ليلة العمر الجزء الثالث عشر والاخير للكاتبة..حنان حسن بعد المفاجئات الي عرفتها من امي ... فهمت في اللحظة د...
الجزء الثالث عشر
والاخير
للكاتبة..حنان حسن
بعد المفاجئات الي عرفتها
من امي ...
فهمت في اللحظة دي
لية عابد كان بيحطلي المنوم في العصير؟
ولية اتجوزني اصلا ؟
لكن ...
كان مازال في حاجات غريبة بتحصل لسة مفهمتهاش
فا بدات اسأل امي
واقولها...
..لية يا ماما فهمتيني ان عابد مات ؟
ولية قلتي انه له اخ تؤام؟
فا ردت امي
وقالتلي..
بعدما خالتك جهاد عملتلك تحليل...
واتأكدت انك مش حامل
طلبت من المساعدين بتوعها انهم يجهزوا غرفة العمليات
عشان...
العملية بتاعتك انتي...
و الشابة الثرية
واكدت عليهم...
ان العملية هتتم بعد نزولك من علي السفينة مباشرة
وللاسف
خالتك مرصودة كانت عارفة بنيتها وكانت بتساعدها
لكن لحسن الحظ
ان واحد من المساعدين الي شغالين مع جهاد...
بلغ عابد بالخبر ده
فا قرر عابد انه يصارحني بالحقيقة كلها...
علي اساس اني امك وهخاف عليكي زية
وهساعده في حمايتك
وقالي انه هيخطفك من علي السفينة
وبعدها هياخدك بعيد عن جهاد
عشان ينقذك من خطر العملية
الي كانوا بيجهزولها
وفعلا...
وضع عابد واحد من رجالتة بالقرب من قمرة القبطان
واول ما الراجل شافك اتصل بعابد..وترك الموبيل مفتوح
وساعتها ...
عابد سمع كلامك كله
وعرف انك بتتهمية بمحاولة قتلك وسرقة اوراقك
وفي الوقت ده...
مكنش ينفع انه يقابلك بشخصيتة الحقيقية
وبعد ما قام بخ&طفك من علي السفينة
طلب مني اني افهمك ان عابد مات
وان له اخ تؤام
وطبعا هو اخترع قصة التؤام دي
عشان يفضل جنبك
ولوحتي بشخصيتة الفيك
وبصتلي امي باسف
وقالتلي...
انا بعترف يا حبيبتي
اننا ظلمناكي واستغلناكي
و ان ربنا بعت عابد
عشان يحميكي من اهلك
فسالتها
وقلت...يعني الشقة الي انا هربت منها؟
كانت حصن الامان بالنسبالي؟
و عابد كان عاملها عشان يحميني..
و يخبيني فيها
من خالاتي وشرهم؟
فا ردت امي
وقالتلي...ايوه هي دي الحقيقة فعلا
فا فكرت شوية
ورجعت سالتها تاني
وقلت...امال ايه موضوع البيضة الذهب ده؟
ولية عابد كان بيطلبها مني
با اصرار
ولية تركهم يدخلوني الثلاجة؟
وفين عابد دلوقتي؟
فا ردت امي
وقالت...
يوم ما هربتي من الشقة بتاعة عابد...
وجيتي علي بيت جهاد
عابد توقع الي هتعملية...
وعرف انك هتروحي علي بيتنا وهتقابلي جهاد
فا راح علي شقتة
وفضل فيها ...
واتصل بيا من هناك عشان
يعرف مكانك
وانا ساعتها عرفتة ان جهاد مخبياكي..
ومش عايزة تقولي علي مكانك
فا طلب مني افتحلة باب شقتنا عشان يدخل عند جهاد
بدون ما هي تشعر بيه
وفعلا...فتحتلة الباب
وساعتها دخل بدون ما حد يشوفة
واول ما شاف خالتك مرصودة
هددها بالس&لاح
واخدها معاه للدور العلوي
واجبرها انها تسجل رسالة بالصوت..
وتقول فيها..
الاتي...
(محدش يقرب من ريم عشان معاها البيضة الذهب ...ولو جرالها حاجة قبل ما ترجع البيضة الذهب انا هبلغ الغربان عن الجميع)
والبيضة الذهب دي
كانت سيم بينهم
ومعناها...
ان ريم اخدت الشيك ابو ١٠مليون الخاص ب بوليصة التأمين
وحذار تعملوا لها العملية قبل ما تعترف علي مكان الشيك
والا هبلغ البوليس وافضحكم كلكم
وبعد ما انتهت خالتك مرصودة من التسجيل الصوتي
اخدها عابد لغرفتها وقيدها وكمم بوقها
وقفل الباب عليها ونزل
عشان ....
يزاول نشاطة كا طبيب
ويقوم بالعملية اياها معاهم
وبمجرد ما عابد دخل لغرفة العمليات
وشافنا انا وخالتك واقعين علي الارض فاقدين الوعي
اقترب عابد من الطبيب الجديد
ودا كان طبيب كبير واول مره يشتغل معاهم
و كانوا بيستعينوا بيه لاول مرة
بسبب العملية بتاعة البنت الثرية
واول ما عابد سمع الطبيب الرسالة الصوتية
بتاعة خالتك مرصودة
الي بتهدد فيها انها هتبلغ عن الجميع لو ريم عملت العملية قبل ما ترجع البيضة الذهب
الطبيب اتوتر ومبقاش عارف يتصرف ازاي
فا استغل عابد ان الطبيب جديد
ومش عارف حقيقية الي بيحصل
وطلب منه انه يبدء شغلة
في الحالة الي هيرفعاله علي سرير العمليات
وبدل ما عابد يرفعني انا...وانتي علي السرير
رفع جهاد اختي علي السرير
عشان يشغلة عننا
وبعدها...
قرب عابد منك وسألك عن البيضة الذهب؟
وهو عارف انك هتنكري
معرفتك بامر البيضة الذهب
ولما انكرتي
حملك الطبيب الجديد
ودخلك الثلاجة وقفل عليكي
وبمجرد ما رجع يلتفت للخلف
لقي عابد بيغرز حقنة المخدر في رقبتة
وبعدها...راح عابد يفتح عليكي الثلاجة
لكن..اتفاجئ انك مغمي عليكي
فا اخدني عابد انا وانتي
في عربيتة...وجابنا هنا
في الشقة الي كان مخبيكي فيها منهم
وبعدها...راح سلم نفسة للبوليس
عشان يعترف بالخطأ الطبي الي اقترفة
والي اتسبب في موت المريض تحت ايده
وكان لازم عابد يعمل كده عشان يخلص ضميرة
بعدما سمعت لامي
لقيتني بعيط...
ومكنتش عارفة ساعتها انا بعيط لية
ياتري بعيط من الزعل علي عابد
الي اتحبس ظلم؟
ولا بعيط من الفرحة
لاني اكتشفت ان عابد طلع انسان طيب
وضحي كتير عشاني
ورجعت سالت امي
وقلت...
هو انتي يا ماما مش كنتي بتقوليلي زمان
اني وحشة وعمر ما حد هيبصلي؟
فا نكست امي راسها خجلا
وقالتلي..ايوه للاسف
انا قولتلك كده
قلت..
امال لية الدكتور عابد
الوسيم...الي احلي بنت في الدنيا تتمناه ...
يعمل عشاني انا كل ده؟
في اللحظة دي
سمعت صوت غير صوت امي خالص...بيرد عليا
وبيقولي...
(عشان بحبك يا ريم)
ايه الصوت ده....؟
الصوت ده صوت عابد
وبصيت بسرعة با اتجاه الصوت
واتفاجئت...
بعابد فعلا ادامي
فا فرحت اوي لما شوفتة تاني
لدرجة ان دموع الفرح حجبت الرؤيا عن عنيا
وسمعت امي
بتسالة
وبتقولة...انت مش روحت اعترفت علي نفسك ؟
امال خرجت ازاي؟
فا رد الدكتور عابد
وقال...الحمد لله
انا طلعت براءة
لان العملية كانت متصورة
والكاميرات رصدت الي اتسبب في الخطأ الطبي
وطبعا مش هينفع يحاكموا الي كان السبب
لان الدكتورة جهاد
ما&تت
لكن انا بلغت البوليس علي باقي اعضاء الشبكة
واعطيتهم الفلاشة الي متصورين فيها
وهما بيمارسوا مهنتهم البشعة
والبوليس قبض علي الجميع ومن ضمنهم اختك مرصودة
لانها كانت مشاركة معاهم
فا ردت امي
وسألتة تاني
وقالت...يعني انت دلوقتي مفيش عليك ايةمسؤلية ؟
ولا متوجهلك اي اتهام
فا رد عابد ....
وقال..لا طبعا انا مشتغلتش معاهم ولا شاركتهم في اي عملية
والي اجبرني علي اني ابقي في وسطهم
هو... اني انقذت ريم من بين ايديهم
لدرجة اني
في اللحظة دي
بصتلة بفرحة
وقلتلة..
مش عارفة اشكرك ولا
اقولك...
حمد لله علي سلامتك يا دكتور؟
فا رد عابد
وقالي...ينفع تقولي حمدا لله علي سلامتي
لكن...مينفعش تشكريني
قلت..لية؟
قال ..عشان مينفعش زوجة تشكر زوجها علي حمايتة لها
قلت..ايوه دا لما يكون زوجها بحق وحقيقي
لكن..
انا دلوقتي فهمت ان الموضوع كله كان تمثيلية
فا رد عابد بمنتهي الرقة
وقالي...
انا طلقتك لان خالتك جهاد هي الي اجبرتني اني اعمل كده
بس الفترة الي قضيتها معاكي
في التمثيلية دي...
خليتني شوفت جمالك الحقيقي
واتأكدت...
انك بتتمتعي بجمال
( الجوهر)
ودا الجمال الحقيقي
لان جمال الوجه مقدور علية
ونقدر نجملة... ونحلية
بشوية مساحيق و الوان
لكن ...
الروح... والقلب
جمالهم لسة مخترعوش له مكياج
واقترب مني عابد
وهمس في وداني
وقالي...
فاكرة لما قولتلك
انك لما اهتميتي بنفسك عجبتيني اوي
لدرجة اني اتهوست بيكي ؟
قلت...اه فاكره
قال..انا مكنتش بكدب ساعتها
ودلوقتي اقدر اقولك انك اجمل بنت في نظري
وعايز اتقدملك للجواز
وياريت تقبلي
في اللحظة دي
بصيت لامي عشان اشوف رد فعلها
ولما شوفت الدموع في عنيها
اقتربت منها
وقلتلها..
ماما...الدكتور بيطلب يتجوزني؟
هو الراجل ده طبيعي كده؟
ولا مفعول العمل بتاعكم
لسة شغال ؟
في اللحظة دي
اخدتني امي في حضنها
لاول مرة
وقالتلي ..
علي فكرة بقي احنا خدعناكي في موضوع العمل والسحر ده
يعني مكنش في عمل من الاساس
واسترسلت امي في الحديث
قائلة...
وانا دلوقتي بأكد علي كلام عابد
وبقولك...
(مفيش بنت وحشة)
مفيش بنت مش جميلة
وانتي في عين الي هيحبك هتكوني...
اجمل بنت في الدنيا
ولازم تبقي واثقة من كده
لان...
(ثقتك بنفسك..هي...
نصف جمالك)
وقبل ما ارد علي امي
لقيت عابد
بيقولي...
علي فكرة يا هانم
انا دكتور...
ووقتي من ذهب ...
ومش فاضي للرغي بتاعك ده
يلا اتفضلي ادامي علي المأذون
قلت..مأذون ايه؟
انت ناسي بوليصة التأمين؟
انا دلوقتي مينفعش اتجوزك
والا هنخسر العشرة مليون
فا رد عليا عابد بسؤال
وقالي...
افهم من كده انك بترفضي جوازنا
عشان العشرة مليون؟
فا فكرت شوية
وقلت
بصراحة ..
انا عايزة اكافئك علي الي عملتة معايا...
وهتقاسم معاك نصف قيمة التأمين
وبعدها هسافر انا وماما
وبدون ما عابد يعلق علي كلامي ولا يرد عليا
خرج عابد من جيبة الموبيل
واتصل بالماذون
وطلب منه يحضر حالا
فا نبهتة للي بيعملة
وقلتلة ..وبعدين
هتتجوزني ازاي
انت ناسي انك سرقت الورق بتاعي ؟
فا غمزتني امي في ايدي
وقالتلي...
اهمدي ومتضيعيش العريس من ايدك
اكيد عابد ضرب ورق جديد وناوي
يتجوزك بيه
امال يعني في حد هيتجنن ويستغني عن ١٠ مليون عشان جوازة؟
ووجهت امي كلامها لعابد
وقالت له..
احنا موافقين يا عابد انك تتجوزها بورق مضروب
ومش مهم لما نسافر انا وريم...
وتبقي انت تيجي تزورنا
كل فترة
وكلة يهون
عشان تقدر تصرف قيمة التأمين
واثناء ما امي كانت بتتكلم مع عابد
المأذون وصل
وراح عابد يفتحلة
وقعدنا كلنا امام المأذون
ووجه المأذون سؤالة للعريس
وقال...اين العروس؟
فا شاور عابد عليا
وقالة ...العروسة اهية
وبطاقتها اهية
ولما اخدت البطاقة من ايد عابد
اتفاجئت انها بطاقتي الاصلية
يعني عابد قرر يتركني اعيش في بلدي...و بهويتي
الحقيقية
ايه ده؟ ...
ده بجد؟
دا المأذون بيكتب الكتاب فعلا
وانا خلاص بقيت زوجة عابد
وهويتي رجعتلي تاني
وفي اللحظة دي
بصيت لعابد...
وقلت...
انا مش مصدقة انك استغنيت عن ١٠ مليون
عشان تتجوزني؟
فا رد عابد وهو بيبصلي بحب
وسألني
وقالي...
هو انتي مش ناوية تديني المقابل ولا اية ؟
قلت...اية المقابل الي انت عايزة؟
قال...عايز حب
حب كتير اوي
وضم ايدي لايده
وسألني
وقالي
...بتحبيني؟
قلت...اه وربنا
بحببببببببببببببببببببك
بحبببببببببببببببببببك
بحبببببببببببببببببببببك
فا رد عابد
وهو بيضمني
وقالي...
بس يا بنت المجنونة فضحتيني
ودي كانت بداية اجمل
ليلة
من ليالي عمري
وعرفت ساعتها ..بيسموها
(ليلة العمر)
كده الرواية خلصت
اتمني تكون القصة نالت اعجابكم
لو الرواية نالت اعجابك صلي علي رسول الله
وياريت اشوف ولو تعليق واحد يشجعني علي سرد المزيد من القصص
واخيرا
بحبكم جميعا في الله
والي اللقاء في رواية جديدة من رواياتي
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى أهله وأصحابه أجمعين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاستغفرالله العظيم واتوب اليه عدد خلقه ورضا نفسه وزنة عرشه ومداد كلماته
ردحذفبسم الله ما شاء الله تحفه حقيقي
ردحذفعليه افضل الصلاة والسلام
ردحذفاللهم صلى على سيدنا محمد احلى قصص بقرئهالك صراحه انتى مبدعه بتخلى الواحد يروح فى حته تانيه
ردحذفاللهم صل وسلم على نبينا وحبيبنا وسيدنا محمد وعلى آله وصحبه أجمعين
ردحذف