الجزء الثامن..عريس مكتمل الانوثة..للكاتبة..حنان حسن

عريس..مكتمل الانوثة الجزء الثامن للكاتبة..حنان حسن بعدما سمعت... صوت عمر ابني  اكتر من مره  وهو بيقولي.. انا علي الباب يا ماما  ...

عريس..مكتمل الانوثة

الجزء الثامن

للكاتبة..حنان حسن

بعدما سمعت... صوت عمر ابني

 اكتر من مره 

وهو بيقولي..

انا علي الباب يا ماما

 افتحيلي

خرجت اجري باقصي سرعة

 وفتحت باب الشقة

وفي اللحظة دي

اتفاجئت ادامي

( بعمر ابني)

ايه ده؟؟؟؟

ده  هو عمر ابني

 فعلا

فا صرخت وشديتة لحضني

بلهفة

 وفضلت اعيط...

 وانا ببوسة.... وبحمد ربنا

وافضلت اقول لنفسي

يارربي 

اخيرا ضنايا رجعلي

 وواقف ادامي ؟

الحمد والشكر لك يارب

وبسرعة دخلتة الشقة

وقلتلة..

كده يا عمر ؟

 تعمل في امك كده؟

انا كنت بموت منغيرك يبني

وفضلت المس جسمة

 عشان اتاكد انه ادامي بجد...

 واني مش بحلم

و فضلت احمد ربنا ...

وانا ببوس في ايده ورجلة

 وبقيت اكلم ابني شوية 

واعيط شوية...

 واحضنة  شوية...

وارجع احمد ربنا تاني

لكن ...لاحظت ان عمر مش بيرد عليا خالص

فا قلتلة..

طمني عليك يا قلب ماما

انت كويس ولا فيك حاجة؟

وانتظرت ان عمر يرد عليا

لكن...

 بردوا فضل ساكت

 وكان مكتفي بانة يبص ادامة

بدون اي رد فعل

 وكانة بيبص لحد مش موجود 

فا قلتلة..

انت مبتردش ليه يا عمر؟

طيب حتي  

...قولي

 انت كنت فين؟

 ومع مين ؟ و...... ؟

وقبل ما اكمل اسالة

لاحظت ان في ورقة في جيب القميص

 الي كان لابسة عمر

فا اخدت الورقة... وفتحتها 

واتفاجئت

 انها رسالة من شخص مجهول

لان مكنش في اي توقيع ...

او اسماء مكتوبة في الرسالة

المهم..

الرسالة كان فيها ما يلي...

احمدي ربنا ..

ان عمر رجعلك حي

لاني انقذتلك ابنك من موت محقق

وخلي بالك عليه ...

لان الخطر  مازال 

حوالية في كل مكان..

عشان كدة..

نصيحة مني 

بلاش حد يعرف ان ابنك رجعلك

وبلاش كمان

 تبلغي البوليس...

 لان ابنك متهم في نظرهم

 ولو وصلولة هيحاكموه

كل الي مطلوب منك

 انك...

 متعرفيش حد برجوع عمر 

وخصوصا.. اقرب الناس ليكي

وخليكي فاكرة

ان ابنك لو راح منك تاني

 

هتفقدية للابد .

بعدما قرات الرسالة 

فضلت ماسكة الورقة وانا متنحة

 وكنت حاسة اني  مخضوضة... ومستغربة... ومش فاهمة 

في نفس الوقت

وفضلت ابص لابني شوية

وبعدين سالتة

وقلتلة..

عمر حبيبي

هو مين الي كتب الرسالة دي؟

وانتظرت اجابة من عمر

 لكن...برضوا مردش عليا

فسالتة تاني

وقلت

حبيبي رد عليا 

وقولي علي الاقل

 مين الي حطلك الرسالة في جيب القميص؟

وفضلت منتظرة اجابة ...

او اي رد فعل 

من عمر 

لكن...

بردوا مكنش في اي رد

فسالتة

وقلتلة..

انت لبه مش بتتكلم يا عمر؟

طيب حتي شاورلي براسك

 وفهمني انك سامعني

لكن..

برضوا مسمعتش منه كلمة واحدة تطمني

و لا حسيت انه سامعني اصلا

واناكدت في اللحظة دي

ان ابني ...

 اتعرض لصدمة عصبية فعلا افقدتة النطق

ووقفت ابصلة 

وانا بسالة بيني وبين نفسي

ياتري ايه الي حصلك يبني؟

 واتعرضت لاية ؟

وصلك للحالة الي انت فيها دي؟

المهم..

اخدت ابني من ايده... ودخلتة الحمام..وجيبتلة غيار 

وساعدتة انه ياخد الشاور بتاعة

وبعدها..دخلت علي المطبخ

 وجيبت اكل ودخلتة علي اوضتة ...

 

وبعدما قعدت عمر في سريرة

بدات اكلة بالمعلقة 

وانا ببكي م الفرحة

اصلي مكنتش قادرة  اصدق

 ان ابني رجعلي تاني

 وقاعد في سريرة ادامي

واديني اهوه  باكلة بايدي

 زي منا متعودة

المهم...

بعدما اكلت عمر ...ونيمتة 

في حضني

فضلت محوطاه بدراعي 

وخايفة عنيا تغفل عنة 

لاصحي ملقهوش تاني

وفضلت ابص للغيار بتاعة

 

الي كان مرمي ادامي ع ارض الاوضة

ولاحظت ان الهدوم ...

مش هدوم عمر

 الي كان لابسها يوم ما اختفي

ده غير ان الهدوم

كانت متسخة جدا ....

و مليانة تراب 

واثناء ما كنت ببص علي القميص الي عمر قلعة

افتكرت الرسالة

و قعدت استغرب..

وافكر في الراسل

واقول..

ياتري مين الي بعتلي الرسالة دي؟

وياتري هو فعلا انسان شهم؟... وبيعرف ربنا ؟

عشان كدة انقذ ابني ... وساعدة؟

ولا فرد من افراد العصابة

 الي خطفوا  عمر 

وبيعمل عليا لعبة جديدة؟

عشان غرض معين

ايوه ...وارد جدا 

يكون واحد من العصابة

لان بالعقل كده 

لو هو منقذ... وشهم

فا ازاي عرف

 المكان الي اتخطف فيه عمر ؟

وازاي انقذة منهم؟

وازاي عرف البيت هنا ؟

ومين الي قالة علي عنواني؟

و عمر فاقد النطق اصلا؟

ولما حسيت بالشك في صاحب الرسالة

لقيتني بتنفض من مكاني

وقلت لنفسي..

انا لازم ابلغ البوليس

لكن...رجعت فكرت تاني

وقلت..

لكن هبلغ البوليس ازاي؟

وعمر فعلا متهم 

بانه هو الي وصل اصدقائة  للراجل الثري

والكل فاهم دلوقتي ان عمر

 السبب في موتهم 

وطبعا رجال البوليس

 بمجرد ما هيعرفوا

 ان ابني رجع

 هيقبضوا عليه ...ويبهدلوه

 ومش هيراعوا ان ابني تعبان نفسيا  

لا مش هسلم ابني للبوليس

 وهو في الحالة دي

ولا حتي وهو سليم

ايوه..انا مش هجيب سيرة لرجال البوليس...

 بان ابني رجع

انا متاكدة

انهم دلوقتي اقتنعوا بان عمر مات

 لما لقوا الجثة المجهولة

وخصوصا..

اني لما اتعرفت علي الجثة..

 اقريت بان الجثة كانت لابني

عمر

يعني خلاص

 ابني كده سقطت عنة التهمة بالموت

 والحل الوحيد دلوقتي

اني اخد ابني 

واهرب بدون ما اقول لاي حد

ان ابني رجعلي

وبعد كده 

هبقي اعمل المستحيل واعالجة

بس ههرب  بيه لفين ؟

واروح لمين يحميني انا وابني؟

وقبل ما اوصل لاجابة

سمعت باب الشقة بره بيتفتح

وعرفت ان كريم جوزي وصل

فا تذكرت التحذير الي في الرسالة

باني مقولش  لاي حد

 بان ابني  عمر رجع

 وخصوصا الناس المقربين ليا

فا روحت بسرعة

قفلت الاوضة عليا ...

انا ...وعمر بالترباس...

وفضلت اصطنت علي كريم

 جوزي 

من ورا الباب 

عشان اتاكد

 ان كان  كريم جاي ناحية الاوضة 

الي احنا فيها ولا ايه؟

ولما سمعت باب غرفتة بيتقفل

اطمنت... وعرفت انه مش جاي لاوضة عمر

فا ارتحت ...ورجعت لابني 

بعدما اتاكدت

 ان الترباس مقفول كويس علينا

ولما رجعت للسرير

لقيت عمر كان راح في النوم

فا نمت جنبة و اخدتة في حضني...

 

وبعدما اطمنت ان ابني رجع  لحضني

اتنفست بارتياح 

 لاول مره 

من ساعة ما غاب عني عمر

وغصب عني ...

روحت في النوم

وبعد شوية

 قلقت...وصحيت من النوم

وبصيت في الساعة..لقيتها..٣ فجرا

فا بصيت جنبي علي عمر ابني

 عشان اطمن عليه

لكن...

اتفاجئت 

بان السرير فاضي ...

وعمر مش نايم عليه

فا انتفضت من مكاني

وروحت علي باب الاوضة

 لقيت الترباس مفتوح

فا خرجت من الاوضة عشان ادور علي عمر

وفضلت انادي

واقول..عمر...عمر

وفي اللحظة دي

لفت نظري

 ان باب الاوضة 

عند كريم جوزي

 مفتوح

فا جريت علي اوضتة بسرعة

 عشان اسالة

 ان كان شاف عمر ؟

لكن...

لما دخلت لاوضة كريم

اتفاجئت بعمر ابني

 واقف ادام سرير كريم جوزي

 وبيبص عليه

 وكريم كان  رايح في النوم

ولما بصيت لعمر

لمحت في عيونة نظرة غضب

فا اخدت ابني بهدوء

 قبل ما كريم يصحي ...

ويكتشف وجود عمر

وبعدما رجعنا لغرفة عمر

استغربت من  الي كان بيعملة عمر في اوضة كريم

ورجعت اسال نفسي

واقول...

ياتري عمر افتكر ايه؟

 لما شاف كريم نايم في السرير خلاه يتاثر كده؟

وسالت عمر

وقلت..انت ايه الي صحاك من النوم ؟

واية الي خرجك من الاوضة يا حبيبي؟

فا بصلي عمر بدون ما يرد برضوا

فا قلت لنفسي

اكيد كريم هو السبب في الي حصل لابني

واكيد هو ده

 الي خلي ابني  بيبص علي كريم

بغضب وغيظ

ورجعت اقول...لنفسي

بس ازاي كريم يكون مسؤال عن الي حصل لعمر؟

اذا كان كريم جوزي

 كان محجوز في القسم يوم اختفاء عمر؟

 وبدات افكر تاني 

واقول..

يمكن عمر  ابني

 لما قام من النوم 

لقي نفسة  عايز يدخل الحمام

ولما شاف كريم جوزي نايم

 افتكر حاجة  دايقتة ؟

فا عشان كده  كان واقف متدايق؟

وفضلت محتارة من وقفة عمر

 في غرفة كريم جوزي

المهم..

بعدما رجعت عمر لسريرة

رجعت انام جنب ابني

وانا حضناه

وفضلنا علي الحال ده

 لاكتر من اسبوع

الصبح استني كريم جوزي يخرج

وبعدها ...اقفل الباب بالمفتاح

 عليا انا ....وعمر

 ونقضي اليوم كله مع بعض

وباليل ...اول ما يجي ميعاد رجوع كريم من بره

ادخل انا وعمر لغرفتنا 

ولا من شاف ولا من دري

وحتي اخواتي..

كنت بكلمهم بالموبيل واطمنهم عليا 

عشان محدش فيهم يجي

 يزورني

لغاية ما في يوم

 صحيت الصبح علي جرس باب الشقة

الي فضل يرن بدون ما يفصل

فا قمت بسرعة افتح

 قبل ما كريم جوزي يصحي 

ويجي يخبط عليا

ولما فتحت 

لقيتها نيرة اختي

 ومعاها اشرف اخويا

فا بصيت لهم

وقلت..اهلا تعالوا ادخلوا

فا ردت عليا نيرة

الي كانت بتعيط ...والدموع مالية عنيها

وقالتلي..البقية في حياتك يا حبيبتي

فا بصتلها بتعجب

وقلت...

البقية في حياتي في مين؟

فا رد اشرف

وقال...

لا حول ولا قوة الا بالله

اسمعي يا هدير

احنا النهاردة اتاكدنا

 ان الجثة الي انتشلوها من النيل كانت لعمر ابنك فعلا

فا فهمت هما يقصدوا ايه

وقلت لنفسي...

تلاقيهم عرفوا 

اني اتعرفت علي الجثة 

عشان كده  جايين بيعزوني

فا بصيتلهم باسف

وقلت بهدوء

هو حضرة الضابط قالكم اني اتعرفت علي الجثة؟

فا زادت نيرة في العياط

وقالتلي... 

ايوه...

وانا بنفسي شوفت هدوم عمر

 الي كانت علي الجثة

 يوم ما انتشلوها  من المية

فسالتها بدهشة

وقلت...

هدوم عمر ؟

ردت نيرة

وقالت...ايوه يا حبيبتي انا لسة جاية حالا من هناك

والظابط قالي...

ان  بما انك اتعرفتي  علي الجثة...

والهدوم  طلعت بتاعة عمر فعلا

 ونتيجة الحمض النووي

اكدت 

  ان الجثة لعمر

يبقي كده احنا اتاكدنا

 ان عمر ابنك

في ذمة الله فعلا

في اللحظة دي

وقفتهم عن الكلام

وسالت نيرة

وقلت...

انتي بتقولي ان نتيجة الحمض النووي ظهرت؟

فا ردت نيرة بثقة 

وقالت...ايوه يا حبيبتي

ما هي نتيجة الحمض النووي

 كانت الدليل القاطع

 الي اكد ان الجثة الي انتشلوها من النيل كانت لعمر ابنك

وقربت مني نيرة

وقالتلي

حبيبتي عايزاكي تتماسكي 

وبعدها حضنتني

وقالتلي...

البقية في حياتك

في اللخظة دي

افتكرت الوحمة الي كانت في فخد الجثة...

ولقيتني بقول لنفسي 

فعلا الوحمة  الي كانت في الجثة 

كانت في  نفس المكان

 الي في رجل عمر ابني

ودلوقتي نيرة قالتلي

 انها شافت هدوم عمر الي كانت علي الجثة

والحمض النووي كمان قطع الشك باليقين

عارفين ده معناه  اية......؟

لو عايز باقي احداث الرواية

صلي علي رسول الله..وطبعا مش هننسي نضع عشرملصقات مع متابعة صفحتي الشخصية

مع تحياتي

الكاتبة

حنان حسن