الجزء العاشر احتياج للكاتبة..حنان حسن بعدما مدام تهاني انكرت تماما وجود ايهاب بيه.. وقالت انها متعرفش لا ايهاب ولا سميرة الشغالة...
احتياج
للكاتبة..حنان حسن
بعدما مدام تهاني انكرت تماما وجود ايهاب بيه.. وقالت انها متعرفش لا ايهاب ولا سميرة الشغالة
لحظتها كنت خلاص قربت اصدق انهم اشباح ..وعفاريت
لكن...
فجاءة عنيا وقعت علي الشال الخاص بسميرة
والشال كان بحطة ايدها علي الكرسي ..مكان ما بتحطة ديما
وبمجرد ما شوفت الشال
زقيت ايد مدام تهاني ودخلت لشقتها بدون استئذان
وقررت افتش بنفسي عنهم في الشقة
وفي ثواني كنت دخلت علي الغرفة الخاصة بسميرة
..لكن
ملقتش حد في الغرفة ..
فا فتشت في باقي الغرف وبردوا مكنش في لهم اي اثر...
وطبعا اتكسفت من نفسي
بعدما اكتشفت ان ظنوني طلعت غلط...
وكنت حاسة اني في قمة الخجل
للكاتبة..حنان حسن
في اللحظة دي
سمعت مدام تهاني وهي بتوبخني.. وبتصرخ فيا بعلو صوتها
فا خرجت من شقتها بسرعة قبل ما تطلب البوليس
وبمجرد ما خرجت ..
وبقيت في الشارع
فضلت ماشية
وانا بعيط علي بختي الاس..&ود
وقعدت اقول لنفسي...
يا خيبتك التقيلة يا غرام
واضح كده ان ايهاب طلع عفريت فعلا
ودا معناه ان مفيش قسيمة طلاق...
يعني حضانة ولادي خلاص راحت لجدتهم
واديني انا كمان اتشردت ومعدش عندي مكان يأويني
هاعمل ايه بس ياربي دلوقتي؟
وفجاءة
وانا بعيط ...
شعرت بيد شخص بتستوقفني
ولما وقفت
مقدرتش اتحقق من الشخص دا لانه كان اشبة
بخيال .. او (ظل )
والظل دا ظهر فجاءة وعلي ما مسحت دموعي عشان اتحقق منه كان اختفي
واكتشفت بعدما صاحب الظل اختفي .. انه رمي عليا ورقة
ولما اخدت الورقة وفتحتها
اتفاجئت بانها ...
(قسيمة طلاقي من ايهاب)
ودا خلاني رجعت اتلخبط.. واحتار تاني
لكن..
المره دي مكنش عندي وقت افكر واحلل
فا مركزتش غير في شيء واحد
وهو اني اروح لحماتي واوريها القسيمة عشان استرد ولادي في حضانتي
وبالفعل
روحتلها...
لكن...بمجرد ما حماتي شافت القسيمة
فضلت تضحك بسخرية
وسالتني
وقالتلي...هتاخدي الولاد تروحي بيهم فين ؟
انتي عندك بيت؟
طب فكرتي هتأكليهم منين؟
ولا هتصرفي علي تعليمهم ازاي؟
ودفعت حماتي بولادي ناحيتي
وقالتلي..
لو واثقة انهم مش هيتبهدلوا معاكي اتفضلي خديهم
للكاتبة..حنان حسن
في اللحظة دي
فكرت في كلامها واقتنعت ان الي بتقولة صح فعلا
انا معنديش شغل ولا بيت ولا وظيفة
ولا ليا حد يعولني
يبقي ازاي هاخد ولادي وابهدلهم معايا؟
انا عمري ما هيبقي ليا بيت غير لما اتجوز
لكن...ازاي هتجوز واجيب لولادي زوج ام؟
وافتكرت لحظتها ..قصة البنت (نعمة) ومصيرها الاليم
فا اتفزعت
وقلت لنفسي..
استحالة اخلي ولادي يعيشوا ماسأة زي الي عاشتها نعمة
للكاتبة..حنان حسن
وفي اللحظة دي
قررت اني اترك ولادي لحماتي
وخرجت من بيت حماتي وانا مليانة بالي..أس
والق...&هرة
وفضلت ماشية في الشوارع
هايمة علي وجهي
ومش دريانة بالدنيا حواليا
لغاية ما صدمتني سيارة
فا وقعت واغمي عليا
ولما فوقت...
سمعت صوت امراة بجواري..
وكان واضح انها كانت بتحاول تساعدني اني استعيد وعي تاني
وكنت سمعاها وهي بتقول للناس الي اتلموا حواليا...
خلاص كل واحد يروح لحالة.. انا اخدت رقم العربية الي دهستها
ومش هسيبها غير لما اوصلها لاهلها
وشعرت بيها وهي
بتنقلني علي الرصيف
وبعدها جابتلي.. مية وعصير
ولما فتحت عيني واتحققت منها...
لقيتها امراة في الخمسينات..ويبدوا انها كانت في طريقها للسفر لانها كان معاها شنطة سفر كبيرة
للكاتبة..حنان حسن
المهم..
بمجرد ما فوقت لنفسي
قمت اشوف ايه الي وقع مني
فا لقيت شنطتي جنبي
لكن..
اكتشفت ان قسيمة الطلاق اختفت و ضاعت مني
ولما سالت المراة الي كانت بتساعدني
وقلتلها
فين الورقة الي كانت معايا؟
اتكلمي ؟
مين الي اخد الورقة مني ؟
فا ردت المراة بتعجب
وقالتلي...ورقة ايه الي بتدوري عليها؟
يختي احمدي ربنا انه نجاكي من الم...وت
وبعدها مدت ايديها ليا
وقالتلي...انا مدام عايدة
من القاهرة
وبشتغل مديرة منزل
بس شغلي في الصعيد
وعطلت نفسي عن ميعاد القطر عشان انقذك
فاعيب تتهميني بسرقة اوراقك انا مش ح...رامية
فا رديت وانا بعتذر لها
وقلتلها..
وانا بشكرك انك ساعدتيني
ومقصدتش اتهمك بحاجة
كل ما في الامر ان الورقة دي مهمة بالنسبالي
لانها
..( قسيمة طلاقي)
فا ردت عايدة وهي بتعزيني
وقالتلي...ربنا يعوض عليكي يا بنتي
وسالتني عايدة بشفقة
وقالتلي
اوعي يا بت تكوني رميتي نفسك تحت العربية عشان جوزك بعتلك ورقتك؟
فا غيرت الموضوع
وقلتلها..
انتي ليه سايبة القاهرة وبتشتغلي في الصعيد؟
هو في شغل في الصعيد اصلا؟
فا ردت عايدة
وقالتلي ..ايوه طبعا
الصعيد مليانة شغل
واحلي شغل كمان
واسترسلت عايدة في كلامها
وقالت
انا بشتغل (مديرة منزل)
في بيت ناس اكابر في الصعيد
ومقيمة عندهم
باكل وبشرب وباخد مهية كبيرة اوي
وسالتني عايدة بدورها
وقالتلي
وانتي بتشغلي ولا ست بيت؟
فا قولتلها...
انا ظروفي منيلة... وبدور علي شغلانة زي بتاعتك
لكن للاسف مش لاقية
فا ردت عايدة
وقالتلي...
بصي ...
انا فعلا اعرفلك طريق شغلانة
عند الجماعة الي بشتغل عندهم
ودول ناس محترمين طالبين شغالة بمرتب كبير
لكن للاسف .. معتقدش ان الشغلانة هتناسبك
فسالتها
وقلتلها...و ليه مش هتناسبني؟
قالت..
لان الناس دول في الصعيد
واكيد انتي مش هتواققي تسافري للصعيد
للكاتبة..حنان حسن
في اللحظة دي
لقيت نفسي زي الي اترمي له طوق نجاة
وقلت لنفسي
هو انا يعني اخدت ايه من عيشة القاهرة ؟
دنا حتي مليش اي مأوي هنا
و شبطت في الشغلانة
وقلتلها..انا موافقة
وعلي استعداد اسافر معاكي الصعيد حالا
فا ردت نعمة وهي بتبصلي بتعجب
وقالتلي...معاكي بطاقة؟
قلتلها..ايوه معايا
فا قالتلي..طب يلا قومي عشان نلحق القطار
وبالفعل...
ركبت معاها القطر
الي متجه للصعيد
وبمجرد ما دخلت القطار استغربت نفسي
انا ازاي مسافرة مع واحدة معرفهاش ...وعلي بلد معرفش فيها حد
وبالرغم من اني كنت شاكة ان الرحلة ربما تكون محفوفة بالمخاطر
لكن فضلت قاعدة مستكينة ومستسلمة
طول الطريق
وانا بقول في عقل بالي...
يعني هيجرالي ايه تاني اكتر من الي انا مريت بيه؟
علي راي المثل
(ضربوا الاعور علي عينة)
للكاتبة..حنان حسن
المهم
لما اقتربنا من محطة الوصول
لقيت عايدة بتفهمني طبيعة الناس اصحاب الشغل
وبتقولي.....
خلي بالك..
صحبات الشغل الي احنا رايحين لهم ...
فيهم اللئيمة... وفيهم الكريمة
عشان كده لازم تتحمليهم عشان تحافظي علي لقمة عيشك
فسالتها
وقلتلها..وضحي كلامك معلش
لاني مش فاهمة حاجة
فا ردت عايدة
وقالتلي
انتي هتشتغلي في بيت العمدة
زوجة العمدة دي بقي ست كريمة وطيبة
لدرجة انها قررت تجيب لعروسة ابنها شغالة
ودا عشان.. العروسةمتحطش ايديها في حاجة وتفضي لاسعاد زوجها وبس
اما بقي عروسة ابن العمدة..
فا دي اسمها( هانم )
وللاسف سليطة اللسان..
وبتتعامل مع الناس بغلظة
وامها كمان متختلفش عنها كتير
با اختصار..
هانم وامها بيتعاملوا كأنهم اسياد.. والناس كلهم عب...&يد عندهم
عشان كده العروسة وامها مكروهين في البلد كلها
فسالتها
وقلتلها..
هو انا هخدم في بيت زوجة العمدة؟
ولا هخدم في بيت العروسة (هانم)؟
فا ردت عايدة
وقالتلي..ما العروسة هتعيش في بيت العمدة
يعني انتي هتتعاملي مع الاتنين
وكررت عايدة عليا الكلام
وقالتلي..
عشان كده بقولك لو عايزة تحافظي علي لقمة عيشك
فا لازم تتحملي وتشوفي شغلك بضمير..ومتقوليش غير حاضر ونعم
للكاتبة..حنان حسن
في اللحظة دي
اخدني الفضول
فا سالتها
وقلتلها..هوايه الي جابر العريس علي الجوازة دي؟
فاردت عايدة
وقالتلي..اصلهم قرايب والعمدة واخواته عندهم املاك واراضي ومش عاوزين املاكهم تروح لناس غريبة
عشان كده مينفعش يتجوزوا غير من بعض
فا هزيت راسي
وقلتلها..تمام انا كده فهمت
فا ردت عايدة
وقالتلي...تمام
اجهزي بقي عشان احنا هننزل المحطة الجاية
وبالفعل نزلنا من القطر
وركبنا مواصلة لغاية دوار العمدة
في الاول انا كنت فاكرة ان بيت العمدة
هيكون بيت عادي لكن الي بيميزة انه كبير اوي...
وفيه زرايب وبهايم كتير
حاجة كده زي الي كنت بشوفها في الافلام الابيض واسود
لكن...لما وصلنا لبيت العمدة..
اكتشفت حاجة تانية خالص
وهي.. ان بيت العمدة الي انا شايفاة دلوقتي
كان عبارة عن فيلا راقية ...
ومفيش ولا بهايم ولا زرايب
واول ما وصلنا ..
استقبلتنا واحده من الي بيشتغلوا في بيت العمدة
واول ما شافت عايدة
اذنت لنا بالدخول
البيت من جوه كان مليان بالاثاث الغالي..
والعز كان باين من فخامة المنزل
للكاتبة..حنان حسن
المهم..
بمجرد ما دخلنا
سمعنا صوت صراخ وزعيق
والصوت كان لامراة
بس مشوفناش مين الي بتزعق
لان الصوت كان جاي من احدي الغرف
فا عايدة سألت زميلتها
وقلتلها..هو في ايه؟
فا ردت الشغالة
وقالتلها... دي العروسة بتتخانق مع الخالة نعسة زميلتنا
اصل نعسة تعبت شوية فا جابت مراة ابنها تساعدها
فاردت عايدة
وقالتلها...وايه المشكلة ؟
فا ردت الشغالة
وقالت ..يظهر ان العروسة بتغير علي العريس
عشان كده طردت كل البنات الي بتشتغل هنا ...
وكمان اصدرت اوامر ان اي واحده هتشتغل في البيت دا
فا لازم يكون سنها فوق الخمسين
ولما العروسة عرفت ان قريبة الخالة نعسة عندها ٤٥ سنة
طينت عيشتها وبتطردها هي ونعسة زي منتي سامعة
بعدما عايدة سمعت كلام الشغالة
سالتها
وقالتها...امال فين زوجة العمدة
فا ردت الشغالة باسف
وقالت..الست لكبيرة تعبانة
وراقدة
عشان كده العروسة طايحة في الكل
للكاتبة..حنان حسن
في اللحظة دي
انا كنت واقفة بسمع زعيق هانم
وقلبي وقع في رجلي
لاني فهمت ان شرط السن
مش بيتوفر فيا
ودا معناه ان الشغلانة الجديدة مش هتبقي من نصيبي
وكنت ناوية انسحب بكرامتي وارجع للقاهرة تاني
لكن قبل ما اتحرك من مكاني
شوفت واحده ست جاية ناحيتي ومركزة نظرها عليا
في الاول افتكرتها مراة العمدة
لان جسمها كان مليان حبتين
والعباية بتاعتها كانت عواجيزي شوية
لكن... من كلام عايدة معاها
فهمت..
ان هي دي العروسة (هانم)
الي مفروض اني كنت هشتغل عندها
ودا فهمتة لما عايدة جريت عليها..وفضلت تقولها ..
ازيك يا ست العرايس
انا جيبت الشغالة دي بناء علي طلب الست الكبيرة حماتك
(زوجة العمدة)
واطمني خالص
الشغالة دي بت مقطوعة من شجرة
و شاطرة ولهلوبة
جربيها انتي بس وهتكون تحت ايدك زي العجينة
للكاتبة..حنان حسن
في اللحظة دي
رمقتني العروسة بنظرة متفحصة
وبعدها صرخت في عايدة
وقالتلها...
ايه منظر هدومها دا؟
وايه الاحمر الي هي حطاه في خدودها دا؟
حد قالك اننا عايزين واحده تمثل في السيما؟
خدي البت الي شبة الراقصات دي واخرجوا بره انتي وهي
للكاتبة..حنان حسن
في اللحظة دي
اتأكدت اني مطرودة من الشغلانة
وطالما كده كده خربانة
فا قلت ارد علي الانسانة المتعجرفة الي شبهتني بالراقصات
فا قلتلها...
لحظة يا انسة..قبل ما تطرديني بره
لازم تعرفي اني انا الي ميشرفنيش اني اشتغل عندك
وعلي فكرة..
انا مش حاطة حاجة في خدودي
دا جمال رباني ...
والي انا لبساه دا مش لبس راقصات
دا اللبس الي بيليق علي الاجسام الحلوة فقط
يعني الي شبهك ممنوع يلبسوه
للكاتبة..حنان حسن
في اللحظة دي
واثناء ما كنت بمسخر كرامة العروسة (هانم)
ظهرت امراة جديدة في المكان
وسالتني
وقالتلي...انتي ازاي بتتكلمي مع بنتي بالطريقة دي؟
فارديت عليها بعدما عرفت انها ام العروسة
وقلتلها..
انصحي بنتك يا ام العروسة
وقوليلها..
بلاش تطرد
الشغالات الصغيرين الي شكلهم جميل
لان دا ...
ان دل علي شيئ
فا يبدل علي...
( غيرتها منهم و..عدم ثقتها في نفسها )
وبعدما انتهيت من سخريتي من العروسة... واهانتها هي وامها
ختمت كلامي
وقلتلهم..
سلام يا...... اسياد الناس
وبعدما انتهيت منهم
اتحركت ناحية الباب عشان اخرج واغادر الصعيد كله
لكن..اتفاجئت ان العروسة وامها بيوقفوني
وفضلت ام العروسة تنادي بعلو صوتها
وبتقول...شلهوب
انت يا زفت يا شلهوب
للكاتبة..حنان حسن
في اللحظة دي
ظهر راجل ضخم الجثة...
وملامحة مخ..&يفة
وواضح من شكلة انه سوابق ووش اجر...&ام
وبمجرد ما وصل شلهوب
سالتة العروسة (هانم)
وقالتلة...الي يقل ادبة ويتطاول بلسانة علي اسيادة
بنعمل فيه ايه؟
فا رد شلهوب
وقالها...ياخد علقة م..&وت لحد ما يبان له اصحاب
فا ردت ( ام العروسة)
وقالت...لا
العقاب دا مش كفاية
الي يغلط في اسيادة لازم يتق...&طع لسانة
ويترمي بعدها في الس...&جون
فا هزت هانم راسها برضا
وقالت لشلهوب
اوامر امي لازم تتنفذ
خد البت دي علي غرفة التأديب
ونفذ الي قولنالك عليه
فا رد شلهوب
وسألها
وقالها..طالما فيها قطع لسان
يبقي انا لازم ارجع للعمدة الاول
فا ردت ام العروسة بغضب
وقالت...
روح نفذ الاوامر
وان كان علي العمدة
فا انا هكلمة بنفسي...وهخلية يلبسها قض..ية
ويرميها في السجن زي الي قبلها
في اللحظة دي
فضلت اص..&رخ واست..&غيث...بعايدة
الي جابتني للم...&رار الط..&افح دا
ولما لقيت عايدة واقفة ساكتة
ومغلوبة علي امرها
عرفت انها مش هتساعدني ولا هتنقذني منهم
فا فضلت اص..&رخ واستغ..&يث واقول..الحقوني يا ناس
يمكن حد يسمعني وينقذني من شلهوب
الي واخدني و معرفش هيعمل فيا ايه
المهم
فضلت اص.&.رخ ..واص.&..رخ
ويبدو ان صراخي جاب نتيجة
لاني سمعت صوت مزلزل بنبرات قوية
و الصوت كان لراجل
وصاحب الصوت كان بيسأل شلهوب بنبرة غاضبة
وقالة..مين الست دي يا شلهوب؟
وواخدها ورايح بيها علي فين؟
وبرغم اني كنت مازلت في قبضة شلهوب ...
و لسة مشوفتش صاحب الصوت
لكن الي فهمتة لحظتها
ان تأثير الراجل كان قوي علي شلهوب
لدرجة.. ان شلهوب اتوتر و نزلني من علي اكتافة بسرعة وهو بيرتجف
والاغرب ..ان هانم وامها كمان كانوا واقفين بيرتعشوا... ومرعوبين منه
المهم
رد شلهوب بسرعة علي السؤال
وقالة...
لامؤخذة يا (داغر بيه)
انا كنت بنفذ الاوامر
بعدما سمعت اسم( داغر)
افتكرت العفريت اياه
وقلت لنفسي
معقولة ...يكونش داغر دا يبقي العفريت اياه؟
ورجعت تاني افكر مع نفسي
وقلت...
ياريت داغر يطلع العفريت
وميطلعش هو العمدة الي بيرمي الناس في السجون بالباطل
المهم..
لما سمعت اسم داغر
اخدني الفضول
اني اشوف مين الراجل الي اسمة غريب... و كلهم بيترعبوا منه دا ؟
وفعلا بصيت علي صاحب الصوت
وبمجرد ما شوفتة
اتفزعت وركبني الخفيف
اصلي اتأكدت لحظتها...
ان الراجل الي شوفتة حالا دا يبقي..........؟
ملحوظة
معلش يا جماعة
انا بعتذر عن التاخير لان كان عندي مشكلة في المدونة وكنت بعمل علي اصلاحها عشان الاجزاء تنزل فيها بالتسلسل
ارجوا التماس العذر
وباذن الله مفيش تأخير في نزول الاجزاء تاني
وشكرا للجميع
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة ..
حنان حسن
اللهم صلي وسلم وبارك على سيدنا محمد وعلى آله وأصحابه أجمعين
ردحذفاللهم صل وسلم وبارك على سيدنا محمد
ردحذفاللهم صل وسلم وبارك على سيدنا وحبيبنا محمد صلاة تنحل بها العقد وتنفك بها الكرب وتفتح بها لنا أبواب الفرج
ردحذف