اذوب عشقا..الجزء الخامس للكاتبة حنان حسن

الجزء الخامس اذوب عشقا للكاتبة..حنان حسن بعدما دخلت غرفة صدام..اتأكدت ان امي كانت موجودة  في الاوضة عنده ودخلتها قبل كده لاني شو...

الجزء الخامس

اذوب عشقا

للكاتبة..حنان حسن

بعدما دخلت غرفة صدام..اتأكدت ان امي كانت موجودة  في الاوضة عنده

ودخلتها قبل كده

لاني شوفت الشال بتاعها علي السرير

والشال دا انا عمري ما اتوه عنه لاني انا الي كنت جايبهولها في عيد الام

وبمجرد ما شوفت الشال في غرفة صدام..اتأكدت من الكلام الي قالتهولي امي في الفويس ...

وعرفت ان صدام هو الي مسؤال عن اختفاء امي واختي

ووارد جدا يكون قت..&لهم هما الاتنين..لاني فتشت في البيت كلة وملقتش لهم اي اثر

وفي اللحظة دي

قررت اخد بثأر امي واختي من صدام

ايوه..العين بالعين وبالسن بالسن

وزي ما صدام قت..&لهم لازم يت...&قتل هو كمان

وبسرعة خرجت من غرفة صدام وانا عازمةعلي الانت..&قام

وكنت ناوية اروح علي غرفتي عشان افكر بهدوء واشوف هعمل ايه

لكن ..

قولت اروح لغرفة فيروز واتعامل عادي ..

لغاية ما اشوف انا هعمل ايه 

وهاخد حقي من صدام ازاي

وبالفعل روحت لفيروز ومارست عملي كا المعتاد

لغاية بليل

وبمجرد ما فيروز اتعشت و نامت

خرجت من اوضتها واتوجهت لغرفتي

لكن قبل ما اوصل لغرفتي

لقيت نسمة بتنادي عليا

وبتقولي..تعالي يا ريم عايزاكي

ولما اقتربت منها لقيتها بتمد ايديها ليا برزمة من الفلوس

وبتقولي...خدي يا ريم 

فا قلتلها ..ايه الفلوس دي؟

دا لسة معاد القبض مجاش؟

فا ردت نسمة

وقالتلي..الفلوس دي ملهاش علاقة بالقبض بتاعك

دي فلوس من صدام اخويا 

وهو الي طلب مني اني اعطيكي المبلغ دا 

لربما تحتاجي تشتري حاجة لنفسك

 

في اللحظة دي

استغربت تاني من تصرفات صدام 

ومن كرمة الغريب مع الناس

للكاتبة..حنان حسن

المهم..

بصيت للفلوس

وقلتلها...

لكن الفلوس دي كتير اوي..

 انا هعمل بيها ايه؟

فا ضغطت نسمة علي ايدي

وقالتلي..الفلوس معاكي اعملي بيها الي انتي عايزاه

وانا لو منك هخرج من النجمة واشتري كل الي نفسي فيه

بس ارجعي بسرعة عشان فيروز متفضلش لوحدها كتير

فا هزيت راسي وانا ببتسم

وقلتلها...شكرا

 

فا بادلتني نسمة الابتسامة

وقالتلي..

العفو علي ايه 

يلا ..تصبحي علي خير

فا قلتلها ..وانتي من اهلة

ورجعت لغرفتي

وبمجرد ما دخلت غرفتي

رميت الفلوس علي التربيزة

و فضلت افكر

واقول لنفسي

الشال الي لقيتة علي سرير صدام

دليل جديد بيأكد علي كل كلمة امي قالتهالي في الفويس 

وانا دلوقتي متأكدة من ادانة صدام

يبقي صدام لازم يت..&قتل

لكن....

 هقت..&لة ازاي بس؟

دا انا مقدرش اقت..&ل فرخة؟

طب اعمل ايه واتصرف ازاي...؟

انا محتاجة حد يساعدني

وفي اللحظة دي

افتكرت  منال اختي الكبيرة الي اتجوزت بدون علمنا وهربت مع زوجها ..المن..&حرف

وقلت لنفسي

منال لو كانت عرفت بالي حصل لامها كان ممكن تساعدني

اصل زوج منال كان له معارف شم..ال   كتير

وكان  ممكن زوجها يرشحلنا  حد من السوابق الي يعرفهم عشان يساعدونا في الت...&خلص من صدام

و في اللحظة دي

شعرت بالق..&هر وقلة الحيلة

لما افتكرت ان زوج اختي اخدها وطفش

ومش هقدر اوصلة

وكنت خلاص بدات اتصاب بالاحباط

لكن قبل ما شعور اليأس يتغلب عليا

رجعت قلت لنفسي

وانا هحتاج زوج منال 

في ايه ؟

لو كان زوج منال طفش ومنعرفلوش طريق

فا اصدقائة الي ميتخيروش عنة مازالوا موجودين

عندنا في الشارع بتاعنا

وبمجرد ما تذكرت اصدقاء زوج اختي

جه في دماغي فورا

( كمال الهرش)

ودا بلط...&جي مشهور

ساكن عندنا في الحتة ومعروف عنه انه بيت..&عارك بالاجر ...

وممكن يق..&تل برضوا بالاجر 

اصل كمال الهرش 

 م..&دمن 

ومش فارق معاه اي حاجة في الدنيا

والي اعرفة ان الناس اطلقوا علية اسم  (كمال الهرش)

 بسبب انه بيهرش ديما 

والهرش الي عنده  دا طبعا بسبب الاد..&مان 

للكاتبة..حنان حسن

المهم..

 لما افتكرت كمال الهرش..

شعرت اني اخيرا لقيت ضالتي

لاني افتكرت لحظتها..ان منال زمان كانت ديما تقولي..

ان كمال الهرش معجب بيا وعينة مني...

وانا كمان  كنت واخده بالي من تصرفاتة معايا..

وكنت ملاحظة .. انه هيموت عليا..

 بس انا كنت بتجاهلة لاني كنت بق..&رف  من

   من..&ظرة

بس دلوقتي للاسف

 انا مضطرة اني اتجاوب معاه 

وافهمة اني ببادلة نفس الشعور

عشان  يوافق  يساعدني اني انت..&قم ... من صدام

واجيب حق امي واختي منه

وبالفعل.. 

انتظرت اول ما نور الصبح  شقشق..

واخدت الفلوس ..

وغادرت بيت صدام 

واول ما نزلت روحت اشتريت موبيلةجديد

واشتريت خط

وبعدها.. ركبت ورجعت علي الحارة بتاعتنا

وبدل ما ادخل علي البيت بتاعنا...

روحت علي القهوة الي كمال بيبقي مرزوع عليها ديما

وكنت خايفة لا ملقهوش

وفضلت

 ادعي ربنا اني 

الاقية علي القهوة كا العادة

وبالفعل شوفتة قاعد بنفس قعدتة ...وماسك الش..&يشة في ايدة

فا اتعمدت امشي من ادامة بخطوات بطيئة عشان يجي جري ورايا كا العادة

وفعلا كمال شافني

و بمجرد ما عنية لمحتني

لقيتة جاي في ديلي

وبيلاغيني بكلمات المغازلة الرخيصة بتاعتة

فا التفت وبصيتلة ..

ودي كانت اول مره ابص في وشة واتحقق من وجهة

ولحظتها اخدت بالي من الخريطة الي مرسومة في وجهة

 ..بسنون  المط..اوي والس..&كاكين

المهم..

  ابتسمتلة

وقلتلة...ازيك يا كمال

فا رد كمال وهو فاشخ ضبتة 

وكان واضح انه مبسوط اني نطقت اسمة اخيرا

وقالي..ا زيك انتي يا ست البنات..

كفارة..ومبروك خروجك من الحبس 

علي فكرة انا ديما كنت بسال عليكي  الحاجة

فا ابتسمت

وقلتلة..

سألت عليك العافية يا كمال

معلش بس هو انا ممكن اسالك سؤال

فا رد كمال بحماس

وقالي..اه طبعا اسألي يا ست البنات

فا رديت

 وقلتله

هو انت لسة متعرفش طريق عابد جوز اختي منال

اصلي واقعة في مشكلة مع ناس ..وكنت محتجالة اوي

فا رد كمال

وقالي...

والعشرة دول ما اعرفلة طريق لغاية دلوقتي

 

لكن..ولا يهمك

الي كان هيعملة  عابد

جوز اختك..

 انا بعون الله اقدر اعمل اضعافة

قولي بس محتاجة لاية وانا سداد يا ست البنات

فا رديت وانا بمسح دموعي

وقلتلة ..

طب انا عايزاك في حوار

فا رد وقالي

طب اسبقيني علي درب الخ..رابة 

وانا هحصلك

وبالفعل...

روحت علي درب الخ..رابة

ودي منطقة فيها ارض فاضية كبيرة خالية من البشر

وبيرموا فيها القمامة

المهم..

لما جه كمال الهرش

طلب مني يعرف الحكاية ايه بالظبط

فا سردتلة الاتي..

وقلتلة..

الحكاية وما فيها

ان اختي ميار كانت وارثة ثروة كبيرة عن جوزها الي م..ات

وبعدها

جه شخص ضحك عليها واتجوزها

واخد فلوسها ...

وياريتة اكتفي بكده وبس

الا دا  غ..در بيها و ق..&تلها

 و قتل امي كمان

ودلوقتي ضاف ثروتها علي ثروتة واصبح من الاثرياء بعدما ورثها

 انا بقي عايزة اق..&تلة

و انتقم منه 

عشان اجيب حق اختي وامي

في اللحظة دي

سكت كمال شوية

وبعدها سالني

وقالي..

انتي بتقولي ان الشخص دا ثروتة كبيرة دلوقتي؟

فا قلتلة ..ايوه ثروتة تعدي الخمسين مليون 

اصل انا دخلت بيتة بالحيلة ..واشتغلت عنده 

فا عرفت كل حاجة عنة

فا رد كمال الهرش

وقالي.  

ماشي..

 انا ممكن اساعدك واخلصك منه

فا فرحت جدا

وقلتلة..انت بتتكلم جد؟

فا رد بثقة

وقالي..وجد الجد كمان

هاتي رقم اتواصل معاكي عليه

 

فا اعطيتة بسرعة رقمي واخدت رقمة

وكنت فاكرة اني هحصل علي خدمة مجانية من كمال الهرش

 لكن...بعدما كمال اخد رقم موبيلي

رجع سالني تاني

وقالي..

بس انتي هتستفادي ايه من م...وت الشخص دا

 ع الناشف كده؟

فا استغربت من مفرداتة الغريبة

وسالتة..

وقلتلة..يعني ايه موتة ع الناشف؟

فا وضح كمال مقصدة

وقالي..

 لما هتنتقمي من  الشخص دا

وتقت..&لية

الفلوس بتاعة اختك هتروح للورثة بتوعة

يبقي انتي كده استفدتي ايه؟

فا رديت 

وقلتلة..هستفاد اني ابقي انتقمت لاختي وامي

فا رجع سألني تاني

وقالي...

وانا هستفاد ايه؟

في اللحظة دي 

 وقفت مبلمة ادام سؤالة المفاجئ ومعرفتش ارد

فا كمل كلامة

وقالي...

انا ممكن اقترح عليكي فكرة

لو نفذتيها

هنطلع  انا وانتي منها كسبانين

فا بصتله بقلق

وسالتة

وقلتلة..صفقة ايه

فا رد كمال الهرش

وقالي...الصفقة هي انك (تتجوزية)...

وبمجرد ما يتكتب الكتاب ..انا هق...&تلة ..

وانتي تورثي

وبعدها  تدفعيلي خمسة مليون جنية ...

وساعتها هتبقي انتقمتي لامك واختك

وكمان  هتتمتعي  بباقي الميراث

في اللحظة دي

صرخت فيه

وقلتلة...جواز ايه ؟ وهباب ايه؟

انت عايزني اتجوز الي ق..تل اختي وامي؟

لا طبعا مش موافقة

وخلاص انسي الي قولتهولك

واعتبرني مقولتش اي حاجة

فا بصلي كمال

 وقالي..خلاص براحتك

فا سيبتة ومشيت

وانا بلعن في اليوم الي خلاني احتاج له...

المهم...

بعدما ما فشلت في محاولتي مع كمال الهرش

كان لازم ارجع

 تاني علي بيت صدام 

عشان انتقم لامي واختي بنفسي

لكن كان لازم اروح الاول اشتري اي حاجة

عشان ابرر سبب غيابي الفترة دي كلها عن البيت

وبالفعل روحت علي مول كبير ...واشتريت شوية حاجات ليا

واشتريت كمان لعبة لفيروز

واثناء ما كنت بمر من علي محلات الفضة...

لمحت سلسلة شيك جدا مصنوعة من الفضة 

و فيها دلاية علي هيئة قلب بيتفتح وجوه القلب مكتوب 

 كلمة ( اذوب عشقا)

بصراحة السلسلة كلها كان شكلها جميل

فا طلبت من صاحب المحل  يجيب اتنين

واحده ليا وواحدة لنسمة

اصلي  حبيت نسمة وفيروز اوي ..

 وكنت فصلاهم عن قضيتي مع صدام

المهم ..

بعدما اشتريت الحاجة بتاعتي

رجعت علي الكمبوند

وبمجرد ما دخلت البيت

روحت علي غرفتي

وبعدما دخلت الحاجة الي اشترتها في اوضتي

اخدت الهدايا

وروحت علي غرفة فيروز

وبالصدفة لقيت نسمة هناك

ولما فيروز شافت الشنطة الي فيها الهدايا في ايدي

اخدتها مني...

في اللحظة دي

انا كنت نسيت خالص

ان الهدية بتاعة نسمة في شنطة الهدايا بتاعة فيروز

ولما ملقتهاش في ايدي

اعتقدت اني نسيت الهدية بتاعة نسمة في غرفتي

فا رجعت تاني لغرفتي

عشان اجيب السلسلة لكن ملقتش غير سلسلة واحدة بس

فا افتكرت اني نسيت السلسلة التانية في المحل

المهم

 جيبت السلسلة الوحيدة الي لقيتها

وروحت اعطتها لنسمة

وبالرغم من ان الهدية كانت بسيطة

 لكن نسمة فرحت بيها جدا

المهم...

قضيت  اليوم كله في غرفة فيروز

وعلي المغرب كده

اتفاجئت بدخول صدام علينا

وكنت فاكراه هيخرج اول ما يتفاجئ بيا في غرفة فيروز

لكن الي حصل...

ان صدام قلع الجاكت بتاع البدلة 

ودخل يلعب مع فيروز كا العادة

وبعد شوية

جالة اتصال علي الموبيل بتاعة

وبدل ما يروح علي مكتبة ويرد علي المكالمة الي جاية له

دخل البلكونة الي في غرفة فيروز ورد علي المكالمة

في الوقت دا بصيت علي فيروز

لقيتها بتلبس الجاكت بتاع صدم

وعمالة تبهدل فيه

 وكان مفروض اني اخده منها

لكن

قلت يت...&حرق الجاكيت..وصاحب الجاكيت

لكن...بعد شوية سمعت صدام بينهي المحادثة 

وفهمت انه قرب يرجع مكانة في غرفة فيروز

فاروحت اخدت الجاكت من ايد فيروز بسرعة

قبل ما صدام يرجع ويشوفها وهي 

بتحاول تحط اللعب بتاعتها في جيب الجاكيت

وبالفعل لحقتها..واخدت الجاكت 

لكن... قبل ما ارجع الجاكت مكانة

كان صدام دخل وشافني وانا ماسكة الجاكيت

فا حاولت ابرر مسكتي للجاكت

فا مديت ايدي له بالجاكيت

وقلتلة...

فيروز كانت هتلبس الجاكيت عشان كده اخدتة منها

فا مد ايده 

واخد الجاكت...

وسابني وخرج من الغرفة

المهم

بعدما انتهي اليوم

نيمت فيروز

ورجعت علي غرفتي كا العادة

لكن قبل ما اوصل لغرفتي

سمعت صوت صدام بينادي عليا لاول مره

وبيقولي ..ريم

فا  اتجهت ناحيتة 

وقلتلة ..نعم

 

فا لقيتة بيقرب مني بمنتهي الرقة

وبيقولي..

بعد كده لما تفكري تهادي  حد بهدية.. 

ابقي اديهالة في ايده

بلاش تحطيهالة في الجاكت

فا بصيتلة بتعجب 

لاني مكنتش فاهمة هو بيتكلم عن ايه؟

وقبل ما ارد واسألة

واقولة ..انت بتتكلم عن ايه؟

لقيتة نهي كلامة

 وقالي... تصبحي علي خير

فا رديت وانا مستغربة

 وقلتلة...

وانت من اهلة

وبعدها كملت في طريقي لغرفتي تاني

وفضلت لغاية ما دخلت الاوضة

وانا بفكر في كلام صدام

وقعدت اقول لنفسي

  هدية ايه الي كان بيتكلم عنها دي؟

واثناء ما كنت بفكر في موضوع الهدية

سمعت صوت رنين موبيلي الجديد لاول مرة

فا روحت بسرعة رديت عشان اشوف مين الي بيرن عليا

وفي اللحظة دي

سمعت (صوتي)

في الموبيل الي بيتصل عليا

 ايوه... دا صوتي انا فعلا

فا بدات اركز اكتر في المكالمة

وفي اللحظة دي

عرفت ان كمال الهرش كان بيسجلي اتفاقي معاه   علي مق..&تل صدام 

واتصل بيا عشان يسمعهولي

ودا معناه ان الي بيتصل بيا وبيساومني بالتسجيل

هو كمال

وبعدما التسجيل انتهي

لقيت كمال بيكلمني

وبيقولي ..

انا مشيت وراكي وعرفت مكان بيت ميار الي انتي عايشة فية دلوقتي

ونهي كمال الهرش كلامة بتهديدي

وقالي... 

اظن دلوقتي بقي لازم نتمم اتفاقنا

والا.......

في اللخظة دي

 عرفت ان كمال الهرش

 بيضغط عليا عشان  اوافق علي فكرتة

ويظهر اني لازم انفذ فكرة الهرش

فاكرين الفكرة الي قالهالي كمال الهرش كانت اية......؟

لو عايز باقي اخداث الرواية صلي علي رسول الله وطبغا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن