رواية زواج مع إيقاف التنفيذ الجزء الرابع - للكاتبة حنان حسن - ستجد الرواية كاملة على المدونة - قراءة ممتعة. قصص,روايات,رواية,قصة,حنان حسن
رواية زواج مع ايقاف التنفيذ الجزء الرابع
للكاتبة/حنان حسن
رجعت الي المنزل وانا في قمة الاحباط بسبب فشلي في الحصول علي الوظيفة وكنت قد مررت علي جارتي لاخذ نادين ابنتي..بمجرد ما دخلت الي الشقة سمعت صوت التليفون الارضي يرن.. فااعتقدت انها حماتي وكان اثقل ما علي قلبي اني احدثها وخصوصا اني مش ناقصة غم واحباط اكثر مما انا عليه.. رفعت السماعة
قلت.. الوو
سمعت صوت نسائي.. عرفت بعد لحظات ان تلك النبرات لسهي حبيبة احمد.. وبمجرد ماان سمعت صوتي فا اذا بها تطلق سيل من الشتائم والاهانات واخيرا قالت قبل ان تغلق الخط بوجهي لازم تعرفي انك بالنسبة لاحمد مش اكتر من خدامة مجبر انه يجاريها عشان بنت اخوه معاكي.. يعني من الاخر لولا بنتهم كان زمانهم رموكي في الشارع الي انتي جايه منه يا زبالة.. ووبعد ان غلقت الفون بوجهي وجدت الموبيل يرن ويظهر علي شاشتة اسم حماتي.. وبرغم من اني كنت لا اقوي علي تلقي تلك المكالمة وفي هذا الوقت تحديدا الا ان الفضول اخذني لاعرف ماذا تريد هي الاخري
رديت.. وقلت بصوت هادئ
الوو.. قالت بدون اي مقدمات..ايه الي مقعدك عندك لغاية دلوقتي في بيت ابني؟ انتي مش كنتي عايزة تطلقي؟ولا فاكرة انك لما تطلقي هنسيبك تعيشي في الشقة ونصرف عليكي ؟لو كنتي فاكرة انك هتمسكينا بحتة البت الي بينا وبينك فا تبقي بيتهيالك.. البنت هناخدها منك بالقانون وهتعيش معايا وانتي هنرميكي بره لوحدك رمية الكلاب.. وفجاءة الخط اتقطع او بمعني اصح.. فقد اغلقت الخط ب وجهي .. جلست علي كرسي الانترية كا مصارع انتهكت قواه بعد تلقي لكمات متتالية افقدتة القوة والتركيز ..
انهمرت دموعي وانفجرت في البكاء.. لكل ما احل بي وكل تلك القسوةالتي الاقيها في حياتي.. فا انا الان ارملة ومعي طفلة لم يترك لنا ابوها اي شئ فقد كان يعمل مع امة في تجارة الاساس وكانت كلما اشترت له شقة او سيارة او اي ممتلكات كان يكتب كل شئ باسمها..وهي متحكمة بكل شيييئ حتي البنت عايزة تاخذها مني.. حتي زوجي الذي تزوجني مجبرا ليضمن بقاء ابنة اخيةلتتربي امامة في البيت وهو محتفظ بحبيبتة وينوي الزواج منها ويعتبرني خادمة لابنةاخية التي تعيش بهذا المنزل في مقابل لقمتهاليس اكثر... ويعرضني لكل تلك الاهانات من امة تارة وحبيبتة تارة اخري.. ولما حبيت اتمرد علي الوضع واخرج اشتغل لقيت الناس برة اكثر قسوة وضرواة...
اخذت ابكي بصوت عالي.. حتي وجدت يدا ابنتي الصغيرة تحتضنني.. وتقول لي.. متعيطيش يا ماما عشان انا كمان هعيط
اخذت ابنتي في حضني ونظرت الي لاعلي ودعوت الله..
وقلت.. اللهم اني اشكو اليك ضعفي وقلة حيلتي وهواني علي الناس..
وفجاءة سمعت باب الشقة يفتح.. ورايت احمد يدخل.. واخذ ينادي علي نادين.. وشاهدني اجلس انا ونادين في الرسيبشن وجرت نادين الية وقفذت في حضنة وقالت له.. شوف ماما عشان بتعيط جامد ومش عارفة اخليها تسكت ..نظر اليا في عطف
وقال.. في ايه؟
قلت في عصبية.. بص.. مش معني انكم عارفين اني ظروفي زفت ومجبرة علي القعدة معاكم فا معني كده اني ساقبل الاهانة من حد وهسكت
قال..ومين قال اني هسمح لحد انه يهينك او يسئ اليكي طول منا عايش
قلت.. يسلام ده علي اساس انك متعرفش ان الست سهر كلمتني في الارضي ومسحت بكرامتي الارض من شوية معتمدة علي المعلومة الي حضرتك قولتهالها؟
قال في استغراب.. معلومة ايه؟
قلت.. مش انت الي قولتلها انك متجوزني مضطر عشان تضمن بنت اخوك في بيتكم ومعاها الخدامة بالمره الي هي انا طبعا؟
قال متسالا.. مين الي قال الكلام الخايب ده؟
قلت.. والله حبيبتك والست والدتك اتصلوا بيا من شويه كل واحده علي حده والاتنين قالوا نفس الكلام.. وده معناه ان ده بناء عن كلامك انت ليهم ولم اعطة فرصة للدفاع عن نفسة.. وقد نويت ان اريه انني ما عدت ضعيفة واستطيع ان استقل ماديا
قلت.. علي فكره بقي انا خلاص لقيت شغل باجر معقول يمكنني من ان اؤجر شقة واصرف علي بنتي
قال.. استني لحظة واحدة..
واخرج الموبيل من جيبة واخذ يتصل بشخص ما.. ووجدتة يقول.. ايوه يا سهر.. انا في البيت.. من فضلك تعالي حالا امي هنا وعايزه تشوفك.. بسرعة هستناكي..
اغلق الخط واتصل مره اخري برقم جديد وقال.. الوو.. ايوه يا امي انا في البيت وعايزك هنا حالا... ثم قال.. لما تيجي هقولك بس تعالي بسرعة... مستنيكي..واغلق الخط ولم ينطق بكلمة واخذ يلعب مع نادين ويضحك ويقول.. تعالي يابنتي نشوف حاجة ناكلها في البيت ده واخذ نادين ودخل المطبخ
استغربت من تصرفة هذا
وبعد مرور بعض الوقت ..سمعت صوت الجرس وكانت سهر.. فتح لها احمد.. وقال.. ادخلي يا سهر اتفضلي.. وبعدها بشوية رن الجرس مره اخري وكانت امه (حماتي) هي من حضر هذة المره وبعد قليل سمعت احمد ينادي عليا ويقول.. عبير.. عبير
ذهبت اليه وكان يجلس معهم في الصالون.. وعندما راني تقدم الي ومسك يدي وقال اعرفكم يا جماعة.. دي زوجتي.. وصاحبة البيت ده... كرامتها من كرامتي واحترامها من احترامي واي حد هيتطاول عليها.. فكانه تطاول عليا انا بالظبط وطبعا انا عمري ما هسمح بكده
قالت سهر بصوت مخنوق بالبكاء.. يعني انت جايبني هنا عشان توجهلي الاهانة ادام البني ادمةالزبالة دي؟
رد احمد في عصبية فائقة..
قال.. احترمي نفسك واتكلمي بادب.. وانا جيبتك دلوقتي فعلا عشان اخيرك ان كنتي هتقبلي تعيشي معايا كازوجة ثانية بشروط واهمها انك تحترمي عبير وتحطيها تاج علي راسك كمان وانا دلوقتي بخيرك ان كنتي هتستمري معايا علي هذا الاساس او ترفضي وده من حقك
تدخلت ام احمد (حماتي)
قالت انت اكيد اتجننت ثم نظرت الي ووجهت لي الحديث قائلة لحقتي عملتيله العمل؟
رد احمد في عصبيه
قال.. خلص الكلام وانا جيبتكم هنا عشان احذركم انتوا الاتنين من ان اي واحده فيكم تدايقها بكلمة واحده..
في تلك اللحظة ..خلعت سهر الدبلة من يديها ورمتها علي الارض.. ثم قالت...واضح انك نسيت انا بنت مين عشان تطلب مني اني اقبل بكلامك ده.. ثم قالت بعد اتخاذها القرار الحاسم ..من النهارده مش عايزه اشوفك تاني وخرجت من الباب واخذت امه تندب وتنظر اليه في غضب... وتقول وانا كمان مش مسمحاك ومش هدخلك بيت تاني طول ما انت متزوج من الحرباية دي.. ثم خرجت هي الاخري.. ووجدت نفسي اتعجب من موقف احمد وما فعلة الان وكيف ثار علي كرامتي ورد الاهانه لمن اهانوني بل والاكثر من ذلك انه جعل كرامتي من كرامته ووضع عليها خطا احمر.. يا الله ما هذا الشعور بالراحة والسعادة والاعجاب باحمد وموقفة مع من ظلمني وكان لابد ان اشكره علي ما فعلة من اجلي ولكنني وجدتة دخل للبلكونة ليدخن سيجارتة.. فدخلت الي المطبخ لاعد له فنجان من القهوة.. حتي يهداواستطيع ان اشكرة ولكن بعدما اعددت له القهوة وخرجت لاقدمها له كان قد خرج من الشقة.. وتدايقت جدا لانه خرج دون ان اعبر له عن شكري وامتناني لموقفة معي.. وفي تلك الاثناء.. وجدت موبيلي يرن برقم غريب واعتقدت انها احدي العقربتان.. تريد ان تطفئ نارها وتنتقم مني.. فتحت الموبيل
قلت.. الووو
سمعت صوت رجل يرد.. مساء الخير
قلت.. مساء النور مين؟
قال.. انا الي هسود عيشتك وهقلب حياتك لجحيم ولن تصدقوا من كان صاحب المكالمة.....
يتبع
التعليقات