جواز علي يد مجنون الجزء الثالث للكاتبة...حنان حسن بعدما اكتشفت ان الست الجدعة... خدعتني...وورطتني في جوازة مريبة عشان تنقذ بن...
جواز علي يد مجنون
الجزء الثالث
للكاتبة...حنان حسن
بعدما اكتشفت
ان الست الجدعة... خدعتني...وورطتني
في جوازة مريبة
عشان تنقذ بنتها (العروسة)
من الهلاك...
فضلت ساعتها واقفة محتاسة
ومش عارفة اعمل ايه؟
والي زاد المبلة طين...
اني اتفاجئت
ب( ظالم ) ومعاه شخص تاني
تقريبا كان العريس
وكانوا داخلين عندي الاوضة
عشان..
يتمموا الدخلة
فا فكرت بسرعة
وقلت..
ازاي اخرج من الورطة دي؟
وملقتش غير حل واحد
وهو...اني افهمهم اني مريضة
واخوفهم مني ..
اصلي كنت اخدت بالي
ان الناس هنا..
بيخافوا من العدوي
فا استغليت المعلومة دي
وفكرت اني اقولهم اني مريضة مرض خطير... ومعدي
عشان العريس ميقربش مني
ولا حد فيهم...يفكر يطلب مني
اني ارفع الطرحة
والاهم من ده كلة
اني كنت عايزة اوصل معلومة لظالم...
وهي...
ان الست الجدعة
كانت عايزة تلزق بنتها المريضة لابنهم..
فا يبعت يجيبها...
وساعتها ...
هقدر اهدد الست الجدعة ... واغصب عليها
انها تشوفلي حل
في المصيبة الي غرزتني فيها دي
المهم..
ثبت الطرحة علي راسي كويس واتاكدت ان وجهي متغطي
ومسكت ايدي المجروجة
وضغطت عليها بكل قوتي
لغاية ما القشرة اتجرحت
و جابت دم تاني
وفضلت واقفة...
ادام ظالم... والشاب
الي كان معاه
وانا عمالة اصرخ ...واهلل
واقول..انا تعبانة وحاسة اني هموت
وعايزة امي حالا
فا صرخ فيا ظالم
وقالي..
اخرسي
انتي خلاص اتجوزتي
وبقيتي في عصمة (ابن ظالم)
يعني تنسي امك دي خالص
وطبعا انا مسكتش
وفضلت اصرخ والطم وادبدب في الارض
واقوله...
بقولك انا تعبانة ...
وعايزة امي..
وبعدما ما عجز ظالم انه يسكتني بالصراخ
رجع ظالم يحايلني زي الطفلة الصغيرة
وجابلي كوباية عصير
وقالي...
حاضر..
هبعت اجيبلك امك
بس اهدي واشربي العصير ده
قلت..
مش عايزة اشرب حاجة
انا كل الي عايزاه بس
انك تجيبلي امي
فا رد ظالم بهدوء
وقالي..
مش هبعت اجيبلك امك..
غير لما
تهدي خالص...
وتشربي العصير الاول...
وطبعا... اضطريت اني اخد العصير من ايده... واشربة
وبعد ما شربت كوباية العصير
انتظرت انه يبعت يجيب الست الجدعة (ام العروسة)
لكن ..
ظالم مبعتش يجيب حد
وانشغل بالهمسات
الي كانت بينة ....وبين الشاب
الي كان واقف معاه
فا رجعت اعيط واصرخ تاني
واقول...الحقيني يا اما
بطني وجعتني من العصير
انا عايزة امي مليش دعوة
انا تعبانة اوي
فا رد ظالم وشخط فيا تاني
وقالي..قولتلك انسي امك خالص
فا صرخت وقلتله
..لا...
امي لازم تيجي لانها هي
الوحيدة الي عارفة بمرضي الخطير
في اللحظة دي
بص ظالم ناحيتي بدهشة
وقالي..ايه الكلام الي انتي بتقولية ده؟
هو انتي مصابة بمرض خطير؟
فا عيطت
وقلتلة...ايوه
الدكتور قال لامي ان مرضي خطير ...ومعدي جدا
لدرجة انة بيتنقل عن طريق الهواء
فا بصلي ظالم بقلق
وسالني
وقالي..
لية ؟
انتي مريضة باية بالظبط؟
قلت..مش عارفة
انا سمعت الدكتور بيقول لامي كده
يعني امي هي الي عارفة كل حاجة عن مرضي
وتقدر تجيب امي
حالا وتسالها
وفضلت منتظرة اسمع رد ظالم
لكن ظالم مردش
وفضل يبص ناحيتي
وهو سرحان
وطبعا ظالم
مكنش لسة شاف شكلي
لاني كنت متشبسة بالطرحة الي علي راسي ووشي
وفضلت اتابع رد فعل ظالم من تحت الطرحة
يمكن يبعت يجيب ام العروسة
لكن...لقيتة بياخد ابنه
وبيخرجوا من الاوضة
وقلت لنفسي ...يادي النيلة
يظهر ان ظالم
بدل ما يبعت ويجيب الست الجدعة (ام العروسة)
اخد ابنة ...وراح يسالها بنفسة عن حقيقة مرضي المعدي
وطبعا هي هتنكر
وهتكدب كل كلامي..
وهتقولهم اني صاغ سليم
عشان تدبسني في الجوازة وتفدي بنتها
لكن لا...
انا لازم اخرج من الاوضة دي وحالا
عشان انفد بجلدي
وجريت بسرعة علي الباب
عشان افتحة... واخرج
لكن ...قبل ما اوصل ل الباب وافتحة واخرج
حسيت بضيق النفس...
ولقيت الرؤية اتحجبت عن عنيا
وغيبت بعدها عن الدنيا...
لكن الغريبة..
اني لما فتحت عيني تاني
بعد فترة
كنت بشوف ادامي الشاب
الي اسمة (حلم )
الي شوفتة اول ما جيت المكان الغريب ده
وحلم كان بيقرب مني
وبيهمس في وداني
وبيقولي..
(متخافيش انا معاكي)
وبعدها...
حط ايده علي عيني
وقالي... غمضي عنيكي
فا غمضت ورجعت غيبت عن الوعي تاني
وشوفت نفسي كاني في البحر
وكنت بغرق ...
والدوامة الي في البحر
كانت بتدور...
وبتسحبني لتحت
ولما لقيت نفسي بتخننق وبغرق
...فتحت عنيا بسرعة
وفي اللحظة دي
اكتشفت اني كنت نايمة وبحلم
فا حمدت ربنا
وقلت..الحمد لله
يعني الي فات ده كلة كان حلم وانا مقتلتش حد؟
ولا كان في عفريت؟
ولا اخدني للمكان الغريب؟ الي شوفتة؟
ولا اي حاجة من الي حصلت دي كانت حقيقية؟
وفرحت جدا
وبدات اشعر بارتياح
لكن...لما حاولت ابص حواليا عشان اتاكد انه كان حلم
لاحظت حاجة غريبة...
وهي ...اني لما فتحت عيني..
لقيتني مش قادرة اتنفس كويس
ولا حتي شايفة بعنيا كويس
وحسيت بحاجة مغطية وجهي
فا مديت ايدي عشان اشوف ايه الي علي وشي
واكتشفت ان في قماشة شبيهة بالطارحة
مغطية راسي.. ووجهي
مع بعض
وبسرعة حررت نفسي
من الطرحة
لكن المفزع
اني لما شيلت الطرحة من علي وجهي
لقيتني لسة في نفس المكان الغريب
الي اخدني له العفريت
بس مكنتش...نفس الاوضة بتاعة العريس
والاغرب
اني لقيتني
قالعة الفستان
ولقيتني نايمة بقميص نوم داخلي
واستغربت
وبقيت اسال نفسي
يعني الي فات ده مكنش حلم؟ وكان حقيقة؟
طيب ازاي؟
هو في حاجة اسمها عفريت ينيم حد
ولما الحد ده يصحي يلاقي نفسة
في مكان مش علي الخريطة؟
ويشوف
بنات وشوشهم مخرمة؟
وشخص شبة احدب نوتردام؟
وكل الي الحاجات الغريبة الي انا شوفتها هنا دي؟
ياربي ده كابوس مش حلم
وبسرعة بصيت حواليا
وسالت نفسي
وقلت...
انا اخر حاجة فاكراها
اني كنت لابسة فستان الفرح..
وبحاول اهرب من
(ظالم ..وابنة)
قبل ما يتمموا الدخلة
وبعدها...
غيبت عن الوعي
وروحت في النوم
ازاي بقي قلعت الفستان؟
وامتي؟
وسالت نفسي وانا مرعوبة
وقلت..
هما عملوا ايه فيا بالظبط؟
وفضلت ابص علي نفسي
واتفحص قميصي
ولما اتحققت من القميص الي عليا..
لقيتة متلطخ بالدم
فا اتفزعت ...
وفضلت الطم
لاني شكيت ان الدخلة تكون تمت بالفعل
ايوه مهما كلهم هنا...
كانوا فاكرين
اني انا العروسة
واثناء ما كنت بصرخ ...وبعيط
سمعت صوت نسائي
بيسالني
و بيقولي
انتي مين؟
و بتعيطي ليه؟
فا بصيت بسرعة ناحية الصوت
لقيت ادامي (طيابة)
ودي الخدامة الي شوفتها في غرفة العريس
والي فهمتني مصير العرايس الي الي كانوا قبلي
فسالتها...
وقلت..هو ايه الي حصلي بالظبط؟
وانا فين كده؟
واية الدم الي علي قميصي ده؟
فا بصتلي طيابة
وقالتلي.. اهدي بس
وفهميني بالراحة...
انتي مين؟
وجاية منين؟
...انتي شكلك مختلف عن البنات الي هنا
وانا اول مرة اشوفك
وفهمت في اللحظة دي
ان طيابة
مكنتش تعرف اني انا العروسة بتاعة امبارح
لانها مشفتش وش العروسة
وكنت عايزة اسالها
واقولها..
هو ايه الي حصل بالظبط؟
وازاي انا خرجت من غرفة العريس؟
وازاي جيت لغاية هنا ؟
لكن واضح ان طيابة مكنتش تعرف حاجة
فسالتها..
وقلت..هو انتي الي جيبتيني هنا؟
ردت طيابة
وقالت ..لا ..
.انا حتي معرفش انتي مين
فسالتها تاني
وقلت..امال انا جيت هنا ازاي؟
فا ردت وهي بتبصلي باستغراب
وقالتلي..معرفش..
كل الي حصل
اني صحيت الصبح علي خبط ع باب اوضتي
ولما فتحت لقيت سيدي (حلم )
ادامي
ولقيتة بيقولي
انه سايب بنت في الاوضة بتاعتة
ووصاني اني اخد بالي منك
وحذرني اني مقولش لحد انك هنا
قلت..بتقولي مين؟
(حلم)؟
قالت..ايوه (حلم)
ده شاب طيب اوي
وكلمتة مسموعة اوي هنا
لان ابوه يبقي ...
صاحب المكان ده كله
فسالت نفسي بصوت عالي
وقلت..
وايه الي عرف حلم ده اني...
وقبل ما اكمل سؤالي
افتكرت اني شوفت حلم
في منامي
وسمعتة وهو بيهمس في وداني
وبيقولي..
متخافيش انا معاكي
فسالت طيابة..
وقلت...
هي اوضة مين الي احنا فيها دي دلوقتي؟
قالت..قلتلك دي اوضة حلم
قلت..
وازاي اوضة الشاب الغني...
الي ابوه
يبقي صاحب المكان ده كلة
تبقي بالتواضع والهرجلة دي؟
فا وضحتلي طيابة
وقالتلي...
لا مهي دي مش اوضتة الي بينام فيها
دي اوضتة
الي بيحط فيها
الاغراض القديمة الخاصة بيه
وطالما حلم جابك هنا
يبقي مهتم لامرك ...
او....في دماغة رغبة من ناحيتك
بصيتلها..بغيظ
وقلت..رغبة ؟
افهم من كده انه هو الي .....؟
ومقدرتش اكمل الجملة
لاني... مكنتش متاكدة ان كان حصل حاجة ولا لا؟
بس الدم الي كان علي قميصي
كان بيدل علي ان في حاجات حصلت
مش حاجة واحدة
وفي اللخظة دي
سالتها بعصبية
وقلت..الاقي فين الي اسمة حلم ده دلوقتي؟
قالتلي..عايزة تعرفي مكانة ليه؟
قلت..عايزة اروحلة عشان اسالة علي حاجة مهمة
فا ردت طيابة
وقالتلي..
لا اوعي تروحيلة
احسن زمانة قاعد مع ابوه
وانتي متتخيليش ابوه صعب ازاي
قلت..مين ابوه ده؟
قالت..ابوه يبقي (ظالم)
فسالتها بدهشة
وقلت..هو حلم ده هو العريس الي كان بيتجوز امبارح
فا ردت طيابة
وقالت..لا
الي كان بيتجوز امبارح
يبقي شقيق حلم الصغير
وفي اللحظة دي
فهمت ان (حلم )
يبقي شقيق العريس
الي كنت هتجوزة امبارح
فا خوفت طبعا اروح لحلم
عشان اسالة ..
ان كان عمل معايا حاجة امبارح ولا لا؟
لا ظالم يشوفني
و يرجعني للعريس غصب عني تاني
ورجعت اقول لنفسي
ايه الغباء الي انا فيه ده؟
هو انا خايفة من ايه؟
ظالم ميعرفش شكل العروسة اصلا
وبعدين العروسة الي انا شوفتها وهي نايمة
شكلها زي البنات الي هنا
وظالم يبقي عم العروسة
يعني عارف شكلها
خلاصة الكلام
اني لو روحت لحلم دلوقتي..
وظالم ابوه
شافني بالصدفة
مش هيعملي حاجة
لانة ميعرفنيش اصلا
ولما اطمنت من ناحية ظالم
بصيت لطيابة
وقلتلها..
تعالي بسرعة ..
وريني فين مكان حلم ده
عشان عايزاه ضروري
فا ردت طيابة
وقالتلي
طيب استني...
لما اجيبلك عباية ...وطرحة
عشان محدش يشوفك
زي ما حلم امرني
وفعلا لبست عباية وطرحة
وروحت مع طيابة
لغاية البيت
وخبطت علي الباب الكبير
وبعد شوية
فتحتلنا الخادمة
فسالتها طيابة
وقالتلها...
فين سيدي حلم
الاقية فين؟
وقبل ما ترد الشغالة
سمعنا صوت (ظالم)
وهو بيسال طيابة
وبيقولها..
عايزة حلم لية؟
فا ردت طيابة
وهي بتترعش
وقالتلة...
اصلة كان طالب مني اعملة كام فطيرة بالسمن البلدي
وانا عملتهم وجيبتهملة
فا هز راسة وهو بيشاور عليا
وسالها..
وقالها...
ومين الي معاكي دي
فا ردت طيابة
وقالنلة
دي بنت اختي
وكانت بتساعدني في عمل الفطاير
فا قالها..
حلم في غرفتة بس نايم
ادخلي .. ودخلي الفطير في المطبخ
وسابنا ظالم وخرج من البيت
ولما اطمنا ان ظالم خرج
اخدتني طيابة
وروحنا ع المطبخ
وهناك ...طلبت من طيابة انها..
تعرفني مكان غرفة حلم ؟
فا وصفتلي طيابة مكان غرفة حلم
وقالتلي ..انها هتشغل الخادمة
علي ما انزل
وحذرتني اني لو حد شافني عند حلم
ممكن ساعتها ادفع حياتي ثمن للغلطة دي
فا قولتها ربنا يستر
و سيبتها وطلعت ..
وانا كل همي اعرف انا حصلي ايه بالظبط
وايه الي وصلني للاوضة
الي صحيت لقيت نفسي فيها؟
المهم...
طلعت فوق
و كنت فاهمة
اني لما اطلع فوق
هوصل لغرفة حلم بسهولة
لكن الي حصل...
اني اتلخبطت ف الاوض
لانها كانت شبة بعضها
وللاسف ...اول ما دخلت الاوضة الغلط
لقيت فيها شخص اول مرة اشوفة
وللاسف
الشخص ده كان صعب ومش بيتفاهم
واول ما شافني بفتح الباب عليه
سالني
انتي مين وعايزة ايه؟
ولما سكت ومردتش عليه
اتهمني باني حرامية ومجرمة
وفضل ماسكني لغاية ما ظالم وصل
واول ما ظالم وصل
طلب مني اني ارفع الطرحة من علي وجهي
وبمجرد ما كشفت وشي وشافوني
لقيتهم بصوا لبعض
وبعدين
لقيت ظالم بيسالني
وبيقولي..
انتي مين
قلت..
انا اسمي ساجدة
فسالني تاني
وقالي ...
انتي متجوزة يا ساجدة؟
قلت...لا
فا سالني تاني
وقالي..
انتي شكلك غريب عن البنات الي هنا
ممكن اعرف
انتي جيتي منين ووصلتي للمكان هنا ازاي؟
فا اجبت الاجابة المعتادة الي محدش بيقتنع بيها
قلت ...
انا نمت وصحيت لقيت نفسي هنا
فا قرب مني ظالم
وفضل يبصلي شوية
وبعدين قالي..
وجاية بيتي ليه يا ساجدة
قلت..كنت عايزة اقابل ابنك
فا رد ظالم
وقالي...
بلاش كدب
انتي كنتي جاية عشان تسرقي
وسالني ظالم
وقالي..
انتي عارفة عقوبة الي بيسرق عندنا ايه ياساجدة؟
قلت...ايوه عارفة
الموت
فا ابتسم ظالم
وقالي..بالظبط كده
بس انا مش هموتك
اكراما لجمالك
انا هكون رحيم بيكي وهصدر حكم تاني اخف
فا بصيتلة برعب
وسالنة
وقلت..هتحكم عليا باية
قال..انا طول عمري عايز احسن النسل في عيلتي وذريتي
وعشان كدة
هجوزك لابني
من باب تحسين النسل
زي ما قولتلك
لما سمعت حكم ظالم
اتوترت
وقلت اتحجج واحطلة العقدة في المنشار
فا قلتلة
بصراحة ده شرف كبير ليا
وكنتت اتمتي اتجوز ابنك
لكن..انا معنديش بطاقة ولا اي اوراق ولا..
وقبل ما اكمل كلامي
رد ظالم
وقالي..
متشيليش هم البطاقة والاوراق
انا هتصرف...وبعدين انتي ناسية اني انا الماذون هنا
قلت ايوه بس...؟
فا رد ظالم
وقالي...لما ظالم يحكم مينفعش حد يعترض
مبروك يا عروسة ابني
في اللحظة دي
فضلت بصالة شوية
وانا بفكر مع نفسي
وقلت...
واية المشكلة لما اتجوز حلم؟
مهو لو حلم كان عمل معايا حاجة...
جوازي منه هيصلح الحاجة دي
ايوه فعلا
يظهر ان هو ده الحل الوحيد
عشان ارتاح من ظنوني
وبعدين ...
حلم شاب وسيم
واي بنت تتمني ترتبط بيه
وفي اللحظة دي
لقيتني برد علي ظالم
وبقولة...انا موافقة
فا ابتسم ظالم...
واخدني من ايدي وسلمني للخادمة
عشان تجهزني
عشان ابقي اجمل عروسة في المكان ده كلة
وفعلا...
بليل ..لبست فستان فرح للمره التانية
ولاحظت ساعة كتب الكتاب
ان البنات كانوا هيموتوا من الغيرة
وخصوصا سلمي حايك
ده حتي الست الجدعة
(ام العروسة)
كانت بتبصلي بغيط
وكانها عايزة تقتلني
بالرغم من الي عملتة معاها
هي ...وبنتها
المهم...
... قعدت ادام ظالم
بصفتة ماذون
وسالني..
وقالي...
هل تقبلين الزواج من ابني البكر حليم؟
وبدون ما افكر ...
هزيت راسي..و ابتسمت
وقلت..
ايوه ...موافقة
وبمجرد موافقتي
تم الزواج
ولقيت طيابة جاية بتباركلي
فسالتها
وقلت..
هو ليه العريس
مش بيبقي موجود مع العروسة ساعة كتب الكتاب؟
قالت..دي عوايدنا هنا
فا ابتسمت
وقلت...
انتوا كل حاجة عندكم غريبة حتي الزواج
فا ردت طيابة
وقالتلي...
احنا عوايدنا هنا كده فعلا
لكن الليلة
احنا خالفنا العوايد دي
وعريسك كان واقف جنبك فعلا
قلت...ايوه... بس انا مشوفتش (حلم)
ساعة كتب الكتاب خالص
فا صتلي طيابة بدهشة
وسالتني
وقالتلي..
واية دخل حلم في الموضوع؟
الي كتب كتابة عليكي هو
( حليم) مش حلم
برقت بعنيا
لما شكيت اني سمعت جملة غلط
وسالتها تاني
وقلتلها...
هو حلم غير حليم؟
فا ردت طيابة ...
واكدت علي المعلومة الصادمة الي وصلتني
وقالتلي.. ايوه طبعا
حليم شخص... وحلم شخص تاني
او بمعني اصح
حليم يبقي شقيق حلم
فسالتها تاني
وقلتلها.. ينهار ازرق...
.تقصدي...
ان حليم هو العريس
الي كان بيتجوز امبارح؟
فا ردت طيابة
وقالتلي... برضوا لا
وبصتلي وقالتلي
اصبري وانا هفهمك
ظالم عنده ثلاث ولاد
وهما بالترتيب...
حليم...وده ابنة البكري
وحلم..وده ابنة الوسطاني
وحالم...وده يبقي ابنة الصغير
و(حالم )ده بقي
هو العريس
الي كان بيتجوز امبارح
بعدما سمعت الصواعق
الي عرفتها من طيابة
مقدرتش اقف علي رجلي من الصدمة
ولقيتني بكلم نفسي
وبقول...
ظالم .... طلع عنده ثلاثة اولاد؟
حليم..وحلم..وحالم
عارفين معني كده ايه......؟
لو عايز باقي احداث الرواية
صلي علي رسول الله
وطبعا مش هننسي نضع عشرملصقات مع متابعة صفحتي الشخصية
مع تحياتي
الكاتبة
حنان حسن
هى كدا اتجوزت الاتنين ولا اى ؟
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى اله واصحابه اجمعين
ردحذفمتجوزة التلاته
ردحذفاللهم صلى على محمد وآله وصحبه وسلم
ردحذفاللهم صلي وسلم وبارك على سيدنا محمد
ردحذفلخبطينا يا حنون
ردحذفاللهم صل وسلم وبارك على سيدنا وحبيبنا ونبينا محمد وعلى آله وصحبه أجمعين
ردحذفاللهم صل وسلم وبارك على سيدنا محمد واله
ردحذفعليه افضل الصلاه والسلام
ردحذف