العشق الخفي الجزء الثامن للكاتبة..حنان حسن امي ماتت بعدما شربت العصير يعني العصير كان مس..&موم ودا معناه..ان نبوية خدعتني با...
الجزء الثامن
للكاتبة..حنان حسن
امي ماتت بعدما شربت العصير
يعني العصير كان مس..&موم
ودا معناه..ان نبوية خدعتني بالرواية بتاعة عمل الشيخ فرهود
وكدبت عليا ووهمتني بان العمدة قت..&ل اخويا و اغت..&صبة
وقدرت للاسف انها تقنعني بفكرة الانتقام
واتاريها بتعمل كل دا
عشان تخلص من امي بايدي وادام ادام الناس كلها
عشان تفضح امري عند العمدة
وبكده يبقي في عليا شهود
باني قت&..لت امي وشرعت في ق&..تل العمدة
كل دا كان بيدور في ذهني
بعدما فوقت من صدمتي
وفي اللحظة دي
كان نفسي احضن جثة امي
واعيط في حضنها لاخر مره
كان نفسي افهمها الحقيقة
واني مقصدتش اقت..&لها ولا اذيها
لكن...للاسف مقدرتش اقرب من امي
ولا حتي قدرت اتحرك من مكاني
لان حميدة ومجيدة كانوا مقيدين ايدي ورجلي
وكانوا بيحاولوا يج..&بروني اني..اشرب العصير بتاع العمدة بالقوة
وانا كنت في اللحظة دي
لا حول ليا ولا قوة
فا اضطريت اني استسلم وكنت فعلا هشرب العصير المسموم
لكن..في اللحظة دي
سمعت العمدة وهو بيصرخ فيهم
وبيقولهم...
محدش يأذيها وابعدوا الكوباية دي عن بوقها
فا ردت حميدة علي العمدة بغضب
وقالتلة..بقي لسة صعبانة عليك يا عمدة؟
بعدما كانت عايزة تقتلك؟
وفي اللحظة دي
رد العمدة
وقال...البلد فيها قانون
ورمقني العمدة بنظرة غضب
وبعدها
قال..
انا هاخد كوباية العصير
وابعتها للوحدة الصحية
عشان يحللوها
ولو طلع العصير مسموم يبقي
هسلم عبير للشرطة وهتهمها بق..&تل امها ..والشروع في قت..&لي
فا ردت حميدة
وقالت..ايوه فعلا لازم تحققوا معاها لان اكيد ليها شركاء
ولازم نعرف مين الي وزها علي قتلك يا عمدة
في اللحظة دي
امر العمدة الغفر بتوعه
وقالهم..خدوها واحبسوها
هي وبنت خالتها
لغاية ما اتأكد ان كان العصير مسموم فعلا
او ....لا
في اللحظة دي
نفذ الغفراء اوامر العمدة
واترمينا انا ونبوية في غرفة قذرة واحنا متربطين ايدين ورجلين
ولحسن حظ نبوية
اننا كنا مقيدين
و قيودي دي هي الي انقذت نبوية من ايدي
لاني كان ممكن اق..&تلها واخد بث...&أر امي
المهم
بمجرد ما بقينا لوحدنا انا ونبوية
بصتلها بغضب
وقلتلها.. اوعي تفتكري اني هسيبك تفلتي بجريمتك يا نبوية
فا ردت نبوية ببرود
وقالتلي.. وانتي فاكرة يا بنت خالتي انك هتخرجي من هنا سليمة؟
دا انتي ممسوكة متلبسة بالقتل
وعليكي شهود وادلة
ولا انتي ناسية كوباية العصير
الي بيحلولوها
يعني نهايتك قريبة
ان مكنش الليلة فا هيبقي بكرة بالكتير
فا رديت بغضب
وقلتلها...
انا هقول للعمدة
انك خدعتيني وانك انتي الي اعطتيني السم
وخلتيني اقتل امي
وكنتي عايزاني اقتلة هو كمان
فا ردت عليا نبوية
وقالتلي...قولي الي انتي عايزاه
محدش هيصدقك
وان كان علي العشق الي بيعشقهولك العمدة
فا العمل دا مفعولة انتهي
لاني عملت للعمدة عمل
( بجلب الحبيب)
واكيد العمدة هيتجوزني
واخواتة هيرحبوا بجوازنا
لانهم عارفين ان انا الي انقذت العمدة من الموت
فا هزيت دماغي
وقلتلها..ايوه..ايوه ..ايوه
كده انا فهمت دلوقتي
انتي خططتي انك تخلصي مني انا وامي...عشان تتجوزي العمدة
فا عملتي حكاية الشيخ فرهود وخلتيني اقتل امي بايدي ادام العمدة وقرايبة
عشان يبقي فية شهود عليا
وبكده تبقي امي ماتت
وانا اتش..نق بسبب قتلها
وانتي ساعتها تتجوزي العمدة
بالعمل الجديد الي انتي عملاه
صح؟؟؟
فا ردت نبوية بتحدي
وقالتلي ..
انتي وامك قمة في الانانية
ولو مكنتش غد..&رت بيكم كنتوا هتغ...&دروا
بيا
امك عملت سحر للعمدة وخلتة عاشق ذليل هيموت عليكي وكان بيهاديكي بالذهب
وانتي كهي..&نة
كنتي عاملة نفسك عاجزة بعنيكي
(ضريرة )...
عشان تصعبي علي الكل
دا حتي انا
خبيتي عليا ان نظرك رجعلك
فا قلت لنفسي
وانا لية اضحي بنفسي
عشان عبير الخبي...&ثة
ما اخلص منكم واتجوز العمدة
واغرق في الخير الي عند ه
في اللحظة دي
فضلت اعيط واقولها..
يعني عشان تتجوزي العمدة
تقومي تقتلي خالتك؟
انتي ايه يا شيخة ؟
مش خايفة من ربنا؟
فا ابتسمت نبوية ببرود
وسالتني
وقالتلي ..
وانتوا لما سحرتوا للعمدة وكنتوا عايزين تقتلوه
كنتوا ساعتها فكرتوا في ربنا؟
فا رديت عليها بتحدي
وقولتلها..
تمام...انا بقي معدتش باقية علي حاجة
وهنادي علي العمدة
واقولة علي حقيقتك وانشلة يقتلني بعدها
وفعلا...
فضلت اصرخ وانادي علي العمدة
لغاية ما لقيت الباب بيتفتح علينا ..
واتفاجئت بالغفر
داخلين علينا زبيفكوا وثاق نبوية...
وتركوني في الزريبة لوحدي
وقالوا ان دي اوامر العمدة
فا توسلت لهم
وقلتلهم..
عايزة اقابل العمدة ارجوكم
فا تجاهلوا توسلاتي
واخدوا نبوية وخرجوا
و لحظتها شوفت نبوية
وهي ماشية معاهم وهي مبتسمة ابتسامة باردة
وكأنها كانت بتكيدني
في اللحظة دي عرفت
ان العمل بتاع نبوية( بجلب الحبيب) اشتغل
وانا بقيت بالنسبة للعمدة عد..&و مبين
فا رجعت ..
قعدت في ركن في الزريبة
وانا بعيط علي امي الي ما...&تت بسببي
ومر كام ساعة وانا علي الحال دا
بدون اكل ولا حتي مية
والي زاد وغطي
ان لما الليل دخل عليا
اكتشفت ان الغرفة مفيهاش نور
ومبقتش شايفة اي حاجة
ويارتها جت علي اد الضلمة
د ا انا وسط القرف دا كله
بدات اسمع اصوات غريبة ومخيفة.. حواليا
ولما شعرت ان الخوف ساعتها خلاص قرب يقتلني
فضلت اصرخ..اصرخ
واقول الحقوني..خرجوني من هنا
فا سمعت صوت غريب جاي من جنبي في الزريبة
بيقولي...شوفتي يا عبير؟
لو كنتي سمعتي كلامي من الاول
وقت..&لتي العمدة مكنش دا بقي حالك
فا تتفزعت من الصوت وسالتة..
وقلت..مين الي بيكلمني
فا رد صاحب الصوت
وقالي..انا( عفريت شاكر)
فا ارتجفت وانكمشت في نفسي
وقلت ..
بسم الله الرحمن الرحيم
فا كمل عفريت شاكر في كلامة بدون اي تأثر
وقالي..
اديكي فقدتي امك جزاء عنادك
والعمدة فاق من سحره بيكي
ووقع في عشق نبوية
وبمجرد ما هيتأكد ان العصير كان مسموم
هيقتلك.. او... يبلغ عنك
وساعتها هيعدموكي
يعني انتي دلوقتي خسرتي كل حاجة
وبالرغم من كده
فا انا مازلت عايز اساعدك
فا سالتة بلهفة
وقلتلة..
هتساعدني ؟
هو انت فعلا تقدر تساعدني؟
فا رد العفريت
وقالي...هساعدك في حالة واحدة
وهي...انك تقتلي العمدة بمية التنين
ولو نفذتي طلبي دا
ساعتها
هساعدك وهخفيكي عن عيون الناس
لغاية ما تهربي من البلد
كلها..
في اللحظة دي
فضلت ابص علي الضلمة الي حواليا وانا مرعوبة
وفي الاخر
قلتلة.. خلاص انا موافقة وهق...&تل العمدة
بس خرجني من هنا
فا رد العفريت
وقالي..بس كده ؟
حاضر ..حالا هتخرجي
وفي اللخظة دي
كنت عايزة اطلب منه (مية التنين)
الي هقتل بيها العمدة
لكن صوت العفريت اختفي قبل ما اسألة عن الوسيلة الي هقتل بيها العمدة
وفي نفس اللحظة.. سمعت
صوت الغفر عند الباب
واول ما قربوا مني
لقيتهم بيناولوني زجاجة وبيقولولي..
خدي المية دي
فا عرفت ان هي دي
( مية التنين)
فسالتهم..
انا هخرج امتي
لكن للاسف مردوش عليا وتركوني
ومشيوا
فا اختفظت بالمية
وفضلت منتظرة
شوية كمان
لغاية ما لقيتهم رجعوا تاني
واخدوني معاهم لداخل دوار العمدة
وبمجرد ما رجعت البيت تاني
اتفاجئت بنبوية
الي كان واضح انها نضفت اوي
وكانت قاعدة بتضحك مع حميدة ومجيدة
ولاحظت انها لابسة ذهب في ايديها و الحرير علي جسمها
وكأن نبوية خلاص بقت الست هانم
صاحبة الدوار
وكان واضح عليها انها في قمة السعادة
لكن..اول ما شافتني ادامها
اتعصبت وسالت الغفر
وقالتلهم..البت دي بتعمل ايه هنا ؟
فا ردت مجيدة
وقالت..انا وحميدة بعتنا نجيبها لما لقينا ان العمدة
مش عايز يفصل في امرها
ولا حتي عايز يستجوبها ويعرف منها
مين الي وزها وقالها تقتل العمدة
فا قررنا نسلمها بنفسنا للحكومة
وهما بقي يحققوا معاها بمعرفتهم
عشان ناخد بثأرنا منها
وبالفعل..
مسكت مجيدة بالتليفون الارضي
وبدات تتصل بالشرطة
وعرفت ساعتها ان كلها شوية وقت.. والبوليس يوصل
وابقي متهمة رسمي
وساعتها مصيري هيبقي اسود غطيس
لكن..
فجاءة
ظهر العمدة
وهو في منتهي الغضب
وسأل مجيدة الي كانت مازالت بتحاول تطلب الشرطة
وقالها..
بتعملي ايه يا مجيدة؟
فا تركت مجيدة التليفون
وردت بتوتر
وقالت..انا...انا كنت بتصل بالشرطة
اصل نبوية قالتلنا ...ان شركاء عبير ممكن يحاولوا يهربوها
وبصراحة بقي انا وحميدة
عايزين ناخد بثأرنا من البت دي
ولما لقيناك ناسي موضوعها
فا قلنا نتصل احنا ونسلمها قبل ما تهرب
فا رد العمدة بنبرة حاسمة
وقال...طب اسمعوا بقي الي هقوله دا
(عبير بريئة)
وانا بنفسي لسة جاي من الوحدة الصحية
والطبيب في المعمل قالي..انهم حللوا العصير ونتيجة التحليل اثبتت ان العصير خالي تمام من اي سموم
ودا معناه ان والدة عبير ماتت موتة طبيعية
زي ما اي حد
اجله بينتهي
وبدل ما نعزيها في وفاة امها وناخد بخاطرها..
حبسناها وبهدلناها واتهمناها ظلم
لا وكمان كنتوا عايزين تبلغوا عنها وتحبسوها ظلم
عموما
انا قررت ارد لعبير اعتبارها
ومن اللحظة دي
(عبير خطيبتي)
وبمجرد ما العدة بتاعتها تنتهي انا هكتب كتابي عليها
وهتجوزها
ودا معناه انها هتحمل اسمي
يعني احترامها من احترامي
والكلام دا امر علي الكل
في اللحظة دي
الصمت والدهشة اصابوا الجميع
ووقفت نبوية تبص للعمدة بزهول
وكأنها مش مصدقة الي سمعتة من العمدة
وبصراحه..انا كمان مكنتش قادرة استوعب الكلام الي سمعتة حالا
وقلت بيني وبين نفسي
هو ايه الي بيحصل دا؟
ازاي التحليل يثبت ان العصير خالي من الس..&م
اذا كنت انا بنفسي قسمت الكأس الي فيه الس...&م علي كوبيتين
واحده شربتها امي.. والتانية الي اخدوها للتحليل
معقولة يكون العمدة بيكدب عشان يحميني؟
ايوه... ايوه العمدة بيحبني وعايز يحميني بدليل انه اعلن خطبتة عليا دلوقتي ادامهم كلهم
ورحعت تاني قولت لنفسي
لا.. لا.. حب اية؟
الي هيخلية يحميني اصلا؟
العمدة مبقاش يحبني
لان خلاص العمل بالعشق اتفك
..
والعمدة بقي بيكر...&هني
وحالة معايا اتبدل تماما
وبما ان العمدة فاق من العمل اياه
يبقي بديهي انه هيرجع يفكر في الانتقام لايمن اخوه تاني
باختصار كده
انا بقيت بالنسبة للعمدة عدو مبين
السؤال هنا بقي
ازاي العمدة بدل ما ينتقم مني
انقذني من اخواتة وزور في نتيجة التحليل ؟
ولية اعلن خطبتة عليا دلوقتي....؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صلي وسلم وبارك على حبيبي وقرة عيني سيدنا محمد وعلى آله وصحبه وسلم
ردحذفاللهم صلى وسلم وبارك على سيدنا وحبيبنا محمد وعلى آله وصحبه أجمعين وسلم تسليما كثيرا إلى يوم الدين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفرووووووووعه
ردحذف