العشق الخفي الجزء الثالث عشر للكاتبة..حنان حسن بعدما خرجت من دوار العمدة اكتشفت اني مليش حد اروحلة..فا فضلت قاعدة بالساعات ادام...
الجزء الثالث عشر
للكاتبة..حنان حسن
بعدما خرجت من دوار العمدة اكتشفت اني مليش حد اروحلة..فا فضلت قاعدة بالساعات
ادام السور بتاع الدوار
وانا عمالة افكر يمكن الاقي حل للسم الي بيجري في دمي ..ولا يمكن اقدر استوعب حاجة من الي بيحصل..
لكن...للاسف
لا لقيت حل...ولا قدرت افهم اي حاجة
فا قلت لنفسي يظهر اني خلاص كده دي نهايتي
ولازم اكتب وصيتي عشان الفلوس الي عندي تروح للاعمال الخيرية
واهو ابقي عملت لاخرتي
وكنت ناوية اقوم انفذ فعلا
قبل ما اليوم يخلص
لكن..سمعت صوت حريمي بيقولي..
انتي هنا يا عبير وانا بدور عليكي
فا التفت با اتجاه الصوت
واتفاجئت انها نبوية..
(بنت خالتي)
فا استغربت انها رجعت تاني
وسألتها..
وقلتلها..عايزة ايه يا نبوية وراجعة تاني ليه؟
فا ردت نبوية
وقالتلي..راجعة عشانك يا بنت خالتي
بعدما لقيتلك الحل
فا رديت وقلتلها..حل ايه
فا ابتسمت نبوية
وقالتلي..دلوقتي العمدة بيقول انه هيتجوز الي تجيبلة مية التنين الي فيها شفاءة
فاانا اتصرفت وروحت للشيخ بتاعي...
وجيبت منه مية التنين
وعشان عارفة انك بتحبي العمدة يا عبير
جيبتهالك عشان تديهالة وتتجوزية
طبعا كلام نبوية مدخلش دماغي ببصلة
اصل مش معقول فجاءة كده نبوية تتحول من شيطان لملاك
لكن... قولت خليني معاها للاخر
فسألتها
وقلتلها..وانتي هتستفادي ايه ؟
فا ردت نبوية عليا برد قلقني اكتر
وقالتلي...هريح ضميري يا عبيري
بصراحة بقي انا من ساعة ما اتسببت في قتل خالتي وانا ضميري مش بينيمني ليل ولا نهار
ومصدقت ان جت الفرصة اني اكفر عن الذنب
واديني بساعدك تتجوزي العمدة
بعدما سمعت كلام نبوية للاخر
لقيتني بفكر في كلامها
لكن...قبل ما ارد عليها...
سمعت صوت العمة زيادة عند البوابة وهي بتنادي عليا انا ونبوية
وبتقولنا ...تعالي هنا منك ليها
فا روحنا للعمة ولقيناها مصممة انها تدخلنا للدوار تاني
بحجة اننا ندور معاها علي مصاغها الي ضاع
ولقيت نفسي مغروزة في مصيبة جديدة
وقلت ياريتني كنت مشيت من ادام البيت من ساعة ما العمدة طردني
لكن طبعا مشيت زي الشاطرة مع العمة زيادة ودخلت معاها اوضتها عشان ندور علي مصاغها وذهبها الي راح
اما بالنسبة لنبوية
فا دخلت تدور مع الشغالات في باقي الاوض
المهم
اول لما دخلت مع العمة زيادة غرفتها
لقيتها بتسألني
وبتقولي..
كنتوا واقفين تخططوا لايه تاني انتي وبنت خالتك؟
وفين الدهب الي سرقتوة؟
مش كفاية الي عملتوه في العمدة؟
ساعتها افتكرت لما نبوية تركتني ادام الدوار وطلعت تجري وكأنها عاملة مصيبة
ودا معناه ان نبوية سر..&قت وانا بتظلم معاها كا العادة
في اللحظة دي
خارت قوايا ..ومبقتش قادرة اتحمل ظلم تاني خلاص
فا فضلت اعيط
وانا بقولها ..لو عايزة تبلغي وتسجنيني ظلم اتفضلي
انا كده كده اخر يوم ليا في الدنيا النهاردة
فا رمقتني العمة الطيبة بنظرة شفقة
وقالتلي..حد الله بيني وبين الظلم
دا الظلم ظلمات يا بنتي
بس انا باخد بالبينة
والادلة بتقول انك قتلتي امك..ودسيتي السم للعمدة
واصابتية بالشلل
وغيرها كتير من البلاوي الي سمعتها عنك
يبقي ظلم ايه الي بتتكلمي عنة؟
فا رديت بتوسل
وقلتلها..
ارجوكي قبل ما تظلميني .....اسمعيني
انا واقعة في مشكلة بتهدد حياتي ومش فاهمة حاجة ولا عارفة اعمل ايه
وانا هقولك علي الحقيقة كلها
وهسيبك تحكمي عليا ..
فا بصتلي العمة بشفقة
وقالتلي..
احكي سمعاكي
وبالفعل..
سردت للعمة زيادة قصتي كلها بتفاصيلها من اول ما اتجوزت لشاكر لغاية منا واقفة ادامها دلوقتي
لكن الغريبة ان العمة بعدما سمعتني مسألتنيش عن حاجة غير قصة نبوية الاخيرة وحيازتها لماء التنين
وقالتلي..وانا ايه الي اكدلي ان نبوية هي الي جابتلك ماء التنين ؟
مش يمكن تكوني انتي الي روحتي لساحر وجيبتية
فا رديت
وقلتلها..الدليل ..هو اني مخدتش منها الزجاجة الي فيها الميه
يعني نبوية هي الي معاها الميه مش انا
فا ردت العمة زيادة
وقالت..طب اسمعي
انا هبعت اجيب نبوية
و هتداري ورا الستارة دي
وانتي خليها تقولك موضوع المية تاني ادامي
فا هزيت راسي
وقلت..حاضر
وبالفعل..
اختفت العمة خلف الستارة
ودخلت عليا نبوية
وقالتلي..
هي فين العمة؟
قلتلها ..كانت طلباكي عشان تدوري معانا علي الدهب
لكن سمعت الشغالة بتقولها العمدة تعبان فا راحتلة
فا ضحكت نبوية وبدات تتكلم بحرية
وقالت..شوفتي المرة المخبولة؟
الولية يختي بتتهمنا بسرقة دهبها ؟
هو حد كان قالها ان احنا ريا وسكينة؟
في اللخظة دي
غيرت الموضوع
وقلتلها..بصي يا نبوية
انتي من شوية واحنا علي الباب برا
قلتلي..انك اتصرفتي وجيبتي ماء التنين الي هيعالج العمدة
ارجوكي بقي روحي اعطية للعمدة يمكن لو ربنا شفاه يسيبونا نروح لحالنا
فا ردت نبوية وهي بتخرج زجاجة صغيرة من صدرها
وقالتلي..
لا ....انا خلاص مبقتش افكر في جوازي من العمدة
وعايزاكي انتي تتجوزية
عشان اكفر عن ذنبي
فا خدي انتي الزجاجة و اديهالة
فا اخدت الزجاجة من ايديها وانا عارفة ان العمة زيادة بتابعنا وشيفانا من فتحة صغيرة من الستارة
المهم
بعدما ..
اكدت للعمة زيادة صدق روايتي
عملت نفسي شرقانة
وطلبت من نبوية شوية مية
ولما خرجت نبوية من الغرفة
خرجت العمة زيادة من خلف الستارة
واخدت مني مية التنين
لكن انا حذرت العمة زيادة
وقلتلها..خلي بالك اوعي تعطي المية دي للعمدة
فقالتلي.. ليه؟
قلتلها..لاني اتلسعت من نبوية قبل كده..
ومش داخل عليا حوارها ان ضميرها صحي فجاءة
لانها معندهاش ضمير اصلا
م الاخر ..الميه دي ممكن تأذي العمده
فا ردت عليا العمة زيادة
رد مفاجئ
وقالتلي...مش شغلك
انا ادري بمصلحة ابن اخويا
وبعدها اخدتني العمة زيادة
ونزلنا للمقعد الي في اول دور
وقالتلي...انتظريني هنا
ونبهت عليا اني متكلمش في حوار مية التنين مع اي حد
وبعدما تركتني ...
راحت با اتجاه غرفة العمدة
وانا رجعت تاني للتوهة
وبقيت واقفة ومش فاهمة حاجة
وشوية ...ولقيت نبوية جاية تقف جنبي
وتسالني
وبتقولي..هي الولية الحيزبونة دي كانت بتجري علي غرفة العمدة كدا ليه؟
يكونش العمدة مات؟
فا بصيتلها بغضب
وقلتلها..معرفش
المهم
فضلت انتظر العمة زيادة
وكنت فاكرة انها هترجعلي لوحدها
لكن...فجاءة
رجعت العمة زيادة ومعاها العمدة
والعمدة كان بيمشي علي رجلة
ولقيتني بسال نفسي
وقولت ..
يكونش العمدة شرب من المية الي جابتها نبوية واسترد صحتة بسببها؟
وفي اللحظة دي
سمعت العمة وهي بتقولنا علي اول خبر سعيد
وهو..ان العمده استرد صحتة
وربنا من عليه بالشفاء
والخبر الثاني
ان العمدة قرر يتجوز
والخبر الثالث والاخير
ان العروسة تبقي (نبوية)
وامرت العمة زيادة
الشغالات الي في بيت العمدة انهم يجهزوا العروسة عشان هتتزف علي عريسها الليلة
ويارتها اكتفت بكده وخلاص
لا دي جابت كاسين من الشربات
واعطتهم للعمدة ولعروستة
وطبعا فرحت نبوية وفضلت تشرب في الشربات وهي بتبصلي عشان تغيظني
في اللحظة دي
لقيت دموعي نزلت غصب عني
فا جريت علي العمدة
وصرخت فيه
وقلتلة..انت مش خلاص ربنا من عليك بالشفاء؟
اديني الحقنة بتاعتي خليني امشي من هنا
فا بصلي العمدة بغضب
ومردش عليا
وكل الي عملة انه امر با انصراف جميع الشغالات
ومفضلش غيري انا ونبوية والعمدة وعمتة زيادة
ولما لقيتة رافض يرد عليا
حاولت تاني
وقلتلة...ارجوك احقني بالترياق واعتقني لوجه الله
في اللحظة دي
رد العمدة
وقالي...
الوقت الي فضلك مبقاش كتير
والسم بيتغلغل في عروقك
ها لسه عايزة تفهمي
ازاي ايمن في ليلة وفاته كان شايف عفريت شاكر؟
مع ان انا الي كنت في غرفتكم ساعتها؟
فا رديت بغضب
وقلتلة..
مش عايزة اعرف حاجة
(انا عايزة الترياق)
فا رجع العمدة يلعب با اعصابي و يسألني تاني
ويقولي..
طب مش عايزة تعرفي انا ليه ديما كنت بطلب منك تقتلي العمدة؟
ولا عايزة تعرفي انا ليه كنت ديما بحميكي وبخاف عليكي؟
في اللحظة دي
شوفت نظرات الغيرة والغضب في وجه نبوية
فا رديت بعدما فضولي نال مني
وقلتلة..
اه ....عايزة اعرف
ونفسي افهم
فا رد عليا العمدة
بهدوء
وقالي.. اقعدي يا عبير وانا فهمك كل حاجة
وبالفعل سرد العمدة الحقيقة كاملة
الحقيقة الي مكنتش اتخيل انها ممكن تحصل علي ارض الواقع فعلا
وبمجرد ما سمعت الحقيقة من العمدة
فهمت ساعتها ليه ايمن قال انه شايف عفريت شاكر
وعرفت كمان مين الي انقذني من الحريق
ومين الشاهد الي شهد في صفي يوم الحريق
وعرفت مين الي قتل ايمن؟
وعرفت قصة عفريت شاكر
وعرفت مين الي خبي العصير الي قتل امي؟
وعرفت مين الي اخترع قصة حملي..ولية؟
وعرفت حاجات غريبة اوي
بس الاهم من دا كله
اني عرفت قصة( مية التنين)
الي كانت مجننة العمدة
وخلتة يقرر يتجوز نبوية بسببها؟
لا استنوا بقي منا مش هتصدم لوحدي..
لازم اصدمكم واجننكم معايا
عارفين العمدة قالي ايه......؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
جميله
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفعليه افضل الصلاه والسلام
ردحذفروعه كالعاده وبتبهرينا ياحنون
اللهم صل وسلم وبارك على سيدنا محمد وعلى اله وصحبه اجمعين
ردحذفاللهم صلي وسلم وبارك على سيدنا محمد وعلى آله وأصحابه أجمعين
ردحذفاللهم صل وسلم وبارك على سيدنا وحبيبنا محمد صلاة تنحل بها العقد وتنفك بها الكرب وتفتح بها لنا أبواب الفرج
ردحذفجميلة جدا ومشوقه تسلم الأيادي ويدوم الإبداع يا حنون
ردحذف