إغتصاب في الحلال | الجزء السادس و السابع

بعد ما اتوبيس السوبر جيت.. وصل اخيرا القاهرة.. ونزلت منه لقيت الشاب الي كان قاعد جنبي بيقترب مني وبيعرض عليا انه يوصلني واختة كم...


بعد ما اتوبيس السوبر جيت.. وصل اخيرا القاهرة.. ونزلت منه لقيت الشاب الي كان قاعد جنبي بيقترب مني وبيعرض عليا انه يوصلني واختة كمان نزلت من سيارة خطيبها وطلبت مني انهم ياخذوني في طريقهم ولكنني شكرتهم وطلبت منهم ان يساعدوني علي معرفة العنوان بتاع العريس الي انا ببحث عنة من اجل ان اتمم زواجي به لانفذ الوصية.. وردت اختة.. بان ذلك العنوان بطريقهم..وعرضوا عليا بان ياخذوني للعنوان المنشود..

للكاتبة..حنان حسن
ووافقتتهم.. وعندما دخلت السيارة..وجدت الفتاة تمد يدها نحوي لتعرفني بنفسها
قالت.. انا هالة.. وده ممدوح خطيبي وهنتجوز كمان اسبوع
قلت اهلا بيكي..مبروك وربنا يتمم بخير
قالت.. طبعا مش هعرفك علي خالد اخويا انتوا اكيد اتعرفتم في السكة
رد خالد..ساخرا
قال.. لا انا مدتهاش فرصة تتعرف عليا ..بصراحة مكنتش عايز حد يصدعني
قلت وانا اتجاهل سخرية اخوها
قلت.. انا ياسمين.. من اسكندرية وجاية هنا ادور علي حد قريبي في العنوان الي في الكارت
ردت هالة متسائلة
قالت.. انتي معاكي رقم موبيلة
قلت.. لا للاسف اصلنا بقالنا فترة منعرفش حاجة عن بعض وهو غير رقم موبيلة
قالت.. عموما هو العنوان في طريقنا واحنا هنوصلك لغاية عنده متقلقيش
قلت.. شكرا لزوقك بجد
قالت.. علي ايه يا بنتي مشوارك في طريقنا اصلا
رد خالد قائلا.. اطلع يا عم ممدوح ده شكلهم هيقضوها شكرنيات طول النهار
وبالفعل انطلق ممدوح خطيب هالة بالسيارة قاصدا عنوان زوج المستقبل.. وبعد مرور بعض الوقت وصلنا للمكان الذي بالعنوان علي الكارت.. وعندما نزلت من السيارة.. عرضت عليا هالة بان تاتي معي لنتاكد من انه هو المكان..
قلت.. لا خليكي شكرا كفاية انا تعبتكم معايا

للكاتبة.. حنان حسن

قالت.. يا بنتي انتي في بلد غريب عليكي وجايه علي عنوان متعرفيهوش اصلا..يعني ممكن العنوان يكون غلط وانتي لوحدك وممكن متعرفيش تتصرفي..
ووجدت خالد ينزل هو الاخر من السيارة لياتي معنا
وبالفعل ..دخلنا العمارة بعدما تاكدنا من البواب بانه هو العنوان وصعدنا بالاسانسير..الي تلك الشقة التي حددها البواب..ورنيت الجرس وكان معي خالد واختة هالة
وبعد قليل فتحت الباب امراة مملوئة القوام..كان واضح بانها احدي زوجات ..شريكي في الوصية..
فسالتها عن زوجها
قلت.. دي شقة استاذ مدحت علام؟
قالت.. ايوه هي شقتة.. اي خدمة؟
قلت.. طيب لو سمحتي انا واحده قريبتة من اسكندرية وكنت عايزاه
قالت عايزاه في ايه؟
قلت.. مسألة شخصية
قالت.. بعدما تفحصتني من اسفل قدمي حتي منبت شعري..
قالت.. ايوه بس هو مسافر
قلت.. طيب ممكن رقم موبيلة من فضلك؟
قالت.. اسفة مقدرش اديكي رقمة..هو محرج علينا ندي رقمة لحد.. ثم استطردت قائلة.. وعلي العموم هو جاي بكره ممكن تبقي تيجيلة بكره وتشوفي انتي عايزه منه ايه؟
قلت.. طيب ممكن تاخدي رقمي واول ما يوصل بكره تتصلي بيا وتعرفيني انه وصل عشان اجيلة؟
قالت ..هاتي رقمك
وبعد ان اخذت رقمي سالتني
قالت.. اي خدمة تاني؟ قلت ..شكرا

للكاتبة ..حنان حسن

وبعدما تركنا تلك المراة المستفذة..ونزلنا من البيت قالت ..هالة..شوفتي بقي كان عندي حق ازاي؟
اديكي معرفتيش توصلي لقريبك هتعملي ايه دلوقتي؟
قلت.. هشوف اي فندق هبات فيه لحد بكره وخلاص عشان اقدر اجيلة تاني بكره
في اللحظة دي..لقيت خالد بيسال هالة..عن الشقة الفاضية في بيتهم..الي صاحب البيت بياجرها مفروش باليلة وكان بيقترح اني لو اجرت الشقة دي لمدة ليلة.. هيكون افضل ما انذل في فندق وانا لوحدي باليل كده
قالت هالة.. ايوه فعلا يا ياسمين..بيتهيالي هيكون افضل انك تاجري شقة لمدة ليلة في مكان مامون صدقيني ده ائمن ليكي
قلت.. خلاص تمام انا موافقة ..معلش ممكن بعد اذنكم تعرفوني مكان الشقة دي؟
ردت هالة قائلة
تعالي معانا دي في البيت عندنا
قلت تمام ..وبالفعل ذهبت معهم لمنزلهم.. وطلبت مني هالة بان اصعد معها لاستريح بشقتهم اولا عند امها علي ما تتصل بالراجل صاحب البيت..وعندما طلعت معها وقابلتني امها وجدتها امراة طيبة جدا وعطوفة.. وعرفت ساعتها هالة جايبة الجدعنة والطيبة دي منين

للكاتبة حنان حسن

استقبلتني ام هالة بترحاب ..وكانها تعرفني من زمان.. ولما شرحت هالةلامها قصة بحثي عن قريبي وانتظاري له يوم حتي يعود طلبت ام هالة من اولادها ..بان لاداعي بان يتصلوا بصاحب البيت..
حيث لا توجد ضرورة بان اتكلف ايجار ليلة وعرضت عليا بان ابات هذه الليلة بغرفة هالة.. بل واصرت علي ذلك ايضا
طبعا شكرتها علي زوقها وضيافتها ليا.. وطلبت مني اني ادخل اريح في غرفة هالة.. الي ان تجهز العشاء
بصراحة انا كنت في غاية الاحراج..لاني اقتحمت بيت الناس مره واحده كده وهبات عندهم كمان
ولما دخلت غرفة هالة.. لقيتها غرفة جميلة تعج بالحياة.. بالرغم من انهم عائلة متوسطة ماديا.. يعني مش اثرياء..لكن حياتهم يتمناها اي ثري ..فا السعادة احيانا تاتي من ثراء النفوس الطيبة.. الدافئة

للكاتبة ..حنان حسن

بصراحة حطيت راسي علي السرير وكنت جعانة نوم ولقيت نفسي نمت من غير حتي ما اغير هدومي...وشوية لقيت هالة بتصحيني برقة
قال.. ياسمين قومي عشان تتعشي
قلت.. لا يا حبيبتي مش عايزه اكل شكرا انا هنام
قالت.. ازاي بقي دي ماما وقفت في المطبخ وتعبت عشان تعملك احلي عشاء.. ينفع تزعليها؟
قلت وانا احاول ان استيقظ مره اخري..
قلت.. حاضر
ودخلت عليهم في غرفة السفرة وكانوا جميعا ينتظروني.. بصراحة كنت حاساه جو اسري في حب وحنية عمري ما حسيت بيهم..
وبعد ما قعدت لقيت ام هالة بترحب بيا وبتقولي.. اظن بقي يا ياسمين انتي مش عايزة عزومة.. اعتبري نفسك في بيتك يا حبيبتي واتعشي
قلت وانا ابتسم.. حاضر

كنت الاحظ طيلة الوقت بان خالد مركز معايا وكانه كان قد ترك امه واختة يفعلان ما كان يريدة هو
وسالتني امه ونحن نتناول الطعام
قالت..انتي ازاي اخواتك يسبوكي تسافري لوحدك يا ياسمين
قلت.. انا معنديش اخوات..
قالت.. انتي مرتبطة يا ياسمين؟
قلت.. انا ارملة
قالت.. يا حبيبتي ربنا يعوض عليكي
قلت وانا اترك السفرة .. شكرا للاكل الجميل ده وشكرا لتعب حضرتك

للكاتبة ..حنان حسن

قالت.. الف هنا يا ياسمين.. اصبري بقي عشان الشاي علي النار

لقيت خالد بيقترب مني وبيشير للصالون
قال.. اتفضلي عشان نشرب الشاي
قلت.. ملوش لازمة الشاي انا هنام
قال ممازحا.. الشاي هنا اجباري..اتفضلي اترمي هنا..... اقصد اقعدي

كان واضح انه قاصد يغلس عليا ويستظرف دمة بس انا عدتهالة عشان انا في بيتهم

ولقيتة جلس بالقرب مني وهو يبدء بالتعريف بنفسة
قال.. انا عارف انك هتموتي وتتعرفي عليا بس انا هوفر عليكي محاولاتك..وهريحك.. انا خالد35 سنة.. وبشتغل محامي وبشتغل في مكتب محامي كبير لاني لسه معنديش مكتب

قلت..مازحة..انا مكنتش عايزة اعرف علي فكره

قال متجاهلا كلامي..طبعا نفسك تعرفي انا كنت في اسكندرية بعمل ايه؟ حاضر هقولك عشان اخلص من زنك
انا كان عندي ..قضية في اسكندرية عندكم

وفي هذة اللحظة جاءت هالة وهي تحمل صينية الشاي لتنضم لنا وبعد ام جلست سالتني
قالت.. هو انتي ليه عايزة قريبك ده اوي كده يا ياسمين؟
قلت.. زوجي الله يرحمة ترك وصية وذكره فيها والمحامي طلب انه لازم يحضر
رد خالد ممازحا.. اااه ده الموضوع فيه وصية وورث بقي؟ ثم قال ممازحا
قال.. طيب مش تقولي يا بنتي انك غنية عشان نعاملك حلو؟ ونجيبلك كيكة مع الشاي؟

للكاتبة.. حنان حسن

ردت هالة وهي تضحك علي كلام خالد
قالت.. معلش يا ياسمين خالد بيحب يهرج

سالني خالد وهو مازال يمزح
قال.. عشان كده بقي مغرورة ومش طايقة حد يكلمك ؟

الجزء السابع
للكاتبة..حنان حسن

قلت ..لا يا جماعة الموضوع مش كده خالص..
كل الحكاية ان المرحوم زوجي ترك وصية لمدحت ابن صديقة وانا جاية اعرف مدحت ده بالوصية مش اكتر

قال خالد.. يعني المرحوم ادالك بومبة وترك لابن صديقة كل مالة ..وانتي فقيرة..خلاص متجبيش الكيكة يا هالة
واخذنا نضحك جميعا

طبعا مكنش ينفع اشرحلهم موضوع شرط الوصية بالزواج من مدحت ..لاني اولا مكنتش لسه اعرفهم كويس.. ثانيا.. مش عايزة ابان اني ببحث عن شخص عشان افرض نفسي عليه واتزوجة

وفي اليوم التالي.. صحيت علي صوت والدة هالة..وهي بتصحينا
وبتقول ..يلا يا بنات الفطار جاهز
وبعد ما صحيت ولبست وخرجت من الغرفة.. لقيت خالد يجلس علي تربيزة السفرة وهو ينتظرني وبعينية لمعه اعجاب كنت الاحظها منذ ان التقيت به في محطة القطار ولكن اليوم كانت اكثر حدة

وبعدما جلست لاتناول الافطار جائني اتصال من رقم غريب

فتحت الموبيل..وانا اقول.. الوو
رد صوت نسائي وقالت المتصلة.. الوو
قلت مين معايا

قالت انتي كنتي جيتي امبارح وسالتي عن مدحت جوزي واديتيني رقمك
قلت.. ايوه معاكي.. هو استاذ مدحت وصل؟
قالت.. لا هو ادامة يوم او يومين كمان وانا قولت اتصل بيكي واعرفك
قلت.. هو انتي عرفتية باني عايزاه؟
قالت.. ايوه بس هو في شغل ومش هيقدر ينزل قبل يومين كمان
قلت.. طيب من فضلك اول ما يوصل اتصلي بيا
قالت حاضر
بعد ما اغلقت معها الخط طلبت من هالة بان تتصل بصاحب المنزل وتتحدث معه بشان ايجار الغرفة اليومين القادمين.. ولكن والدة هالة اصرت بان اقيم المدة دي عندهم... واكدت هالة علي كلام والدتها.. بان قالت.. يا بنتي ما تخليكي معانا اليومين دول هو انتي يعني مكلفانا ايه منتي قاعدة معايا في غرفتي وبعدين انا فرحي بعد اسبوع وزي منتي شايفة انا معنديش اخوات بنات اخد رايهم في الترتيبات بتاعة الفرح..خليكي جدعة بقي وخليكي معايا

طبعا مكنش ينفع ارفض دعوتهم الكريمة دي لانهم فعلا ناس طيبين..
وبعد العصر كنا قاعدين انا وهالة وخالد.. ولقينا والدة هالة جاية بتعرفها ان خالتها وبنتها مي جايين عشان يساعدوها في الترتيبات والتجهيز للفرح

قالت هالة..
ايوه يا عم خالد مي جيالك يا جميل
رد خالد قائلا.. يا ساتر يارب وايه الي جايبهم دول؟
ردت هالة ..
قالت.. اسكت عشان ماما هتزعل منك تاني
وبعد شوية.. وصلت خالتهم وابنتها مي
وعندما دخلت خالتة وابنتها نظروا ناحيتي.. وكانهم يريدون تفسيرا لوجودي ومين انا وماذا افعل هنا.. قامت والدة خالد بتقديمي لهم..حيث
قالت.. دي ياسمين ضيفة عندنا .. نظرت الي خالتهم بتقزز.. وقالت.. اهلا
طبعا خالد اختفي بمجرد سلم عليهم وكان واضح انه لا يطيق الجلوس معهم وفي المساء وبعد رحيل خالتة وابنتها.. عرض خالد بان نخرج جميعا للتمشية..ولكن والدتة اعتذرت عن الخروج معنا لانشغالها بالترتيب لحفل الزفاف.. وخرجنا انا وهالة التي اتصلت بخطيبها لياتي معنا وكان معنا خالد ايضا واقترحوا بان نذهب للملاهي ..وكنت اسخر منهم في قرارة نفسي وانا اقول ايه الناس الهايفة الي عايزين يذهبوا لاماكن لا يسعي للذهاب اليها سوي الاطفال
ولكن بعدما وصلنا ورايت الالوان والاضواء وجميع من بالمكان كان سعيدا.. شعرتة حينها بانني طفلة صغيرة وهذا هو يوم العيد.. وبعدما ما دخلنا اخذ ممدوح خطيبتة هالة من يدها ليستمتعوا بركوب المراجيح وتركونا انا وخالد الذي اخذني بدوره للاستمتاع بالملاهي .. واخذنا نضحك ونلهو طيلة الليل.. تقدروا تقولوا ان دي كانت اسعد ليلة عيشتها في حياتي علي الاطلاق.. حيث كنت اضحك من قلبي لاول مره في حياتي

وبعد ما خرجنا ما الملاهي اقترح خالد بان ناخذ.. مركبا في النيل وبالفعل ذهبنا لتلك المركب وذلك المكان الذي يعج بالسحر فقد كانت مركب بالنيل والجو اكثر من رائع.. واخذني خالد بعيدا عن هالة وخطيبها وجلسنا في ركن وحدنا .. ووجدتة ينظر لي بنفس نظرة الاعجاب وهو
يقول..مبسوطة يا ياسمين؟
قلت.. ايوه طبعا مبسوطة جدا
قال.. انا كمان مبسوط اوي

قلت..اي حد يجي مكان زي ده وجو زي ده لازم يبقي مبسوط وحالتة النفسية تبقي مية مية
قال.. طيب بمناسبة انك نفسيتك مية مية بقي مش هتعرفيني علي ياسمين ؟
قلت..انا بني ادماية عادية جدا.. مفيش في حياتي علامة مميزة بتخليني مختلفة عن اي واحده تانية..ونجحت ان اهرب من سؤالة بهذة الاجابة المقتضبة.. بعكس خالد.. فقد اخذ يحكي عن نفسة باستفاضة.. وبدء في وصف حياتة منذ البداية.. وكم الصعوبة التي عاشها في حياتة مع ظروفة المادية الصعبة وبالرغم من احتياجة المادي الا انه كان دائما ما يرفض قبول القضايا التي يعلم بان اصحابها يستحقون العقاب مثل القتلة وتجار المخدرات وغيرهم

وقضينا الوقت في الحديث عن ماضية الذي عاني فيه ..وعن مستقبلة الذي يحلم فيه بانه يكون محامي كبير بيجيب حق الغلابة

وبعد الليلة دي بدات علاقتنا انا وخالد تاخد شكل تاني خالص.. فا بعد ما رجوع مدحت اتاجل .. اضطريت افضل عندهم اسبوع كمان..في الوقت ده.. خالد كان بيحسسني باني مسؤلة منه وبيهتم بيا جدا وعلي طول كان معايا في خلال الاسبوع الي قعدته في بيتهم وكان مبيفرقناش غير ساعات النوم.. وتقدروا تقولوا اني كنت اسعد واحده في العالم وانا قريبة من خالد وبشعر بانه مهتم بيا اكتر من نفسة..لكن زي ما بيقولوا السعادة مش بتدوم.. فا في يوم وانا في المطبخ سمعت خالتة وهي بتتكلم مع ام خالد عني وهي بتنبه اختها مني وبتقولها..
انا واخدة بالي ان خالد مشغول بالضيفة الي عندكم؟
ردت ام خالد نافية ظنها هذا
قالت.. لا يا شيخة متقوليش كده دي ارملة..وخالد عاقل ولما هيجي يتجوز هياخد واحده لسة بنت بنوت زي مي كده

طبعا الكلمتين دول كانوا بمثابة القلم الي فوقني من الحلم الجميل..لان فعلا هما عندهم حق ..لان خالد شاب ولسة امامة مستقبل كبير ايه الي هيغصبة يتجوز واحده عاشت ظروفي دي كلها.. دي امه كمان بتتكلم كده وهي فاكره اني تزوجت مره واحده فقط واترملت بعدها ..امال بقي لما تعرف اني تزوجت ثلاث مرات يا تري هتعمل ايه

للكاتبة..حنان حسن

وخرجت بعد ما سمعت كلامهم وبدون ما اعرف حد فيهم حاجة واخدت شنطتي وتركت البيت عند خالد ..وكنت هسافر اسكندرية لولا اني فكرت اجرب لاخر مره اتصل علي مدحت شريكي في الوصية.. ولقيت زوجتة بتقولي ان مدحت وصل فعلا .. ساعتها قرر اكمل المشوار الي كنت جايه عشانة اصلا وهو الجوازة الرابعة الي فرضتها عليا الوصية ولما وصلت لبيت مدحت.. حصلت حاجة مش هتصدقوها.......


التعليقات

الاسم

رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بت شمال,10,رواية بنت ليل,10,رواية جواز عرفي,10,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة للإيجار,12,رواية شبة أنثى,12,رواية عشقتك رغما عنك,11,رواية علاقة ساخنة,9,رواية فضيحة بالدور الأرضي,5,رواية فعل فاضح,12,رواية قادر و فاجر,1,رواية لازم قبل الدخلة,6,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,قصص و روايات,366,
rtl
item
حنان حسن - كاتبة روائية: إغتصاب في الحلال | الجزء السادس و السابع
إغتصاب في الحلال | الجزء السادس و السابع
https://lh3.googleusercontent.com/-UiITq6ckPjQ/XvRVQSp01qI/AAAAAAAABIY/ZX5fYebNIUISiJIXb77q-O_sJ625CTZBwCLcBGAsYHQ/s1600/1593070911735018-0.png
https://lh3.googleusercontent.com/-UiITq6ckPjQ/XvRVQSp01qI/AAAAAAAABIY/ZX5fYebNIUISiJIXb77q-O_sJ625CTZBwCLcBGAsYHQ/s72-c/1593070911735018-0.png
حنان حسن - كاتبة روائية
https://www.hananstory.com/2020/06/blog-post_78.html
https://www.hananstory.com/
https://www.hananstory.com/
https://www.hananstory.com/2020/06/blog-post_78.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content