حضن عشماوي الجزء السابع عشر والاخير للكاتبة..حنان حسن انا حاولت قت&ل جوز امي عشان كان عايز يقيم معايا علاقة محرمة و ...
الجزء السابع عشر
والاخير
للكاتبة..حنان حسن
انا حاولت قت&ل جوز امي عشان كان عايز يقيم معايا علاقة محرمة و ينام معايا بالغصب
دي الاجابة الي كان مفروض اقولها لحضرة الضابط
اثناء ما كان بيتكتب المحضر في القسم
وهو بيسألني
وبيقولي..
لية حاولتي تقت&لي جوز امك يا ملك؟
لكن طبعا استحالة كنت هصرح بالاجابة دي
ومحمد زوجي واقف
في اللحظة دي
سمعت صوت شخص
بيجاوب بدل مني وبيقول
انا عندي شهادة وعايزة اجاوب علي السؤال دا
فا التفت باتجاه الصوت
واتفاجئت بسعدية الشغالة
ولقيتها اقتربت من المكتب بتاع الضابط
وقالتلة...
انا سعدية الي بشتغل في الفيلا عند الست ملك...
و كتير كنت بشوف سعيد بيه (زوج امها )
بيلاحقها بنظراتة ومضايقاتة
واكتر من مرة كنت بشوفة بيحاول يتحرش بيها
وبالرغم من ان الست ملك كانت ديما بتصدة لكن هو مكنش بيرجع عن مدايقتها
ولو كانت فعلا الست ملك حاولت تقتلة فا هيبقي عشان السبب دا
فا بصلي الضابط
وسألني
وقالي..الكلام دا صحيح يا ملك؟
وهنا لقيت نفسي مضطرة اجاوب
فا هزيت راسي
وقلت..ايوه
كل الي قالتة سعدية حصل فعلا
لكن...انا مقتلتوش
وكررت كلامي تاني...
وقلت...
صدقني يا فندم انا مقتلتش جوز امي
ولا ليا اي علاقة بالهجام الي قتلة
في اللحظة دي
انا اعتقدت ان محمد هيصرخ فينا انا وسعدية ويكدبنا
عشان ينقذ سمعة ابوه
لكن الغريبة ان محمد
اقر علي شهادتي انا و سعدية
واقترب محمد من الضابط وخرج من جيبة موبيل واعطاه للضابط
وقالة...الموبيل دا بتاع المجني علية (ابويا)
ولو حضرتك فتحت الموبيل هتتأكد من كل كلمة اتقالت دلوقتي
في اللحظة دي
انا استغربت من امر الموبيل الي في ايد محمد
لان انا قبل كده كنت مسحت كل البيانات من علي الموبيل بتاع سعيد جوز امي
يبقي ايه الموبيل الي مع محمد دلوقتي دا؟
المهم...
اخد الضابط الموبيل وفتحة بالفعل
وبعدما تصفح في الموبيل شوية
بص لاميرة
ووجه لها باقي الاسألة
وبعدما انتهي الضابط من كتابة المحضر
حولنا جميعا للنيابة
وهناك حققوا معايا تاني واول ما لقيتهم بياخدوني
للكشف الطبي
قلت ..كده انا انتهيت خلاص
و كلها كام يوم وابقي في حضن عشماوي
لكن المحامي الكبير الي كان محمد موكلة
كان ديما بيطمني وبيقولي متخافيش
انتي موقفك كويس في القضية
وهتخرجي براءة قريب جدا
فا رديت عليه بيأس
وقلتلة..هخرج ازاي بس
دي اميرة اعترفت عليا وقالتلهم علي موضوع جعفر الي انا اجرتة
واتهمتني كمان بان سعيد جوز امي كان بيقيم معايا علاقة محرمة بقالة سنين
فا رد المحامي
وقالي..ايوه بس انتي انكرتي ادعائها زي منا طلبت منك
ولحسن حظك ان موبيل اميرة اختفي اصلا
والكشف الطبي
وتحليل الحمض النووي الي عملوه ليكي
اثبت ان الحمل الي في بطنك بينسب لمحمد جوزك
يعني مفيش دليل علي ادعائها
وقبل ما المحامي يكمل كلامة
وقفتة..وسألتة
وقلت..انت بتقول ان تحليل الحمض النووي اثبت ان الحمل الي في بطني يبقي ابن محمد؟
فا رد المحامي بثقة
وقالي...ايوه طبعا
وانا اطلعت علي نسخة من نتيجة التحليل بنفسي
فا استغربت اوي من المعلومة دي لكن...حمدت ربنا في سري
ولقيت المحامي بيكمل كلامة
وبيقولي ...
وحتي لو في دليل واحد علي كلام اميرة
فا جعفر الي انتي اتفقتي معاه مات ...
والتحريات اثبتت انه قبل موتة ..
مدخلش الفيلا اصلا... يعني ملوش اي صلة بقتل جوز امك
فا بالتالي..انتي كمان ملكيش علاقة بجريمة قتل سعيد عامر
دا غير ان اميرة اعترفت علي نفسها
بانها هي الي اجرت الهجام الي قتل جوز امك بمعرفتها
فا بصيت للمحامي بقلق
وسالتة تاني
وقلت..حتي لو خرجت من قضية قتل سعيد جوز امي
فا انا اعترفت عشان اخرج محمد
وقلتلهم ...اني قتلت الهجام...
وضربتة طلقة في قلبة
فا رد المحامي تاني
وحاول يبسطلي الامر
وقالي..انتي دافعتي عن شرفك ..
والدليل علي كده...
انهم وجدوا الهجام ميت في بيتك وفي غرفة نومك وهو عريان
يعني واقعة القتل هتصنف علي انها دفاع عن الشرف
وطالما التحقيقات اثبتت ان الهجام كان داخل البيت عندك ومعاه سلاح... وفي نيتة
القتل والاغتصاب
يبقي من حقك الدفاع عن نفسك
و بردوا القضية دي موقفك فيها معروف وهتخرجي منها
بسهولة
وبالرغم من ان كلام المحامي كان مفروض يخليني اطمن
لكن بردوا كنت قلقانة وخايفة
وكل يوم كنت بحلم بعشماوي
لكن ...
بعد كام يوم
اتفاجئت بان المحامي قدر فعلا يخرجني منها
ولقيتهم بيفرجوا عني
فا فرحت اوي لدرجة اني بكيت من الفرحة
وحمدت ربنا انه ازاح الغمة
والي فرحني اكتر
اني عرفت ان
محمد كان مع المحامي خطوة بخطوة
وبعدما انتهت اجراءت الافراج
وبقيت حرة
اخدني محمد من ايدي
وركبني العربية بتاعتة
فسألتة..
وقلتلة...احنا هنروح فين؟
فا رد محمد
وقالي..اسكتي خالص
ومش عايز اسمع ولا كلمة
وطلع محمد بالسيارة
بدون ما يتكلم معايا ولا يبص ناحيتي حتي
فا قلت لنفسي
واضح كده ان محمد كان بيخلصني من عقاب البوليس
عشان ياخد ثأر ابوه بنفسة
وفضلت طول الطريق متوترة
وبسأل نفسي
ياتري ناويلي علي اية يا محمد
وفضلت علي هلعي دا
لغاية ما وصلنا لباب الفيلا بتاعة محمد
وبرضوا بدون ما يتكلم
اخدني محمد وطلعنا لغرفتي فوق
وبعدما دخلني لغرفتي
حاولت ادافع عن نفسي
واشرح لمحمد الي حصل بالظبط
فا قلتلة..علي فكرة يا محمد
انا بعترف فعلا اني اجرت جعفر عشان يقتل ابوك
ودا لانة كان بيساومني بين اني امارس معاه علاقة محرمة
وبين انة يوافق علي عمل العملية لامي
وعموما في الاخر جعفر مقتلوش
يعني انا مليش اي صلة بقتل ابوك
فا رد محمد
وقالي...(عارف)
فا كملت في محاولة تبرئة نفسي
وقلت...
وتعرف كمان ان نتيجة الحمض النووي اثبتت ان الي في بطني يبقي ابنك انت ؟
فا رد محمد عليا
رد مفاجئي تاني
وقالي...عارف
وبدل ما يكتفي محمد بمفاجئتي بانة كان عارف
بالي قولتهولة
كمل في الكشف عن باقي المفاجئات
وقالي...
وعارف كمان ان مفيش حاجة حصلت بينك وبين ابويا
لان ابويا ملحقش يعمل معاكي حاجة اصلا
فا رديت علية بسؤال
وقلت..انت جيبت منين المعلومات دي؟
وازاي اعطيت موبيل جوز امي للضابط
عشان يشوف الادلة عليه؟
والموبيل مكنش عليه بيانات اصلا؟
فا رد ببساطة
وقالي..
اولا.... معلوماتي اخدتها من مصدر موثوق
واتأكدت منها بنفسي
وبالنسبة لقصة الموبيل بتاع ابويا..فا هتعرفيها لما تعرفي مصدري
قلت..انا مصممة اني اعرف ايه مصدرك دلوقتي؟
فا رد محمد
وقالي...قبل ما اعلن عن مصدري
عايز اجاوبك علي سؤال كنتي سألتية ليا قبل كده وانا مردتش عليه
لما قولتيلي ..اية سبب القطيعة الي كانت بينك وبين ابوك
قلت ..ايه السبب؟
فا رد محمد علي سؤالي
وقال
سبب القطيعة
حصل من زمان..
ايامها كنا مازلنا اطفال
وكنا عايشين انا ..واميرة.. واختي الصغيرة
الي كان عمرها ١٤ سنة في الفيلا هنا مع بعض
وفي يوم..جت اميرة وقالت لامي ان ابوها بيجبرها هي واختي علي ممارسة الجنس معاه غصب عنهن
ونبهت اميرة علي امي انها متقولوش بانها فتشت سرة
لا يعاقبها
وفعلا..امي معرفتهوش بان اميرة قالت حاجة
لكن فضلت تراقبة
لغاية ما شافتة بعنيها
ولما اتأكدت ..
خافت تشهر بيه عشان الفضيحة
واكتفت بانها طلبت منه الطلاق
واخدتني انا واختي وسافرت للبلد الي كان عايش فيها جدي بره
في الوقت دا انا مكنتش فاهم الي بيحصل
ولا كنت عارف ايه سبب معاملة امي القاسية مع اختي
وبعدما جدي مات طلبت من امي اننا نرجع نعيش مع بابا
فا صرخت في وجهي
وقالتلي..انسي ان ليك اب
وكنت كل ما اسأل علي ابويا
امي كانت بتعنفني
فا صممت اني لازم اتركها وارجع لابويا
ساعتها بس امي كشفتلي عن الحقيقة البشعة
ولما اختي سمعتها وهي بتفضح السر
و بتقولي علي الي حصل بين اختي وبين ابوها ...
حاولت تهرب من البيت
وعشان احنا ساعتها كنا في الصالة
وكنا بنفصل بينها وبين باب الشقة
فا حاولت تتسلل من البلكونة بتاعة الشقة الي كنا فيها
لبلكونة الجيران
فا اختل توازنها ووقعت من الدور السابع وماتت
وبعدها..
امي ماتت وراها حزنا عليها
وانا بعدها ...
قررت انسي اني ليا اب
لكن... كنت بتابع اخبار اميرة من خلال الفيس بوك
لاني كنت متعاطف معاها
وكنت فاهم انها ضحية وملهاش ذنب
وفي يوم اتفاجئت ان اميرة منزلة خبر بوفاة ابويا
فا نزلت مصر علي الفور
وبمجرد ما وصلت للفيلا
عرفت ان ابويا مات مقتول
فا فضلت افر في اوراقة
عشان اتطلع علي ممتلكاتة
واشوف الميراث الي هورثة
وفجاءة افتكرت الخزنة السرية بتاعتة الي في الحيطة
الي كنت بشوفة زمان بيخفي فيها اوراقة المهمة
ولما فتحت الخزنة
لقيت فعلا فيها اوراق مهمة لكن لقيت كمان (موبيل تاني) لابويا
فا فضلت احاول لغاية ما فتحت الموبيل
وفي الموبيل
شوفت بلاوي
وفيديوهات كتير قذرة
وكانت معظم الفيديوهات مع
اميرة
وملقتش غير فيديوا واحد بس ليكي يا ملك
والفيديوا كان جايبة وهو بيتصور جنبك وانتي نايمة
وكان واضح انه عايز الفيديوا يبين ان في بينكم علاقة
لكن واضح انه ملحقش يعمل معاكي حاجة
لان في نفس الفيديوا
دخلت امك عليه
وكان واضح في الفيديوا انها كانت بتثور علي زوجها
فا قام ابويا باسكاتها و اخدها ابويا بسرعة وخرج من الغرفة
وانتهي الفيديوا علي كده
وكمل محمد في سردة
وقال...
بالرغم من اني شوفت الفيديوهات الفظيعة دي
معرفش لية كنت مستبعدك من الشك يا ملك
لكن...
كنت شاكك في اميرة
وقلت اكيد اميرة لها صلة بقتل ابويا
لكن برضوا
حبيت اتأكد ان كنتي متورطة معاها
ولا لا؟
وقلت لنفسي
ان افضل فكرة
اني اعطي لملك الموبيل بتاع ابويا بحجة اني مش عارف الباسورد
ان لو ملك فكرت تمسح بيانات الموبيل بتاع سعيد عامر
تبقي عارفة بامر الفيديوا وفي علاقة بينهم بالفعل
وممكن تكون متورطة في قتل ابويا
انما لو تركت الموبيل زي ما هو
فا كده ملك هتبقي بريئة
فا نقلت كل البيانات علي موبيل تاني
وعملت نفسي مش عارف الباسورد بتاع موبيل ابويا
وطلبت منك تفتحية
ولما اخدتي مني الموبيل ومسحتي البيانات
عرفت انك عارفة الباسورد
وعرفت كمان انك بتكدبي
فا شكيت ان تكوني انتي او اميرة.. الي قتلتوا ابويا
فا قررت اني اقعدك معايا هنا في البيت عشان تبقي تحت عيني انتي وهي
واراقب تصرفاتكم
وكان مفروض اجيب امك معاكي
لكن لما شوفت العدوانية والشراسة الي في اميرة
خوفت لا تقع جريمة قتل تانية...واميرة تقتل امك
وكان الحل ان امك تختفي
من الصورة نهائي
وتختفي عين اميرة تحديدا
فا فكرت اني انقل امك لمستشفي تاني
فا كلفت صديقة ليا في مصر كنت اتعرفت عليها من خلال النت
وعملتهلها خدمات كتير
وطلبت منها ترتدي نقاب و تروح المستشفي الي فيها امك
وتفهمها...ان ملك في خطر واميرةبتحتجزها
ومش هتتركها غير لما امها تيجي تاخدها
وبالفعل امك صدقت وراحت معاها عشان تنقذك
واخدتها صديقتي بالفعل وهربتها من المستشفي بعدما فهمت الممرضات بانها تبقي بنتها
في اللحظة دي
وقفت محمد عن الكلام
وسالتة بلهفة
وقلت...يعني انت الي كنت واخد امي من المستشفي يا محمد؟
فا رد محمد
وقالي..اسمعي للاخر
ومتقاطعنيش لو سمحتي
وكمل محمد في السرد
وقالي..بعدها انا شعرت انك انسانة طيبةوفيكي براءة طفولية
ولاحظت انك بتختلفي عن اميرة خالص
وقلت اني ممكن اكون ظالمك
فا قررت اني اروح لامك المستشفي الي هي فيها عشان اعرف حقيقة امرك
وهناك امك فسرتلي حقيقة الفيديوا الي انا شوفتة
وفهمت منها انها كانت بتشك في زوجها وفي اهتمامة المبالغ ببنتها
ولما خافت عليكي وضعت كاميرات مراقبة في غرفتك ووصلتها بالموبيل بتاعها
واول ما شافت سعيد داخل لغرفتك
من خلال الكاميرات
دخلت علية فجاءة وهددتة بانها هتفضحة
فا هددها هو وقلها انه صور بنتها فيديوا
ولو اتكلمت هينشر الفيديوا
لكن لو سكتت هيتوب عن العمايل دي وهيمسح الفيديوا ومعدش هيقرب من بنتها تاني
فا سكتت امك
واوهمتة بانها صدقتة وهتكمل معاه
لكن هي كانت بتجارية
لغاية ما تاخد الموبيل بتاعة وتمسح الفيديوا من عليه
وتاخدك وتمشي
وبالفعل فضلت وراه لغاية ما اخدت الموبيل الي كان بيشيلة معاه
ولما فتشت فيه وجدت الفيديوا
واكتشفت انه كان بيكدب عليها لانة بدل ما يمسح الفيديوا عملة مونتاج
ومسح الجزئية الي ظهرت فيها هي في الفيديوا فقط
فامسحت امك الفيديوا
ومكنتش تعرف ان الفيديوا موجود بدون مونتاج علي موبيل تاني خالص
في اللحظة دي
رجعت اسأل محمد تاني
وقلت ..يعني امي هي الي قالتلك المعلومات دي كلها؟
فا رد محمد
وقالي ..طالما عرفتي كل حاجة
يبقي دلوقتي اقدر اكشف عن المصدر بتاعي
ونادي محمد علي شخص من خلف الباب
وقال...المصدر بتاعي يتفضل
وفي اللحظة دي
شوفت امي ادامي اخيررررا
فا صرخت وجريت عليها واترميت في حضنها
وكمل محمد كلامة
وقالي...
امك كانت المصدر بتاعي يا ملك
وهي الي اخدت منها المعلومة
و بعدها اتأكدت بنفسي انك عذراء
فسالتة
وقلت..
..اتاكدت امتي وازاي اني عذراء؟
فا رد محمد بخجل
وقالي..
يوم ما لبستنيي الساعة
ولبستي ساعتك
لاحظت ان تصرفاتك غريبة
فا شكيت في امر الساعة بتاعتي وقلعتها...
وكنت بحاول افهمك ان في حاجة غلط
لكن انتي اترميتي في حاضني ساعتها وطلبتي مني اني احضنك
وغصب عني يومها ضعفت
وحصلت بينا علاقة
واتاكدت ساعتها انك عذراء
بعدما عرفت كل المعلومات الجديدة دي
كان ناقص معلومة مهمة
وهي ..
الموبيل بتاعي
راح فين؟
ومين الي اخده؟
فا رد محمد ببساطة
وقالي..انا اخدت الموبيل بتاعك وخفيتة قبل ما اميرة تلاقية وترجعةتهددك تاني
وانا برضوا الي اخدت موبيل اميرة ومسحت من علية كل البيانات
عشان ميبقاش معاها دليل ضدك
في اللحظة دي
حمدت ربنا
لما لقيت كل مشاكلي اتحلت
امي رجعتلي..واتبرئت من جرايم القتل الي كانت عاملة زي الكابوس...والجنين الي في بطني طلع ابن محمد
وجوز امي ملمسنيش يعني محمد يحل ليا فعلا
ولقيتني بعيط تاني م الفرحة
فا ضمتني امي لحضنها
وقالتلي...انا اسفة
انا مكنش مفروض اتجوز وادخل علي بنتي راجل غريب
فا رديت وانا بستخبي في حضنها
وقلت...الدنيا بقي فيها ناس بشعة اوي يا امي
ازاي سعيد يبقي متبني اميرة ويتحول شعور الابوة في لحظة لشهوة محمومة؟
وهنا اتدخل محمد
ورد علي سؤالي
وقالي...التبني حرام
والي حصل بين اميرة وابويا
سبب من اسباب التحريم
وكمل محمد كلامة بتأثر
وقال...علي اد فظاعة الجرايم الي ابويا ارتكبها
علي اد اشفاقي علية دلوقتي
مش عارف ازاي ابويا هيسدد فاتورة الذنوب الكبيرة الي ارتكبها دي
دا زنا المحارم لوحده كبيرة من الكبائر...
وعقوبتة اغلظ من الزنا بالاجانب
عشان كده
مينفعش البنت تنام جنب اخوها الشاب ونقول ايه يعني دول اخوات...وقيسوا علي كده كل زوي المحارم
قلت لا مش فاهمة الجزئية دي؟
فا وضح محمد المعلومة اكتر
وقال...
لما امرنا الرسول صلي الله علية وسلم
وقال
و(فرقوا بينهم في المضاجع)
مكنش قاصد التفريق بين الذكور والاناث فقط ... ولا الاخوات فقط
لا ...المقصود بالتفرقة في المضاجع كان( في المطلق)
فا ردت امي
وقالت...لو سعيد كان يعرف ان الموت قريب منه اوي كده
وانه هيتحاسب علي كل الي بيعملة
اكيد مكنش قرب من المحرمات الي راح بيها لربنا دي
فا بصلي محمد
وقالي...انا عايزك تعملي زي منا هعمل يا ملك
و تنسي كل الي فات
واعتبري انك اتولدتي النهاردة بس
وتعالي بقي نبدء جوازنا الي مش عايز يبدء ده
و قرب مني محمد عشان يضمني
لكن انا اتكسفت وبعدت عنة
وقلتلة احترم نفسك امي واقفة
فا ابتسمت ماما وتركتنا
وخرجت من الاوضة
فا قلتلة ..نعم يا محمد؟
عايز ايه دلوقتي؟
في اللحظة دي
لقيت محمد بيشاورلي علي السرير
و بيقولي..
شايفة السرير الي هناك ده
فا بصيت للسرير
وقلت..مالة؟
فا رد محمد
وقالي..اصلي قرات كتاب عن الطاقة الايجابية
وبيقولك اننا مش هنشعر بالطاقة الايجابية غير واحنا مع بعض علي السرير دا بالذات
فا ضحكت لاول مره من قلبي
بدون خوف... وبدون رعب
واحتميت في حضن جوزي
ومبقاش في حاجة اسمها...(حضن عشماوي).
الرواية كده خلصت
بس قبل ما انهي
عايزة اقولكم
اسفة من بشاعة الاحداث
القصة فكرتها مستوحاه
من جريمة زنا المحارم
حدثت بالفعل
انا اخدت الفكرة فقط
من الجريمة الي قرائتها
ونسجت منها رواية
عشان ادق بيها ناقوس الخطر كا العادة
بس صدقوني انا خففت علي قد ما اقدر وانا بوصل الصورة
عن زن&ا المحارم
لان في الواقع بيحصل افظع من كده
ربنا يعافينا ويعافيكم
اتمني تكون الرواية عجبتكم
لو عجبتك الرواية
ضع ولو تعليقا واحد يشجعني علي سرد المزيد من الروايات
واخيرا
بحبكم جميعا في الله
والي اللقاء مع رواية جديدة من رواياتي
مع تحياتي
الكاتبة
حنان حسن
روعة الروعه والجمال في السرد
ردحذفروايه جميله جدا ودائما في إبداع
ردحذفابدعتي
ردحذفتمام التمام
ردحذفاللهم صل وسلم وبارك على سيدنا محمد وعلى أهله وأصحابه أجمعين
ردحذفروايه تحفه كالعاده انتي مبدعه ياحنان حقيقي اتمني لك التوفيق والنجاح الدائم
ردحذفجميلة جدا 👍👍👏👏
ردحذفرائعة جدا 👏🏻🌹
ردحذفربنا يوفقك
ردحذفابدعتي فعلا بالتوفيق دائما
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفيعطيكي الف عافية على ابداعك في توصيل الفكرة للقضية و للاسف انها منتشرة بشكل مخيف و السبب طبعا عدم انتباه الاهل لتربية ابنائهم و تثقيفهم دينيا ... عافانا او ربي يحمي ابنائنا من كل شر
ردحذففي انتظار جديدكي غاليتي
ردحذف