جواز علي يد مجنون الجزء الثاني عشر والاخير للكاتبة..حنان حسن بعدما فاجئني حلم وقالي.. انتي مش علي زمة حد من اخواتي يا ساح...
جواز علي يد مجنون
الجزء الثاني عشر
والاخير
للكاتبة..حنان حسن
بعدما فاجئني حلم
وقالي..
انتي مش علي زمة حد من اخواتي يا ساحدة
فسالتة..
وقلت...ازاي
دا اانا اتجوزت اخوك حليم
علي يد ماذون؟
فا رد عليا حلم..
وفاجئني..
وقالي...
انتي متجوزتيش حد
لان كتب كتابك
تم علي ايد ظالم ...
و ظالم مش ماذون اصلا
لانة...
مش مؤهل يكون ماذون من الاساس
قلت...برضوا مش فاهمة
رد حلم ووضح قصدة
وقالي...
للاسف... ظالم ابويا بيعاني
من مرض عقلي..
يعني ...
ظالم
(مجنون) بالفعل
وجنانة ده
بيجعلة فاقد للاهلية
و من ضمن شروط الماذونية
ان الماذون يكون...
عاقل.....
والشرط ده مش متوفر
في ظالم
ده بخلاف..
ان مفيش اي جهة رسمية نصبتة عشان يبقي ماذون
لكن...ظالم ادعي انه ماذون
عشان ...
يقدر يزوج بنات اعمامي لاولادة
و يستولي علي ميراثهن
وللاسف...
.الكل هنا بيطيعة طاعة
عمياء...
وبيصدقوا اي حاجة بيقولها...
فسالتة
وقلت..
.لكن ...
انا شاكة ان يكون حد من اخواتك
تمم دخلتة عليا فعلا؟
فا رد حلم
موضحا
انتي صاغ سليم
ومازلتي عذراء زي ما انتي
قلت..ازاي بس؟
دنا قمت من النوم
بعد دخلتي علي حالم اخوك...و لقيت فستاني غرقان دم؟
فا رد حلم
وقالي...
الدم ده كان
من الجرح الي كنتي جاية بيه
وانا هفهمك الي حصل ليلتها
وبدء حلم في توضيح الحقيقة
وقال...
اول مره لما مراة عمي خدعتك... ودخلتك مكان بنتها العروسة
ليلتها انتي اتوسلتي لطيابة انها تساعدك
وساعتها طيابة كانت فكراكي بنت عمي
وفعلا... جاتني طيابة
وفهمتني ان بنت عمي بتستغيث
وبتطلب المساعدة
وفي الحال
روحت ليلتها علي غرفة العروسة
و انتهزت فرصة خروج ابويا وحالم ...
من الاوضة
واتسلللت لغرفتك...
وساعتها لقيتك واقعة ع الارض ومغمي عليكي
بفستان فرحك
فا اخدتك لغرفتي...
ولما كشفت وجهك ..
اتفاجئت...
انك البنت الغريبة
الي شوفتها قبل كده
وعرفت ان في سؤ فهم حصل
واتاكدت فعلا
من كده
لما لقيت ظالم بيبحث عن العروسة
الي فاهم انها...
(بنت اخوه)
ومصمم يقتلها
فا قلعتك فستان الفرح
عشان محدش يعرف انك العروسة
وفضلت جنبك طول الليل
وفي اللحظة دي
استوقفت حلم
وسالتة
وقلت..
يعني انا لما فتحت عيني...
ولقيتك ادامي
وقلتلي... متخافيش انا معاكي
انا ساعتها مكنتش بحلم؟
ابتسم حلم
وقالي...ايوه
كانت حقيقة
قلت...كمل..
فا استرسل حلم في حديثة
وقال...
المهم...
انتظرت ليلتها لما الكل نام
واخدتك لغرفتي
الي محدش بيدخلها...
ووصيت طيابة...
انها تاخد بالها منك
لكن...للاسف
بعدها لقيتك اختفيتي
بعدما سمعت كلام حلم
اتنفست بارتياح
وقلت...
تمام ...انا كده اتاكدت
ان اخوك (حالم) ملمسنيش
لكن....اخوك حليم
قال...للجميع انه كان بيعذبني...
لانة لما دخل عليا
اكتشف اني مش عذراء
ابتسم حلم...
وقالي...
حليم كمان استحالة يكون دخل عليكي...
ولا علي غيرك
لان حليم عنده مشكلة كبيرة
انا بس الي عرفتها بالصدفة
قلت...لا فهمني بالراحة
لاني مش فاهمة
فا هز حلم راسة بالموافقة
وبدء في التوضيح فعلا
وقال...
لما ظالم ضغط علي حليم
اول مرة
عشان يتجوز بنت من بنات عمة
يومها حليم جاني
وطلب مني اني...
اتجوز العروسة بدالة
لانة مش قادر يقول لظالم( لا)
فسالتة عن السبب
وفهمني انة عاجز جنسيا
ولما انا رفضت اني اتجوز بدالة
اكتشفت ليلتها...
انة تمم الجواز
وبدل ما يدخل علي عروستة...
فضل يعذبها طول الليل ...
واتاكدت ساعتها
ان حليم عنده مشكلة
بتمنعة انة يؤدي دورة
كا راجل...
بس مكنش يقدر يقول لظالم
وعشان كده
كان بيقضي ليلة دخلتة في تعذيب العروسة
لكن ...كان بيدعي انه دخل عليها
عشان يوهم ظالم
بانة راجل ومكتمل الرجولة
وطبعا بعدما ظالم بيعرف
ان ابنة دخل ع العروسة
كان...
بيقتلها فورا
وبعدها... ياخدها يدفنها
ويقول لامها
انه قتلها لانها مكنتش عذراء
وطبعا محدش كان بيقدر يتكلم معاهم
لانها مسالة شرف
وبصلي حلم
وقالي...
م الاخر...
حليم استحالة يكون دخل عليكي...
قلت...
الف حمد وشكر ليك يارب
وفي اللحظة دي
افتكرت حاجة كانت هتجنني
فا بصيت لحلم
وقلتلة...
طيب سؤال بمناسبة اننا بنتكلم عن حليم
قالي ...
اسالي..
قلت...
ساعة ما كنت راكبة الحنطور جنب حليم
انت قلت ايه لحليم؟
خلاه ارتبك ومبقاش علي بعضة؟
ولية اديتة السم عشان يقتلني؟
ولية كنت بتقولة
لازم تعمل كدة
عشان تتقي شرها؟
ابتسم حلم
وقالي...
انا لما لقيت حليم واخدك ومروح ع البيت
عرفت انه هياذكي
لانك هربتي منه في ليلة فرحك...
بعدما ضربتية علي دماغة
فا فكرت انقذك منه
ومكنش قي حل عشان انقذك
غير اني( انيم حليم)
عشان...
اقدر اجي اخدك... واهربك
فا روحت لحليم عند الحانطور
وفهمتة... ان ظالم شاكك في امرك
وحاسس ان ساجدة مظلومة
وممكن تكون... مازالت عذراء
وعرفت منه انه هيقضي الليلة معاكم
عشان يتاكد...
ان كانت عروستك عذراء فعلا ولا لا؟
فسالني حليم
وقالي...طيب والعمل؟
فا اديتة الزجاجة الي فيها المنوم..
وفهمتة ان الزجاجة فيها نوع من انواع المنشطات
الي هتقذ رجولتة ادام ابوه
وفهمتة....
انه لازم يشربة
بمجرد ما يوصل البيت
فا استوقفت حلم
وسالتة
وقلت..يعني الزجاجة كان فيها منوم؟
قال..ايوه
قلت..امال ليه كنت بتقولة
لازم تعمل كده
لو عايز تتقي شرها؟
كنت تقصد مين بكلمة شرها؟
فا رد حلم
وقالي..
كنت بتكلم علي ليلتة
انا قلتلة ..
لو عايز ليلتك تعدي...
وتتقي شرها
لازم تعمل الي قولتلك عليه
وشرها
كان مقصود بيها الشر الي هيشوفة في ليلتة
فا حمدت ربنا تاني
وقلت...يعني مكنتش تقصد عليا؟
طمنتني
ورجعت اسالة تاني
واقول...
يعني الي في الزجاجة
كان منوم....ومكنش سم؟
بصلي حلم بدهشة
وقالي...سم ايه يا عبيطة
هو انا ينفع اسم اخويا برضوا؟
قلت...ايوه كده ريحت قلبي
سؤال اخير بقي
بس ده اهم سؤال عندي
قال..اسالي
قلت...انت الي كنت بتطلعلي
وبتقولي ان اسمك هو...
العفريت نمرود؟
في اللخظة دي
بص حلم في ساعتة
وقالي...
رجالتي الي هيساعدوكي علي مغادرة المكان
زمانهم منتظرين
واحنا لازم نروحلهم حالا
قبل ما يمشوا
ولازم كمان نوصل عندهم
قبل ما ظالم يعرف...
انك هربتي
ويبعت رجالتة وراكي
وسابني حلم...و ركب ع الحصان
وانطلق بيا فوق حصانة
وانا فضلت ابص لحلم بتعجب
وسالت نفسي
ليه حلم ؟
مش عايز يجاوب علي السؤال الي محيرني؟
وفضلت الافكار تيجي وتروح في راسي
لغاية...ما وصلنا لمنطقة فيها سيارتين
سيارة كبيرة اوي
وعاملة زي السيارات الي بتنقل الاثاث
والتانية...
عربية (جيب) عادية
وبمجرد ما حلم وصل عند السيارتين
نزل ...ونزلني من ع الحصان
وفي اللحظة دي
اخدني حلم من ايدي
لغاية العربية الكبيرة
وفتح بابها...
وقالي...
انتي هتدخلي وتقعدي في سكون
ويادوب...
هتنامي شوية
هتصحي تلاقي نفسك في بلدك
وانا هوصي الرجالة انهم ينزلوكي علي باب بيتك
قلت..وهما عارفين انا ساكنة فين؟
فا ابتسم حلم
وقال...
انا كتبت العنوان الي انتي قولتيلي عليه
واديتة للسواق
فا بصيت علي حلم الي كان بيتكلم معايا لاخر مره
وقرب يودعني
ومسكت ايده
وقلتلة...
ارجوك يا حلم خليني معاك
او... تعالي معايا
ولاول مره
بشوف الدموع
في عيون حلم
ولقيتة بيقولي
انا بحبك
فا بصيتلة بحزن
وقلتلة..
مفيش حد بيحب حد وبيسيبة يبعد عنة
فا رد حلم بالم
وقالي
لا.... انا حبيتك
لدرجة اني اتقمصت شخصية عفريت
عشان اقدر اقولك...
اني بحبك
بعدما سمعت الجملة الي قالها
سالتة...
وقلت..
يعني ...انت وال العفريت نمرود
شخص واحد صح؟
فا بصلي حلم بعيونة الي كانت مليانة بالدموع
وهز راسة بالايجاب
وقالي...ايوه
فسالتة تاني
وانا مستغربة
وقلت...
بس العفريت كان عارف معلومات كتيرعني
وعن نمرود والعفريت
اقدر ااعرف
انت عرفت ازاي
قصة قتل نمرود اصلا؟
فارد حلم
وقالي...الموبيل الي انتي لاقتية في جيب القتيل
انتي كنتي
فاكر اه
موبيل (العفريت)
لكن الحقيقة
انه كان موبيل (نمرود القتيل)
والي حصل بعد كده
اني لما فتشت الجثة كويس
عثرت علي موبيل العفريت...
ولقيت فيه رسايل ...وتسجيلات
ما بين العفريت ...ونمرود
وفهمت منها كل حاجة
فا قلت استغل المعلومات دي
عشان اعمل فيها عفريت
وافضل جنبك
قلت...امال مين الي كان بينام في السرير المعلق؟
قال...ده واحد من رجالتي
وكان بيلبس ملابس مشابهة لملابسي
وكان بيداري وجهة وهو نايم
فسالتة
قلت...
وازاي جيبت مراة ابويا؟
ولية؟
رد حلم
وقال...
انا جيبت مراة ابوكي
لما اتاكدت انك بريئة
وهي استغلت ظروفك ...وورطتك
في المصايب بتاعتها
فا قررت اجيبها ....واخد منها اعتراف
انك بريئة
عشان تقدري ترجعي لبلدك
وانتي مش خايفة من حاجة
في اللخظة دي
فضلت ابصلة
وانا مش عارفة اشكرة ...ولا الوم عليه؟
وقبل ما اعلق علي كلامة
لقيت الرجالة جايين
يطلبوا مني اني ادخل جوه العربية
عشان العربية هتطلع وللزم يقفلوا عليا الباب
فا مسكت ايد حلم
و قلتلة
تعالي معايا يا حلم
فا زادت دموع حلم
وقالي...
خلي بالك من نفسك
واوعي تنسيني
يا ساجدة
وفي اللخظة دي
كنت عايزة ادفس راسي في حضنة
واشبط فيه زي اي طفل
بياخدوه من امة
لكن...
سمعت صوت حصان جه جنبنا ووقف
ولما بصيت علي الي راكب ع الحصان
شوفت واحد من رجالة حلم... وصديق له
في نفس الوقت
ولقيتة بيقرب من حلم
وبيقولة...
حليم اخوك فاق ...
والخدم قالولة انهم شافوك بتهرب مع زوجتة
فا طلع حليم علي الناس
وقالهم..كلهم.....
انه طلق ساجدة
زوحتة..
واهدر دمها
ولو اي حد شافها وقتلها
له مكافئة كبيرة
وللاسف..
ظالم اضاف علي المكافئة
وقال...
ان الي هيقتل حلم كمان له ضعف المكافئة
وبكده..تبقوا انتوا الاتنين دلوقتي
مهددين بالموت
يا حلم
يعني ...لازم تهرب انت كمان
فا بص حلم ناحيتي
وقال...لصديقة
انا مش مهم
المهم دلوقتي...
هي... ساجدة
وطلب حلم من السواق انه يطلع بالعربية
عشان يهربني من هنا
في اللخظة دي
اتاكدت انا كمان
ان... حلم حياتة بقت في خطر
ولقيت نفسي
مش قادرة اقف علي رجلي... من الصدمة
فا طلبت كوباية مية من مساعد السواق
وبسرعة جابلي كوباية مية
فا انتهزت فرصة
انشغال حلم مع صديقة
وخرجت زجاجة المنوم من صدري
وحطيت باقي زجاجة المنوم في كوباية المية
وقبل ما يقفلوا عليا العربية
ناديت علي حلم
وطلبت منه يطلع العربية
عشان....
يودعني لاخر مره
وفعلا ...طلع حلم للعربية
واول ما قرب مني
مديتلة ايدي بكوباية المية
الي في ايدي
بدون ما اقولة ان فيها منوم
وقلتلة...
بيقولوا..ان الي بيشرب مع حد في كوباية واحده
لازم يقابلة تاني
وانا شربت من الكوباية دي
من فضلك اشرب انت كمان
يمكن المقولة تصدق ونتقابل
تاني في يوم من الايام
فا بصلي حلم بحزن
وابتسم بمرارة
واخد من ايدي الكوباية
وشرب المية كلها
وقالي...
حتي لو متقابلناش تاني يا ساجدة
انا عمري ما هنساكي
واستعد حلم عشان ينزل من العربية
لكن...
في اللحظة دي
مسكت ايده واتشبست بيها
وقلتلة...
خليك معايا شوية كمان
فا لقيتة بيمسك دماغة
وبيقولي...
انا حاسس اني مش قادر اقف
علي رجليا
قلت..خلاص اقعد
فا قعد حلم علي ارض السيارة
ولما لاحظت انه هيقع
فا قعدت بسرعة
انا كمان
واخدت راسة علي حجري
وشاورت لصديقة
وقلتلة...
حلم هيجي معايا
من فضلك اقفل علينا باب العربية
وفعلا
قفل صديقة علينا باب العربية
وراح حلم في النوم
وفضلت العربية ماشية بينا
وقت كبير
نمت فيه وصحيت عشرات المرات
وكنت كل ما اصحي ابص لحلم الاقية لسة نايم
وفضلنا علي كده
لغاية ما السواق فتح علينا
وقالي حمد الله علي السلامة
وفي اللحظة دي
بصيت بره العربية
لقيتني في بلدي....
وفي الشارع بتاعي فعلا
وبصيت علي حلم
لقيتة لسة نايم
فا طلبت من الرجالة
انهم يساعدوني
ويطلعوا حلم للبيت فوق
وانا اخدت الشوال الي فيه الدهب
وطلعت معاهم
وفعلا...
بعدما الرجالة طلعوا حلم فوق وهو نايم
لقيت باب شقتنا مقفول
فا دورت ع المفتاح تحت المشاية
ولقيتة فعلا
وبعدما فتحت
والرجالة ساعدوني
ودخلوا حلم في السرير
سابوني ونزلوا
وقالولي
انهم هينزلوا يعملوا مشوار
وهيرجعوا تاني عشان يشوفوا لو حلم محتاج حاجة منهم تاني قبل ما يمشوا
وبعدما بقيت انا وحلم لوحدنا
حاولت افوقة
وقلتلة...قوم يا حلم
ولما صحي حلم...
فضل يبص حوالية
وبعدين سالني
وقالي ...
احنا فين هنا يا ساجدة؟
فا بصيتلة وبرقت
وقلتلة...
انا مش ساجدة
فا بصلي حلم بدهشة
وقالي...
نعم؟
امال انتي مين ان شاء الله؟
قلت
انا العفريتة (عشقانة)
بحبك...وبعشقك...وبموت فيك
وبموت في اهلك كمان
فا رد حلم
وقالي..اعقلي يا ساجدة
قلت...مش هعقل...
ومش هحلك ...
ولا هبعد عنك ...
ولو بالطبل البلدي
فا بصلي حلم باستغراب
وقالي...
في ايه يا ساجدة
انا بتكلم جد
انا وصلت لغاية هنا ازاي؟
قلت...بصراحة بقي
انا لما حسيت ان حياتك في خطر
سقيتك منوم
عشان اخدك معايا غصب عنك
فا رد حلم
وقالي...
لكن...
انا مقدرش اقعد هنا يا ساجدة
مقدرش
فا قلتلة..
عارفة انك مش قادر تبعد عن بلدك واهلك
لكن...
ابوك و اهلك دلوقتي
اهدروا دمك يا حلم
وحياتك بقت في خطر
فا اقترب مني حلم
وقالي.. مش هينفع اعيش هنا يا ساجدة
فا بصيتلة بكسرة
وقلتلة
واهون عليك تسيبني لوحدي يا حلم؟
فا هز حلم راسة باسف
وقالي...
بردوا مش هينفع اعيش هنا يا ساجدة
في اللخظة دي
اتعصبت عليه
وقلتلة
في ستين سلامة
عموما..
اصحابك راحوا مشوار وراجعين
لما يرجعوا ابقي امشي معاهم
ومسكت الشوال واديتهولة
وقلتلة..
امشي يا حلم وخد الدهب بتاعك معاك
انا مش عايزة منك حاجة
فا بصلي حلم بحزن
ورجع ايدي بالشوال
وسابني ونزل
وبعد شوية
سمعت صوت محرك عربية تحت
فا جريت ع الشباك
ووقفت ابص علي العربية وهي ماشية
وانا عمالة اعيط
ورجعت قعدت لوحدي
وفضلت ابص حواليا
ولما لقيتني لوحدي
رجعت اسال نفسي
واقول...
هتعملي ايه دلوقتي يا ساجدة؟
وهتعيشي لوحدك ازاي؟
انا خلاص ....
مبقاش ليا اي حد في الدنيا
واثناء ما كنت بعيط ومفتورة بالعياط
شعرت بايد بتملس علي شعري
فا بصيت جنبي بسرعة
لقيتة (حلم)
بيسالني
وبيقولي..بتعيطي لية يا حبيبتي؟
فا بصتلة
وسالتة
وقلتلة...عشان كل ما بقولك اقعد معايا
تقولي انك مينفعش تعيش هنا
فا بصلي حلم
وضحك
وقالي ...انتي مسمعتنيش للاخر حبيبتي
لو كنتي صبرتي كنتي فهمتي
ليه انا كنت بقولك
ان مينفعش اعيش معاكي هنا
قلت..مش فاهمة؟
قال...انا كان قصدي
ان مينفعش اعيش معاكي هنا
بدون ما نكون متجوزين
عشان كده
نزلت وجيبت الماذون
وجيبت اصدقائي يشهدوا علي جوازنا كمان
وفعلا لقيت اصحابة طالعين ومعاهم الماذون
ولقيت حلم
بيسالني
وبيقولي...
تقبلي تتحوزيني؟
قلت اقبل بس بشرط
قال ..ايه الشرط
قلت..مفيش دخلة
قبل ما تعملي شقة ....
ومشروع
نشتغل فيه احنا الاتنين
عشان تعمل الكيان بتاعك
الي كنت بتحلم بيه
بس هنا
فا ابتسم حلم
وقالي...ماشي كلامك
عهد عليا مقربش منك قبل ما انفذ شروطك
بس لازم نتجوز
عشان اعيش معاكي في بيت واحد
فا ابتسمت..
وقلت ماشي ماوفقة طبعا
وفعلا اتجوزنا...
واشترالي حلم شقة
جميلة...وفرشهالي
وبدء في عمل مشروع من فلوس الدهب بتاعة
بس برضوا مخلتوش يلمسني
لان المشروع كان لسة مكملش
وبيني وبينكم
انا كنت بخلص منه تاري
وبعذبة
زي ما دوخني وراه
وفضلنا علي كده
كل واحد بينام في اوضة
لغاية ما في ليلة
صحيت من النوم
لقيت حلم جنبي ع السرير
فا صرخت فيه
وقلتلة...
انت جيت هنا امتي؟
وازاي؟
فا رد حلم
وقالي.. انتي ناسية يا هانم انك مراتي؟
قلت...محصلش
فا قالي ...
بتقولي محصلش؟
واحنا متجوزين علي يد ماذون؟
طبعا مهو انا الي استاهل
اني مسمعتش كلام اهلي
كان زماني دلوقتي متجوز
( سلمي حايك )
وعايش.... ومتهني
فا بصتلة بجنب عيني
وقلت...خلص يا حلم
وقول انت جيت هنا ازاي؟
فا رد حلم
وهو بيقلدني
وقال..
(معرفش
انا نمت ...وصحيت
لقيت نفسي هنا)
فا ضحكنا احنا الاتنين
وكانت دي
اول ليلة لينا في جوزنا (السعيد)
اصل جوازنا المره دي
كان
جواز علي يد ماذون
حقيقي...
(مش مجنون)
كده الرواية خلصت
اتمني تكون عجبتكم
ولو الرواية عجبتك
ضع تعليقا يشجعني علي سرد المزيد من الروايات
واحيرا
بحبكم جميعا في الله والي القاء في رواية جديدة من رواياتي
مع تحياتي
الكاتبة
حنان حسن
قصة رائعة وخيال واسع بس جميل
ردحذفروعة بالتوفيق والف مبروك
ردحذفايه رايك يا حنان تعملي جزء تاني القصه تنفع وخصبه والجاااااااااي احلي
ردحذفالروايه هايله
ردحذفتسلم ايدك يا قمر
با النجاح والتوفيق
جميلة اوى تسلم ايد 👍🏻
ردحذفإبداع مش جديد عليكى
ردحذفلك كل التحية
ألف مبروووك النجاح
ردحذفواحنا منحبك قوي وبتمنى اتظلي تنزلي قصص حلوه كثير بحب قصصك
ردحذفيسعد قلبك
جميله يا مبدعه
ردحذفجميلة كالعادة،مبدعة،ربنا يوفقك يا احلى و اجمل و اروع روائية
ردحذفتحفة جميلة ومبدعة ظائما
ردحذفدائمه الابداع احنا منتظرين الروايه الجديده على نار
ردحذفبجد انتي كاتبه عظمه
ردحذف