ليلة العمر الجزء الثالث للكاتبة...حنان حسن بعدما اكتشفت ان امي ناوية تتجوز عابد عرفت ساعتها ان عابد نهايتة قربت و هيتحول لديك ...
الجزء الثالث
للكاتبة...حنان حسن
بعدما اكتشفت ان امي ناوية تتجوز عابد
عرفت ساعتها ان عابد
نهايتة قربت
و هيتحول لديك بعرف احمر
وبعدها... يودع الدنيا
فا كان لازم انقذ عابد
من الزواج بامي
وبسرعة روحت لخالتي مرصودة
وطلبت منها انها تساعدني
فا اقترحت خالتي عليا
اني اتزوج من عابد
عشان يتحرم علي امي شرعا
وفعلا ...
قامت خالتي مرصودة بمساعدتي وعملت لعابد سحر
عشان يقبل يتجوزني
لكن ...خالتي طلبت مني اني اسرع في اتمام زواجي منه
قبل ما يطلع النهار...
ومفعول السحر يزول
من علي عابد
وبالفعل تم الزواج في الليل
لكن الغريبة
ان لما طلع النهار
عابد متغيرش ولا بان علية الغضب من زواجنا
بالعكس...
دا كان لطيف معايا اوي
وكمان منع امي من انها تعاقبني
ولما احترت من موقفة
اتصلت علي خالتي مرصودة
اول ما نور الصبح شقشق وسالتها
وقلت....
نور الصبح شقشق
وعابد مش باين علية انه متفاجئ
ولا زعلان من جوازنا
هو مفعول السحر الي انتي عملتية لعابد هيتنهي امتي؟
فا ردت خالتي
وقالت...لازم الشمس تطلع علي عابد
عشان مفعول السحر يزول
وحذرتني خالتي
وقالتلي..
خلي بالك من عابد
لان رد فعلة هيكون قاسي..
وخصوصا..
لما يعرف انك غفلتية واتجوزتية بدون ارادتة
قلت...يا خالتوا انا مش عايزة منة حاجة
و اول ما الشمس تطلع ويفوق لنفسة
هطلب منه الطلاق
وجوازي منه هيبقي كانة لم يكن
فا ردت خالتي مرصودة بتوتر
وقالتلي...
طب روحي بسرعة اتلقي وعدك
لان الشمس طلعت خلاص
وقبل ما انهي المكالمة مع خالتي
اتفاجئت بعابد واقف ورايا
وبيسالني
وبيقولي...
انتي مين ؟ وازاي دخلتي هنا؟
في اللحظة دي
مكنش ادامي غير اني ازيف الحقيقة
واعمل فيها ضحية ومجني عليا
وفضلت اعيط واصرخ
واقولة...حرام عليك
انت كمان هتعمل انك ناسي انا مين ؟
وايه الي عملتة معايا ؟
انت اية ؟ مفيش ضمير عندك خالص كده؟
فا بصلي عابد بتعجب
وقالي...هو في اية ؟
انت عايزة تلبسيني مصيبة
ولا اية؟
ما تردي علي سؤالي وفهميني انتي بتعملي ايه هنا
فا بصتلة وانا بمثل العياط
وقلتلة...الي حصل انك اتجردت من ضميرك وغررت بيا وبعدها صلحت غلطتك واتجوزتني
فا برق عنية
وهو مش مصدق الي بيسمعة
وبعدها سالني
وقالي ..اية الهبل الي انتي بتقولية ده
قلت...هتعملي فيها ناسي ؟
ماشي انا هفكرك بالي حصل
انت امبارح كنت راجع باليل بتطوح
وكنت هتقع ادام باب شقتك
ولما حاولت اساعدك
استدرجتني لداخل الشقة عندك
...وقدمتلي حاجة ساقعة
وبعدما شربت المشروب اياه
غيبت عن الدنيا
ولما فوقت... وسالتك عن الي حصل بينا
لقيتك......ندمان
وبتقولي
انك مستعد تتجوزني شرعي عند ماذون
فا بصلي عابد بغيظ
وقالي ....يظهر انك بتتفرجي علي افلام عربي كتير
وبعدين ؟ كملي ؟
قلت...خلاص كده
وفيت بوعدك ليا...واتجوزنا فعلا
في اللحظة دي
صرخ فيا عابد
وقالي...بت انتي ؟
انتي فاكراني عيل صغير هترمي بلاكي علية وهيصدقك؟
انتي كدابة...
وانا مش مصدق ولا كلمة من الي انتي قولتيهم
وممكن دلوقتي ابلغ البوليس... واتهمك
با انك اقتحمتي شقتي وبترمي بلاكي عليا بالزور
في اللحظة دي
طلعت الكارت الي اخدتة من مكتب المأذون اثناء ما كنا بنكتب الكتاب
وقربتة من عابد
وقلتلة...
انا عندي دليل علي كلامي
قال...دليل اية؟
قلت...
امبارح لما روحت معاك عند المأذون
اخدت الكارت ده من مكتبة
يعني تقدر تتصل بالمأذون وتتاكد من كلامي
في اللحظة دي
وضع عابد ايدة علي راسة
وكان واضح انه علي مشارف الجنون
وبعدما فكر شوية
اخد من ايدي الكارت بتاع الماذون
واتصل بية
عشان يتأكد من كلامي
وبعد ما عابد عمل مكالمة للماذون
اتسمر في مكانة وهو بيسمع من المأذون
و فهمت ساعتها ان...
المأذون صدق علي كلامي بالفعل
ولقيت عابد في اخر المكالمة بيسأل المأذون...
وهو منزعج
وبيقولة...
بتقول كتبت علي نفسي مؤخر كام؟؟؟
طب اقفل ...اقفل...
اقفل
خلاص يا عم الشيخ افادكم الله
وبعدما عابد انهي المكالمة مع المأذون
وهو هيفرقع م الغيظ
لقيتة بصلي اوي
بطريقة بتقول انه شاكك فيا
وقالي...
لكن... انا مش فاكر اني شربت اي مخدرات ...ولا خمور امبارح
تخليني مغيب لدرجة اني اتجوز بدون ما اشعر
فا رديت بسرعة
وقلتلة...
بصراحة انا معرفش انت كنت شارب اية
خلاك تتهور وتعمل كل الي انت عملتة دا
وعموما...
احنا فيها
تقدر تطلقني
وكل واحد يروح لحالة
فا رد عابد
وهو في قمة الغضب
وقالي...
انا فاهم انتوا عايزين توصلوا لاية بالظبط
لكن انا مش هنولكم الي في بالكم
قلت..يا عم محدش عايز يوصل لحاجة
انت تقدر تطلقني دلوقتي...
وتخلص... من الجوازة الي انت اتورطت فيها
ويادار ما دخلك شر
فا رد عابد
وقالي...
ومين قال اني عايز اطلق؟
قلت...يعني اية
قال...
بصي... انا عمري ما كنت افكر اني اتجوز واحدة بالمنظر الي ادامي ده
لكن انا هخليكي علي زمتي...
ووهسيبك متعلقة كده
وقولي لاهلك
هنشوف مين فينا الي هيزهق التاني
ومين الي هيخسر في الاخر
ونبة عليا عابد قبل ما يتركني ويمشي
وقالي..اوعي تفتكري انك ورطتيني؟
ولا بسببك هعيش في مشكلة؟
بالعكس
المشكلة انتي الي جبتيها لنفسك
...لانك هتعيشي هنا خدامة ...
تنظفي وتطبخي وتشوفي طلبات البيت فقط
يعني لا هتيجي جنب غرفتي ولا هتدخليها
ومش هيكون بينا اي معاملة ولا حتي كلام
عاجبك علي كده اهلا وسهلا مش عاجبك اضربي دماغك في الحيط
قلت...طب وعلي اية دا كلة
ما تطلقني وتخلص ؟
وبدل ما عابد يرمي عليا يمين الطلاق
اكتفي بانة بصلي بغضب
وتركني ومشي
وعيشت فعلا مع عابد في بيت واحد
وعلي اد ما كنت فرحانة اني بشوف عابد ليل نهار ومن مسافة قريبة
لكن كنت حزينة ان عابد معتقد خطأ
باني رميت نفسي عليه
عشان اورطة في الجواز
وكنت بحاول علي اد مقدر اني اوفرلة سبل الراحة في البيت
الصبح قبل ما يصحى كنت بجهزلة ...
النسكافية بتاعة مع الفطار
وفي الغداء كنت بعملة احلي الاصناف
وهدومة مكنتش بتبات غير وهي مكوية
وعلي اد ما كنت ببقي في اسعد لحظات حياتي
وانا بلمس هدومة وبجهزلة اكلة
وبهتم براحتة
كان عابد بيعاملني بجفاء.. وتجاهل واشمئزاز ملوش نظير
ومن شدة حزني..وكسرة نفسي
اتصلت بندي صاحبتي الوحيدة
وعرفتها اني اتجوزت من عابد
جوازي اضطراي ...
لكن ...مقولتهاش علي السبب الحقيقي لجوازي منه
منا كان لازم الاقي حد اتكلم معاه
واشتكيلة من الي بيحصل معايا
فا قلتلها علي اسلوب التجاهل.. والنفور الي عابد بيتعامل بية معايا
فا ردت ندي عليا
وقالتلي...طب ما تسحرية؟
قلت...لا بالله عليكي شوفي حل تاني غير السحر
فا ردت ندي وهي بتضحك
وقالتلي...
انا مقصدش السحر بتاع المشعوزين
انا اقصد ...
(سحر الانثي ذات الدلع والدلال)
الي بيجيب مع اي راجل
قلت...ازاي بس
و انا مش جميلة اصلا
يعني مهما عملت مش هياثر فيه
في اللحظة دي
لقيت ندي
بتقولي ..
مفيش ست وحشة يا عبيطة
عموما اقفلي
وانا هجيلك ...
واجيبلك معايا البت سهير الكوافيرة
وهي هتحولك لصافينار
فا قفلت معاها
وفضلت انتظرها
وبعد شوية
وصلت ندي ومعاها الكوافيرة
واول ما قابلتني علي الباب
سالتني
وقالتلي...جوزك موجود؟
قلت...لا
عابد نزل لشغلة
فا دخلت ندي بالكيس الي كانت جايباه في ايديها
ولما شوفت البنت الي معاها
سالتها
وقلت مين دي
فا ردت
وقالتلي..دي الميكب ارتست
الي هتظبطك
وقدمتلي ندي الشنطة الي في ايديها
وقالتلي..
ودي هدية جوزاك الي معزمتنيش علية
فا فتحت شنطة الهدية
لقيتها فيها قميص نوم
ساخن
ومكياج... وزجاجة برفان
فا فهمت في اللحظة دي
ان ندي جاية عشان تحاول تعمل من الفسيخ شربات
وطبعا حضنت ندي وشكرتها علي زوقها
وبعدها
بصيت للكوافيرة الي واقفة ادامي
وقلتلها...
انا عايزاكي تعلميني
قالت ...اعلمك اية؟
قلت..بصراحة كده انا عمري ما اهتميت بنفسي
ومعرفش المكياج بيتحط ازاي
فا عايزاكي تعلميني ازاي ابقي حلوة زيكم كده؟
وهدفعلك الي تطلبية
فا ردت الكوافيرة بحماس
وقالتلي...بس كده؟
دا انتي تؤمري
وفعلا علمتني الكوافيرة كل حاجة
وعرفت ازاي احط الميكب لنفسي
وازاي اوفق الالوان مع بعض
كمان ندي فضلت تقولي شوية ارشادات
زي مثلا..
ان البنت لازم تبقي رقيقة.. في اسلوبها وكلامها
و كمان لازم رييحتها ديما تبقي حلوه ومثيرة
المهم...فضلوا الاتنين يدوني خبراتهم
ومخرجوش من عندي
غير لما حولوني لانثي بحق وحقيقي
وفي اللحظة دي
وقفت امام المراية
ولقيت ادامي
( بنت حلوة بجد )
واكتشفت اني مكنتش وحشة
كل الحكاية ان كان ناقصني شوية اهتمام بنفسي فقط
واول مااهتميت بنفسي
لقيتني بقيت ( جميلة)
وبدات اشوف الدنيا كلها جميلة
وعرفت اني معنديش مشكلة غير لون بشرتي
وحتي دي مش مشكلة
لانها ممكن تتحل...
بشوية بودرة... او كريم تفتيح
وبعد ما كنت طايرة من السعادة
لما شوفت نفسي قمر كدة
فضلت اعد الثواني... والدقايق
لغاية ما عابد يوصل
عشان يشوفني بالنيو لوك الجديد
وبمجرد ما سمعت حركة المفتاح في الباب
خرجت من غرفتي
وانا لابسة قميص نوم جميل...
وحاطة مكياج مغير ملامحي ومخليني زي القمر
واول ما خرجت ومريت من جنبة
فضل متابعني بعنية لغاية ما
روحت علي المطبخ عشان اجهزلة الاكل....
واول ما عابد شافني
فضل متنحلي شوية
وكأنة كان بيسال نفسة
وبيقول ..
هي مين دي؟
هو كان واقف ساكت
لكن...
عنية كانت بتتفحصني با اعجاب
وكان واضح اني لفت نظرة
وعجبتة
لكن برضوا
برغم التغير الكبير الي حصل في شكلي وطريقة لبسي...
الا ان عابد
استمر علي موقفة... وفضل متجاهلني
ومحاولش يقرب مني
وكل التغير الي طرأ علية
هو علبتين العصير الي كان بيجبهم واحنا قاعدين ادام التليفزيون باليل
وكنا بنشربهم واحنا ساكتين وبدون ما نتكلم
وبعدها كان بيدخل غرفتة وبيقفل علي نفسة
وكانة كان خايف لاقرب منه
وهو نايم
دا حتي غرفتة عمري ما دخلتها ولا نمت فيها
من يوم ما دخلت بيتة
وبالرغم من كده
فضلت برضوا اهتم بمظهري وشكلي
عشان اعزز ثقتي في نفسي
وكل يوم كنت بحط ميكب وبرفان... والبس لبس مثير
واتمشي في الشقة ادامة
مع اني عارفة ان كل الي انا بعملة ممنوش فايدة
المهم ..
استمر الامر علي كدة
لاكتر من شهر
وفي يوم
شعرت بتعب شديد
في بطني...
ومكنش عندي قابلية للاكل...
واي لقمة بأكلها كنت ببقي عايزة ارجعها
فا حاولت اخد اي حاجة تضيع التعب الي كنت حاسة بية
وفعلا اخدت مسكن
لكن...التعب زاد عليا
لدرجة ...
اني وقعت.. واغمي عليا
ولحسن الحظ
ان عابد كان موجود في البيت
ساعتها
فا اتصل عابد علي الدكتور
عشان يشوف فيا اية
وبعد ما الدكتور جه وكشف عليا
بارك لعابد
وقالة...
مبروك... المدام حامل
فا بص عابد للطبيب بدهشة
ورد وقالة
انت متأكد يا دكتور من الكلام ده؟
فا رد الدكتور
وقال....
ايوه طبعا متأكد
الف مبروك
بعدما سمعت كلام الدكتور
اتلجمت ....واتسمرت في مكاني
وانا بكرر جملة واحدة
بيني وبين نفسي
وبقول...
(لا طبعا مستحيل اكون حامل)
وبعدما عابد خرج مع الدكتور عشان يوصلة
بسرعة اتصلت علي ندي وقولتلها...علي كلام الدكتور
فا فرحت ندي
وقالتلي ...مبروك
فا اتعصبت عليها
وقلت...مبروك علي اية ؟
دا انا محدش .......
وقبل ما اكمل واقولها.... ان محدش لمسني
لقيت عابد داخل عليا
فا قفلت الخط بسرعة
ولقيت عابد جاي بيسالني
وبيقولي...
يلا مستنية اية؟
اتصلي بسرعة با امك وخالاتك وزفي لهم خبر الحمل؟
مش ده الي انتوا كنتوا عايزينة؟
في اللحظة دي
حسيت انه داس علي كرامتي اوي
فا خرجت عن شعوري
وقلتلة...بقولك اية
انا عمري ما فكرت اني افرض نفسي عليك
ومن اول يوم وانا بطلب منك انك تطلقني
وانت الي رافض تطلقني
فا مفيش داعي لكلامك الي يحرق الدم ده
وقبل ما عابد يرد عليا
لقيت موبيلي بيرن
والمتصل هي خالتي مرصودة
ولما رديت عليها لقيتها بتسالني بفضول
وبتقولي...صحيح الخبر الي وصلني ده
انتي بجد حامل يا بت؟
قلت...انتي عرفتي ازاي يا خالتوا
بموضوع الحمل ده
فا ردت عليا
وقالتلي...ندي صاحبتك اتصلت با امك
وبشرتها ...وامك قالتلي
فا رديت بعصبية
وانا بسالها
وقلت...يعني امي كمان عرفت اني حامل؟
يادي المصيبة السودة
في اللحظة دي
بصلي عابد بقرف
ورد بسخرية
وقالي ...
ياااه لحقتي وصلتي ليهم الخبر بالسرعة دي؟
حقيقي برافووو
وتركني عابد ومشي من ادامي
وهو بيكلم نفسة من الغيظ
وانا كمان كنت هتجنن و بقيت بكلم نفسي
واقول...
ياربي انا محدش لمسني نهائي..
.لا عابد ولا غيرة
دنا حتي مازلت عذراء
يبقي انا ازاي حامل؟
والحمل دا من مين اصلا
ولما لقيتني قربت اتجنن
قلت لازم اروح اكشف تاني
لربما الدكتور يكون غلطان
وبسرعة لبست ونزلت وروحت علي الصيدلية الي تحت البيت
عشان اسالهم عن طبيب نسا كويس
ولما اتقابلت بالدكتورة الصيدلانية
سألتها..
وقلت..في واحدة صحبتي
اتجوزت وجوزها ملمسهاش
لكن الغريبة انها اكتشفت انها حامل فجاءة
فا ضحكت الدكتورة
وقالتلي..لا دا اكيد غفلها
ولا سقاها حاجة
اصل استحالة واحدة تحمل بدون ما حد يلمسها
في اللحظة دي افتكرت (العصير) الي كان عابد بيجيبة كل ليلة ونشربة ادام التليفزيون
وقلت لنفسي
يبقي اكيد عابد كان بيحطلي حاجة في العصير الي كان بيجيبة باليل
لكن لية هيعمل كده؟
منا زوحتة وحلالة؟
وبصيت للدكتورة
وسالتها..
وقلت
طب لو هي عايزة تتاكد من الموضوع ده
تعمل اية؟
فا ردت الطبيبة
وقالتلي...تحاول تاخد عينة من اللعاب بتاعة او كام شعراية من شعرة
وتعمل تحليل دي.. ان ...اية
وساعتها هتتاكد ان كان الحمل دا منه ولا لا
وبعدما سمعت كلام الدكتورة الصيدلانية
رجعت علي البيت تاني بسرعة
وروحت علي غرفة عابد
عشان...
اجيب كام شعراية من علي مخدتة
او من فرشة الشعر بتاعتة
لكن لما حاولت افتح الغرفة مفتحتش
واكتشفت انه قافلها بالمفتاح
فا انتظرت ل باليل
وبعد ما رجع عابد من شغلة
رمي مفاتيحة علي التربيزة ودخل الحمام
فا استغليت انا الفرصة دي
واخدت المفاتيح
وروحت بسرعة علي غرفتة
عشان اجيب الكام شعراية
واخرج بسرعة قبل ما عابد يطلع من الحمام
وفعلا حطيت المفتاح في باب الغرفة
واول ما فتحت الغرفة
ودخلت...
اتصدمت صدمة عمري
ومش هتصدقوا اكتشفت اية؟
لو عايز باقي احداث الرواية
صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم على نبينا محمد وعلى آله وصحبه أجمعين
ردحذفاللهم صل وسلم وبارك على سيدنا محمد وعلى اهله وأصحابه أجمعين
ردحذفاستغفرالله العظيم واتوب اليه عدد خلقه ورضا نفسه وزنة عرشه ومداد كلماته
ردحذفعليه افضل الصلاة والسلام
ردحذفروعة كملي
ردحذف❤️❤️❤️❤️❤️❤️
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفعليه افضل الصلاه والسلام
ردحذفرائعة
ردحذفعليه افضل الصلاة والسلام
ردحذف