الجزء الخامس من رواية ليلة العمر للكاتبة حنان حسن

ليلة العمر الجزء الخامس للكاتبة..حنان حسن انا عارفة انك كنت بتحطلي منوم في العصير عشان تاخد حقوقك الزوجية وعارفة كمان انك كنت بت...

ليلة العمر

الجزء الخامس

للكاتبة..حنان حسن

انا عارفة انك كنت بتحطلي منوم في العصير عشان تاخد حقوقك الزوجية

وعارفة كمان انك كنت بتحطلي مكياج بشع ...

علي وجهي وانا نايمة

واخدت بالي من تصرفاتك  الغريبة كلها

ودلوقتي انا عايزاك تطلقني

بس قبل ما تطلقني

 نفسي افهم لية كنت بتعمل كده ؟ 

ولية تاخد حقك الشرعي سرقة...

 وانا حلالك... وزوجتك شرعا؟

ده الكلام الي الي وجهت بيه عابد بعدما فاض بيا من تصرفاتة المريبة

وبعد ما انتهيت من كلامي

اخدني عابد من ايدي وقعدني علي الكرسي

وقالي...عايزة تعرفي انا لية كنت بحطلك المنوم في العصير

قلت...ايوه ارجوك فهمني

قال...طب اقعدي واسمعي حكاياتي من الاول

وانتي هتفهمي سبب تصرفاتي الغريبة

وفعلا 

بدء عابد يسرد حكايتة الغرببة

وقال...

انا كنت رجل اعمال ناجح

واحوالي المادية متيسرة

والدنيا معايا تمام

لكن.... كان ليا منافس في مجال عملي اسمة غانم

وده كان راجل حقود وحاططني في دماغة هو وابنة خالد

وفي يوم قامت مشاجرة كبيرة بيني وبين غانم

بسبب قطعة ارض كنت رايح اشتريها ولقيت غانم مصمم ياخدها لنفسة

في اليوم ده الخناقة كبرت

 وابنة خالد رفع سلاحة عليا

فا اتعامل معاه واحد من رجالتي وقتل خالد

وبالرغم من ان البوليس حقق في جريمة القتل

وقبضوا علي رجل الامن الي بيشتغل معايا واعترفلهم اني مليش علاقة بقتل خالد

لكن...غانم مازال بيتهمني بقتل ابنة  ومصمم ياخد بثارة مني...يا اما ادفعلة دية قتل

بقيمة ١٠ مليون جنية

وطبعا انا فلوسي كلها في السوق واستحالة اقدر اوفرلة المبلغ ده

والي زاد وغطي

ان الحارس بتاعي الي قام بقتل خالد...لما لقي نفسة هيتعدم

بعتلي رسالة قالي فيها اني لو مخرجتوش من جريمة القتل هيغير اقوالة وهيقول اني انا الي حرضتة علي قتل خالد

ومكنش في حل لمشكلتي غير الهرب

ومن يومها وانا قررت 

ابيع كل حاجة واهرب لاي بلد في الخارج ...قبل ما تطربق علي دماغي

والي كان جابرني علي القعدة هنا...

 هو اني كنت بحاول اجمع فلوسي من السوق 

عشان يبقي معايا فلوس اعيش بيها خارج البلد

وفي وسط اللخبطة دي كلها

 ظهرتي انتي في حياتي يا ريم

ولقيتك بتقوليلي اني اتجوزتك بدون ما ادري

ولاني مكنتش مستعد لجواز ولا لتحمل اي مسؤلية

رفضت وجودك في حياتي وكنت عايز اطلقك

بس الي خلاني اتردد عن اني اطلقك

 هو اني عرفت من الماذون بمؤخر الصداق الكبير الي انا كتبتة علي نفسي

وكنت ناوي ازهقك لغاية ما تمشي 

وتتنازلي عن المؤخر

وبعدها ابقي اكمل في خطة هروبي برا البلد

لكن لما شوفت التغير الي حصل في شكلك

وقمصان النوم المثيرة الي كنتي بتلبسيها

ضعفت وحاولت اطلب منك حقي الشرعي

بس خوفت لا اعلقك بيا

وانا مش ملك نفسي اصلا

ولا هقدر اكمل معاكي

فا بدات احطلك المنوم في العصير عشان

 اخد حقي الشرعي بدون ما تدري

ولما جربت مرة اني اخد حقي الشرعي بالطريقة دي

استهواني الامر

 ولقيتني مش قادر امنع نفسي ولا قادر ابعد عنك

فاكررتها تاني ..وتالت

وفضلت كده لمدة ايام كتيرة

لكن مؤخرا عرفت انك حامل

وساعتها الامر اختلف...

وحساباتي كمان اختلفت

 

ولقيتني بقيت مسؤال عن طفل ...وزوجة بحبها

وميتفعش اتركهم لوحدهم

وخصوصا انك علي خلاف مع اهلك بسبب الي حصل مع والدتك 

يعني ممكن تتشردي انتي وابني

ولاني كنت عارف ان امك غضبانة منك 

فا حاولت احنن قلبها عليكي

وفهتها انك مريضة

 عشان ترجع تحتويكي

 تاني

وعشان  امك تصدق انك مريضة ...

وضعت علي وجهك مكياج

 عشان امك تصدق انك مريضة

و تتأثر... وتاخدك معاها

وساعتها هبقي مطمن عليكم لما اسافر

بعدما عابد فهمني السبب الي ورا تصرفاتة الغريبة

فكرت شوية

وبعدها سالتة

وقلت...

 لكن ازاي بتقول انك كنت هتسافر

وازاي كنت جاي تخطب امي ؟

فا رد عابد

وقالي...انا لما لقيت امك بتحاول تحاوطني با اهتمامها

قلت استغل اهتمامها ده

 كا تموية

وقررت اعلن خطوبتي عليها

 وخصوصا اني كنت بحصل فلوسي من السوق

وكنت عايز غانم يعرف اني بخطب

 فا يطمن اني مش ههرب

فا اتجاوبت معاها...وروحت فعلا عشان اخطبها

وكنت ناوي اسافر قبل كتب الكتاب

لان امك مكنتش في دماغي اصلا

انما انتي وابني  بقيتوا

نقطة ضعفي

 ومش عارف اعمل اية 

لا قادر اسيبكم واهرب

ولا قادر اقعد معاكم واتعرض للقتل او...السجن...ا والاعدام

قوليلي انتي يا ريم لو مكاني كنتي هتعملي اية

في اللحظة دي

عابد صعب عليا وحسيت ان حبي له زاد اضعاف 

فا رديت بمنتهي الاسف

وقلت...انا اسفة ان كنت ترجمت تصرفاتك غلط

بس دلوقتي انت فعلا لازم تكمل في خطة الهرب 

وتسافر فورا

فا رد عابد

وقالي...بس انا مش هقدر اسافر واسيبك انتي و ابني

 ازاي اهرب واسيب حتة مني هنا

قلت مهو مفيش حل تاني 

وانا استحالة اطلب منك تفضل هنا وتعرض نفسك للقتل

فا رد

وقالي...لا 

انا استحالة امشي واسيبكم

وبعدما عابد فكر شوية

وسألني

وقالي...ريم هو انتي بتحبيني

قلت...ايوه طبعا بحبك يا عابد

فسالني تاني

وقالي...يعني ممكن تسافري معايا وتنسي اهلك و تستكفي بيا وب ابنك عن العالم ؟

قلت...ايوه طبعا ودي عايزة سؤال؟

قالي... طب اسمعي يا ريم

انا عندي فكرة صعبة شوية

بس لو نفذناها

هتتحل كل مشاكلنا

وهقدر اخدك انتي وابني معايا

ونسافر بره ونعيش ملوك

 ونخلص من غانم والسحن والاعدام

قلت...فكرة اية؟

قال...انا اكتشفت اني صعب ابيع ممتلكاتي هنا في وقت قصير..

وبالتالي هسافر واترك كل حاجة ورايا

وهخسر سنين شقاء

فا بفكر اني استغل ممتلكاتي دي

وبضمانهم اكسب ملايين

قلت ...معلش انا كده مش فاهمة حاجة 

ممكن توضح اكتر؟

فا بدء عابد يوضح قصدة

وقال...

قال...انا ابن عمي شغال مدير لشركة تأمين علي الحياة

وابن عمي ده 

عارف اني راجل تقيل في السوق

ولو طلبت منه انه يأمن علي حياة زوجتي باي مبلغ

 هيوافق وهيفرح كمان

قلت...تمام وبعدين؟

قال...انا هأمن عليكي  بالعشرة مليون 

الي غانم طالبهم دية مقابل مقتل ابنة

وبعدها ...هندعي انك مسافرة للسعودية عن طريق البحر عشان تعملي عمرة

وهتاخدي شنطك وهتركبي السفينة فعلا

عشان الاوراق بتاعتك تتختم ونقدر نثبت انك ركبتي السفينة فعلا

وبعدها انا هكون مرتب مع ناس شغالين في السفينة

 انهم ينزلوكي في البحر الاحمر

ويرجعوكي علي

  مركب صغير

بس قبل ما تنزلي من علي السفينة 

هتكوني سلمتي شنطك  واوراقك كلها

لشخص انا هبعتهولك

وبعدها الناس الي شغالين علي السفينة هيدعوا انك غرقتي 

بعدما تكون اوراقك ثبتت صعودك علي السفينة 

ولما شركة التامين تحقق في الامر هيتأكدوا انك اتعرضتي للغرق اثناء ما كنتي علي سطح السفينة

وساعتها ابن عمي (مدير شركة التأمين هيساعدني

 علي تخليص الاجراءات

 ويسلمني قيمة التأمين العشرة مليون

قلت ...بس انا كده هبقي في نظر القانون شخص متوفي

ومش هيبقي ليا اي اوراق تثبت هويتي؟

فا رد عابد

 وقالي

منا ساعتها هعملك ورق وهوية جديدة

وبالباسبور الجديد هنسافر بيه انا وانتي 

وابننا  يتولد ويتربي في وسطنا وندخلة احسن مدارس ونعيش كلنا احسن عيشة

محنا ساعتها هيبقي معانا

عشرة مليون بقي

في اللحظة دي

رديت علي عابد بدون تردد

وقلت...موافقة طبعا

وفعلا...نفذنا الخطة بالحرف 

وبعدما اخدت شنطي وركبت السفينة... 

واتثبت فعلا اني مسافرة علي السفينة

سلمت شنطتي واوراقي لشخص جاني

في القمرة الخاصة بيا

وبعدما الشخص اخد اوراقي ومشي

طلعت علي ظهر السفينة انتظر تنفيذ باقي الخطة

لكن...

اثناء ما كنت واقفة علي سطح السفينة

شعرت بالدوار ووقعت من طولي

وفقدت الوعي

وبعد شوية

فوقت تاني ....

ولقيت نفسي

في غرفة بالسفينة فيها اجهزة طبية 

واكتشفت ان الطبيب الي بيكشف عليا 

هو طبيب السفينة

فا سالتة

وقلت...هو ايه الي حصل؟

اوعي يكون الجنين جرالة حاجة؟

فا رد الطبيبب 

وسألني

وقالي...

حمل اية؟

انتي مش حامل اصلا

والاغماءة الي حصلتلك  دي كانت بسبب دوار البحر

مش اكتر

قلت...ازاي ؟ دنا حامل فعلا

  وقربت علي الشهر التاني في الحمل كمان

فارد الطبيب مؤكدا

وقال...انا متأكد من الي بقولة

لان لما اغمي عليكي... والاغماءة طولت 

شكيت انك تكوني حامل

فا كشفت عليكي

 واتأكدت انك مش حامل

دا انا اكتشفت كمان انك (عذراء)

في اللحظة دي

وقفت مذهولة...

وفضلت اكلم نفسي

واقول...مفيش حمل؟

وعذراء كمان ؟

عارفين ده معناه اية.......؟

لو عايز باقي احداث القصة صلي علي رسول الله وطبعا مش هننسي نضع عشر ملصقات مع متابعة صفحتي الشخصية

مع تحياتي

 الكاتبة 

حنان حسن