$type=ticker$cols=4

$type=slider$meta=0$snip=0$rm=0

الجزء الخامس عشر والاخير..ليلة الدخلة الذهبية للكاتبة حنان حسن

ليلة الدخلة الذهبية الجزء الخامس عشر       والاخير للكاتبة..حنان حسن بعدما عرفت ان الثعبان عض شيماء اختي  اضطريت اني اسلم لمرازي...

ليلة الدخلة الذهبية


الجزء الخامس عشر
      والاخير


للكاتبة..حنان حسن


بعدما عرفت ان الثعبان عض شيماء اختي 

اضطريت اني اسلم لمرازي اخيرا

ووافقت اني احقق للعفريت  رغبتة..

وانولة مراده مني

وفعلا..
دخلت معاه لغرفتي

واثناء ما كان مرازي جنبي علي السرير

غمضت عنيا
 عشان مشوفش الي هيحصلي علي ايدة
 في اللحظات الجاية

لكن الغريبة

ان مرازي بدل ما يبقي مستمتع... وهو معايا
 فضل يصرخ

ويقول...كفاية..انا بتحرق..
انا بتحرق
وبعدها سكت خالص

في اللحظة دي

انا فهمت 
ان الكوبرا ذات الانياب الزرقاء
 موجودة معانا في الاوضة

فا فتحت عيني بسرعة 

عشان اشوفها ...
و اعرف مين هي الكوبرا 
الي كانت  عايشة في وسطنا؟


وبمجرد ما فتحت عنيا

اتصدمت صدمة عمري 

لان الي شوفتة
 ادامي ساعتها يبقي .... (حسن)

ولقيتني ببصلة بذهول
وبقولة..

معقولة.....؟ 
انت الكوبرا يا حسن ؟

فا بصلي حسن باسف
و مردش عليا

فا رجعت سالتة تاني 

وقلت...طب ازاي؟

امال حسن ابن العمدة راح فين؟

ولية انت متجسد في صورتة؟

ولية  اتجوزتني انا وهند نيابة عنة؟
ولية استدرجتنا لبيت العمدة؟

ولية الثعبان بتاعك عض مهاود وعض هند و شيماء ؟

ولية عايزين شيماء تموت؟

وفي اللحظة دي

رد عليا حسن

وقالي...انا هبدء باجابة سؤالك الاخير


وفعلا بدء حسن

يوضحلي موقفة من الثعبان الي قرصهم

وقالي..
اولا ..
انا مليش علاقة بمرازي ولا بالثعبان السام بتاعة 

 ولا كنت اعرف ان مهاود هيتعض ويموت
 
وبالنسبة لهند 

فا هي اتعضت قبل كده زمان لما كنتوا في الكوخ...

يعني جسمها فيه مصل ضد سم الثعبان

وعشان كدة
 هند خفت ومحصلهاش حاجة

وانا دلوقتي مش مهتم
 بلدغة الثعبان
 الي اتعرضتلها شيماء اختك

لان شيماء  اتعضت في الكوخ  زي هند بالظبط

يعني المصل في جسم شيماء برضوا

وكمان شوية وهتلاقيها خفت
 ومش هيحصلها حاجة

لكن ..
 انا اهتميت... واتحركت

 اول ما شعرت
 ان في خطر عليكي انتي

ولما استشعرت الخطر  من مرازي

كان لازم اتدخل في الوقت المناسب 

واخلصك منة للابد

في اللحظة دي

 علقت علي الي قالة حسن
وسالتة

وقلت... 
بعني شيماء في جسمها مصل؟

افهم من كده ان شيماء اختي هتخف؟
 ومش هيحصلها حاجة؟

فا رد حسن 
وقالي...ايوه اطمني

مش هيصيبها اي اذي
وهتبقي كويسة

فا اتنفست بارتياح
وقلت..
الف حمد  وشكر لك يارب

وبعدها 
بصيت لحسن بحزن
وحسرة

وقلت....
يا خسار يا حسن

دنا قلت الدنيا بدات تصالحني بيك 
وكنت بدات احبك بجد
فا فرح حسن
وقالي..
بجد يا داليا انتي حبتيني؟
قلت...

ايوه حبيتك بس لما كنت فاهمة انك راجل عادي
( من البشر) ...
كلة طيبة وحنية

وهيعوضني عن كل الي حصلي

لكن دلوقتي خلاص
 للاسف

  طلعت جن  زي مرازي
 الي مليان شر... واذية

فا رد حسن بحسرة
وسألني

وقالي..
يعني لو مكنتيش عرفتي اني مخلوق من الجن
 كنتي هتفضلي تحبيني؟

فا رديت وانا ببعد عنة

وقلت...الحمد لله اني اكتشفت حقيقتك بدري

بدل ما كنت الاقيك بتعمل معايا
 زي ما مرازي كان بيعمل

فا اتعصب حسن
ورد وقالي...

انا مخلوق من الجن صحيح لكن....
مفيش اي وجه شبة
 بيني وبين مرازي

وعمري ما اذيت حد

فا رديت علية بغضب
وقلت ...

لا...انت عفريت من الجن
 يعني...
 مصدر للشر والاذي 

فا رد حسن بغضب
وقالي...
ومين الي قالك.. 
ان الجن هما مصدر الاذي والشر ؟

امال الي بيعملوه البشر في بعض ده اية؟
 ...وبيندرج تحت اي مسمي ؟

روحي شوفي كمية الاعمال المدفونة في المقابر

وانتي تعرفي مين فينا الي معجون بالشر؟
احنا معشر الجن
ولا انتم معشر البشر؟

روحي عدي واحصري كام امراة
 اطلقت من جوزها بسبب الاعمال ؟

وكام واحد مرض؟
وكام شخص حالة وقف ؟
وكام بيت اتخرب ؟
وكام راجل اتربط؟
وكام عروسة اتوقف حالها؟
وكام مشروع فشل؟

وكل ده بسبب الاعما
الي البشر بيعملوها لبعضهم
 
وبصلي حسن بغضب
وقالي...
روحي القي نظرة علي النوايا الخبيثة
 الي في قلوب البشر
وانتي تترعبي
 
قلت..الي بتتكلم عنهم دول نسبة قليلة من البشر

فا رد حسن
وقالي.. 
خدعوكي فقالوا
لان البشر  الي من النوعية دي  بقوا كتير اوي
وللاسف
انتوا بتصورونا في حكايتكم علي اننا كائنات شريرة ومدمرة
لكن في الحقيقة
ملناش عليكم سلطان
م الاخر
احنا مش اكتر من( اداة)
 في ايد شياطين  الانس

والانس هما الي بيسخرونا
 عشان ياذوا بعض


بعدما شوفت ثورتة
واستمعت لنبرة صوتة الغاضبة

رديت بغضب انا كمان

وقلت..

لكن  متقدرش تنكر 
ان مرازي كان جن 
مليان بالشر 

وكان كل هدفة انه يوصل لرغبتة فيا

وانت كمان متتخيرش عنة

بدليل انك اتجوزتني انا وهند علي انك حسن ابن العمدة

وطبعا اتجوزتنا عشان توصل لنفس الهدف بتاع مرازي

فا رد حسن بحزن
وقالي
انتي كده بتظلميني يا داليا

لاني لو فعلا زي ما بتتهميني

كان زماني تممت دخلتي عليكي انتي وهند

لكن الهدف من جوازي بيكم 

كان لغرض تاني خالص

و الدليل علي كلامي 
هو...
 ملمستش واحدة فيكم

وحاول حسن يوضحلي اكتر
فا قالي ...
صدقيني يا داليا 

سبب جوازي منك انتي وهند كان الهدف منة
 (حمايتك انتي)

فا بصتلة بتعجب
وسالتة

وقلت...وانت بتحميني لية؟

هو انت كنت تعرفني منين اصلا؟

فا رد حسن
وقالي..
انا اعرفك من زمان يا داليا
وتقريبا من وانتي طفلة

و كنت حواليكي 
وبحميكي ديما

فا بصيتلة بتعجب
وسالتة
وقلت..
انت كنت بتعرفني من وانا طفلة؟ طب ازاي؟

فا بصلي حسن


وقال ...انا بعرفك من يوم ما اتعرضتم للاغتصاب
 انتي وهند وشيماء

قلت ..معقولة...؟

يعني انت كنت معانا في الليلة السودة دي؟

وياتري بقي انت كنت انهي واحد في المغتصبين؟

فا وضح حسن  كلامة

وقال... انا كنت المنقذ

يعني انا الي انقذتك من ايديهم بالصدفة

فا سالتة وانا مندهشة

وقلت... لا استني  بالراحة كده وفهمني 
انقذتني بالصدفة ازاي؟

قال ...

في اليوم ده

 انا كنت من سكان الغيطان

ولما سمعت الاستغاثة الي خارجة من الكوخ

في ثواني كنت هناك

واول ما دخلت الكوخ

اكتشفت انهم نالوا من هند ومن شيماء

وكانوا هينالوا منك انتي كمان

بس كانوا منتظرين انك تفوقي

لكن...
لما شعروا بوجودي في المكان
  اختفوا  
وهربوا في الحال

ويومها انا قررت اني افضل معاكم لغاية ما توصلوا لبيوتكم

فا اتحولت لسبيكة ذهبية

ويومها  شيماء اخدتني وانا علي هيئة السبيكة 

ولما شيماء روحت البيت
 دستني في المرتبة بتاعتك
 

وعشان انا كنت في سريرك
بقيت قريب منك

وكنت بتأملك ديما

و كل ما كنتي بتكبري ادامي 

كان جمالك كان بيزيد  في عنيا كل يوم
 لغاية ما عشقتك

ومبقتش اقدر ابعد عنك

فااخدت عهد علي نفسي

اني احميكي بدون ما انتظر منك اي مقابل

في اللحظة دي
استوقفتة

وسالتة
وقلت..ايوه كده انا فهمت

انت قمت بحمايتي انا لوحدي

عشان كدة
 هند و شيماء
هما الي اتصابوا بالشلل والعجز.... وانا لا

وهزيت راسي 
وقلت...تمام... كمل

وفعلا رجع حسن يكمل سردة للحقيقة

وقال...
بعد مرور سنين علي قصة الكوخ

ظهر هاني الي كان عايز يشفي امة
 علي حساب هند وشيماء

ودخل الوسيط في الموضوع

في الوقت ده انا محاولتش اتدخل
 لان الخطر كان بعيد عنك

قلت...اه صحيح بمناسبة ذكر اسم الوسيط

في سؤال محيرني
وكان نفسي اعرف اجابتة

فا رد حسن 
وقال..سؤال اية؟

قلت..
السبع عرسان الي انا اتجوزتهم في اسكندرية
راحوا فين؟

ومصيرهم اية دلوقتي؟

وفي اللحظة دي

رد حسن 
وقالي...
انا لما لقيت الوسيط بيهددك بانة هيقتل السبع عرسان

روحت بنفسي وحررتهم
من ايدية

عشان كدة هو مقدرش يضغط عليكي بالكارت ده تاني

ولجئ لسيناريوا تاني خالص

والسيناريوا الجديد
كان ...
انه اتجسد في صورة ابن العمدة
عشان يعمل عملية التبديل
بينكم... انتوا... وام هاني

لكن انا احبطتلة المحاولة دي كمان

وفضلت وراه لما حرقتة

وقضيت علية تماما

وبعدها...اخدت مكان الوسيط في جسم حسن
 
وظهرت وسطكم علي اني  ابن العمدة

في اللحظة دي

رجعت عيدت علي حسن  سؤالي تاني

وقلت...
وبالنسبة لمصير العرسان؟
قال...
اطمني..
كل واحد فيهم 
 رجع لحياتة خلاص

بعدما سمعت لحسن
و بعدما اطمنت علي مصير العرسان السبعة..

حمدت ربنا اني محملتش ذنب حد فيهم

ورجعت سالت حسن
 سؤال جديد

وقلت..
طب لية سمحت لمرازي انة يساومني 

ولية مبعدتهوش عني من الاول؟

فا رد حسن 
وقال..
 
لما ظهر مرازي عندك في البيت

انا كان ممكن احرقة
واقضي علية في لحظة

لكن تركتة 
لاني كنت عارف اني هحتاج 
للمرازية بتاعتة

لاني كنت محتاج وسيلة اجيبكم  بيها لبيت العمدة

ولان مرازي
كان اسم علي مسمي

 فكرت اني استفيد منة واجيبكم من خلالة

وفعلا استفدت منه

و استخدمتة عشان يعمل قلق لجيرانكم ويأدبهم

ده غير حالة الشعوذة الي عملها مرازي 
و لفتت نظر العمدة ليكي انتي وهند
 
وانا ساعتها كنت بسعي

اني الفت نظر العمدة ليكم

عشان العمدة يطلبكم انتوا الاتنين للجواز من ابنة


وفعلا 
  العمدة انبهر بشغل العفاريت

وطلب يجوزكم لابنة المريض

المهم ان صبري علي مرازي 
كان بهدف


وفعلا مرازي انجز
 

و خلصك من مشكلة ام هاني للابد 

قلت...
طب ممكن اعرف 
 انت لية كنت عايزني اتجوز ابن العمدة؟


فا رد حسن 
وقالي ..
 لاني  كنت عارف ان ابن  العمدة مريض
 وممكن يموت في اي وقت 

فا لما تتجوزي من ابن العمدة قبل ما يموت 


 هتورثي ثروة كبيرة من بعدة 
وهتعيشي مرتاحة 
قلت...
وانت هتستفاد اية من كدة؟

قال...مش لازم استفاد حاجة

كفاية اني هشوفك مبسوطة و سعيدة

 وانا مكنتش عايز اكتر من كده

بعد ما سمعت لحسن 
مقطنعتش بكلامة

وهاجمتة تاني
وقلتلة ..
علي فكرة كلامك مش منطقي 

وانا مش مصدقاك

انت اكيد اتجسدت في صورة حسن

 عشان تنفذ مهمة تانية ليك فيها مصلحة

وده في حد ذاتة يثبت انك جن مؤذي

بدليل انك اخفيت حسن ابن العمدة

 وممكن كمان تكون اذيتة واتسببت في مرضة

عشان.. تقدر تتجسد  في صورتة


فا رد حسن وهو بيحاول
يدافع عن نفسة

وبدء يشرحلي قصة حسن
وقال ...
 حسن ابن العمدة
الي انا متجسد في صورتة دلوقتي
كان من خيرة الشباب 

وكان ولد وحيد للعمدة

وعشان ابوه كان عمدة البلد

وبيمتلك اطيان وفلوس كتير


فا كان ده سبب 
ان حسن بقي مطمع  لناس كتير

ومن ضمن الناس الي طمعوا في حسن

كانت واحدة ست 
من ستات البلد

وكانت امراة خبيثة

من الي بيحملوا لقب
 ( شياطين الانس )

والست دي
قررت تجوز ابن العمدة لبنتها باي ثمن


 وكان عندها اصرار غير عادي

انها تستحوز علي حسن

وعشان توصل لغرضها
لجأت لساحر...

وطبعا ...
اي ساحر في الكون
 
بيبقي عبارة عن كتلة من الشر بتمشي علي الارض

وكفاية انك تعرفي

ان الساحر عشان يسخر الجان

لازم يتبع سلوكيات وطقوس
معينة بتؤدي  بية
(للك&فر )

وبالرغم من  كدة

المراة لجأت للساحر

 عشان تجبر حسن علي انة
 يخطب  بنتها

فا  طلب منها الساحر

انها تطعم حسن وتسقية بطعام
 ممزوج بالعمل والسحر 

ولما حسن اكل من ايديها
اصابة السحر بالفعل

وحصل المراد...
 وخطب بنتها فعلا

وفي الوقت ده 

شعرت المراة انها حققت هدفها اخيرا

لكن...
 ام حسن
 عرفت بامر السحر
 الي اتعمل لابنها 

فا فسخت الخطبة

ودي كانت بمثابة صدمة لام العروسة 
وهدم لحلمها

فا رجعت ام العروسة
 وعادت الكرة بالاعمال

لجل ما تنتقم من ابن العمدة وامة

بس المرة دي

عملت لحسن عمل بالمرض والموت
 

فا اشار عليها الساحر


 بان تضع لة في طعامة وشرابة
( السحر الممزوج  بدم الحيض)
 

وفعلا...
 اتبعت المراة الحيلة

لغاية ما حسن شرب واكل من ايديها مره اخري

لغاية ما اتمكن المرض من حسن
واصبح طريح الفراش

وفي التوقيت ده

حاولت امة انها تنقذة
 وتفك السحر عنة

فا لجأت زوجة العمدة
 لاحد السحرة

و الساحر ده
 سخر الوسيط لحل المشكلة

وبدل ما الوسيط يحل المشكلة
استغل وجودة في جسم حسن 
وقرر يستخدمة في عملية التبادل
بينكم وبين ام هاني

وللاسف الحالة الصحية لحسن
 اتدهورت 
و اصبح مريض جدا

وبعدما قضيت علي الوسيط

فكرت اني استغل وضع حسن
واخد مكانة

عشان...
اقدر اتجوزك نيابة عن ابن العمدة
بحيث انه لو مات تورثية

فا استوفقتة وسالتة
وقلت...
وحسن فين دلوقتي؟

فا رد باسف
وقال..
حسن دلوقتي في احد المستشفيات

  طريح الفراش
 بيعاني من المرض
ومرضة ميئوس منه 

قلت...
وازاي قدرت تقنع العمدة وزوجتة...
 بجواز ابنهم
 مني انا... وهند
قال...
بسيطة
اتجسدت في صورة الساحر

وامرت العمدة وزوجتة
 انهم يجوزوا ابنهم من داليا وهند

وطبعا...
 العمدة نفذ الاوامر
 بدون ما يسال عن الاسباب

وبعدما العمدة تمم جوازكم علي حسن

رجعت اتجسدت في صورة ابن العمدة( حسن)


ووقدرت اجيبك انتي واهلك وهند  لبيت العمدة

قلت..ولية جيبت هند معايا لبيت العمدة
انت بتحبها هي كمان ولا اية

فا ابتسم حسن 
وقالي..
انا مبحبش حد غيرك
بس كان لازم اجيب هند معاكي

لان في التوقيت ده

الوسيط كان ناوي ينفذ عملية
 التبادل 
 بين ام هاني ...وهند وداليا

و عشان...اوقع باالوسيط 
كان لازم اجيبك انتي وهند  لبيت العمدة 
كا طعم للوسيط
عشان انال منة

وهو بيقوم بعملية التبادل

وفعلا ده الي تم

وقدرت اخلصك من الوسيط 

واظن دلوقتي بموت مرازي 

انا جيبت اكبر دليل علي ان وجودي جنبك كان بهدف حمايتك
يعني مكنتش بتجوزكم لهدف ما
ولا كنت عايز عايز اشبع رغبتي 
زي ما انتي بتتهميني

وبصلي حسن بحزن
وقالي...
وبالمناسبة

انا (طلقت هند)
 
في اللحظة دي

استوقفت (حسن )
وسالتة

قلت... لية طلقت هند؟

فا بصلي حسن

وقالي... 
انا طلقت هند
  عشان..

طلبت مني اني اطلقك

واعترفت امامي بكرهها ليكي

ولما شعرت من ناحيتها بخطر عليكي..(طلقتها)

في اللحظة دي 
كنت بدات اشعر بصدقة

و اتكسفت من هجومي علية

وقلتلة.. علي فكرة انا مصدقاك

فا بصلي حسن
وقالي...
صدقيني يا داليا

 اني عمري ما كنت جن مؤذي ليكي او لغيرك

ومش عايز منك حاجة 

 غير اني افضل جنبك
واشوفك ولو من بعيد


قلت...
وهتستفاد اية من كده؟
فا بصلي حسن
وقالي
 كفاية عليا
 اني اتنسم الهواء
الي  بيمر حواليكي

وفي اللحظة دي
حسيت 
 بمشاعر جميلة ناحيتة

لكن فوقت لنفسي بسرعة

لاني  ادركت ان مينفعش اعيش المشاعر دي مع مخلوق من الجن

فا جمدت قلبي
وسالتة
و قلت...طب ولو قولتلك اني رافضة وجودك

 وعايزاك تخرج  من حياتي؟

فا بصلي حسن بحزن
وقالي ..
انا طبعا مش هفرض نفسي عليكي
لكن برضوا هفضل درع وحماية ليكي
 لغاية ما اموت

وفي ساعة الخطر

 هتلاقيني  افعي سامة 
تبخ سمها في الي يقرب منك

في اللحظة دي

كنت عايزة
 اقولة...
اوعي تصدقني يا حسن

دا  انت بالنسبالي الامان...
والحلم الجميل...
 الي مش عايزة اصحي منه

لكن...
 ملحقتش اقولة ولا كلمة 

لاني اتفاجئت
 ب شيماء اختي
 ومعاها هند

وكانوا واقفين يبصولي 
انا وحسن
 
ولقيت شيماء اختي
 بتقولي

علي فكرة يا داليا
احنا كنا واقفين علي الباب 
انا وهند من بدري

وسمعنا كل كلامكم

وكملت  هند الكلام
بمنتهي الغيظ والغل
وقالتلي...

بقي انتي يا صفراء 
رايحة جايبة عفريت يتجسد في صورة حسن
 ابن العمدة المريض

وخليتي العفريت بتاعك يطلقني بالنيابة عن حسن
عشان
مدخلش معاكي في الميراث؟

لا ...دنا عليا وعلي اعدائي

وكان واضح
 في اللحظة دي
 ان هند ...ناوية تهد المعبد علي الجميع

لكن..
 فجاءة..

لقيت شيماء بتوقف هند عن الكلام  
وبتقولها...

وفري تعبك يا هند

عشان انا الي هفض المولد ده
دلوقتي

و هنهي حياة العفريت 
الي واقف ادامك ده حالا

ولمااستوعبت الموقف وركزت مع الي كان في ايد شيماء

اتفاجئت با اختي
وهي ...ماسكة  في ايد من ايديها 
طبق زجاجي فيه سائل احمر

وفي ايدها التانية

 كان في شيئ بيلمع لونة ذهبي
  

ولقيتها بتستعد انها تسقط  الشيئ الذهبي جوه السائل 

و سمعتها
وهي  بتقولي...
مفاجاة يا داليا
انا لقيت السبيكة الذهبية اخيرا

وشاورت علي السائل الاحمر
وقالتلي..
انا جيبت الزئبق الاحمر 
وحالا هنخلص
من كل العفاريت الي في حياتنا

فا صرخت فيها 
وقولت ...
لا اوعي تعملي كده يا شيماء....
 انتي كده ها......

وقبل ما اكمل...

 كانت شيماء نزلت السبيكة في الزئبق الاحمر

فا بصيت بسرعة علي حسن

وانا مخضوضة وخايفة علية لا يتاذي

وفعلا
الي خوفت منه حصل للاسف

وبمجرد ما السبيكة نزلت 
في الزئبق

(اختفي حسن)

 ومبقاش له اي اثر

فا روحت ادور بعيني علي حسن في المكان

ولما ملقتوش حسيت اني بقيت وحيدة وضعيفة

وفضلت اعيط
وبقيت عاملة زي الطفل الي تاه من اهلة وخايف وهو لوحده

فقربت مني شيماء

وسالتني بتعجب

وقالتلي..
جرالك اية يا داليا؟
ده بدل ما تفرحي
اننا خلصنا من القرف الي كنا فيه؟

فا بصيتلها وانا بعيط

وقلت بكسرة


منك لله يا شيماء

 ضيعتي مني الحلم الجميل
الي كنت عايشاه

قالت..حلم اية؟
 وكلام فارغ اية ؟

 ده مجرد عفريت واختفي

قلت... حسن مكنش مجرد عفريت و راح

دا كان بالنسبالي الامان
 والحماية

وفضلت اقولها
حرام عليكي
 لية عملتي كده يا شيماء
 
فا ردت شيماء
وقالتلي...يا حبيتي
انتي مصابة بالاوهام

 انسي العفريت
وانسي حسن ابن العمدة الحقيقي
لان جوازك منه باطل اصلا
وتعالي نمشي من هنا

وبكره هتقابلي نصيبك وهتاخدي حظك من الدنيا


فااترميت في الارض

وفضلت اعيط 

واقولها...
بس انا بحب حسن

وفضلت انادي وانا ببص حواليا
واقول...
يا حسن ارجعلي يا حسن

في اللحظة دي

 ضحكت هند ضرتي وفضلت تتشفي فيا

وتقولي...احسن

ربنا يتعسك يا داليا
 كمان ...وكمان

واثناء ما كانت هند شمتانة وفرحانة
 في كسرتي وحزني

سمعنا صراخ زوجة العمدة

فا خرجنا نجري 

ولقينا العمدة جايب الدكتور لحسن ابنة

فا فهمت ان حسن الحقيقي الي كان في المستشفي
 ظهر
 بعدما العفريت اختفي

لكن ..حسن ابن العمدة رجع طريح الفراش تاني

ولما العمدة لاحظ ان ابنة مريض 
اتصل  بالدكتور

فا جرينا انا وهند علي اوضة حسن عشان نشوفة

واول ما دخلت اوضة حسن 

 شوفت حسن الحقيقي
( ابن العمدة) 
راقد علي السرير

وكان واضح انه مريض جدا
زي ما العفريت قالي

وبعدما القيت نظرة علي ابن العمدة كنت هخرج من الاوضة 
بس الي وقفني 
 اني لاحظت  الشبة كان متطابق بين العفريت الي حبيتة
وبين ابن العمدة

فا تراجعت للخلف وانا ببصلة
وبفتكر العفريت
حسن الي حبيتة بجد

وخرجت من الغرفة وانا بعيط

واثناء ما كنت خارجة من الاوضة

اتفاجئت بان هند كانت عايزة تدخل تشوف حسن

لكن...
العمدة( استوقف هند) عند باب الاوضة

 ورفض انها تدخل تشوفة

وقالها...ارجعي انتي
مينفعش تدخلي

 لان حسن ابني طلقك

فا اتجننت هند

 وهددتني انها هتفضح الدنيا
وهتكشف المستور

وفعلا راحت للعمدة

وقالتلة...
ابنك مطلقنيش يا عمدة 
دا العفريت بتاع داليا هو الي طلقني

فا صرخ فيها العمدة
وسالها
وقالها..انتي اتجننتي ولا اية؟

فا ردت وقالت

لا انا عاقلة

وهقولك علي الحقيقة كلها

وبدات هند ترمي عليا بالاتهامات
 عشان تجيبلي مصيبة مع العمدة
 

وقالتلة....
بصراحة بقي كده

ابنك اتصاب بالمرض بسبب الاعمال الي داليا عملتهالة

والي كان هنا من يومين مكنش ابنك اصلا

ده كان عفريت
وداليا هي الي كانت محضراه

فا بصلي العمدة بعينة الحمراء
وسالني
وقالي...
ايه الكلام ده؟

قلت...بص يا عمدة
ابنك فعلا كان معمولة عمل بالمرض
وهو تعبان بسبب العمل ده

 بس والله انا ما عملتلة حاجة

لاني مليش في الاعمال اصلا

 الي عملة العمل
 هي..
(  ام خطيبتة الاولانية)

فا وقف العمدة يبصلي وهو مبرق 
 وعنية خارج منها شرار

فا حاولت اهرب من قدامة
وقلتلة..
بص...
انا كنت هاخد اهلي وهنمشي قبل ما هند تفتري عليا

وانا فعلا لازم امشي حالا

فا دخل  العمدة  ايدة في الجلابية بتاعتة 

وخرج سلاحة...

وقالي...
لا استني هنا
 تمشي تروحي فين؟

هند بتقولي..
 ان ابني اتمرض بسبب الاعمال الي عملتوهالو

يبقي لازم اضربكم بالنار انتوا الاتنين
لو مفهمتش الحقيقة حالا

قلت...لا لا
 اصبر بس انت هتعمل اية؟

صدقني هند مخبولة.  وظالمة.. ومفترية

وافترت عليا  وفهمتك غلط

وبالرغم اني حاولت ادافع عن نفسي 
لكن ...
 العمدة رفض ييسمعني

 ولا قبل يديني فرصة عشان افهمة حاجة

وكان عايز يضربنا بالنار

وفي اللحظة دي

صرخت هند فجاءة

فا بصيت عليها عشان اشوف سبب صراخها
واتفاجئت..
بثعبان علي رجل هند

وفي ثانية الثعبان
 دخل في هدومها

وكان واضح
 ان محدش شاف الثعبان غيري انا وهند

لان كل الي كانوا واقفين
كانوا مش فاهمين هي بتصرخ لية
المهم ..
فضلت هند تصرخ وتستغيث

وتقول ..الحقوني
 الثعبان في هدومي

وفضلت هند تقلع قطعة ورا قطعة  من هدومها

 عشان تبحث عن الثعبان

 ولما ملقتهوش...استمرت في القلع
 
وهي بتهذي بكلمات غريبة

وكانها كانت بتتكلم مع الثعبان

وقبل ما توصل لنزع 
ملابسها  الداخلية

صرخ فيها العمدة

بعدما شك في قواها العقلية
واتهمها بالجنان

وامر الغفر انهم ياخدوها ويرموها بره البيت

وبعدها
 جه العمدة اعتذرلي
وقالي..
حقك عليا يا مراة ابني

انا ظلمتك وكنت هضيعك بسبب كلام واحدة مجنونة

ولقيتة طبطب عليا
وقالي...
ادخلي لجوزك يا بنتي...

وخليكي جنبة 
لانة تعبان ومحتاج لرعايتك

قلت... جوزي؟
ايوه بس..... ؟

وكنت عايزة افهمة ان جوازي من ابنة باطل 

بس افتكرت ان العمدة مش بيتفاهم اصلا

فا اضطريت اني ادخل اوضة حسن المريض

واراعية  في مرضة

واول ما بصيت علي ابن العمدة 
..صعب عليا اوي

اصلة كان  واضح انه مريض
 
ومكنش ادامي حل تاني غير اني اصبر 
واقعد في دوار العمدة  لغاية ما ابن العمدة يموت

وبعدها ابقي امشي من بيت العمدة

وفعلا قعدت وصبرت

لكن الغريبة 
ان ابن العمدة ممتش 
بالعكس... ده بدء يتعافي

والاغرب 
انه اول ما فاق
 انا فرحت بشفاءة جدا معرفش لية

وكنت بحب ابصلة واتأمل ملامحة لانة كان
صورة طبق الاصل من  حسن (العفريت )

المهم ..
مرت اكتر من٥ شهور  وانا قاعدة تحت رجلين حسن
برعاه
وبشوف طلباتة

لغاية ما خف و بقي زي الحصان 

وفي الفترة دي

كنت اخدت علي ابن العمدة  واخد عليا


وبعدما ما حسن  قام ...
وفاق واستعاد صحتة وقوتة
 
بدات الاحظ انه بيحاول يتقرب مني

في اللحظة دي
كان مفروض اخد بعضي واهرب
لان جوازي با ابن العمدة
 كان باطل اصلا

لكن الغريبة اني مكنتش عايزة امشي واسيبة
وبرضوا مكنتش  عارفة لية

وكنت بستغرب الشبة المتطابق بينة وبين العفريت
وكنت باسال نفسي
واقول ...
معقولة مفيش فرق يذكر بين حسن ابن العمدة ؟
وبين حسن العفريت؟

دول تقريبا  نسخة واحدة في كل حاجة
حتي نفس طريقة الكلام ..والابتسامة ...
حتي نبرة الصوت
 كانت واحدة؟

وده خلاني اتعلق بحسن ابن العمدة 
وافضل قاعدة معاه ومسيبهوش

لغاية ما في يوم
لاحظت ان حسن بيحاول يتوددلي 
وبيتعامل معايا علي اني زوجتة بجد

فا رفضت انه يقرب مني

ولما سالني عن السبب

اتعللت...
 بانة كان رمي عليا يمين الطلاق 
 اثناء فترة مرضة 

فا اقترح عليا حسن ببساطة انه يتزوجني بعقد جديد

وفي اللحظة دي

قلت لنفسي ولية لا؟

فيها اية لما اتجوز ابن العمدة؟

منا  حاسة با انجذاب شديد ناحيتة ؟
وكمان انا دلوقتي عدي علي جوازي العرفي اكتر من خمس شهور
يعني اقدر. اتجوز تاني

وفعلا وافقت علي الجواز

وبصراحة الي شجعني علي الموافقة اكتر

هو اهتمام حسن الملحوظ بيا

واحساسي بانه متعلق بيا اوي

 و بيحبني بطريقة انا نفسي مكنتش مصدقاها

دا غير ان حسن كان كريم معايا جدا

 لدرجة انه اشترالي شبكة غالية
 مفيش واحدة عندنا في البلد تحلم بيها

وكتبلي بيت كبير با اسمي

ده غير الفلوس الي حطها باسمي في البنك


المهم...
بعدما تم الجواز
سافرنا علي الغردقة

وقضيت انا وحسن شهر عسل خيالي
واثناء شهر العسل 

قربنا من بعض اكتر 


وكل ما كنت بقرب من حسن

كنت بكتشف انه شخص رائع

 واستحالة كان ممكن الاقي السعادة الي انا فيها دي
  مع حد غيرة

واستحالة كمان الاقي حد يحبني زية

عشان كدة
 كان كل يوم 
 حبة بيزيد في قلبي اكتر

وفضلنا عايشين في سعادة لمدة ٣٠ يوم 

 لغاية ما شهر العسل انتهي

وكنت فاكرة
 اننا هنرجع من الحلم الجميل الي كنا فية
برجوعنا من الغردقة

لكن...
اتفاجئت ان حسن بيجدد شهر كمان
وكنت هطير من السعادة
لكن..
برضوا الشهر التاني خلص بسرعة
بس حسن  وعدني واحنا راجعين من شهر العسل التاني

 ان ايامنا كلها هتبقي عسل طول ما احنا مع بعض

وفعلا ..
حسن وفي بوعده

وعيشت مع حسن اجمل ايام حياتي
وبالرغم من اننا مخلفناش اطفال 
لكن كنا مكتفين. ببعض

وهو كان بيعاملني علي اني طفلتة المدللة

وانا كنت بعاملة 
علي انة ابني
الي بخاف علية من الهواء الطاير

وكان حبنا بيزيد لبعض اكتر
كل يوم

 ومر علي السعادة الي انا فيها دي
خمس سنين

وقبل عيد  جوازنا الخامس بيوم

سافرنا الغردقة  واخدنا معانا شيماء اختي وجوزها
 
عشان نحتفل هناك

ولاحظت ان شيماء
 كانت جايبالي هدية 

ومش عايزة تقولي هديتها عبارة عن اية

 غير في ليلة الاحتفال


واول ما وصلنا للغردقة
 اتغدينا... ونمنا شوية 

وباليل ...خرجنا احنا الاربعة للبلاج 

عشان نقعد علي البحر

وكا العادة
 تركنا حسن ونزل للمية باليل

فا نادي علية زوج شيماء

وقالة...خدني معاك

وفضلنا انا وشيماء علي البلاج ننتظرهم

واثناء ما كنا بنتكلم وبنضحك انا وشيما؟

لقيتها طلعتلي الهدية من وراء ظهرها

وقالتلي...افتحيها

فا اخدت الهدية من ايديها وانا بضحك

وفتحتها بالفعل

و بمجرد ما شوفت الهدية
اتصدمت ...
ومبقتش مصدقة عنيا

وبعدما فوقت من صدمتي 

بصيت لشيماء وانا بشاور علي الهدية

وسالتها

وقلت..ايه ده؟

فا ردت شيماء

وقالتلي.. 
دي السبيكة الذهب الي علي هيئة ثعبان

الي انا كنت لقيتها في الكوخ زمان في اليلة اياها

اصلها كانت ضايعة مني

واكتشفت امبارح ان امي لقتها وكانت مخبياها

وقولت اجيبهالك هدية

فا بصتلها بدهشة

وسالتها تاني

وقلت...ازاي الكلام ده؟

دا  يوم ما العفريت (حسن)  اختفي
 انتي قولتلي ساعتها ان السبيكة انصهرت
 لما نزلتيها في الزئبق الاحمر؟

فا ابتسمت شيماء
وقالت..
 الكلام ده انا قولتة ادام هند ساعتها

 عشان...
تحل عننا...ومتفضحناش

فسالتها تاني 

وقلت..
بس انا يومها  شوفتك فعلا وانتي بتحطي سبيكة ذهبية
 في سائل لونة احمر ؟

فا ردت شيماء
وقالتلي ...

السائل ده 
كان عبارة عن ..
شوية كركدية منقوع

 والسبيكة الي حطتها جوه الكركدية  يومها

 كانت الانسيال الذهب  بتاعي...

فا صرخت في شيماء
وسالتها بغضب

وقلتلها..
ولية مقولتيش الكلام ده من زمان؟

فا ردت شيماء
وقالتلي...

ساعتها هند كانت واقفة

ومكنش ينفع اقولك حاجة

وبعدين العفريت الي كان بيشبة ابن العمدة
 اختفي من ساعتها
ومظهرش تاني

و انتي انشغلتي بمرض ابن العمدة
 وانا نسيت الموضوع ..

ومفتكرتوش غير امبارح

 لما عرفت ان امي كانت مخبية السبيكة


وبصتلي شيماء باسف
وقالتلي...
صدقيني يا داليا

انا لما لقيت العفاريت كلهم اختفوا
 نسيت امر السبيكة خالص

وقولت اسيبك تعيشي حياتك مع جوزك 

في اللحظة دي 


فضلت ابص علي حسن
 الي اختفي جوه عتمة البحر

وارجعت تاني ابص علي السبيكة الذهبية

وفضلت اقول لنفسي

يعني ايه ؟
يعني الي انا اتجوزتة لمدة خمس سنين ده يبقي......؟


واثناء ما كنت بكلم نفسي
 وخلاص قربت اتجنن

سمعت صرخة شيماء

ولقيتها طلعت تجري علي جوزها 
الي رماه البحر علي الشط

ولاحظت ان زوج شيماء كان بيعاني من ضيق النفس
 وحالتة صعبة

فسالت شيماء جوزها

وقالتلة...
هو انت كنت هتغرق ولا اية؟

فا اخد زوجها نفسة بصعوبة 
وقال...ايوه 
انا كنت بغرق

وكنت هموت كمان ...

 لولا حسن الشهم 
الي ظهر جنبي فجاءة
 و حاول ينقذني

فسالتة
وقلتلة...
 وحسن مطلعش معاك لية؟

فا رد زوج شيماء باسف

وقال...
للاسف انا كنت بتعرض للغرق في المية

لان المنطقة الي كنت بغرق فيها 
كان فيها دوامة

والمية كانت بتشدني لتحت

ولما حسن حاول ينقذني
كان لازم يقرب مني
 ويزقني بايدة 

وفعلا ساعدني وزقني

ولما زقني وبعدت عن الدوامة
 نجيت من الغرق

لكن الدوامة سحبت حسن
وغرق مكاني

فا صرخت شيماء
وقالتلة...انت بتقول اية؟
حسن غرق؟

فا هز راسة باسف

وقال...ايوه

انا شوفتة بعيني والدوامة بتسحبة لتحت
 لغاية ما اختفي تحت المية

 و للاسف... 
مقدرتش انقذة من
 الغرق

في اللحظة دي

انا اتصلبت في مكاني

وحسيت اني اتخرست

لاني عرفت ان حسن
كده  خلاص راح

واكتشفت اني بقيت ارملة

لكن معرفش كنت ارملة مين؟

ارملة 
حسن ابن العمدة الي اتجوزتة؟
وورثت منه الاملاك و والاطيان؟ و الملايين؟

ولا ارملة حسن العفريت
 الي حبيتة؟
ومش قادرة انساة؟
المهم

عدي عليا بعدها كام ليلة

 مكنتش عارفة اعيش فيهم حرفيا
 بعد اختفاء حسن
 لدرجة اني انطويت علي نفسي تماما

 ومكنتش بكلم حد

و فضلت كل  ليلة

اخد السبيكة الذهبية
و اروح لنفس للمكان الي غرق فية حسن

و ابص للبحر رغم الظلام
 الدامس الي كان محاوطة

وفي ليلة
وانا علي البحر باليل

بصيت علي السبيكة الي كانت في ايدي

وفكرت...
 اني ارميها في البحر مكان ما اختفي حسن

لكن...
بمجرد ما رفعت ايدي عشان احدفها بطول ذراعي

فجاءة السبيكة اتحولت  في ايدي لثعبان

وفي لحظة  ما اتحققت من الثعبان

خوفت منة وجريت ناحية البحر

والغريبة ان الثعبان فضل 
 يهاجمني
ويجري ورايا

فا فضلت اتوغل في البحر اكتر 
وانا بحاول اهرب من الثعبان 


لغاية ما اكتشفت اني دخلت جوه البحر لوحدي باليل
و في عز الظلام

وفي اللحظة دي 
الثعبان اختفي

بس انا كنت هموت من الفزع و الرعب

لكن.... الي طمني شوية

هو ..اني سمعت صوت حسن
حواليا
وشوية شوية صوتة كان بيقرب مني اكتر

لغاية ما...
 لقيت حسن ظهر ادامي

فا بكيت من الفرحة
وسألتة بلهفة

وقلتلة...
حسن؟
الحمد لله انك رجعت

لية سيبتني يا حسن؟

فا رد حسن بحنانة المعتاد
وقالي...
(وحشتيني)
قلت...
طب لما انا وحشتك..
 لية تركتني من الاساس؟

فا رد حسن با اسف
وقالي...

 للاسف يا داليا

في جزء من الحقيقة انا خفيتة عنك...
 لما صارحتك
ومقولتهوش ليكي

فسالتة
وقلت.. اية الي انت خبيتة عني؟

قال...
هند كانت بتكرهك جدا
ومن شدة كرهها ليكي
كانت عملالك سحر
(بالجنون)
ومن ضمن المهام الي كلفني بيها الساحر

انه  سخرني عشان اجذبك واطير عقلك

وانا نفذت فعلا 
وقربت منك وحاولت اجذبك ليا واشتت عقلك

لكن الي حصل
ان العمل اتعكس

و انا الي اتصبت بداء الجنون

وجنوني كان بيكي ..يا داليا

 لان عشقي ليكي بلغ حد الجنون

و بقيت مسلوب الارادة
وكاني انا الي اتصبت  بالسحر

ودا الي خلاني كملت في جوازنا

ومكنتش ناوي اسيبك لغاية ما اموت

لكن ..للاسف

 السحر اتفك الليلة دي 

فا كان لازم اختفي من حياتك

فا استوقفتة 

وسالتة
وقلت . ...
سحر اية الي اتفك؟
 ومين الي فكة؟

فا رد حسن

وقالي ..
امك لما وجدت الحجاب الي عملتة هند ليكي

عرفت ان في حد عاملك عمل 

فا راحت لساحر يفك السحر عنك
 وفعلا الساحر وافق انه يفك السحر 
وكان من شروط فك السحر

هو...  انك تشوفي السبيكة
الذهبية .. بتاعتي.. 
وتلمسيها بايدك

عشان كدة الساحر طلب من امك
 انها توصلك السبيكة باي طريقة 
لجل ما السحر يتفك

وده الي حصل بالفعل

وبمجرد ما شيماء جابتلك السبيكة

انا اتحرم عليا اني اعيش معاكي تاني
 في العالم بتاعك

وكان لازم اختفي من حياتك

بس بعدما تركتك يا داليا

 وانا حاسس اني مش قادر اعيش 
ولا قادر اكمل لحظة منغيرك

ولقيت ان الحل الوحيد

 هو...
 انك تيجي انتي للعالم بتاعي

وبصلي حسن بتوسل
وقالي...

ارجوكي يا داليا مفيش حل دلوقتي 
غير ...
 انك تيجي معايا للعالم بتاعي

في اللحظة دي

 اتصدمت من طلب حسن  وسكت
ومردتش علية

فا سألني حسن تاني

بس المره دي

كان سؤالة مباشر

وقالي
هتيجي معايا يا داليا؟

فا بصيت حواليا

علي الامواج الي كانت بتلاطم بعضها 
ولمحت لمعة البحر المرعب في عتمة الظلام 

فا رجعت  بصيت لحسن بقلق 

وقلتلة...
بس انا خايفة يا حسن

فا رد حسن
وسالني
وقالي ..
هتخافي وانتي معايا ؟

فا رجعت سالتة تاني
وقلت...
طب شكلة اية العالم بتاعك 
ده ؟

وهو فين؟
 وهنروحلة ازاي؟

فا مدلي حسن ايده 
وقالي ....
متشغليش بالك ولا تفكري 
في اي حاجة

كل الي مطلوب منك

هو انك تيجي في حضني  
وتغمضي عنيكي

وانا هخدك معايا للعالم بتاعي

واوعدك...
 انك هتبقي اسعد 
ما كنتي في العالم بتاعك
بملايين المرات

في اللحظة دي

تجاهلت خوفي من المجهول

واول ما عقلي بدء يبعت اشارات الخوف والحذر

قولت لعقلي تعالي انت علي جنب دلوقتي

وبدون ما افكر

جريت علي حضن حسن وغمضت عنيا

و قررت...
 اني هكتفي
 من العالم( بحسن) فقط

يقولوا بقي اني معمولي عمل بالجنون ...

ولا يقولوا اني اتجننت فعلا

مش مهم

المهم اني هكمل في سعادتي مع حسن



وبمجرد ما حسن ضمني لحضنة

حسيت انة كان فرحان اوي

زي منا كنت كنت فرحانة بالظبط 
ويمكن اكتر

فا زادت سعادتي

واول  ما دفست راسي في صدر حسن

شعرت اني رجعت لموطني الاصلي

فا بدء حسن يطبق عليا ذراعية بحنان

 وفي غمضة عين 
انطلقت مع حسن فعلا
 للعالم بتاعة. 


ولو شاء القدر 
وعملت جزء تاني للرواية 

هبقي اقولكم 
شوفت ايه؟
 وعيشت ازاي؟
 مع العفريت الي عشقتة .















وبكدة الرواية تكون انتهت

بس قبل ما انهي الرواية
عايزة اقولكم...

 ان بالرغم من ان الرواية خيالية

لكن.. الفكرة مستوحاة من قصة حقيقية

ودي حكاية حاصلة 
اليومين دول

واكيد كتير منكم سمع عنها

وهي قصة الفتاة الشابة الي كانت جميلة و متفوقة
وفجاءة حالها اتشقلب راسا علي عقب
واكتشفوا انها مسحورة
وتجاهلوا حالتها
 وبعد كام يوم اكتشفوا انها ماتت غرقانة
ولما فرغوا الكاميرات الي حوالين المكان
شافوها وهي  رايحة للمية
 برجلها وكأنها كانت مسلوبة الارادة 
والاغرب انها كانت بتغرق بدون ما ترفع ايديها وتستنجد
 وكانها  كانت متقيدة 
والحالة دي

مش الحالة الوحيدة للاسف

لكن تعاطفي مع الفتاة... هو  الي استفزني وخلاني كتبت الرواية 

ممكن البعض ميصدقش موضوع السحر والاعمال لكن 
دي حقيقة للاسف

واصحاب القلوب المريضة كتير
لكن طول ما احنا قريبين من رىبنا 
وبنصلي وبنردد الاذكار ديما

ان شاء الله ربنا هينجينا من كل شر

عفانا الله واياكم من شياطين الجن وشياطين الانس ايضا

واخيرا

 بشكركم جدا علي تفاعلكم مع الرواية
ويارب النهاية تعجبكم



لو الرواية عجبتك

ضع.. ولو تعليقا واحدا
 يشجعني علي سرد المزيد من القصص

والي اللقاء اخر 
في رواية اخري من تاليفي
 باذن الله

وقبل ما اسيبكم 
عايزة اقولكم

متزعلوش مني

 لو كنت قصرت ..
 او اتاخرت في تنزيل الاجزاء
انا مقدرش علي زعلكم

لان بتشجيعكم انا بكتب
وبدعمكم هنجح باذن الله

  بحبكم جميعا في الله

والي اللقاء

مع تحياتي
الكاتبة
حنان حسن










































التعليقات

BLOGGER: 38
  1. غير معرف6/19/2023

    اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا

    ردحذف
  2. غير معرف6/19/2023

    اللهم صل وسلم على نبينا محمد وعلى آله وصحبه أجمعين اللهم اميين يارب العالمين

    ردحذف
  3. غير معرف6/19/2023

    ماشاء الله حلوه اوي اللهم صل وسلم على نبينا محمد وعلى آله وصحبه أجمعين وسلم تسليما كثيرا طيبا مباركا فيه

    ردحذف
  4. غير معرف6/19/2023

    اللهم صل وسلم وبارك على سيدنا محمد وعلى اله وصحبه اجمعين

    ردحذف
  5. غير معرف6/19/2023

    اللهم صل وسلم على نبينا محمد وعلى آله وصحبه أجمعين

    ردحذف
  6. غير معرف6/19/2023

    اللهم صل وسلم وبارك على سيدنا محمد وعلى اهله وصحبه اجمعين

    ردحذف
  7. غير معرف6/19/2023

    احسنتي يا استاذه وباذن الله في انتظار الروايه الجديده وبالتوفيق دايما

    ردحذف
  8. غير معرف6/19/2023

    عليه افضل الصلاة والسلام
    رووووووعة

    ردحذف
  9. غير معرف6/19/2023

    اللهم صل وسلم وبارك على سيدنا محمد وعلى اله وصحبه اجمعين حلوه جدا

    ردحذف
  10. غير معرف6/19/2023

    جميلة جدا

    ردحذف
  11. غير معرف6/19/2023

    رواية جميلة جدا ♥️♥️

    ردحذف
  12. غير معرف6/19/2023

    اللهم صلى وسلم وبارك على سيدنا محمد

    ردحذف
  13. غير معرف6/19/2023

    اللهم صل وسلم وبارك على سيدنا وحبيبنا ونبينا محمد وعلى آله وصحبه أجمعين

    ردحذف
  14. غير معرف6/19/2023

    مشاء الله رواية جميلة جدا 🥰💝

    ردحذف
  15. غير معرف6/19/2023

    بتوفيق

    ردحذف
  16. غير معرف6/19/2023

    اللهم صل وسلم وبارك على سيدنا محمد وعلى آله وصحبه أجمعين

    ردحذف
  17. غير معرف6/20/2023

    استغفر الله العظيم واتوب اليه عدد خلقه ورضا نفسه وزنة عرشه ومداد كلماته

    ردحذف
  18. غير معرف6/20/2023

    لا إله إلا الله وحده لا شريك له

    ردحذف
  19. غير معرف6/20/2023

    رواية جميلة جدا كالعادة وكل سنة وانتى طيبة وجميييلة ورائعة

    ردحذف
  20. غير معرف6/20/2023

    حلوة وحقيقية حسبي الله على كل حدا بيتعامل بالسحر والشعوذة لياذي غيره
    موفقة ومبدعه وبانتظارك برواية جديدة احلى حنون

    ردحذف
  21. غير معرف6/20/2023

    حلوة كتيرررررر

    ردحذف
  22. غير معرف6/20/2023

    حلوة جدا جدا جدا جدا

    ردحذف
  23. غير معرف6/20/2023

    منا مفهمتش هو مين اللي غرق

    ردحذف
  24. غير معرف6/20/2023

    اللهم صل وسلم وبارك عليه

    ردحذف
  25. غير معرف6/20/2023

    قمة الروعة والجمال والابداع والتشويق والتميز تسلم ايدك وبالنجاح والتوفيق فى اللى جاى ومن نجاح لنجاح باذن الله

    ردحذف
  26. غير معرف6/20/2023

    رواية رائعة اتمنى لك مزيد التألق والنجاح

    ردحذف
  27. غير معرف6/21/2023

    كل قصصك راءعة امتعتين ونشكرك على الجهد المبزول فى الرواية

    ردحذف
  28. غير معرف6/21/2023

    انتي بجد مبدعة

    ردحذف
  29. غير معرف6/22/2023

    روعه فعلآ بالتوفيق مستنين الجديد

    ردحذف
  30. غير معرف6/25/2023

    جميله طبعا النهايه الجديده بس قفلت علي شي وعاوزين نعرف باقي الحكايه ياريت يكون في جزء تاني

    ردحذف
  31. غير معرف6/26/2023

    في انتظار الجزء التاني اكيد هيبقي شيف جدا

    ردحذف
  32. غير معرف6/26/2023

    جميلة جدا ومشوقة كالعادة بالتوفيق والنجاح الدائم

    ردحذف
  33. غير معرف6/26/2023

    حلوه اوي برافو عليكي منتظرين جديدك بكل شوق ياقلبي

    ردحذف
  34. غير معرف6/28/2023

    اآللـــھمِے🌾صَّلِ🌾وَسُـُلْـﻤ🌾وٌبـ̨̥̬̩ـارگ🌾عَلے🌾سَيدنِـــا🌿🌹 مُــُحـمـ̨̥̬̩ـد🌿🌹عَدد🌾مَا ذگرهُ🌾 ألذَاكِرونّ🌾وغَفِلَ🌾عن🌾 ذِكِرهِ🌾ألغَافِلونّ🌾🌾
    ❤‏آلُلَُّـہِــم💮صٍَلُِّ💮ۆَﺳَ̭͠ـــلُِّم💮 ۆَبَْآرِگّْ💮علُﮯنَْبِْيَِّنَْـــآ🌼🌿مُحٍمَّدِ🌿🌼 ۆِأّلَُـﮧِ💮ۆِصٌٍحٌٍبِْـﮧِ💮 أّجٍِمَعٌيَِّن💮وسلم💮تسليما💮كثيرا🌾🌾🌾🌾🌾🌾اللهم صل على سيدنا محمد🌹عدد خلقک🌹ورضا نفسک🌹وزنة عرشک🌹ومدآد كلماتک🌲وعدد الذاكرين🌲والذاكرآت🌷وذرآت وآلرمال🌷ف لأرض والبحار⁦🌺والجبال🌻ولانهار🌻وعدد مالا يحص عدد🌷و على اله⁦🏵️⁩وصحبه🌹اجمعين🌷اللهم امين🌿يارب العالمين🍀استغفر الله العظيم الذي لا اله الا هو الحي القيوم واتوب اليه 🌼اللهم صل وسلم وبارك على سيدنا ونبينا محمد وعلى اله وصحبه اجمعين🌾💮🌾

    ردحذف
  35. غير معرف7/04/2023

    ايوه ياريت تكملي انا بحبك اوي وكنت متابعاكي من 4 سنين وانشغلت بالدراسه بس رجعت تابعتك تاني وبجد الروايه جميله اوي🥺♥♥♥

    ردحذف
  36. غير معرف7/16/2023

    رواية اكتر من رائعه
    بس ملقتش حاجه عن القصة الحقيقية او معلومات عنها

    ردحذف
  37. غير معرف7/19/2023

    خياليه لكن جميله جدا جدا والسحر موجود والناس المؤذيه كتير ربنا يكفينا يكفيكم شرهم

    ردحذف
  38. غير معرف12/18/2023

    الف الف الف شكر الناس اللي زي حضرتك في الزمن ده مش موجود انا بتشوف إني قرأت القصه معا تحياتي لكم حسن الكيلاني

    ردحذف

الاسم

الجزء الاخير من رواية جواز علي يد مجنون للكاتبة حنان حسن,1,الجزء الاخير من رواية ليلة الدخلة الذهبية للكاتبة حنان حسن,1,الجزء الاخير من رواية ليلة العمر للكاتبة حنان حسن,1,الجزء الاخير من رواية..جميلة فوق فراش بارد للكاتبة حنان حسن,1,الجزء الاخير..من رواية..عريس مكتمل الانوثة ..للكاتبة حنان حسن,1,الجزء الاول من رواية ..جواز علي يد مجنون ..للكاتبة حنان حسن,1,الجزء الاول من رواية جميلة فوق فراش بارد للكاتبة حنان حسن,1,الجزء الاول من رواية جوز (قزح) للكاتبة حنان حسن,1,الجزء الاول من رواية حضن عشماوي للكاتبة حنان حسن,1,الجزء الاول من رواية سلاسل ام غراب للكاتبة حنان حسن,1,الجزء الاول من رواية..احاسيس موقوتة للكاتبة حنان حسن,1,الجزء التاسع من رواية ..الحب في ثلاجة الموتي للكاتبة..حنان حسن,1,الجزء التاسع من رواية احاسيس موقوتة للكاتبة حنان حسن,1,الجزء التاسع من رواية جميلة فوق فراش بارد للكاتبة حنان حسن,1,الجزء التاسع من رواية حضن عشماوي للكاتبة حنان حسن,1,الجزء التاسع من رواية رغبة ملعونة للكاتبة حنان حسن,1,الجزء التاسع من رواية سلاسل ام غراب للكاتبة حنان حسن,1,الجزء التاسع من رواية ليلة الدخلة الذهبية للكاتبة حنان حسن,1,الجزء التاسع من رواية ليلة العمر للكاتبة حنان حسن,1,الجزء التاسع..حضن بنكهة القسوة للكاتبة حنان حسن,1,الجزء التاني من رواية بائعة المtعة للكاتبة حنان حسن,1,الجزء الثالث حضن بنكهة القسوة للكاتبة حنان حسن,1,الجزء الثالث عشر من رواية احاسيس موقوتة للكاتبة..حنان حسن,1,الجزء الثالث عشر من رواية حضن عشماوي للكاتبة حنان حسن,1,الجزء الثالث عشر من رواية ليلة الدخلة الذهبية للكاتبة حنان حسن,1,الجزء الثالث عشر والاخير سلاسل ام غراب للكاتبة حنان حسن,1,الجزء الثالث من رواية الحب في ثلاجة الموتي للكاتبة ..حنان حسن,1,الجزء الثالث من رواية احاسيس موقوتة للكاتبة حنان حسن,1,الجزء الثالث من رواية جواز علي يد مجنون للكاتبة حنان حسن,1,الجزء الثالث من رواية جواز مسيار للكاتبة حنان حسن,1,الجزء الثالث من رواية حب في موسم الجفاف للكاتبة حنان حسن,1,الجزء الثالث من رواية حضن عشماوي للكاتبة حنان حسن,1,الجزء الثالث من رواية ليلة العمر للكاتبة حنان حسن,1,الجزء الثالث من رواية..جوز (قزح) للكاتبة حنان حسن,1,الجزء الثالث من رواية/ رغبة ملعونة للكاتبة حنان حسن,1,الجزء الثالث..جميلة فوق فراش بارد للكاتبة حنان حسن,1,الجزء الثامن ..عريس مكتمل الانوثة..للكاتبة حنان حسن,1,الجزء الثامن ..من رواية ..رغبة ملعونة للكاتبة حنان حسن,1,الجزء الثامن ليلة الدخلة الذهبية للكاتبة حنان حسن,1,الجزء الثامن من رواية احاسيس موقوتة للكاتبة حنان حسن,1,الجزء الثامن من رواية جميلة فوق فراش بارد للكاتبة حنان حسن,1,الجزء الثامن من رواية ليلة العمر للكاتبة حنان حسن,1,الجزء الثامن من رواية..حضن عشماوي للكاتبة حنان حسن,1,الجزء الثامن..من رواية ..الحب في ثلاجة الموتي للكاتبة ..حنان حسن,1,الجزء الثاني ..جميلة فوق فراش بارد للكاتبة حنان حسن,1,الجزء الثاني عشر ..جميلة فوق فراش بارد للكاتبة ..حنان حسن,1,الجزء الثاني عشر سلاسل ام غراب للكاتبة حنان حسن,1,الجزء الثاني عشر من رواية احاسيس موقوتة للكاتبة حنان حسن,1,الجزء الثاني عشر من رواية حضن بنكهة القسوة للكاتبة..حنان حسن,1,الجزء الثاني عشر من رواية حضن عشماوي للكاتبة حنان حسن,1,الجزء الثاني عشر من رواية رغبة ملعونة للكاتبة حنان حسن,1,الجزء الثاني عشر من رواية ليلة الدخلة الذهبية للكاتبة حنان حسن,1,الجزء الثاني عشر من رواية ليلة العمر للكاتبة حنان حسن,1,الجزء الثاني عشر والاخير...من رواية الحب في ثلاجة الموتي للكاتبة...حنان حسن..,1,الجزء الثاني من رواية جواز علي يد مجنون للكاتبة حنان حسن,1,الجزء الثاني من رواية جواز مسيار للكاتبة..حنان حسن,1,الجزء الثاني من رواية جوز(قزح) للكاتبة..حنان حسن,1,الجزء الثاني من رواية حب في موسم الجفاف للكاتبة حنان حسن,1,الجزء الثاني من رواية حضن عشماوي للكاتبة حنان حسن,1,الجزء الثاني من رواية سلاسل ام غراب للكاتبة حنان حسن,1,الجزء الثاني من رواية..احاسيس موقوتة للكاتبة ..حنان حسن,1,الجزء الثاني من رواية/رغبة ملعونة..للكاتبة حنان حسن,1,الجزء الحادي عشر للكاتبة حنان حسن,1,الجزء الحادي عشر من رواية بائعة المtعة للكاتبة حنان حسن,1,الجزء الحادي عشر من رواية حضن عشماوي للكاتبة حنان حسن,1,الجزء الحادي عشر من رواية رغبة ملعونة للكاتبة حنان حسن,1,الجزء الحادي عشر من رواية سلاسل ام غراب للكاتبة حنان حسن,1,الجزء الحادي عشر من رواية ليلة الدخلة الذهبية للكاتبة حنان حسن,1,الجزء الحادي عشر من رواية ليلة العمر للكاتبة حنان حسن,1,الجزء الحادي عشر من رواية..الحب في ثلاجة الموتي..للكاتبة..حنان حسن,1,الجزء الحادي عشر..جميلة فوق فراش بارد للكاتبة حنان حسن,1,الجزء الخامس ..من رواية رغبة ملعون..للكاتبة حنان حسن,1,الجزء الخامس حضن بنكهة القسوة للكاتبة حنان حسن,1,الجزء الخامس من رواية ..جوز(قزح) للكاتبة حنان حسن,1,الجزء الخامس من رواية احاسيس موقوتة للكاتبة حنان حسن,1,الجزء الخامس من رواية جميلة فوق فراش بارد للكاتبة حنان حسن,1,الجزء الخامس من رواية حضن عشماوي للكاتبة حنان حسن,1,الجزء الخامس من رواية ليلة الدخلة الذهبية للكاتبة حنان حسن,1,الجزء الرابع ..جميلة فوق فراش بارد للكاتبة حنان حسن,1,الجزء الرابع حضن بنكهة القهوة للكاتبة حنان حسن,1,الجزء الرابع عشر من رواية حضن عشماوي للكاتبة حنان حسن,1,الجزء الرابع عشر..ليلة الدخلة الذهبية للكاتبة حنان حسن,1,الجزء الرابع من رواية ..جوز(قزح) للكاتبة حنان حسن,1,الجزء الرابع من رواية احاسيس موقوتة للكاتبة حنان حسن,1,الجزء الرابع من رواية جواز علي يد مجنون للكاتبة حنان حسن,1,الجزء الرابع من رواية جواز مسيار للكاتبة حنان حسن,1,الجزء الرابع من رواية حضن عشماوي للكاتبة حنان حسن,1,الجزء الرابع من رواية سلاسل ام غراب للكاتبة حنان حسن,1,الجزء الرابع من رواية...الحب في ثلاجة الموتي ..لكاتبة حنان حسن,1,الجزء الرابع من رواية..رغبة ملعونة للكاتبة حنان حسن,1,الجزء السابع ..من رواية..رغبة ملعونة..للكاتبة..حنان حسن,1,الجزء السابع عشر والاخير من رواية حضن عشماوي للكاتبة حنان حسن,1,الجزء السابع من رواية ..احاسيس موقوتة للكاتبة..حنان حسن,1,الجزء السابع من رواية حضن عشماوي للكاتبة..حنان حسن,1,الجزء السابع من رواية سلاسل ام غراب للكاتبة حنان حسن,1,الجزء السابع..جميلة فوق فراش بارد للكاتبة حنان حسن,1,الجزء السابع..حوز (قزح) للكاتبة..حنان حسن,1,الجزء السادس عشر من رواية..حضن عشماوي للكاتبة حنان حسن,1,الجزء السادس من راوية..رغبة ملعونة للكاتبة..حنان حسن,1,الجزء السادس من رواية ..حضن عشماوي للكاتبة ..حنان حسن,1,الجزء السادس من رواية احاسيس موقوتة للكاتبة حنان حسن,1,الجزء السادس من رواية حضن بتكهة القسوة للكاتبة حنان حسن,1,الجزء السادس من رواية سلاسل ام غراب للكاتبة حنان حسن,1,الجزء السادس من رواية ليلة الدخلة الذهبية ..للكاتبة حنان حسن,1,الجزء السادس من رواية ليلة العمر للكاتبة حنان حسن,1,الجزء السادس من رواية..الحب في ثلاحة الموتي..للكاتبة..حنان حسن,1,الجزء السادس من رواية..جوز (قزح) للكاتبة حنان حسن,1,الجزء السايع من رواية الحب في ثلاجة الموتي للكاتبة حنان حسن,1,الجزء العاشر ليلة الدخلة الذهبية للكاتبة حنان حسن,1,الجزء العاشر من رواية الحب في ثلاجة الموتي ..للكاتبة..حنان حسن,1,الجزء العاشر من رواية جميلة فوق فراش بارد للكاتبة حنان حسن,1,الجزء العاشر من رواية حضن عشماوي للكاتبة حنان حسن,1,الجزء العاشر من رواية رغبة ملعونة للكاتبة حنان حسن,1,الجزء العاشر من رواية سلاسل ام غراب للكاتبة حنان حسن,1,الجزء العاشر من رواية عريس مكتمل الانوثة للكاتبة حنان حسن,1,الجزء العاشر من رواية ليلة العمر للكاتبة حنان حسن,1,الجزء العاشر من رواية..احاسيس موقوتة للكاتبة حنان حسن,1,الجزء العاشر والاخير من رواية جواز مسيار للكاتبة حنان حسن,1,الجزء الناسع من رواية عريس مكتمل الانوثة للكاتبة حنان حسن,1,الجزءالثالث من رواية بائعة المtعة للكاتبة حنان حسن,1,بائعة المtعة الجزء الثالث عشر والاخير للكاتبة حنان حسن,1,بائعة المtعة الجزء الاول للكاتبة حنان حسن,1,بائعة المtعة الجزء الثاني عشر للكاتبة حنان حسن,1,جميلة فوق فراش بارد الجزء السادس للكاتبة حنان حسن,1,جواز علي يد مجنون الجزء الثامن للكاتبة حنان حسن,1,جواز علي يد مجنون الجزء الحادي عشر للكاتبة حنان حسن,1,جواز علي يد مجنون الجزء الخامس للكاتبة..حنان حسن,1,جواز علي يد مجنون الجزء السابع للكاتبة حنان حسن,1,جواز علي يد مجنون الجزء السادس للكاتبة حنان حسن,1,جواز علي يد مجنون الجزء العاشر للكاتبة حنان حسن,1,جواز علي يد مجنون..الجزء التاسع للكاتبة حنان حسن,1,حب بنكهة القسوة الجزء الاول للكاتبة حنان حسن,1,حب في موسم الجفاف..الجزء الاول للكاتبة..حنان حسن,1,حضن بنكهة القسوة الجزء الثامن للكاتبة حنان حسن,1,حضن بنكهة القسوة الجزء الثاني للكاتبة حنان حسن,1,حضن بنكهة القسوة للكاتبة..حنان حسن,1,حضن بنكهة القسوة..الجزء الحادي عشر للكاتبة..حنان حسن,1,حضن بنكهة القسوة..الجزء السابع ..للكاتبة حنان حسن,1,حضن بنكهة القسوة..الجزء العاشر للكاتبة حنان حسن,1,حضن عشماوي الجزء الخامس عشر للكاتبة حنان حسن,1,رواية ..رغبة ملعونة الجزء الاول للكاتبة حنان حسن,1,رواية ابقى معي (stay with me),7,رواية أحاسيس ممنوعة,8,رواية إحتياج أنثى,12,رواية أحضان ممنوعة,12,رواية أحضنيني,12,رواية أحيا بأنفاسك,10,رواية إغتصاب في الحلال,8,رواية أغرب رغبة,10,رواية البت السودة الكودة,8,رواية البعض يفضلونها ساخنة,12,رواية الرغبة قبل الحب احيانا,4,رواية العشق المسموم,10,رواية المطلقة و البواب,8,رواية إمرأة لعوب,12,رواية أنفاس ساخنة,10,رواية بائعة المtعة الجزء التاسع للكاتبة حنان حسن,1,رواية بائعة المtعة الجزء الثامن للكاتبة حنان حسن,1,رواية بائعة المtعة للكاتبة حنان حسن,2,رواية بائعة المtعة للكاتبة حنان حسن الجزء الخامس,1,رواية بائعة المtعة للكاتبة حنان حسن الجزء السابع,1,رواية بائعة المtعة للكاتبة حنان حسن الجزء العاشر,1,رواية بت شمال,10,رواية بنت ليل,10,رواية تحت بير السلم,12,رواية جواز عرفي,10,رواية جواز مسيار الجزء الاول للكاتبة حنان حسن,1,رواية جواز مسيار الجزء التاسع للكاتبة حنان حسن,1,رواية جواز مسيار الجزء الثامن للكاتبة حنان حسن,1,رواية جواز مسيار الجزء الخامس للكاتبة حنان حسن,1,رواية جواز مسيار الجزء السابع للكاتبة حنان حسن,1,رواية جواز مسيار الجزء السادس للكاتبة حنان حسن,1,رواية حضن إبليس,12,رواية حضن الأرامل,13,رواية خلف أسوار الخرابة,6,رواية دعارة مشروعة,6,رواية رغبة شرسة,9,رواية رغبة ملعونة الجزء الثالث عشر والاخير للكاتبة حنان حسن,1,رواية زفافي على مريض إيدز,7,رواية زواج متعة,7,رواية زواج مع إيقاف التنفيذ,5,رواية زوجة على ما تفرج,11,رواية زوجة للإيجار,12,رواية زوجة محرمة ليلا,12,رواية سلاسل ام غراب الجزء الثامن للكاتبة حنان حسن,1,رواية شبة أنثى,12,رواية عريس نص عمر,12,رواية عشقتك رغما عنك,11,رواية علاقة ساخنة,9,رواية غرام في الظلام,10,رواية فتاة نصف الليل,12,رواية فضيحة بالدور الأرضي,5,رواية فضيحة طبيب,13,رواية فعل فاضح,12,رواية قادر و فاجر,1,رواية كان في و خلص يا بيبي,13,رواية لازم قبل الدخلة,6,رواية ليلة العمر الجزء الثاني للكاتبة حنان حسن,1,رواية ليلة العمر الجزء الخامس للكاتبة حنان حسن,1,رواية ليلة العمر الجزء الرابع للكاتبة حنان حسن,1,رواية ليلة العمر الجزء السابع للكاتبة حنان حسن,1,رواية ليلة زفاف زوجي,10,رواية ليلة زفافي على أخي,10,رواية مجنون سارة,12,رواية مذكرات راقصة محترمة,5,رواية مطلوب عانس,12,رواية مطلوب مساعد قاتل,4,رواية نبض ميت,12,رواية نصف عذراء,7,رواية نوع من الحب,12,رواية يومين في الحرام,5,رواية..الحب في ثلاجة الموتي للكاتبة..حنان حسن,1,سلاسل ام غراب الجزء الثالث للكاتبة حنان حسن,1,سلاسل ام غراب الجزء الخامس للكاتبة حنان حسن,1,عريس مكتمل الانوثة..الجزء الحادي عشر للكاتبة..حنان حسن,1,قصص و روايات,499,ليلة الدخلة الذهبية ..الجزء الرابع للكاتبة حنان حسن,1,ليلة الدخلة الذهبية الجزء الثالث للكاتبة حنان حسن,1,ليلة الدخلة الذهبية الجزء السابع للكاتبة حنان حسن,1,ليلة الدخلة الذهبية..الجزء الثاني للكاتبة حنان حسن,1,ليلة العمر الجزء الاول للكاتبة حنان حسن,1,
rtl
item
حنان حسن - كاتبة روائية: الجزء الخامس عشر والاخير..ليلة الدخلة الذهبية للكاتبة حنان حسن
الجزء الخامس عشر والاخير..ليلة الدخلة الذهبية للكاتبة حنان حسن
https://blogger.googleusercontent.com/img/a/AVvXsEiXhlttfX9gUdWA6a5ZoP9mXd_tSqwpymkbVmcurR4FcYCfnTXOrujwR-Mrv9H_k8k1zz_awAUdBTnBzH6WQlPGOhCdjNXAaYdWjvrb_QPVEIBJW67Sdw_po6TUozA-XkYXtlA2HOpy1jZR0sUtRS_eKxoAT7JpKdoCZAV8UAVR94fY4U2NBH5W-k-VDes
https://blogger.googleusercontent.com/img/a/AVvXsEiXhlttfX9gUdWA6a5ZoP9mXd_tSqwpymkbVmcurR4FcYCfnTXOrujwR-Mrv9H_k8k1zz_awAUdBTnBzH6WQlPGOhCdjNXAaYdWjvrb_QPVEIBJW67Sdw_po6TUozA-XkYXtlA2HOpy1jZR0sUtRS_eKxoAT7JpKdoCZAV8UAVR94fY4U2NBH5W-k-VDes=s72-c
حنان حسن - كاتبة روائية
https://www.hananstory.com/2023/06/blog-post_18.html
https://www.hananstory.com/
https://www.hananstory.com/
https://www.hananstory.com/2023/06/blog-post_18.html
true
3044855969157461923
UTF-8
تم تحميل جميع المنشورات لا توجد منشورات إظهار الكل اقرأ المزيد رد إلغاء الرد مسح بواسطة الرئيسية الصفحات المنشورات اظهار الكل مرشحه لك التصنيف الارشيف SEARCH كل المنشورات لا يوجد منشور مطابق لطلبك Back Home الأحد الإثنين الثلاثاء الأربعاء الخميس الجمعة السبت احد إثنين ثلاثاء اربعاء خميس جمعة سبت يناير فبراير مارس إبريل مايو يونيو يوليو اغسطس سبتمبر اكتوبر نوفمبر ديسمبر يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر الآن منذ دقيقة $$1$$ minutes ago منذ ساعة واحدة $$1$$ hours ago امس $$1$$ days ago $$1$$ weeks ago منذ اكثر من 5 اسابيع متابعين متابعة هذا المحتوى للعضويات المميزه الخطوة الأولى: شارك المحتوى على وسائل التواصل الإجتماعي الخطوة الثانية: اضغط على اللينك على شبكات تواصلك انسخ الكود بالكامل اختر الكود بالكامل تم نسخ الكود بالكامل Can not copy the codes / texts, please press [CTRL]+[C] (or CMD+C with Mac) to copy Table of Content