ليلة العمر الجزء التاسع للكاتبة..حنان حسن بعدما اتصادفت بماجد في الحمام وشوفت وجهة وهو مغسول اكتشفت ساعتها انه بدون دقن ولا شنب ...
الجزء التاسع
للكاتبة..حنان حسن
بعدما اتصادفت بماجد في الحمام
وشوفت وجهة وهو مغسول
اكتشفت ساعتها انه بدون دقن ولا شنب ولا حتي حسنة بوجهة
فا فهمت وقتها
ان الي معايا ده يبقي عابد زوجي.... مش ماجد التؤام
وفي اللحظة دي
وقفت ابصلة بدون ما اتكلم
وبعد ما فوقت من الصدمة
قررت اني مبينش له
باني اخدت بالي من حاجة
بالعكس...
دنا مسكت بطني وعملت باني مصابة بالمغص
الي مخليني مش مركزة
وسالتة.. ان كان انتهي من الحمام بتاعة؟
لاني محتاجة الحمام ضروري
فا رد وهو بيغادر الحمام بسرعة
وقالي...ايوه خلاص
انا انتهيت من الحمام بتاعي ادخلي
وفعلا...دخلت للحمام
وفي الحمام...
فضلت افكر
في الجنان الي بيحصل ده
وبقيت اسال نفسي
واقول...
معني ان الدقن والشنب والحسنة يختفوا من علي وجهة
يبقي اكيد الشخص ده يبقي عابد
طب ولو هو عابد؟
لية بيخفي نفسة عني ؟
ولية ادعي انه مات؟
ولية امي عرفتني علية
علي انه
ماجد شقيق عابد التؤام ؟
ولية كمان عابد متخلصش مني لغاية دلوقتي؟
عشان يقبض العشرة مليون؟
ولية......؟
وفجاءة توقفت عن الاسألة
وقلت...
هو انا لسة هسأل؟
و اضح جدا ان الي بيحصل ده وراه مصيبة كبيرة بتنتظرني
ومش بعيد يكون عابد بيخطط
انه يخلص عليا في البيت ده
وعشان كده
انا لازم اخرج من هنا باي طريقة
بس هخرج ازاي ؟
وهو بيقفل عليا كل ما بيخرج؟
وفضلت افكر في حيلة
عشان اقدر اخرج من الشقة الي انا فيها
وبعد تفكير طويل
وصلت لفكرة وقلت اجربها
والفكرة كانت...
اني اعمل نفسي تعبانة
عشان يخرج و يجيبلي دواء
فا انتهز انا الفرصة ...
واضربة علي راسة باي حاجة
واخرج من البيت قبل ما هو يفوق
وبدات فعلا في تنفيذ خطتي...
ومسكت بطني
وفضلت اصرخ بصوت عالي
وكأني بتقطع من المغص
وبعد ما عابد سمعني
لقيتة جاي يجري وكان باين عليه...
انه قلقان عليا
وسألني ...
وقالي...مالك فيكي اية؟
قلت...بطني بتتقطع من المغص
فا دخل يعملي حاجة سخنة
عشان اشربها..
لكن انا زدت في الصراخ
وقلتلة...انا بطني بتتقطع
وحاسة اني هموت
وفي اللحظة دي
لبس عابد هدومة بسرعة
واتفاجئت انه
جايبلي هدومي انا كمان
ولقيتة بيقولي ...
البسي بسرعة
وتعالي نروح للمستشفي
فا اتعجبت من رد فعلة الغير متوقع
وفعلا لبست ولقيتة
بيساعدني
اني اتحامل علية
عشان اقدر انزل معاه
فا اتحاملت علية بالفعل
ونزلت معاه ...
وبعدما ركبنا السيارة
بدات ابص علي الشارع زي السجين
الي محروم من الحرية
ولاحظت ساعتها
اننا كنا في بيت منعزل عن باقي البيوت
لكن كان قريب من البحر
المهم...
بعدما مشيت بينا العربية مسافة كبيرة
وصلنا اخيرا للمستشفي
وطلب عابد منهم
انهم يكشفوا عليا
وكان عايز يجي معايا لغرفة الكشف
لكن انا وقفتة
وقلتلة...
لا يا ماجد مينفعش تدخل معايا غرفة الكشف
لان انا ممكن اقلع جوه
فا سألتة الممرضة
وقالتلة...
هو حضرتك جوزها؟
قالها...لا
فا اتأسفتلة
وقالت..معلش مينفعش تدخل معاها
وفعلا دخلت للدكتور بمفردي
وبعدما دخلت لغرفة الكشف
لقيتها فرصة للهرب
فا اتكلمت مع الطبيب
وقلتلة...
من فضلك انا لازم اروح الحمام ضروري
قبل الكشف
فا قام الطبيب
وشاورلي علي الحمام
وقالي...اتفضلي روحي للحمام
في اللحظة دي
خرجت وبصيت علي عابد
لقيتة مشغول في موبيلة
اثناء ما كان بينتظرني في الاستراحة
فا اتسللت بدون ما يشعر بيا... وخرجت من باب جانبي
واول ما بقيت في الشارع
شاورت لميكروباص
كان معدي من جنبي
وبسرعة ركبت فيه
عشان اختفي من ادام المستشفي
قبل ما عابد يكتشف اختفائي
وبعدما بعدت عن المستشفي
طلبت من السواق ينزلني من الميكروباص
بحجة اني نسيت كيس الفلوس
وبمجرد ما بقيت بعيد عن ايد عابد
بدات اسأل المارة
واقولهم.. انا فين بالظبط
عشان اشوف هرجع بيتنا ازاي
وفعلا
حددت المكان الي انا فيه
وبعدها ..استقليت اكتر من وسيلة مواصلات
لغاية ما رجعت لبيتنا
واثناء ما كنت رايحة علي شقتنا
مريت علي شقة عابد الي ادام شقتنا
وفضلت اقول..يا خسارة
انا ازاي كنت بحب واحد زي عابد ده؟
المهم...
رنيت الجرس
وبعد دقيقة
لقيت خالتي الدكتورة جهاد هي الي بتفتحلي الباب
واول ما شافتني
صرخت من الفرحة
وفضلت تحضني
وتقولي...
.وحشتيني يا ريم
انتي كنتي مختفية فين؟ قلقتينا عليكي
فا حضنتها وبكيت
وقلتلها...دنا حصلي حاجات كتير ..لو قولتهالك مش هتصدقيها
فا بصتلي خالتي جهاد بشفقة
وقالتلي...
لا متقوليش اي حاجة دلوقتي
ادخلي الاول خدي شاور
اكون جهزتلك لقمة تكليها
وبعدها ابقي احكيلي كل حاجة
فا ابتسمتلها...
وانا ببص حواليا
وبدور بعيني عن خالتي مرصودة
وسألتها ..
وقلت...امال فين خالتي مرصودة ؟
فا ردت
وقالت...خالتك بقالها فترة معتكفة في شقتها
ومش بتنزل هنا
وغيرت خالتي جهاد الموضوع
وقالتلي..
ادخلي يلا بسرعة خدي الحمام بتاعك
وفعلا دخلت اخدت شاور
وخرجت علي المطبخ
عشان اكل اللقمة الي خالتي جهزتهالي
لكن...
ملقتش خالتي في المطبخ ولا حتي لقيت اي اكل
فا روحتلها علي غرفتها
عشان اسألها عن الاكل
لكن في اللحظة دي
اتفاجئت...
ان خالتي الدكتورة بتكلم حد في الموبيل
وبتقولة...
هي لسة واصلة حالا
تعالي بسرعة عشان تاخدها
وانا هجهز كل حاجة علي ما تيجي
في اللحظة دي
شكيت ان خالتي تكون بتتصل بعابد
لانها كانت بتقولة تعالي بسرعة
عشان تاخدها
فا شعرت بالرعب والحزن
في نفس الوقت
وقلت لنفسي
هما لية اهلي
قلبهم قاسي اوي كده؟
يعني امي قبل كده
اتفقت مع عابد عليا ...
وهي عارفة انه عايز يأذيني
ودلوقتي خالتي
بتتصل بعابد من ورايا
عشان يجي يرجعني للحبسة الي كنت فيها تاني
طب اعمل اية دلوقتي
وهروح فين؟
دنا حتي مش معايا فلوس عشان اقدر اصرف بيها علي نفسي
وفي اللحظة دي
افتكرت شنطتي الي فيها فلوسي
لكن الشنطة كانت في شقة عابد
فاقلت بيني وبين نفسي
انا لازم اروح شقة عابد
واجيب شنطتي
واشوف يمكن الاقي في الشقة فلوس اضافية
تساعدني اني اؤجر شقة عشان اعيش فيها بعيد عن اهلي
وبالفعل...اتسللت بدون ما خالتي تشعر بيا
وخرجت من شباك شقتنا...
ودخلت لشباك شقة عابد
وبمجرد ما بقيت بداخل شقة عابد
روحت جيبت شنطتي
من مكانها
وقبل ما اخرج
لاحظت ان باب غرفة عابد مفتوح
علي غير العادة
فا روحت علي غرفة عابد
وفضلت ابحث عن اي فلوس
واثناء ما كنت بفتش في درج مكتبة
اتفاجئت بكارنية
علية صورة عابد..
لكن الغريبة...
ان الكارنية كان علية شعار نادي الاطباء
فا قرات البيانات الي علي الكارت
لقيت مكتوب في خانة المهنة
طبيب بشري
فا اتعجبت من الي مكتوب
وقلت...اكيد عابد مزور الكارنية ده
لانة مش بيشتغل طبيب اصلا
وفي اللحظة دي
اخدني الفضول وبدات افتش في المكتب كلة
وبمجرد ما فتحت الدرج الي علي شمالي
لقيت رخصة سيارة لعابد
وبرضوا الرخصة كان مكتوب فيها ان المهنة (طبيب)
فا اتعجبت من المعلومة الغريبة دي
ورجعت افتش تاني
لكن المره دي
لاحظت ان الدرج الي علي اليمين...
كان مقفول بالمفتاح
فا جيبت المفك والمطرقة
وفضلت ورا الدرج لغاية ما اتفتح
وبمجرد ما تفتح الدرج
شوفت كام دوسية
فيهم صور اشعة
واوراق تاني كتير حاولت اقراءها
لكن ...
مفهمتش حاجة
لان كل الاوراق كانت بالانجليزي
بس لما شوفت صور اشعة ورسم قلب
فهمت انها تقارير طبية
بس الي رعبني بجد
هو اني
قرات اسمي علي احد التقارير الي في الورق
وكمان شوفت صورتي في وسط الاوراق برضوا
وفي ظرف جانبي من الدرج
لقيت شيك ب ١٠مليون جنية
في اللحظة دي
بدات اربط بين مهنة عابد
كا طبيب...
وبين اسمي وصورتي الي في وسط التقارير
وبين التصرفات المريبة الي عابد بيعملها معايا من يوم ما اتزوجنا
وعرفت دلوقتي بس لية عابد عمل تمثيلية الموت..والثأر
ووثيقة التأمين
وكل دا كان
عشان...
منها يقبض قيمة التامين
ومنها يتأجر بالجثمان بتاعي
بعد ما يخلص مني
ايوه ايوه
عشان كده عابد
مغرقنيش في المية
وكمان...
اخدني للمستشفي اول ما جاني مغص
طبعا مهو خاف علي الجثة الي قبض ثمنها مقدما
وبمجرد ما فهمت مين عابد وكان ناويلي علي اية
بسرعة اخدت الاوراق دي كلها
ورجعت علي شقتنا..
عشان اثبت لخالتي جهاد
ان عابد الي هما عايزين يرجعوني له
طلع طبيب علي هيئة جزار
وبيتاجر في الاعضاء
وكنت عايزاها تيجي معايا عشان نبلغ عن
الدكتور...
باع اعضائي
واستلم ثمنها وانا لسة عايشة
المهم..
اول ما دخلت علي خالتي
حطيت كل الاوراق ادامها
وقلتلها...
الحقيني يا خالتوا
انا طلعت متجوزة طبيب... ونص&اب..وق&اتل
والطبيب طلع تاجر اعضاء بشرية
فا بصتلي خالتي جهاد بقلق
وسالتني
وقالتلي...اهدي يا ريم؟
انتي وجهك اصفر اوي كده لية؟
وجريت خالتي بسرعة
و جابتلي زجاجة المية بتاعتها
وقالتلي ..اشربي واهدي
وبعدما شربت شوية مية ابتلعت ريقي
وقلتلها... عابد طلع طبيب وبيتاجر في الاعضاء
يا خالتو
وخدعني بقصة وهمية لغاية ما خلاني اعمل وثيقة تأمين
علي الحياة
وكان محتجزني في مكان مجهول
عشان يقبض قيمة التأمين
وبعدها...
يبيع اعضائي
فا ردت خالتوا
وقالتلي.. اية الكلام الخطير الي بسمعة ده؟
اهدي بس وفهميني الحكاية ايه بالظبط؟
وفعلا
سردت لها قصتي مع عابد من الاول
وعرفتها...
ان عابد باع جسمي واستلم فلوسة مقدما
كان واخدني للشقة اياها عشان يق&طع من جسمي ويبيعني بالقطعة
وبدل ما خالتي ترد عليا
او تتصل بالوبليس
اتفاجئت ب خالتي
وهي بتبص ناحية الباب الي ورايا
وبتوجه كلامها
لشخص واقف عند الباب
وبتقولة..
ريم خلاص عرفت كل حاجة؟
وعشان كده
لازم العملية تتم فورا
بعدما سمعت كلام خالتي
الدكتورة
عرفت انها شريكة في عملية البيع
بس حبيت اعرف هي كانت بتوجه كلامها لمين
فا بصيت للخلف بسرعة
عشان اتفاجئى ب........؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على نبينا محمد وعلى اله وصحبه وسلم
ردحذفاللهم صلي وسلم وبارك على سيدنا محمد
ردحذفهي طلعت غبيه اوي انها رجعت لحالتها تاني كانت لازم تهرب وتبعد
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفعليه افضل الصلاة والسلام
ردحذف🌹🌹🌹🌹🌹🌹
ردحذف