بائعة المتعة الجزء الثاني للكاتبة..حنان حسن بعدما ألعقربة (ضرة امي) عرفت ان ...جوزها اتجوز امي عليها.. وانجب منها ولد وبما ان اخ...
الجزء الثاني
للكاتبة..حنان حسن
بعدما ألعقربة (ضرة امي)
عرفت ان ...جوزها اتجوز امي عليها..
وانجب منها ولد
وبما ان اخويا كان ...
(الابن الوحيد والوريث لزوجها)
فا اتخلصت العقربة مننا جميعا
انا..وامي..واخويا الي كان لسة مولود
وبعد ما انا اخدت الخبطة منها علي راسي
فوقت بعدها بفترة
لقيت نفسي في مقبرة وجنبي اخويا الرضيع
وفهمت في اللحظة دي
ان العقربة (ضرة امي)
دفنتني انا واخويا احياء
لكن ...
اتفاجئت في المقبرة بان في حد مجهول بيساعدني
وفضل الحد ده يساعدني
لغاية ما تعافيت من جراحي
وكمان وفر لاخويا الرضيع اللبن عشان يعيش
وده كان شيئ مثير للدهشة
لان باب المقبرة متفتحش
يعني ...محدش دخل عندنا عشان يساعدنا
وفضلت في حيرتي دي
لغاية ما اخويا صلاح بدء يعيط تاني من الجوع
فا اخدت الببرونة الي لقيتها
في المقبرة
وكنت لسة هقربها من فمة عشان ارضعة
لكن...
في اللحظة دي
سمعت صوت
شبية بصوت امي
بيقولي..
سمي بسم الله قبل ما ترضعية
فا اتفزعت وبصيت بسرعة
با اتجاه الصوت
لكن...ملقتش حد
فا زاد رعبي اكتر
وبسرعة ضميت اخويا لحضني
وفضلت اقراء قران طول منا قاعدة
ولما الصوت سكت ومبقاش يكلمني
هديت شوية
وسندت راسي وغمضت عنيا وفضلت اعيط
واثناء ما سندت راسي روحت في النوم
وفي اللحظة دي
سمعت صوت امي تاني
بس المرة دي
كلامها ليا
كان علي هيئة حلم
لاني شوفت جثة الست العجوزة
وهي بتقوم من رقدتها...
وبتقعد ادامي
والغريبة
انها كانت بتتكلم بصوت امي
وسمعتها بتلوم عليا
وبتقولي..
غبائك هو الي جابك هنا
وبسببك امك اتاذت...
وانتي واخوكي نهايتكم هتكون هنا خلاص
فا حاولت ادافع عن نفسي
وقلت ..
سامحيني يا امي صدقيني الي عملتة ده
كان غصب عني
انا كان كل قصدي اني انقذك وانتي بتولدي
عشان كده بعت رسالة لعمي عبدو
ومكنتش اعرف ان زوجتة هي الي هتقراءها
وهيحصلنا كل ده
فا ردت امي
وقالتلي...
لو قدرتي تصلحي الغلطة الي عملتيها
انا ممكن اسامحك
وممكن اساعدك كمان
و اخرجك من هنا انتي واخوكي
فا رديت بحماس
وقلت ...
ياريت يا ماما تساعديني اخرج من هنا
قالت...موافقة
بس بشرط
قلت ..قولي الشرط؟
قالت ..
زي ما عرضتي حياة اخوكي للخطر
واتسببتي انه يبقي في عداد الاموات
فا انتي ملزمة ترجعية حقة
وترجعيلة ميراثة
( من العقربة )
قبل ما يتم سبع سنوات
والا....
هترجعي المقبرة تاني
وهيتقفل عليكي للابد
فسالتها بتعجب
وقلت..
واخويا هياخد ميراثة ازاي وعمي عبدو لسة عايش؟
فا ردت الست العجوزة
بصوت امي
وقالتلي ...
عمك عبدو (مات بالفعل)
وقبل ما ارد عليها
قصت خصلة من شعرها الابيض ...ودفستها في صدري
وقالتلي...
اخفي خصلة الشعر دي في صدرك
لان مسيرك هتحتاجيها
وهتساعدك
بمجرد ما هتفركيها بايدك
لكن...
حذار تقربي ناحية العقربة
لان لدغتها هترجعك للقبر تاني
وانا ساعتها مش هقدر اساعدك
بعدما فكرت في كلامها شوية
تركت الخصلة في صدري
بعدما استغربت من امرها
وقلت...حاضر
وفضلت باصة للعجوزة
وانا منتظرة باقي تعليماتها
فا لقيتها صرخت فيا
وقالتلي
يلا قومي مستنية اية؟
خدي اخوكي واخرجوا من هنا بسرعة
قبل ما الطوفان يجي وتغرقوا انتوا الاتنين
وفعلا...
بمجرد ما صوتها غاب
شوفت مياة غزيرة دخلت عليا من كل اتجاه معرفش ازاي
ولقيتني هغرق انا واخويا
فا فضلت اصرخ....
واقول. ..
الحقونا بنغرق
بنغرق...بنغرق
واثناء ما كنت بصرخ وبستغيث
سمعت همس وناس بتتكلم حواليا
وايد حد بتهزني عشان تفوقني
واول ما فتحت عنيا بالراحة
شوفت نور في عيني
جاي من ناحية باب المقبرة الي اتفتح اخيرا
ولما دققت اكتر
شوفت حواليا ناس عمالين يبحلقوا فيا
وواحد فيهم فقط هو الي كان بيحاول يفوقني
وفهمت بعدها ...
اني كنت بحلم... اني بالغرق
انا ...والرضيع
و لما فضلت اصرخ كتير
حارس المقابر سمعني
وبسرعة جاب معاه ناس
و فتحوا التربة ...
وخرجوني انا والطفل الي علي ايدي
واعتقدت ساعتها...
ان كل الي حصل معايا جوه المقبرة من شوية
ما هو الا ....
حلم ...او كابوس مش اكتر
ولما حارس المقبرة سالني عن الطفل
قلتله...انه ابني
عشان محدش ياخده مني
لغاية ما اوصل اخويا لابوه
(عم عبدو)
لاني ساعتها
مكنتش اقدر علي تحمل مسؤلية طفل لوحدي
وفعلا..
اول ما خرجت من المقبرة
روحت علي معرض السيارات بتاع عم عبدو
عشان اسلم اخويا لابوه
وكمان كنت ناوية اقول لعم عبدو ...
علي كل الي عملتة معانا العقربة
عشان يبلغ عنها واخد حقي وحق امي وحق اخويا
لكن...
لما وصلت لغاية المعرض
اتفاجئت....
ان الي في المعرض
هي ...زوجة عم عبدو (العقربة)
فا تراجعت بضع خطوات
قبل ما تاخد بالها مني
وروحت للعامل الي بيشتغل في المعرض
وسالتة..
وقلتلة..
لو سمحت فين صاحب المعرض؟
فا شاور العامل بايدة ناحية العقربة
وقالي ..هي دي صاحبة المعرض
قلت...
بس انا عايزة اقابل عم عبدو نفسة....
فا رد عليا رد صادم
وقالي...
الحاج عبدو
مات الله يرحمة
وفي اللحظة دي
افتكرت الحلم الي شوفتة في المقبرة
لما الست العجوزة
قالتلي ...
ان( عم عبدو مات)
ولقيت ان كلامها طلع صح
واستغربت من الي بيحصل
وقلت...
علي كده بقي الست العجوزة كانت حقيقة مش حلم؟
وعشان اتاكد اكتر
مديت ايدي في صدري
عشان اشوف
ان كانت الخصلة بتاعتها موجودة بجد ؟ولا اية؟
والغريبة اني لقيت الخصلة موجودة فعلا
فا افتكرت انها حذرتني
من اني اقرب من العقربة
فا حاولت امشي بسرعة قبل ما العقربة تشوفني
لكن...كان فات الاوان
لان العقربة كانت شافتني علي كاميرات المراقبة فعلا
وجت تقابلني بسرعة البرق
واول ما شافتني ادامها
طلبت من رجلين عندها انهم يحاوطوني
ويمسكوني فورا
وبعد ما الرجلين مسكوني وانا حاضنة اخويا
طلبت العقربة منهم انهم ياخدوني علي المخزن...
ويحتجزوني هناك
لغاية ما هي تفضالي وتجيني بنفسها
وفعلا اخدوني انا واخويا للمخزن
وفضلوا الرجلين معانا في المخزن
وهما رافعين سلاحهم في وجهي
ومنتظرين قدومها
وانا طبعا ركبي كانت بتخبط في بعضها من الرعب
لاني كنت عارفة
ان العقربة كانت ناوية تخلص عليا
انا ...وابن جوزها
عشان الواد ميخدش منها الميراث
وانا متكلمش ولا اشهد عليها
وفضلت افكر هعمل اية وههرب منها ازاي؟
وفي اللحظة دي
افتكرت خصلة الشعر بتاعة الست العجوزة
فا مديت ايدي
وبسرعة مسكت الخصلة وفركتها بايدي
وفي اللحظة دي
اتفاجئت با الرجلين
وهما بيتقلبوا (لقردين)
وكل قرد منهم في رقبته سلسلة
فا خوفت من الي بيحصل
وصرخت بصوت عالي
وقولت ..يا ماما
(انا عايزة اخرج من هنا)
وما كان من القردين
الا انهم راحوا فتحولي الباب بنفسهم عشان اخرج
زي ما طلبت منهم
وراحوا وقفوا بعيد عني
وكأنهم تلقوا امر مني وبينفذوة
فا حاولت اجرب تاني
عشان اتاكد
من انهم بيطيعوا الاوامر فعلا
فا قلتلهم...
هاتولي عربية تخرجني من هنا بسرعة
وفعلا
في لحظة..
جابلي القرد سيارة من المعرض
و القرد التاني فتحلي الباب
وركبني في الخلف
وطلع بيا قرد منهم وهو بيسوق السيارة
وفضل القرد سايق لمدة كبيرة
وبمجرد ما بعدت عن المعرض
طلبت من القرد انه ينزلني ويمشي
وفعلا انتظر القرد لما نزلت من السيارة
وانطلق هو بالسيارة لوحده
وبعد ما نزلت فضلت افكر في الي حصل ده
ولقيتني بردد الكلمة الي قالتهالي العجوزة
وقلت...ااااااه
انا دلوقتي فهمت معني
الخصلة هتساعدك ؟؟؟
وبصيت حواليا وقلت
بس الخصلة هتنفعني باية دلوقتي
وانا واخويا مرمين في الشارع كدة؟
وفضلت ابحث في كل مكان في الشارع عن زاوية
او مكان يأويني انا واخويا
الي كان عمال يعيط من الجوع
لكن ملقتش
فا قعدت علي الرصيف عشان اسكتة
لكن لقيت المطر نزل علينا
واخويا زاد في الصراخ
بسبب الجوع والبرد
فا روحت علي مدخل عمارة راقية
عشان نحتمي فية من البردد انا وهو
وبالرغم من اننا دخلنا في مدخل العمارة
الا ان اخويا مكنش راضي يسكت خالص
وفضل يصرخ برضوا
وده خلي سكان العمارة يطلعوا علي صوت اخويا
وفضلت واحدة ست منهم
تزعقلي...
وتقولي غوري من هنا انتي وابنك الي بيعيط ده
وكانت عايزة تطردني
فا اضطريت افرك خصلة الشعر البيضة
الي في صدري
عشان اخليها تتكتم ..وتسكت
لكن....للاسف
الست مسكتتش
واكتشفت....
ان الخصلة مش بتشتغل مع الستات خالص
يعني بتشتغل مع الرجالة بس
المهم...
فضلت اتحايل عليها
وقولها ..
ارجوكي انا وابني ملناش مكان نروح فية
خلينا هنا في مدخل العمارة لغاية الصبح
قالت...برضوا لا
وصممت وكانت هتطردنا بالفعل
لولا تدخل ساكن من سكان العمارة
الي طلب مني اني ادخل شقتة وابات فيها كمان
وبالفعل اخدنا الساكن انا واخويا عنده
ولما عجبة شكلي
طلب مني افضل معاه علي طول
ووعدني انه هيشوفلي شغلانة حلوه
وهكسب منها فلوس كتير
ووعدني كمان
انه هيجيبلي مربية لاخويا الرضيع
عشان اتفرغ انا للشغلانة الي هو جابهالي
ولما سالتة
اية هي الشغلانة دي وعبارة عن اية
واجهني بكل صراحة...
وقالي ...
(بائعة للمتعة)
يعني...
هتبيعي المتعة للزباين الي هيجوا هنا
وفي المقابل
هتاخدي فلوس كتير وعيشة مرتاحة
وممكن تعملي ثروة في وقت قصير
دا غير ان ابنك هيلاقي رعاية واهتمام علي اعلي مستوي
فا فكرت شوية
وقلت...ومالة
لما اجرب
وطول ما معايا خصلة الشعر اياها...مش هغلب
وبالفعل
استلمت الشغلانة
وكل زبون كان بيدخل عندى كنت بفرك خصلة الشعر البيضة
وبمجرد ما يقلب قرد مطيع
كنت بامرة
انه ينام لغاية الصبح
بدون ما يلمسني
وهاكذا
ومرت السنين علي الوضع
ده...
وعملت فلوس حلوة
واكتسبت خبرة من الدنيا اكتر
لكن ...
كل ما كانت سنة بتعدي
من السبع سنين
( المهلة اياها)
كنت بقرب من الخطر اكتر
ودلوقتي اخويا تم ال٦ سنوات
والعقربة كمان فلوسها بتزيد
ومالها بيمنحها قوة ونفوذ اكتر
يعني الهدف بقي اصعب
وبالرغم من كده
فا كان لازم اتصرف واجيب الميراث بتاع اخويا من العقربة باي شكل
حتي لو بالحيلة والمكر
وعشان تتغلب علي عدوك
فا لازم تعرفة
وتعرف نقاط ضعفة و قوتة
وفعلا
قررت اقرب من العقربة واعرف نقاط قوتها وضعفها
فا اتعللت لصاحب الشغل باني مريضة
وهاخد اجازة عشان اسافر واتعالج
فا اشترط عليا صاحب الشغل
انه عشان يوافق علي الاجازة
لازم اترك اخويا مع الدادة
في بيتة
وانا وافقت بالفعل
وبعد ما مشيت
روحت علي المنطقة الي ساكنة فيها الهدف
واخدت شقة فارهة في عمارة كبيرة
وتعمدت ان الشقة تكون
بجانب بيت العقربة
المهم...
لفت نظري في العمارة الي انا سكنت فيها جديد
ان ...في شاب شكلة حلو
وبيلبس كويس
متابعني منين ما اروح
وبيحاول يعرض خدماتة باي شكل
ولما سالت عنة...
قالولي انه اسمة عصام البواب
فا عرفت انه شغال بواب
في العمارة الي انا سكنت فيها
ولاحظت ان عصام الناس كلها تعرفة
وعلاقاتة كتير
وفهلوي... وناصح
فا قلت...
ان هو ده الي هيقدر يساعدني
ويجمعلي المعلومات
الي انا عايزاها
وبالفعل . ...
طلبت منه انه يكون في خدمتي
الكام يوم الي هقعدهم هنا
اصلي فهمتة اني امراة ثرية... عايشة بره
لكن جاية زيارة لمصر
عشان...
احضر فرح بنت اخويا الكبير
وفهمتة كمان...
ان بنت اخويا خاطبها واحد من عيلة كبيرة
وطلبت منه
انه يسال عن خطيبها
وعيلتة...
واعطيتة اسم العيلة
والعيلة الي كنت اقصدها طبعا
هي عيلة (العقربة)
المهم....طلبت من عصام
انه يجمعلي معلومات عن العقربة ...واهلها جميعا
وطلبت منه يجمعلي كل المعلومات الممكنة عنهم
سواء كبيرة اوصغيرة
وفعلا
في خلال كام ساعة
عصام جابلي معلومات كتير اوي
اكتر مما كنت اتخيل
وطلب مني اصرف نظر عن النسب المنيل ده
فسالتة
وقلت...لية؟
قال...لان الناس الي
هتناسبوهم كلهم عيلة زبالة
قلت...معقولة؟
دنا كنت فاكرة ان العقربة ملهاش مثيل في الوضاعة
يقوم يطلع اخواتها كمان زيها؟
فا رد عصام
بعدما سمعني وانا بنعتها بالعقربة
وقالي...
تصدقي ان اسم العقربة لايق عليها جدا
قلت...تمام
كمل معلوماتك
وفعلا ...
رجع عصام يكمل في سرد باقي المعلومات
الي جابهالي
وقالي....
اسمعي بقي اهم المعلومات الي عرفتها عن نسايبك
قلت...قول
قال...
اولا نسيبتك العقربة
لها ثلاث اخوات
...
وكلهم ميتخيروش عنها
في الوضاعة ...والجشع... والنهب... والسلب
لكن بالرغم من كده
العقربة
بتحب اخوها الصغير جدا
قلت..صغير ازاي ؟
طفل يعني؟
فا رد عصام
وقالي...لا
طفل اية؟
دا ياسر ده رجل اعمال
وفي اوائل الثلاثينيات من عمرة
قلت...
اسمة ياسر؟
واشمعني ياسر ده الي بتحبة يعني؟
قال...معرفش
يمكن متعاطفة معاه
عشان الاعاقة الي عندة
وكمل عصام في توضيحة
للصورة اكتر
وقال...
اصلي عرفت
ان ياسر اخوها ده ...
مصاب باعاقة كبيرة اوي
وممكن يكون هو ده السبب
في تعاطفها معاه
فا فكرت شوية
وبعدين سالتة تاني
وقلت..
وده حالتة الاجتماعية ايه بالظبط؟
يعني متجوز..ولا خاطب ولا مصاحب؟
فا رد عصام
وقالي... اخوها عازب
واضاف عصام
وقالي...
يظهر ان الاعاقة الي عنده مخلياه مضرب عن الجواز
فا اخدني الفضول اني اعرف نوع الاعاقة اية
لكن... عصام قالي انه ميعرفش ايه الاعاقة الي عنده بالظبط
في اللحظة دي
بصيت لعصام
ورجعت سالتة تاني
وقلت..
انت متاكد يا عصام
ان اخوها ده
هو نقطة ضعفها دونا عن الجميع؟
فا رد عصام بثقة
وقالي...
الي عرفتة انها مش بتقدر ترفضلة طلب
لدرجة ..
انه لو طلب منها اي شيئ مهما كان مستحيل....؟
لازم تنفذلة طلبة
في اللحظة دي
حسيت اني وجدت ضالتي
واكتفيت بالمعلومة دي
وعلي الفور
اخدت من عصام عنوان المكتب بتاع ياسر
والمواعيد الي بيروح فيها المكتب
وبعدها..
تركت عصام يمشي
وقعدت مع نفسي
وقولت لنفسي...
ياااااه
اخيرا لقيتي للعقربة نقطة ضعف يا هناء؟
اخوها معاق
يعني صيد سهل بالنسبالي
يبقي الخطة هتمشي كالتالي
انا هتعرف علي ياسر اخوها المعاق ده
وهوقعة في غرامي
وحتي لو وصلت للجواز هتجوزة مش مشكلة
وفي اللحظة الحاسمة
هفرك الخصلة البيضاء
واول ما اخوها هيتقلب قرد
هيبقي تحت امري
وهطلب منه ساعتها
انه يضغط علي اختة العقربة
ويجبرها انها ترجع لاخويا ميراثة
قبل ما اخويا يبلغ السبع سنين
اية ده؟؟؟
معقولة المشكلة اتحلت بالسهولة دي ؟
الحمد لله
وقررت اني هبدء في التنفيذ بمجرد ما ياسر يروح مكتبة
وفضلت اعد الدقايق والساعات
وانا بنتظر ميعاد المكتب
واول ما جه ميعاد وجودة
في المكتب
لبست اجمل فستان مثير عندي
وروحت علي المكتب
وطلبت اقابل
ياسر شقيق العقربة
ولما السكرتيرة سالتني
عن سبب الزيارة
قلتلها...
عايزاه في حاجة مهمة
تقدري تقولي
مسالة حياة او موت
فا اتوترت السكرتيرة
وقامت بسرعة من علي مكتبها
وقالتلي...
لحظة واحدة هعرفة ان حضرتك عايزه تقابلية
وبعد ما السكرتيرة
دخلت لياسر
وغابت عنده شوية
رجعت وقالتلي
ياسر بية في انتظارك
اتفضلي
فا مشيت خلف السكرتيرة
الي تقدمتني عشان تدلني علي الطريق
ولقيتها دخلت لمكتب شيك
اوي
وقالتلي..
اتفضلي ده مكتب ياسر بية
فا دخلت وفضولي كان داخل قبل مني
وكنت هموت و اعرف
ايه نوع الاعاقة الي عنده بالظبط؟
واول ما عيني جت علي ياسر
اتسمرت في مكاني
لان ياسر طلع..........؟
لو عايز باقي احداث الرواية صلي علي رسول الله
وطبعا مش هنقدر ننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
الراحه مش إنك تتكلم مع حد ويسمعك، الراحه إنك تتكلم مع حد ويفهمك . 💛عليه أفضل الصلاة والسلام ♥️
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صل وسلم وبارك على سيدنا محمد وعلى اله وصحبه وسلم
ردحذفعليه افضل الصلاة والسلام
ردحذفاللهم صل وسلم وبارك على سيدنا محمد وعلى اله وصحبه اجمعين والتابعين لهم بإحسان إلى يوم الدين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفعليه افضل الصلاة والسلام
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صلي وسلم على سيدنا محمد وعلى اله واصحابه اجمعين 🫶🏼
ردحذفصل الله عليه وسلم
ردحذفاللهم صل وسلم على نبينا محمد وعلى آله وصحبه أجمعين اللهم اميين
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفاللهم صل وسلم وبارك على سيدنا محمد وعلى اهله اجمعين
ردحذفاحسنت👏👏👏👏🌹🌹
ردحذفجميله ومشوقه
ردحذفعليه افضل الصلاة والسلام
ردحذف