جواز علي يد مجنون الجزء الحادي عشر للكاتبة..حنان حسن بعدما قدر حلم انه يثبت برائتي لظالم وللجميع طلب حلم من ظالم انه ياخدني ...
جواز علي يد مجنون
الجزء الحادي عشر
للكاتبة..حنان حسن
بعدما قدر حلم
انه يثبت برائتي لظالم
وللجميع
طلب حلم من ظالم
انه ياخدني انا ...وزوجة ابويا
عشان يسلمنا لشرطة بلدنا...
لكن ....في اللحظة دي
ظالم استوقفة
واخده يحدثة علي انفراد
وقالة...
لا حلاص
انت لغاية هنا
و عملت الي عليك
لكن... مصير ساجدة ...
مفيش حد غيري هيحدده
فسالة حلم
وقالة...تقصد ايه؟
فا رد ظالم
وقالة...
اقصد اني انا هنا القاضي
الي بحكم
وبفصل في قضايا الجميع
وانا حكمت....
ان ساجدة ترجع لبيت جوزها (حليم )
وكأن شيئا لم يكن
فا رد حلم
وقالة..
لكن ساجدة ...
وزوجة ابوها
متهمين في جريمة قتل
واحنا لازم
نسلم الاتنين...
لاننا لو سلمنا زوجة الاب...
ورجعناها لوحدها...
الحقيقة هتتكشف...
وهيعتبرونا متسترين علي الجريمة
فا رد ظالم
وقالة..
خلاص متبلغش عن زوجة الاب...
وكإننا معرفناش اي حاجة عن الجريمة
فا رد حلم بغضب
وقال...
لكن ده مش عدل
فا رد ظالم بغضب
وقال...
ومش من العدل برضوا
اني اسلم زوجة ابني
لرجال الشرطة
عشان يبهدلوها
هي.... والي في بطنها
انت ناسي يا حلم
ان الي في بطنها ده حفيدي؟
وفي اللحظة دي
كشر ظالم عن انيابة
وقال لحلم
انا لو اقتضي الامر هقتل ساجدة
واقطعها بايدي
لكن...استحالة
اسلمها لرجال الشرطة
وبص ظالم لحلم وهو بينهي الجدال
وقالة
خلص الكلام يا حلم
ومش عايز اسمع اي كلام في الموضوع ده تاني
وبص ظالم لحليم جوزي
وقالة..
خد مراتك وارجعوا لبيتكم
وفعلا...اخدني حليم زوجي معاه
ومشينا..لغاية عربية بيجرها الحصان...(حانطور)
واول ما ركبني الحانطور
وقعدت في العربية
لقيت حليم
بصلي بصة مرعبة
وهو بيحط ايده علي رجلي
وقالي..
بقي انتي بتهربي مني؟
ماشي يا فاجرة...
دا الي هتشوفية مني
هيخليكي تتمني لو كانوا شنقوكي الف مره
بعدما سمعت الوعيد
والطريقة المخيفة الي حليم
كان بيتوعدني بيها..
بطني وجعتني
من القلق... والخوف
وكنت عايزة انزل من علي العربية واهرب
لكن...
حليم كان حاكم قبضتة عليا..
ومكنتش اقدر
استغيث باي حد للاسف
لاني عارفة ان محدش هيقدر ينجدني منه اصلا
وقلت.. لنفسي
ان نهايتي هتكون علي ايد الانسان غريب الاطوار
الي اسمة( حليم )في لحظة تعذيبة ليا
واثناء ما كنت بعيط والدموع مغطية عيني
سمعت حليم جوزي
بيامر سواق الحانطور
وبيقولة...
اطلع بينا علي البيت بسرعة
لكن...
قبل ما السواق ينفذ الامر
سمعت صوت (حلم)
بيوقف السواق
وبيقولة..
استني شوية
وفعلا السواق توقف
وقرب حلم من حليم...
وابتسم
وقالة
الف مبروك يا عريس
الليلة ليلتك يا عم
فا بصلة حليم بغضب
وقالة...
انت موقف الحانطور
عشان تقولي الكلمتين الخايبين دول؟
فا رد حلم
وقالة...لا..
انا جاي
اقولك علي مصيبة هتحصل
فا بصلة حليم
وقالة..مصيبة ايه؟
فا اخده حلم بعيد عني
وهمس في ودانة بكام كلمة
مقدرتش اسمع منهم حاجة
وبعدها
اتغير لون حليم ...وارتبك
وسال حلم
وقالة..طيب وايه العمل دلوقتي؟
فا رد حلم
وهو بيمد ايده لاخوه
بزجاجة صغيرة في ايده
وقالة...
مفيش غير الحل ده
وبعدما مد حلم ايده...
واعطاه الزجاجة
الي معرفش فيها ايه؟
وبعدها...
رجع حلم يهمس لاخوه تاني
لكن المرة دي
قدرت اسمع الي بيقولة
والي سمعتة
هو ...ان حلم بيحذر حليم اخوة
وبيقولة..
.لازم تتجنب شرها
وخلي بالك...
لو معملتش فيها الي قولتلك عليه
انت عارف ممكن يحصلك ايه؟
وبعدما حليم سمع تحذير حلم هز راسة ...
واخد الزجاجة من حلم
ودفسها في جيبة
وبعدها ..امر حليم السواق انه يطلع بينا ع البيت
واثناء ما كنا في الطريق للبيت
لاحظت ان حليم مش علي بعضة
وبصراحة...
بعدما ما سمعت وصية حلم الغريبة.. لاخوة
استغربت من اسلوب حلم وكلامة
واستغربت اكتر
من حالة الارتباك...
الي كانت واضحة علي حليم
وفضلت اسال نفسي
ياتري في ايه في الزجاجة الصغيرة؟
وليه حلم بيطلب منه يخلص
من شري؟
معقولة يكون الي في الزجاجة سم؟
معقولة يكون حلم
بيطلب منه يسقيهولي
ويخلص من شري؟
معقولة حلم يعمل معايا كده؟
ورجعت فكرت تاني بسرعة
وقلت...يلهوي...
يكونش الي وقف الحانطور
من شوية( مش حلم)؟
معقولة يكون ده العفريت نمرود؟
وظهر لحليم علي انه حلم؟
وفضلت افكر في كل الاحتمالات
لغاية ما وصلنا البيت
انا وحليم
واول ما شوفت البيت
ودخلت الاوضة مع حليم
افتكرت العذاب
الي شوفتة علي ايد حليم
وفضلت دموعي تنزل تاني
لما لقيتني رجعت للانسان السادي ده تاني
فضلت اقول لنفسي
يلهوي يا ساجدة
انتي رجعتي لبيت حليم تاني
ورجعتي لنفس الاوضة...
ونفس السرير المخيف..
الي شوفت علية اللوان من العذاب
والي خوفني اكتر
هو ان حليم دخلني للاوضة...
وسابني ودخل للمطبخ
وعرفت طبعا
انه رايح يجيب ادوات التعذيب بتاعته
وشوية وهلاقية بيسخن السكينة
لغاية ما تبقي قطعة من الجمر
وبعدها يقربها مني
ويسالني
تحبي اطبعهالك علي اي منطقة؟
في جسمك زي ما عمل معايا قبل كده
وفضلت اعيط
واقول ياربي...
هعمل ايد دلوقتي
وفضلت ابص حواليا
وانا بدور علي منفذ اهرب منه
لكن ...
قبل ما اهتدي لوسيلة للهرب
لقيت حليم راجع
من المطبخ
ومعاه كوباية من الفخار
شبيهة بالمج
معرفش فيها ايه
وبدات اشك
ان المج ده فيه السم
الي حلم قالة عليه
والغريبة..
اني لقيت حليم بيبتسملي
لاول مره...
وبعدها..
لقيتة قعد جنبي
وهو ماسك في ايده المج
الي فيه السم
وفضلت افكر
هقولة ايه
لو مد ايده ليا بالمج
وقالي اشربي؟
يلهوي..دنا مقدرش ارفض
...وحتي لو رفضت
مهو هيشربني الي في ايده بالقوة
وفضلت ابصلة وانا مرعوبة
وبدات سناني تخبط في بعضها
من الرعب
واثناء ما كنت ببص لحليم
وببص للمج الي ف ايدة
لاحظت انه بينشف ايده من السائل
الي وقع عليها من المج
وبعدها..
اتفاجئت
بالمج بيقع من ايد حليم
واتفاجئت كمان
بحليم نفسة
وهو بيقع ع السرير
فا فضلت ابصلة وانا متسمرة في مكاني
و مش فاهمة حاجة
وانتظرت ان حليم يقوم تاني
ويستانف هوايتة المفضلة
من تعذيب وحرق بالنار في جسمي
لكن حليم مكنش بيتحرك
فا دخلت بسرعة علي المطبخ
اشوف هو اكل ايه؟
ولا شرب اية؟
واول ما دخلت المطبخ
شوفت الزجاجة
الي كان واخدها حليم
من اخوه حلم
مفتوحة
وناقص منها نصفها تقريبا
وفهمت انة اخد منها في المج
الي كان معاه
فا مسكت الزجاجة ...
وخفيتها في صدري
احسن حد يجي ويلاقيها
ويظنوا
اني انا الي اديتة منها
وخرجت تاني
ورجعت علي اوضة النوم
عشان...
ابص علي حليم
ولقيتة برضوا مازال واقع
و قاطع النفس
فا مديت ايدي ولمست جسمة
وهزيتة
عشان اشوف مالة؟
فا لقيت حليم
عبارة عن جثة هامدة
فا اترعبت
وفضلت متنحة
ومش فاهمة ايه
الي حصل ده؟
ولية؟
وبعد شوية
سمعت خبط ع الباب
فا قمت فتحت
وانا ركبي بتخبط في بعض
ولما فتحت
اتفاجئت ادامي بحلم
فا قلتلة
حلم..
تعالي الحق اخوك
معرفش ليه ؟
وقع مره واحده
وشكلة قاطع النفس
فا رد حلم وهو مستعجل
وقالي...ايوه عارف
وبصلي حلم وهو بيستعجلني
وقالي..
سيبك من حليم دلوقتي
ويلا بينا عشان مفيش وقت
قلت..يلا بينا فين؟
وانت ايه الي جابك هنا دلوقتي
اصلا؟
وبصيت بشك... لجثة حليم
وسالت حلم
وقلتلة...انت عملت ايه في اخوك؟
فا رد عليا حلم
وقالي ...
انا معنديش وقت اجاوبك علي حاجة
انا جاي دلوقتي
عشان اقولك
علي ثلاث حاجات
اهم من بعض
الاولي...
هي ان ابويا بعدما انتي مشيتي امر باعدام ( مراة ابوكي )
ونفذوا فيها الحكم فعلا
فا لطمت علي وشي
وسالتة
وقلت...ليه؟ امر با اعدمها؟
هي مش طلعت بريئة من قتل طيابة؟
فا رد حلم
وقالي..
هو اعدمها عشان طلعت متورطة في قتل نمرود
فسالتة تاني
وقلت...
هو مش ظالم قال
ان القانون عندكم...
مش بيحكم في اي قضية بره المملكة؟
فا رد حلم باسف
وقال..
ظالم حكم علي مراة ابوكي بالاعدام
عشان...
بموتها هتتقفل قضية نمرود للابد
وخصوصا
بعدما العفريت الي جابك لغاية هنا مات
وطبعا لما كل اطراف القضية يموتوا
بتتقفل القضية
وبعدما صدمني حلم
بخبر اعدام مراة ابويا...
بصلي حلم
وقالي...
الحاجة التانية..
الي جاي عشان اقولهالك
هي ..ان ظالم
قالي... انه هيبقي علي حياتك عشان حفيدة
الي هو فاكر انك حامل فية
وبعدها هيتخلص منك
يعني هيصبر عليكي لغاية ما تولدي
وبعدها يقتلك انتي كمان
وطبعا بمجرد ما هيعرف انك مش حامل
هيقتلك في الحال
وعشان كده
انا عملت المستحيل
عشان اهربك من هنا و فورا
فا بصيتلة
وقلتلة...يعني الزجاجة الي اديتها لاخوك دي
كانت هي السبب في......
فا رد حلم
وقالي...
هفهمك كل حاجة بعدين يا ساجدة
لكن..دلوقتي
لازم تعرفي الحاجة الثالثة
الي جاي اقولك عليها
قلت ..قول
قال...حليم مش جوزك
وانتي مش علي زمتة اصلا
ووجودك هنا غلط
من الاساس
قلت انا مش فاهمة حاجة؟
فا رد حلم
وقالي...
تعالي معايا بسرعة عشان اهربك من هنا
وبعدين ابقي افهمك
قلت...ايوه بس هنروح فين؟
شدني حلم من ايدي
وقالي..تعالي بس
وهتعرفي بنفسك
وفعلا...طلعت اجري مع حلم
عشان...
احاول اهرب قبل ما حد يجي
وبعدما ركبت مع حلم علي حصانة
جري بينا بحصانة
لمسافة بعيدة
واول ما اطمن اننا
بعدنا عن الخطر
بدء يهدي من سرعة الحصان
ولما بدء يمشي بالراحة
لقيتني بسند راسي علي حلم وبغمض عنيا
ةفضلت ساندة راسي علي ظهر حلم
زي الطفل الي خايف
و بيتحامي في ظهر ابوه
وفضلنا ماشيين كتير بالحصان
وبعد فترة...
لقيت حلم وقف الحصان...
ونزل
وقالي..
استني هنا يا ساجدة دقيقة
فا بصيت حواليا
لقيتنا في صحراء ملهاش
اول من اخر
ومفيش غير جبل جنبنا
...وسابني حلم واتجه للجبل
وغاب شوية
وبعدين رجع
ومعاه شوال صغير
ولقيتة جاي يقولي
اسمعي يا ساجدة
قلت..نعم
بصلي حلم باسف
وقالي...انتي لازم تمشي من هنا
ولازم ترجعي لبلدك
وانا قررت اساعدك ...واوصلك لناس يساعدوكي
ويوصلوكي لغاية بلدك و بيتك...
كمان
والناس دول ثقة و انا با ائتمنهم علي حياتي
و.....
في اللخظة دي
بصيت (لحلم )
والدموع في عنيا
وقلتلة..خليني معاك يا حلم
انا مش عايزة امشي واسيبك
فا ابتسم حلم بمرارة
وقالي ..مكانك مش هنا يا ساجدة
وطول منتي هنا
ممكن تتاذي
وانا مش هستحمل لو جرالك حاجة
عشان كده
لازم ترجعي بلدك
ومد حلم ايده ليا بالشوال
الي معاه
وقالي..خدي الشوال ده
وحافظي عليه كويس
لان الي جواه هيخليكي تعيشي ملكة
و مرتاحة طول عمرك
ومش هتحتاجي لاي حد
ابدا
قلت..في ايه الشوال ده
رد حلم
وقالي..فيه تحويشة عمري
اصلي كنت بجمد كل فلوسي لقطع من الذهب
عشان اعمل ليا كيان مستقل
عن ظالم
واعيش بعيد عن ظلمة
لكن دلوقتي
انا شايف انك اولي مني
بالكيان ده
اصلي انا هقدر احوش تاني
لكن انتي لا
عشان كده
عايزك تاخدي الدهب ده
وتبدائي من جديد
بس ليا عندك طلب اخير يا ساجدة
قلت...طلب ايه؟
قال...اوعي تقبلي ترجعي للحياة الغلط تاني
بعدما سمعت كلام حلم ..
وشوفت اد ايه هو حنين عليا
وشايل همي
حتي بعدما اسيبه وامشي
دمعت عنيا
ومبقتش قادرة ارد عليه
لان الدموع كانت خانقة صوتي جوايا
ولقيتني بقول لنفسي
انت معمول من ايه يا حلم؟
انا عمري ما قابلت حد كده
ولا عمري حسيت ان في حد بيحبني كده
صحيح حلم عمرة ما قالي بحبك
لكن من امتي كلمات الحب
كانت دليل علي الحب؟
حلم علمني
ان الحب (افعال)
مش كلمات
سهل جدا تتقال ليا ...ولغيري
وحاولت تاني
اني اتحايل علي حلم
عشان يجي معايا
لكن حلم رفض
وقالي...
انا مقدرش اسيب بلدي
الي فيها امي.. واخواتي ..وابويا
فا بصيتلة بحزن
وقلتلة...
في مثل كانوا بيقولوه زمان
انا بؤمن بيه جدا
بصلي حلم
وسالني
وقالي..
مثل ايه؟
قلت..سالوا جحا وقالوله بلدك فين يا جحا ؟
قال الي فيها حبيبتي
فا ابتسم حلم
وقالي...
بس المثل ده مش بيتقال كده
المثل بيقول...
بلدك فين يا جحا ؟
قال الي فيها مراتي...
وانتي مش مراتي يا ساجدة
وصعب تبقي مراتي
قلت...اه عندك حق
انا مش مراتك
وعمري ما هجوز ليك
لاني مراة اخوك....
ويمكن اكون علي زمة اخواتك الاتنين كمان
فا رد حلم
وقالي...لا انتي مش علي زمة حد يا ساجدة
لا علي زمة حليم..ولا علي زمة حالم
ولا حد منهم لمسك
من الاساس
قلت...ازاي ؟
حالم صحيح انا انتحلت صفة عروستة
لكن...
حليم ...اخوك
اتجوزني فعلا
فا رد حلم وفجر ليا مفاجئة
عمري ما كنت اتوقعها
واتاكدت من خلال الممفاجئة دي
اني فعلا مش مراة حد...
ولا عمري اتجوزت حد
عارفين هي ايه المفجئة دي....؟
لو عايز باقي احداث الرواية
صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
هو فاضل برج فى دماغى ويمكن متاكد انه بايظ اصلا بس سيبك القصه جميله ويارب متكونش بتحلم كل ده
ردحذفاللهم صل وسلم وبارك وانعم على سيدنا محمد صلى الله عليه وسلم
ردحذفاللهم صل وسلم وبارك على سيدنا محمد وعلى اله واصحابه اجمعين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفعليه افضل الصلاة والسلام
ردحذفساجده بتحلم
ردحذفحلم وحالم وحليم واحد
ردحذفاللهم صل وسلم على سيدنا وحبيبنا محمد وعلى آله وصحبه وسلم تسليما كثيرا.
ردحذفشوقتينا يا حنون
ردحذففكي اللغز وإنزلي بالجزء الأخير
ردحذف❤️❤️❤️❤️❤️❤️❤️❤️
ردحذفاللهم صلِّ وسلم وزد وبارك عليك ياحبيبي يارسول الله
ردحذفان هو اللي اتجوزها
ردحذفعليه افضل الصلاة والسلام
ردحذفعليه افضل الصلاه والسلام
ردحذف