العشق الخفي الجزء الثاني للكاتبة...حنان حسن (العمدة لازم يشرب لبن جارية س...ودة) احنا وقفنا بلاحداث في الجزء الي فات لما شاهد ال...
الجزء الثاني
للكاتبة...حنان حسن
(العمدة لازم يشرب لبن جارية س...ودة)
احنا وقفنا بلاحداث في الجزء الي فات
لما شاهد العيان
شهد شهادة تفيد باني مليش علاقة بقتل ايمن زوجي
وقلت خلاص انا نجيت من تهمة القتل
لكن..
ساعتها اتفاجئت بواحد من رجال الامن بيقول للظابط انهم وجدوا اوراق في المنزل المحترق...
لحظتها بس تذكرت الاوراق اياها ..و الاقرار الي انا بصمت وختمت عليه بصباعي
ودا كان اقرار مني باني بخطط لق..&تل العمدة
(شقيق زوجي)
وكان واضح ان الضابط هيقول للعمدة علي المصيبة الي انا عملاها
لكن الي عطل الضابط..
عن كشف سر الاوراق
هو صوت الصراخ الي ظهر في المكان فجاءة
و الاصوات دي
كانت ل..حميدة ومجيدة (اشقاء ايمن والعمدة)
ودول الي كنت خايفة من وصول الخبر ليهم..
اصلهم اتنين ستات حرابيق متخصصين في اذية خلق الله
ويظهر ان الي كنت خايفة منه حصل
لاني سمعتهم
وهما بينوحوا حواليا
وبيرموا تلميحات اقوي من الرصاص
وتلميحاتهم طبعا كانت بتتهمني بق..&تل ايمن
في اللحظة دي
اتمنيت ان الضابط
يقبض عليا قبل ما العمدة واخواتة البنات يشوفوا الاقرار
اياه
لكن للاسف
الضابط نادي عليا وكلمني بصوت عالي
وقالي..الرجالة لقوا اوراق خاصة بيكي يا عبير
فا ردت حميدة
وسالت
وقالت..اوراق ايه دي يا حضرة الضابط ؟
فا رد الضابط
وقال..دي تحاليل..
ودي اشاعات
ودا تقرير طبي بيقول ان عبير حامل في شهورها الاولي
في اللحظة دي
اتصدمت من الي بسمعة
وقلت لنفسي
هي مين دي الي حامل؟
دا ايمن ملمسنيش من يوم ما اتجوزنا بسبب مرضة
وكنت هقولهم ان الاوراق دي مش بتاعتي
لكن لحظتها سمعت العمدة بيبكي بحرقة
وبيقول...يا حبيبي يا اخويا.. ملحقتش تشوف ابنك الي جاي ولا تفرح بيه
بصراحة انهيار العمدة وحزنة علي اخوه خلي اخواتة البنات يخرسوا
ودا خلاني اخرس انا كمان واسكت خالص
المهم
بعدما انتهي رجال الاطفاء من اخماد الحريق
وانتهي الضابط من التحقيقات الاولية
سمعت العمدة وهو بيسأل رجال الاسعاف
وقالهم..
هي حالة مدام عبير تستدعي انها تروح المستشفي؟
فارد المسعف
وقالة...لا..
المدام اتعرضت لاغماءة بسيطة بسبب الاختناق من الدخان
بس حالتها دلوقتي كويسة
وتقدر تروح علي بيتها
في اللحظة دي
سمعت العمدة بيوجهلي الكلام
وبيقولي.. يلا بينا علي البيت يا عبير
فا ردت مجيدة اختة بنبرة اعتراض
وقالتلة...
هي مين دي الي هتيجي معانا يا عمدة؟
وهتيجي معانا علي فين؟
فا رد العمدة
وقالها..هتيجي معانا علي بيت العيلة
فا ردت مجيدة
وقالتلة .. دا لا يمك يحصل ابدا وعلي جثتي ان البت دي تدخل البيت
في اللحظة دي
دعمت حميدة موقف اختها المعارض لوجودي في بيتهم
وقالت.. انت عارف يا عمدة ان احنا كنا رافضين جوازها من اخونا ..
وقاطعنا اخونا بسببها
يبقي ازاي عايزها تدخل بيتنا دلوقتي؟
في اللحظة دي
رد العمدة علي اخواتة بمنتهي الحسم
وقال..عبير دي تبقي ارملة اخويا..
و شايلة ابنة في بطنها
وبيتها اتحرق زي منتوا شايفين
لو فاكرين اني هرميها في الشارع هي والي في بطنها عشان ارضيكم تبقوا غلطانين
ودا مش هيحصل ابدا
وبقولهلكم من دلوقتي
عبير وابنها لهم الحق في ميراثهم من اخويا
عشان كده عبير هترجع معانا لبيت العيلة ...
والكل هيعاملها با احترام
وطبعا مش عايز اقولكم الي هيخالف اوامري انا هعمل فيه ايه
في اللحظة دي
كان لازم ارد واعترض علي رجوعي لبيت العمدة
لاني كنت بصراحة مصدقت خرجت من دايرة الاتهام
وعايزة اهرب بجلدي
قبل ما الورقة اياها تقع في ايد العمدة
وانتهزت فرصة وصول امي ولهفتها عليا
واستجمعت شجاعتي اخيرا
و قلت للعمدة
"معلش انا مش عايزة تحصل مشاكل بسببي..
والحمد لله اهي امي جت
وهتاخدني وهرجع لبيتنا و......
وقبل ما اكمل
قفل العمدة عليا باب الجدال بحسم
وقالي...انا قولت هتروحي علي بيت العيلة ومش عايز نقاش
(خلص الكلام).
واصدر العمدة امر لامي
وقالها...ساعديها وركبيها السيارة
بس بالراحة عليها عشان الحمل الي في بطنها
وبالفعل..ساعدتني امي
وركبت العربية
وبعد اقل من ربع ساعة لقيت نفسي بدخل بيت العمدة
بيت العمدة الي كان اخرنا انا وبنات البلد اننا نسمع عنة فقط
ومكناش نقدر ندخلة ولا حتي في الاحلام
وبمجرد ما دخلنا دوار العمدة
اصدر العمدة امر لكل الشغالات الي في دوار العمدة بانهم يكونوا في خدمتي
وطلب من واحده منهم انها تاخدني انا وامي لغرفة ايمن بيه
وفعلا روحنا لغرفة ايمن القديمة
والشغالة تركتني انا وامي
وبمجرد ما بقينا انا وامي لوحدنا
امي قفلت الباب عليا انا وهي
وقالتلي...ايه حكاية الحمل دا يا بت؟
فا رديت وانا بعيط
وقلتلها..
الحقيني يا امي..
العمدة جابني هنا عشان فاكر اني حامل
و انا مش حامل
ويارتها جت علي اد كده
دنا متورطة وواقعة في مشاكل كبيرة ومش عارفة اعمل ايه؟
فا ضربت امي علي صدرها
وقالتلي..
احكيلي يا بت بسرعة وقولي فيكي ايه؟
وبالفعل..سردت لامي كل البلاوي الي حصلتلي من ساعة ما ايمن صحاني ليلة الخميس وخلاني اوقع علي الوصية والاقرار
وشرحتلها بالتفصيل كل الي عملتة من لحظتها لغاية منا واقفة ادمها دلوقتي
في اللحظة دي
لقيت امي سكتت شوية
وبعدها سمعتها بتلطم علي وشها
وفضلت امي تقول ..يا لهوي
كدا انا اتأكدت ان عفريت شاكر موجود فعلا
ودا معناه اننا لازم ننفذ اوامره و(نقت..&ل العمدة)
فا رديت وانا مرعوبة
وقلتلها..ايه الي بتقولية دا يا امي؟
يعني بعدما العمدة رضي يأويني في بيتة ؟
واتحدي اخواتة البنات عشان يخليني اورث ايمن
فا اقوم انا اغدر بيه واقتلة؟
فا ردت امي
وقالتلي...منتي لو مقتلتيش العمدة
العمدة هو الي هيقتلك
بمجرد ما يعرف انك كدبتي في موضوع الحمل
فما بالك لما يعرف انك قتلتي اخوه؟
صدقيني يا بنتي الحل الوحيد هو انك تقتلي العمدة
فا رديت وانا برتعش
وقلتلها...لا
قتل لا
انا مقدرش اعمل كده يا امي
فا ردت امي
وقالتلي..خلاص نامي و ارتاحي انتي دلوقتي
وسيبي عليا الموضوع دا
فا سالتها..
وقلتلها...انتي هتباتي معايا
ومش هتسيبيني صح
فا ردت امي
وقالتلي...انا هروح ابات في بيتي
لكن اطمني ..اناهجيلك بكره الصبح
فسالتها تاني
وقلتلها..
اوعي يا امي تكوني لسة مصممة علي قتل العمدة؟
فا سكتت امي ومردتش عليا
وكل الي عملتة انها طبطت علي كتفي
وهي بتنيمني علي السرير
وبعدها قالتلي
تصبحي علي خير
فا غمضت عنيا وحاولت انام بسرعة
عشان اهرب من الواقع المخيف الي انا عايشة فيه
لكن للاسف النوم جفاني
وفضلت سهرانة ومش عارفة انام
ويظهر كان السهر
كان لمصلحتي
لاني سمعت الباب بيتفتح عليا
وفجاءة
شوفت ايمن ادامي
وبرغم فرحتي باني رجعت اشوف تاني
الا اني كنت خايفة من ايمن
وكنت مستغربة هو ازاي صحي
انا بشوف فعلا وشايفة ايمن ادامي اهوه
لكن الغريبة ان ايمن واقف ادامي ومش بيعمل حاجة غير انه بيشاور عليا
وفجاءة ظهر العمدة من وراه
وقالي...ايمن بيقول انك انتي الي قتلتية
وبدء العمدة يهاجمني ويحاول يخنقني
لغاية ما كنت حاسة اني خلاص قربت اموت
لكن فجاءة ظهر صوت شاكر في الغرفة.. وسمعتة بيقولي انقذي نفسك واقتلي العمدة بالعمل والسحر يا عبير
اعملي للعمدة (العمل) يا عبير
فا حاولت اقاوم العمدة عشان اتغلب عليه واق..&تلة
لكن العمدة كان اقوي مني
و اتغلب عليا وكتم نفسي
و لما حسيت اني خلاص بموت
فضلت اصرخ واقول
الحقوني...الحقوني
وفجاءة
سمعت صوت امي بينادي عليا
ولقيتها بتقولي...اصحي يا عبير
في اللحظة دي
فهمت اني كنت بحلم بكابوس
ولما قومت وقعدت علي السرير
لقيت امي بتقولي..
انها لسه جاية من تحت
وسمعتهم وهما بيقولوا ان العمدة جالة استدعاء من القسم..لان المعمل الجنائي توصل لسبب الحادثة والحريق
في اللحظة دي
اترعبت اكتر
ولما سالتني عن سبب الهلع الي انا فيه
فضلت احكي لامي الكابوس وانا مرعوبة
فا ردت امي
وقالتلي...عشان تبقي تصدقي لما قولتلك ان العمدة لازم يموت
ومش هينفع يم...&وت غير بالسحر والاعمال
فا رديت وانا بترعش
وقلتلها...ايوه بس هعملة العمل فين وازاي؟
فا طبطبت عليا امي
وقالتلي..
متقلقيش انا اتصرفت
وحل المشكلة دي هيبقي علي ايدي
فا رديت
وقلتلها...تقصدي ايه؟
فا ردت بصوت كله ثقة
وقالتلي...انا هتصرف
المهم سيبك من الكلام دا دلوقتي وتعالي نخرج من الاوضة الخنقة دي
فسالتها وقولتلها
هنروح فين
فا ردت امي وقالت..همشيكي عشان تتهوي شوية
عشان نفسيتك تبقي احسن
فا قلتلها طب وهتقول ايه للعمدة؟
قالتلي..
لما نرجع هبقي اقولهم اننا روحنا نعمل متابعة للحمل
وفعلا اخدتني امي وخرجنا
وركبنا توكتوك
وفضلنا ماشيين فترة كبيرة
وبعدها امي قالتلي انزلي
وبعدها دخلنا مكان مليان بريحة البخور
فا سالت امي وانا مرعوبة
وقلتلها..
هو احنا فين؟
قالتلي...احنا عند الشيخة بركة
وقبل ما ارد عليها لقيت الشيخة بترحب بينا
ولما امي قالت للشيخة بركة علي طلبنا
الشيخة فضلت تبرطم بشوية
كلام مش مفهوم
وشوية تطلق بخور ريحتة غريبة
وبعدها قالتلي...خدي العمل دا
الشخص المقصود بالعمل
لازم يشربة مغموس باللبن
فا ردت امي بحماس
وقالت..ومالة نغمسة في شوية لبن جاموسي ونسقيهولة
فا ردت الشيخة بركة
وقالت...لا
لبن الحيوانات مش هينفع
والعمل مش هيجوز فيه
فا ردت امي
وسالتها تاني
وقالت ..امال هنغمس اللعمل في اي لبن؟
فا ردت الشيخة بركة
وقالت
اللبن المطلوب هو..
( لبن جارية س...&ودة)
لبن جارية س...&ودة؟
ودا هنحط فيه العمل ازاي؟
و هيشربة ازاي ؟
ثم هو فيه جواري دلوقتي اصلا.......؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صلي وسلم وبارك على حبيبي وقرة عيني سيدنا محمد وعلى آله وصحبه وسلم
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صلي علي محمد وعلي اله وصحبه وسلم
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا ونبينا وحبيبنا محمد وعلى اله وصحبه اجمعين
ردحذفحلوه اوي برافو عليكي يا حنون 😘
ردحذف