جميلة فوق فراش بارد الجزء الخامس للكاتبة..حنان حسن بعدما فتحت شنطة ايدي عشان اجيب المفتاح واقفل وانزل اتفاجئت في الشتطة بعقد جوا...
الجزء الخامس
للكاتبة..حنان حسن
بعدما فتحت شنطة ايدي عشان اجيب المفتاح واقفل وانزل
اتفاجئت في الشتطة بعقد جوازي من سيزر
وكمان لقيت البطاقة والباسبور
فا اتصدمت واصابني الزهول
اصل معني اني الاقي الاوراق دي
فا ده معناه ان سيزر كان حقيقة...
وكل الي حصلي معاه كان حقيقة
وانا دلوقتي اتجوزت خالد
وانا مازالت علي ذمة سيزر
هو صحيح سيزر مات
لكن لا طلعتلة شهادة وفاة..ولا انا لسة قضيت فترة العدة
وفضلت افكر
وانا واقفة علي باب شقتي
وتحديدا علي السلم
وقلت لنفسي
ازاي الورق اختفي من شنطني فجاءة ؟
وازاي رجع فجاءة؟
وقبل ما استوعب الي بيحصلي...
اتفاجئت..
بخالد جنبي علي السلم
ولقيتة جاي مستعجل
و بيقولي..
افتحي الاوضة بسرعة وادخلي
عشان ...
عايز ك في موضوع
فا تنحتلة شوية
وقلت..
خالد انت كنت فين؟
وبدون ما يجاوب خالد
علي سؤالي...
اخد المغتاح من ايدي
وفتح الباب
وقالي..ادخلي بسرعة
قلت..في ايه؟
قال..حماكي جاي دلوقتي
قلت..بباكي جاي هنا دلوقتي؟
هو انت عرفت اهلك بجوازنا؟
فا رد خالد
وقالي..
ابويا اتوفي من زمان
انا بقصد حماكي التاني
قلت
حمايا التاني مين؟
قال...
(والد سيزر)
فا بصتلة بدهشة
وقلت...
يعني انت كنت عارف ان سيزر حقيقة؟
واني اتجوزتة فعلا؟
يبقي اكيد انت واختك الي خفيتوا الاوراق بتاعتي
وانتوا الي رجعتوها دلوقتي برضوا
طيب لية عملتوا معايا كل ده
وانت ازاي تتجوزني وانت عارف اني متجوزة
فا رد خالد بلهوجة
وقالي..
مش وقت لوم وعتاب دلوقتي
بعدين هبقي اشرحلك كل حاجة
لكن دلوقتي
ركزي معايا عشان الراجل قرب يوصل
قلت..راجل مين؟
قال..با اختصار كدة
سيزر كان غني جدا
ومن عيلة ثرية
وثروتة عيلتة قربت ع المليار
وبما ان سيزر اتوفي وانتي علي زمتة
فا انتي ليكي حق في الثروة دي
وبصراحة بقي انا قررت اجيبلك حقك منهم
واخدت الاوراق الي بتثبت جوازك من ابنة
وروحت لغاية حماكي
(والد سيزر )
وعرفتة ان ابنة قبل ما يموت اتجوزك
وفهمتة كمان...
انك حامل من ابنة
وطالبت بحقك منهم
قلت..
دنتا طلعت نصاب بقي و كنت بتخطط
لكل الي حصل اصلا؟
فا تجاهل خالد اتهامي
وقالي..
اسمعي
انتي هتعملي الي هقولك علية
والا هبلغ عنك ...وهتتسجني بتهمة الجمع بين زوجين
قلت...عادي
هنكر جوزاي منك
قال..خلاص..وانا هنشر الفيديوا بتاع ليلة دخلتنا
وهقول عملت كده معايا واحنا مش متجوزين
بعدما شوفت خالد علي حقيقتة
واتصدمت ببشاعتة
وبشاعة الي بيهددني بيه
سالتة بانكسار
وقلت...
انت عايز اية مني دلوقتي؟
قال..عايزك تفهمي حماكي انك حامل من سيزر
قلت
اية الهبل الي انت بتقولة ده؟
حمل اية الي بتتكلم علية؟
انا مش حامل
فا هز خالد راسة
وقالي..عارف انك مش حامل دلوقتي
لكن الحمل مسيرة يحصل طول ما احنا مع بعض
قلت..ينهارك اسود
يعني انت عايز تجيب مني طفل وتنسبة لعيلة سيزر؟
ده علي جثتي ...
واستحالة يحصل طبعا
ولا هتلمسني بعد كده ابدا
حتي لو هتقتلني
فا رد خالد
وقالي...خلاص سيبك من موضوع حملك مني دلوقتي
بس اهم حاجة تاخدي حقك من عيلة سيزر
وتقسمي الي هتاخدية بيني وبينك
قلت..ميراث ايه بث الي هاخده من عيلة سيزر
دنا المسؤالة عن موت ابنهم
يعني (والد سيزر )ممكن يكون جاي
عشان يقتلني وينتقم لابنة
فا رد خالد
وقال...
الي متعرفيهوش ان والد سيزر راجل طيب
بعكس ام سيزر خالص
ووضح خالد الصورة اكثر
وقالي..
الي عرفتة ان..
والد سيزر...
تزوج من ام سيزر من سنين بعيده
ولما اكتشف طبعها الصعب
طلقها ..
بعدما خلف منها ولد واحد
وهو سيزر
ومن ساعة ما سافرت علي بلدها العلاقة بينهم مقطوعة
يعني اشقاء سيزر الي موجودين دلوقتي
من ام تانية خالص
والراجل حماكي كان بيحب ابنة جدا ....
وبيتقطع علية دلوقتي
بعد ما عرف انه مات
عشان كده
اول ما سمع انك حامل عقلة طار من الفرحة
لانة فاكر انك هتعوضية بحفيد
وطلب مني اعرفة عنوانك
وفعلا جيبتة وجيت لحد هنا
لكن...تركتة في العربية
بحجة...
اني هطلع الاول اشوفك فوق ولا لا
وده عشان الاقي فرصة اني افهمك الي هتعملية
قلت..ريح نفسك انا مش هنصب علي حد
في اللحظة دي
فتح خالد الموبيل
وشغل تسجيل بصوتي
وانا بذكر اني انا الي مسؤالة عن موت سيزر
وهددني خالد
وقالي..
لو رفضتي تعملي الي قولتلك عليه
هسمع ابوه اعترافك بقتل ابنة
وهرفع عليكي قضية بالجمع بين زوجين
وهنشر الفيديوا الفاضح ع النت
وهخلي حياتك جحيم
لكن..لو سمعتي كلامي
هتتهني... وحياتك هتتظبط
واوعي تفكري اني عايز اورطك في جريمة
دا كل الي هتعملية
انك هتستلمي حقك من الميراث
وطبعا حقك ده هيكون ملايين
وبعد ما هنتقاسم الملايين مع بعض
هيبقي معاكي قرش يسندك... وهتخلصي مني نهائي
لاني قبل ما اخد منك جنية واحد
هكون قطعت العقد العرفي...
ومسحت الفيديوهات
الي معايا
قلت..
طيب ولنفرض حمايا العزيز مطلعش بالطيبة الي انت متخيلها؟
ورفض هو وباقي العيلة انهم يعطوني حقي؟
هيبقي ايه الوضع ساعتها؟
رد خالد
وقالي...
.لا ساعتها كده انتي تبقي براءة
وطالما عملتي الي عليكي
انا مش هقدر اعمل فيكي حاجة تاذيكي
قلت..
طب ما بلاش موضوع الحمل ده
وخلينا ناخد حقي انا كا زوجة وخلاص
فا اتعصب خالد
قالي..لا..لازم يعرفوا انك حامل
لان خبر الحمل ده
هو الي هيجبرهم انهم يعترفوا بيكي اصلا
ويا ستي بمجرد ما تستلمي حقك ابقي قوليلهم ان الحمل نزل
قلت..ماشي
موافقة وامري لله
هات الراجل خليني افهمة اني حامل ...
واخلص من الورطة دي
فا ابتسم خالد
وقالي..انتي كده حبيبتي
وانا راضي عنك
تعالي بقي قربي لما اركبلك السماعات
قلت..سماعات اية؟
قال..
السماعات دي الي هتخليني كأني متواجد معاكي هناك
لاني هسمع من خلالها
كل حوار هيتقال بينك وبين اي حد
فسالتة تاني
وقلت..
يعني دي كاميرة هتنقلك الي بيحصل صوت وصورة؟
فا رد خالد بسخرية
وقال..
دي سماعة
يعني هسمع بيها الصوت فقط
يا ام جهل
قلت..واية لزمة ده كلة؟
قال..
عشان اضمن انك هتنفذي الي اتفقنا علية فعلا
قلت..ماشي يلا اتفضل هات حمايا واخلص
وفعلا...
نزل خالد
وبعدها بشوية
سمعت الباب بيخبط
ولما فتحت..
شوفت ادامي راجل كبير
باين علي وجهة الوقار والاحترام
وكان باين من ملابسة ...وشياكتة
انه راجل من طبقة راقية جدا
واول ما حمايا شافني
سالني
وقال..
انتي جميلة زوجة المرحوم سيزر؟
قلت..ايوه اي خدمة؟
قال..انا والد المرحوم
قلت...معقولة؟
حضرتك والد المرحوم سيزر؟
اهلا وسهلا اتفضل
معلش اصلي معرفش حضرتك قبل كده
في اللحظة دي
بصلي الراجل بحزن
وقالي..
انا معرفش لية سيزر خبي عننا موضوع جوازكم
وحرمني اني افرح بخبر الحمل الي في بطنك
عموما الي حصل حصل
المرحوم كان صغير واكيد كان له اسبابة
لكن دلوقتي...
ابني اتوفي ...و انتي...
والي في بطنك
ليكم حق في ميراثة ولازم تاخدوة
وعشان كده
لازم تيجي معايا دلوقتي
قلت...اجي معاك فين ؟
لالا شكرا
انا مقدرش اجي معاك في حتة
فا رد حمايا باصرار
وقال ...
يا بنتي انتي ليكي حق عندنا
ولازم تاخدية
قلت..لو ليا حق فعلا
فا انا مش عايزة منه غير
٢٠٠٠ الفين جنية
ادفع بيهم ايجار الاوضة المتاخر
قال...يعني ينفع تبقي حامل في حفيدي...
وكلها كام شهر ...وتولدي
و ابن المرحوم
يتولد ...
ويعيش معاكي ...
وانتي في ظروفك الصعبة دي
ولا في المكان المتواضع ده؟
يا بنتي انتي ليكي حق في ميراثك
من جوزك عندنا
وابنك كمان له ورث
يعني انتي هتيجي تعيشي في املاكك
وفي اللخظة دي
اتفاجئت...
ان خالد بيسمع الحوار كلة
لاني سمعت خالد من خلال السماعة
الي في ودني
بيقولي...
بترفضي لية يا غبية؟
لازم توافقي
ويلا البسي وانزلي معاه يلا
فا بصيت لحمابا الي كان واقف يترجاني
وفي الاخر
رديت ب استسلام
وقلت.. حاضر هنزل معاك
وبعدما نزلت معاه
شوفت امام العمارة سيارة فارهة
و سواق واقف ادامها
وسمعت حمايا بيامر السواق
انه يدفع للبواب
ايجار الغرفة بالكامل
وانا طبعا فرحت جدا
لاني اخيرا دفعت الايجار..
وضمنت اني مش هتطرد من الاوضة
المهم..
بعدما ركبت السيارة مع حمايا
فضلت افكر
واقول..
ازاي هورث من سيزر
وانا الي قتلتة بايدي؟
وبعدين لو (ام سيزر)
عرفت اني ورثت منه بعدما قتلتة
مش بعيد تاخد بثأر ابنها مني
ودي شرها ملوش حدود
لا... لا ميراث ايه؟
الي هيجبلي المصايب ده؟
الله الغني
انا مش عايزة اي حاجة منهم
كفاية عليا انهم دفعوا ايجار الاوضة
وفي اللحظة دي
قررت بيني وبين نفسي
اني هعمل المستحيل
لغاية ما اضايق حمايا ...
وازهق عيلة سيزر كلها مني
لغاية ما يطردوني..
وساعتها خالد هيسمع بنفسة
انهم هما
الي طردوني ورفضوا يعطوني حقي
فا يزهق هو كمان ويتركني في حالي
المهم..
بعدما مشيت العربية بتاعة حمابا بينا
خرجنا من الازقة والحواري
وبدات السيارة تمشي في شوارع راقية جدا
لغاية ما وصلنا للكمبوند الي عيلة سيزر عايشين فية
واتفاجئت.. انهم عايشين في فيلا في كمبوند
واول ما دخلنا للفيلا
عرفني حمايا علي الناني (المربية)
الي جبها مخصوص عشان البيبي الي في بطني
وبعدها... بصلي حمايا
وقالي..
انا خلتهم يجهزولك غرفة سيزر ابني...
ودي هتبقي غرفتك الخاصة...
والمربية دي هتكون في خدمتك
ودلوقتي تقدري تدخلي ترتاحي
لغاية
ما يجهزوا العشا؟
قلت..معلش انا تعبانة ومش هقدر اتعشي
فا رد حمايا
وقالي...لا
لازم تنزلي علي العشاء
لاني عايز استغل الوقت...
الي ..
هيجتمع فية جميع افراد الاسرة مع بعض
عشان اعرفك علي اسرتك الجديدة
قلت..حاضر...هنزل
فا ابتسم حمايا
وقالي...نورتي بيتك يا بنتي
فا بادلتة الابتسامة
وقلت..شكرا
وبعدها اخدتني الناني (المربية) للدور العلوي
عشان تعرفني علي غرفتي
واثناء ما كنا رايحين لغرفتي
سالتها
قلت...انتي اسمك اية
قالت..
اسمي ..حنة
قلت...انتي بتشتغلي هنا من زمان؟
قالت...لا...انا لسة شغالة هنا قريب
وعينوني هنا عشان البيبي المنتظر
لكن..
امي طول عمرها كانت بتخدم هنا عند الجماعة
قلت..يعني لو طلبت منك تفهميني النظام هنا هتعرفي
قالت...ايوه طبعا
بقول لحضرتك امي كانت شغالة هنا من زمان
قلت...طيب اسمعي يا حنة
قالت ....نعم
قلت..
عايزاكي تعرفيني
علي البيت وافراد الاسرة
واحد واحد
ومين طيب؟ ومين صعب؟
وكده يعني
قالتلي ..حاضر
وفعلا
بعدما دخلت غرفتي
بدات حنة تعرفني علي طبيعة البيت
وقالتلي..
البية الكبير
مخلف ثلاث ولاد ذكور
اتنين متجوزين وعايشين بزواجاتهم هنا في الفيلا
وابن واحد مازال عازب متجوزش
فا ابتسمت لحنة
وقلت...لا مهو دلوقتي بقوا ثلاثة متجوزين
لاني انا زوجة الدكتور سيزر االابن الثالث
الي انتوا كنتوا فاكرين انه لسة متجوزش
فا بصتلي حنة بتعجب
وقالتلي...
لا
الي لسة متجوزش هو
(صقر) باشا
وده شغال وكيل نيابة
لكن الدكتور سيزر متجوز مدام نورهان...
وعايشة هنا في الفبلا
بس بصراحة انتي اجمل منها مليون مرة
ده غير انها مغرورة.... ومتكبرة....
وفاكرة ان مفيس حد زيها في الدنيا
وفي اللحظة دي
اتفاجئت ...
لاني فهمت من كلام الدادة ان سيزر كان متجوز قبلي..
وزوجتة عايشة معابا هنا في الفيلا
بالرغم من ان سيزر مات
وسالت نفسي
لما سيزر كان متجوز
لية مخدش زوجتة الاولي للمغرب
وعرضها للسحر
واتبادل معاها نعمة النطق ..
واخد منها لسانها؟
انا كده فهمت دلوقتي
اكيد زوجتة الاولي بنت ناس.. ويمكن يكون مخلف منها ولاد
واكيد ليها اهل مهمين هيدوروا عليها
لكن انا مليش حد ...و نكرة يعني مليش ثمن
عشان كده
سيزر اختارني من وسط كل البنات
عشان يتجوزني
وانا الي كنت هبلة وفاكراه بيحبني؟
وحسيت بالحسرة وكسر النفس
وقلت..
يا بختك المنيل با جمبلة
اتجوزتي اتنين
واحد نصاب ...وواحد ندل
واثناء ما كنت شاردة بذهني
وبندب حظي
سمعت صوت حنة بيغوقني
وبيقولي..
اطيب واحد هنا هو
سي (ويسكي)
قلت... مين؟
قالت.. وبسكي ده الابن الاصغر للبية الكبير
هو اسمه الحقيقي (طلعت )
لكن الكل هنا
بيقولة ...ويسكي
لانة عايش حياتة ما بين الحريم والخمرة
بالرغم من انه متجوز ومراتة عايشة هنا برضوا
لكن بصراحة طيب وايده سخية
قلت..وازاي راجل متجوز.. ومخلف
يسيب مراتة وعيالة
ويفضل عايش الحياة القذرة دي؟
فا ردت حنة
وقالتلي
عيال مين؟
مفبش هنا حد مخلف ولا عنده عيال
وده الي مصبر زوجة وبسكي علي عمايلة...
ومخليها مش قادرة تتكلم
قلت..يعني سيزر مش مخلف من زوجتة الاولي؟
قالت..لا برضوا مخلفش
وعشان كده...
البية الكبير كل املة في البيبي الي في بطنك انتي
يا ست جميلة
ربنا يجيبهولك بالسلامة يارب
وهنا بدات افهم الدنيا
في البيت ده عاملة ازاي
ورجعت سالت
حنة تاني
وقلت...
انتي قولتيلي
ان الابن الكبير وكيل نيابة؟
قالت..صقر باشا
ايوه ببشتغل وكيل نيابة
بس ده اجارك الله
صعب جدا
والكل بيعملة حساب
وتقدري تقولي...
انه الحاكم الناهي هنا
حتي البية الكبير بياخد راية في كل صغيرة وكبيرة
قلت..يعني افهم من كده
ان صقر باشا هو الزعيم هنا؟
فا ردت حنة بحماس
وقالت..بالظبط كده
صقر باشا هو الزعيم هنا
فا قلت..لنفسي
يعني الموضوع فيه وكيل نيابة كمان
لا ده انا كده لازم امشي من هنا
في اسرع وقت
المهم..بعدما جه ميعاد العشاء
لبست واتظبت
و خرجت من الغرفة
عشان انزل لغرفة السفرة
بس قبل ما انزل شوفت اتنين ستات عقارب
بيبصوا عليا وبيضحكوا
فا عملت نفسي مخدتش بالي ونزلت
واما وصلت لغرفة السفرة
لقيت حمايا
بيقولي..
تعالي يا جميلة
وبعدما قعدني جنبة
شوفت الاتنين الستات الي كانوا بيضحكوا عليا
نازلين من فوق
فا لقيتة بينادي عليهم
وبيقول...
تعالوا يا بنات عشان تتعشوا
فا ردت واحدة منهم
وقالت...
ايه ده يا اونكل
انت جايب الشغالة الجديدة
تتعشي معانا
في اللحظة دي
انا مصدقت ان الفرصة جت لغاية عندي عشان الاقي حجة امشي بيها من هنا
وقررت اطربقها
وفضلت اشرشرح
واقولها...
خدامة مين يا بت ما تبصي لنفسك
دنا الي اقرف اكل معاكي يا ام ضب... و عرقوب
دا انتي في سوق النسوان متسويش جنية واحد يا معفنة
واديتها من المنقي يا خيار
وفضلت اسب واشتم واللعن
بطريقة متواصلة
لدرحة انها مكنتش عا رفة ترد عليا
وفي اللحظة دي
لقيت حمابا بيوقفني
وبيسالني
وبيقولي..اية الالفاظ دي؟
عيب كده
فا سيبتلهم ترابيزة السفرة
وانا بقولة...
بص بقي يا حمايا
انا طبعي منيل واخلاقي زفت والفاظي زي منتا شايف
واول ما حد بيجي جنبي
مبعرفش امسك نفسي
عشان كده
انا مش هينفع اعيش هنا
سلام عليكم
فا لقيتة وقفني
وقالي..لا يا حبيبتي خالص
خليكي براحنك
واتصرفي علي طبيعتك
انا لما كنت بسال
وبقول ايه الي بيحصل ده
كنت بقصد علي اسلوب نورهان طريقة استقابلها ليكي
وعموما حقك عليا انا
حاولي تهدي وتعالي عشان تتعشي
فا بصيت للاتنين الستات الي كانوا هيموت من الغيظ
وقلت...لا مش عايزة اكل اصل نفسي اتسدت
انا رايحة اوضتي
وفعلا سببتهم وطلعت لغرفتي
ولما رجعت لغرفتي تاني
قعدت اتفحص المكان
ولفت نظري وجود بلكونة كبيرة بتطل علي البول
( حمام السباحة)
و البلكون كان كبير وفيه غرفة تانية بتفتح علية
المهم..
قعدت علي الكرسي الي في البكونة...
وفضلت امتع نظري بالمنظر والفيو الرائع ده
واثناء ما كنت قاعده في الهواء
سمعت صوت خالد جاي من خلال السماعة
وبيقولي..
ايوه يا عم المسيطر
دخلت الجنة وسيطرت علي الجميع
وسايبنا هنا ع الارض
فا غمضت عنبا
وقلت..جنة اية؟ الله يخربيتك
دا انا اكتشفت ان في وكيل نيابة هنا
بيتخانق مع دبان وشة
فما بالك بقي لو عرف اني كنت سبب في موت اخوه؟
اتنيل بقي وسيبني في الوكسة الي انا فيها
وفي اللحظة دي
حسيت ان دماغي وجعتني
من السماعة الي في وداني
فا رجعت راسي للخلف
وغمضت عنيا
عشان استرخي
واثناء ما كنت مغمضة عنيا
سمعت صوت غربب
بيقول...(جميلة )
فا اتفزعت من الصوت الي بينادي عليا
وفتحت عنيا بسرعة
وانا بقول...
نعم؟
وفي اللحظة دي
شوفت واحد واقف ادامي في غاية الشياكة
وبصراحة لو وصفتة بالوسامة ابقي ظلمتة
لانة عدي ليفل الوسامة بكتير
كان حاجة كده زي نجوم هوليود
المهم
لما سمعتة بيقول (جميلة )
رديت علية
وقلت..نعم؟
فا لقيتة قلع السماعة الي في ودانة
وسالني
وقال...
هوانتي اسمك جميلة؟
فا زادت ضربات قلبي
من شدة التوتر
وقلت..ايوه
فا بصلي بصة رعبتني اكتر
وطبعا قولت مليون في المية الراجل ده سمعني
وانا بكلم خالد
و بعترف علي نفسي بالقتل
المهم
حاولت اعرف
يطلع مين الاخ ده؟
فا سالتة
وقلت..
هو حضرتك مين؟
وقبل ما يرد عليا
لقيت المربية (حنة)
جاية علينا
وبتبص للاخ الوسيم
وبتقولة..
البية الكبير عايزك
يا صقر باشا
صقر باشا ...... ؟
لو عايز باقي احداث الرواية
صلي علي رسول الله وطبعا مش هننسي
نضع عشر ملصقات
مع متابعة صفحتي الشخصية
مع تحياتي
الكاتبة..
حنان حسن
حلوه جدا اللهم صل وسلم وبارك على سيدنا محمد وعلى اله وصحبه اجمعين
ردحذففاقت كل التوقعات اللهم صل وسلم وبارك على سيدنا محمد وعلى اله وصحبه اجمعين
ردحذفوصل الصقر
ردحذفعليه أفضل الصلاة والسلام ♥️
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صل وسلم على نبينا محمد وعلى آله وصحبه أجمعين اللهم اميين يارب العالمين
ردحذفروعه ياحنون 😍
ردحذفاللهم صل وسلم وبارك على سيدنا ونبينا وحبيبنا محمد وعلى آله وصحبه أجمعين بجد فعلا فوق السحاب اية القمر ده
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفحقيقي روعه ااروعه
ردحذفعليه افضل الصلاه والسلام
ردحذفاللهم صلي وسلم وبارك على سيدنا محمد
ردحذفسبحان الله وبحمده سبحان الله العظيم
ردحذفعليه افضل الصلاة والسلام
ردحذفاللهم صل وسلم وبارك عليه
ردحذفقمة الروعة والجمال والابداع والتشويق والتميز تسلم ايدك
ردحذفاللهم صل وسلم وبارك على نبينا محمد
ردحذفتحفة
ردحذف