رواية كان في و خلص يابيبي - ‏الجزء ‏الأول

رواية كان في و خلص يا بيبي الجزء الأول - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية كان في و خلص يا بيبي الجزء الأول  

للكاتبة/حنان حسن 


في بعض الاحيان ...

ممكن الانسان يتنبأ بحدوث شيئ في المستقبل

 وبيتصادف انها تحصل مرة
.. او اتنين 
وده عادي... ووارد يحصل

لكن الي مش عادي...
 لما يتنبأ  شخص بكوارث قبل حدوثها

 وكمان يتنبأ ...بموت اكتر من سبع اشخاص منفردين 

ويموتوا فعلا 

فا اكيد الشخص ده  خارق للعادة...
 اوفيه حاجة مش طبيعية 


للكاتبة حنان حسن


انا بقي (صديقتي سهام)

 بتتنبأ بالمصايب قبل وقوعها

 وكذا مره تقولي...
انها بتعرف بحدوث الكوارث وحالات الوفاة  قبل حدوثها

وحصل فعلا... انها قالت علي ثلاثة اشخاص
 بانهم هيتوفوا في خلال السنة وبالفعل
ماتوا الثلاثة واحد ورا واحد
 
ده غير انها زمان تنبات ليا انا شخصيا


وقالتلي... ان امي و ابويا هتحصل بينهم مصيبة 

وابويا  هيموت بسبب الفضيحة

وبالفعل صدق كلامها 

لان بعدها بفترة
امي سابت البيت ...وهربت 

بعد ما ابويا اكتشف خيانتها 
مع واحد صاحبة

وبعدها فعلا  ابويا دخل في حالة من الاكتئاب وانتحر

و بالرغم من ان 

كل الي قالتة سهام حصل فعلا

 لكن برضوا كنت بقول انها صدفة

طبعا ....انتوا زمانكم عايزين تعرفوا
 مين سهام؟
 وتقربلي ايه؟

ماشي ...هقولكم
تعريف بسيط  بسهام

سهام تبقي  ....صديقتي.... وزميلة دراسة 
من ابتدائي لغاية ثانوي

 وبالرغم من انها كملت.... ودرست طب 

وبقت دكتورة....وبتمارس مهنة الطب
 وانا اخدتها من قاصرها واتزوجت ...
وتركت التعليم

لكن بحكم الجيرة ...والصداقة  ...ما زلنا اصدقاء مقربين
 من بعض لغاية دلوقتي


للكاتبة حنان حسن


وتعتبر سهام هي صديقتي الوحيدة 

الي باخد رايها في الكبيرة والصغيرة

 وبقولها اسراري و ادق تفاصيل حياتي

وهي كمان مش بتثق في حد غيري
 وبتقولي كل اسرارها

بالرغم من ان ليها اخوات بنات
في سني تقريبا

 لكن انا اقرب لها من اي حد

المهم اني كنت بتقبل من سهام اي كلام
 سواء جاد.... او تهريج

 وكنت بصدقها في كل حاجة




للكاتبة حنان حسن


الا موضوع علم الغيب ده
 لانة حرام

 وكنت ديما بقول لنفسي 

 اكيد الي بيحصل معاها نتيجة صدفة 

او خيالها الخصب بيخليها بتتخيل انها فعلا بتطلع علي الغيب

وفضلت اكدبها 

لغاية ما اتاكدت فعلا من صدق كلامها 

وده لما  سهام  تنبأت لزوجي عماد 
بموتة بشعة 
بعد نهاية ماسأوية

و طبعا انا لما سمعت منها النبؤة دي
 كا العادة  
قلت... الكلام ده تخاريف من نتاج خيالها الواسع

وبعدين... استحالة عماد تحصلة حاجة

 لان عماد ناصح و واعي ...وصاحي لنفسة جدا 

لكن ....الي حصل لعماد بعد كده

 اثبت فعلا 
ان سهام صادقة في كل كلمة بتقولها

وانا هسردلكم  الي حصل  لعماد

 بعد ما سهام قالتلي انه هينتهي نهاية ماساوية

 وهسيبكم انتم تحكموا

بس الاول هعرفكم بنفسي

انا اسمي... فريدا 

السن ٢٨ سنة

الحالة الاجتماعية...متزوجة
من عماد
 الي بيشتغل مدرب كمال اجسام

 وعندي بنوتة اسمها ميادة 

المؤهل...ثانوية عامة

وباقي تفاصيل حياتي هتعرفوها من خلال السرد

ودلوقتي.... هقولكم علي النهاية الماساوية لزوجي عماد 

و الي تنبات بيها سهام 

المشهد الاول
دخول عماد زوجي للمنزل ساعة الغدا

 وهو بوزة شبرين كا العادة

وبالرغم من ان ميادة بنتي جريت علي عماد ابوها
 عشان تحضنة

الا ان عماد  قابلها بفتور 

وعشان تتلهي عنة
 اعطاها الموبيل بتاعة تلعب بيه 

واتارية كان بيلهيها
 عشان.....  بيستعد للخناق وجر الشكل معايا

وقرب مني عماد 
وسالني سؤالة المعتاد

قال..جهزتي الاكل؟

في العادي انا ديما بقول اه الغدا جاهز

لاني بكون مجهزة الغدا قبل ما عماد يرجع من الجيم

لكن في اليوم ده الانبوبة خلصت 
وعلي ما جيبت انبوبة تانية وبدات في تجهيز الاكل
كان الوقت راح

لكن جهزت الاكل  كلة
 ما عدا الارز .....الي كان مازال بيتشرب علي النار



فكانت الاجابة
 
لسة شوية يا عماد

اصل الرز لسة علي النار

وبمجرد ما عماد سمع جملة لسة شوية
الا ولقيتة ثار وقامت زعابيبة 


للكاتبة حنان حسن


وفضل يشتم ويزعق

فا سالتة بهدوء
 قلتلة...كل ده عشان الاكل اتاخر شوية؟
رد عماد بغضب
 وهو بيقولي..

انتي كمان بتردي عليا؟

لا كده الوضع ده مينفعنيش
 وانا لازم اشوف حل 

يا اطلقك ...يا اما اتجوز واحده غيرك 
تشوف طلباتي
 عشان اقدر ارتاح في بيتي

فسالتة بدهشة؟

وقلت..عايز تتجوز واحدة ست غيري
 لمجرد اني اتاخرت في عمايل الارز؟

رد عماد بسخرية

وقال...ست غيرك؟

 هو انتي فاكرة نفسك انك واحدة ست اصلا؟

 وسابني عماد... ودخل الحمام
 وهو بيتمتم بكلمات سب.... وشتيمة في حقي

وقعدت انا اعيط
 لاني كنت حاسة بالظلم والقهرة
وكسرة النفس

لكن... الي خلاني اتوقف شوية عن العياط

هو...اني سمعت اصوات غريبة صادرة من الموبيل
 الي في ايد بنتي ميادة

 الي عمرها ميتعداش السادسة 

والي خلاني اركز مع الصوت 

   الي كان صادر من الموبيل

 لانه كان عبارة تؤاهات لامراة  بنبرة مقززة 

وكان الصوت بيوصف حالة علاقة حميمة بين اتنين متزوجين

 فا روحت بسرعة علي البنت واخدت منها الموبيل

وطبعا الموبيل كان خاص بعماد زوجي 
الي فتحة للبنت
  عشان تلعب  بالالعاب 

وواضح ان عماد
 نسي الموبيل مع البنت

  لما اتشغل  بالمشاجرة الي كانت بيني وبينة

 واكيد لما عماد سابني ودخل الحمام
 مكنش واخد بالة 
ان البنت هتلعب في الموبيل وتفتح الفيديوهات

المهم..انا اخدت الموبيل عشان اشوف ايه الاصوات دي 

وللاسف...
 اتفاجئت.... بانة فيديوا اباحي لعماد زوجي  مع امراة
ساقطة

والتصوير كان  اثناء ما كانوا بيمارسوا علاقة محرمة
 
وطبعا عماد في الفيديوا كان متعمد
 يعطي ظهرة  للكاميرة

 عشان محدش يعرفة 

 لكن صوتة كان بيفضح شخصيتة
بالنسبالي علي الاقل

لكن طبعا شكل البنت كان ظاهر بوضوح الشمس

واتفاجئت ...
لما فتحت باقي الفيديوهات ان ده مش الفيديوا الوحيد 

لاني لقيت اكتر من فيديوا من نفس النوعية 
مع نفس المراة

وعلي اد ما كانت صدمتي والذهول الي كنت فيه

 لما شوفت الفيديوهات 
علي اد ما كنت مستغربة


للكاتبة حنان حسن


هو اية الي يخلي عماد
 يصور  امراة ساقطة....

 بيقيم معاها علاقة
في  فيديوا قذر زي ده؟

وقلت  لنفسي

يمكن بيصورها عشان
 يجبرها انها تطيعة وتبقي  تحت امره
 لما يعوزها تاني ؟

او يمكن عشان يبتزها ؟

وممكن ....؟وممكن .....؟

بصراحة ....
انا كنت عارفة ان عماد انسان فظيع.... 
وزوج لا يطاق

 لكن مكنتش اتخيل 
انة يطلع  بالدرجة دي من القذارة

وفضلت قاعدة مذهولة....

 وانا بتفرج علي زوجي الخائن علي شاشة الموبيل

والي فزعني اكتر

 اني سمعت صوتي انا شخصيا  في احد الفيديوهات

ايوه فعلا ....ده صوتي متسجل في الفيديوا 

وانا بنادي علي عماد من ورا باب غرفة الصالون

 وبقولة بالحرف... 

افتح يا عماد 
عشان تاخد الاكل

وشوفت عماد في الفيديوا 

وهو بيرد عليا اثناء ما كان مشغول مع عشيقتة 

 وهو بيقولي...

طيب روحي دلوقتي
 انا نايم
 ولما هصحي هبقي اخد الاكل 

ايوه فعلا
 انا فاكرة ان الموقف ده حصل
 فعلا 
لما كنت بخبط علي  باب غرفة الصالون الداخلي
 

اصل غرفة الصالون عندنا علي الطراز القديم 
الي هي منفصلة عن الشقة وليها باب من داخل الشقة وباب تاني من ع السلم

وافتكرت الموقف 

وكان فعلا بيقولي...

طيب روحي دلوقتي

وفضلت اكلم نفسي زي المجنونة من شدة الصدمة 
واقول...
اتاري عماد كان محرج عليا انا والبنت
اننا  منقربش من غرفة الصالون طول مهو نايم 
بحجة اننا منزعجوش ؟


يعني عماد كان بيغفلني... وبيجيب واحدة ست هنا في بيتي 
بدون علمي؟ 

وكمان كان وبيقيم معاها علاقة محرمة؟
 وبينجس البيت؟
 وانا نايمة علي وداني؟

وسالت نفسي

انا ازاي مخدتش بالي من كل ده؟
بس هاخد بالي ازاي؟

وجوزي المحترم.... كان مفهمني

 انه بينام لوحده 
   في غرفة الصالون المستقلة عن الشقة

عشان بيتعصب لو حد ازعجة 

وفضلت اسال نفسي تاني

واقول...
يعني عماد كان بيدخل ويخرج بعشيقتة

  من خلال باب غرفة الصالون المفتوح علي السلم 
بدون ما انا اشعر؟

وفي اللحظة دي

فضلت الوم علي نفسي

واقول.... ان عبطي... وضعف شخصيتي ...
 وطاعتي العمياء 

هما الي جمدوا قلبة 

وخلوه يستهين بيا 

لدرجة انه يعمل علاقة مع واحدة ساقطة ....


للكاتبة حنان حسن


ويجيبها كمان لغاية البيت

وفضلت اركز في تفاصيل العلاقة الي في الفيديوا

ولاحظت طبعا كلام الحب... والنحنحة الاوفر
وكلمة يا بيبي الي كانت الهانم بتقولهالة وهي معاه

المهم... الي فهمتة من خلال الفيديوهات ان عماد مولع بعشيقتة

وكان واضح ان علاقتة بيها اصبحت ادمان بالنسبالة



 وفي اللحظة دي بس

 عرفت ليه عماد
  كان بيتلكك.... 
وعايز يختلق معايا المشاكل لاتفة الاسباب

واثناء ما كنت ماسكة الموبيل ودموعي نازلة 

سمعت صوت عماد جنبي

 وهو بيصرخ فيا
 لما لقاني ماسكة الموبيل  

وسالني بغضب

وقال...انتي ازاي تمسكي الموبيل وتفتشي فيه من ورايا؟

رديت بغضب
وسالتة
وقلت....
وانت ازاي تسمح لنفسك انك تعمل علاقة  قذرة

 مع واحدة من الشارع ؟
 وكمان في بيتي؟

رد عماد بتحدي

وقال..
اولا الست الي انتي بتتكلمي عليها دي
 (تبقي مراتي)

وحذاري تتكلمي عليها تاني  بالطريقة دي

ثانيا ...انا راجل... صحتي قوية

والشرع بيديني الحق
 اني اتجوز ....

واجيب زوجة ....واتنين ...وثلاثة.... واربعة في بيتي

ولو مش عاجبك  غوري في داهية
 الباب يفوت جمل

قلت..لا طبعا مش عاجبني

وانا برفض انك تتجوز عليا

 وقبل ما تتجوز.... لازم تطلقني وتديني حقوقي 

 ولازم كمان تدفع  نفقة لبنتك

 يا اما هرفع قضية طلاق...
و هفضحك 

وهعرف الناس كلها بالي شوفتة في الفيديوهات 

وفي اللحظة دي

دخل عماد وجاب ورقة وقلم

وقبض  علي شعري بقوة

وقالي...امضي علي الورقة دي
حالا والا هيكون اخر يوم في عمرك

فضلت اعيط وانا بتالم من قبضة ايدة علي شعري

وقلت ....مش همضي

فضل عماد يضرب فيا ويسددلي اللكمات بكل قوتة

 وهو اصلا مدرب كمال اجسام

 يعني الضربة منه قوتها بعشرة اضعاف اللكمة العادية

من الاخر 
متحملتش واضطريت اوقع علي ورقة( علي بياض)


للكاتبة حنان حسن


وبعد ما عماد اخد توقيعي 
لقيتة بيقولي...
اسمعي بقي...

انتي كده اتنازلتي عن كل حاجة

 حتي بنتك انا ممكن مخلكيش تشوفيها تاني 

قلت حرام عليك يا عماد
البنت ذنبها ايه؟

 عشان تحرمها من امها؟

رد عماد مساوما

وقال...يبقي تلمي نفسك ...
 وتعيشي زي الجزمة 
خدامة ليا ولمراتي الجديدة

قلت...يانهار اسوود انت ناوي تجيبها تعيش معانا هنا؟
وعايزني اخدمها كمان؟

رد عماد
 وقال...

ايوه طبعا هنعيش في بيتي
 امال هنعيش فين انا وهي؟

قلت مش هيحصل وعلي جثتي انك تتجوز ...وتجبلي ضرة

  
بصلي عماد بغضب

ولقيتة بيقولي...

خلاص يبقي تلمي هدومك عشان هتروحي لاهلك

وانتي اصلا كده كده ملكيش حاجة عندي

طبعا عماد  كان بيطردني وبيقولي روحي لاهلك

 لانه عارف ومتاكد اني مليش

 حد بعد ما ابويا وامي ماتوا
في الحادثة اياها

 ومليش غير عمتي (محسودة)

 عمتي اسمها زبيدة 
لكن...
كل الي يعرفوها بيلقبوها بمحسودة 
لانها بتخاف من الحسد جدا

 لدرجة انها بتدعي الفقر.... وبتلبس الملابس المقطعة... والمبهدلة  ....عشان بتخاف من العين

اصلها غنية جدا ...وبخيلة في نفس الوقت 

عشان كده ....بتخاف علي فلوسها من الحسد

والمشكلة اني عمتي زبيدة مكنتش بخيلة فقط 

لا دي كانت ظنانة ...وشكاكة ...و شرانية وبتعشق النكد... والمشاكل زي عنيها..

وطبعا عماد كان عارف عن عمتي كل ده

عشان كده 
كان كل شوية يهددني ويقولي
اخرجي من بيتي 
وروحي لاهلك

عشان كان عارف
 اني مش هطيق اعيش مع عمتي يوم واحد

 وكمان عارف اني انا مش معايا شهادة
 ينفع اشتغل بيها 
عشان اقدر استقل ماديا واعيش انا وبنتي

المهم..فضل عماد يكرر جملتة وهو بيطردني

ويقولي..
بقولك امشي روحي لاهلك مش عايزك في بيتي تاني

سالته وانا بعيط
وبقولة
ليه بتعمل معايا كده يا عماد ؟

دنا ام بنتك ؟ 
وطول السنين الي فاتت وانا محافظة علي سمعتك

وصاينة بيتك ...واسمك 

وعمري ما عملت حاجة تزعلك

 ببقي ليه الظلم يا عماد؟

 
رد عماد باجابة حاسمة
وقال...

بصراحة كده بقي...
 انا اتجوزت فعلا

ويومين وهجيب العروسة تعيش  هنا في الشقة

عاجبك علي كده 
اهلا وسهلا

مش عاجبك في ستين مصيبة

وبعد ما سابني ومشي

 وقفت و انا مش مصدقة الي سمعتة بوداني


للكاتبة حنان حسن


ولقيت الدنيا بتلف بيا

وفجاءة
 لقيتني بقع مغمي عليا

وفوقت بعد فترة

 لقيت ميادة بنتي مفطورة من العياط
 لانها  كانت خايفة عليا

فا حاولت اقوم عشان اتصل بسهام

عشان تيجي تشوفلي حل في المصيبة الي انا فيها

وبالفعل اتصلت بسهام

وبعد شوية...

 لقيتها بترن الجرس
فافتحتلها الباب ودخلتها

وقبل ما اقول لسهام اي حاجة ولا  اتكلم نصف كلمة

لقيت سهام بتحط ايدها علي عنيا 
وبتقولي...
ايه الي انا شايفاه ده؟

يا ساتر يارب

سالتها بقلق

وقلت...ايه الي انتي شايفاة يا سهام؟

ردت سهام باسف

وقالت...مش قادرة اقول

ولا اقدر اوصف الي انا شايفاة

قلت..اخلصي يا سهام وحياة ابوكي وقولي؟

شايفة ايه؟

بصتلي سهام باسف
وقالت...
انتي هتترملي قريب يا فريدة

قلت...يعني ايه؟

قالت..يعني عماد  جوزك هيموت قريب وهتبقي ارملة

قلت..ما يموت ولا يولع

 ...والنبي  يا سهام سيبيني في اللي انا فيه 

ومش وقت فقرة حظك اليوم بتاعتك  دي خالص

ردت سهام بتعجب

وقالت..انتي ايه البرود الي انتي فيه ده؟
 بقولك جوزك ممكن يروح منك 

 وانتي تقابلي الخبر بالبرود ده؟

قلت..ايوه يغور في ستين داهية 
واقولك حاجة كمان

انا دلوقتي الي بفكر اقتل عماد بنفسي ارتحتي بقي؟

التفت سهام ليا وفضلت تبصلي بتعجب

وسالتني؟
قالت..في ايه؟

ايه الي حصل من عماد خلاكي قلبتي عليه كده؟

بعد ما سالتني سهام
عن الي حصل مع عماد

صعبت عليا نفسي

وفضلت اعيط 


للكاتبة حنان حسن


بصيتلي سهام بشفقة
وقالتلي...ايه الي حصل

 فا سردتلها قصتي مع عماد
فا لقيتها ابتسمت 
وقالت 
طيب وزعلانة ليه؟

 ما انا  خلاص شوفت مصيرة وقلتلك انه  هيودع ويريحك ؟

رديت عليها بغيظ

وقلتلها...
تصدقي اني غلطانة اصلا اني بتكلم معاكي؟

ابتسمت سهام عشان تهون عليا

وقالتلي...طيب قومي معايا 

عشان 
 الدكتورةهند بنت خالتي 
وصلت

 ... وامي عمالة كل شوية تتصل بيا عشان اروح ارحب بيها

وسالتها
قلت..هي الدكتورة هند تخصص  باطنة زيك

ردت سهام

وقالت..لا الدكتورة هند طبيبة صيدلانية 
قلت..اه بياعة في صيدلية يعني؟


ابتسمت سهام بسخرية
وقالتلي...وياريت فالحة في مهنة البياعة كمان

دي اشتغلت كام يوم في صيدلية
 وطردوها معرفش ليه

وانا دلوقتي..امي طالبة مني

  اني اكلملها  صاحب صيدلية 
اعرفة 

عشان هند بنت اختها تشتغل معاه


قلت..طيب ما تروحي تنفذي رغبة امك

ردت سهام 
وقالت...
لا الدكتورة  هند دي 
غريبة الاطوار...

 وانا مش علي استعداد اني اشغلها علي مسؤليتي في اي صيدلية

قلت...وايه الي خلاكي بتقولي عليها غريبة الاطوار؟

ردت سهام 
وقالت...
دي بت حقنة بتفضل تسخن امي عليا 
ولما بتشوفني ادامها بتقطع الكلام
 ده غير اني لاحظت اكتر من مره انها بتراقبني

وبتفضل تبص من ورا النظارة بتاعتها بلؤم 

من الاخر كده تحسيها  مخبر متنكر 

وسالتها بسخرية

قلت...حلو اوي 

وانتي بقي عايزة تلبسيني في
( هند حقنة)
 وتخلعي انتي؟

ضحكت سهام
 وقالت....


بصراحة بقي....
 انا صعب اقعد معاها خمس دقايق
وامي عايزاني ارحب بيها و اقضي معاها يوم كامل

وطبعا ده مش هينفع

 عشان انا عندي شغل ومشاوير كتير لازم اعملها

فا عشان كده

 انا بطلب منك انتي يا فريدة

  تقعدي معاها علي ما اعمل كام مشوار وارجعلكم

قلت...بقولك ايه سيبيني في حالي الله يكرمك
 انا الي فيا مكفيني

وطبعا سهام مقتنعتش برفضي

 وفضلت  تتحايل عليا

وتفكرني بالمواقف الي وقفت هي جنبي فيها قبل كده

لغاية ما وافقت وروحنا للبيت عند ام سهام

وبالفعل عرفتني علي الدكتورة (هند حقنة)

وبعدها اعتذرت سهام مننا بحجة انها هتعمل كام مشوار

وقعدت انا مع الدكتورة
هند فترة كبيرة

ومكنتش بتكلم معاها لاني
كنت سرحانة
 وشاردة بذهني في المصيبة الي انا فيها

لكن فجاءة

سمعت صوت الموبيل بتاعي

 ولقيت ان المتصل هو عماد زوجي
فا مسكت الموبيل


للكاتبة حنان حسن


 و قلت....الوووو

رد عماد برد مختصر

وقال...اعملي حسابك انا هجيب مراتي ونيجي البيت الليلة

عايزك ترتبي البيت

وتجهزي العشاء وتعملي حسابك ان نورهان هتبقي ست البيت واحترامها من احترامي

وانا بقولك اهوه قبل ما اجيبها واجي 
عشان مش عايز مشاكل

وبعد ما عماد  اصدر الاوامر 

قفل بسرعة السكة قبل ما ارد بكلمة واحده


وفضلت انا انعي حظي 
واعيط
وفجاءة...لقيت هند بتطبطب عليا
وسالتني
مالك بس في ايه؟

قلت...انا محتاجة اتكلم مع حد

 لاني كده ممكن اتجلط واموت

قالت...طيب ما تسري عن نفسك واحكيلي

 يمكن يكون مشكلتك حلها عندي

بصيتلها بياس

وقلت..انا مشكلتي ملهاش
حل 
لكن هحكيلك ...بدل ما اطق واموت

وبالفعل سردتلها قصتي كلها

وبعد ما سمعتني

جلست وركنت  راسها علي الكرسي

وسالتني بتعجب

وقالت...
هي دي بس مشكلتك؟

قلت.. دي المصيبة الي حلت علي دماغي

ردت (هند حقنة )

وقالت...
الموضوع بسيط جدا 

وانت الي مكبره المشكلة

مع انك تقدري تادبي جوزك... وتخربي بيت ضرتك.... وتفشكلي الجوازة ...
في غمضة عين

 بس لو شغلتي عقلك

قلت ...استني بس انتي بتتكلمي جد الاول 
ولا بتتريقي عليا؟

هو انا بجد ممكن اعمل كل الي انتي قولتية ده؟

قالت...ايوه 

ومعايا العلاج لمشكلتك كمان

قلت...علاج ايه؟

قالت...قبل ما اقولك علي العلاج

هفهمك احنا هنرجعلك جوزك ازاي

وبدات هند حقنة تشرحلي
ايه الي في دماغها

وقالت...
دلوقتي جوزك متفرعن
 عشان هو راجل عفي
 وبيتباهي بصحتة

 ويقدر يتجوز واحده ...واتنين... وثلاثة ....واربعة  

وسالتني

قالت....كلامي مظبوط؟

قلت... ايوه مظبوط

قالت..يبقي لازم ندمر الشيئ الي مخلية زي القرد 
الي بيتنطط علي كل شجرة شوية

وسالتها

قلت..ندمرة  ازاي ؟

قالت..انا عندي عقار عبارة عن تركيبة جبارة....
 عاملاها بنفسي  

لوجوزك  اخد جرعة واحدة منها 
هيحصلة زي الي حصل للقرد الي بعمل عليه التجارب

قلت..والقرد الي اخد من التركيبة حصلة ايه؟


قالت...اتكسح

قلت..ينهار اسود

تقصدي هيجيلة شلل؟

ردت هند حقنة
وقالت...
هيجيلة شلل مؤقت في جميع اعضاء جسمة
وهيخف منه بمجرد ما نحقنة بمصل مضاد

قلت...ليه يعني هو العقار ده هيعمل فيه ايه بالظبط

ردت هند حقنة

وقالت...

هيفك اعصابة ويخلية زي البسكوتة المغموسة في الشاي

وجوزك بمجرد ما هياخد جرعة واحده ... لا هينفع لا طبلة 
ولا تار

وساعتها هيحصل حاجة من الاتنين


للكاتبة حنان حسن


يا اما البت الي اتجوزها هتزهق منه وهتسيبة وتمشي

يا اما هتحاول تستغل الموقف وتبتزه ...وهتهدده

وتطلب ثمن قعدتها معاه والا هتجرسة وتفضحة

وفي الحالتين هيكرهها  ...ويطلقها

ويعرف قيمتك انتي لانك انتي الي هتفضلي معاه


فرحت جدا بالحل بتاعها 

وسالتها...

قلت...ايوه بس العقار ده هندخلة لجسمة  ازاي؟

قالت....
انا عاملة التركيبة بحيث انها تدخل للجسم باكتر من وسيلة

وممكن تتاخد علي هيئة
اقراص.... او مرهم

وطبعا الاقراص هتكون عن طريق البلع
وبتدخل عن طريق المعدة لغاية ما توصل لمركز الاحساس وتدمرة.... تدمير مؤقت

وهنا سالتها
قلت...وبالنسبة للمرهم؟

مش هيزروط الدنيا؟

قالت..المرهم متقلقيش منه خالص
هما ثلاث ايام وهيقع لوحده

قلت...لالالا انا عايزة الاقراص
افضل
عشان سهل اني حطهالة في العصير او الشاي


 قالت...تمام

لكن حذرتني 
وقالت....
بس خلي بالك

الجرعة كلها عشر اقراص

تديلة نصف قرص فقط في اليوم

 اوعي تديلة قرص كامل
 لان زيادة الجرعة فيها خطر عليه

قلت...تمام

نصف قرص  فقط في اليوم



وبالفعل اخدت منها الاقراص
واخدت ميادة بنتي

ورجعنا للبيت بسرعة

 وجهزت العشاء زي ما عماد طلب مني

وفضلت منتظره عماد وعروستة علي احر من الجمر

وبعد شوية

لقيتهم وصلوا

واستقبلتهم  وانا عاملة نفسي خاضعة و خايفة من تهديد عماد

ولما بصيت علي البت نورهان الي متجوزها عماد  لقيتها بت مايعة 

 عمالة تدلع علي عماد بمياصة
 وتقولة يا بيبي... 
 بين كل كلمة والتانية

وطبعا البية نازل غزل ودلع فيها

ويقولها...انه عايزها تسهر معاه
وهو رافع شعار
احنا بتوع الليل واخرة


وبصراحة ...
كان دلعهم لبعض بيستفزني جدا
وده خلاني...

 احط لعماد (قرصين) بدل نصف قرص  
عل وعسي.. يصيبة بلين عظام
 او تبول لا ارادي

عشان يحرم يدلعها ادامي



للكاتبة حنان حسن



وطبعا مسيبتش عماد يغيب عن عيني لحظة

 غير لما اتاكدت انه شرب العصير كله

وباليل...
وبعد ما دخلوا غرفتهم

فضلت قاعدة منتظرة

عشان اشوف عماد هيكمل الليلة
ويدخل علي عروستة

 ولا هشوفة مذلول ادامي والمرض نال منه؟


واثناء ما كنت منتظرة خارج غرفتهم
سمعت صرخة....

فا جريت بسرعة 

عشان اشوف ايه الي حصل ؟

وبمجرد ما فتحت الباب علي عماد وعروستة نورهان

اتصدمت صدمة العمر

لان الي حصل كان مفاجئة من العيار الثقيل........


لو عايز باقي احداث القصة ضع عشر ملصقات مع متابعة صفحتي الشخصية
مع تحياتي
الكاتبة
حنان حسن

التعليقات

BLOGGER: 9
  1. مش هنخمن قولى انتى

    ردحذف
  2. جميلة عماد مات

    ردحذف
  3. نورهان الي اتقتلت مثلا 😂

    ردحذف
  4. ولا عماد مات

    ردحذف
  5. غير معرف1/07/2023

    بصراحه انا مش عارفه انتى بتجيبى افكار روياتك منين كلهم مختلفين عن بعض بجد تسلم افكارك يا حنون برافو 👏👏👏👏🌹

    ردحذف

الاسم

الجزء الاخير من رواية جواز علي يد مجنون للكاتبة حنان حسن,1,الجزء الاخير..من رواية..عريس مكتمل الانوثة ..للكاتبة حنان حسن,1,الجزء الاول من رواية ..جواز علي يد مجنون ..للكاتبة حنان حسن,1,الجزء الاول من رواية جوز (قزح) للكاتبة حنان حسن,1,الجزء الاول من رواية سلاسل ام غراب للكاتبة حنان حسن,1,الجزء الاول من رواية..احاسيس موقوتة للكاتبة حنان حسن,1,الجزء التاسع من رواية ..الحب في ثلاجة الموتي للكاتبة..حنان حسن,1,الجزء التاسع من رواية احاسيس موقوتة للكاتبة حنان حسن,1,الجزء التاسع من رواية رغبة ملعونة للكاتبة حنان حسن,1,الجزء التاسع من رواية سلاسل ام غراب للكاتبة حنان حسن,1,الجزء الثالث حضن بنكهة القسوة للكاتبة حنان حسن,1,الجزء الثالث عشر من رواية احاسيس موقوتة للكاتبة..حنان حسن,1,الجزء الثالث عشر والاخير سلاسل ام غراب للكاتبة حنان حسن,1,الجزء الثالث من رواية الحب في ثلاجة الموتي للكاتبة ..حنان حسن,1,الجزء الثالث من رواية احاسيس موقوتة للكاتبة حنان حسن,1,الجزء الثالث من رواية جواز علي يد مجنون للكاتبة حنان حسن,1,الجزء الثالث من رواية جواز مسيار للكاتبة حنان حسن,1,الجزء الثالث من رواية..جوز (قزح) للكاتبة حنان حسن,1,الجزء الثالث من رواية/ رغبة ملعونة للكاتبة حنان حسن,1,الجزء الثامن ..عريس مكتمل الانوثة..للكاتبة حنان حسن,1,الجزء الثامن ..من رواية ..رغبة ملعونة للكاتبة حنان حسن,1,الجزء الثامن من رواية احاسيس موقوتة للكاتبة حنان حسن,1,الجزء الثامن..من رواية ..الحب في ثلاجة الموتي للكاتبة ..حنان حسن,1,الجزء الثاني عشر سلاسل ام غراب للكاتبة حنان حسن,1,الجزء الثاني عشر من رواية احاسيس موقوتة للكاتبة حنان حسن,1,الجزء الثاني عشر من رواية رغبة ملعونة للكاتبة حنان حسن,1,الجزء الثاني عشر والاخير...من رواية الحب في ثلاجة الموتي للكاتبة...حنان حسن..,1,الجزء الثاني من رواية جواز علي يد مجنون للكاتبة حنان حسن,1,الجزء الثاني من رواية جواز مسيار للكاتبة..حنان حسن,1,الجزء الثاني من رواية جوز(قزح) للكاتبة..حنان حسن,1,الجزء الثاني من رواية سلاسل ام غراب للكاتبة حنان حسن,1,الجزء الثاني من رواية..احاسيس موقوتة للكاتبة ..حنان حسن,1,الجزء الثاني من رواية/رغبة ملعونة..للكاتبة حنان حسن,1,الجزء الحادي عشر للكاتبة حنان حسن,1,الجزء الحادي عشر من رواية رغبة ملعونة للكاتبة حنان حسن,1,الجزء الحادي عشر من رواية سلاسل ام غراب للكاتبة حنان حسن,1,الجزء الحادي عشر من رواية..الحب في ثلاجة الموتي..للكاتبة..حنان حسن,1,الجزء الخامس ..من رواية رغبة ملعون..للكاتبة حنان حسن,1,الجزء الخامس حضن بنكهة القسوة للكاتبة حنان حسن,1,الجزء الخامس من رواية ..جوز(قزح) للكاتبة حنان حسن,1,الجزء الخامس من رواية احاسيس موقوتة للكاتبة حنان حسن,1,الجزء الرابع حضن بنكهة القهوة للكاتبة حنان حسن,1,الجزء الرابع من رواية ..جوز(قزح) للكاتبة حنان حسن,1,الجزء الرابع من رواية احاسيس موقوتة للكاتبة حنان حسن,1,الجزء الرابع من رواية جواز علي يد مجنون للكاتبة حنان حسن,1,الجزء الرابع من رواية جواز مسيار للكاتبة حنان حسن,1,الجزء الرابع من رواية سلاسل ام غراب للكاتبة حنان حسن,1,الجزء الرابع من رواية...الحب في ثلاجة الموتي ..لكاتبة حنان حسن,1,الجزء الرابع من رواية..رغبة ملعونة للكاتبة حنان حسن,1,الجزء السابع ..من رواية..رغبة ملعونة..للكاتبة..حنان حسن,1,الجزء السابع من رواية ..احاسيس موقوتة للكاتبة..حنان حسن,1,الجزء السابع من رواية سلاسل ام غراب للكاتبة حنان حسن,1,الجزء السابع..حوز (قزح) للكاتبة..حنان حسن,1,الجزء السادس من راوية..رغبة ملعونة للكاتبة..حنان حسن,1,الجزء السادس من رواية احاسيس موقوتة للكاتبة حنان حسن,1,الجزء السادس من رواية حضن بتكهة القسوة للكاتبة حنان حسن,1,الجزء السادس من رواية سلاسل ام غراب للكاتبة حنان حسن,1,الجزء السادس من رواية..الحب في ثلاحة الموتي..للكاتبة..حنان حسن,1,الجزء السادس من رواية..جوز (قزح) للكاتبة حنان حسن,1,الجزء السايع من رواية الحب في ثلاجة الموتي للكاتبة حنان حسن,1,الجزء العاشر من رواية الحب في ثلاجة الموتي ..للكاتبة..حنان حسن,1,الجزء العاشر من رواية رغبة ملعونة للكاتبة حنان حسن,1,الجزء العاشر من رواية سلاسل ام غراب للكاتبة حنان حسن,1,الجزء العاشر من رواية عريس مكتمل الانوثة للكاتبة حنان حسن,1,الجزء العاشر من رواية..احاسيس موقوتة للكاتبة حنان حسن,1,الجزء العاشر والاخير من رواية جواز مسيار للكاتبة حنان حسن,1,الجزء الناسع من رواية عريس مكتمل الانوثة للكاتبة حنان حسن,1,جواز علي يد مجنون الجزء الثامن للكاتبة حنان حسن,1,جواز علي يد مجنون الجزء الحادي عشر للكاتبة حنان حسن,1,جواز علي يد مجنون الجزء الخامس للكاتبة..حنان حسن,1,جواز علي يد مجنون الجزء السابع للكاتبة حنان حسن,1,جواز علي يد مجنون الجزء السادس للكاتبة حنان حسن,1,جواز علي يد مجنون الجزء العاشر للكاتبة حنان حسن,1,جواز علي يد مجنون..الجزء التاسع للكاتبة حنان حسن,1,حب بنكهة القسوة الجزء الاول للكاتبة حنان حسن,1,حضن بنكهة القسوة الجزء الثاني للكاتبة حنان حسن,1,رواية ..رغبة ملعونة الجزء الاول للكاتبة حنان حسن,1,رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البت السودة الكودة,8,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية تحت بير السلم,12,رواية جواز عرفي,10,رواية جواز مسيار الجزء الاول للكاتبة حنان حسن,1,رواية جواز مسيار الجزء التاسع للكاتبة حنان حسن,1,رواية جواز مسيار الجزء الثامن للكاتبة حنان حسن,1,رواية جواز مسيار الجزء الخامس للكاتبة حنان حسن,1,رواية جواز مسيار الجزء السابع للكاتبة حنان حسن,1,رواية جواز مسيار الجزء السادس للكاتبة حنان حسن,1,رواية حضن إبليس,12,رواية حضن الأرامل,13,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية رغبة ملعونة الجزء الثالث عشر والاخير للكاتبة حنان حسن,1,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة على ما تفرج,11,رواية زوجة للإيجار,12,رواية زوجة محرمة ليلا,12,رواية سلاسل ام غراب الجزء الثامن للكاتبة حنان حسن,1,رواية شبة أنثى,12,رواية عريس نص عمر,12,رواية عشقتك رغما عنك,11,رواية علاقة ساخنة,9,رواية غرام في الظلام,10,رواية فتاة نصف الليل,12,رواية فضيحة بالدور الأرضي,5,رواية فضيحة طبيب,13,رواية فعل فاضح,12,رواية قادر و فاجر,1,رواية كان في و خلص يا بيبي,13,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,رواية يومين في الحرام,5,رواية..الحب في ثلاجة الموتي للكاتبة..حنان حسن,1,سلاسل ام غراب الجزء الثالث للكاتبة حنان حسن,1,سلاسل ام غراب الجزء الخامس للكاتبة حنان حسن,1,عريس مكتمل الانوثة..الجزء الحادي عشر للكاتبة..حنان حسن,1,قصص و روايات,499,
rtl
item
حنان حسن - كاتبة روائية: رواية كان في و خلص يابيبي - ‏الجزء ‏الأول
رواية كان في و خلص يابيبي - ‏الجزء ‏الأول
رواية كان في و خلص يا بيبي الجزء الأول - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
https://lh3.googleusercontent.com/-P8lSSSkQDrs/YOtIbgJaXpI/AAAAAAAADgM/lBXrgBLAjtIIAryzEAMJa7ZeJF_-hXXywCLcBGAsYHQ/s16000/1626032235108724-0.png
https://lh3.googleusercontent.com/-P8lSSSkQDrs/YOtIbgJaXpI/AAAAAAAADgM/lBXrgBLAjtIIAryzEAMJa7ZeJF_-hXXywCLcBGAsYHQ/s72-c/1626032235108724-0.png
حنان حسن - كاتبة روائية
https://www.hananstory.com/2021/07/blog-post_11.html
https://www.hananstory.com/
https://www.hananstory.com/
https://www.hananstory.com/2021/07/blog-post_11.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content