ليلة العمر الجزء العاشر للكاتبة..حنان حسن بعدما نجحت في محاولة الهرب من عابد رجعت علي بيتنا واستغثت بخالتي (الدكتورة جهاد) عشان ...
الجزء العاشر
للكاتبة..حنان حسن
بعدما نجحت في محاولة الهرب من عابد
رجعت علي بيتنا واستغثت بخالتي (الدكتورة جهاد)
عشان تخفيني عن عابد
لكن شعرت انها عايزة ترجعني لعابد تاني
فا تركتها وروحت علي شقة عابد عشان اجيب شنطتي واهرب بعيد عن الجميع
لكن في شقة عابد اكتشفت مص&ايب وبل&اوي...
وفهمت من المص&ايب دي..
ان عابد مهنته الاصلية
( طبيب)
وبيتاجر في الاع&ضاء البشرية
وللاسف اكتشفت ان عابد قرر يس&تغلني اسوء است&غلال
وعمل خطة عشان يستفاد مني باكتر من طريقة
والخطة كانت ...
بانة...يتزوجني ويعملي وثيقة تأمين علي حياتي
بمبلغ كبير
وبعدها يرتب مسألة وف&اتي علي انها حادث غرق اثناء رحلة العمرة
وبدل ما ام&وت ويدفنوا ج&ثتي
قرر يست&غلني بعد الوفاة كمان
وبعد ما يجردني من هويتي
يستدرجني لمكان بعيد
عن الناس
عشان يق&تلني ويبيبع اعض&اء جسمي
المهم...
لما اكتشفت المصير الاسود
الي انا كنت مقبلة علية
اخدت كل الاوراق ورجعت علي خالتي الدكتورة جهاد
وشرحتلها كل حاجة
وطلبت منها انها تيجي معايا نبلغ البوليس عن عابد
لاني معنديش بطاقة ولا اوراق
تثبت صحة كلامي
وفي اللحظة دي
قدمتلي خالتي زجاجة مياة
وقالتلي ..اشربي واهدي
وبمجرد ما شربت من المية
اتفاجئت بخالتي
بتكلم شخص
وبتقولة...ريم عرفت كل حاجة...
وكنا هنروح في داه&ية
تعالوا بسرعة خدوها علي غرفة العمليات
في اللحظة دي
فهمت ان خالتي مشتركة في الي بيحصل
فا بصيت بسرعة علي الشخص الي بتكلمة
واتفاجئت
ب .... خالتي مرصودة
ومعاها شخص معرفوش
وقبل مااسألهم اقولهم
لية بتعملوا فيا كده دا انا بنت اختكم؟
سمعت خالتي مرصودة
وهي بتقول لخالتي جهاد
خدريها احسن تحاول تهرب تاني
فا ردت خالتي جهاد
وقالت...متقلقيش انا وضعت نسبة من المخدر في المية وهي شربتها
يعني مش هتقدر تتحرك
في اللحظة دي
حاولت استعطفهم
واقولهم..
اعتقوني لجل صلة الرحم الي بينا
لكن ..اول ما حركت لساني
شعرت ان لساني تقيل
وكنت حاسة اني زي الي متخدرة ببنج نصفي
شايفة وسامعة الي بيحصل
لكن مش حاسة بجسمي...
ولا قادرة حتي احرك صباع واحد من صوابعي
فا حاولت اصرخ
يمكن حد يسمعني ويغثني منهم
وبمجرد ما سمعوني
قربت خالتي جهاد مني ووضعت شريط لاسق علي بوقي
عشان مطلعش صوت
واصدرت اوامرها للراجل الي شغال معاها
انه ياخدني ويطلعني لشقة خالتي مرصودة
وفعلا اقترب مني الراجل وحملني علي ايدية الاتنين
لكن....
فجاءة..
سمعت خالتي مرصودة بتقولهم...
انا سامعة صوت الجرس
استنوا لما اشوف مين
وبعد ما بصت من العين السخرية
لقيتها بتقولهم...يادي المصيبة دي امها جت
ولولا اني قافلة الباب بالترباس
كان زمنها فتحت وشافتنا
فا اتكهربوا كلهم
وبصت خالتي مرصودة للمساعد
وقالتلة...
اخفي البت دي في اوضة جهاد دلوقتي ...
علي ما اروح افتح الباب
وفعلا اخدتني خالتي جهاد بمساعدة الراجل الي معاها
ودخلوني لغرفتها
وبدل ما ينيموني علي السرير
نيموني تحت السرير
عشان لو امي دخلت اوضة خالتي متشوفنيش
واثناء ما كنت راقدة تحت السرير شوفت قدم الراجل
وهي بتغادر الغرفة
لكن خالتي متحركتش من علي السرير
وبعد شوية
شوفت الباب بيتفتح
وسمعت صوت امي
وهي بتصرخ في خالتي جهاد وبتسأل عليا
وبتقولها..
.بنتي فين يا جهاد؟
فا ردت الدكتورة جهاد ببرود
وقالتلها...وانا هعرف منين
انا مشوفتش بنتك من يوم ما اختفت
فا رجعت امي تصرخ فيها تاني
وقالتلها...كدابة
انا متأكدة انها جت علي هنا
بدليل...
اني لاقيت الغيارات بتاعتها في الحمام
والغيارات مبلولة
يعني بنتي كانت هنا حالا
فا ردت خالتي بنفس البرود
وقالت...وحتي لو كانت هنا اية المشكلة؟
فا ردت امي بغضب
وقالت...
المشكلة اني عرفت خطتكم الخب&يثة
ولو بنتي جرالها حاجة هوديكم كلكم في داهية
فا ضحكت خالتي
وردت وقالت..
الي يشوفك كده يقول انك مكنتيش مشتركة معانا
ولا راسية علي الخطة من اولها ...
دا انتي ساعدتينا فيها كمان
ولا نسيتي؟
فا ردت امي بغيظ
وقالت...انا وافقت اني اشارك في خطتكم فعلا...
لما فهمتوني
اننا هنعمل علي البنت لعبة
لغاية ما نجوزها ونجبرها
تعمل وثيقة تأمين علي الحياة
وبعدها نهربها برا البلد ونقسم قيمة التأمين بينا
لكن...انتوا مقولتليش يا دكتورة
علي باقي الخطة الخب&يثة
بتاعتك انتي واختك
ومكنتش اعرف انكم بتخططوا انكم تق&تلوا بنتي وتبيعوا اعض&ائها
في اللحظة دي
ادعت خالتي جهلها بالموضوع
وسألتها
وقالت...ايه الكلام الغريب الي بسمعة ده
انتي جيبتي الكلام ده منين ؟
بقي انا برضوا هعمل كده في بنت اختي؟
فا ازادات امي في غضبها
وردت...
وقالت ...
انتي انسانة مادية
و تعملي اي حاجة مقابل الفلوس
وانا بحذرك
لو مقلتوش بنتي فين
انا هخرج من هنا علي
البوليس
وهفضح المستور كلة وعليا وعلي اعدائي
في اللحظة دي
انا كنت مازلت تحت السرير
وكنت عايزة اخرج من مكاني واصرخ
واستنجد با امي
لكن...مفعول البنج كان مازال شغال في جسمي
ومكنتش قادرة اتحرك ولا حاسة بجسمي
وكنت بتابع الي بيحصل فقط
ولاحظت
ان قدم خالتي مرصودة
بتتحرك من مكانها و بتقترب من قدم امي
وسمعتها بتقول لامي خدي اشربي شوية مية
عشان تهدي
فردت امي بعصبية
وقالت...مش عايزة اشرب حاجة
فا اقسمت خالتي مرصودة
وقالت...طب والله ما هنقولك بنتك فين
غير لما تشربي المية وتهدي
وفي اللحظة دي
كتت عايزة اصرخ واحذر امي من شرب المية
لكن ...مكنتش اقدر اعمل كده
وللاسف سمعت امي وهي بتقولهم..
ماشي هاتي شوية مية
وبعد لحظات
لقيت امي بتقولهم...
اديني شربت المية وهديت
قولولي بقي بنتي فين ؟
فا ردت خالتي مرصودة
علي امي
وقالتلها...
بنتك عندي في شقتي
وسليمة وزي الفل
تعالي معايا فوق عشان تشوفيها بنفسك
وبعدما خالتي
اخدت امي..وسندتها من ايديها... وخرجوا من الغرفة
اقتربت خالتي جهاد من حافة السرير
ونزلت براسها
..
والقت عليا نظرة
وبعدها...نادت خالتي علي المساعد بتاعها
الي كان مختفي في مكان ما بالشقة
وامرتة انه ياخدني لشقة خالتي مرصودة
في اللحظة دي
عرفت ان غرفة العمليات الي بيقوموا فيها بعملياتهم
تبقي في شقة خالتي مرصودة
والشقة دي تبقي ...
الشقة...
الي فوق شقة امي مباشرة
نسيت اقولكم اننا واخدين شقة دوبلكس
يعني بنطلع للدور الي فية خالتي مرصودة.. بسلم داخلي
المهم...
بعدما حملني الراجل وطلعني لشقة خالتي مرصودة
دخلني في غرفة شبيهة بغرفة العمليات
اصل الغرفة كانت مليئة بالاجهزة الطبية المتعددة
وفي الغرفة شوفت سرير العمليات
وجنب السرير...
شوفت سريرمتحرك زي
( الترولي)
وشوفت امي وهي نايمة علي الترولي ده
لكن انا نيموني علي سرير العمليات مباشرة
وفضلت خالتي جهاد تجهز نفسها للعملية الي هي هتعملهالي
وبعدما المساعد بتاعها انتهي من شغلة
اقترب من خالتي جهاد
وقالها...
اي اوامر تاني يا دكتورة؟
فا سالتة
وقالت..جهزت بنج كفاية؟
فا رد ..وهو بيشاور علي بعض السرنجات
الموجودة علي التربيزة الي جنبها
وقالها..
انا جهزتلك بنج
يكفي للحالتين
فا هزت الدكتورة راسها
وقالتلة...
تمام ...
روح قول للدكتور اننا جاهزين
بس استعجلة عشان عندنا شغل كتير
فا خرج المساعد
وهو بيقولها ..حاضر هقولة
وبعدما المساعد خرج
فهمت طبعا ان الطبيب الي هيجي هو (عابد)
وعرفت اني انا وامي ضيعنا كده خلاص
وفعلا...
اتقدمت خالتي ناحيتي
وفي ايديها سرنجة التخدير
وكنت عارفة في اللحظة دي
اني خلاص كده ..
ثواني وهودع الدنيا
لكن ...
في اللحظة دي
حصلت حاجة غريبة اوي
وهي..
ان امي بالرغم من انها اتخدرت بالمية الي شربتها
لكن البنج مكنش لسة اتمكن منها اوي
فا حاولت تنقذني من تحت ايد اختها باي طريقة
فا اتحاملت امي علي نفسها
وغرست في ضهر خالتي سرنجة
وحقنتها بحقنة من الحقن المخدرة
الي كانت خالتي مجهزاهم ليا انا وامي
وما كان من خالتي
الا انها..ض&ربت امي علي راسها...
ضربة قوية افقدتها الوعي تماما
وقبل ما تنزل عليها ضربة تانية
المخدر اشتغل في جسم خالتي
ووقعت الطبيبة علي الارض
ونامت جنب امي
وفي اللحظة دي
وصل صوت الارتطام
للناس الي في الخارج
ولحظات
ولقيت المساعد داخل علينا
ومعاه عابد زوجي..
وكان معاهم شخص غريب اخر
وفي اللحظة دي
نقلني عابد للسرير المتنقل
وبعدين شاورلهم
علي الارض
وقالهم ....
اشتغلوا في الحالة دي الاول
ومن خلال عنيا المزغللة
شوفتهم وهما بيرفعوا امي من الارض
وبيحطوها علي السرير
وبدءوا يشتغلوا فيها
وبدات اشوف الم&شرط وهو بيجري في ج&سم امي
وشوفتهم بعيني وهما بينزعوا اعض&ائها منها
بمنتهي الوح&شية
وللاسف
انا مكنتش قادرة اصرخ
ولا انادي علي حد ينقذ امي منهم
لكن كنت با اتابعهم بعيني
وانا مفزوعة ومرعوبة
لغاية ما انتهوا منها
ولما جه الدور عليا
لقيت عابد جاي ناحيتي
وهو عارف اني شايفة وحاسة بكل الي بيحصل حواليا
وكنت فاكراه هياخدني
وينيمني مكان امي
ويبدء شغل فيا انا كمان
لكن....
اتفاجئت ان عابد ...
بيطلب مني
طلب غريب جدا
طلب عمري ما كنت اتوقعة
ومش هتصدقوا عابد طلب مني اية .....؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صلي وسلم وبارك على حبيبي وقرة عيني سيدنا محمد وعلى آله وصحبه وسلم تسليما كثيرا
ردحذفبحدد ارفع لكي القبعه كتت فاكره ان مامتها ست شريره لكن خالتها الشر نفسه تحفه ياحنون
ردحذفعليه افضل الصلاة والسلام
ردحذفروعة
ردحذفمبدعة كالعادة
ردحذفكملي يا حنون
ردحذف🌺🌺🌺🌺🌺🌺🌺
ردحذف🎊🎊🎊🎊🎉🎉🎉
ردحذف♥️♥️♥️♥️♥️♥️
ردحذف😍😍😍😍😍😍😍
ردحذف💋💋💋💋💋💋💋
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صل وسلم وبارك عليك يا سيدي يا حبيبي يا رسول الله
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا
ردحذفروعة كالعادة
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذف🥰🥰🫶👌👍
ردحذفمافيش تكملة لعابد
ردحذفعليه أفضل الصلاة وأتم التسليم
ردحذف