العشق الخفي..الجزء الخامس للكاتبة..حنان حسن

العشق الخفي الجزء الخامس للكاتبة...حنان حسن بعدما استعملت الحيلة و قدرت اخرج امي وبنت خالتي من الغرفة  روحت بسرعة وفتحت الكيس عش...

العشق الخفي

الجزء الخامس

للكاتبة...حنان حسن

بعدما استعملت الحيلة و قدرت اخرج امي وبنت خالتي من الغرفة 

روحت بسرعة وفتحت الكيس عشان اعرف  نبوية وضعت ايه في الشاي بتاع العمدة

وبمجرد ما فتحت الكيس

شوفت فوطة صحية..مليانة بد...&م الحيض

وبالرغم من قرفي واشمئزازي من قذارة محتويات الكيس

لكن ساعتها فهمت ان دي كانت الوسيلة الجديدة  لق..تل العمدة 

لاني سمعت قبل كده ان دم الحيض بمثابة سم بطيئ المفعول ..بيسل الجسم في الاول.. و بيقضي علي الشخص الي بيتناولة في النهاية

 وفهمت كمان ان دا السبب الي خلي امي تدعي ان رجلها اتكسرت عشان تقعد في بيت العمدة كام يوم وتحطلة السم في الشاي

يلهوي.....

ولقتني اتنفضت وقولت لنفسي

يلهوي...

دا العمدة اخد معاه كوباية الشاي وهيشربها تحت

لا... انا لازم امنع الجريمة دي حالا

وبسرعة فتحت باب غرفتي ونزلت عشان الحق العمدة 

 قبل ما يشرب الشاي

وكنت عارفة ان العمدة نزل يقابل الزوار بتوعة في مضيفة العمدة 

ودي غرفة في دوار العمدة مخصصة لاستقبال الزوار

لكن انا مكنتش اعرف فين غرفة الضيافةدي

لاني كنت اول مره اشوف بيت العمدة من الداخل اصلا

 المهم

فكرت اني انزل الدور الارضي  وافتح كل باب غرفة يقابلني لغاية ما الاقي العمدة 

 بس يارب الحقة قبل ما يشرب الشاي

وفعلا

نزلت اجري علي السلم

وبمجرد ما بقيت في الدور الارضي

سمعت صوت رجالة كتير بيتكلموا 

  والصوت كان جاي من ناحية غرفة بابها مفتوح

وساعتها عرفت انها غرفة الضيافة

فا اتجهت بسرعة للغرفة 

ولما دخلتها ..

 شوفت العمدة ماسك كوباية الشاي

ولحسن الحظ ان كوباية الشاي كانت مازلت مليانة

فا جريت ناحيتة وانا بصرخ بعلو صوتي

وبقول..الحقوني يا ناس غرفتي فيها  فأر  

ودخلت اجري وسط الرجالة والضيوف..

وكنت متوجهة ناحية العمدة مباشرة.. واصطدمت بجسمة

و اتعمدت اني اوقع كوباية الشاي من ايده

وبعدها وقعت نفسي علي الارض

وكنت متوقعة ان بعد الاحراج الي  سببتة للعمدة ادام الرجالة

هيقسي عليا ويمسخرني ادام ضيوفة

لكن اتفاجئت

ان العمدة جري عليا وهو في منتهي القلق ..

وقومني من علي الارض

وفضل يهديني ويطمني

ويقولي..متخافيش واهدي يا عبير

فا رديت وقلتلة

الحقني يا عمدة في فأر في غرفتي

فا استأذن العمدة من ضيوفة

وبعدها اخدني وطلعني لغرفة بعيدة عن غرفتي

 

وقالي..اطمني انتي هتقعدي هنا في غرفتي علي ما  يمسكوا الفأر الي في غرفتك وينضفوها

وامر العمدة الشغالة بانها تجيبلي كوباية مية

وبعدها قالهم يعملولي عصير

واثناء ما كنت في انتظار وصول العصير

شوفت العمدة بيتجه ناحية دولابة الكبير...وجاب منه حاجة ورجعلي

وفجاءة لقيتة بيمسك ايدي

وبيلبسني اسورة ذهب غاية في الجمال

فسألتة 

وقلتلة..ايه الي انت لبستهولي دا

هي دي شبكتي ولا ايه

فا رد العمدة

لا شبكتك انا هخليكي تختاريها بنفسك

لكن.. دي اسورة من اساور المرحومة امي

وبهديهالك بمناسبة موافقتك علي جوازنا

من فضلك حافظي عليها لانها غالية عليا اوي

فا ابتسمت و شكرتة 

لكن بصراحة ..استغربت من تصرفاتة الغريبة الي مكنتش متعودة عليها 

معقولة السحر يخلي حد يعمل كل دا؟

هدايا ..ودلع ..وحنية 

دا العمدة بيعاملني كاني طفلة صغيرة

 وبيتعامل معايا  بمنتهي الرقة و الحنية

والغريبة اني لاحظت انه جاب كرسي وقعد ادامي ساكت

ومش بيعمل حاجة غير انه بيبصلي بس

و نظراتة ليا

  كانت بتقول انه متيم بيا

وبيعشقني عشق

وبالرغم من اني كنت عارفة انة مسحور وحبة ليا مش حقيقي

بس كان عاجبني الاحساس الجميل دا

اصل انا طول عمري مفتقدة الحنان  والاهتمام والدلع 

ولقيتني بتحسر علي حظي

وبقول لنفسي

دا ايه الحظ الزفت دا؟

بالرغم من اني كان ليا سابقتين في الجواز

لكن..

ازواجي السابقين كانوا مصدر للجفاء والقسوة

واحد منهم كان عجوز وقاسي

والزوج الثاني كان مريض ومادي.. واناني

ويوم ما الاقي العاشق  الحنين 

  يطلع مسحور..وعنده داء منيل بستين نيلة

لا وكمان..كلها اربعين يوم

 ويقتلني

المهم

فوقت من شرودي 

علي صوت خبط علي الباب 

ولما قام العمدة وفتح

سمعت صوت امي

وهي بتسأل عليا

فا قولتلها...انا هنا يا امي

اصلي منتظره لما يخرجوا الفأر من غرفتي

فا ردت امي بحسم

وقالتلي...الفأر هرب 

قومي ارحعي لغرفتك وسيبي العمدة ياخد راحتة في اوضتة

وفعلا..رجعت مع امي لغرفتي

وبمجرد ما دخلت الاوضة

امي سالتني

وقالتلي..سيبك بقي من حوار الفأر دا...

 وقوليلي انتي نزلتي تجري علي غرفة الضيافة  لية؟

فا تجاهلت سؤالها 

ورديت بحزن

وقلتلها...

انا عايزة اتكلم معاكي يا امي وارجوكي تسمعيني

فا ردت امي

وقالتلي..عايزة تقولي ايه

فا رديت

وقلتلها..ارجوكي تعالي نمشي من هنا وبلاش نقتلةالعمدة

فا ردت امي

وقالتلي..طب وعفريت شاكر

الي هيقتلك ؟

فا رديت بحماس

وقلتلها.. وايه الي اكدلك ان في  عفريت فعلا

فا ردت امي

وقالتلي..كلام ايمن قبل ما يموت ولا نسيتية

فا رديت 

وقلتلها..مش يمكن ايمن كان شارب حاجة ساعتها وبيقول اي كلام؟

فا ردت امي

وقالتلي..لا عفريت شاكر موجود فعلا

وانا بنفسي شوفتة في الحلم 

 لما قالي..ان محفوظ هيموت

وشوفت عفريت شاكر في الحقيقة كمان يوم الحريقة

ساعة ما ايمن مات

في اللحظة دي

استغربت من الي سمعتة من امي

وسالتها..

وقلتلها... و عفريت شاكر ظهرلك كده ادام الناس عادي

فا ردت امي

وقالت...ايوه وظهر للضابط والعمدة كمان عارف بوجود عفريت شاكر

وانتي بنفسك يا عبير سمعتي عفريت شاكر وهو بيتكلم

فا رديت بدهشة

وقلتلها.. لا بالراحة عليا

معلش عشان انا كده توهت منك يا امي

فكريني معلش انا سمعت امتي عفريت شاكر وهو بيتكلم؟

فا ردت امي 

وقالتلي..

فاكرة الشاهد الي شهد معاكي ادام الضابط

وقال انه شاف ايمن وهو بيخرجك من الحريقة؟

فا رديت

وقلتلها..ايوه فعلا انا فاكره الشاهد دا

دا حتي  هو قال للضابط ساعتها انة  جارنا 

وقال كمان انه اسمه ..

سعد عرفة

فا ردت امي بمفاجئة غير متوقعة

وقالتلي..

هو فعلا البيت دا بتاع واحد اسمة سعد عرفة

بس سعد عرفة دا

 مات مقتول في بيتة من عشر سنين

ومن يومها..

  وبيتة  مقفول... وفاضي

بقالة عشر سنين

وطالع اشاعة في البلد ان البيت مسكون

 بعدما سمعت كلام امي

دماغي عملت ايرورر

 والصواميل فكت كلها 

وهقولكم ليه

دلوقتي امي بتقول...

 ان الي شهد معايا هو عفريت شاكر

وممكن كمان يكون هو الي خرجني من الحريقة ...

ودا معناه ان عفريت شاكر حقيقة فعلا

بس كل دا مش مشكلة

المشكلة دلوقتي

ان العمدة شاف الشاهد  بعينة وصدق شهادتة 

بالرغم من ان  العمدة كان عارف 

 ان سعد عرفة مات من عشر سنين؟

طب تيجي ازاي دي........؟

لو عايز باقي احداث الرواية صلي علي رسول الله..وطبعا مش هننسي نضع عشر ملصقات مع تحياتي 

الكاتبة

حنان حسن