انا نيمت العيال..ولبست القميص الاحمر .. تعالي بقي (قصة حقيقية) الجزء الاول (احتياج) للكاتبة..حنان حسن دي الجملة الي انا قلتها ل...
تعالي بقي
(قصة حقيقية)
الجزء الاول
(احتياج)
للكاتبة..حنان حسن
دي الجملة الي انا قلتها لزوجي الي كان واقف في البلكونة وبيشرب سيجارتة كا العادة
وكنت متوقعة ان هشام جوزي هيتبسط .. ويدخل علي غرفتنا جري
لكن الغريبة ان هشام اول ما شافني مكنش مبسوط
والاغرب...
انه اول ما قرب مني انتابة الفزع وفضل يصرخ صراخ هستيري
فسالتة بتوتر
وقلتلة..في ايه يا هشام مالك؟بتصرخ كده ليه؟
فا رد وهو مازال بيبصلي بنفس نظرة الرعب الي في عنية
وقالي..
استحالة تكوني انتي غرام مراتي؟
انا هههههشايف ادامي (قرد)
فا رديت بتعجب
وقلتلة.. انت بتقول ايه؟
فا رد هشام وهو بيبصلي بفزع
وقالي
ايه الشعر الي علي جسمك دا؟ .. واية الديل الطويل الي طلعلك فجاءة دا؟
للكاتبة..حنان حسن
في اللحظة دي
مكنتش مستوعبة كلام هشام
ولا كنت فاهمة هو بيتكلم عن ايه ؟
بس نظراتة المذعورة ليا خلتني اجري علي المرايا عشان اشوف هو خايف مني ليه كدا؟
لكن...لما وقفت قدام المرايا مشوفتش اي حاجة فيا غريبة
ولا كان في اي شيئ مختلف
يعني لا شوفت نفسي وحشة ولا شوفت اي شعر في جسمي
بالعكس.. دا انا لقيت نفسي مازلت جميلة زي منا
و المكياج مزودني علي جمالي جمال كمان
وملقتش تفسير لكلام زوجي
غير انه نوع من الخرف
فا قلت لنفسي ...اكيد هشام رجع يشرب الهباب الي كان بيشربة تاني
ودا الي عامل له التهيؤات دي
للكاتبة..حنان حسن
في اللحظة دي
قررت اروح لحماتي عشان اشتكي لها من ابنها
وفعلا لبست روب .. وطرحة
ونزلت لشقة حماتي وفضلت اخبط علي الباب
لكن ..الغريبة ان حماتي بمجرد ما فتحت الباب وشافتني ادامها ..فضلت تصرخ
وكان واضح من نظراتها انها خايفة من منظري
ولما سالتها ..
وقولتها..مالك يا حماتي؟
قالتلي نفس الي هشام قالهولي بالظبط
وهو اني بقيت (قرد)
فا وقفت مصدومة من الي بيحصل
والي زود من هلعي..ان حماتي اثناء ما كانت بتقفل بابها في وشي..كانت بتستعيذ بالله من الشيطان
للكاتبة..حنان حسن
في اللحظة دي
طلعت علي شقتي وانا منهارة
وبمجرد ما دخلت شقتي
جريت علي الحمام
ورجعت بصيت في المرايا تاني
وبرضوا مشوفتش حاجة فيا متغيرة
فا قولت لنفسي
انا زي الفل ومحدش هيقدر يشككني في نفسي
لكن..
رجعت فكرت تاني
وقلت
لو هفترض جدلا ان هشام جوزي شارب حاجة
طب حماتي خافت مني ليه هي كمان؟
يكونش هشام متفق مع امه عليا؟
والله ممكن جدا مهي حماتي مش طيقاني من يوم ما اتجوزت ابنها
ورجعت كدبت ظنوني
وقلت..بس هشام هيتفق مع امه عليا ليه ؟
دنا مراتة وام عيالة؟
ورجعت افكر مع نفسي تاني
وقلت..
مش هيفصل في الامر دا غير (سمية سلفتي)
لان سمية مش بتطيق حماتي
وعمرها ما هتتفق معاها عليا
والحل دلوقتي اني اروح لسمية واشوفها هتعمل ايه لما تشوفني ادامها
وبالفعل
طلعت علي شقة سمية
وفضلت اخبط علي الباب
وطبعا سمية اتأخرت علي ما فتحت الباب.. لانها مصابة بشلل ..وقاعدة علي كرسي متحرك
للكاتبة..حنان حسن
المهم..
بمجرد ما الباب اتفتح
لقيت سمية بتبصلي بفزع هي كمان
فسألتها
وقلتلها..
انتي كمان خايفة مني زيهم يا سمية؟
للكاتبة..حنان حسن
في اللحظة دي
لاحظت انها مرعوبة من منظري
واتجمدت تعبيرات وجه سمية
وفضلت علي وضع واحد
وهو نظرة الهلع
فسالتها
وقلتلها..
هشام وحماتي بيقولوا اني بقيت شبة الق...&رد
هو الكلام دا حقيقي يا سمية؟
فا نزلت دموع سمية وهي بتبصلي
لكن طبعا متكلمتش ولا كلمة
نسيت اقولكم
ان حالة سمية الصحية بتخليها بتسمع فقط لكن مش بتتكلم
للكاتبة..حنان حسن
المهم...
فضلت اتوسل لسمية
واقولها..ارجوكي يا سمية
ردي عليا..باي اشارة
انشلة حتي تهزي راسك
هو انتي كمان شايفاني في صورة الق.....&رد؟
بشعر اسود في جسمي وديل طويل؟
فا هزت سمية راسها باسف
والاجابة كانت
بمعني (ايوه)
للكاتبة..حنان حسن
في اللحظة دي
حسيت اني هقع من طولي
وكنت هقعد علي الكرسي
لولا اني
سمعت صوت هشام وهو بيزعق... وبيكلم امه
وبيقولها..
هي دي اخرة السحر والاعمال الي جوز خالتها بيعملهم
خليها تاخد هدومها وتغور من هنا يا امي
ولما بصيت علي باب الشقة لقيت هشام بيرمي شنطة هدومي علي السلم
وبيقولي..خدي هدومك وروحي علي خالتك وجوزها خليهم ينفعوكي
فا رديت عليه وانا ببكي
وقلتلة..مش همشي من غير ما اخد عيالي معايا
فا رد هشام بقسوة
وقالي..
امشي غو..&ري من هنا وحذار تجيبي سيرة العيال
ذنبهم ايه العيال يتفزعوا من منظر امك دا
للكاتبة..حنان حسن
في اللحظة دي
بدات اصدق كلام هشام
وممكن فعلا يكون حد عملي عمل ولا سحر
وقلت لنفسي
اكيد دا سحر سفلي عملهولي زوج خالتي ( منصور الطايل)
لان جوز خالتي مهووس باعمال الس...&حر والشع..&وزة..
وعاملها شغلانتة الي بياكل منها عيش
للكاتبة..حنان حسن
المهم
اخدت شنطة هدومي ونزلت
وروحت علي بيت خالتي
وانا بتوعد لخالتي وجوزها
واثناء ما كنت في طريقي لبيت خالتي تذكرت ..كل الي فات من حياتي
وهسردلكم قصتي باختصار
انا اسمي.. غرام
كنت بنت وحيدة لاب وام طيبين
لكن فقدت امي وابويا في حادثة وانا لسة في ثانوية عامة
واضطريت بعد كدا اروح اعيش عند خالتي وزوجها ...
زوج خالتي مكنش يعرف حاجة عن الضمير ولا كان بيفرق معاه الحلال من الحرام
ومشي في سكة الدجل والشعوذة عشان فلوسها كتير
وكلة كوم ونظرتة ليا كوم تاني ... كتير حاول يتحرش بيا
لكن انا كنت بصده طبعا
ودا الي خلاني اهرب من العيشة في بيت خالتي
واقبل باول عريس يتقدملي
والعريس يبقي هشام
لكن.. للاسف هشام طلع ميتخيرش عن زوج خالتي
بالعكس دا تفوق عليه كمان
وبرغم ان هشام طلع بخيل واناني ومعدوم الضمير وفيه العبر
لكن للاسف مكنش عندي رفاهية الاختيار اني اكمل معاه او لا ...
لاني مكنتش هلاقي مكان يسعني انا واولادي الصغيرين
وطبعا هشام عارف نقطة الضعف دي وبيستغلها اسؤ استغلال
يعني مثلا هشام قاعد عاطل واجبرني اني اخرج اشتغل
وفعلا خرجت واشتغلت بيبي سيتر
في بيت واحده اسمها مدام تهاني الحديني
ودي واحده ست جوزها مات وترك لها اربع اطفال عندهم مرض وراثي
وللاسف الاربعة عندهم
اعاقة ذهنية
يعني مكنوش اطفال عاديين
ومحتاجيين رعاية مكثفة
عشان كده مدام تهاني شغلتني عندها
ولحسن حظي ان الست تهاني طلعت ست كريمة ..ساعدتني كتير واكرمتني وبفضلها قدرت اعيش وانا واولادي حياة كريمة
وطبعا اضطريت اترك ولادي لحماتي
وبقيت بحاول اوفق ما بين شغلي المرهق ورعاية اولادي
وبيتي
وفضلت في الشقي دا سنين
انا الي بصرف ع البيت
وهشام جوزي بلط في الخط وفضل عاطل
واستحملت الجوازة المنيلة دي
عشان ولادي
وادي اخرتها...
اول ما جوزي شافني قرد طردني من بيتي
واديني اضطريت ارجع لبيت خالتي تاني
للكاتبة..حنان حسن
المهم
بعدما وصلت عند بيت خالتي
كنا بقينا نصف الليل
ولما رنيت الجرس
الي فتحلي الباب هو زوج خالتي
والغريبة انه لما شافني ادامة
متفزعش ولا خاف من منظري
بالعكس دا ابتسم ورحب بيا
وكأنة كان متوقع زيارتي لهم
فسالتة بغضب
وقلتلة..
واضح انك كنت متوقع مجيتي دي بعدما خربت بيتي
فا رد زوج خالتي
وقالي..
في ايه يا غرام ع الصبح مالك؟
فا بصيتلة بغضب
وقلتلة ...
في انك استخدمت السحر بتاعك و حولتني لقرد
عشان تخرب بيتي
فا رد زوج خالتي
وقالي..
مفيش ساحر...
ولا بني ادم علي وجه الارض يقدر يعمل الي انتي بتقولي عليه دا
وبعدين انا ايه مصلحتي في اني اعملك اعمال؟
للكاتبة..حنان حسن
في اللخظة دي
فكرت في كلامة ولقيتة منطقي
فا انفجرت في العياط
وسالتة
وقلت...امال ايه الي بيحصلي دا وسببه ايه
دنا بيتي اتخرب وزوجي هيطلقني
فا اخدني زوج خالتي من ايدي
وقالي
تعالي ادخلي وفهميني في ايه
وبالفعل سمعت كلامة ودخلت
واول لما دخلت...
سردت لزوج خالتي كل الي حصل معايا بالتفصيل
وبعدما زوج خالتي سمعني
رد ببرود
وقالي
بصراحة زوجك عنده حق يخاف منك ..
انا كمان خوفت من منظرك اول ما شوفتك
بس خلاص انا فهمت سبب المشكلة الي انتي فيها..
وانا الي هحلهالك
فا سالتة بلهفة
وقلتلة...بجد يا جوز خالتي؟
يعني انت تقدر تنقذني من الكابوس دا؟
فا هز راسة بثقة
وقالي...تعالي معايا و هتشوفي
وفجاءة
قام زوج خالتي وقف.. ومد ايديه ليا...
واخد ايدي في ايده
وقالي ..تعالي متخافيش
ولقيتة واخدني لغرفة الشغل بتاعتة الي بيحضر فيها عفاريتة
فسالتة ..
وقلتلة.. هو انت هتحللي مشكلتي ازاي؟
فا سكت زوج خالتي ومردش عليا
و لما دخلنا غرفة الشغل .. فضل مشغول بالكوباية الي كان مقربها من بقة وبيحرك شفايفة عليها
وكأنة كان بيردد تعويزة ما علي الكوباية
المهم
فضل علي كدا شوية
ولما انتهي من الي بيعملة علي الكوباية
مدلي ايده بالكوباية
وقالي... اشربي
فا هزيت راسي بالرفض
وقلتلة..لا مش عايزة
فا صرخ فيا
وقالي..بقولك اشربي
فا اترعبت من صوتة و منظر عنية المبرقة
و اضطريت اشرب السائل الي كان في الكوباية لاخر نقطة
للكاتبة..حنان حسن
في اللحظة دي
لقيت زوج خالتي بيطبطب عليا وبيقولي..اطمني يا غرام
كلها ساعة زمن ومشكلتك هتتحل
بس لازم تمددي جسمك علي الكنبة دي وتسترخي خالص
فا رديت بتوتر
وقلتلة..حاضر
فا شاورلي علي الكنبة الكبيرة الي في غرفتة
وقالي...يلا مددي جسمك علي الكنبة
في اللحظة دي
افتكرت الي كان بيعملة معايا قبل ما انجوز
فا سالتة وقلتلة..هي خالتي فين؟
قالي ..خالتك مسافرة
فا اتوترت اكتر
وسالتة تاني
وقلتلة..مسافرة فين؟
فا رجع يصرخ فيا من تاني
وقالي..قولتلك متسأليش ومتتكلميش
واحنا في حضرة الجان
ويلا نامي علي الكنبة
فا نفذت اوامره وانا مرعوبة وفعلا نمت علي الكنبة
وبمجرد ما مددت جسمي
علي الكتبة
رجع يتمتم تاني بكلام مش مفهوم
والغريبة انه كل ما كان زوج خالتي بيقراء تعويذتة ..
ويقرب ايده علي راسي
كنت بحس كأن في شيئ بيقيدني وبيتحكم في اطرافي.. ومخليني عاجزة عن الحركة تماما ...
دا غير البروده الشديدة الي كنت حاسة بيها في جسمي
وفي وسط الحالة الي انا فيها دي
سمعت زوج خالتي بيهمس في وداني وبيقولي..
داغر عاشقك يا غرام
فسالتة بتوتر
وقلتلة..
مين داغر دا؟
فا رد عليا
وقالي..
.
داغر دا كائن من الجن
ومفتون بيكي
وعشان عاشقك بجنون
خلاكي في عيون زوجك وكل الناس قرد
ودا عشان محدش يقرب منك غيره
واسترسل زوج خالتي في كلامة
وقالي
انا طلبت منه يرحل عنك ويعتقك
و الجن العاشق وافق
لكن له طلبات
فا سالتة
وقلتلة..ايه طلباتة؟
فا رد زوج خالتي
وقالي..هما طلبين
اول طلب
انه ينال غرضة منك
يعني يعاشرك معاشرة الازواج
وتاني طلب
(انك تستحمي بخمس كاسات من دم بشري )
بشرط
الدم يكون من اكتر شخص ساعدك و له فضل عليكي
فا رديت وقلتلة..
انا مفيش حد له فضل عليا غير ..
( تهاني الحديني)
الي بشتغل عندها
فا رد زوج خالتي
وقالي..
خلاص يبقي اقت...&ليها واستحمي بد..&مها
فا رديت بغضب
وقلتلة
لا..طبعا
انا استحالة اقدر اغدر بولية نعمتي
ولا حتي هقبل ان الجن يلمسني
يعني بلغة اني برفض طلباتة
للكاتبة..حنان حسن
في اللحظة دي
فا رد زوج خالتي بنبرة تحذير
وقالي..
خلي بالك.. رفضك لطلباتة هيكون له عواقب وخيمة
لان داغر ممكن يأذيكي ويقضي عليكي انتي و اهلك كلهم
بعدما سمعت لتحذير زوج خالتي..
مهتمتش ولا فكرت اني اتراجع في قراري
وحاولت تاني اني اصرخ واستغيث
لكن..زوج خالتي طلب مني اني التزم الصمت
ووضع علي عيني قطعة قماش
وقالي..
خليكي مغمضة لان داغر حضر معانا في الاوضة
للكاتبة..حنان حسن
في اللحظة دي
كنت عايزة اقوم من رقدتي واهرب..
لكن للاسف
لحظتها مكنتش حاسة بجسمي ولا قادرة اقوم ولا قادرة اجري
حتي صوتي مكنش طالع
والي زود المبلة طين ان قطعة القماش الي كانت علي عيني كانت مضلمة الدنيا
يعني كنت فاقدة حواسي كلها تقريبا
وكله كوم وصوت زوج خالتي الي اختفي فجاءة دا كوم
للكاتبة..حنان حسن
في اللحظة دي
شعرت بحاجة غريبة بتحصل زي ما اكون بتجرد من ملابسي
ايوه.. في حد بيقل..&عني هدومي
لحظتها البرودة كانت رهيبة
واحساس الرعب والهلع كانوا هيوقفوا قلبي
لحظتها بدات اترقب الي هيحصلي وانا بحاول اسمع ايه الي بيحصل حواليا
وزادت ضربات قلبي اكتر لما شعرت بايد بتلمسني..وبتتحسسني
للكاتبة..حنان حسن
في اللحظة دي
مقدرتش ادافع عن نفسي
لاني كنت لا حول ليا ولا قوة
ومكنش في مقدوري لحظتها غير اني استعيذ بالله من الشيطان واقراء قران
في سري وانا برتجف
ويظهر ان الي كنت بعملة دا كان احسن سلاح للخطر الي كنت فيه
لاني اثناء ما كنت بقراء قران
فجاءة...
سمعت اصوات غريبة في الغرفة..وكأن محتويات الغرفة بتتكسر حواليا
لكن ..زي ما صوت التكسير ظهر فجاءة
اختفي تاني فجاءة
وبعد هدوء طويل
بدات اشعر بايد بتلمس القماشة الي علي عيني
ونفس اليد نزعت قطعة القماش من علي وجهي ..
ورجعت اشوف ايه بيحصل حواليا
للكاتبة..حنان حسن
في اللحظة دي
كنت فاكره اني هشوف زوج خالتي
بس الغريبة ان صاحب اليد مطلعش زوج خالتي
لا.. لا.. لا
الي كان واقف ادامي
كان شخص غريب
اول مره كنت اشوفة..
وزوج خالتي مكنش له اي اثر
وطبعا مكنتش محتاجة زكاء
عشان افهم ان الي ادامي دا يبقي( داغر)
(الجن العاشق)
فا قلت لنفسي
معقولة زوج خالتي قدمني قربان للجن بتاعة وتركني له ومشي
لجل ما ينال رضاه؟
وطبعا كنت متأكده ان الجن هيبدء في الانتقام مني بسبب رفضي لطلباتة
لكن الغريبة انه ملمسنييش بالعكس..
داجاب ملاية وغطاني وستر جسمي
وبعدها اختفي
ساعتها خوفت واترعبت من الي بيحصل وكنت عايزة استغيث او اهرب
لكن فجاءة غيبت عن الدنيا وفقدت الوعي
المشكلة مش هنا
المشكلة لما رجعت لوعي تاني
عارفين اكتشفت ايه.....؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى آله وصحبه أجمعين
ردحذفعليه افضل الصلاة والسلام
ردحذفايااا
ردحذفاللهم صل وسلم ويبارك على سيدنا محمد وعلى اله وصحبه اجمعين
ردحذفصلى الله على سيدنا محمد وعلى آله وصحبه أجمعين
ردحذف