الجزء الثامن ..ليلة الدخلة الذهبية للكاتبة..حنان حسن

ليلة الدخلة الذهبية  الجزء الثامن للكاتبة...حنان حسن  بعدما اتفاجئت من الساحر ... بان الجن الي هيسخرة  يبقي (مرازي)  الي اتسبب ....

ليلة الدخلة الذهبية 

الجزء الثامن

للكاتبة...حنان حسن 

بعدما اتفاجئت من الساحر ...

بان الجن الي هيسخرة 

يبقي (مرازي) 

الي اتسبب ...

في شلل ودمار شيماء ...وهند... وام هاني لسنين طويلة

في اللحظة دي

رفضت اني اكمل في اتفاقي مع الساحر

وقومت... ومشيت

بسرعة

وبعدما خرجت من بيت الساحر

اتدايقت جدا لاني عرفت بطريق الصدفة 

ان المرواح او اللجؤ لساحر حرام 

يصل لدرجة الك&فر

ومشيت اكلم نفسي في الشارع

واقول ..

اديني روحت للساحر ورجعت علي قلة فايدة

ولا مني شوفت حل للمهلة الي اعطهالي الوسيط

 ولا عملت اي مصلحة

وكل الي حصل

 اني دخلت بيت الساحر وارتكبت معصية

وخلاص

واثناء ما كنت ماشية في الشارع وشاردة بذهني

صدمتني سيارة علي الطريق

فا سحلتني العربية لمسافة كام متر 

وفي لحظة 

لقيت نفسي...

ممدة علي الارض ورجلي بتوجعني

وفي اللحظة دي

فوقت علي صوت اتنين من الشباب الذكور

 الي كانوا...بيفوقوني 

وسمعت واحد منهم بيسالني

وبيقولي...

انتي كويسة؟

فا هزيت راسي

وقلت...

انا مش حاسة بجسمي

.قومني من فضلك

فا ساعدوني الرجالة الاتنين

وقومت معاهم

وبعد ما قاومت الاللم وقومت

لاحظت ان الطرحة بتاعتي طارت وشعري اتكشف

فا اتدايقت اني هرجع امشي تاني بدون الطرحة

بعدما اتحجبت

 

المهم

 الشباب اصروا ياخدوني معاهم للسيارة بتاعتهم

 عشان يوصلوني لبيتي...

وطبعا انا وافقت

 لاني مكنتش قادرة امشي من الخضة

 ورجلي كمان كانت  اتجزعت

وفعلا...

وصلوني الشباب بالسبارة ونزلت ادام بيتنا

والناس كلهم شافوني

ولاحظت في اللحظة دي

ان عيون الجيران بتترقبني...

وكتير منهم كانوا بيتغمزوا  ويتلمزوا عليا

وفهمت انهم ترجموا الموقف غلط

لمجرد انهم ...

شافوني نازلة من سيارة اتنين شباب باليل

 وشعري مطلوق علي كتفي

 

المهم ..

بعدما روحت بيتنا

لقيتهم كلهم قاعدين في الصالة

واول ما شافوني داخلة بعرج

فضل ابويا يزعقلي 

عشان خرجت باليل  بدون اذنة

وحمدت ربنا ان ابويا مكنش شاف الرجالة الي وصلوني

كان قتلني

المهم...

فا عملت فيها مقموصة ودخلت لغرفتي ونمت

وعشان كنت تعبانة 

روحت  في نوم عميق 

لكن ..مطولتش في نومي

لان...

بعد شوية...

 شعرت بحركة ...

وكأن في حد جنبي علي السرير

 وكنت حاسة بحاجة مش مظبوطة بتحصل

فا بصيت جنبي يمين وشمال

لكن...

ملقتش حد في الاوضة

فا طفيت النور ورجعت نمت تاني

وبعد ما رجعت للنوم

قلقت تاني.. علي صوت انفاس ساخنة 

جنبي علي المخدة 

فا اتناولت با ايدي الموبيل بسرعة

 ونورت الكشاف

وفي اللحظة دي

شوفت جسم شخص جنبي نايم

 ومتغطي بالكوفرتة

ومش مغطي جسمة فقط

 لا... دا كان مغطي راسة كمان

فا قلت لنفسي

اكيد الي نايمة دي

 شيماء اختي

فا رفعت من علي راسها الغطاء 

عشان اطمن نفسي

لكن...

لما رفعت الغطاء

 اترعبت اكتر... لاني ملقتش حد تحت الغطاء

فا  قمت مفزوعة وخرجت من الاوضة 

وانا بسال نفسي 

اية الي بيحصل ده؟

وبسرعة بصيت في الصالة

لقيت شيماء رايحة في النوم ادام التليفزيون

 الي كان مزال شغال

وامي وابويا   واختي دعاء 

ناموا بدري

 

عشان ابويا كان وراه سفر الصبح بدري

فا يبقي مين الي كان جنبي علي السرير من شوية؟

وللاسف ملقتش اجابة منطقية للي بيحصل

وبدء الرعب يركبني

و خوفت ارجع الاوضة بتاعتي تاني

وروحت شاركت اختي شيماء في الكنبة

 الي هي نايمة عليها

ونمت جنبها 

وقضيت طول الليل وانا قلقانة وخايفة

 المهم

روحت في النوم جنب اختي 

والصبح ...

صحيت علي صوت امي وهي بتتخانق مع الجيران

وكان واضح ان الموضوع كان كبير

لان صوت امي كان عالي جدا

ووصل  للصراخ

وسمعت صوت( ام هند) احسان 

 الي كانت لامة  الجيران 

وجاية تتخانق مع امي

وسمعتها وهي ..بتعاير امي بيا انا وشيماء

وبتقولها ..

يلا يا  الي بناتك...كذا.....وكذا

بناتك.... السبب الي خلوا بنتي هند تطفش معاهم

 غصب عنها.... 

فا ردت جاره تانية

وقالت...

شيماء وداليا طول عمرهم ماشيين علي حل شعرهم

وحتي بعدما  طفشوا

 رجعوا للبلد وجابوا عارهم معاهم

فا ردت امي

وقالت لها..

اخرسي قطع لسانك

فا ردت الجارة اللئيمة

وقالت ..

لية هو انا بفتري عليكم ؟

ما البلد كلها

شايفين بنتك...وهي حاية باليل

 مع الرجالة ...وكانوا بيوصلوها

 بعربياتهم لغاية البيت

عشان كدة 

لازم تمشي انتي وبناتك من البلد نهائي

وفهمت في اللحظة دي

ان امي بتتخانق بسببي انا وشيماء وهند

فا خرجت زي المجنونة

عشان ارد علي جارتنا الوقحة احسان

   الي بتخوض في عرضنا

واول ما خرجت

اتفاجئت 

ان الجيران كلهم واخدين صف احسان (ام هند)

الي بتتهمنا اننا اجبرنا بنتها علي الطفشان

وشوفت الجيران وهما ماسكين  في امي

 وبيضربوها ....

فا خرجت بسرعة انا وشيماء عشان ندافع عن امي

 وبصعوبة حاولت ا سحب امي من وسطهم 

لكن ..اثناء ما كنا بنحاول انا وشيماء

انتا  ننقذ امي من ايديهم

الجيران اتكاتروا علينا

وولعوا لنا في البيت

يلهوي...دي النار ماسكة في بيتنا؟

والدخان ملئ المكان

ومكتفوش بكدة بس 

دول  كانوا بيتقدموا ناحيتنا...

وفي ايديهم شوم وعصيان

 عشان يتهجموا علينا...

 ويضربونا..وياذونا

لجل ما يطفشونا من البلد

فا اتقهرت علي منظر امي الي بتتبهدل

وبيتتا الي بيولع..

 ومنظر دعاء اختي المريضة

 الي كانت  ببتخنق من الدخان

وكان لازم اوجههم

وبالرغم من اننا...

 كنا اضعف...

 من مواجهة كل الناس الظالمين دول

 لكن...

حاولنا نقف انا وشيماء في وشهم حتي لو هيقتلونا

لكن...

 فجاءة...

 قبل ما يلمسوا حد فينا

سمعت صوت رجالي بيهمس في وداني

وبيقولي ..ابعدي انتي وسيبيهملي

فا فضلت ا بص حواليا

عشان اشوف مين الي بيكلمني؟

 لكن ...

مشوفتش صاحب الصوت

وفي لحظة

لقيت احسان جارتنا متشعلقة في الهواء

وهي بتصرخ .... وبتستغيث بزوجها

وبتقولة...

الحقني يا عبدوا في حد بيعتدي عليا

لكن ..

جوزها عبدوا مكنش فاضيلها

 اصلة هو كمان  راسه  بقت تتخبط في الاسفلت

وجسمة كان بينزف دم

بدون ما حد يقربلة

وبدات نفس الحالة تنتشر علي الجيران كلهم

وفي مسافة ثواني

 الجيران الي في الشارع بقوا كلهم  يصرخوا من الالام

والدم ملي المكان

والي يشوفهم يقول ..

 انهم خارجين من معجنة

والغريبة ان مكنش في حد شايف حاجة

بسبب الدخان

 ولا حتي كان حد عارف مين الي بيضرب

الجيران بالوحشية دي

وفي اللحظة دي

وصل حضر عمدة

عمدة بلدنا جه اخيرا

 بعد ما بلغوة بالموبيل

 بالبيت الي والع 

والمشاكل الي حاصلة

وشاف العمدة بعينة البيت وهو والع 

والجيران كلهم متبهدلين حرفيا

فا اتصل بالشرطة و بالمطافي

وفي اللحظة دي

قلبي وجعني علي بيتنا

 الي كان بيولع

ووقفت ابص علي البيت

 وعنيا مليانة بالدموع  والحسرة

فا سمعت نفس الصوت الي سمعتة من شوية

 بيقولي ..

 لية الدموع؟

الدنيا كلها فدا دموعك

متزعليش علي البيت

 هرجعهولك زي الاول واحسن

وبرضوا حاولت اشوف مين الي كان بيكلمني

لكن مقدرتش  اشوف الشخص الي سمعت صوتة

لكن...

شوفت بعيني معجزة تانية

وهي...

النار الي انطفت فجاءة

يلهوي.....؟

 دي  النار كانت مشعوطة 

في بيتنا

 ازاي انطفت  لوحدها؟

دا حتي الدخان اختفي..

والبيت رجع زي الاول  تماما

وكأنة متعرضش للنار من الاساس

وفي اللحظة دي

وقف العمدة و الجميع 

في حالة ذهول من الي بيحصل

وامي واخواتي كمان...

 كانوا مش مصدقين الي بيحصل

اما بالنسبالي انا

فا  انا مكنتش مزهولة بسبب النار الي اتطفت ...

ولا  الجيران الي اتطحنوا

فقط

لا...دنا كمان كنت هتتجنن

واعرف

 مين الشخص الي كان بيهمس في وداني؟ 

بدون ما اشوف صورتة؟

ولا اعرف حتي هو فين؟

واثناء ما كنت واقفة متنحة ومش فاهمة حاجة

لقيت العمدة بيقرب مننا

انا وامي واخواتي

وبيسالنا..

وبيقولنا ..

مين الي حرق لكم البيت؟

ومين الي طفاة قبل ما المطافي تيجي؟

ومين الي ضرب الجيران وعورهم كده؟

فا وقفوا امي وشيماء ساكتين

ومش عارفين يردوا يقولوا اية

لكن ..انا مسكتش

ورديت بغضب

 عشان احجم الجميع

واحط حد لجبروت الجيران وظلمهم

فا رديت بقوة

وقلت...الي حما البيت وحمانا

هما( اصحاب البيت)

فا بصلي العمدة 

وسالني

وقالي...

اصحاب البيت؟ 

الي هما......

بسم الله الرحمن الرحيم؟

قلت...ايوه 

والي مش مصدق 

يجي يهجم علي بيتتا تاني

 عشان يشوف

 هيعملوا فيه اية؟

فا تراجع العمدة وكل الناس الي معاه

وقالي ..لا مصدقينك طبعا

 بعد الي شوفناه بعنينا

وفضل العمدة واقف يبص للبيت

وهو بيردد

ويقول...ربنا يجعل كلامنا خفيف عليكم

وصدق الجميع كلامي

او كذبتي الي كنت بحمي بيها نفسي انا وعيلتي

وفعلا

الكل خاف ورجع لورا 

حتي الجيران صوتهم اتخفس

وكان واضح عليهم الرعب

وفي ثواني اتقلب الوضع

والكل بقوا يحاولوا يتقربوا مننا 

عشان نرضي عنهم

وفي اللحظة دي

امر  العمدة برجوع كل واحد لبيتة 

عشان يفض المولد

وفعلا

في دقايق..

كان الشارع بقي فاضي

واتلغي طلب المطافي والشرطة

ووقف العمدة يبصلي ب اعجاب شديد

ولقيتة بيسالني 

ويقولي ..

هو انتي الي بتتواصلي مع اصحاب البيت؟

فا رديت بثقة

وقلت...ايوه هما بيتواصلوا معايا انا ديما

فا زاد اعجابة بيا

وقالي ..

انتي فعلا بنت بمية راجل يا داليا

فا بصتلة بتعجب

وقلت ..شكرا

فا بص العمدة لامي

وقالها...انتوا تعبتوا واتبهدلتوا النهاردة

ولازم تتفضلوا انتي وبناتك عندي في الدوار 

لغاية ما ابو البنات يرجع من السفر

فا اعتذرت انا واختي وامي وقلنا شكرا

لكن...العمدة اصر...وصمم اننا نروح معاه

وقال ..ان زوجتة جهزت  الغداء ومنتظرانا

فا وافقت امي...بعد الالحاح

 واستاذنتة

 اننا ندخل نلبس

لكن....انا مكنتش عايزة اروح في اي مكان

لان دماغي كان مشغول بحاجة اهم

و كنت مرعوبة

بسبب المهلة الي ادهالي الوسيط

 الي كان فاضل عليها كام ساعة وتخلص

المهم

فضلت امي تلح علينا  عشان نلبس...

فا اتعللت باني مش هقدر اخرج الا لما استحمي

من اثر التراب الي اتسحلت فية بسبب الخناقة

فا وافقت امي انها تنتظرني

وفعلا...

دخلت للحمام واخدت معايا

هدومي

وبعدما دخلت البانيوا وقفلت الستارة عليا

بدات انزع عني الملابس المتسخة

واثناء ما كنت بتجرد من ملابسي

افتكرت

اني ..نسيت اخد معايا الفوطة

فا ناديت علي شيماء

وطلبت منها تجيبلي الفوطة بتاعتي

وقبل ما انتهي من طلبي

لقيت شيماء بتمدلي ايدها بالفوطة 

من خلف ستارة الحمام

فا استغربت انها جابت الفوطة بالسرعة دي

دنا ملحقتش انهي الجملة؟

 ولا كنت لسة كملت الطلب؟

بس الي طمني 

اني كنت شايفة جسم شيماء متحدد 

وهي واقفة خلف الستارة بتاعة البانيوا

فا قلتلها...

دي مش الفوطة بتاعتي

يا شيماء

عموما مش مشكلة

 اخلصي انتي كمان وروحي البسي بسرعة

فا سكتت شيماء ومردتش  عليا

فا ناديت عليها تاني

وقلت ..يا بنتي واقفة كده

 لية ؟

وبردوا مردتش عليا

وكانت مازالت الستارة محددة جسم شيماء

لكن شيماء كانت واقفة زي الصنم

ومش بترد عليا

في اللحظة دي

قلقلت ...

وبدات اشك ان الي معايا في الحمام

 مش شيماء

فا لبست هدومي بسرعة

ووقفت ابصلها شوية

وفجاءة

ضربت بطن شيماء الي كانت متحددة من خلف الستارة

لكن ملقتش في حد واقف خلف الستارة

وايدي خبطت في الهواء

فا خرجت اجري من الحمام وانا برتجف

وكملت لبسي في الصالة

وفضلت اقراء ايات من القرأن

وفي اللحظة دي

بدات افكر في الي بيحصل

وربطت بينة وبين العفريت مرازي

 الي سخرة الساحر

وقلت لنفسي

يظهر ان الساحر ملغاش التكليف

الي كلفة للعفريت مرازي

واكيد مرازي هو الي ساعدنا

 وعمل كده في الجيران

وهو برضوا الي ساعدنا

 وطفي النار

وطالما  مرازي عنده استعداد يساعدنا

فا يبقي ممكن

يقبل يساعدني

 انه يخلصني من الوسيط

ايوه مفيش حل غير كده

لان المهلة فاضل عليها كام ساعة وتنتهي

وفعلا...

قررت اني افضل لوحدي مع مرازي في البيت

واطلب منه يخلصني من الوسيط وتهديدة

وفعلا...

عملت نفسي تعبانة

ونمت في السرير

وطلبت من امي انها ..

 تاخد اخواتي البنات

 ويوروحو هما للعمدة

فا وافقت امي بالعافية

وبعدما امي خرجت

قعدت لوحدي في الضلمة

وانا مرعوبة وكل حتة في جسمي بتترعش

وبدات اكلم مرازي

وقلت...مرازي...؟

انا عارفة انك معايا هنا

وعارفة كمان

 انك انت الي ساعدتتي انا واهلي

وعايزة اشكرك

ممكن تظهرلي

 عشان اشكرك؟

وانتظرت ان مرازي يظهرلي

 لكن ...مظهرش

فا حاولت تاني 

وقلت...

طب حتي اديني اشارة انك موجود معايا في البيت هنا ؟

في اللحظة دي

سمعت  نفس الصوت 

الي سمعتة قبل كده 

ولقيتة بيقولي...

انا هنا معاكي

فا تسارعت دقات قلبي 

وكنت عايشة  احساس بالرعب المميت

وسالتة

وقلت...انت مرازي؟

قال ..ايوه

قلت...امال انت فين؟

اظهرلي انا عايزة اشوفك

فا لم يستجيب مرازي لطلبي 

ولقيتة بيسالني

.وقالي...

.طالباني لية؟

قلت... بقولك عايزة اشوفك

فا رد مرازي  

و قال ...شكلي مش هيعجبك 

ولو شوفتيني هتتفزعي

 و مش هتخاطبيني تاني

قلت...لا 

انت طيب ..

بدليل انك ساعدتتي  واكيد شكلك طيب زي قلبك

ارجوك يا مرازي خليني اشوفك؟

وفضلت اكرر طلبي

واقول...

انا عايزة اشوفك

وقابلة شكلك علي اي صورة

فا تجاهل مرازي طلبي وسكت شوية 

وكنت فاكرة اني استحالة هشوفة

لكن...

بعد كام دقيقة

شوفتة للاسف

وفعلا اتفزعت من شكلة

وكان حاجة كده

 علي هيئة كلب او سلعوة (مشوهة)

 

ومنظرة كان بشع

وغصب عني بان عليا اني اتفزعت من منظرة

عشان كده اختفي تاني

بسرعة

وسالني

وقالي ..طلباتك اية؟

قلت...عندي مشكلة مع عفريت 

اسمة الوسيط 

وعايزاك تخلصني منه

قالي

اية الوسيط ده؟

واية حكايتة؟

فا سردتلة القصة من الاول

وبعدما سردت لمرازي قصتي مع الوسيط بالحرف

سمعت مرازي

 بيقولي ..

انا علي استعداد احققلك طلبك و اخلصك من الوسيط للابد

لكن في مقابل لازم تدفعية

قلت...مقابل اية؟

قال...انا عشقتك وليا فيكي رغية

 ولو نولت رغبتي هحققلك طلبك في ثانية

فا اترعبت من كلامة

واتصدمت فيه بعدما كنت فاكراه  عفريت طيب

وبصيتلة 

وقلت .....  

 الي انت بتطلبة ده مستحيل يحصل

وانا مش موافقة طبعا

فا رد مرازي

وقالي ..

كده رغبتي زادت فيكي اكتر

ولازم انول رغبتي عشان انقذك من الوسيط

قلت...قلتلك استحالة هيحصل

والشنق الي بيهددني بيه الوسيط

 ارحم عندي مية مرة

 من  الي انت بتطلبة

فا رد عليا العفريت (مرازي)

بتحدي

وقالي ..اتحداكي اني هنول رغبتي وبرضاكي وانتي الي هتجيني لحد عندي كمان

وبمجرد ما سمعت كلامة

سيبت البيت 

 وخرجت اجري وانا بهرب

 من الرعب الي جيبتة لنفسي

واتوجهت لبيت العمدة

عشان ابقي مع امي واخواتي

وطول منا ماشية في السكة

كتت بلعن وبسب

في دماغي الغبية

وتفكيري الساذج

 الي ورطني في الورطة الهباب 

الي انا فيها دي

وفضلت افكر

واقول...

دلوقتي بدل ما كنت شايلة هم الوسيط... 

والمهلة الي قربت تخلص

بقيت شايلة هم العفريت مرازي البشع

 الي عشقني وباين علية مش هيجبها لبر معايا

يعني انا بدل ما احلها

عقدتها اكتر واكتر

والي زود المبلة طين كمان

لما وصلت لبيت العمدة

اصلي اول ما وصلت

اتفاجئت ب........؟

لو عايز باقي احداث الرواية صلي علي رسول الله

وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن