بائعة المتعة الجزء الثالث عشر والاخير للكاتبة..حنان حسن بعدما احتجزني عادل رغما عني في غرفة مليئة بالثعابين السامة قفل...
الجزء الثالث عشر
والاخير
للكاتبة..حنان حسن
بعدما احتجزني عادل رغما عني
في غرفة مليئة بالثعابين السامة
قفل عليا باب الغرفة من الخارج... بترباس حديد
وفهمت ساعتها ان عادل استدرجني لغاية الغرفة دي
عشان اموت بلدغة احد الثعابين السامة
وطبعا كان المفروض اني لما هاموت
عادل هيورثني زي اي زوج ما بيورث زوجتة بعد وفاتها
المهم...
وقفت في الغرفة المظلمة
الي كان بيصدر منها صوت فحيح الثعابين
وانا مرعوبة ومش بعمل حاجة
الا اني بجلد نفسي
بسبب غبائي الي وقعني في المصيدة دي
وبعدما كنت اتأكدت اني هالكة لا محالة
سمعت صوت في الارض شبية بصوت رنة مفتاح
ولاحظت ان الصوت بيتكرر
كل ما كنت بحرك رجلي
في الارض
ولما حاولت اتحسس ما بين قدمي
شعرت بشيئ معدني تحت قدمي
وفكرت اني التقط الشيئ المعدني ده ...
يمكن يكون مفتاح
او حاجة معدن تساعدني علي فتح الباب
لكن...
فضلت مترددة
وخوفت اني انحني والتقطه من الارض
لربما اكون بتوهم
و اثير حفيظة احد الثعابين
واتعرض للدغ
فا تراجعت عن الفكرة فورا
لكن بعد كام دقيقة
اتأكدت ان الي تحت رجلي سلسلة مفاتيح بالفعل
ودا لما سمعت صوت عادل بيعود من جديد بالخارج
وسمعته وهو بيتكلم في موبيلة مع احدهم
وبيذكر انه فقد سلسلة للمفاتيح بتضم
(مفتاح سيارتة)
في اللحظة دي
استجمعت شجاعتي
وبسرعة انحنيت وتحسست تحت قدمي لغاية ما التقطت سلسلة المفاتيح
وفضلت اهز المفاتيح واضربها في بعضها بكل قوة
عشان عادل يسمع صوت سلسلة مفاتيحة
فا يفتحلي الباب الي قفلة عليا من بره
وفي نفس الوقت
فضلت اصرخ واصوت واستغيث
واقولة ..الحقني يا عادل
الثعبان عضني
تعالي اسعفني ارجوك
ودا كان عشان اوهمة
باني خلاص انتهي امري...
والمفاتيح عندي في الاوضة
فا يفتح الباب عليا
وفعلا نجحت محاولتي
وعادل سمع صوت المفاتيح بالفعل ..
وواضح انه صدق بان الثعبان عضني
لاني بدات بعدها اسمع حركة الترباس الي في الباب
وهو بيتفتح
وفهمت في اللحظة دي
انه قرر يستعيد مفاتيحة
وطبعا كان ناوي يتركني بعدها الاقي مصيري المحتوم
فا استعديت بسرعة
ومسكت بسلسلة المفاتيح
في ايدي
ولما شعرت بالباب بيتفتح
ابتعدت عن الباب بحذر
عشان عادل يتمكن من فتحة
واستدرجة لداخل الغرفة
واول ما عادل ظهر علي الباب
انحنيت ومسكت رجلي وكاني بتألم من لدغة الثعبان
فا مد عادل ايده
وقالي ..ارمي المفاتيح الي في ايدك ده
في اللحظة دي
قبضت بايدي علي سلسلة مفاتيحة
وانا بتوسل له
وبقولة...
الحمد لله ان ضميرك رجعك في الوقت المناسب يا عادل
الثعبان عضني في رجلي
وحاسة اني جسمي اتشل
ومش قادرة اتحرك
ارجوك يا عادل ساعدني.... وانقلني بعربيتك لاقرب مستشفي يكون فيها مصل
فا ابتلع عادل الطعم ودخل للغرفة عشان ياخد مني المفتاح ويخرج سريعا
لكن...انا تعمدت اني اسقط المفتاح من ايدي علي ارض الغرفة
وجعلتة يعتقد ان عضة الثعبان نالت مني
لدرجة اني بقيت عاجزة عن حمل مفاتيحة بيدي
فا اتقدم عادل بداخل الغرفة وانحني عشان يلتقط المفتاح
من علي الارض
وبمجرد ما شوفتة بينحني
اتمكنت منه
ودفعتة بكل قوتي لداخل الغرفة
وقبل ماعادل يستعيد توازنة ويرجع يقف علي رجلة تاني
اخدت موبيلة الي وقع منه
تحت رجلي
و بسرعة خرجت من الغرفة وقفلت الباب علي عادل
وزيادة في الحرص
قفلت علية بالترباس الحديد
من بره
وبعدما ما اتعكس الوضع
وبقيت انا بره وهو في قبضة الثعابين السامة
سمعت عادل وهو بيصرخ وبيستغيث بيا
وبيقولي...افتحي الباب بسرعة الثعبان عضني
فا فهمت انه بيكدب
وبيدعي زورا ان الثعبان عضة
عشان اخرجة
لكن انا طبعا مصدقتهوش
بالعكس دنا اتشفيت فيه
وقلتلة...
ياريت الثعبان يعضك وتموت
عشان اورثك
ايوه ...منا دلوقتي زوجتك ومن حقي اورثك
وبعدما خلصت تأنيبي في عادل
ضميري مخلصنيش اني اتركة في غرفة الثعابين واعيش بذنبة طول العمر
فا قلتلة...اسمع
انا من هسيبك تموت
لكن انا اخاف اخرجك فا تغدر بيا تاني
واسلم حل هو اني ابلغ البوليس وهما يخرجوك
وفي اللحظة دي
لقيتني بفكر بيني وبين نفسي
واقول...بوليس ايه الي هفضح نفسي عنده
دا عادل ممكن يعترف عليا ويوديني ورا الشمس
ورجعت افكر في حل تاني
واخيرا
افتكرت المحامي الخاص بياسر
فا قررت اتصل بيه وهو يتصرف
لكن كان لازم افتح الموبيل الاول
فا سألت عادل عن الرقم السري لتليفونة
والغريبة انه قالي علي الرقم بسهولة....
وهو بيستعجلني
وبيقولي
ارجوكي اتصلي بالاسعاف بسرعة
فا تجاهلت توسلاتة
و اتصلت علي المحامي
وعرفتة بالي حصل
فا طلب مني اني اخرج من عندي فورا
وقالي انه هو هيجي ويتعامل مع عادل
فا سمعت كلامة
وقررت اني اخرج من المشتل
وفعلا روحت علي البوابة
عشان افتحها واهرب
لكن...
اتفاجئت بان البوابة مقفولة بقفل حديد
وتذكرت في اللحظة دي
ان المفاتيح الي عادل كان داخل يبحث عنها عشان يفتح البوابة
مازالت في الاوضة
وللاسف مكنش في اي مخرج تاني للمشتل
فا ضربت الارض برجلي
وانا بنعي حظي السيئ
وفي الاخر ملقتش ادامي حل
غير اني انتظر المحامي لما لغاية مايجي ويفتحلي
وفعلا اتصلت بالمحامي تاني
وقولتلة...
ان الباب الخارجي للمشتل مقفول بقفل كبير
واني في انتظارة عشان يجي ويخرجني
وبعدما قفلت مع المحامي ...
رجعت قعدت امام الغرفة الي فيها عادل
واستغربت لما لقيت عادل توقف عن الصراخ والاستغاثة
فا قربت من باب الاوضة بحذر
وفضلت اصطنت علي عادل
ولما لاحظت ان عادل ملوش صوت
ناديت علية
وقلت...انا اتصلت علي
المحامي وهو جاي وهيخرجك
وفضلت انتظر اي رد من عادل لكن...عادل مردش
فا تجاهلت الامر وفضلت اعد الدقايق والثواني
لغاية ما المحامي يجي
وفعلا....
بعد شوية
ظهر المحامي ومعاه رجلين واضح انهم ساعدوة في فتح البوابة
وبعدما انصرفوا الرجلين
جريت علي المحامي
وشاورتلة علي الغرفة
وقلتلة...عادل هنا
فا قام المحامي بفتح الباب بحذر
وهنا كانت المفاجئة
لاننا اكتشفنا ان عادل اتعرض للدغ الثعبان فعلا
فا قام المحامي باخراجة من الغرفة بحذر
ولكن عادل كان فاقد الوعي تماما
وبسرعة اخدناه علي المستشفي
وفضل عادل هناك في غيبوبة لمدة كام ساعة وهو بين الحياة والموت
وانا والمحامي كنا معاه في المستشفي
و مكناش بنعمل حاجة غير اننا بننتظر اي خبر من الاطباء
وطبعا المحامي كان قلقان لا عادل يموت
ويتوجهلي تهمة بقتلة
بس انا في الوقت ده
مكنش في حاجة شغلاني غير براءة ياسر
الي الامل فيها كان بيتلاشي
ولما لقيت انهم ممكن يتهموني بقتل عادل
قلت انها كده كده خربانة
فا قررت اني اشهد علي نفسي بقتل العقربة
عشان ياسر يخرج منها
وكنت ناوية استشهد بالفيديوا
بتاع العقربة الي في موبيل عادل
ولحسن الحظ ان موبيل عادل كان في جيبي
فا اقتربت من المحامي فعلا عشان اقولة علي قراري
لكن قبل ما اتكلم معاه
اتفاجئت بالممرضة وهي جاية تزفلنا البشري
وتقولنا...مبروك المريض جسمة استجاب للمصل
و فاق من الغيبوبة
فسالها المحامي
وقالها...ممكن اشوفة؟
فا ردت الممرضة
وقالت.. ايوه اتفضل
هو اصلا اول ما فاق كان بيسال علي زوجتة
فا اخدني المحامي وروحنا لغرفة عادل
واول ما دخلنا علي عادل
اتفاجئنا انة بيبكي
فسالة المحامي
وقالة...مالك يا عادل ؟ انت تعبان
اجيبلك الدكتور؟
فا رد عادل
وقال...انا مرعوب
مش تعبان
فسالتة انا المرة دي
وقلت...مرعوب من ايه؟
وبدل ما عادل يرد علي سؤالي لقيتة بيسالني
باسف
وقالي...
انتي هنا يا هناء...؟
كويس انك جيتي
انا لازم اصلح الغلطة الي غلطتها في حقك
وبصلي عادل
وقالي ..
انتي طالق بالثلاثة يا هناء
فا اتعجب المحامي من تصرفات عادل
وسالة
وقالة...مالك يا عادل
ولية بتقول انك مرعوب؟
فا رد عادل وهو ما يزال يرتعد
وقال ...
مرعوب من الي شوفتة
فسالتة بفضول
وقلت...شوفت ايه؟
قال...شوفت
(القيامة وهي بتقوم)
فا بصينا لبعض انا والمحامي
واحنا مستغربين من كلام عادل الغريب
وسكتنا علي اعتقاد انة بيخرف من التعب
لكن عادل استرسل في الكلام
وقال...
انا شوفت الدنيا وهي بتنتهي
وانا بغيب معاها وبنتهي
ساعتها لقيت نفسي لوحدي...
وكنت بتحاسب لوحدي
ولا مالي نفعني ولا اهلي ولا نفوذي
وفضل عادل يبكي
ويقول ..
انا مكنتش اعرف ان يوم الحساب هيبقي صعب كده
وبدء عادل يوصف الي شافة
وقال...
انا شوفت نفسي وانا واقف علي خيط رفيع
وتحت مني نيران ولهب
واختي الي قتلتها
كانت بتطالب بالقصاص مني
و الناس الي ظلمتهم كانوا متعلقين في رقبتي وبيطالبوا بحقهم
وانتفض عادل وهو بيكمل في وصفة للمشهد الي شافة
وهو في الغيبوبة
وقال...
اناسمعت صوت بيسال
وبيقول
الي تجراء و تعدي علي حدود الله يجهز نفسة للجحيم
فا اترعبت لاني اكلت ميراث اخواتي
وانا عارف كويس ان ربنا وضع قوانين وحدود للميراث
وحذر من تعديها
وقال في كتابة
تلك حدود الله فلا تعتدوها
ومن يتعد حدود الله ،فا اولئك هم الظالمون.
وكمل عادل وهو مرعوب
وقال...
وياريت دا كان ذنبي الوحيد
دنا كان عليا جرايم قتل وذنوب تانية كتير
في اللحظة دي
قاطعت عادل
وقلتلة ..احمد ربنا انك فوقت قبل فوات الاوان
وممكن دلوقتي تكفر عن ذنوبك ...وتتوب الي الله
واول حاجة لازم تعملها
هي انك تخرج ياسر من السجن
فا انفجر عادل في البكاء
وقال...
انا ذنوبي كتير
وفي مصير اسود بينتظرني
في اللحظة دي
اشفق المحامي علي عادل
وقالة...هون علي نفسك
انت اكيد كنت بتحلم بكوابيس
اثناء ما كنت في الغيبوبة
عموما انت فوقت من الغيبوبة خلاص
وقبل ما المحامي يكمل في تهدئة عادل
دخل علينا رجال المباحث
الي كانواجايين يحققوا في السبب
الي ادي لتسمم عادل بسم الثعبان
واول ما شوفت رجال الشرطة
قولت يلهوي
... دلوقتي عادل اكيد هيعترف عليا
يعني خلاص انا ضيعت كده
لكن الي حصل
ان عادل شهد...
بانة كان لوحده ساعة ما اتعض من الثعبان
ومذكرش اني انا الي قفلت علية الباب
المهم..
لما الضابط اتأكد انها كانت مجرد حادثة...
ومفيهاش اي شبهة جنائية
بص الضابط لعادل
بعدما قفل المحضر
وقالة..
ياريتك تعدل عن هوايتك الغريبة دي
وتبطل تربي الثعابين
وخصوصا بعد الي حصلك ده
وانهي الضابط حديثة
وقال ....
عموما..حمدا لله علي سلامتك
فا رد عادل وهو بيرتعش
وقال...انا عايز ادلي بشهادة تانية قبل ما اموت
فا فتح الضابط المحضر من جديد
وقالة...اتفضل عايز تقول ايه
فا بدء عادل باعترفاتة
وقال...
انا بعترف اني شاركت اخويا جلال
في قتل اختنا
(المجني عليها) بالخنق
وكمان بعترف اني شهدت علي اخويا ياسر زورا
بانه قتل شقيقتة
وشهادتي دي كدب
وياسر بريئ
وكل الي عملتة ده كان بسبب الطمع
بعدما رجال الشرطة اخدوا اقوال عادل
في بلاغ رسمي
وضعوه تحت الحراسة
لحين عرضة علي النيابة
يومها انا استغربت من التحول الي حصل لشخصية عادل
وبعدما خرجت انا والمحامي من غرفة عادل
سالت المحامي
وقلت...
هي لدغة الثعبان اثرت علي عقل عادل ولا اية؟
فسالني المحامي
وقالي...لية بتقولي كده؟
قلت ...
لان عادل اعترف علي نفسة بجريمة قتل وبلاوي تانية
بدون ما حد يطلب منه؟
دا غير انه بيقول... انه شاف يوم القيامة
هي القيامة لسة قامت
عشان يشوفها؟
فا ابتسم المحامي
وقالي...
(قيامة الانسانة موتة)
قلت.. يعني اية؟
قال... يوم القيامة
معناه ... نهاية العالم...
ونهاية الحياة كلها
ودا ميعاده غير معلوم
لكن لما بنقول ان
قيامة الانسان موتة
بتعني...
ان الانسان لما بيموت...
الحياة كلها بتنتهي بالنسبالة
فا قيامتة بتبقي بموتة
وكلنا هيجي علينا اليوم ده
وكلنا هنرجع لرب العباد
وهنتسأل عن كل كبيرة وصغيرة
ويظهر ان عادل شاف المصير الي بينتظرة وهو في الغيبوبة
عشان كده
عادل حاول يخلص نفسة من حساب الاخرة
واعترف بكل حاجة
بعدما استمعت للتحليل المنطقي الي قالة المحامي
تركت المحامي في المستشفي
ورجعت بيتتا
وفضلت اترقب يوم النطق بالحكم
وبعد مرور الايام
جه وقت الجلسة ...
الي كانت اتأجلت للنطق بالحكم
وفي اليوم ده
شوفت (عادل) في القفص بجانب ياسر وجلال
وكنت حاطة ايدي علي قلبي
لا عادل يغير اقوالة
بعد ما خف وربنا شفاة
لكن الغريبة
ان عادل ثبت علي اقوالة...
وشهد بانة ساهم واشترك مع جلال في قتل شقيقتهم
وشهد كمان ان (ياسر برئى) من قتل اختة
وشهادة عادل مكنتش مفاجئة للمحكمة...
لان جلال كان اعترف بنفس الاقوال سابقا
واعترافتهم دي... ادت لاصدار الحكم علي جلال وعادل بالاعدام
و(تبرئة ياسر) اخيرررا
في اللحظة دي
انا قولت سبحان الله
العقربة واخواتها كانوا بيمتلكوا ثروة تعيشهم ملوك العمر كلة
لكن الطمع خلاهم ينسوا ربنا
ويعتدوا علي حدوده
فا عاقبهم ربنا وفقدوا كل حاجة حتي حياتهم
دا غير المصير الاسود الي بينتظرهم في الاخرة
واثناء ما كنت بتأمل حكمة ربنا و شاردة بذهني
فوقت علي صوت المحامي
الي كان بيباركلي علي براءة ياسر
في اللحظة دي
شعرت بان الفرحة مش سيعاني
فا شكرتة علي تعبة في القضية
وقبل ما اترك المحامي
طلبت منه يجهز عقود ملكية عشان.....
ارجع لياسر اموالة وممتلكاتة مره اخري
وفعلا ...
مهدتش ولا ارتحت الا لما ده حصل
واخيرا جه وقت الافراج
وكنت بحسب الدقايق والثواني
لغاية ما تتم اجراءات الافراج عن ياسر من قسم الشرطة
وبعد ما تم الافراج عنة بالفعل
فضلت منتظرة امام القسم من بعيد
واول ما شوفت ياسر وهو خارج (حر)
و بدون حراسة ولا قيود
مبقتش مصدقة عنيا
وكنت عايزة اجري علية
واضمة لحضني
واباركلة علي البراءة
لكن ..
ده محصلش ورجعت بسرعة علي بيتنا بدون ما اقابلة
لاني مكنتش عايزة
ياسر يشوفني
ولما رجعت بيتتا
امي سألتني عن ياسر
فا قلتلها انه طلع براءة
فا فرحت امي جدا
وقبل ما نكمل كلامنا سمعنا
صوت الجرس
ولما فتحت لقيتة ياسر
فا اتسمرت مكاني
وانا ببص لوجهة الي كان
مليان بالهفة ..والشوق... والحب
واتفاجئت بياسر
بيكرر محاولتة السابقة
وبيسالني
بدون اي مقدمات
وبيقولي ..
... تتجوزيني ؟
فا رديت بمنتهي الجفاء
وقلت...اتجوزك ازاي يعني؟
انت متعرفش اني متجوزة من عادل اخوك ؟
وحتي لو كنت مش مرتبطة
بردوا مكنتش هقبل طلبك
فا بصلي ياسر بحزن
ولمحت عنية وهي بتلمع بالدموع
وبدون ما يتكلم تركني ياسر ومشي
في اللحظة دي
كنت عايزة اجري وراه
واقولة ..خليك معايا انا مصدقت انك رجعت لدنيتي تاني
كنت عايزة اقولة ..
اني عمري ما حبيت حد اد ما حبيتة
كنت عايزة اقولة
كلام كتير
لكن انا متحركتش من مكاني ولا قلت ولا كلمة
وبعدما ما مشي ياسر
قفلت موبيلي
وقفلت علي نفسي...
و فضلت اعيط
ومحاولتش بعدها اني اقرب من ياسر نهائي
وبعد مرور كام شهر
اتفاجئت بامي وهي بتسألني
عن ياسر
وقالتلي...
متعرفيش ياسر مختفي فين؟
ولية مبقاش يجي زي الاول؟
قلت...كده احسن
وانا خلاص مش عايزة اشوفة ولا اقابلة تاني
فا اتعجبت امي
وسالتني ..
وقالتلي ..
لية يا هناء كده؟
قلت ...
عشان كنت خايفة لا يطلب مني الجواز تاني
قالت..ولية مش عايزة تتجوزية ؟
هو انتي مش بتحبية؟
قلت... ايوه بحبة
وبحبة اوي كمان
لكن...
مينفعش ان واحد زي ياسر
يتجوز من ( فتاة ليل )
ولا انتي ناسية اني ملقبة ببائعة المتعة؟
الماضي ده صعب يتنسي يا امي
فا بصتلي امي بحزن
وقالتلي ...اديكي قولتيها.. (كان ماضي ) وفات
قلت ..ماضي بقي ولا حاضر
اهو ياسر قدر يبعد عني شهور وزمانة نسيني اصلا
في اللحظة دي
اتفاجئت بياسر ادامي
ولقيتة بيقولي...
مين قال اني نسيتك لحظة يا هناء
انا بحبك ومليش في الدنيا حد غيرك
وعمري ما اقدر انساكي
في اللحظة دي
فهمت ان امي كانت متفقة مع ياسر
انها تسمعة اعترافي بحبة له
ولقيت ياسر بيبرر بعده عني الشهور الي فاتت
وبيقولي
انتي السبب اني بعدت عنك الكام شهر الي فاتوا
لاني كنت فاهم ان عادل اخويا تمم دخلتة عليكي
وكنت فاكر ان ليكي عدة
زي اي ارملة زوجها بيموت عنها
فا قولت اصبر لغاية ما تنقضي عدتك
وبعدها اجي اتقدملك
وفعلا انتظرت الفترة الي فاتت دي كلها
وانا بحسب شهور العدة باليوم والساعة
والنهاردة العدة انتهت اخيرا
فا اتصلت ب امك في الموبيل عشان اقولها اني جاي اتقدملك
لكن امك فأجئتني بمعلومة جديدة
وهي ان عادل مدخلش بيكي
وده معاناه ان مكنش ليكي عدة اصلا
قلت...انا افتكرتك نسيتني
وعيشت حياتك
فا رد عادل
وقالي...انساكي ازاي وانتي حياتي ؟
دا انتي مغبتيش عن بالي لحظة
وكنت بتابع اخبارك من بعيد
وعموما انا جاي دلوقتي
عشان اقولك جهزي نفسك
لغاية ما اجيب الماذون وارجع
قلت...ايوه لكن .....؟
وقبل ما اكمل اعتراضي
علي جنانة
تركني ياسر
وراح فعلا يجيب المأذون
وفي اللحظة دي
اقتربت مني امي واخدتني في حضنها
وسالتني
وقالتلي..
لية مترددة في موضوع الجواز يا هناء؟
دا ياسر بيحبك اوي
وبصراحة...
من يوم ما طلع براءة
مكنش بيفوت يوم...
الا لما يتصل بيا ويطمن عليكي
لية مش عايزة تفرحية؟
وتقوليلة انك بتحبية؟
قلت...خايفة لا يعايرني بعدين يا امي
بالماضي المهبب بتاعي
فا ردت امي
وقالتلي ..
طب اسمعي
هاتي حتة من اطر ياسر
وسيبي الباقي عليا
قلت...يعني ايه؟
قالت...
يعني مشوار صغير للساحر هارون
و هضمنلك ان ياسر يفضل يحبك العمر كلة
وميتغيرش بعد الجواز
قلت..ساحر اية بس يا امي الي هيضمن مستقبلي مع ياسر؟
فا ردت امي وهي بتحاول تقنعني
وقالتلي...
صدقيني يا هناء
انا جربت الي بقولهولك ده مع عمك عبدوا
في اللحظة دي
بصيت لامي بتعجب
وسالتها
وقلت...هو انتي كنتي
بتسحري لعمي عبدو (جوزك) يا امي؟
فا ردت ماما
وقالتلي...
كان لازم اعمل كده
امال ازاي كنت هقدر اتغلب علي العقربة واخد منها جوزها؟
ولا ازاي كنت هحمي نفسي واحميكي انتي واخوكي منها؟
بصراحة...
الجملة الاخيرة الي قالتها امي
جذبت انتباهي ونبهتني لشيئ خطير
وهو ...
ان امي اتبعت طريق السحر عشان تجذب عم عبدو
وتاخده من العقربة
وكمان كان واضح من كلام امي
انها استعملت السحر عشان تحمينا كلنا
لا ..لحظة
مش فاهمة الجزئية دي ؟
ورجعت سالت امي بفضول
وقلت...
ازاي قمتي بحمايتنا من خلال السحر مش فاهمة؟
فا ردت امي بدون تردد
وقالتلي...بمساعدة القرين
قلت...لا انتي لازم تشرحيلي الي انتي بتقولية ده بالتفصيل
وفعلا...بدات امي تسرد حقائق ومفاجئات كنت بعرفها لاول مره
وقالتلي...
بعدما ما مات ابوكي
عمك عبدو اتعاطف معايا ووقف جنبي
زي اي راجل شهم
وبصراحة...شهامتة وحنيتة علقوني بية
وزيدي علي صفة الشهامة والحنية كمان
انه كان غني ومعاه الفلوس بالكوم
وفكرت ساعتها اني لو جيبت حتة عيل لعمك عبدو
الواد هيورث الي عنده كلة
م الاخر
كل المميزات دي
خلتني حلمت انه يتقدملي واتجوزه
بس هو ساعتها متكلمش معايا في حاجة
فا قلت يمكن خايف من العقربة
ومعني كده
انه هيفضل العمر كلة ساكت ومش هيفاتحني في الجواز
فا غفلت عمك عبدو واخدت منه
منديل ايده
الي كان بيستعملة
كا (اطر)
وبسرعة طلعت علي الساحر هارون
وطلبت منه يعملي عمل بالمحبة
وفعلا عملي العمل
ومن يومها وانا استحوزت علي قلب عمك عبدو
و طلب ايدي للجواز
وعيشت معاه اجمل ايام حياتي ..
وحملت منه كمان
بس لما حملت خوفت من العقربة
ومن الي ممكن تعملة
لما تعرف ان جوزها اتجوزني عليها
وهيجيبلة وريث يقش ماله كلة
اكيد مكنتش هترحمني
فا فكرت اعمل للجنين حجاب بالحماية
فا اخدتك معايا ورجعت تاني للساحر هارون
وطلبت منه يعمل حجاب بالحماية للجنين الي في بطني
فا رد الساحر
وقالي..
انه هيسخر قرينتي عشان تحمي عيلتي كلها
بس الساحر فهمني ان الحماية هتستمر لغاية ما الوريث يتم السبع سنوات فقط
وبعد مرور السبع سنوات هتختفي قرينتي
وفهمت من الساحر ان قرينتي هتكون بديلة عني وقت الخطر
وهتبقي مرافقة ليكم ليل نهار
والساحر نفذلي طلبي
واستحضر قرينتي
ب (ميثاق الدم)
و ميثاق الدم ده
كان مجرد كام نقطة من الدم اخدها الساحر مني ومنك يا هناء
وختم بدمنا علي ميثاق الدم
وبعدما تم الميثاق
فضلت قرينتي في خدمتك انتي واخوكي
في اللحظة دي
برقت عنيا
وانا بردد وبقول...
يعني الست العجوزة دي تبقي هي الي ......؟
فا ردت امي
وقالتلي....ايوه الست العجوزة تبقي هي قرينتي
فا رديت علي امي بغضب
وقلت...اسمحيلي اقولك ان قرينتك خانت الميثاق
لانها كدبت عليا وقالتلي ان العقربة هي الي استعانت بالجان
وكمان اتخلت عني وانا في المحكمة
واختفت هي وخصلتها في عز ما كنت محتاجلها
فا ردت امي
وقالت...غصب عنها يا هناء
قرينتي كانت بتحاول انها توجهك
عشان تاخدي ميراث اخوكي
قبل ما يتم السبع سنوات
وكان لازم تختفي
لما ميثاق الدم اتحل
قلت...وميثاق الدم اتحل لية؟
فا ردت امي
وقالت...انتي ناسية ان اخوكي تم السبع سنوات من كام يوم فاتوا؟
في اللحظة دي بس
فهمت لغز الست العجوزة الي مكنتش عارفة افسره
وفهمت لية العجوزة ادتني
ادوات مساعدة
زي الخصلة ...والقبلة المسمومة
ولية كانت بتستعجلني اني اجيب حق اخويا من العقربة
اتاريها كانت عايزة تساعدني اني ارجع ميراثة قبل ما يتم السبع سنوات
واثناء ما كنت بحاول استوعب المفاجئات الي عرفتها من امي
لقيت امي رجعت تسألني تاني
وبتقولي ..ها قولتي ايه يا هناء
اروح للساحر هارون عشان يعمل لياسر عمل ؟
فا رديت بغضب
وقلت...ده بدل ما تستغفري ربنا علي الي انتي عملتية يا امي؟
استغفري يا امي وتوبي الي الله
لان الي انتي عملتية ده حرام ويصل لدرجة الكفر
فا ردت امي بغضب
وقالت ..بتتهمي امك بالك&فر يا هناء؟
قلت...ايوه يا امي
لان الرسول صلي الله علية وسلم نهي عن الاستعانة بالسحر والسحرة
فا ردت امي بغضب
وقالت...يعني الحق عليا اني كنت خايفة عليكي انتي واخوكي
وعايزه احميكم من العقربة؟
وتركتني امي ودخلت اوضتها
وهي بتبكي
فا روحت وراها بسرعة عشان اراضيها
وقبل ما اقولها اني اسفة
لقيتها بتبكي وبتستغفر ربنا
وهي في منتهي الندم
فا توقفت مكاني وتركتها تكمل في الاستغفار والتوبة
وقبل ما امي تنتبة لوجودي
سمعت جرس الباب
فا روحت فتحت
ولقيتة ياسر
وكان جاي وجايب الماذون
زي ما قال
فا وقفت متنحة
ومش عارفة اقولة اية
وفي لحظة وبدون ما يسالني قعدني ادام الماذون
وهمس في ودني
وقالي..بصي بقي
برضاكي او غصب عنك هتجوزك
فا شيلي فردة الجزمة الي في دماغك دي...
عشان تقدري تفهمي اني...
بحبك ...
ومش هسيبك مهما حصل
و لو فضلتي علي عنادك انا ممكن اتجنن واخطفك
وفعلا وافقت علي جوازي من ياسر
وبعدما تم كتب الكتاب
لقيت دموعي نزلت
فا مد ياسر ايده ومسح دموعي
وقالي.. انا فرحان اوي لدرجة
انا هبدء احسب تاريخ ميلادي من النهاردة
في اللحظة دي
بصيتلة
وقلتلة...
انا بحبك اوي يا ياسر
فا رد ياسر
وقالي...انتي عارفة انا لية كنت مستعجل علي كتب الكتاب ؟
قلت..لية؟
قال...اصل انا هموت و اشم البرفان بتاعك تاني
وبسرعة شدني ياسر لحضنة
واعتصرني بداخلة
فا ضميتة انا كمان بكل قوتي
وانا طايرة من السعادة
وفي اللحظة دي
فضلت احمد ربنا علي العوض الي ربنا كافئني بية
واخيرررا
بعد مرار الصبر ...
دوقت الشهد و العسل
مع ياسر ...
الي بقي جوزي ..وحبيبي .. وظهري... وسندي...
وكل ما ليا في الدنيا.
كده الرواية خلصت
لكن حابة قبل ما انهي
اقولكم ان فكرة الرواية ماخوذة عن قصة حقيقية
والفكرة جتني لما قرات قصة حقيقية لفتاة من بلد عربي
وقصة الفتاة كانت كا التالي
في يوم اثناء ما الفتاةكانت بترعي لابوها الاغنام
ضاع منها بعض الغنم
وابوها للاسف كان قاسي جدا
فا قرر يعاقبها
وخيرها ما بين انه يقتلها او يدفنها في بئر عميق
وطبعا هي اختارت انها تدفن
وفضلت شهور طويلة في البئر
لغاية ما اكتشف وجودها بعض المارة... وخرجوها
بعد شهور
ولما خرجت وسألوها ازاي عاشت شهور بدون طعام
قالت...ان كل يوم في البير كان بيجيلها شيخ لابس ثياب بيضاء
وبيعطيها لبن وطعام
وقبل ما تخرج بيوم ودعها
وقالها...
ان دي اخر ليلة ليها في البئر
وفعلا خرجت للحياة بعدها بيوم
ومن هنا انا اخدت فكرة الرواية ...
و قلت اوجه رسالةمن خلال الرواية
لكل شخص بيستسهل اكل الميراث....
او اكل حقوق الناس
ودي طبعا بقت ظاهرة زي منتوا ملاحظين
م الاخر
وبا اختصار......
كنت عايزة اوصل من خلال الرواية ....
الجملة الي جاية دي
(اتقوا يوما ترجعون فيه الي الله ) .
وكده بتكون انتهيت القصة
لو عجبتك الرواية صلي علي رسول الله
وطبعا ياريت تكتب ولو تعليقا واحدا
يشجعني علي سرد المزيد من القصص
ملحوظة...
بعتذر تاني عن تاخير نزول الاجزاء الاخيرة
وبوعدكم اني بعد كده هكتب الرواية للنهاية
ولما تكمل
ابقي انزلها علي اجزاء في ميعاد ثابت باذن الله
عشان محدش يزعل مني تاني
واخيرا
بحبكم جميعا في الله
والي لقاء في رواية جديدة من تاليفي
مع تحياتي
الكاتبة
حنان حسن
اللهم صلِّ وسلم وبارك على سيدنا محمد وعلى آله الطيبين الطاهرين اجمعين وسلم تسليما كثيرا
ردحذفاللهم صل على محمد وعلى اهله وأصحابه أجمعين ومن تبعهم بإحسان إلى يوم الدين
ردحذفاخرها مسك وختام جميل وسرد شيق للأحداث
ردحذفأعانك الله ووفقك
حسبي الله وانت نعم الوكي
ردحذفاود فقط أن اقول كلمه صغيره لابنتي حنان الكاتبه الكبيره
ردحذف..كما تعلمي هذه المقوله..
الوصل الي النجاح سهل لأن الاصعب الحفاظ عليه فأرجو أن تحافظي علي المكانه الجميله والكبيرة التي وصلتي إليها في قلوب متابعينك ومحبينك
أعانك الله وابعد عنك كل شر
احبك في الله
اللهم صلي وسلم على نبينا محمد وعلي اله وصحبه اجمعين…. قصه البنت اللي اترمت في البير اسمها ام شوايل سودانيه الاصل
ردحذفجميلة ....سلمت الانامل
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفسبحان الله وبحمده سبحان الله العظيم
ردحذفاحسنتي واجمل ما في القصه انها نصرت الخير علي الشر دايما في تقدم. سلمت اناملك
ردحذفاللهم صلي علي رسول الله جميلة جدا غير كل الروايات شبه بعضها
ردحذف