العشق الخفي الجزء الحادي عشر للكاتبة..حنان حسن بعدما عرفت من خديجة ان الي ق...&تل اخويا محفوظ هو زوجي السابق ( ايمن ) اتأكد...
الجزء الحادي عشر
للكاتبة..حنان حسن
بعدما عرفت من خديجة ان الي ق...&تل اخويا محفوظ هو زوجي السابق ( ايمن )
اتأكدت ساعتها اني قتلت العمدة ظلم ...
و ازهقت روحة بدون وجه حق
بس رجعت اتعلق في احبال الامل
وقلت لنفسي
هو انا ليه سلمت بان العمدة مات خلاص
مش يمكن يكون في امل في نجاتة؟
وفي اللحظة دي
طلعت اجري علي غرفة المكتب
الي تركت فيها العمدة بعدما شرب من الزجاجة الي فيها (ماء التنين)
وكنت بدعي ربنا
وبقول..
يارب اكتبلة النجاة
لكن ...يظهر ان الدعوة لم تستجاب
لاني بمجرد ما وصلت لغرفة المكتب
سمعت صوت بكاء مكتوم
ودا خلاني فتحت باب المكتب بسرعة
وبمجرد ما الباب اتفتح
شوفت جثمان العمدة ممدد علي سريرة ..
واصوات البكاء والنحيب مالي الغرفة
لحظتها شوفت نبوية وهي بتواسي اخوات العمدة مجيدة وحميدة
ولاحظت كمان...
ان معاهم امراة اكبر منهم سنا ..
وعرفت بعدين ان دي تبقي "العمة زيادة "
وتبقي عمتهم..
(عمة العمدة)
المهم...
لقيت نفسي داخلة بجري علي السرير الي مستلقي عليه العمدة
وبمجرد ما اقتربت من جسد العمدة
مسكت ايده وقبلتها وانهرت بالبكاء
في اللحظة دي
اتفاجئت بنبوية وهي بتهجم عليا..
وبتتهمني بقتل العمدة
وفضلت نبوية تصرخ و.. تقولهم..
انا بتهم عبير بقتل العمدة
و عبير بنفسها
الي اعترفتلي انها قتلتة
وبالامارة ..قتلتة بالميه المسمومة
فا قامت حميدة من مكانها ومسكت الزجاجة الي كان مازال فيها بقايا من
( ميه التنين)
وبعدها...
فضلت مجيدة تبص ناحيتي شوية
وبعدها..وجهت كلامها لنبوية
وقالتلها..
لو كلامك طلع صح يا نبوية
يبقي نهاية البت دي هتكون علي ايدي انا
وفي اللحظة دي
ردت العمة زيادة
الي كانت بتحاول تهدي من ثورتهم
وقالت..
ملوش لازمة الكلام دا دلوقتي
يا مجيدة
وعموما الدكتور جاي في الطريق وهو الي هيفهمنا ايه الي صاب العمدة ؟
وبالفعل
بعد لحظات قليلة
دخل الطبيب
علي العمدة
وبعدما خرج سماعتة من شنطتة
فضل الطبيب يستشعر نبض العمدة و دقات قلبة
وفجاءة
لقيناه بيبشرنا
وبيقولنا...
ان العمدة مازال علي قيد الحياة
وبعدما فرحنا وهللنا
رجع الطبيب غمنا تاني
وقالنا..
ان العمدة اتعرض لشبه اغماءة
وهو حاول بكل السبل لاستفاقتة منها
لكن للاسف
فشلت كل محاولات الطبيب
في افاقة العمدة
في اللحظة دي
اقتربت نبوية من الطبيب
ومدت ايديها بالزجاجة اياها
وقالتلة..الي حصل للعمدة دا كان بسبب المية المسمومة الي شربها من الزجاجة دي
.
في اللحظة دي
رد الطبيب
وقال..
كدا لازم العمدة يتنقل للمستشفي
عشان نعملة التحاليل الازمة
لكن ...
مجيدة وحميدة رفضوا
ان العمدة يتنقل للمستشفي
لربما اخوهم يتوفي وجثتة تتعرض للتشريح
فا اقترحت العمة زيادة
ان يتم علاج العمدة في منزلة
وبالفعل اتقلبت غرفة
العمدة لمستشفي
واتوفر فيها كل المعدات المطلوبة لحالتة
وعلاوة علي ذلك
انضم مع الطبيب كنسلتوا من اكفء الاطباء
لعلاج حالة العمدة
وبعد الفحوصات و الاطلاع علي الاشعة والتحاليل
كانت نتجة تحليل المياة
الي اخدوها من الزجاجة اياها
صادمة للجميع
وكانت مفاجئة ليا شخصيا
لان النتيجة الي جت من المعمل
بتقول..
ان عينة المياه الي اخدوها كانت خالية من اي سموم
وحتي جسم العمدة كان خالي من اي سموم برضوا
ودا خلاهم كلهم يهدوا عليا
شوية
ومن ساعتها العمة زيادة اخدت صفي
وبقت تعامل نبوية بقرف و احتقار
المهم..
بالرغم من ان النتيجة دي بالنسبالي كانت غريبة
لكن .. دا مكنش هاممني
انا كان كل الي بيهمني ساعتها هو.. ان العمدة يقوم من الغيبوبة ويرجع يقف علي رجلة تاني بالسلامة
المهم..
بعدما اجمع الاطباء
علي ان العمدة سليم معافي
واكدوا من خلال الاشعة والتحاليل
ان اعضاء جسدة كلها بتعمل بكفائة
اكدوا برضوا
انه هيفضل في الغيبوبة لمدة لا يعلمها الا الله
وفي الوقت دا طلب مني الطبيب اني اقوم برعاية العمدة
لغاية ما يبعت الممرضة الي هتعتني بحالتة
فا رحبت طبعا
وطلبت منه انه يصرف نظر عن موضوع الممرضة دا
وانا هقوم بالمهمة دي لوحدي
في اللحظة دي
لقيت نبوية بتحشر نفسها
وبتقول للطبيب
اطمن يا دكتور انا هتقاسم
السهر علي راحة العمدة مع عبير
يعني انا هرعي خطيبي فترة الصبح
وعبير هتسهر وهتراعية باليل
فا ردت عليها العمة زيادة بغضب
وقالت..لا
انا الي هراعي ولد اخويا فترة النهار
وعبير خطيبتة هي الي هتراعية في الليل
وبالفعل
اعتمدت الطبيب كلام العمة زيادة
وتركنا ومشي بعدما عرفنا هنعمل ايه بالظبط
وبالفعل
مسكت العمة زيادة
الشيفت الاول ( بالنهار)
وكنت بحاول اني انام شوية عشان اعرف اسهر باليل وارعي العمدة
لكن للاسف النوم جفاني
المهم..
بعدما اسدل الليل ستارة علي نور النهار
روحت علي غرفة العمدة
عشان امسك الشيفت التاني
او بالبلدي كده
(اخد وردية الليل)
المهم
بعدما روحت للغرفة
وسلمت علي العمة زيادة
استلمت منها الشيفت بتاعي
فا تركتني العمة زيادة وراحت تستريح
بعدما طلبت مني اني اطفي نور الغرفة
..وخلي المكان مظلم تماما
زي ما الدكتور امرنا
وبالفعل
طفيت النور
ودخلت قعدت بجوار العمدة
وقررت مضيعش وقت
وفضلت ادعيلة عشان يخف ويقوم بالسلامة
واثناء ما كنت بدعي
كنت ماسكة ايده
شعرت بايده بتقبض علي ايدي بقوة
فا فرحت اوي..
وقولت ان العمدة فاق من الغيبوبة اخيرا
وبسرعة فكرت اني انور النور عشان اشوفة
او حتي افتح الكشاف الي في الموبيل الي امامي علي التربيزة
لكن..
لما حاولت اني قوم واروح علي زرار النور
عشان ارجع النور للغرفة تاني
الايد الي مسكتني
قدرت تقيد ايديا الاتنين
لغاية ما بقيت مش قادرة افك ايدي..ولا قادرة اتحرك
في اللحظة دي
سمعت صوت خارج من الظلام الي حواليا
بيقولي...النور بيحرقني
بلاش نور
وبعدها كمل كلامة
وقالي..
شاطرة يا عبير
نجحتي في الاختبار الاول
فا رديت بهلع
وقلت...
انت مين؟
وانا نجحت في اية ؟
فا رد الصوت الغريب
وقالي
(انا شاكر)
وانتي نجحتي
لانك ساعدتيني اني اسلب من العمدة عقلة
وبكدا هيغيب عن الدنيا طول عمرة
وعشان كده
انا راضي عليكي
وهرضي عنك اكتر
لما تساعديني اننا نخلص منه نهائي
لازم العمدة يغيب عن الدنيا كلها
وعلي فكرة
المكافئة المره دي هتكون بالمقايضة
فسالتة
وقلت...يعني ايه مقايضة؟
فا وضح شاكر
وقالي...
يعني تاخدي مني حاجة في مقابل اني اخد منك حاجة قصادها
فسالتة تاني
وقلت...وايه الحاجة الي انت عايزها مني ؟
في اللحظة دي
اتفكت قيودي
وايدي اتحررت
وشعرت بايده بتفتح ايديا وبتحطلي شيئ شبية بالمفتاح في ايدي
فا رديت بهلع
وقلتلة...ايه الي في ايدي دا
فا رد شاكر
وقالي..
دا مفتاح الخزنة بتاعة العمدة
هتلاقي فيها فلوس وذهب يقدر بالملايين
هتاخدي محتويات الخزنة وتسافري وتعيشي حياتك في عز وغني زي الملوك
وليكي عليا اني اوفرلك وسيلة امنة للهرب
واختفي من حياتك للابد بعدها
فا سالتة
وقلتلة
ممكن اعرف ايه المقابل
الي هقايضك بيه؟
فا رد شاكر
وقالي...
المقابل هو..
انك تساعديني علي قتل العمدة دلوقتي
ونمحي اسمة من سجلات الاحياء
ودا هيحصل
لما...تفرغي محتويات الخزنة وتحطي مكانها
زجاجة
من ( ماء التنين)
وبالزجاجة دي
انا هخفي العمدة من علي وجه الارض
في اللحظة دي
فضلت افكر شوية
وبعدها..
سالتة
وقلتلة..
هو انت لو مخدتش مية التنين
واذيت بيها العمدة هيحصل ايه؟
فا رد شاكر
وقالي..هتحرق
وانا لو اتحرقت كل تعبي هيروح علي الفاضي
و طبعا ساعتها العمدة هيرجع لوعية تاني
فا فرحت اوي
وقلتلة..بجد؟
هو ممكن فعلا العمدة يرجعله وعية ؟
فا رد شاكر بخبث
وهو بيعطيني بايده ولاعة
وقالي..الولاعة دي فيها نار.. ونور
و..النور دا هو الحاجة الوحيدة الي هتحرقني
بس لو انا اتحرقت
انتي ساعتها هتبقي في خطر
لانك هتفقدي حمايتي ليكي
فسالتة
وقلتلة..ومن امتي وانت كنت بتحميني؟
فا رد شاكر
وقالي
انتي ناسية ان انا الي شهدت زور
في اليوم الي حرقتي فيه ايمن وقتلتية؟
ونجيتك من حبل المشنقة؟
ولا ناسية لما خفيت العصير الي قتل امك
والعمدة معرفش يتأكد ان كان العصير مسموم ولا لا؟
وبرضوا نجيتي بسببي؟
ولا....ولا....
وكمل شاكر في توضيحة للامور
وقالي..
دلوقتي انا لو اتحرقت الحقائق كلها هتظهر وهيشنقوكي يا عبير
فا انتي شايفة ايه؟
تفوزي بالخزنة وتقايضيني بمية التنين؟
ولا تحرقيني وتنجي العمدة الي هيشنقك؟
في اللحظة دي
فضلت افكر
في كلام شاكر
ولقيته عنده حق
و اني لازم اخد قرار وفورا
وقراري كان اني احرق شاكر
وانشلة يعدموني
المهم ..العمدة يقوم بالسلامة
وبسرعة قمت بتنفيذ قراري
وضغطت علي الولاعة
وفي اللحظة دي
شوفت عفريت شاكر
لاول مرة
واتفاجئت لحظتها بان شاكر دا يبقي...........؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفلا إله إلا الله وحده لا شريك له له الملك وله الحمد وهو على كل شيء قدير
ردحذفاللهم صل وسلم وبارك ع سيدنا محمد وع اله وصحبه اجمعين
ردحذفاللهم صل وسلم وبارك على سيدنا وحبيبنا محمد صلاة تنحل بها العقد وتنفك بها الكرب وتفتح بها لنا أبواب الفرج
ردحذفجميلة جدا ومشوقه تسلم الأيادي ويدوم الإبداع يا حنون
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صلي و سلم و بارك على سيدنا ونبينا محمد وعلى آله وصحبه وسلم
ردحذفاللهم صلي وسلم على نبينا محمد وعلى آله وصحبه أجمعين
ردحذفروعة
ردحذف🌹🌹🌹🌙🌙🌙
ردحذف♥️♥️♥️♥️♥️♥️♥️
ردحذف🌺🌺🌺🌺🌺🌺
ردحذف🎉🎉🎉💐💐🦆🌿
ردحذف🥀🥀🥀🤔🤔🤔
ردحذف👍👍👋👋👍👍
ردحذف😍😍😍😍😍😍
ردحذف💕💕💕💕💕
ردحذفكملي بسرعة
ردحذف