الجزء العاشر من روايةجواز علي يد مجنون للكاتبة حنان حسن

جواز علي يد مجنون  الجزء العاشر للكانبة...حنان حسن بعدما كنت واقفة مستسلمة  لتنفيذ حكم الاعدام سمعت صوت طلق ناري.. و بعدها .. سم...

جواز علي يد مجنون 

الجزء العاشر

للكانبة...حنان حسن

بعدما كنت واقفة مستسلمة

 لتنفيذ حكم الاعدام

سمعت صوت طلق ناري..

و بعدها ..

سمعت صوت راجل

بيحذر ظالم

وبيقولة..

ابعد ايدك عن زوجتي يا ظالم..

لان ابني  في بطنها

وفي اللخظة دي

بصيت ناحية الصوت

ولقيت ان الي بيتكلم 

هو ( حليم)  ابن ظالم

وكان هو الي بيحذر ظالم

 من انه يلمسني

وشوفت كمان

( حلم )  الي كان واقف جنب حليم

وبيايد حليم في كل كلامة 

وشهد (حلم) امام ظالم...

وقتلة...

ده حقيقي يا ظالم 

ساجدة مراة اخويا حامل...

 في ابن اخويا حليم

وانت كده هتقتل

 مراة حليم.. وابنة

وفي اللخظة دي

بص ظالم ناحيتي 

وقال..

هاتوا ساجدة قريب مني هنا

عشان احقق في قضيتها من جديد

و ساعتها... انا كنت مازلت واقفة علي الطبلية

 وايديا متقيدين

وكنت عمالة افكر

في  موضوع

 الحمل...

الي حليم ...وحلم

 قالوا عليه لظالم

وكنت عارفة ان  ظالم عايزني عشان يحقق معايا

و يسالني...

وممكن يسالني

 ويقولي...

هو انتي فعلا حامل من حليم ابني؟

 ومعرفتش لو سالني

  هقولة اية؟

وقلت لنفسي

انا هقولة الحقيقة طبعا

وهنكر موضوع الحمل ده خالص

لكن...وانا بفكر في الكلام الي هقولة لظالم

  لقيت (حلم ) طلعلي علي الطبلية

 ولما قرب مني

 اتعلل بانة بيفك الحبال من ايديا

وسمعتة بيهمس في وداني

وبيقولي

الحل الوحيد لخلاصك من حبل المشنقة

هو ..

انك تقوليلهم انك حامل من حليم

قلت...بس دي كدبة كبيرة

وابوك لو اكتشف اني بكدب هيقتلني

فا ضغط حلم علي ايدي

وهو بيتوسلي

وقالي...

ارجوكي اسمعي الكلام 

انا مصدقت اني اقنع حليم انك بريئة

واقنعتة بالحيلة

 عشان يساعد في انقاذك

و يقول انك حامل

فا ارجوكي

وقولي ...انك حامل من حليم

خليني اخلصك من المصيبة دي

فا قلتلة

منا لو اعترفت اني حامل من اخوك 

ظالم ممكن يرجعني لحليم تاني؟

فا رد حلم

وقالي..

متخافيش..انا هعمل المستحيل

دلوقتي

عشان ارجعك لبلدك

وواوعدك ان حليم مش هيلمسك

حتي لو حكم الامر

 اني اسلمك لشرطة بلدكم

قلت...اوعي تعمل كده

انا متهمة بجريمة قتل  هناك

ولو سلمتني ليهم

 هيعدموني

فا رد حلم

وقالي...

متخافيش

انا هثبت برائتك من كل التهم دي

و دلوقتي تشوفي

وبصلي حلم

وقالي

انا قولتهالك قبل كده

وبقولهالك دلوقتي تاني

اوعي تخافي طول منا جنبك

ولما  لاحظ حلم  اني ببصلة بدهشة

لقيتة غير الموضوع

وقالي...

المهم دلوقتي  لازم

تقولي انك حامل

عشان دي الوسيلة الوحيدة

 لنجاتك من حبل المشنقة

فسالتة

وقلتلة...

هو انت ليه؟

 مهتم انك تنقذني اوي كده؟

فا سكت حلم ومردش عليا

فابصيتلة باستغراب

وقلت..

خوفك عليا..

ومحاولتك المستميتة لانقادي

بتفكرني

بالعفريت نمرود الي اعترفلي بحبة

 وقالي ان حلم بيا 

ووعدني انه يحميني

وسالتة

وقلت...

انت نمرود العفريت

صح؟

فا رد حلم 

وقالي ...

مش وقتة...

وطبعا... مقدرتش اجادل حلم اكتر من كدة 

لانة كان انتهي

 من فك الحبل... الي كانوا مقيدين ايدي بيه

 واخدني حلم ...

ونزلني ادام ظالم

واول سؤال

سمعتة من ظالم

كان...

انتي فعلا حامل من حليم؟

فا بصيت لظالم

وقلت...ايوه

 انا حامل من حليم

فا رد حلم ووجه كلامة لظالم

وقالة...ودلوقتي بعدما سمعتها بنفسك

مينفعش تعدمها...

لانك كده 

هتبقي بتقتل حفيدك بايدك

فا رد ظالم

وقال...لكن...ساجدة مجرمة

وهربت من جوزها قبل كدة ..ودلوقتي 

قتلت طيابة

فا رد حلم مدافعا

وقال...

ساجدة هربت من جوزها حليم

 وهو دلوقتي سامحها

وسال حليم

وقالة...مش انت سامحت زوحتك يا حليم؟

فا رد حليم 

وقال...ايوه سامحتها

ومش هسمح لحد

 انه يقتل ابني الي في بطنها

وفي اللحظة دي

بص حلم لابوه ظالم

وقالة...

وبالنسبة لجريمة القتل

فا ساجدة بريئة 

من قتل طيابة

وانا عارف مين الي قتل طيابة

فسالة ظالم

وقالة..مين القاتل

فا رد حلم

وقال...مراة ابوها 

لانها...

كانت موجودة في نفس المكان

الي اتقلت  فيه طيابة

 ومش بعيد تكون هي الي قتلتها

فا صرخت مراة ابويا

وقالت...لا ..محصلش

 انا مظلومة والله

فا بص ظالم لحلم 

وسالة  تاني

وقالة..عندك دليل ان مراة الاب

 هي الي قتلت طيابة؟

فا فكر حلم شوية

وقالة

مراة الاب اصلا الاجرام في دمها

 وقبل ما تيجي عندنا هنا..

 اتورطت  في قتل شخص اسمة (نمرود)

 واتهمت ساجدة بقتلة 

ظلم طبعا

يعني دي مش اول سابقة لمراة ابوها 

فا رد ظالم

وقالة...

انت عارف كويس يا حلم

اننا مش بنحاكم حد 

علي جريمة ارتكبها 

خارج مملكتنا

وانا مقدرش احكم علي زوجة الاب

 الا في...

 جريمة طيابة فقط

وعشان احكم عليها في جريمة طيابة كمان...

 لازم استجوبها...

ولازم كمان  تجببلي دليل علي انها قتلت طيابة

 غير كده

انا هحكم علي ساجدة 

لان ساجدة

 اتثبتت عليها  جريمة القنل وهي متلبسة

 في اللحظة دي

 بص حلم لمراة ابويا 

لقاها بتضحك ...وفرحانة

 بكلام ظالم وتبرئتة ليها

فا قرب منها

وقالها..

اظن انك سمعتي حكم ظالم

هو صحيح مبيحاكمش حد علي جريمة

 ارتكبها خارج مملكتة..

لكن ..اوعي تفتكري انك هتهربي من حكم  الاعدام

لاني هطلب من ظالم  انه يستجوبك دلوقتي 

واكيد انتي هتكدبي

وحكم الكدب 

عند ظالم هو الاعدام برضوا

فا متفرحيش اوي

لان...

 كده ...كده انتي هتموتي

وفعلا

طلب حلم من ظالم بمحاكمة عادلة

ووافق ظالم

فا بدء حلم باستجواب مراة ابويا

وسالها..

وقال...

احكيلي يا سوستة  حكاية (مقتل نمرود)

و من الاول 

وفهميني ازاي ورطتي ساجدة فيها؟

فا استوقفة ظالم

وقالة..

ما قولنا ملناش دعوة بالجرايم الي حصلت بره المملكة

 يا حلم

فا رد حلم

وقالة ...صبرا يا ولدي

ده اختبار للكدب

وانا عندي معلومات محدش يعرفها

ومن خلال المعلومات دي

هشوف زوجة الاب هتكدب

 ولا لا؟

فاردت مراة ابويا

وقالت...لا وعلي ايه

انا هحكيلك حكاية نمرود بدون كدب

وفعلا بدات مراة ابويا

في سرد قصة( قتل نمرود)

وقالت...

انا كنت بضغط علي ساجدة ...

 واستغل احتياجها 

بعدما ما ابوها مات

 وطلبت منها انها تشاركني في عمليات نصب

علي الرجالة راغبين المتعة

بس بصراحة هي رفضت

وقالتلي...

انها مش عايزة حد يلمسها

فا فكرت في تمثيلية 

نخدع بيها الزباين 

بدون ما حد يلمسها

وفعلا نجحت التمثيلية...

وفضلنا علي الحال ده

لغاية ما في يوم

جاني الواد عكاشة العفريت..

الي امه كانت صحبتي زمان

ولقبتة بيحط ادامي مية الف جنية

 ولما برقت عنيا 

وسالتة

وقلتلة..ايه دول؟

قالي..دول مية الف 

ولما تنفذي المهمة

 الي انا جايلك عشانها بنجاح

 ليكي مية الف كمان

فسالته..

 وانا ببلع ريقي

وقلتلة...مهمة ايه؟

قال...هتبعيلي ساجدة

قلت..مش فاهمة يعني ايه ابيعلك ساجدة

فا بدء يفهمتي ويشرحلي

وقالي..

انه بيتشغل سواق نقل سريع 

 بينقل علية بضاعة ومواد غذائية

 ومؤخرا 

بدء يشتغل مع واحد

 من الي بيصدروا المواد الغذائية 

للبلاد الي خارج الحدود 

وفهمني ان  ...

البلية لعبت معاه

 وبقي يسافر خارج الحدود بالنقل بتاعة

واثناء ما كان بيسافر معاه..

اخده لمكان خارج الحدود

واتقابل عكاشة العفريت

 بواحدة شكلها غريب

من اهل البلد الي بيوردلها البضاعة

والست دي طلبت منه  طلب غريب 

والطلب كان...

 انه ... يجيبلها بنت من البلد الي هو فيها

ويبيعهالها ...

مقابل مبلغ كبير من المال

 وطبعا لما عرضت عليه المبلغ الكبير هو وافق

وفكر فيا 

لانة كان عارف 

ان جوزي مات و سابلي بنت عروسة 

و ظروفي كانت صعبة

وبصراحة انا كمان 

 اول ما عرض عليا المبلغ  وافقت

واتفقت انا وهو علي خطة

عشان اسلمة ساجدة 

بدون ما تاخد بالها 

انها بتتباع

والخطة...كانت 

 اني اديلة رقم نمرود

وخلية  يتصل بنمرود

ويعرفة مكان ساجدة

 الي نصبت عليه

ويفهمة انها بنت شمال

وهو بنفسة عمل معاها كل حاجة قذرة

وفعلا..اتصل عكاشة العفريت..

بنمرود

 وعرفة طريق ساجدة

وكان المتفق عليه 

انة يصور ساجدة والنمرود بيعمل معاها علاقة  ...

وبعدها يعملولها فضيحة..

علي النت 

ويخلوها متقدرش تواجة الناس في اي مكان

فا يتدخل عكاشة العفريت

 ويعمل نفسة المنقذ ...

الي هياخدها لمكان بعيد 

عن الناس..والفضيحة

 

لكن...

 الي حصل 

ان ساجدة...

بوظت الخطة الموضوعة

 بدون قصد

 وعملت شيئ مكنش متوقع

 لانها  قتلت النمرود

 لما حاول يغتصبها... 

اثناء ما كانت بتدافع عن نفسها 

وكملت مراة ابويا سردها

 للحقيقة

وقالت..

المهم...

انا كنت بتابع الي بيحصل بين ساجدة و نمرود

وبعدما اتفاجئنا ان ساجدة

قتلتة ...

اتصلت علي العفريت الي كان منتظر برة

وقولتلة ع الي حصل

فا لقي ان الظروف كده خدمتة اكتر

وجه اخد ساجدة 

وفهمها انه هيهربها..

واخدها باعها للست الي دفعتلة ثمنها

وفي اللحظة دي

وبعدما مراة ابويا انتهت من سردها للحقيقة

بصت لظالم.. وحلم... وحليم

 وقالت...

هي دي الحقيقة كاملة والله

انا لا نقصت كلمة... ولا زودت كلمة

وفي اللخظة دي

ابتسم حلم

وشكر مراة ابويا 

علي الحقيقة الي قالتها بدون كدب

وبص لظالم

وسالة...

وقالة...عارف مين هو عكاشة العفريت؟

فسالة ظالم بغضب

وقالة... مين؟

فا رد حلم

وقال...

ده الراجل صاحب العربية النقل ...

التابعة لشركة المورد

 للاستيراد والتصدير 

 الي احنا اتعاقدنا معاهم 

والسواق ده تحديدا

هو الي كان مصرح لة انة يدخل لحدود المملكة عندنا

في اللخظة دي

بص ظالم لابنة حلم

وقالة..

تقصد تقول

 ان السواق ده 

اتفق مع واحدة من المملكة بتاعتنا

 علي بيع ساجدة لها؟

فا هز حلم راسة

وقالة...ايوه

انا اقصد كده فعلا

فا رد ظالم بعصبية

وقال..ومستني ايه؟

ابعت هاتلي السواق ده

 من تحت الارض حالا

فا رد حلم

وقالة...للاسف

 السواق اتقتل 

علي ايد واحد من الحراس بتوعي ..

لما كان بيتسلل لبيت امي عشان يقتل ساجدة

فا بص ظالم لحلم بتعجب

وسالة

وقالة...ولية كان عايز يقتلها

فا رد حلم

وقال...

اكيد الست الي عملت الصفقة مع العفريت 

كانت خايفة 

 لامرها يتفضح

وحد يعرف انها هي الي جابت ساجدة لغاية هنا

فا صرخ ظالم متسائلا

وقال..

ومين هي الست دي؟

مين الي جتلها الجرؤة علي خيانة ظالم؟

في اللحظة دي بس

 انا فهمت انت جيت هنا ليه؟

 وازاي؟

وفهمت كمان...

ان الي عقدت الصفقة 

دي مع عكاشة العفريت

هي الست الجدعة

ام العروسة

وبمجرد ما استوعبت الي حصل

سمعت  ظالم 

 وهو بيسالني بغضب

وقالي...

انتي فاكرة ؟

مين الستات...

 الي استضافوكي هنا 

اول ما جيتي المملكة ؟

فا بصيت لظالم وانا خايفة

وقلت...ايوه

انا اول ما جيت هنا

 استضافتني ست كده... 

انا كنت فاكراها  طيبة ...وجدعة في الاول

لكن...عرفت بعدها

 انها بتمثل الطيبة

 لانها فهمتني ان بنتها مرضت

 يوم كتب كتابها 

والست دي طلبت مني يومها 

 اني البس فستان العروسة...

 وادراي وشي بالطرحة 

واقول للماذون ..

اني موافقة علي الزواج

فا بص حلم لابوه

وقالة...الست الي بتتكلم عنها دي

 هي مراة عمي

 الي انت جوزت بنتها لاخويا حالم

وطبعا ساجدة

 كان لازم تهرب...

 قبل ما العريس يتمم دخلتة عليها

ولما ساجدة هربت من ابنك 

انت افتكرت ان العروسة هي الي هربت

 فا قتلتها...

يعني انت قتلت بنت عمي

 لانك كنت فاهم 

انها هي العروسة الي هربت في ليلة فرحها 

ومن يومها ومراة عمي

 بتتعامل

 مع ساجدة علي انها عدوة لها

وبتتهمها...بان هي السبب 

في قتل بنتها

ومن يومها

 ومراة عمي...

 اخدت علي نفسها عهد

 انها تنتقم من ساجدة 

ونفذت اول محاولة لقتل ساجدة..

 لما كلفت العفريت انه يتسلل لداخل البيت 

عند امي

 عشان يقتل ساجدة...

ولما الحراس قتلوا العفريت

كررت محاولتها

وبعتت قاتل من المملكة هنا

 ورا راجل من رجالتي

 الي كان بيوصل طيابة لساجدة عند الكوخ 

وفضل القاتل متربص بساجدة ومختفي حوالين الكوخ  

وباليل دخل...

 وقتلوا طيابة  علي انها ساجدة

في اللحظة دي

بص ظالم لحلم

وقالة..

وانت عرفت ازاي

 ان مراة عمك هي الي بعتت القاتل الماجور

 الي قتل طيابة؟

فا شاور حلم للرجالة بتوعة

وقالهم هاتوا القاتل الماجور 

الي اعترف بجريمتة

وفعلا جابوا الراجل الي قتل طيابة

 و اعترف ان مراة عم حلم

 كلفتة بقتلي

وهو قتل طيابة بالغلط

 لانها كانت نايمة في سريري

ليلتها

وفي اللخظة دي

بص حلم لظالم

وقالة

مش قلتلك..ان الجرايم كلها مرتبطة ببعضها

وبعدما ظهرت الحقايق

امر ظالم باحضار زوجة اخوه

عشان تنال عقابها

وبص ظالم... لمراة ابويا

وقال...

بالنسبة لمراة الاب فا.....

وهنا قاطعة حلم في الكلام

وقالة...بالنسبة لمراة الاب

 فا انا سجلتلها اعترافها 

 بتورطها في قتل

 نمرود...

واعترافها كمان

 بان ساجدة كان مجني عليها

 وكل الي عملتة انها حاولت تدافع عن شرفها

وانا بنفسي

 هسلم ساجدة ومراة ابوها

 لرجال الشرطة في بلدهم

وفي اللحظة دي 

اعترض ظالم

وقالة...ازاي عايز تسلم مراة اخوك للبوليس؟

انت ناسي انها حامل 

وفي بطنها ابن اخوك...وحفيدي الي بترجاه من الدنيا؟

فا بص حلم لظالم

وسالة

وقالة...تقصد ايه؟

قالة...

اقصد انك عملت الي عليك

 واثبتلي براءة مراة اخوك 

ودلوقتي 

 انت دورك انتهي

وانا الي هقرر ايه الي هيحصل بعد كده

هو انا..

واصدر ظالم حكمة (الظالم)

عارفين ظالم حكم باية؟

لو عايز باقي احداث الرواية صلي علي رسول الله...وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن