رواية شبة أنثى - ‏الجزء ‏التاسع

رواية شبة أنثى الجزء التاسع - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية شبة أنثى الجزء التاسع 

للكاتبة/حنان حسن 


بعدما دعكت الخاتم عشان
 استدعي مصروم

روحت انتظرة في غرفة مبروكة
.. وبعد شوية
الباب اتفتح في غرفة مبروكة
 وكنت فاكرة أن إلى هيدخل عليا 
هو مصروم؟ 

 لكن.. 
اتفاجئت.. بأن إلى داخل عليا هو.. 
الضابط (شريف)
 إلى ماسك القضية 

وكل شوية... يقولهم 

(هاتوا البت الشغالة) 

واستغربت من دخول الظابط عليا 
مره واحدة كده

وكمان كان واقف يبصلي من غير ما يتكلم


للكاتبة حنان حسن



فسالتة
قلت.. أي خدمة يا بية؟ 

قال... انا جاي ادردش معاكي شوية يا نعمة

وسألني..
 قال.. مش انتي اسمك نعمة بردوا؟ 

قلت.. اسملة علي دماغك يا بيه
ايوه اسمي نعمة

قال.. اسمعي يا نعمة

انا هدخل في الموضوع على طول

 عشان تعرفي انا عندك هنا ليه دلوقتي

قلت.. اتفضل يا بيه

قال.. انتي طبعا عرفتي

 أن حسان هو الي قام بمحاولة قتل زيدان بيه وزوجتة نسمة؟ 
قلت.. أيوه عرفت

قال.. وياتري عرفتي  كمان ان عقوبة القتل مستنياه 
وانه  هياخد اعدام؟ 

قلت.. ايوه عرفت

قال.. للأسف يا نعمة انتي كمان متهمة بالقتل زي حسان 
بالظبط 

قلت.. يلهوي انا متهمة؟ 

قال.. طبعا متهمة

وممكن تتعدمي معاه

بعد ما سمعت كلام الضابط.. 

قلبي وقع في رجليا

وفضلت اعيط 
وانا بسالة
واقوله.. ليه يا بيه؟ 

 وانا مالي بالي عملة حسان؟ 
 والختمة الشريفة 
انا ماليا اي دعوة بموضوع القتل ده

بصلي الضابط بمكر

وقالي.. ازاي بقي يا نعمة؟ 
مش انتي قولتي في التحقيق 
أن حسان كان معاكي في الوقت إلى حصل فيه جريمة القتل؟ 

وشهادتك دي ملهاش غير معنى واحد

 وهو.. انك شريكة لحسان في الجريمة

قلت... لا ابوس ايدك يا بيه.. 
اهدي عليا كده 
وانا هقولك على كل إلى حصل بالظبط

سحب حضرة الضابط كرسي
 وقعد عليه


للكاتبة حنان حسن



وهو بيقولي..
 ايوه بقى منا جاي هنا دلوقتي
 عشان اعرف ايه الي حصل بالظبط؟ 

وقال.. احكي يا نعمة

قلت.. بص يا بيه

 انا اتجوزت حسان

 وانا معرفش عنه أي حاجة 

لأنه جه اخدني من البلد على هنا.. 
ومكنتش اعرفة

وأول ما جيت هنا اتفاجئت
 انه متجوز غيري ثلاثة 

وكان عايز لامؤخذه يعني يا بيه
 يدخل عليا أدام زوجاته الثلاثة
 ويعيشني معاهم في نفس الاوضة

فا استغثت بالست ام فريده
 الله يرحمها 
وهي إلى نجدتني منه 
وحكمت بيني وبينه

 وهو خاف منها وقبل انه  يطلقني 

ومن يومها وانا عايشة عندهم  هنا 
وبخدم في البيت..

 لغاية يوم الحادثة 

إلى اتقتل فيها زيدان بيه
 ولقيت حسان بيقولي

 أن البوليس ممكن يقبض على الشغالة

 لأنها اول واحده بيشكوا فيها 
وخصوصا لو مقدرتش تثبت انها كانت في مكان تاني وقت وقوع الجريمة

وانا ساعة وقوع الجريمة كنت نايمة لوحدي
فا حسان فكر انه ينقذني من الورطة دي

فا اقترح عليا 
اني  اقول اني كنت معاه ليلتها
وهو كمان هيشهد بأني كنت معاه 
عشان ميقبضوش عليا واتبهدل 
لغاية ما الحقيقة تظهر

عشان كده انا قلت لحضرتك يومها

 اني كنت عند حسان في اوضتة... 

صدقني يا بيه والختمة الشريفة هي دي الحقيقة كلها

بصلي الضابط شوية
 بعد ما سمعني للاخر


للكاتبة حنان حسن



وقال...
 انتي عارفة انك بكده تبقى شهدتي شهادة زور وضللتي العدالة؟ 

والتهمة دي لوحدها كفيله انها ترميكي في السجن
 فترة كبيرة؟ 

فضلت اعيط واتوسل
واقول...
 ابوس ايدك يا بيه...

 انا مكنتش اعرف أن إلي انا قلتة ده غلط

ارجوك يا بيه انا مش عايزه اتحبس

بصلي الضابط 
وهو بيفكر 

وقالي...طيب اسمعي يانعمة
 انا ممكن اعتبر الأقوال  الزور
 إلى انتي قولتها في المحضر
 كأنها متقالتش

 لكن ده مش هيحصل غير في حالة واحدة

قالت.. ايه هي يا بيه
الحالة دي؟ 

قال...انتي عارفة ان حسان هربان

وانا عايزك... تساعدني اني اجيب حسان 

قلت.. ايوه يا بيه
 بس انا معرفش هو فين؟ 

قال.. زوجاتة الثلاثة اكيد يعرفوا هو فين

 أو حتى يعرفوا حد يعرف هو فين

انا بقى عايزك تدخلي وسطهم
.... وتتشقلبي 
لغاية ما تعرفي  حسان فين

ويا اما ترشديني عن حسان
 يا اما تتعرض  للسجن بتهمة تضليل العدالة

وممكن كَمان تهمة القتل تتلزق فيكي
 وتشيلي انتي الليلة

وبعد ما قال الضابط إلى هو كان جاي عشانة

خرج شريف بيه كارت من جيبه
 ومد ايده بيه ناحيتي 

وهو بيقول... 
كل الي عليكي تعمليه بس 
انك تتصلي بيا على الرقم ده
 بمجرد ما تعرفي مكان حسان 
وادامك مهلة اسبوع


للكاتبة حنان حسن



 ولو مجاش حسان
 ربنا يتولاكي انتي بقي

وتركني الضابط وخرج من الغرفة
 وانا حسيت اني قلبي وجعني من الرعب

 بسبب إلى قالهولي الضابط

وقعدت اعيط 
وانا بقول لنفسي... 

يعني انا لو َمجيبتش حسان هشيل الليلة؟ 

طيب هجيب حسان انا منين دلوقتي بس ياربي؟ 

وفضلت.. اعيط

وانا بقول... انت فين يا (مصروم) سايبني ليه؟ 

وفجاءة

سمعت صوت مصروم بيقولي.. 
انا هنا جنبك يا نعمة

اول ما سمعت صوتة

 حسيت اني زي الغريق إلى كان بيموت
 وفي لحظة
 لقيت طوق النجاة 
إلى كان بمثابة النجدة 

إلى هتنجدني من الغرق

قلت... تعالي يا مصروم الحقني
 وشوف إلى حصلي

رد مصروم 
وقالي

ايوه انا سمعت كل حاجة 

وسالتة
قلت... وعرفت أن الضابط عايزني اجيبلة حسان؟ 

قال.. ايوه سمعت

قلت.. طيب وبعدين هعمل ايه؟ 

قال.. انا مش عايزَك تشيلي هم

واعتبري الموضوع اتحل

قلت.. اتحل ازاي بس؟ 

قال.. قلتلك متخافيش طول منا جانبك

ومتشليش هم حاجة 

قلت.. ايوه بس البوليس عايز يقبض على حسان حي 
عشان يعترف بأنه هو الي قتل

وحسان دلوقتي مات

ممكن تقولي هتحلها ازاي دي كمان؟ 

قال.. هو احنا مش قولنا ممنوع الاسالة؟ 

قلت.. معلش منا لازم اسأل 
لأن الضابط مديني مهلة اسبوع
 يعني انا كده ممكن اروح في (ام الدواهي) 

قالي.. هتروحي فين؟ 


للكاتبة حنان حسن



قلت.. في( ام الدواهي) 
يعني هروح في اكتر من داهية

ابتسم مصروم وقالي
لا متخافيش

من بكرة هيكون حسان في قبضة رجال البوليس
 ومعاهم اعتراف مسجل بصوتة كمان
 انه هو الي ارتكب الجريمة لوحده

ولما هيحققوا معاه هيتاكدوا من انك بريئة

قلت.. تقصد أن حسان لسه عايش؟ 

طيب ازاي؟ 
دنتا قتلتة ادامي؟ 

بصلي مصروم بغيظ
وهو بيقولي

انا مش عارف انتي ليه ديما بتنسي ان ممنوع
الاسالة؟ 

قلت.. ماشي مش هسال عن حسان

لكن في حاجة لازم أسألك عليها 
ولازم تجاوب

 عشان انا مرعوبة منها

قال.. حاجة ايه؟ 

قلت.. مبروكة

عايزة اعرف مين مبروك دي؟ 
وحكايتها ايه؟ 
ويأتري هي انسان زينا؟ 

ولا زيك من الجان؟ 

بصلي مصروم
 وسالني
قال.. انتي ايه الي خلاكي تقولي انها من الجان؟ 

قلت.. لأن لما الست فريدة كانت ملبوسة

 دخلت  مبروكة  تعالجها 
و بمجرد ما مبروكة بصت لعين الست فريدة

الست فريدة خفت وبقت زي الفل

ده غير أن مبروكة قالتلي
 أن الست الكبيرة ماتت مقتولة... قبل ما بتوع الاسعاف يجوا
 ويكشف ا علي الست الكبيرة

يبقى ده ايه؟ 


للكاتبة حنان حسن



بصلي( مصروم) شوية من غير ما يتكلم

وسالني

قالي..انتي شوفتي مبروكة امتي؟ 

قلت.. بعد ما الست الكبيرة ماتت على طول
 شوفت مبروكة

 وهي الي قالتلي أن الست الكبيرة ماتت

 و  القطط زادت واحدة
 
واختفت بعد كده 
على طول

فضل مصروم يبصلي وهو سرحان

وبعدين قال.. 

انا عايزك تاخدي بالك من مبروكة

وعايزك كمان متنميش لوحدك هنا

خليكي مع فريدة  في غرفتها 

قلت.. منا ببات مع فريدة

بس انت ليه خايف من مبروكة اوي كده؟ 

رد... مصروم
قال.. عشان انا من الجن الطيب 
لكن َمبروكة من الجن المؤذي

قلت.. يا صلاة النبي 

يعني كمان من الجن المؤذي؟ مش من العادي؟ 

قال.. ايوه مبروكة مش هتغادر  البيت
 الا لما تقتل كل الي في البيت 
ويبقى كل الي فيه قطط 

قلت.. تقصد أن الدور  عليا
 انا والست فريدة؟ 

قال.. ايوه

وعشان كده لازم تحذري منها
 ومتديهاش الامان

قلت... بقولك ايه

 طيب ماخد الست فريدة ونمشي من هنا احسن؟ 
لان مبروكة من الجن وانا مش هقدر احمي نفسي
 ولا احمي الست فريدة منها

رد... مصروم

قال.. مبروكة
 هتوصلكم لو روحتوا  لأي مكان وهتقتلكم بردوا

فا متسبيش البيت

قلت... يلهوي يا امة

طيب وبعدين ايه الحل دلوقتي؟ 

قال.. بمجرد ما تشوفي مبروكة ادامك

ادعكي  الخاتم

هتلاقيني جنبك


للكاتبة حنان حسن



وانا هعرف اتعامل
 معاها

قلت.. يا عم هو انا لسه هدعك؟ 
 ما تخليك معايا وتبات هنا؟ 

قال.. اخليني معاكي فين؟ 
قلت.. هنا.. 
قال.. وانام فين؟

قلت.. نام معايا هنا والنبي احسن انا خايفة

قال.. انتي شايفة انه ينفع 
اني انام انا وانتي في اوضة واحدة؟ 

قلت.. اه ينفع عادي والنعمة 

قال.. لكن كده عيب ومينفعش عشان انتي ست وانا راجل
ابات معاكي ازاي؟ 


قلت.. يا عم انا واحدة سفلة... وقليلة الأدب انت مالك؟ 
بات معايا وحياة ابوك

قال... قلتلك مينفعش
ابات معاكي

لكن اوعدك
بمجرد ما هتحاجيني هتلاقيني ادامك

بمجرد ما هتدعكي الخاتم

المهم.. بعد ما سابني مصروم ومشي 

رجعت اقعد تاني لوحدي في اوضة مبروكة

لكن في الوقت ده

كنت حاسة بالرعب من وجودي في الاوضة

وخصوصا... بعد إلى قاله مصروم عن مبروكة

وقررت اسمع كلام مصروم 
وارجع اقيم مع الست فريدة
 في اوضتها

لكن قبل ما اوصل لاوضة الست فريدة

سمعت اتنين بيتكلموا في اوضة الست فريدة

واستغربت... لأن مفيش في البيت غيري انا والست فريدة

فا وقفت ورا الباب عشان اسمع
 الست فريدة بتتكلم مع مين؟ 
واتفاجئت... 
لما سمعت الست فريدة 
وهي بتتكلم مع واحدة معاها في الاوضة

واتصدمت لما سمعت الست فريدة... 
وهي
 بتهدد الست الي معاها في الاوضة


للكاتبة حنان حسن



وهي بتقول
انا لازم اقتلك  
عشان 
اخلص منك انتي كمان

فا استغربت من الي سمعتة
 من الست فريدة

وكان لازم ادخل عشان اشوف هي بتتكلم مع مين؟ 

ولما دخلت للاوضة

اتفاجئت... 

أن إلى مع الست فريدة جوة  كان.... 

لو عايز توصل لباقي أحداث القصة ضع عشر  ملصقات
مع متابعة صفحتي الشخصية
مع تحياتي
الكاتبة.. حنان حسن

التعليقات

BLOGGER: 16
  1. جزء تاني بسرعه الله يبارك لك

    ردحذف
  2. الجزء صغير جدا واحد آخر من فضلك

    ردحذف
  3. جميله جدا جدا جدا جدا جدا جدا جدا جدا جدا جدا جدا جدا

    ردحذف
  4. كل مره تنهي القصه بشكل مثير فبسرعه الجزء اللي بعده لوسمحتي

    ردحذف
  5. جميلة ودمها خفيف

    ردحذف
  6. غير معرف1/14/2021

    جميله جدا جدا

    ردحذف
  7. جميله وأنتي دمك خفيف وسكره

    ردحذف
  8. كملي ياقمرايه انتي

    ردحذف
  9. نفسي اعرف بتجيبي الأفكار دي منييييييين

    ردحذف
  10. برافوووووووووووووووو

    ردحذف
  11. فظيعه في الجمال

    ردحذف

الاسم

رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية جواز عرفي,10,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة للإيجار,12,رواية شبة أنثى,12,رواية عشقتك رغما عنك,11,رواية علاقة ساخنة,9,رواية فضيحة بالدور الأرضي,5,رواية فعل فاضح,12,رواية قادر و فاجر,1,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,قصص و روايات,366,
rtl
item
حنان حسن - كاتبة روائية: رواية شبة أنثى - ‏الجزء ‏التاسع
رواية شبة أنثى - ‏الجزء ‏التاسع
رواية شبة أنثى الجزء التاسع - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
https://lh3.googleusercontent.com/-_-hWpVE106o/X_9a4KQs_VI/AAAAAAAAC-k/B1syIAcJG-kDZVkkifNobI7d3TSRUE5zwCLcBGAsYHQ/s16000/1610570459833229-0.png
https://lh3.googleusercontent.com/-_-hWpVE106o/X_9a4KQs_VI/AAAAAAAAC-k/B1syIAcJG-kDZVkkifNobI7d3TSRUE5zwCLcBGAsYHQ/s72-c/1610570459833229-0.png
حنان حسن - كاتبة روائية
https://www.hananstory.com/2021/01/blog-post_29.html
https://www.hananstory.com/
https://www.hananstory.com/
https://www.hananstory.com/2021/01/blog-post_29.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content