احتياج الجزء الخامس للكاتبة...حنان حسن بعدما اكتشفت ان اسم العريس في القسيمة هو..( ايهاب ) كنت هتجنن ورجعت فورا علي بيت مدام ته...
الجزء الخامس
للكاتبة...حنان حسن
بعدما اكتشفت ان اسم العريس في القسيمة هو..( ايهاب )
كنت هتجنن ورجعت فورا علي بيت مدام تهاني
وبمجرد ما شوفت ايهاب ادامي
سالتة عن اسمة بالكامل
ولما اتأكدت انه نفس الاسم الي في القسيمة
فضلت اصرخ فيه واشتمة واتهمة كالعادة
لكن المره دي
كان معايا دليل علي كلامي
لاني لما كنت في بيت حماتي اخدت موبيل راوية وارسلت صورة القسيمة
علي موبيل سميرة
ولما وصلت لبيت ايهاب واجهتة بصورة القسيمة
لكن ..الغريبة
ان ايهاب بيه انكر برضوا
وصرخ فيا
وقالي..
سيبك من التمثيل والحركات الي بتعمليها دي
وقوليلي انتي عايزة توصلي لاية بالظبط
ومين الي دافعلك عشان تعملي كده؟
انطقي واعترفي فورا
قبل ما ابلغ عنك ..واسلمك للبوليس بتهمة التزوير
فا رديت وانا ببصلة بدهشة
وقلتلة
يلهوي...
دا ايه الجراءة الي انت فيها دي؟
يعني انت بتتجوزني بدون ما اعرف
وبتعاشرني بدون ارادتي
وكمان بتتهمني اني ممكن اكون انا الي مزورة القسيمة؟
يا جبروتك يا اخي
في اللحظة دي
مسكني ايهاب بيه من ايدي
ووصلنلي لغاية الباب
وقالي.. انا كده صبري نفد امشي غوري اخرجي من بيتي
واياك اشوف وشك هنا تاني
وبالفعل
خرجت مطروده من بيت مدام تهاني ...
لا معايا فلوس ولا بايديا اي حيلة عشان ارجع ولادي لحضني
ومشيت في الشوارع كتير وانا بعيط
وفي الاخر...
ملقتش ملجأ ليا
غير بيت خالتي
فا روحت علي بيتها وانا بدعي ربنا انها تكون رجعت من السفر
ويظهر ان ربنا استجاب لدعائي
لاني لقيت خالتي بالفعل
وبمجرد ما شافتني فضلت تلوم عليا وتسألني
وتقولي..انا عملتلك ايه يا غرام عشان تبطلي تزوريني
يبنتي دنتي بقالك شهور
معتبتيش بيتي
وكان واضح من كلامها ..انها متعرفش باني كنت هنا في بيتها من اسبوع
وبصراحة انا كمان مصرحتش لها باني زرتها وهي مسافره...
ولا عرفتها بان زوج خالتي جردني من ملابسي وسلمني للجن العاشق
لان زوج خالتي ساعتها كان هيعرف باني كشفتة ادامها..وهيزعل مني
فا مكنش هيقبل انه يستضفني في بيتهم
فا اتكتمت علي موضوع الزيارة
وكل الي قولتة لخالتي
هو ان جوزي مات وحماتي اخدت مني عيالي
المهم
بعدما خالتي سمعتني حزنت علي حالي
وقالتلي..
دا ايه المصايب الي بتحصلنا دي بس يا ربي
اهو برضو جوز خالتك كمان مختفي بقالة فترة
فسالتها
وقلتلها...
اختفي ازاي يعني؟
فا ردت
وقالتلي
انا كنت بزور بنتي في اسكندرية عشان حامل وقربت تولد
و بعدما رجعت من السفر ملقتوش
و معرفش هو غطسان فين لغاية دلوقتي
فسالتها تاني
وقلتلها..ليه ؟
هو مكنش بيكلمك في التليفون وانتي مسافرة؟
فاردت بسخرية
وقالتلي..
جوز خالتك يتصل بيا انا؟
دا عمره ما عملها
دنا حتي لم برن عليه مبيردش عليا
عشان كده مش عارفة هو مختفي فين لغاية دلوقتي
فا رديت بتعجب
وقلتلها..طب ما تبلغي بختفائة
فا ردت خالتي
وقالتلي...
لا مقدرش ...عشان لو رجع وعرف اني بلغت هيبهدلني
وبعدين موضوع انه يختفي دا مش جديد وعملها كتير قبل كدا
واسترسلت في كلامها
وقالت .
تلاقيه بيعمل شغلانة في الخفاء زي عادتة
واكيد هيرجع يظهر تاني زي كل مره
وغيرت خالتي الموضوع
وقالتلي..
المهم.. انا مش عايزاكي تزعلي من موضوع عيالك دا
وانا بعد ما ارجع من اسكندرية هروح اتكلم مع الولية حماتك واجيبلك عيالك منها
فسالتها
وقلتلها..هو انتي هتسافري تاني؟
فا ردت وقالتلي..
ايوه لازم اسافر
انا اصلا كان مفروض افضل مع بنتي لغاية ما تولد
لكن رجعت عشان اخد لها شوية حاجات
وفضلت خالتي تقفل في الشنط الي هتاخدها لبنتها
وفجاءة
لقيتها خبطت بايدها علي راسها
وقالت..يلهوي كنت هنسي
وبسرعة فتحت الدولاب بتاعها وجابت علبة شبيهة بعلبة الدوا
فسالتها ..
وقلتلها...انتي واخده الدوا دا لمين يا خالتي
فا ردت وقالتلي...
دا مش دوا
دا اختراع من اختراعات جوز خالتك
بيستعملة في شغلة اياه
دا حاجة كده زي المخدر
بس مفعولها جبار
نقطة منها كفيلة انها تهدي ثور ثائر ...وتخلية مطاوع وبيسمع الكلام زي العيل الصغير
فا سالتها تاني
وقلتلها...وانتي هنخديه معاكي ليه؟
فاردت خالتي
وقالتلي...
واخداه لجوز بنتي
اصل جوزها عصبي بعيد عنك وبيضربها ومبهدلها والزعل وحش علي الحوامل
والعلاج دا بقي هيخليه يهدي ويبقي زي الخاتم في صباعها
وغيرت خالتي الكلام
وهي بتحط المخدر جنبها علي التربيزة
وقالتلي
انا كان لازم ابقي جنب بنت خالتك اليومين دول
لانها علي وشك الولادة
لكن..الي عطلني عن السفر هو اختفاء جوز خالتك
بس النهاردة لازم اسافر عشان جوزها اتصل وقالي ان الطلق جالها واخدها ع المستشفي
عموما اقعدي انتي هنا
وابقي عرفيني لما يرجع
فا اتوسلت لها وقلتلها
لا ارجوكي يا خالتي متسبينيش هنا لوحدي
فا ردت خالتي وهي بتقفل الشنط
وقالتلي..
بطلي دلع يا غرام دا كلهم كام يوم وهرجعلك
المهم دلوقتي تعالي وصليني
احسن معايا شنط كتير
وبالفعل وصلت خالتي ورجعت لوحدي علي بيتها المسكون
وانا بفكر...وبسأل نفسي
واقول....
يا تري زوج خالتي اختفي من يومها وراح فين؟
المهم..
بمجرد ما رجعت لبيت خالتي
دخلت غرفتها عشان انام
ولحظتها اتفاجئت انها نسيت الدوا (المخ...&در ) علي التربيزة
المهم...
تركت الدوا مكانة و فضلت ابص حواليا
واقول لنفسي..
ازاي هعيش في الشقة
دي لوحدي لغاية ما خالتي ترجع؟
لكن هروح فين منا مليش مكان تاني؟
ولخظتها قررت اني هجمد قلبي و مش هخاف مهما حصل
وعشان مفكرش واوهم نفسي
بحوار العفريت اياه
دخلت شغلت قران و نمت
ويبدوا ان القران هدي اعصابي
وطمني ..لاني نمت بسرعة
لكن الغريبة ...اني قلقت بعدها
علي صوت بيهمس في وداني
فا فتحت عيني بسرعة
عشان اتفاجئ بالظلام الي كان حاجب الرؤيا عن عنيا
فا قمت مفزوعة وانا بستعيذ بالله من الشيطان
وكان كل همي اني اغادر السرير ...واوصل لباب الغرفة... واهرب من الرعب الي كنت حاسة بيه
لكن..فجاءة
شعرت بشيئ بيرجعني للسرير تاني
في اللحظة دي
شميت ريحة قذرة
وسمعت صوت بيسألني
و بيقولي...
فين كاسات الدم يا غرام؟
فا رديت وانا مرعوبة
وقلت..
مين الي بيتكلم ؟
فا اعاد السؤال عليا بعدما تجاهل سؤالي
وقالي...فين كاسات الدم الخمسة يا غرام
فا رديت بتوتر
وقلتلة..مدام تهاني لسة مرجعتش من السفر
فا رد صاحب الصوت بحسم
وقالي..
تهاني مرجعتش لكن اخوها موجود
كان ممكن تملي الخمس كاسات من دمه..
فا ابتلعت ريقي وسالتة
وقلتلة...هو انت عايزني اقتل ايهاب بيه كمان
هو مش ايهاب بيه دا يبقي....؟
وقبل ما اكمل في الاستفسار
سمعتة بيؤمرني
وقالي..
عقابا ليكي الخمس كاسات بقوا عشرة
ولازم تراضيني
ومش هتنالي رضايا غير لما تملي الكاسات (بدم تهاني واخوها)
وتفضلا مني
انا هعطيكي مهلة اسبوع كمان
ولو مجبتيش دم تهاني واخوها
انا هاتصرف بنفسي
وهستعيض بدم اولادك... واملا الكاسات بيه
ورجع نبه عليا وحذرني
لاخر مره
وقالي..
انتبهي لكلامي لان الاسبوع دا ..هو المهلة الاخيرة
ولو طلبي متنفذش ..(هتتحسري علي عيالك)
في اللحظة دي
فضلت اتوسل
واقولة.. لا ارجوك ....
بلاش ولادي
ابعد عن ولادي ارجوك
وانتظرت رد لتوسلاتي
لكن الصوت اختفي
وبعدها حسيت بضربة علي دماغي .. خلت الدنيا تلف بيا
وبعد شوية ...
لما فوقت لنفسي
لقيت النور رجع
فا قعدت علي السرير وانا مرعوبة..
وماسكة راسي و ببص حواليا
وفضلت اقول لنفسي
هو ايه الي بيحصل دا ؟
ازاي الجن العاشق عايزني اقتل ايهاب بيه؟
اذا كان داغر متجسد في صورة ايهاب ؟
هي ايه اللخبطة دي
وازاي الجن العاشق كل شوية بحال كده
دا شوية يطلب مني اني اقتل تهاني..
واجيبلة دمها في كاسات ..وشوية يطلب دم اخوها
...وشوية يوصيني اني مقتلش تهاني واسيبها تربي عيالها؟
وشوية الاقي ريحتة برفان
من الغالي
وشوية الاقي ريحتة قذرة
وشوية ينام جنبي...
وشوية الاقية متجوزني
وشوية يضربني علي دماغي ويمشي؟
وكل ما اروح في حتة الاقية موجود فيها
والاهم من دا كله هو ليه عايزني اجيبلة الخمس كاسات دم؟
واشمعني انا بالذات الي عايزني اجيب له دم
مدام تهاني واخوها؟
ولقيتني ببكي وانا بحط ايدي علي دماغي وقلت لنفسي
لا طبعا انا استحالة اقتل ايهاب
دا انسان طيب ومعلمش معايا اي حاجة تأذيني
عشان كده انا مش هقتل غير تهاني بس
ورجعت قولت لنفسي
يعني هي تهاني الي كانت اذتني؟
بس لازم اقتلها واجيب دمها عشان انقذ ولادي
يظهر ان مفيش فايده..
انا لازم ارجع البيت عند ايهاب بيه
ايوه لازم ارجع لاكتر من سبب
اولا....عشان اجيب كاسات الدم من مدام تهاني
ثانيا..
عشان اخد ورقة طلاق من ايهاب بيه
ومن خلال القسيمة اهقدر استرد حضانة الولاد
بس ازاي هقدر ارجع البيت عند ايهاب ؟
دا عصبي ..وانا زودتها معاه يعني لو شافني ممكن يضربني وبعدها يسلمني للبوليس
وفي اللحظة دي
افتكرت الدوا الي خالتي نسيتة
فا مديت ايدي علي التربيزة الي جنبي واخدتة
وقلت لنفسي
انا كده لقيت الوسيلة الي هتجبر ايهاب بيه انه يهدي عليا ويخليني في بيتة لغاية ما اجيب كاسات الدم من تهاني
وكمان هقدر اقنعه بانه يعطيني قسيمة طلاق
وبالقسيمة دي هقدر استرد اولادي تاني
يلهوي ايه الي انا بفكر فيه دا
طب ما يمكن هو فعلا متجوزنيش اصلا
يبقي هيطلقني ازاي
في اللخظة دي
فكرت تاني وانا ببص للدوا
وقلت..بسيطة...يبقي اقنعة انه يتجوزني الاول وبعدين ابقي اقنعة بالطلاق
ساعتها كنت عارفة ان الي هعملة دا خطر وممكن يعرضني لمشاكل
لكن انا مكنش عندي حل تاني
عشان كده
قررت اني هنفذ خطتي حتي لو حصل ايه
وبالفعل
اول ما طلع النهار اخدت بعضي وطلعت علي بيت مدام تهاني
المهم
لما وصلت لبيت مدام تهاني
فضلت منتظرة تحت
لغاية ما ايهاب بيه خرج
وبعدها روحت خبطت علي سميرة
( الشغالة)
في الاول رفضت تدخلني
لكن انا فضلت استعطفها واترجاها انها تدخلني وتقدملي وجبة سخنة
ووهمتها باني مكلتش من ساعة ما ايهاب طردني
وبالفعل رق قلب سميرة
ودخلتني
وكان عندي امل انها توافق تخفيني في بيتة بدون علمة زي ما عملت قبل كدا
لكن...سميرة رفضت
و نبهت عليا ..
وقالتلي..ان ايهاب بيه رايح مشوار ع السريع وراجع بسرعة
يعني يادوب تاكلي بسرعة وتمشي حالا
فا وافقت طبعا
لكن اضطريت اغير الخطة
وبعدما انتهيت من الاكل
غفلتها واخدت مفاتيح الشقة من وراها ...ونزلت بسرعة قبل ما ايهاب يرجع
المهم
بعدما خرجت من بيت تهاني
فضلت اتسنكح في الشوارع
لغاية باليل
ورجعت تاني لبيت تهاني علي ميعاد نوم ايهاب بيه
واول ما شوفت النور مطفي
فتحت الباب بالمفاتيح الي معايا
وبهدوء اتسللت لغرفة ايهاب بيه
لحظتها شوفتة نايم عاري الجسد في سريره
ومنظرة كان جدير انه يخليني اتراجع عن خطتي
لكن قاومت نفسي
وقلت..اجمدي يا غرام
واعتبرية جوزك زي ما القسيمة بتقول
وبالفعل..اتجرأت واقتربت من سريرة
وبسرعة اتجردت من ملابسي
وبعدها نمت جنبة وفي ايدي الكاميرة ...
الي كنت ناوية اصورة بيها
وهو في حضني
وفي ايدي التانية كنت ماسكة السرنجة الي فيها الدوا اياه
لكن...قلت مش هحقنة
دلوقتي احسن ينام
وانا عايزاه يبان في التصوير وهو بيتحرك
وقررت اني مش هحقنة غير وقت اللزوم
وبالفعل
بمجرد ما بقيت في حضن ايهاب بيه بدات التصوير
ولحسن حظي ان ايهاب بيه طلع نومة تقيل
ودا خلاني اخد معاه لقطات في جميع الاوضاع
واللقطات دي كنت محتجاها جدا في خطتي
عشان اساومة بيها علي الجواز
وكنت خلاص قربت انتهي من مهمة التصوير وانزل من ع السرير
لكن..اتفاجئت با ايهاب بيه بيرجعني تاني للسرير
فا قلت لنفسي
يلهوي دا هيرجع يتحرش بيا كا العادة طبعا منا الي جيبتة لنفسي
لكن الغريبة
ان ايهاب بيه مستغلش الموقف
بالعكس دا كان واضح انه متعصب جدا
ولما مسك بايدي
قالي...تعالي هنا يا بلوة انتي...
انتي ازاي تتسللي لغرفتي في وقت زي دا
اكيد انتي حرامية وجاية تسرقيني
دا انتي ليلتك طين
وفضل ايهاب بيه يبحث بعينة علي الموبيل بتاعة عشان يتصل بالبوليس
فا استغليت انة مش مركز معايا...وحقنتة بالسرنجة الي معايا..
عشان يهدي شوية
لكن اتفاجئت انه بمجرد ما اتحقن .. فقد الوعي تماما
وفي اللحظة دي
قررت اني اثبت حالة التحرش
فا خفيت السرنجة..و فضلت اصرخ..اصرخ
لغاية ما سميرة وصلت علي صوت صراخي
ولما سميرة اتفاجئت بوجودي في سرير ايهاب بيه بدون ملابس
سالتني
وقالتلي..ايه الي جابك هنا يا غرام
فا قلتلها.. معرفش انا فوقت لقيتة جايبني هنا وبيحاول يعت..&دي عليا وهو بيصورني
فا ضربتة علي راسة
فا لقيتة اغمي عليه زي منتي شايفة
في اللحظة دي
جريت سميرة علي ايهاب بيه
وبعدما وضعت راسها علي صدرة
وفجاءة
لقيتها بتلطم وتضرب علي صدرها
وبعدها قالتلي...
الحقيني يا غرام
(ايهاب بيه مات )
في اللحظة دي
دماغي لفت و مبقتش فاهمة حاجة
ولقيتني بكلم نفسي زي المجانين
وبقول..
لا لحظة ...
هو ايهاب مات فعلا؟
يعني ايهاب مطلعش جن عاشق؟
و الدوا مطلعش مخدر؟
وانا مليت نصف الكاسات بدم شقيق تهاني؟
والي حصل دا كله كان مقصود؟
دا انا كده اتورطت في جريمة قت..&ل... وهت..&عدم ؟
يعني اولادي هيتيتموا من الاب والام كمان؟
وفضلت الطم علي وجهي وانا منهارة
واقول ...يلهوي انا ضيعت نفسي ..وضيعت ولادي بغبائي
في اللحظة دي
سمعت صوت سميرة بتكلمني
وبتقولي...الحقي يا غرام
تعالي بصي هنا بسرعة
وفعلا بصيت.. واتفاجئت زيها
ومش هتصدقوا شوفت ايه....؟
لو عايز باقي احداث الرواية صلي علي رسول الله..وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
الله صلى وسلم على سيدنا محمد وعلى آله وصحبه وسلم
ردحذفاللهم صل وسلم وبارك على سيدنا وحبيبنا محمد صلاة تنحل بها العقد وتنفك بها الكرب وتفتح بها لنا أبواب الفرج
ردحذفاللهم صل وسلم وبارك على سيدنا محمد وعلى آله وأصحابه اجمعين
ردحذف