حضن عشماوي الجزء االرابع عشر للكاتبة..حنان حسن جعفر الي كان بيدعوني لممارسة الرزيلة معاه من شوية .. وكمان كان بيطلب مني اني اق&...
الجزء االرابع عشر
للكاتبة..حنان حسن
جعفر الي كان بيدعوني لممارسة الرزيلة معاه من شوية ..
وكمان كان بيطلب مني اني اق&تل محمد..
اتفاجئت انه (مطلعش جعفر)
ودا عرفتة لما يمني صاحبتي ورتني صورة جعفر الحقيقي (خطيب منال)
علي الفيس بوك
فا طلبت من يمني انها تاخدني لبيت منال صاحبتها عشان اتأكد من المعلومة بنفسي
وبالفعل خرجنا انا ويمني في الحال و عملنا زيارة لبيت منال
وهناك اتأكدت من منال ان جعفر خطيبها (مات محروق) في السجن من اسبوع
وبعدما ما اتاكدت من المعلومة رحعت علي البيت وانا بكلم نفسي
وحرفيا مبقتش فاهمة حاجة
لما جعفر مات في السجن؟
امال مين الشخص المخيف الي كان مطلع عين اهلي
وكان بيخيرني ما بين اني انام معاه او اق$تل محمد؟
دا اداني اكتر من امارة علي انه هو جعفر؟
التبرير الوحيد للي بيحصل دا
هو ان يكون جعفر لما لقي نفسة اتحبس ..
كلف واحد من المجرمين الي يعرفهم...
عشان يبتزني ويطلع مني بمصلحة
وطبعا المجرم الي انتحل شخصية جعفر
استغل المعلومات الي هو عارفها وخيرني ما بين قتل محمد ومبين اني اقيم معاه علاقة محرمة
وتلاقية كان فاكر اني هخاف اني امسك المسدس واقتل محمد
وهستسهل اقامة العلاقة ياها
لكن الي حصل اني مخوفتش وقتلتة بالمسدس بتاعة
ايوه بالظبط كده
هو دا التوقع المنطقي لسبب وجود منتحل شخصية جعفر
هنا
وبصراحة ارتحت بعدما توصلت للتوقعات دي
لان التوقع دا معناه..
ان جعفر وصاحبة المجرم ماتوا واخدوا السر بتاعي معاهم
للكاتبة..حنان حسن
وفي اللحظة دي
اتنفست بارتياح وحسيت اني اخيرا خلصت من مصدر التهديدات الي كانت منغصة عليا حياتي
وخرجت من غرفتي وروحت علي غرفة اميرة وانا بغني وسعيدة
ولما لقيتها ساكتة
ومش بتطردني كا العادة
دخلت علي ركن القهوة بتاعها
الي هي عاملاه في غرفتها
وعملت كوبيتين نسكافية
وقدمت لها كوباية
وانا بقولها...عملتلك نسكافية بايدي يا ميرو
فا بصتلي اميرة بغضب
واخدت النسكافية ودخلت علي الحمام وسكبتة في الحوض
وبعدها رجعت تبصلي بغضب
وقالتلي...
يابرودك يا شيخة
بقي بتغني.. وليكي نفس تشربي نسكافية
وعايشة حياتك؟
ومحمد الي ضحي بنفسة عشانك مرمي في الحجز ومش عارفين مصيرة هيكون اية؟
فا رديت وانا ببتسم بهدوء
وقلت..غريبة انك زعلانة علي محمد
الي يشوفك من كام يوم وانتي بتغصييني علي قتل محمد
ميشوفيكيش وانتي محروقة عشانة دلوقتي اوي
فا بصتلي اميرة بعنيها الي مليانة غل
وهددتني
وقالتلي ..
علي فكرة انا ممكن اروح للبوليس حالا
واشهد عليكي واقولهم
انك قتلتي ابويا..
وقتلتي الهجام كمان
وساعتها محمد الي بيضحي بنفسة عشانك..هياخد روحك قبل عشماوي
فا ابتسمت تاني بنفس البرود وانا برد علي اميرة
وقلتلها...
اولا...
متخافيش علي محمد
لان موقفة من القضية معروف وهيخرج براءة في كل الاحوال
وبالنسبة لاعترافك عليا فا انا معرفش حاجة عن الي انتي بتقولية
ولو عندك دليل قدمية
بس خلي بالك اني انا ساعتها مش هسكت
وهسمع محمد التسجيل بتاعك اثناء اتفاقك معايا علي قتلة
للكاتبة ..حنان حسن
في اللحظة دي
التزمت اميرة الصمت
وفضلت تبصلي بغل بدون ما تتكلم
فا غيرت انا الكلام
وانا بحط كوباية النسكافية
علي التربيزة
وقلتلها..
ايه رايك يا اميرة
تعالي نصفي الي بينا ونحاول نعيش حياة هادية بدون منغصات
وانا اوعدك اني هبقي اخت تانية ليكي
فا بصتلي اميرة
وقالتلي..مفيش الكلام دا
احنا بينا دم يا شاطرة
ومسيري هاخد بثأر ابويا
وانا لو منك اخد ديلي في سناني واهرب بجلدي من البيت دا فورا
فارديت بنبرة كلها تحدي
وقلتلها..
بصي يا اميرة
البيت دا دلقوتي بقي بيتي انا
وطالما مش موافقة تعيشي معايا في سلام
يبقي متزعليش من الي جاي
وتركت اميرة في غرفتها
وانا متأكدة ان حقدها وكرهها ليا زادوا اضعاف
لكن برضوا مكنش شاغلني امر اميرة
لانها متعرفش ان الموبيل بتاعي ضاع
ولسة فاكرة اني مازلت ماسكة عليها التسجيلات الي بتدينها
للكاتبة ..حنان حسن
المهم...
رجعت لغرفتي وقفلت علي نفسي بالترباس.. ونمت لاول مرة وانا مرتاحة نفسيا ومطمنة
لكن ...بعدما روحت في النوم
صحيت تاني علي صوت بيهمس في وداني
وبيقولي...انا قرين سعيد
ولازم اخد بثأرة
فا فتحت عنيا بسرعة
واتفاجئت ادامي
بنفس الراجل الي كان منتحل شخصية جعفر
فا قمت قعدت علي سريري
وانا بقول ..اعوذوا بالله من الشيطان الرجيم
وكنت فاكرة نفسي اني بحلم بكابوس مزعج
او يمكن اكون اتأثرت بكلام اميرة فا بحلم بكلامها
لكن الغريبة
اني بعدما استعذت بالله من الشيطان
فضل جعفر المزيف ادامي برضوا
والاغرب انه كان بيردد نفس الجملة
وهو يقرب مني وكأنة بيستعد انه ينقض عليا
فا فضلت اصرخ
واستغيث برجال الامن عشان ينجدوني
واثناء ما كنت برقع بالصوت
دخلت اميرة علي صوت صراخي
وكان خلفها اتنين من رجال الامن الي شغاليين في الفيلا
وفي اللحظة دي
بصيت علي جعفر...
وقلتلهم..
الحقوني الهجام عايز يقتلني
فا فضلوا يبصوا في الاوضة
ويسألوني
ويقولوا...
هو خرج منين بالظبط؟
فا بصتلهم بتعجب
وقلتلهم...
مهو واقف ادامكم اهوه
في اللحظة دي
اتوعدلي جعفر
باشاارة من ايده
وبعدها...
فضل جعفر يرجع بضهرة للخلف
لغاية ما دخل جوه الحائط
وفي لحظة...
اختفي جعفر
فا رجعت اصرخ تاني
واقولهم..الهجام كان هنا
و لسة مختفي في الحيطة حالا
فا وقفوا يسمعوا كلامي بدهشة
وهما بيمشطوا الغرفة بعنيهم
وسالوني تاني
وقالوا..
هو فين الهجام دا؟
قلت..
اقسملكم ان الهجام لسة عايش
وكان معايا من شوية
لكن فجاءة
دخل جوه الحيط
للكاتبة..حنان حسن
فا اقتربت مني اميرة
وقالتلي..بطلي تخاريف بقي
وبلاش الكلام الاهبل ده ادام الامن... فضحتينا
فا فضلت اترعش وبصيت لاميرة وانا بعيط
وقلتلها..صدقيني يا اميرة
الهجام الي كان منتحل شخصية جعفر كان هنا
دا حتي قالي انه قرين سعيد جوز امي..
وكان بيهجم عليا عشان يقتلني
لكن بمجرد ما انتوا ظهرتوا اختفي جوه الحيطة
وبالرغم من اني اقسمت لاميرة
باني شوفت الهجام
لكن
طبعا اميرة مصدقتش ولا كلمة من كلامي
وتركتني ورجعت لغرفتها
اما عن رجال الامن
فا انتشروا في الفيلا كلها...
ومسحوا كل شبر فيها
وللاسف موجدوش اي حد غريب في الفيلا
والغريبة...
ان حتي الكاميرات مرصدتش اي حد دخل او خرج من الفيلا
وفي الليلة دي
انا اتحرم عن عنيا النوم
لغاية الصبح
وبمجرد ما الصبح طلع
لبست وخرجت امشي في الشوارع
لغاية ما جه الوقت الي اقدر اروح فيه للمحامي عشان اخده معايا وانا رايحة لقسم الشرطة
واول ما وصلنا للقسم
دخلت معاه لحضرة الضابط
واول ما حضرة الضابط شافني
سالني
وقالي..ازيك يا ملك
وبدل ما ارد
واقولة...
انا كويسة الحمد لله
استجمعت شجاعتي
وسالتة وانا بتلعثم في الكلام
وقلتلة...
هو الهجام مات ولا اتصاب بس؟
فا رد الضابط عليا بسؤال
وقالي...
لية بتسألي السؤال دا يا ملك
فا رديت وانا بلخبط في الكلام تاني
وقلت..عشان عايزة اطمن
لا لا..اقصد .. يعني
عايزه افهم؟
وبسرعة لحقت نفسي وصلحت الكلام
وقلت..
انا عايزة اعرف موقف محمد
في القضية دي ايه
اصل المفروض انكم اخدتوا الهجام بعدما اتصاب
ومش عارفة انتوا لحقتوا الهجام وعالجتوه... ولا اية؟
لانة لو مات محمد هيتوجه لة ادانة بالقتل
م الاخر
انا عايزة اعرف الهجام مات بالفعل... ولا لسة عايش؟
عشان اعرف محمد تهمتة ايه دلوقتي بالظبط
فا بصلي الضابط
وقالي..
الهجام مات من قبل ما محمد يتصل بينا يا ملك
واحنا متحفظين علي جثتة دلوقتي في المشرحة
فا اتسمرت في مكاني والتزمت الصمت
بعدما اتأكدت من الضابط
ان الهجام مات بالفعل
وبعدما رجعت للبيت سردت لاميرة كل الي حصل
فا ردت اميرة
وقالتلي ...
عشان لما اقولك انك مختلة وكنتي بتخرفي تبقي تصدقيني
فا رديت وانا ماسكة راسي
وقلتلها..
ايوه فعلا يظهر
ان كل الي انا شوفتة كان تهيؤات
وقبل ما اميرة تفتح معايا اي مواضيع تانية
سمعنا صوت جلبة وضجيج
بالخارج
وبعدها لقينا البواب
جاي يقولنا ان في حريق شب في غرفة الامن الي في الجنينة
فا خرجنا نجري انا واميرة
وشوفنا النار ماسكة في الغرفة بالفعل
ولما سالنا رجال الامن
قالوا انهم شافوا
رجل دخل للغرفة وقفل علي نفسة
ولما حاولوا يفتحوا عليه الباب
ولع في نفسة وهو في الغرفة
فا اتصلوا بالمطافي وبالبوليس كمان
وبالفعل وصلت المطافي
وبدوا في اخماد الحريق
وقعدنا انا واميرة ننتظر رجال المطافي
ينتهوا من اخماد الحريق
عشان نشوف جثة الراجل الي شافوه رجال الامن
لكن...النار انطفئت
ومكنش في اي اثر للرجل المزعوم
فا صرخت في رجال الامن
وقلتلهم..
انا بتهمكم بالاهمال
فا رد واحد من رجال الامن
وقالي...
يا فندم احنا كنا بنشوف حاجات كتير غريبة بتحصل في الفيلا
بس مكناش بنرضي نقولكم عشان متخافوش
وليالي كتير شوفنا نفس الراجل
الي دخل غرفة الامن وحرق نفسة
وهو بيتجول في الفيلا
لكن كل ما كنا بنوصلة كان بيختفي
في اللحظة دي
استفزني التبرير الاهبل الي سمعتة من رجل الامن
فا رديت علية بغضب
وقلتلة...
وانت بقي عايزني اصدق الهبل دا؟
انتوا اكيد بتكدبوا
ونسجتوا رواية الراجل الي دخل الغرفة.. واشعل النيران
عشان تداروا علي اهمالكم
فا وافقتني اميرة الراي
لاول مره
وقالتلهم...ايوه فعلا هي كلامها صح
وانا من بكرة هغير طقم الامن بالكامل
ووقفت اميرة تصرخ في وشهم
اما عني انا...
فا كنت بيني وبين نفسي بدات اصدق كلامهم
وشكيت يكون الراجل الي بيقولول عليه ده
هو نفسة الهجام
لاني شوفتة بعيني
وهو بيختفي جوا الحيطة
للكاتبة ..حنان حسن
لكن ...
رجعت اكدب ظنوني
وقلت...
ازاي بس الهجام يطلع عفريت؟
هو في عفريت بيتضرب بالنار وبينزف دم؟
دا الهجام مات بمجرد ما اخد طلقة في بطنة
وفضل ينزف
يعني الهجام بني ادم عادي واستحالة يكون عفريت
فا اية اللخبطة دي بقي...؟
في اللحظة دي
لقيت نفسي قربت اتجنن حرفيا
وخصوصا . اني مريت بيوم طويل و مليان بتعب اعصاب
واخيرا
قررت اريح دماغي
وارجع لغرفتي
فا تركت اميرة بتوبخ في رجال الامن ...
ورجعت لغرفتي بالفعل
لاني كنت محتاجة انام
و ارحم نفسي من كتر التفكير
وبمجرد ما دخلت غرفتي
استلقيت علي السرير بدون ما اطفي النور
لاني كنت مازلت خايفة
المهم...
بعدما انتهيت من قراءة ايات من القران
روحت في النوم بالفعل
وكنت بتمني
اني اتهني بالنوم لغاية الصبح
لكن...
قومت من النوم مفزوعة تاني علي صوت صراخ
بس المره دي
صحيت علي صوت صراخ
اميرة نفسها
والغريبة ان اميرة كانت بتنادي باسمي
وكأنها كانت بتستغيث بيا
فا ركزت مع الصوت
وكان الصوت جاي من ناحية غرفة اميرة
فا خرجت بسرعة وروحت علي اوضتها
وهناك لقيتها راكعة علي الارض
وهدومها عليها بعض الدماء
والغريبة..
انها كانت مثبتة نظرها لاعلي وكأنها بتبص لحد مش موجود في الاوضة
في اللحظة دي
شعرت بالرعب
فا سألتها بسرعة
وقلت...مالك يا اميرة
انتي بتكلمي مين وبتبصي لمين برعب كده؟
واية الدم الي في هدومك دا
فا ردت اميرة
وقالتلي
سعيد جوز امك
موجود معانا في الاوضة
فا بصيت حواليا
وقلتلها...
سعيد مين الي معانا ؟
سعيد مات من زمان يا اميرة
واحنا لوحدنا في الاوضة
ومفيش معانا اي حد
مالك يا اميرة
انتي تعبانة ؟ولا سخنة ؟
ولا اية؟
فا ردت اميرة وهي مرعوبة
وقالتلي ...سيبك من الاسألة دلوقتي واسمعيني
سعيد عايزني اعترفلك بالحقيقة كلها
وانا ناوية اطيع الاوامر
وعايزة اعترفلك اعتراف خطير
قلت..اعتراف اية؟
فا ردت اميرة
وقالتلي...عارفة مين جعفر الي امرك تزرعي المكرونة... وطلب منك تقتلي محمد... وتولعي في الفيلا كلها؟
فا رديت بمنتهي الفضول
وقلت ..مين؟؟؟
للكاتبة..حنان حسن
فا ردت اميرة
وقالتلي ...اقعدي يا ملك واسمعيني
لان في حكاية لازم تسمعيها
وبمجرد ما هتسمعي الحكاية هتعرفي
مين هو جعفر
وهتعرفي كمان اية السر في الي بيحصل دلوقتي
وبالفعل قعدت
وبدات اميرة تحكي روايتها
الي عرفت من خلالها فعلا مين هو جعفر
بس المره دي عرفت شخصية جعفر الحقيقية فعلا
وبدات اميرة في سردها للرواية
وقالتلي....
الحكاية بدات لما ........
ملحوظة
لما نزلت بوست النهاردة وقولتلكم اني نشرت الجزء الرابع عشر
انا مكنتش بكدب انا فعلا كتبتة بس اجلت نزولة عشان تتاكدوا ان اجزاء الرواية الجديدة مش موجودة عند اي حد غير
الكاتبة..
حنان حسن
اتمني تكون الرسالة وصلت
لو عايز توصل للجزء الاخير من الرواية
صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى آله وصحبه وسلم
ردحذفعليه افضل الصلاه والسلام
ردحذفاللهم صلي على محمد وال محمد
ردحذفاحداث مذهله و مشوقه 👏
رجاء لا تتاخري علينا بالجزء القادم
صلي الله عليه وسلم
ردحذفتم
اللهم صل وسلم وبارك عليك يا رسول الله
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم على سيدنا محمد وعلى آله وصحبه اجمعين
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صلى وسلم على سيدنا محمد عليه افضل الصلاة والسلام
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صل وسلم وبارك على سيدنا وحبيبنا محمد وعلى آله وصحبه أجمعين
ردحذفاللهم صل وسلم وبارك علي سيدنا محمد وعلى آله وصحبه أجمعين
ردحذفبس ازاي اميرة والأمن دخلوا غرفة ملك والباب مقفول من جوة
عفوا اني ارد لكن حابه اقول رايي ... واضح ان اميرة بتشتغل لملك و ان هي خلف كل حاجه بتحصل مع ملك و عاوزه تجننها و تخلص منها و تكوش على كل حاجة لوحدها
حذفاللهم صلى وسلم وبارك على سيدنا محمد وعلى اله وصحبه وسلم تسليما كثيرا
ردحذفاللهم صل وسلم وبارك على سيدنا محمد وعلى اله وصحبه وسلم
ردحذفاللهم صلِّ وسلم وبارك على سيدنا محمد
ردحذفاللهم صلى وسلم وبارك عليك يارسول الله
ردحذفرووعه
ردحذفعليه افضل الصلاه والسلام
ردحذفمشوقه جدا
ردحذفأحسنتي سلمت يمناكي
ردحذفسبحان الله وبحمده سبحان الله العظيم واتوب اليه
ردحذفاللهم صل وسلم وبارك على سيدنا محمد وعلى اله وصحبه أجمعين
ردحذفتاخرتي علينا كثير حنونه 😭
ردحذفاللهم صل وسلم وبارك على سيدنا وحبيبنا محمد وعلى آله وصحبه وسلم تسليما كثيرا
ردحذف😢
ردحذف