بائعة المtعة الجزء الثاني عشر للكاتبة...حنان حسن بعدما اخدت معايا المحامي الخاص بياسر روحت معاه للمحكمة... وحضرت الجلس...
الجزء الثاني عشر
للكاتبة...حنان حسن
بعدما اخدت معايا المحامي الخاص بياسر
روحت معاه للمحكمة...
وحضرت الجلسة
وهناك شوفتهم وهما بيتهموا ياسر بقتل شقيقتة
وشوفت كمان جميع اصابع الاتهام
وهي بتشير لياسر
وفهمت ساعتها ان ياسر
علي بعد خطوات من حبل المشنقة
فا قررت اني اساعدة باي وسيلة
وقلت للمحامي الخاص بياسر اني عايزة اشهد في صالح ياسر
وطبعا انا كنت مفهمة المحامي قصتي مع جلال
فا وافق المحامي
بشرط اني اشهد با الي هيقولة ليا المحامي حرفيا
وفعلا ...
لما جه دوري في الشهادة
قومت واتوجهت للمنصة الي قاعد فيها القاضي
وشهدت ..بالمتفق عليه
وقلت...
ان الي حقن المجني عليها هو (جلال) شقيقها
وذكرت في شهادتي
وقولت كمان
ان المجني عليها ( العقربة)
كانت استعانت بممرضة في المستشفي ...
والممرضة دي حقنتني بفيرس مميت
ولولا ياسر سرق المصل من شقيقتة ...وحقني بيه ..ونجاني
كان زماني في خبر كان
وبصيت للقاضي با استعطاف
وقلت ...
ياسر ده شهم جدا...
و طول عمرة بيعمل الخير مع الغريب قبل القريب
ودا بشهادة كل الناس الي يعرفوه
يبقي ازاي شخص زي ده يخطط لقتل اختة؟
بعدما استمع القاضي لشهادتي..طلب مني الجلوس
وفعلا تراجعت للخلف عشان ارجع اجلس مكاني
واثناء ما كنت راجعة لمقعدي
في قاعة المحكمة
اتقابلت في عادل شقيق العقربة
الي كان جه علية الدور للشهادة
فااستغليت الفرصة دي
وبسرعة خرجت الخصلة وفركتها...
واول ما عادل بصلي ..اصدرت اوامري له
وطلبت منه
الاتي...
وقلتلة..
لما تقف امام القاضي
( خليك راجل )
واشهد في صف اخوك (ياسر) عشان يخرج براءة
فا بصلي عادل للحظات
وبعدها ...
كمل في طريقة للقاضي
بدون ما يعيرني اي اهتمام
وبعدما توجه عادل لمنصة الشهود
فضلت اتابع شهادتة امام
القاضي
بمنتهي القلق والتوتر
وفعلا
وقف عادل امام القاضي
لكن...الغريبة
ان عادل متحولش لقرد
كا العادة
بالعكس ...
دا فضل راجل...
وانسان عادي... زي ما هو
فا شكيت في اللحظة دي
اني ربما مكونش فركت الخصلة جيدا
فا وضعت ايدي في صدري وخرجت الخصلة
عشان افركها كويس
لكن...
للاسف... ملقتش الخصلة في صدري
ومكنش لها اي اثر
فا عرفت ان الخصلة اختفت
وافتكرت كلام العجوزة
لما قالتلي
ان الخصلة هتنفذ طلب واحد
وده معناه...
ان عادل نفذ طلب واحد فقط من الي طلبتة منه
وهو لما قلتلة خليك راجل امام القاضي
وفعلا فضل عادل راجل ومتقلبش لقرد
وطبعا انا كده مستفدتش حاجة من الخصلة
و دلوقتي مصير ياسر هيتحدد بشهادة عادل فقط
عشان كده
فضلت اتابع كل كلمة بيقولها عادل بتركيز
ولما ركزت مع شهادتة امام القاضي
اتعجبت ..
لان لما القاضي سال عادل عن شهادتة
رد عادل
وصدق علي شهادتي...
واقر باتهام جلال بالقتل
واضاف عادل
قائلا
...ان جلال هو القاتل الاصلي لشقيقتة فعلا
فا فرحت جدا
وكنت فاكره ان بعد شهادة عادل
هاخد ياسر معايا وانا خارجة من المحكمة
لولا اني سمعت باقي الشهادة الي ادلي بيها عادل
وصدمتني شهادتة للاسف
ودا لما عادل
قال...
انا بشهد ان( ياسر اخويا) ساعد جلال في قتل المجني عليها
اثناء ما كانت اختي مريضة بالمستشفي
ودعم عادل كلامة بالادلة
وقال
والدليل علي كلامي
هتلاقوه
في اثار الخربشات الي في رقبة جلال شقيقي
وهتلاقوه كمان
في اظافر المجني عليها
فا وجه القاضي سؤال لعادل
وقال..
وضح كلامك؟
فا وضح عادل
وقال ..
يوم الجريمة
انا دخلت اوضة اختي في المستشفي بالصدفة
ويومها اتفاجئت
ان ياسر بيأمن لجلال الطريق
عشان جلال يقوم بحقن اختي ...بعقار ما
واول ما جلال... وياسر اخواتي شافوني
خرجوا من الاوضة يجروا
ولما سالت اختي عن الي حصل
قالتلي ان جلال حقنها بفيرس مميت
ولما حاولت اختي انها تقاوم جلال
فا قام بكتم نفسها
فما كان منها الا انها خربشتة في رقبتة ب اظافرها
والخربوش كان قوي
لدرجة ان جلال رقبتة نزفت دم
وبعد ها بيومين اختي ماتت بسبب الفيرس
فسال القاضي
وقال..
يعني انت شوفت بعينك ياسر وهو بيساعد جلال عشان ينفذ جريمتة؟
فا رد عادل
وقال .. ايوه طبعا شوفتهم هما الاتنين بعنيا
واقدر اؤكد لك
ان جلال قتل اختي بمساعدة (ياسر) شقيقي
في اللحظة دي
اتصدمت من شهادة عادل
لانه بشهادتة دي
ياسر كده اتورط في جريمة قتل اختة... والجريمة سبتت علية
في اللحظة دي
قام رجال الامن بالقبض علي جلال ...
وانا فضلت ابص لياسر
الي كان خلف القضبان وانابعيط
وبعدما عادل انتهي من شهادتة ورجع لمقعدة بجانبي
بصيتلة
وقلتلة..
حرام عليك..
لية عملت كده في اخوك ؟
وانت عارف ان ياسر بريئ ؟
فا تجاهل عادل مواجهتي
ومردش عليا
وفي اللحظة دي
سادت في القاعة حالة من الدهشة والثرثرة...
وكثرت التساؤلات
وبدء الحضور يتهامسون
ايه التغيرات المفاجئة الي حصلت في القضية دي
وسببها ايه؟
وفي اللحظة دي
صرخ القاضي في الجميع
من اجل الهدوء
وبعدها...
امر القاضي بالقبض علي جلال..
كما قام بتأجيل القضية
حتي تاتي نتيجة
المعمل الجنائي
الذي سيفحص الخدوش الموجوده برقبة جلال
كما امر بفحص الاثار الموجودة با اظافر جثة المجني عليها
التي كانت لاتزال بالمشرحة
كما امر ايضا با استدعاء الممرضة التي سبق وقد اتهمتها بحقني بالفيرس
وبعد ان اجل القاضي جلستة
وقفت متجمدة في مكاني
وانا شايفة ياسر راجع لمحبسة تاني
وهو فاقد الامل في النجاة
وفضلت اكلم نفسي
وانا هتجنن
ومش قادرة استوعب الي بيحصل
وبدات اسال نفسي
واقول ...
ايه الي يخلي عادل يقر علي شهادتي ؟
ويقول ان جلال هو الي قتل العقربة فعلا ؟
ولية شهد بالزور علي ياسر؟
ولية قال ان ياسر شريك لجلال في القتل ؟
ولما ملقتش اجابة في راسي
جريت علي المحامي
وسالتة
وقلت...
لية عادل شهد بالزور علي ياسر؟
فا رد المحامي
وقال...الاجابة ببساطة
هي .. الطمع في الميراث
قلت...مش فاهمة؟
فا رد المحامي موضحا
وقال....
و اضح ان عادل كان عايز يخلص من اخواتة كلهم عشان يورث الجميع
ويستولي علي التركة كلها؟
في اللحظة دي
انتبهت لتعليق المحامي
وتبريرة لموقف عادل
فا لطمت علي وجهي
وقلت...
ينهار مش فايت ؟؟؟
معني كده؟
اني انا الي ساعدت عادل في تحقيق هدفة؟
لما شهدت علي جلال ؟
لا لا لا...لازم عادل يغير شهادتة
وينفي التهمة عن ياسر
لان ياسر كده هيتحبس ظلم
فا بصلي المحامي باسف
وقالي...
مفتكرش ان شخص طماع زي عادل
ممكن يرجع عن شهادتة
بسهولة كده؟
ووقفني المحامي عن الكلام
او بمعني اصح
(غير الموضوع)
وقالي...
سيبك من عادل دلوقتي
واسمعيني...
عشان عندي ليكي خبر مهم
قلت...خبر اية؟
قال ..
ياسر بية لما شعر بان الامور بتطور للاسوء
طلب مني اجهزلة عقود بيع
واجيبهالة في الزيارة الي فاتت
ولما جيبتلة العقود
تنازل ليكي انتي يا انسة هناء عن جميع املاكة بيع وشراء
في اللحظة دي
شعرت ان قلبي وجعني...
وحسرتي علي ياسر بقت مضاعفة
لكن ..
بعدما فكرت شوية
توسلت للمحامي الخاص بياسر
وقولتلة...ارجوك ساعدني
قال...اساعدك ازاي
قلت...
انا عندي فكرة لو نفذناها صح
ممكن تخلي عادل يغير اقوالة
و ممكن ياسر يخرج من محبسة
فا سالني المحامي
وقالي...فكرة اية؟
قلت..
هو مش عادل بيحاول يخلص من ياسر
عشان يورث ممتلكاتة ؟
قال .. ايوه صح
قلت..تمام
ولو انت قولت لعادل
علي حوار التنازل الي ياسر عملهولي
هقدر ساعتها اتفاوض مع عادل
واعرض علية
اني اتنازلة عن ممتلكات ياسر مقابل انه يغير شهادتة
ويخرج ياسر من السجن
فا بصلي المحامي وهو بيفكر
وبعدها سالني
قالي ...
تقصدي نخدع عادل لغاية ما يغير اقوالة؟
قلت...لا انا مش ناوية اخدع حد
انا ناوية اشتري حياة ياسر واجيب برائتة با اموالة الي كتبها باسمي
فا رد المحامي
وسالني تاني
وقالي...واية المطلوب مني؟
قلت...تروح لعادل
وتوصلة المعلومة وياريت تكشفلة عن العقود الي معاك
عشان يتاكد من جدية المعلومة
فا رد المحامي
وقالي ...حاضر
وفعلا ..
اتصل المحامي بعادل وطلب مقابلتة في امر مهم
ولحسن الحظ ان عادل كان مازال في الجراج المجاور للمحكمة
فا اتفق المحامي مع عادل علي انة هينتظرة بالخارج
وفعلا ..خرج المحامي بمفرده عشان يصارح عادل بحقيقة التنازل الي ياسر عملهولي
وانا وقفت اتابع من بعيد
وشوفت المحامي وهو بيظهر لعادل العقود
وبعدما انصرف المحامي
وترك عادل
اتوجهت ناحية الجراج
الي فية سيارة عادل
واول ما عنيا لمحت سيارتة
جريت علي العربية
وفتحتها وركبت جنبة
وسالتة ..
وقلتلة
انت عارف ايه عقوبة الشهادة الزور ؟
فا بصلي عادل بتعجب
ورد عليا
وقالي ..
المفروض اني انا الي اسالك السؤال ده؟
فا رديت بغضب
وقلت... انا مشهدتش زور
انا شهدت بالحقيقة
لاني شوفت جلال فعلا وهو بيحقن اختك ( العقربة) بالفيرس
في اللحظة دي
انطلق عادل بسيارتة بدون ما يطلب مني اني انزل
وانا اصلا مكنتش هنزل من العربية
لاني كنت مصممة اني اقنع عادل بتغير اقوالة
عشان ياسر يخرج براءة
وفضلت منتظرة ان عادل يسالني عن موضوع املاك ياسر الي تنازلي عنها
لكن...عادل متكلمش خالص
فا رجعت سالتة تاني
وقلت...لية شهدت علي ياسر بالزور؟
فا اصر عادل علي الصمت
وتجاهل سؤالي
فا رديت بغضب
وقلت...
عموما كلها كام يوم
ونتيجة المعمل الجنائي تظهر
وتأكد...
ان الخدوش الي عند جلال ملهاش علاقة بمقتل شقيقتك
ومش بعيد جلال يطلع براءة
وبالتالي ياسر كمان هيطلع براءة
وساعتها انت هتتحاكم بتهمة الشهادة الزور
في اللحظة دي
رد عادل بمنتهي الثبات
وسألني
وقالي...
تفتكري اني شخص ساذج للدرجة دي
عشان اعرض نفسي للحبس بسبب الشهادة الزور؟
انتي لية مش عايزة تصدقي
ان جلال وياسر هما الي قتلوا شقيقتهم ؟
عموما مسيرك هتتاكدي
من كلامي ده
بعد ظهور نتيجة فحص المعمل الجنائي
و هتعرفي اني...
مكنتش بزور في شهادتي
قلت...لا انت بتكدب
لاني كنت موجودة اثناء ما جلال كان بيحقن اختة بالفيرس
ومشوفتش اختك وهي بتخربشة في رقبتة...
ولا حتي شوفتة لمسها خالص
وانت اصلا مكنتش موجود اثناء ما جلال حقن اختك بالفيرس
يبقي خرابيش ايه دي بقي الي انت بتستشهد بيها؟
فا سكت عادل
ومردش عليا
وفي اللحظة دي
قررت اواجهة
وفجاءة ...
واجهتة بكل جراءة فعلا
وقلتلة...
انا عارفة انك بتتخلص من اخواتك عشان تفوز بالميراث لوحدك
وطبعا انت مصدقت اني شهدت علي جلال اخوك
فا قررت انك تتخلص منة
هو و ياسر بالمرة
وخصوصا ان مفيش حد فيهم بيخلف ولا في وريث غيرك
وبعدما انتهيت من مواجهتة
بصيت لعادل بتحدي
وقلتلة
انا كان ممكن اغير شهادتي وادعي عليك بانك انت الي غصبتني علي الشهادة
واقلب الدنيا علي دماغك
بس انا مش هعمل كده
فا ابتسم عادل ببرود وسالني
وقالي...امال ناوية تعملي ايه
قلت...انا عندي ليك عرض
وانت حر تقبلة او ترفضة براحتك
فا سالني عادل
وقالي...عرض اية؟
قلت...ياسر كتبلي جميع املاكة
وانا علي استعداد اني اتنازلك عنها
في مقابل انك تغير اقوالك...
وتشهد بان ياسر ملوش علاقة بمقتل شقيقتة
وبمجرد ما ياسر هيخرج براءة
هتكون اموالة وممتلكاتة كلها باسمك
فا ابتسم عادل تاني ببرود
ولقيتة بيقولي. .
انا بقي الي
عندي ليك عرض
ولازم تقبلية بدون نقاش
قلت...عرض اية؟
فا وقف عادل السيارة
وقالي...انا من يوم ما شفتك وانا معجب بيكي
ودلوقتي
انا عايز اتجوزك
اية رايك؟
فا ابتسمت بسخرية
وقلت.. انا اتجوزك انت ؟
دنتا انسان طماع واناني وقضيت علي اخواتك عشان تورث لوحدك
جواز اية الي بتكلمني فية؟
فا بصلي عادل بغضب
وبدون ما يتكلم
شغل فيديوا علي موبيلة
وقالي ..
شوفي.. واسمعي.. وتأملي
ولما بصيت علي الفيديوا
اتفاجئت ...
ان الفيديوا الي شغال للعقربة
الي ماتت
وكانت العقربة ظاهرة في الفيديوا واضحة...
وكانت قاعدة علي سرير في المستشفي
وخلفها كان في
( نتيجة) معلقة
و مثبت فيها ايام الاسبوع
وكانت العقربة بتتكلم في الفيديوا بوضوح
وللاسف...
كانت بتتهمني... وبتشهد عليا باني انا الي حقنتها بالفيرس
والنتيجة الي كانت معلقة خلفها
كانت بتثبت ان اتهامها ليا كان قبل وفاتها بيومين
وبعدما انتهي الفيديوا
ابتسم عادل
وقالي...
الفيديوا ده لو وصل للنيابة هيتركوا جلال وياسر وهيعدموكي انتي بدالهم
فا اية رأيك ؟
تحبي نوصل الفيديوا
للنيابة ؟
فا ابتلعت ريقي
وقلت...
ايوه بس الي قالتة اختك ده كدب وافتراء و.......
فا قاطعني عادل
وقالي ..
والله بقي القاضي مش هيسأل اختي
ان كان كلامها ده كدب؟
ولا صدق؟
لان... اختي ماتت
والقاضي ...
هياخد بالشهادة الي في الفيديوا فقط
والعرض دلوقتي
انك تقبلي تتجوزيني
وتثبتي علي شهادتك في المحكمة
لغاية ما جلال وياسر ياخدوا اعدام؟
ونتمتع انا وانتي بالميراث كلة؟
قلت...ايوه بس ......؟
فا قاطعني عادل
وقالي..
عارف انك هتكلميني عن ياسر
وهتقوليلي انه هيتعدم ظلم يا حرام
عموما لو وافقتي
علي الجواز
انا ممكن اغير اقوالي واشهد بان جلال هو المسؤال لوحده عن مقتل اختة
يعني هخرج ياسر من القضية
زي ما الشعرة بتخرج من العجين
بس وافقي علي جوازنا
لان لو رفضتي جوازي منك هفقد اعصابي وهاروح اقدم الفيديوا للنيابة؟
وساعتها هتخسري كل شيىئ وبرضوا ياسر مش هياخد براءة
في اللحظة دي
فكرت شوية
وبعدماالقيت نظرة اخيرة علي الفيديوا
بصيت لعادل
وقلتلة...خلاص
انا موافقة اني اتجوزك
وبمجرد ما عادل سمع موافقتي علي الجواز... انطلق بسيارتة
واخدني علي اقرب مأذون
وكتبنا الكتاب بالفعل
وكنت في اللحظة دي
حاسة اني اتعس مخلوقة في العالم
وبعدما نزلنا من عند المأذون
اتصل عادل علي احد السماسرة
وطلب منه انه يوجدلة شقة مفروشة حالا
و اخدني عادل علي المشتل بتاعة
وقالي ..اننا هننتظر السمسار في المشتل
وفعلا دخلنا للمشتل باليل
وفضل عادل
يفرجني علي الورود
وبعدها فتح غرفة مغلقة بالقفل من الخارج
وشاورلي بايدة
وقالي...تعالي
قلت...اجي فين؟
فا ابتسم
وقالي...تعالي هفرجك علي انواع نادرة من الورود
فا قلقت منة..لان مش من المنطقي...
ان الغرفة المغلقة المظلمة يكون فيها ورود
فا اتقدمت واقتربت منه وانا متردده
وخوفت لا يكون ناوي يغدر بيا
والي خوفت منه لقيتة
لاني بمجرد ما قربت من عادل
جذبني من ايدي فجاءة
ودخلني للغرفة المظلمة بالقوة
وكان واضح انه ناوي يدخلني للغرفة ويقفل عليا جوه
لكن انا فضلت اقاومة بكل قوتي
لدرجة اني تشبثت بجيب الجاكيت بتاعة
لغاية ما جيب الجاكيت بتاعة اتقطع وطلع في ايدي
وبالرغم من وقوع اشياء كتير من الجيب في الاوضة
لكن ..ده مأثرش في عادل
وخرج بسرعة وقفل عليا الباب من بره
وبعدما عادل حبسني في الغرفة
سمعتة بيقولي...
الاوضة الي انتي فيها مليانة ثعابين سامة
وبمجرد ما هيلدغك ثعبان منهم ..
هتموتي اول ما السم يدخل لجسمك من خلال الدم
وطالما هتموتي
يببقي اسمعي المفاجئة دي
اختي ممتش بالفيرس
جلال هو الي حط مخدة علي وجهها
وكتم نفسها في المستشفي
وانا الي كنت معاه وبساعدة
عشان تموت
قبل ما يحققوا معاها ويسمعوا شهادتها
واحنا الاتنين خططنا لقتلها
لما عرفنا انها كتبت لياسر املاكها كلها
والي شجعنا علي قتلها
لما عرفنا انها اعترفت لمدير المستشفي قبلها بان في شخص حقنها بالفيرس
وقالتلة...
ومذكرتش اسم الشخص
وانا وجلال اتفقنا اننا نلفق جريمة قتلها لياسر
ونشهد بانه هو الي حقنها بالفيرس
ونستشهد بمدير المستشفي
وساعتها كنا هنخلص منهم هما الاتنين ونورثهم
فا كان لازم نخلص منها بسرعة...
قبل ما تذكرله اسمك
وفعلا استغلينا انها نامت
ووضع جلال علي وجهها مخدة عشان يخنقها
لكن الي حصل ان اختي حاولت تقاوم جلال
فا خربشتة في رقبتة واظافرها غرست في لحمة
يعني الفحص الجنائي هيثبت فعلا ان جلال هو الي قتلها
وبصراحة انتي خدمتيني
لاني مكنتش هقدر اشهد علي جلال ولا هقدر اخلص منه
لانه كان ممكن يشهد عليا
ويقول اني كنت شريكة
لكن ....
شهادتك انتي علي جلال ثبتت الجريمة عليه
وخرجتني انا منها
بعدما سمعت اعترافة
سالتة ....
وقلت...يعني انت الي اشتركت مع جلال و قتلت اختك؟
طب لية كدبت عليا ؟
ولية اتجوزتني؟
فا رد عليا عادل
بكل بجاحة
وقالي ..
بما اني كتبت كتابي عليكي شرعي
فا انتي دلوقتي اصبحتي زوجتي
وطبيعي اني اورثك لما تموتي
وفي الحالة دي هسترد جميع ممتلكات ياسر الي كتبهالك
وبعد ما خلص كلامة
فضل عادل يضحك
وبعدها سمعتة
بيقولي...
سلام يا زوجتي العزيزة
وبدء صوت خطواتة يبعد
و بعدما عادل اختفي
وقفت ابص حواليا وانا مرعوبة
لكن مكنتش عارفة اشوف حاجة
لان الغرفة كانت ضالمة
وفضلت اصطنت بوداني شوية
لغاية ما سمعت فعلا صوت فحيح الثعابين
فا قعدت اعيط
واقول في نفسي
انا ازاي طلعت غبية اوي كده؟
وازاي وثقت في وعود عادل واتجوزتة؟
دا انا بغبائي كنت فاكرة اني بنقذ ياسر
لكن ...المصيبة اني ضيعت نفسي...
وضيعت املاك ياسر كلها...
وقبل ما اكمل في جلد ذاتي
سمعت صوت حركة شيئ معدن في الارض
والصوت كان شبيه بصوت اهتزاز مفاتيح
وبعدها...
سمعت صوت خروشة مخيفة
وكان واضح ان في ثعابين فعلا في الارض
فا فضلت ارتعش...
والدم كان هتجمد في عروقي من الرعب
واثناء ما كنت ضامة رجلي في بعضها
وظهري ملتصق في الباب
فضلت اعيط واقول ياااارب
واثناء ما كنت واقفة متسمرة في الوضع البشع ده
اتفاجئت ب ...........؟
بصوا بقي..
انا فعلا اسفة اني اتاخرت علي حضراتكم في نزول الاجزاء الاخيرة
بس انا فعلا كنت بمر بظروف عصيبة ...
وكنت في كرب شديد
ربنا يعافيكم جميعا
بس الحمد لله ربنا لطف
وبدات اقف علي رجلي تاني
وبالمناسبة
عايزة اشكر كل الي سالوا عليا
في محنتي ...
وبقولهم ...اني شعرت بطيبة قلوبكم من خلال حروفكم
وانتوا بتسالوا عليا
وبالنسبة للناس الي هاجموني واتهموني بالتقصير
بقولهم...
ربنا يسامحكم ..ومش زعلانة منكم
الي حابب يكمل في متابعتي اهلا وسهلا وعلي دماغي
والي مش عايز يتفضل
لكن بدون تجاوز او تجريح ...
لاني مش هقبل باي اهانة .
من اي شخص
حتي لو كان الشخص ده
اخر متابع ليا.
وشكرا للجميع
لو عايز باقي احداث الرواية
صلي علي رسول الله
وطبعا مش هننسي نضع عشر ملصقات مع متابعة صفحتي الشخصية مع تحياتي
الكاتبة
حنان حسن
عليه افضل الصلاة والسلام
ردحذفعليه افضل الصلاة والسلام
ردحذفاللهم صل وسلم وبارك عليك يا سيدي يا حبيبي يا رسول الله
ردحذفتحمي
ردحذفالف الحمد لله والشكر على سلامتك مابيج غير العافية الله الحافظ
ردحذفاللهم صلي على سيدنا محمد
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفعليه افضل الصلاة والسلام
ردحذفاللهم صل وسلم على نبينا محمد وعلى آله وصحبه أجمعين ٠٠٠والحمدلله علي سلامتك
ردحذفعليه أفضل الصلاة وازكي السلام
ردحذفعودا حميدا باذن الله
ردحذفصل الله عليه وسلم وبارك على سيدنا محمد
ردحذفانتي أستاذه بمعنا الكلمة ولكي كل الاحترام والتقدير
اللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفسبحان الله وبحمده سبحان الله العظيم
ردحذفاللهم صل على محمد
ردحذف