غرام في الظلام الجزء السادس للكاتبة...حنان حسن بعدما عرض عليا عزيز بية انه يساعدني اني ارجع ابني .. خوفت يكون بيخدعني... او ب...
غرام في الظلام
الجزء السادس
للكاتبة...حنان حسن
بعدما عرض عليا عزيز بية
انه يساعدني
اني ارجع ابني ..
خوفت يكون بيخدعني...
او بيحاول يلعب عليا اي لعبة
وحاولت اختبره..
واشوف ان كان صادق في كلامة ..
ولا بيكدب عليا؟
فسالتة
عن جيراني
الي انا عارفة كويس ...
انهم عزلوا
قبل ما انا اسافر اسكندرية
والغريب..
ان رد عزيز بيه كان صادم
لانه قالي..
كريمة جارتك وجوزها
عاشور
كان صعب اننا نسالهم عن حاجة
عارفة ليه؟
قلت..ليه؟
قال...لانهم ماتوا
قلت..انت بتقول ايه؟
ماتوا امتي ؟
و ازاي؟
قال.. اتقتلوا
قلت....مش ممكن؟
اضاف عزيز
قائلا
الجيران لاحظوا اختفائهم ...
واكتشفوا ريحة قذرة
خارجة من شقتهم
فا بلغوا البوليس
وللاسف... لما البوليس فتح الشقة
وجد... عاشور وزوجتة مذبوحين.. في شقتهم
قلت..ازاي الكلام ده؟
اذا كانت( الحاجة وعد)
قالتلي..
ان عاشور وزوجتة.. عزلوا من البيت
قبل ما انا امشي من هناك؟
رد عزيز
وسالني
وقال...
تطلع مين الحاجة وعد دي كمان؟
قلت...دي الساكنة الي سكنت مكانهم
رد عزيز
وقال...
مفيش حد سكن مكانهم..
ولا كان في حد ساكن في البيت كله
وشقة عاشور وزوجتة كريمة دلوقتي..
مقفولة ...ومتشمعة بالشمع الاحمر
من يوم ما البوليس اكتشف جريمة القتل
استغربت من كلام عزيز
وقلت..
ايه الكلام ده؟
انا متاكدة اني قابلت واحدة ست اسمها وعد
ودي ست طيبة جدا...
وكانت بتساعدني انا ...وسامي ابني
دي حتي هي الي وصلتني و ركبتني العربية
الي سافرت بيها لغاية
اسكندرية
لان انا مكنش معايا فلوس اسافر اصلا
وهي الي حاسبت السواق يومها
رد عزيز بيه
وقال..
الي بتقولية ده مستحيل يكون حقيقي
لان الي بقولهولك ده
انا اتاكدت منه بنفسي
قلت...ازاي بس؟
انا متاكدة اني قابلت الحاجة وعد
وساعدتني اكتر من مرة
وعندي كمان الدليل ...
علي ان وعد دي موجودة فعلا
رد عزيز
وقالي...
قولي ايه هو الدليل؟
قلت..
.الست وعد وهي بتودعني في المحطة
اديتني فلوس
..ورقم الموبيل بتاعها
عشان... لو احتجت لحاجة
وعشان كمان ابقي اكلمها بعد كده
رد عزيز
متسائلا
وقال..
وهو انتي معاكي موبيل؟
قلت..لا
مش معايا موبيل
لكن... هي اعطتني ورقة فيها رقمها
رد عزيز
وقالي
وفين الورقة دي؟
قلت..استني لحظة واحدة
وطلعت بسرعة الورقة... والفلوس
الي كنت محتفظة بيهم في صدري
واعطيتهم لعزيز بيه
رد عزيز بيه
وقال...ايوه فعلا دي فلوس... وفي ورقة بين الفلوس
لكن الورقة بيضاء
قلت..يعني ايه الورقة بيضاء؟
قال..يعني مفيهاش اي ارقام...
ولا مكتوب فيها اي حاجة
قلت...غريبة بس انا متاكدة ان.......
وقبل ما اكمل كلامي
وقفني عزيز عن الكلام
وهو بيقول...
خلاص انسي بقي جيرانك
لانهم ماتوا
وانسي كمان حكاية وعد دي
لانها فعلا مش موجودة
وخلينا دلوقتي في الاهم
وهو سامي ابنك
خلينا نفكر ازاي هنرجعة؟
قلت..خلاص انا معاك ...
واي حاجة هتقولي عليها
هعملها
المهم ان ابني يرجع
رد عزيز
وقالي...
ايوه بس عشان نرجع ابنك
لازم نتعاون ديما
لازم كمان ... نبقي مع بعض باستمرار
ومعني كده
ان جوازنا لازم يستمر
لغاية ...ما نرجع سامي علي الاقل
قلت...ماشي
بس بشرط
رد عزيز بيه بغضب
وقالي..
مبحبش حد يتشرط عليا
قلت...خلاص اعتبرة طلب...
او رجاء
قال..اطلبي
قلت..الجواز يبقي علي الورق فقط...
يعني يبقي جواز
مع ايقاف التنفيذ
لغاية ابني ما يرجع...
وبعد كده...
كل واحد يروح لحالة
رد عزيز بيه بسخرية
وقال...
انتي هبلة يا بت انتي ولا ايه؟
ده علي اساس اني هموت عليكي مثلا؟
انا اصلا مش طايق وجودك معايا في اوضة واحدة
بس اعمل ايه؟
لازم استحمل لغاية ما ابن اخويا يرجع
اتدايقت من رده
لكن انا كنت اتعودت علي قلة زوق عزيز بيه خلاص
وكمان ..
ارتحت اني اتفقت معاه من اولها ...
وحسمت امر زواجنا
الغريب ده
المهم...
وعدني عزيز انه هيعمل المستحيل
لغاية ما يرجعلي ابني
وانا عملت نفسي مصدقاه
عشان افضل قاعدة في الفيلا
واقابل الميت ..
الي معاه ابني سامي
ولما لقاني عزيز مصدقاه
طلب مني ساعتها طلب غريب اوي
وقالي..
اسمعي يا مريم
بما اننا هنضطر نعيش مع بعض الايام الجايه
فا يبقي لازم نطبع العلاقات
بينا
قلت..يعني ايه؟
قال..يعني نعيش مع بعض
كاي زوج وزوجة
طبيعين
في بينهم ود... وتفاهم ..
ونتعامل مع بعض عادي
يعني مش لازم احس
انك عايزة تتخانقي معايا
كل ما تشوفيني
قلت...حاضر
رد عزيز بسخرية
وقال..
حضرلك الخير يختي
ودلوقتي ..
انا خارج عشان... عندي شوية شغل
وممكن ارحع متاخر شوية
ياريت تسمعي الكلام
ومتخرجيش من غرفتك
مهما حصل
وانا موصي فضة
هتشوف كل طلباتك
قلت..ماشي
سكت عزيز شوية
وقال..عايزة حاجة اجيبهالك وانا راجع؟
قلت...شكرا
قال سلام
قلت..سلام
وبالفعل...خرج عزيز بيه
وقفل الباب خلفة
وانا رجعت اقعد لوحدي
وافكر...
في كل الكلام ...
الي قالهولي... عزيز بيه
وبصراحة ...كنت محتارة
اصدق عزيز ...ولا مصدقهوش؟
اتعامل معاه عادي؟ زي ما طلب مني ؟
ولا افضل متحفظة في كلامي ومعاملتي معاه؟
ورجعت اقول لنفسي
وليه مسمعش كلامة واتعامل معاه عادي؟
طالما الجواز هيبقي علي الورق فقط ؟
وفي نفس الوقت برضوا انا مش هعطيه الامان
وهسيبة يحاول...انه يرجع ابني
زي ما بيقول
وانا هحاول من ناحية تانية
اني ارجع ابني من الراجل الي مسمي نفسة الميت
المهم...
عدي الوقت
وبقيت ادعي ربنا... ان الميت يظهر تاني
عشان اقولة ...
اني فشلت في اني اعمل فضيحة لعزيز
لكن ...حققت الشرط الاول
وهقدر اقعد في الفيلا علي طول
وكنت ناوية ...
اوصل لاتفاق مع الميت
باي طريقة
عشان ارجع ابني منه
وبقيت اتمني ان الميت يظهرلي تاني في اي لحظة
وكنت كل ما اشعر بحركة بره الغرفة
اقول... ان الميت
هو الي بيفتح الباب من بره...
وبيحاول ...
يدخل عندي الغرفة
وفضلت انتظر عودة الميت
و اترقب رجوعة
لكن... بردوا مجاش
وفضلت علي الوضع ده
لغاية ما بعد منتصف الليل...
وفي الاخر ..
سمعت باب الغرفة بيتفتج
فا انتفضت لما سمعت صوت خطوات في الغرفة
وقلت.. انت الميت ؟
وفي اللحظة دي
سمعت صوت عزيز بيه
بيرد بسخرية
وبيقول..
ايوه ...انا الميت
بس بموت فيكي انتي يا مريم
استغربت من طريقة كلامة
وقلت..في ايه يا عزيز بيه
مالك؟
رد عزيز بيه
وهو بيقرب مني
وقال...
مالي ؟
راجل وبيغازل مراتة
فيها حاجة دي؟
في اللحظة دي
عرفت ان عزيز بيه شارب حاجة
بدليل... اني شميت ريحة غريبة اول ما دخل
اتاريها ريحة الخمرة
واتارية شارب كا العادة ..
وعقلة غايب
فا رديت عليه بغضب
وقلت...مرات مين يا عزيز بيه؟
انت نسيت الي اتفقنا عليه
ولا ايه؟
رد عزيز
وقال..
انا من يوم ما شوفتك وانا نسيت نفسي يا مريم
هو انتي ازاي مش حاسة بيا؟
رديت وانا مرعوبة
وقلت
يا عزيز بيه
انتي ناسي الشرط والاتفاق الي بينا ولا ايه؟
رد عزيز بيه
بعدما مسك ايدي...
وقال...انا كل الي اعرفة
هو...
ان من يوم ما شوفتك
وانا مش بفكر في حد غيرك يا مريم
وسالني عزيز بيه
وقال...
هو انتي ليه مش عايزة تفهمي؟
قلت..افهم ايه؟
رد عزيز
بعد ما قبل ايدي
وقال.. اني ( بحبك )
وفي اللحظة دي
رددت الكلمة الي قالها
وسالتة بدهشة
وقلت
......بتحبني؟
رد عزيز بيه
وقال...
ايوه بحبك
من يوم ما شوفتك في المستشفي
سحبت ايدي من ايده بقوة
وقلت...
حب ايه؟
ومستشفي اية؟
واضح انك شارب ...
ومش داري انت بتعمل ايه؟
ولا بتقول ايه؟
وانا كده هضطر اسيبك واروح الغرفة التانية
رد عزيز بية
وهو بيرجوني
وقال...لا لا لا خلاص ارجوكي متخرجيش
خليكي هنا ..
بره في خطر عليكي
قلت...
يبقي تتفضل تروح تنام...
ومتنساش الي اتفقنا عليه
رد عزيز بيه
وقال...ماشي هروح اتخمد وانام
وتركني عزيز بيه بالفعل...
وراح للسرير بتاعة
وانا قعدت مستغربة من الي حصل
وسالت نفسي
هو في ايه؟
ايه الكلام الي قالهولي عزيز بيه ده؟
هو الراجل ده قبل ما يخرج مش قالي..
انه مش طايق يشوفني ادامة؟
ايوه ..حتي بالامارة ..
قال..انه قاعد معايا في الغرفة هنا غصب عنة؟
والي مصبرة علي عشرتي هو .. ابن اخوه؟
امال ايه الي حصل من شوية ده؟
وفضلت في التفكير والحيرة دي
لغاية الصبح
وطبعا معرفتش انام كويس
ونمت نوم متقطع طول الليل
و قبل ما عزيز يصحي من النوم
كنت انا صاحية
و لما عزيز صحي... وشافني قاعدة علي الكنبة
سالني ؟
قال...
انتي قاعدة كدة ليه؟
قلت..بصراحة من ساعة ما سمعت كلامك...
وانا مستغربة ...ومش عارفة انام
رد عزيز
وسالني باستغراب
قال..انهي كلام؟
قلت..كلامك عن انك
معجب بيا... وبتحبني ..
وبصراحة...
من ساعتها وانا مستغربة وبسال نفسي
انت ازاي بتقول انك بتحبني؟
وانت لسه عارفني من فترة صغيرة؟
ومستشفي ايه الي شوفتني فيها؟
وبعدين ازاي تكون بتحبني ؟
ومعاملتك ليا زي الزفت؟
رد عزيز بيه
وقال...اية ده؟
هو انا قولتلك اني بحبك؟
معلش اصلي كنت شارب
قلت..يعني ايه كنت شارب؟
رد عزيز بيه
وقال..
استني هفهمك..
اولا... متزعليش من اي كلام بقولة وانا شارب ...
انتي اكيد عارفة...
ان الواحد لما بيشرب
بيقول اي كلام
قلت...اه يعني ده تهييس الخمرة؟
قال..ايوه طبعا تهييس
امال يعني تفتكري
ان عزيز بيه...
ممكن في يوم يحب حد؟
وبعدين يعني لو حصل
و حبيت
هحبك انتي؟
قلت..بس انت قلت..
انك حبتني...
من يوم ما شوفتني في المستشفي
كنت تقصد انهي مستشفي؟
ضحك عزيز بيه
وقال...يوووووه
انتي وقفت معاكي الكلمة دي بس؟
دا في ستات كتير اوي
قالولي... اني لما كنت شارب قولتلهم اكتر من كده
قلت ..طيب ممكن طلب؟
قال..اطلبي
قلت..ممكن بلاش تشرب تاني؟
او علي الاقل
تاجل موضوع الشرب ده
لغاية ...ما ترجع تقعد لوحدك تاني في غرفتك
رد عزيز بيه
وقال..حاضر
وتركني عزيز بيه
ودخل الحمام
وانا فضلت ..قاعدة حزينة
ومتاثرة بالجملة...
الي قالهالي عزيز بيه
وهي...
(تفتكري يعني
لو حصل ...وعزيز بيه حب
هيحبك انتي؟)
اد ايه الراجل ده متجرد من الاحساس ...والشعور
يعني يقصد ايه؟
وليه ميحبنيش؟
هو انا مش بني ادمة؟
وانتبهت لنفسي
واستغربت من الحزن الي اصابني؟
ودموعي الي نزلت بدون ما اشعر.... بسبب كلامة
الي زي الدبش
وقررت ...
امسح دموعي... ومفكرش في عزيز بيه ...ده تاني ابدا
لكن قبل ما امسح دموعي
سمعت صوت... عزيز بيه
بيسالني..
بنبرة كلها حنيه
وقالي...
بتعيطي ليه يا مريم؟
قلت.. مفيش
قال..لا
لازم اعرف انتي بتعيطي ليه؟
قلت..عشان ....عشان.... سامي ابني
اصلة وحشني اوي
رد عزيز
وسالني سؤال مفاجئ
وقالي...
ممكن احضنك؟
استغربت من طلبة
وكنت هعترض طبعا
لكن ...
عزيز منتظرش اجابتي
ولقيتة بيضمني لحضنة بحنية بالغة
وهو بيقولي...
انا عايزك طول منتي معايا
تطمني يا مريم
ومتعيطيش.. ومتخافيش ابدا
لاني عمري ما هسمح لحاجة وحشة تحصلك
ووعد مني ابنك هيرجعلك
سليم معافي
طبعا المفروض...
اني في اللحظة دي
كنت انتهز الفرصة...
واصد عزيز بيه
واقولة كلمتين زي السم
عشان اثار لكرامتي الي
اتجرحت
لكن...الغريبة
اني اول ما عزيز ضمني...
وسمعت كلامة
حسيت باحساس غريب اوي
شعور كده
زي مريض الزهيمر الي تاه سنين كتير
واخيرا عرف مكان بيتة ...
شعور لاجئ
اتعذب في غربتة واخيرا
رجع لموطنة
شعور الاعمي الي قلبة نور فجاءة
وبقي شايف شخص واحد بس
عشان كده مقدرتش اصده
بالعكس..
دنا كنت عايزة..
ابكي في حضنة
واقولة..
خبيني ...واحميني
كنت عايزة اوصفلة وحشة الظلام الي انا عايشاة
كنت عايزة
اقولة..
اني بعشق رائحة عطرة...
وبتونس بيها
في سجن الظلام الي محبوسة فيه
كنت عايزة اقولة ..
انه جرح كبريائي...
وبالرغم من كده
استحالة افكر في الانتقام
كنت عايزة اقولة
حاجات كتير
لكن....عزة نفسي
منعتني ..
اني اقول اي حاجة
وفعلا
مقولتش ولا كلمة
واكتفيت باني ارجع للخلف...
وانا بدفع عزيز بايدى بعيدا
وانا بقولة...
من فضلك
ساعدني اني الاقي سامي...
عشان اخده وامشي من هنا
سكت عزيز شوية
وساد الصمت لبعض الوقت
وبعدين سمعت عزيز
وهو بيرد بضيق
وقالي....حاضر
وبعد ما تركني عزيز
وخرج لشغلة
سندت راسي علي الكنبة
وفضلت افكر...
في سامي ابني ...وفي عزيز ...
وفي كل حاجة حصلتلي
من ساعة ما جيت البيت هنا
وبعد شوية
سمعت باب الاوضة بيتفتح
و سمعت صوت الست الكبيرة
وهي داخلة عندي الاوضة
وبتقولي...
ازيك يا عروسة؟
قلت...الحمد لله
ازيك انتي
ردت الست الكبيرة
وقالت...
الحمد لله
انا شوفت عزيز بيه خارج
قلت..اجي اطمن عليكي
قلت...تسلميلي يا رب
ردت الست الكبيرة
وقالت...
ابقي تعالي اقعدي معايا بره
شوية
وبلاش تحبسي نفسك هنا لوحدك
بدل ما تزهقي
قلت..معلش
اصل عزيز ممكن يزعل
اصله منبه عليا
مخرجش طول ما هو بره
ردت الست الكبيرة
وقالت..
خلاص هبعتلك الالاب توب
الي عندي
تسمعي علية اغاني... وافلام
عشان متزهقيش
وانتي لوحدك
قلت..بجد؟
شكرا لزوقك
ردت الست الكبيرة
وقالت..
لا شكر علي واجب
انا هنا زي ممتك بالظبط
حبيبتي
وبالفعل..
ارسلت الست الكبيرة
اللاب توب مع فضة الشغالة
وفضلت فضة معايا
وشغلتلي اللاب توب
لاني مكنتش هشوف اشغلة ..
وكمان مكنتش بفهم فيه
لكن بصراحة ..
فضة كانت بتعرف تشغلة كويس
وكانها متعودة علي القعدة عليه
فسالتها
قلت..انتي اتعلمتي تشغلي اللاب توب امتي؟ وازاي؟
ردت فضة
وقالت..
اصلي انا عندي واحد
قلت..بجد؟
ردت فضة
وقالت..
ايوه... بس انا بقي بدخل بيه علي النت
وامبارح قرات بالصدفة عن الحادثة الي حصلتلك انتي وشادي بيه الله يرحمة
قلت..معقولة؟
هي الحادثة جت علي النت؟
قالت..ايوه
استني لما اجيبهالك
وفعلا... جابت فضة تفاصيل الحادثة
الي اتعرضتلها انا وشادي
وبدات تقراء تفاصيل الحادث
وبعد ما قرات فضة عن الحادث
بتاعي
لقيتها بتقولي
ايه ده مش معقولة
قلت..هو ايه الي مش معقولة؟
قالت..
اصل في حاجة شوفتها ...
في تفاصيل الحادثة
غرببة جدا
قلت.. ايه هي؟
قالت..
العربية الي اتسببت في الحادثة بتاعتكم
الي مات فيها شادي بيه
قلت..مالها ؟
قالت..جايبين صورة السواق بتاعها الي عمل الحادثة
قلت..وايه الغريب في كده؟
ردت فضة
وقالت
عارفة مين السواق الي في الصورة؟
قلت مين؟
قالت..السواق هو.........
لو عايز باقي احداث القصة صلي علي رسول الله وطبعا مننساش نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
جميلة وممتعة جدا
ردحذفروعة كملي
ردحذف🤩🤩🤩🤩🤩🍈
ردحذف��������������
ردحذف🍟🍟🍟🍟🍑🍟🍟🎈🎈🎈
ردحذف🎁🎁🎁🎁🎁🎁🎁🎍
ردحذف������������������
ردحذف🐵🐵🐵🐵🐵🐵🐵🐵
ردحذف🎉🎉🎉🎉🎉🎉🎉🎉🎉
ردحذف😎
ردحذفتم
ردحذف