الجزء الثاني عشر من رواية رغبة ملعونة للكاتبة حنان حسن

رغبة ملعونة الجزء الثاني عشر للكاتبة..حنان حسن بعدما بدات صباح العارجة  في سرد حكاية الباشمهندس المزيف ... والست المشوهة  الي كا...

رغبة ملعونة

الجزء الثاني عشر

للكاتبة..حنان حسن

بعدما بدات صباح العارجة

 في سرد حكاية الباشمهندس المزيف ...

والست المشوهة

 الي كانت معاه

فهمت منها ..انة كان انسان سيئ

  و بيتعاطي المخدرات...

 وكان بيضرب مراتة... 

و بنتة ديما

والافظع من كدة 

ان قسوتة وصلتة انه يفجر الانبوبة فيهم 

وكانت النتيجة ...

ان واحدة منهم ماتت

 وواحدة اتشوهت

وفي اللحظة دي

بصيت لصباح بحزن واسف

وسالتها

وقلت...

يعني افهم من كلامك ..

انه اتسبب في قتل بنتة؟

 وتشوية مراتة؟

فا ردت صباح

وقالتلي...

انتي فهمتي غلط 

لان الي ماتت هي مراتة

 والي اتشوهت هي بنتة

بصيتلها بدهشة

وقلتلها...

ازاي بتقولي ان الي ماتت تبقي الام؟

امال مين ام الواد الي كانت بترضعة ادامي؟

قالت...

الي انتي شوفتيها تبقي بنتة...

قلت..

امال فين ابو الواد الصغير ؟

فا ردت صباح العارجة..

وصدمتني

وقالت...

الواد برضوا يبقي ابنة

فا بصيتلها بدهشة

 وقلت...

لا انا كده مبقتش فاهمة حاجة؟

فا ردت صباح

وقالتلي..

ما قولتلك اصبري..

 وانا هحكيلك الحكاية كلها

قلت..احكي بسرعة

فا استرسلت صباح في السرد

وقالت...

زي ما قولتلك قبل كده...

 ان فؤاد كان شيطان

 ماشي علي الارض

 وبيعمل كل حاجة حرام...

وكل يوم كان  بيتعاطي  المخدرات ...

وعشان يقدر يشتري المخدرات 

 كان  ماشي مع هجامين

 

و بيمد ايده علي حاجة الناس...

 فسالتها

وقلت..

كان بيسرق كمان؟

قالت..

وياريتة كان بيكتفي بالسرقة

 الا كمان...

 كان بيجبر مراتة... علي انها تشتغل في البيوت

 عشان تجييلة فلوس..

وطبعا يا قلبي عليها مكنتش تقدر تقولة لا...

وكانت بتخرج كل يوم تشتغل...

وتسيبة هو وبنتة الي عمرها مكنش وصل لل ١٦ سنة

والبت بنتة في الوقت ده   كان جسمها فاير

 

وفي يوم ..

بعدما مراتة خرجت تشوف اكل عيشها..

ولقي البت معاه في البيت لوحدها..

اصابتة (رغبة ملعونة)

 واغتصب بنتة بكل وحشية...

وبعد ما فاق لنفسة.. 

 نبه علي البت...

 انها متقولش لحد علي الي حصل ده 

وخصوصا امها...

وفعلا البنت خافت منه...

 ومقالتش لامها اي حاجة

وكان فاكر ان محدش هيعرف بجريمتة... والحكاية هتعدي

لغاية ما الام اكتشف ان بنتها حامل..

 فا اتجننت الام ...

وفضلت تضرب في بنتها 

وهي بتسالها

وتقولها...

 مين الي عمل معاكي كده ؟

ومن شدة الضرب البنت اعترفت

 وقالتلها... انه ابوها هو السبب في المصيبة دي 

فا اتجننت الام

 ولما راحت تسال فؤاد جوزها

 في الاول انكر

 وقالها ....ازاي تصدقي اني ممكن اعمل كده في بنتي؟

انا اصلا شاكك في سلوك بنتك من فترة...

لانها كانت بتخرج وتتاخر كتير

ويمكن عشان ضربتها 

فا بتفتري عليا بالكلام 

الفارغ ده

وده معناه ان بنتك قليلة الرباية

لكن..انا هعرف اربيها

وقام  يهجم علي بنتة ويضربها

 عشان يسبك تمثيلية البراءة

ولما الام شافتة داخل يهجم علي بنتة... 

فا خافت عليها لا تموت في ايده

 وفهمتة انها مصدقاة

وملقنتش اي حل  في المصيبة الي حلت ببنتها

وخصوصا انها اكتشفت حمل بنتها متاخر

ومكنش ادامها

غير انها تحبس البت في البيت 

في الكام شهر الباقيين علي الولادة

لغاية ما تولد

وطبعا فؤاد كان محرج علي مراتة وبنتة...

 انهم ميعرفوش اي حد 

بان البت حامل

وفعلا محدش عرف حاجة

لكن...

في يوم الولادة

البت تعبت...

 وكانت هتموت

 فا اضطرت الام انها تستعين بيا..

عشان اولد بنتها ...

بحكم اننا اصحاب وجيران

 وعشرة عمر.... 

وسرنا انا وهي  كان مع بعض ديما

وفي اللحظة دي

بصيت لصباح  بزهول... واشمئزاز

 وقلتلها ....كملي

فا كملت صباح حكاية فؤاد

وقالت...

المهم...

لما سالت مراة فؤاد  ...

عن الحمل

وقلتلها ...

 بنتك حملت من مين؟

 والحمل حصل ازاي ؟

فا فضفضت معايا 

وقالتلي علي كل حاجة

لكن..امنتني....

 اني مقولش لحد بالي عرفتة

وفعلا مقولتش لاي حد

لكن..فؤاد اول ما شافني

 بساعدها في ولادة البت بنتة

 اتجنن عليها

وفضل يسمم عيشتها... هي وبنتها

لانها استعانت بيا ...

وعرفتني ان بنتة حامل

 ورجع يضرب فيهم ويقسي عليهم تاني

وكانت بتصعب عليا

 لما كانت

 بتيجي تشتكيلي..

 من القسوة الي بيتعرضولها 

هي... وبنتها 

من جوزها  فؤاد

اصلها يا عيني

مكنش ليها حدش يحميها منه

لانها كانت مقطوعة من شجرة وملهاش حد

فا فضلت افكر حل لمشكلتها

لغاية ما في يوم

لقيت لها شغلانة مناسبة

 عند ناس اكابر 

كانوا عايزين شغالة مقيمة

 ومكنش عندهم مانع...

 انها تجيب  معاها

  بنتها ...وحفيدها كمان 

فا شورت عليها انها تاخد البت بنتها والمولود 

 وتروح الشغلانة دي

ويعيشوا بعيد عن القرف ده

وطبعا هي فرحت لما لقت طوق نجاة

 وقررت انها تشتغل فعلا..

ولقيتها بتقولي ...

خلي معاكي الواد الصغير

 يا صباح

لغاية ما اخد البت ونروح نلم حاجتنا عشان نمشي

وفعلا...

سابت عندي الواد الصغير

واخدت معاها بنتها

 عشان تساعدها في لم الحاجة

لكن...

لما فؤاد عرف انها هتاخد بنتها وتمشي ...اتجنن

وحاول يمنعها

فا هددتة...

و قالتلة...

لو منعتني هقول للناس علي جريمتك مع بنتك

وكانت فاكراه هيخاف من الفضيحة

 ويسيبها تمشي

لكن الي حصل..

انه اتجنن عليهم

وحاول يقتل  مراتة قبل ما تتسببله في الفضيحة

فا ربطها في الكرسي

وقطع خرطوم الانبوبة...

وبعدها

وفتح الغاز 

و خرج وسابها هي وبنتها

بعدما رمي عود كبريت في الشقة

و حاولت البت تنقذ امها

لكن... مقدرتش

والنار مسكت فيها هي كمان

وللاسف.. الام  ماتت

لكن الناس انقذوا البنت علي

 اخر وقت 

ولما فؤاد شاف بنتة 

وهما بيخرجوها  من وسط

 النار ....

وعرف انها لسة عايشة و فيها الروح

خاف لا بنتة تشهد عليه

وتعترف بانة هو السبب

في قتل امها 

فا شالها علي دراعة وجري بيها 

 بحجة انه هياخدها ويسعفها..

ومحدش عرف هو راح بيها فين

ولما الوليس  حقق في الحادثة

انا شهدت بكل حاجة 

وعرفتهم ان ابنة عندي

ورجال البوليس ساعتها ..

اعتقدوا انه هيجي عندي عشان ياخد ابنة

فا نبهوا عليا اني بمجرد ما اشوفة...

 او اعرف عنة اي حاجة...

 ابلغهم فورا

 عشان يقبضوا عليه

لكن فؤاد مظهرش بعدها

وفضل الولد الصغير معايا فترة كبيرة

وفي يوم

  غسلت غيارات الواد وطلعت انشرهم 

علي السطح...

ولما نزلت  اكتشفت ان الواد الصغير اختفي

وفهمت ساعتها انه فؤاد هو الي جه وخطف الواد

ومعرفتش راح بيه لفين

 ومن يومها معرفش حاجة عنهم تاني

بعدما سمعت من صباح العارجة

قصة فؤاد...

 وبنتة... ومراتة ...والولد الصغير

ولما مقدرتش اعرف منها اي معلومات تانية

سيبتها ومشيت

وركبت ....

و رجعت للعمارة الي فيها شقتي الجديدة

وبعدما...رجعت لبيتي

دخلت ...وقعدت

 مع نفسي شوية

وفضلت افكر في كل الي عرفتة

وقلت..

ممكن فؤاد يكون...

 انتحل شخصية الباشمهندس فعلا

عشان يقدر يعيش في الشقة 

هو وبنتة المشوهة وابنة الصغير

وفهمت في اللحظة دي

هو لية كان رابطها في العامود؟

اكيد طبعا كان رابطها

 عشان...

 متخرجش من الشقة

 وهو مش موجود.... 

وامره يتفضح

وبدات افهم امور كتير

 ...مكنتش فاهماها

واهمها...ان الباشمهندس المزيف

مطلعش عفريت

لكن رجعت استغرب

واقول لنفسي...

كل الي انا عرفتة دلوقتي ده

ولسة برضوا موصلتش  لحل باقي الالغاز 

يعني مثلا

لما الباشمهندس المزيف (فؤاد)

 مطلعش عفريت ..

امال لية ؟

مفيش له ولا صورة

 ولية مش جاي في الكاميرات بتاعة البيت؟

واية حكاية الكتابة الي علي حيطان الاوضة المقفولة؟

 وايه معني ..الكلام الي قالتهولي الست العجوزة 

عن الفدو؟

ويعني ايه ؟

 ال١٣ كريمة غرقانين في زيبق احمر...ومعاهم سرهم؟

وايه علاقة شهاب بية بالي بيحصل ده كلة؟

ولو هو له علاقة بالي بيحصل؟

 لية اداني الشوال الي فيه الفدو؟

وياتري  الشوال  فيه اية اصلا؟

لا.. لا ...انا مبقتش قادرة افكر

و لازم اروح للبوليس

 واقولهم...

 علي موضوع فؤاد

او( الباشمهندس المزيف)

وكمان هقولهم علي الشؤال الي تحت السرير

لكن رجعت قعدت تاني

وقولت لنفسي

لكن...

 انا لو قولتلهم...

 علي صوت شهاب بية  

الي سمعتة 

ساعة ما لقيت الشوال

هتسبب لشهاب بية في الاذي؟

وانا مش عايزاه يتاذي

 وخصوصا ...اني انا مش متاكدة اصلا

 ان كان له يد في الي بيحصل ده ولا لا؟

واثناء ما كنت قاعدة محتارة

ان كنت  ابلغ البوليس؟

 ولا مبلغش؟

سمعت صوت جرس الباب

ولما فتحت..

اتفجائت ادامي

 ب( بسنت بنت خالتي)

ولقيتها بتعيط ومخضوضة

وبتقولي...

الحقي خالتك يا صابرين

قلت..مالها؟

قالت.. وقعت من طولها

 ومعرفتش افوقها...

ولا عارفة اتصرف ازاي 

وانا لوحدي

فا خرجت اجري معاها

 وانا قلقانة لا تكون خالتي جرالها حاجة

وبسرعة طلعنا علي العمارة

 الي فيها خالتي

وبعدما بقينا ادام باب شقة خالتي

ملحقتش ادخل لشقتها 

..ولا اشوفها

لاني ...

لقيت حاجة سوده نزلت علي عنيا

 وشعرت بحد بيشدني

للخلف....

وبعد شوية

اترفع الحجاب عن عنيا

ولقيتني  

 واقفة في قلب الشقة 

الي كنت بشتغل فيها عند الباشمهندس المزيف

وتحديدا...في الاوضة المقفولة

ولما بصيت ادامي اتفزعت واصابني الهلع

لاني شوفت ادامي شيئ لا يمكن حد يتوقعة

عارفين شوفت اية........؟؟؟

لو عايز( الجزء الاخير )

في احداث الرواية

صلي علي رسول الله 

وطبعا مش هننسي نضع عشر ملصقات 

مع متابعة صفحتي الشخصية

مع تحياتي

الكاتبة

حنان حسن