يعني من بين كل التخصصات الي في الدنيا.... يطلع شوقي متخصص مسالك بولية؟

لا وانا كنت عمالة اقول للدكتور سليم
 اني مش برتاح غير في الكشف عند الدكتور شوقي؟

يادي النيلة

طيب  هدخل اقول للدكتور شوقي انا بعاني من ايه دلوقتي؟

المهم فضلت ماشية مع الممرضة

ولما دخلتني لغرفة الكشف
قعدت علي المكتب
ادامه

ولقيت الدكتور شوقي
 بيسالني؟

قال...ايه الاخبار

قلت..زفت

قال...ليه بس ايه الي تاعبك؟

فضلت بصالة
وانا بقول لنفسي

طيب هقولة ايه ده دلوقتي والنبي؟

وبدات احاول اخترع اي شكوي

لكن ملقتش حاجة اقولهالة

ولقيتني 
بهبل باي كلام

وقلت...اصل...ال....ال....

ولما الدكتور شوقي شافني متوترة

سالني
قال..ال.... اية؟

اهدي كده وقوليلي

 انتي بتعاني من ايه  بالظبط؟


قلت..ايوه منا هقولك اهوه يا دكتور كل حاجة

قال اتفضلي...

قلت...
اصلي انا بليل لما بصحي بلاقي نفسي عطشانة...

بصلي الدكتور شوقي

وقالي..ايوه تمام ....
سامعك كملي

قلت...لما بعطش بقي باليل بيبقي ريقي ناشف

زي ما هو ناشف دلوقتي بالظبط كده 
قال..وبعدين؟

قلت...
وكل يوم ريقي بينشف جامد

واتكررت حكاية الريق الناشف دي كتير

و قلقت بصراحة....
 لا يكون  عندي مشاكل في المسالك البولية

فا قلت اجي اطمن علي نفسي

بصلي الدكتور شوقي بتعجب

وقال..الريق الناشف ممكن يكون عرض.... من اعراض مرض السكر

وسالني
قال...حضرتك بتدخلي الحمام كتير؟

قلت...ايوه انا بدخل استحمي كل يوم تقريبا

قال...لا انا بسال عن اخبار البول

قلت..الحمد لله البول كويس

قال...طيب كشفتي عند طبيب باطنة قريب؟

قلت..بصراحة بقي يا دكتور ...

انا كشفت كل التخصصات
والكل اجمع اني سليمة 

واخيرا  نصحوني  اني اكشف عند طبيب نفساني

ولما روحت للطبيب النفساني


للكاتبة حنان حسن



قالي اني عندي فوبيا من المرض

 ودي سببها اني  بعاني من الوحدة

بصلي الدكتور شوقي من تحت النظارة

وسالني
قال..امال حضرتك جوزك فين؟

قلت...لا للاسف انا ارملة وعايشة لوحدي


وبالرغم اني زوجي ترك ليا ثروة كبيرة جدا  كل الناس بيحسدوني عليها

الا اني حاسة اني وحيدة 
وديما عندي هاجس

اني ممكن اتعب واموت زي
 المرحوم في اي لحظة

بصلي الدكتور شوقي بتمعن بعد ما عرف اني ارملة وحيدة وبمتلك ثروة هائلة

وقال...انتي ليه مش بتروحي نادي ؟
او تحاولي تختلطي بالناس؟

قلت...انا انطوائية بطبعي

 لكن شعوري بالوحدة زاد بعد ما ماما اتوفت 
من ست شهور

 اصل ماما كانت اخر حد فاضلي من عيلتي كلها

بعد ما استمع الدكتور شوقي لكلامي
وعرف اني صيد سهل

لبس نظارة النظر ...
وفضل يبصلي ويتفحصني..
من فوق لتحت

 وكانة  بيعملي كشف هيئة

 وواضح اني عجبتة...

 لانه ابتسم ابتسامة رضا 

وعينة لمعت

ولقيتة بيقولي

لازم يا مدام  تعملي صداقات جديدة
 لان الانسان مينفعش يعيش لوحده

قلت...في ناس كتير بتحاول تقرب مني 

وفي عرسان كتير اتقدمولي...

 واقربهم.... الدكتور سليم
 ابن الدكتورة تماضر الله يرحمها

انتفض الدكتور شوقي بمجرد ما سمع اسم الدكتور سليم

وسالني...انتي بتقولي ان الدكتور سليم اتقدملك؟

قلت.. ايوه
 وكان عمال يقنعني بالزواج منه...
ويقولي.... انه طبيب ناجح وشريك في المستشفي بنسبة ٥١ في المية 
وغيرها من الاغراءات

لكن انا قلتلة هفكر

اصلي  بصراحة ...
ميعجبنيش نوعية الدكتور سليم




للكاتبة حنان حسن


بصلي الدكتور شوقي وسالني باهتمام

وقال...امال ايه مواصفات الراجل الي ممكن تقبلي تتجوزية؟

قلت...عايزاه  شخصيتة قوية
 عشان احس اني اقدر اعتمد عليه

ولو حسيت اني تعبانة الاقية جنبي
 بدل الوحدة المخيفة الي انا فيها دي

وقبل ما اكمل كلامي....

سمعت موبيل بيرن
 خلاني قطعت كلامي معاه ....

وكان موبيل الي بيرن هو موبيل الدكتور شوقي

ولقيتة انشغل عني شوية بمكالمة الموبيل


وفي اللحظة دي

انتهزت فرصة انشغالة 

واتصلت علي سهام

وفهمتها... اني في المكتب عند الدكتور شوقي

وطلبت منها  تبعت الممرضات...
 الي هي متفقة معاهم 

عشان يصيتوني ...ويثبتوا للدكتور شوقي

 اني فعلا ارملة ثرية  ووحيدة

وبعد ما خلصت المكالمة

كان الدكتور شوقي كمان خلص تليفونة

ولقيتة...
اقترب من جرس علي مكتبة
وداس عليه

وسالني

تشربي ايه؟

قلت...ميرسي لزوقك
 مش عايزة

قال.... لا لازم تشربي حاجة

قلت..قهوة مظبوط

وفي ثواني

دخلت ممرضة علي صوت الجرس


وكان واضح انها
تبع سهام

لانها اول ما شافتني 

ادعت انها تعرفني من زمان

 وقابلتني بترحاب شديد 

وهي بتقولي...

معقولة حضرتك هنا؟

اهلا بيكي يا فندم

حضرتك نورتينا ....ونورتي
 المستشفي كلها 

ابتسمت 
وقلتلها...ميرسي

وطلب الدكتور منها انها تجيب القهوة


للكاتبة حنان حسن


وبعد ما خرجت الممرضة

لقيت الدكتور شوقي
خرج  كارت شخصي عليه اسمة وتليفونة 

ومد ايده بيه

وقالي...

عموما انا اتمني تعتبريني صديق مقرب

و لو احتجتي لاي استشارة طبية 
او اي غير طبية

ياريت تعتبريني صديق....

 وتكلميني في اي وقت

ابتسمت
وقلتلة....
ميرسي لزوقك يا دكتور
 شوقي

ولما بصيتلة شوفت في نظرة عينة انه هو الي بدء يرسم عليا

فا ابتسمت وانا ببصلة

وقلت... انا همشي بقي...
 وبعتذر اني اخدت من وقتك يا دكتور

وفي اللحظة دي

لقيتة بيقولي...

هتمشي تروحي فين؟

انتي ناسية انك لسه هتدخلي للكشف

قلت..كشف ايه؟

رد الدكتور شوقي

وقالي...
لازم اكشف عليكي 
عشان نطمن ان كلة تمام

قلت...لا اطمن يا دكتور انا بعد ما اتكلمت مع حضرتك ...
حسيت
ان المسالك كلها سلكت الحمد لله
 
وقمت وقفت بعد ما حطيت الكارت في شنطتي

واستاذنت عشان امشي....

لكن لقيتة
 بيسالني..

قال....مش هتشربي قهوتك؟

ابتسمت
 وقولتلة...

معلش يبقي ليا قهوة عندك

نشربها مع بعض في وقت تاني 
ان شاء الله

وبعد ما سيبت الدكتور شوقي
روحت علي سهام 

ولقيتها قاعدة بتنتظرني
 علي احر من الجمر
و معاها هند حقنة

ولما سردتلهم كل الي حصل مع شوقي
طلبوا مني اني اعمل نفس الشيئ مع صلاح

لكن المره دي عرفوني  شكلة

من خلال الصورة الي كانت بتجمع بينة وبين خطيب هند علي موبيلها...

وعرفوني كمان انه واخد توكيل   شركة ادوية شهيرة

وكانت الخطة....
 ان هند  هتطلب طلبية كبيرة من شركةالادوية باسمي

عشان يستدرجوا صلاح ويتعرف بيا


للكاتبة حنان حسن


وبمجرد ما هقابل  صلاح هيكون عليا انا اني اطمعه فيا وافهمة اني ارملة ثرية ووحيدة بمتلك صيدلية وغيرها من الاملاك
وبالفعل تمت الخطة كما يجب ان يكون
وفضلت اتكلم مع شوقي بالساعات في الموبيل ..وبمجرد ما اقفل معاه اكلم صلاح ....وهاكذا

ولم يمر ثلاثة ايام 

الا وكنت تمكنت من شوقي... وصلاح 

والاتنين اتعلقوا بيا 

  لدرجة ان كل واحد فيهم 

كان بيتعجلني في طلب الزواج

وطلبت مني سهام...
 اني ابدء... بالزواج من شوقي
 يوم الثلاثاء

 والاربعاء اتزوج من صلاح

والخميس ندفن الاتنين
وننتهي من
شوقي وصلاح

وجهزت سهام الماذون الي اجرتة زي ما اجرت كل حاجة...

 من اول الفيلا المفروشة لغاية فستان الفرح

  وجهزنا الفيلا للفرح الي هيتعمل يوم الثلاتاء

وفي مساء الثلاثاء (يوم الفرح)

 سهام اتصلت بيا  وقالتلي..
اجهزي ....
لان شوقي في الطريق 

و داخل علي الفيلا

وبالفعل...  لبست فستان ابيض

 وجهزت نفسي

 لكن قبل ما اخرج

اتفاجئت  بهند جاية تجري عليا

وهي بتقولي...

مصيبة يا فريدة مصيبة

اتفزعت من صراخها

وسالتها؟؟؟

قلت...
 ايه الي حصل؟

مصيبة اية؟
ردت هند بصعوبة
وقالت.........



للكاتبة حنان حسن


لو عايزة باقي احداث القصة

 سمعيني الصلاة علي النبي

 عشان ناخد انا وانتي حسنات...

وياريت كمان عشر ملصقات

  عشان تشجعني علي سرد المزيد من الاحداث

ده طبعا مع متابعة صفحتي الشخصية

مع تحياتي
الكاتبة...حنان حسن

التعليقات

BLOGGER: 8
  1. رواياتك تسر القلب والخاطر بالتوفيق ياحبيبتي

    ردحذف
  2. اللهم صلي على سيدنا محمد

    ردحذف
  3. اللهم صل وسلم على سيدنا محمد وعلى اله وصحبه اجمعين

    ردحذف
  4. اللهم صلي وسلم وبارك على سيدنا محمد وعلى آله وصحبه أجمعين

    ردحذف
  5. اللهم صل و سلم و بارك على سيدنا محمد

    ردحذف
  6. صلاح صاحب شوقي

    ردحذف
  7. اللهم صل وسلم وبارك على سيدنا ونبينا وحبيبنا محمد وعلى آله وصحبه أجمعين

    ردحذف

الاسم

رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية تحت بير السلم,12,رواية جواز عرفي,10,رواية حضن الأرامل,13,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة للإيجار,12,رواية زوجة محرمة ليلا,12,رواية شبة أنثى,12,رواية عشقتك رغما عنك,11,رواية علاقة ساخنة,9,رواية غرام في الظلام,9,رواية فضيحة بالدور الأرضي,5,رواية فضيحة طبيب,13,رواية فعل فاضح,12,رواية قادر و فاجر,1,رواية كان في و خلص يا بيبي,13,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,قصص و روايات,438,
rtl
item
حنان حسن - كاتبة روائية: رواية كان في و خلص يابيبي - ‏الجزء ‏الخامس
رواية كان في و خلص يابيبي - ‏الجزء ‏الخامس
رواية كان في و خلص يا بيبي الجزء الخامس - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
https://lh3.googleusercontent.com/-HeSkxi2QQgM/YPML9cxgY2I/AAAAAAAADhw/DyzBi0KsYZguFy953veud580seBJzPNuwCLcBGAsYHQ/s16000/1626541034166906-0.png
https://lh3.googleusercontent.com/-HeSkxi2QQgM/YPML9cxgY2I/AAAAAAAADhw/DyzBi0KsYZguFy953veud580seBJzPNuwCLcBGAsYHQ/s72-c/1626541034166906-0.png
حنان حسن - كاتبة روائية
https://www.hananstory.com/2021/07/blog-post_17.html
https://www.hananstory.com/
https://www.hananstory.com/
https://www.hananstory.com/2021/07/blog-post_17.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content