العشق الخفي الجزء الثالث للكاتبة..حنان حسن ياستي ما نعملة السيكو سيكوا في اي لبن وبلاش لبن الجارية السودة دا وبعدين هو اصلا لسة...
الجزء الثالث
للكاتبة..حنان حسن
ياستي ما نعملة السيكو سيكوا
في اي لبن
وبلاش لبن الجارية السودة دا
وبعدين هو اصلا لسة في جواري .ولا عب...&يد
في الزمن دا؟
ما تطلبي طلب سهل ننفذة يا شيخة بركة؟
دا الكلام الي قالتة امي.. اول ما سمعت طلبات الشيخة بركة
اصل دي كانت الشروط الي عايزنها الاسياد
في مقابل انهم يعملوا للعمدة عمل بالمرض
وساعتها ردت الشيخة علي امي
وقالتلها..
الشخص الي انتي عايزة تعملي له العمل
" متحصن "
وحصنة منيع
يظهر كده انه قريب من ربنا
في اللحظة دي
اقتربت من امي وهمست لها في ودنها
وقلتلها..
سمعتي يا امي
اهي بتقولك العمدة راجل بتاع ربنا
يعني مفيش فايدة
من الاعمال
وقومي بينا نمشي من هنا
فا ردت امي بغضب
وقالتلي..اهمدي يا بت
العمدة مدعي وبيتظاهر بالبر والتقوي ادام الناس
لكن هو في الحقيقة جواه شر اكتر من الشيطان
عشان كدا لازم يتقتل
ورجعت امي تتوسل للشيخة بركة
وقالتلها..
ابوس ايدك يا شيخة لا تخلي الاسياد يطلبوا طلبات اسهل من دي
فا سكتت الشيخة شوية
وبعدها رجعت تتمتم بكلماتها الغريبة
وبعدها بشوية
سمعتها بتقول لامي ..
خلاص جه الفرج
واسيادنا وافقوا انك تخلطي العمل بدموع زوجتة
بدل ما تخلطية بلبن الجارية
فا ردت امي
وسالتها
وقالتلها.. زوجة مين؟
الي هخلط العمل بدموعها؟
فا ردت الشيخة وقالت..
زوجة الشخص الي عايزة تعملي له العمل
فاردت امي
وقالتلها..بس الشخص دا ارمل ومش متزوج حاليا
يبقي الحل ايه دلوقتي؟
فا ردت الشيخة بضيق
وقالتلها..
اسمعي يا ولية
العمل بالم...&رض استحالة هيتعمل
غير لما تنفذي طلبات الاسياد
والحل دلوقتي
انك تنتظري بقي لما الشخص دا يتجوز
وساعتها ابقي هاتي دمعتين من عيون زوجتة
لجل ما يتم العمل
فا فكرت امي شوية
وقالتلها..
لا خلاص سيبك من العمل بالمرض
انا عايزاكي تعملي عمل تاني لنفس الشخص
لكن المره دي العمل هيكون ب...(العشق و المحبة)
فا ردت الشيخة
وقالت..
ومالة...هاتي حاجة من قطرة
وانا اعملك العمل
فا ردت امي
وقالتلها.. ينفع المنديل بتاعة الي ماسح فية عرقة؟
فا ردت الشيخة
وقالت..ايوه ينفع
وبمجرد ما الشيخة اخدت المنديل من امي
رجعت تتمتم بكلامها الي مش مفهوم
وبعد شوية
سمعت الشيخة
وهي بتبارك لامي علي العمل الجديد
وبتقولها...
سعادة المعشوقة في الزجاجة دي
وكل المطلوب منك
انك ترشي نصف المية الي في الزجاجة
علي الشخص الي عايزة تسحرية بعشقها
والنص التاني رشية علي جسم المعشوقة
وساعتها هتلاقي العاشق متيم
بغرام المعشوقة
وبيتمرمرغ في تراب رجليها
وكملت الشيخة كلامها
وهي بتحذر امي
وقالتلها..
خلي بالك
( السحر بينتهي مفعولة بعد اربعين يوم)
فا ردت امي وهي بتاخدني من ايدي عشان نقوم نمشي
وقالتلها...
مفهوم كلامك يا ست الشيخة
وبعدما خرجنا انا وامي
ومشينا
سالت امي بفضول
وقلتلها...
هو انتي ليه عملتي للعمدة عمل بالعشق والمحبة؟
ومين هي المعشوقة الي العمدة هيعشقها؟
فا ردت امي
وقالتلي...
المعشوقة هي...
نبوية بنت خالتك
فا سالتها تاني
وقلتلها
اشمعني نبوية يعني؟
فا ردت امي
وقالت...
نبوية مطلقة وهتموت علي الجواز
وهي الوحيدة الي هتقبل تساعدنا وهتكون ستر وغطا علينا
في اللحظة دي
قلبي اتقبض وضميري انبني
فسالتها
وقلتلها..هو مش حرام الاعمال دي يا امي
احنا كده هنتسبب في قتل بني ادم بريئ ؟
فاردت امي
وقللتلي قولتلك ان العمدة جواه شر
اكتر من الشيطان؟
فا قولتلها..
ليه يعني هو بيعمل ايه؟
فا ردت امي
وقالتلي..
فاكرة العيل الي لقوة مقتول والحكومة قالت انه اتقتل بعد ما تم اغت...صابة؟
قلتلها..ايوه مالة؟
قالتلي..
..الواد دا لقوه مدفون في ارض تابعة لاملاك العمدة
فا رديت وقلتلها
وايه يعني
ما يمكن حد تاني هو الي قتلة ودفنة في املاك العمدة
فا ردت امي وقالتلي
لكن البت خديجة الي كانت شغالة في بيت العمدة زمان
قالتلي.. انها سمعت خناقة بين العمدة وزوجتة
والخناقة كان سببها انها كانت بتتهمة بانة مصاب بالداء المنيل دا
وقالتلة كمان انها عارفة انة كان عامل حضانة علي نفقتة الخاصة للاطفال
ومفهم الناس انها لتعليم ولادهم...لكن الحقيقة هو كان عاملها
عشان يستدرج الاطفال ويعمل معاهم الفعل الشنيع دا
وللاسف محدش كان يعرف بالحقيقة دي غير زوجة العمدة واهي جالها المرض وماتت
وانا لما لقيت البت خديجة اختفت من البلد فجاءة
قفلت بوقي ومقولتش لحد
بعدما سمعت كلام امي علي العمدة وقذارتة
رديت وانا بعتصر من جوايا
وقلتلها..يلهوي يا امي
دا لو الحكاية كده يبقي العمدة يستاهل القتل فعلا
واقترحت علي امي اقتراح
وقلتلها...طب ايه رايك يا امي بدل ما نعمل للعمدة اعمال ونقتلة ونرتكب ذنب
ما تيجي نبلغ عنة وخلاص؟
فا ردت امي
وقالتلي...
وهو انا عايزة اق..&تلة عشان فساد اخلاقة؟
انا عايزة اخلص منه عشان دا طلب العفريت شاكر
انتي ناسية ان شاكر هو الي طلب انك تقتلي العمدة
وقال لو مقتلتيش العمدة
انتي الي هتموتي مكانة؟
وانا مش هسيب شاكر ياخدك مني انتي كمان..
كفاية حرقة قلبي علي اخوكي محفوظ؟
في اللحظة دي
سالت امي
وقلتلها..يكونش عفريت شاكر عايز يقتل العمدة عشان الداء القذر بتاع العمدة
فا ردت امي
وقالتلي...مفتكرش لان شاكر قبل ما يموت
مكنش بالنبل دا
والي يدور عليه هيلاقية اقذر من العمدة
فسالتها بفضول
وقلتلها
امال عفريت شاكر عايز يقتل العمدة ليه بس ؟
فا ردت امي
وقالتلي...معرفش
مش عايزاكي انتي كمان تشغلي بالك لان شكري مات خلاص ومش هنقدر نسال عفريتة عن السبب
المهم دلوقتي
اننا ننفذ كلام الشيخة بركة بحذافيرة
عشان تنجي من شر العمدة وشر عفريت شكري
في اللحظة دي
كلام امي اقنعني بصراحة
وخلاني اسكت
المهم..
اخدتني امي لبيت نبوية بنت خالتي..
ودي كانت عايشة كل حياتها بالسحر والاعمال برضوا
وبمجرد ما دخلنا عند نبوية
امي دخلت في الموضوع علي طول
وقالتلها.. لازم تساعدينا عشان العمل يجوز في العمدة ونخلص منه بالم..وت
بس الكلام دا لازم يحصل قبل اربعين يوم
لان ساعتها العمل هيكون اتفك
فاردت نبوية
وقالتها..ولية اللفة دي كلها ؟
ما انتوا تقدروا تخلصوا من العمدة في اقل من خمس دقايق
لو حطيتوا له حباية( غ..لة)
في الاكل ولا الشاي
فا ردت امي
وقالتلها..ساعتها هنتكشف يا هبلة..
وهناخد اع...&دام
لكن طريقة القت..&ل بالاعمال
عمرها ما بتتكشف
وبعدين دنا هخليكي تتجوزي العمدة يا موكوسة
وطبعا وافقت نبوية تساعدنا بمجرد ما عرفت انها هتتزوج العمدة
واقترحت نبوية كمان
اننا نروح ننفذ الخطة في الحال
وبالفعل..رجعنا احنا الثلاثة علي دوار العمدة
لكن لما سالنا علي العمدة لقيناه مكنش لسة رجع من بره
فا دخلنا ننتظر كلنا في غرفتي
وبمجرد ما امي قفلت علينا الباب
خرجت الزجاجة الي فيها العمل من صدرها
وجابت فنجان صغير
ووضعت فية النصف الخاص بنبوية.. واعطتة لها
وقالتها...اول ما تلاقيني سكبت الزجاجة الي في ايدي علي العمدة
اسكبي الفنجان علي نفسك فورا
فا ردت نبوية بتوتر
وقالت..حاضر
انا جاهزة و مستعدة لتنفيذ الخطة يا خالتي
وقعدت نبوية بجواري
ومسكت ايدي
وقالتلي..اجمدي يا بت يا عبير
وبلاش التوتر الي انتي فيه دا
لا تفضحينا
فا هزيت راسي
وقلتلها..حاضر
وفضلنا احنا الثلاثة في حالة ترقب
لغاية ما سمعنا صوت العمدة
بينادي
قبل ما يدخل علينا
وبمجرد ما امي سمعت صوت العمدة
استعدت بالزجاجة اياها
ونبهت علي نبوية عشان تستعد
لكن...بمجرد ما العمدة فتح باب الغرفة علينا
لاحظت انه كان في قمة الغضب
لاني سمعتة وهو بيزعق وبيقولي...انتي يا بت يا الي اسمك عبير
فا رديت بتوتر
وقلتلة..نعم؟
فا رد العمدة بغضب
وقالي..انا لسه جاي من تحقيقات النيابة
وعرفت ان الحريق تم بفعل فاعل...
ودا معناه ان ايمن اخويا مات مقتول
ومفيش حد كان مع اخويا في الوقت دا غيرك انتي
يعني اكيد تعرفي مين الي قتلة...
او يمكن تكوني انتي الي قتلتية
وزي ما قتلتي اخويا انا هقتلك
في اللحظة دي
ملحقتش ارد ولا ادافع عن نفسي
لاني سمعت امي وهي بتتوسل للعمدة
و بتقولة..استهدي بالله بس يا حضرة العمدة
فا رد العمدة
وقالها..
..ابعدي ايدك المبلولة دي عني
يا ست انتي
ومتحاوليش تستعطفيني
لاني مش هسيب ثار اخويا
في اللحظة دي
اتفاجئت بنبوية بتقوم تجري من جنبي
وهي بتقولهم..انا عايزة اخرج من هنا
ويظهر ان نبوية لما لقت الموضوع فيه ق..تل
وث..ار اترعبت وقالت تنفد بجلدها
بس المشكلة انها وهي بتحاول تهرب
الفنجان وقع منها
والمصيبة الاكبر.. ان الفنجان وقع عليا انا
ودا عرفتة لما شعرت بخبطة الفنجان ...
وشعرت بالمية الي نزلت علي راسي
وسالت كمان علي وجهي
في اللحظة دي
عرفت ان المصايب جاية ورا بعضها
واتأكد ظني لما سمعت صوت حميدة ومجيدة
الي كان واضح من صوتهم انهم في قمة غضبهم
وكان واضح كمان انهم جايين ينتقموا لاخوهم ايمن مني..
ومن امي
في اللحظة دي
خوفت علي امي
وكنت عايزاها تهرب زي نبوية
فا صرخت
و قلتلها..اهربي بسرعة يا امي
لكن بدل ما اسمع رد من امي
سمعت صوت حميدة
وهي بتقول للعمدة..
هو انت لسة هتحقق معاها يا عمدة؟
يبقي انا بقي الي هاخد بثار اخويا
ويظهر ان حميدة نفذت كلامها فعلا
لان في اللحظة دي
شعرت كأن سقف البيت وقع علي راسي
وبعدها مشعرتش بالدنيا حواليا
وكنت فاكراها النهاية
لكن
يظهر ان عمر الشقي بقي
لان بعد فترة
رجعت اشعر بالدنيا حواليا تاني
وفي اللحظة دي
بدات اشعر بذراعان قويان بيحملوني
وبينقذوني من الهلاك
وكأن نفس الموقف بتاع يوم الحريق بيتكرر تاني
بس المره دي
كان في اختلاف
لان ساعة الحريقة كنا باليل ودلوقتي احنا بالنهار
لاني كنت شايفة ضوء بيروح ويجي
لا لحظة معلش.....؟؟؟
انا قولت ضوء صح
ايوه فعلا
انا شايفة ضوء بيروح ويجي في عنيا
وشايفة كمان ادامي صورة باهتة عمالة بتوضح بالتدريج
والصورة دي كانت عبارة عن وجه شاب جميل اوي
ولما فضلت مركزة مع الصورة
لقيتها وضحت اكتر
ايه دا ؟
دي مش صورة
دا شخص حقيقي بيتحرك ادامي
والغريبة ان شكلة مش غريب عليا
بس دلوقتي هو وجهة حزين
وعنية كلها دموع
يارررربي
هو انا رجعت اشوف فعلا ولا دا حلم تاني؟
وفجاءة اتأكدت انها حقيقة واني بقيت بشوف فعلا
وشوية ..وحاسة السمع والبصر اشتغلوا مع بعض
وشوفت بعنيا الشاب
بيتكلم مع راجل عجوز ظهر ادامي فجاءة
وفهمت من كلام
الراجل العجوز انه ادكتور او طبيب
لانة كان بيطمن الشاب الي بيبكي
وبيقولة..اطمن يا عمدة اهي مدام عبير
بدات تفوق الحمد لله
وفجاءة
لقيت العمدة مسك ايدي وفضل يبوسها وهو بيحمد ربنا علي سلامتي
في اللحظة دي
بدات اتذكر الي حصل
واستغربت لان اخر موقف للعمدة معايا قبل ما اغيب عن الوعي مكنش بيقول اننا بالحميمية دي
بالعكس ...دا قبل ما اتعرض للاغماء العمدة اكتشف اني قتلت اخوه
يعني مفروض انه بيعتبرني عدوتة
لاني وبيني وبينة ثار
ومن شوية كان عايز يقتلني
يبقي ايه الي خلي العمدة اتغير في معاملتة معايا فجاءة
١٨٠ درجة كده..........؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفاللهم صل وسلم وبارك على سيدنا محمد وعلى آله وصحبه اجمعين
ردحذفاللهم صل على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى آله وصحبه أجمعين الطيبين الطاهرين
ردحذفاللهم صلي وسلم وبارك على حبيبي وقرة عيني سيدنا محمد وعلى آله وصحبه وسلم
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفرووووووووعه
ردحذفاللهم صل على سيدنا ونبينا وحبيبنا محمد وعلى آله وصحبه أجمعين
ردحذف