رواية حضن الأرامل الجزء الثاني عشر - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن

رواية حضن الأرامل الجزء الثاني عشر 

للكاتبة/حنان حسن 

بعدما وصلتني رسالة اخري

 علي موبيلي

وكانت الرسالة ....من نفس الرقم

 الي حذرني من ايمن

 قبل كده

 ولما فتحت الرسالة

اتفاجئت ....بان المرسل 

بيقولي انه واقف علي الباب وعايز بقابلني

وبالرغم من اني ...

 اصابني الفزع

لكن كان لازم اقابلة 

فا روحت بسرعة لغاية باب الشقة 

وفتحت الباب 

للكاتبة حنان حسن

عشان اتفاجئ

 ادامي بان ......

مفيش حد علي الباب

فااستغربت جدا

وسالت نفسي؟؟

هو ازاي مفيش حد علي الباب؟

امال ازاي الراسل كتب انه

 واقف ادام الباب؟

وخدني الفضول

وخرجت ابص علي السلم 

يمكن يكون في حد طالع 

ولا نازل؟

لكن للاسف

 مشوفتش حد علي السلم

وكنت هرجع لشقتي تاني

لكن...

 قبل ما ارجع 

اتفاجئت

 بشخص يقف خلفي 

وقبل ما التفت للخلف وجدتة  بيكمم  وجهي

 وسحبني  للخلف

 و بسرعة...

 لقيت نفسي 

دخلت معاه ...من باب شقة في نفس الدور الي انا فيه

 وتخيلت انه دخلني لشقتي...

لكن لما دخلت للشقة لقيتها مظلمة ..

وفي الضلمة...

سمعت صوت راجل 

بيقولي..

متخافيش  ..محدش هياذيكي

 بس اهدي 

ومتعمليش اي صوت

للكاتبة حنان حسن

طبعا انا كنت في حالة هلع

 لكن..

هزيت راسي بالموافقة

ولما شافني استجبت لطلبة..

بعد عني

 ولقيتني واقفة في الضلمة لوحدي

 ومش عارفة انا فين؟

 ولا مين الشخص الي جابني هنا

وبعد شوية

لقيت النور اتفتح

ولما بصيت حواليا

 اكتشفت...

 اني واقفة  في الشقة  

 الي كان عايش فيها بلال

وهي ...الشقة المقابلة لشقتي

والغريبة ...اني لقيت نفسي واقفة لوحدي 

ومفيش حد معايا في الشقة

فا جريت بسرعة

 ناحية الباب ...وحاولت اخرج من الشقة

لكن سمعت صوت نسائي

 بينادي عليا

وبيقولي..

استني يا شيماء

فا التفت بسرعة 

باتجاه الصوت

واتفاجئت ادامي( بنادية) 

بنت عم ايمن

واستغربت من الي بيحصل

وقبل ما سالها 

علي الهبل الي بيحصل ده

لقيتها بتقولي

متخافيش يا شيماء

انا جايباكي هنا عشان

 اقولك علي معلومات خطيرة 

قلت..يعني انتي الي......

قالت..ايوه انا الي بعتلك الرسايل علي الموبيل

قلت...هو ايه 

الي بيحصل ده؟

 انا كده مبقتش فاهمة حاجة؟

للكاتبة حنان حسن

ومين الراجل الي كان مكمم وجهي من شوية؟

ردت نادية

وقالت..

انا طبعا بعتذر عن الطريقة

 الي جيبتك بيها هنا

لكن كان لازم 

اعمل كده لانك في خطر انتي واولادك

ومش عايزة ايمن يعرف اي حاجة 

من الي هقولهولك 

وسالتها

قلت..ايوه 

بس انا ...وانتي كان في بينا ميعاد ...

وكنا هنتكلم في شقتنا

ردت نادية

وقالت..

اولا ايمن..

 ممكن يجي في اي لحظة

ده لو مكنش حاطط اجهزة تصنت في الشقة اصلا

فا بصيت لنادية

 وسالتها

قلت.. انتي جيبتي منين المعلومات الي بعتهالي في الرسالة ؟

وفي اللحظة دي

اقتربت نادية مني

وشاورت بايديها

وهي بتقولي...

 اقعدي يا شيماء ...وانا هفهمك كل حاجة

وبالفعل..جلست علي اقرب كرسي ليا

وبدات اسمعلها

ولقيتها بتقولي...

انا كنت زيك مخدوعة في ايمن

ويمكن كمان

 جه عليا وقت... 

كنت فاكره ان ايمن اصبح مصدرالحماية

 الوحيد ليا 

بعد ما فقدت اشقائي الثلاثة

والاكتر من كده 

اني كنت فاكرة نفسي بحبة 

لغاية ما في يوم

لقيت في شخص بيتصل بيا

 وبيطلب يقابلني لامر مهم

ولما قابلت الشخص ده

 لقيتة بيعرفني بنفسة

وبيقولي

 انه بيشتغل طبيب

ولما سالتة

 عن الموضوع الي طالب يقابلني عشانة؟

لقيتة بيقولي..

انه عنده معلومات عن  مقتل

اشقائي الثلاثة

ولما قلتلة 

ان اخواتي متقتلوش واتعرضوا لحادث

بدء الطبيب 

يشرح ليا الحقيقة 

وكان معاه الدليل علي كلامة

وسرد ليا الاتي

وقالي..

انه كان صديق لايمن من زمان

ومن فترة...

لقي ايمن جاي 

بيطلب منه...انه  يعرفة علي طبيب

 بيعمل في تجارة الاعضاء

وطبعا صديق ايمن 

فهم ...ان ايمن 

عايز يوصل لتاجر الاعضاء

 عشان يجيب العضو الي اختة محتجاه

لكن الطبيب... بعد ما عمل الاتفاق  مع ايمن ...

 نصب عليه ...وهرب

وبعدها 

رجع ايمن علي صديقة

للكاتبة حنان حسن

 يطالبة بانه يعرفة مكان الطبيب النصاب

ولما صديقة سالة

هو نصب عليك في اية؟

قالة..اخد مني ثلاث جثث

 في مقابل  عضو كنت محتاجه لاختي

لكن الطبيب تاجر الاعضاء نصب عليه وهرب

ولما سالة..

عن هوية الجثث؟

وجيبتهم منين؟

قالة..دول ولاد عمي الثلاثة

ابوهم قتل امي...

وهما الثلاثة طمعوا في الميراث

 وكان لازم اقتلهم

 واستفاد من جثثهم

 عشان اخد منهم العضو الي اختي محتاجاه

ولما صديقة الطبيب عرف المعلومة دي 

ثار....

 وقالة ...ان دي جريمة ولازم يبلغ عن الطبيب

 الي بيتاجر في الاعضاء البشرية

عشان ياخد عقابة

 وطبعا ايمن رفض يبلغ

 لانه متورط معاه 

وفي اللحظة دي

هدد ايمن صديقة 

بانه لو اتكلم ...فا هيحبسة

 لان ايمن 

كان معاه فيديوا من اخواتي الثلاثة

 بيعترفوا فيه علي الطبيب انه هو الي خطفهم

وطبعا انا مكنتش مصدقة الطبيب في الاول 

لكن الطبيب بعتلي الفيديوا علي الموبيل 

وشوفت اخواتي فعلا 

وهما مربطين ...ومرمين في مكان قذر

وكمل الطبيب كلامة

وقال..المشكلة دلوقتي ان ايمن بيبتزني بالفيديوا ده 

وبيطلب مني اني اعمل جرائم تانية 

وانا لازم اوافق 

والا هيبلغ عني وعن الفيديوا

وكملت نادية 

في سرد حكايتها عن الطبيب

وقالت..

.انا سالت الطبيب 

عن الجرائم الجديدة 

الي بيطلبها منه ايمن

رد الطبيب

 قائلا

بعد ما ايمن فشل 

في العثور علي الطبيب (تاجر الاعضاء)

بدء يبحث من جديد 

عن متبرع لاختة التؤام

واخيرا لقيتة جاي

 بيقولي

 انة وجد امراة 

معاها ولد وبنت

 حالتهم مشابهة لحالة اختة وفي سنهم تقريبا

فسال الطبيب ايمن

وقالة..

وهي الست دي 

هتوافق انها تديلك حد من ولادها 

عشان يكون متبرع؟

رد ايمن 

وقال

ومين قالك اننا هنعرفها

احنا هنستدرجها  لغاية هنا

 هي واولادها

 وناخد منها المتبرع الي هنلاقية يصلح من ولادها

فا اعترض الطبيب

وقال..

لكن ازاي هناخد منها عيل من عيالها 

بدون ما هي تشعر؟

وبعدين انت ناسي 

ان الحالة الي هتتبرع لاختك...

 لازم تتجهز للعملية

... وتخضع لفحوصات...

 وتحاليل....

 وهتاخد وقت كبير جدا؟

للكاتبة حنان حسن

فا رد ايمن

 علي الطبيب

 وقال..

منا لقيت الحل للمشكلة دي

وهو ....انك هتيجي تسكن في الشقة الي ادام شقتها

 وهعرفك عليها علي انك صديق قديم

فا اعترض الطبيب

وقال..كوني صديقك

 فا ده مش كفاية عشان اقرب من المتبرع..

 واخده كل شوية...

 عشان اجهزه للعملية 

وكده الام هتشك فيا

 وهتفهم اني دكتور 

وناوي اعمل لحد من ولادها عملية

رد ايمن و 

 قال..

لا اصبر 

منا فكرت اني اعرفك عليها 

علي انك عالم روحاني

وفي اللحظة دي

سالتني نادية

وقالت...

اظن دلوقتي انتي عرفتي مين الدكتور يا شيماء؟

قلت...بلال؟

قالت..ايوه ...للاسف

قلت..كملي

كملت نادية

 وقالت

ولما بلال سال ايمن

اشمعني مهنة العالم الروحاني الي عايز تقدمني بيها ؟

رد ايمن 

وقال

 لسببين...

اولا ...

عشان لو شافتك بتعمل اي حاجة غريبة

 تفتكر ان ده شغل العفاريت 

 ودماغها متروحش لموضوع العملية

والسبب التاني

اني عايز اجننها بموضوع العفاريت 

عشان لو بنتها ماتت في العملية

 مهما اتكلمت... محدش يصدقها

وطلب ايمن من بلال

 انة يزودها معاكي شوية ...

وده بانة ...يوهمك بان في عفاريت في البيت بجد

وفي اللحظة دي

افتكرت الي كان بيحصل

فا سالت نادية

قلت..يبقي الراجل المتسول

 الي كنت بصحي الاقية في الاوضة

 وخصلة الشعر

كل دي حركات مدبرة؟؟؟؟

 وبعد ما افتكرت

لقيت نفسي

 بقول..

اااه عشان كده

 لما شوفت اخوات ايمن من الشباك مع بلال

 ايمن اتهمني باني عندي تهيؤات؟

ردت نادية

وقالت..

ايوه بالظبط كده

فسالتها

قلت..

بس نفسي اعرف

 ايه الي خلي بلال يتصل

 بيكي انتي

 بالذات؟

دا  المفروض انه متهم بقتل اخواتك

 وانتي كان ممكن تبلغي عنة

ردت نادية

وقالت

منا لما ها اكملك الحكاية هتفهمي كل حاجة

قلت..تمام كملي

وبالفعل عاودت نادية استكمال روايتها للحقائق 

قالت...

السبب الي خلي بلال يستنجد بيا هو ...

 انه كان عايزني  اساعدة

 عشان ...يثبت برائتة من التهمة الي ورطة فيها ايمن

لكن انا اشترطت علي بلال

للكاتبة حنان حسن

 اني عشان اساعدة.. يثبت برائتة

فا لازم يساعدني 

هو الاول

 علي اني اخد بثار اخواتي الثلاثة

وكمان طلبت منه

 انه يتوقف فورا عن مساعدة ايمن 

في ارتكاب جرائمة

وبصراحة  ...

بلال وافق علي شروطي 

و قالي ...

انه مش راضي عن الجريمة الي ناوي ايمن يرتكبها

 في حق قسمة بنتك

وكان رافض انه يشارك في سرقة اي عضو منها

وساعتها... 

اتفقت معاه 

اننا ننقذ بنتك قسمة من الموت المحقق

وده حصل بالفعل 

لما بلال خدع ايمن 

 وفهمة ...انه وافق يكون مساعد للطبيب الالماني

 في عمل العملية الي هيجريها لبنتك ...ولاختة 

في نفس الوقت

وافتكر ايمن انه لقي المتبرع لاختة

لكن الي حصل

 ان الدكتور بلال قرر يساعد بنتك قسمة علي الشفاء

وبدل الادوار 

بين قسمة بنتك ...وبين شقيقة ايمن 

الي حالتها كانت ميئوس

 منها

يعني بلال قدم للطبيب الالماني قسمة

 علي انها الحالة الي هتتعالج

 و بالنسبة لشقيقة ايمن

 فقدمها...بلال

 للطبيب الالماني

 علي انها متبرع 

وكانت نتيجة العملية 

ان شقيقة ايمن اتوفت 

و قسمة شفيت تماما

وبعد العملية .

.ايمن اعتقد ان العملية فشلت زي اي عملية ما بتفشل

وبعد ما اختة ماتت

 فضل فترة

 حزين ومكتئب 

وانا وبلال ا كنا بندور وراه

 عشان نكمل انتقامنا منه

اصل بلال حاطط موبيل ايمن تحت المراقبة

واثناء ما كان بلال بيستمع لمكالمات ايمن

استمع لمكالمة ...

بين ايمن... وواحد من رجالتة

 وفهم من المكالمة

 ان ايمن عرف بالي حصل لاختة في غرفة العمليات

وساعتها انا عرفت 

انك في خطر...

 انتي... واولادك 

عشان كده 

انا بطلب منك...

 تختفي فورا انتي واولادك

قلت..وانتي يا نادية

 ما اكيد انتي في خطر انتي كمان

ردت نادية

 وقالت..لا لا 

انا ابعد واحدة ايمن يشك فيها او يفكر ياذيها

قلت..مش صح طبعا الكلام ده

لان ايمن

 اتفق معايا امبارح اني استدرجك

 واسقيكي عصير فيه منوم

 عشان اخد توقيعك بدون 

ما تدري

ردت نادية

وسالتني....

قالت...انتي متاكده من الكلام ده؟

قلت...ايوه طبعا متاكده

 علبة العصير جوه اهية

وبمجرد ما هتشربيها هتنامي

استغربت نادية لكلامي

للكاتبة حنان حسن

وقالت..

.عقود ايه الي مفروض اني اوقع عليها؟

منا اخدت ميراثي من ابويا من ساعة ما مات

ومليش اي ميراث مع ايمن

 يبقي عقود ايه الي هوقع عليها دي

قلت...بصي انا هحكيلك علي الي حصل بالظبط 

وبعد ما سردت لنادية... وعرفتها 

الي طلبة مني ايمن بالظبط

ردت نادية 

وقالت

روحي هاتي علبة العصير

قلت.. ماشي

وبعد ما روحت شقتي

 وجيبت علبة العصير

 ورجعت

اخدت نادية مني العلبة

 العصير

 وطلبت مني انتظرها شوية

 ولقيتها دخلت غرفة من الغرفة ولما  رجعت

قالتلي..

الي في العلبة مش منوم

قلت امال ايه؟

ردت نادية 

وقالت

الي في العصير( سم)

 يعني ايمن بيفكر يقتلني

وده معناه ان ايمن عرف اني كنت مشتركة في قتل اختة

قلت...يا نهار اسود 

يعني ايمن كان عايزني اقدملك السم بايدي 

وطبعا الكاميرات كانت هتصورني....

  وانا بقتلك

ردت نادية

وقالت..ايوه وساعتها

انا هموت وانتي هتتعدمي وهو يطلع منها

قلت...يلهوي...

 طيب وهنعمل ايه دلوقتي؟

ردت نادية

وقالت...

 هنقلب السحر علي الساحر

قلت..مش فاهمة

ردت نادية

 وقالت

روحي شقتك وخدي العصير معاكي

وانا هجيلك في الميعاد

 وياريت تقدميلي العصير لما اجيلك عشان الكاميرات تصورني

قلت...بس؟؟؟؟

ردت نادية 

وقالت

اعملي الي بقولك عليه ومتخافيش

وبالفعل... روحت شقتي

واتصلت با ايمن ...

وعرفتة اني اتصلت  بنادية 

 وهي جاية كمان شوية

فا وصاني ايمن

اني اسقيها العصير باي ثمن

قلت ..حاضر

وبالفعل  وصلت نادية لكن......

لو عايز توصل للجزء الاخير

ضع عشر ملصقات

مع متابعة صفحتي الشخصية

مع تحياتي

الكاتبة...حنان حسن