الجزء التاسع بائعة المtعة للكاتبة حنان حسن

بائعة المتعة الجزء التاسع للكاتبة..حنان حسن بعدما كنت خلاص بودع وحاسة اني بحتضر شعرت  بوجود شخص معايا في الغرفة  وبعد ثواني حسيت...

بائعة المتعة

الجزء التاسع

للكاتبة..حنان حسن

بعدما كنت خلاص بودع وحاسة اني بحتضر

شعرت  بوجود شخص معايا في الغرفة 

وبعد ثواني

حسيت بوخزة في ذراعي

وسمعت صوت مألوف

 بيقولي...اطمني انتي اخدتي حقنة بالمصل

فافتحت عنيا بصعوبة

لما سمعت الصوت الي بيكلمني

واول ما بصيت علي الشخص ده 

اتفاجئت بشخص لايمكن كنت اتوقع انه عايش اصلا 

وليقتني بردد اسمة 

وانا منتابني الذهول 

وقلت... (ماما )؟

وبدون ما امي تتكلم ولا ترد عليا

لقيتها..

همست في وداني وهي بتطبطب عليا

وقالتلي...

نامي واطمني ...

(انتي مش لوحدك)

في اللحظة دي

كنت عايزة اقرص نفسي

عشان اتأكد ان كان الي بيحصلي ده حقيقي ولا حلم

ولا..هذيان من تأثير المرض

وحاولت اتكلم و اسالها

واقولها...انتي ازاي لسة عايشة يا امي ؟

لكن...امي

تركتني وخرجت من الغرفة

فا حاولت اقوم من علي سريري واروح ورا امي

لكن ...

مقدرتش اتحرك من التعب الي كنت فيه

 وشعرت اني راسي تقيلة 

وعندي رغبة شديدة في النوم

فا غمضت عنيا واستسلمت للنوم بالفعل

ولاول مره كنت انام

 بدون قلق ولا... الم

م الاخر

 نمت نوم عميق

ومصحتش غير 

علي صوت ياسر

و لما صحيت 

افتكرت امي الي كانت بتكلمني في الحلم امبارح

وافتكرت كمان انها قالتلي بانها حقنتني بالمصل

فا اترحمت علي امي

وقلت ..يا خسارة

امي طلعت حلم

ياريتها كانت حقيقة

دنا بمجرد ما شوفتها في الحلم

حالتي الصحية اتحسنت

ايوه فعلا

انا حاسة نفسي دلوقتي افضل

و بتنفس بسهولة

والرؤية بقت اوضح كتير

وحتي  جسمي رجعت احركة عادي 

وفي اللحظة دي

كنت عايزة اسرد الحلم لياسر

لكن ...

لاحظت انه مشغول

فا بدات اتابع ياسر بعنيا

وهو بيتكلم مع الممرضة

ولما بدات اركز مع كلامة

 لاحظت ان ياسر

 بيشاور عليا للمرضة

 وبيقولها...

كلام كتير

 لكن... بصوت واطي

فا ردت الممرضة بمنتهي الهدوء

وقالت..فاهمة طبعا

وهنفذ كل اوامر حضرتك 

وبعدما انصرفت الممرضة

كان لازم اصدر اي  صوت

لاني كنت عارفة ان ياسر مش شايفني

ومش واخد بالة اني صحيت من النوم

فا سالتة

وقلتله...

انت كنت فين... وجيت امتي يا ياسر؟

وكنت منتظرة اي اجابة من ياسر

لكن..

ياسر تعمد انه يتجاهل سؤالي

وقالي..

اسمعي يا هناء

انا عارف انك مازلتي مريضة

لكن..

في حاجة لازم اقولهالك

قلت...حاجة اية

قال...يظهر اني ورطتك في الارتباط بيا

ويبدوا كده انك مش حابة تبقي معايا اصلا

قلت...لية بتقول كده؟

قال..للاسف لما عرفتك علي عيلتي واخواتي

مكنتش حاسس انك فرحانة ولا حتي حاولتي تقربي منهم  وتحبيهم

بالعكس انتي كنتي بتحاولي تبعدي 

وعلي اد ما انا كنت بحاول اقرب منك 

كنتي انتي بتبعدي عني

لدرجة اني معرفش حاجة عنك لغاية دلوقتي

وكأنك كنتي كارهة وجود انسان ضرير زي في حياتك

عشان كده انا بحلك من اي ارتباط

في اللحظة دي

بكيت بحرقة

وقلتلة...

اقعد يا ياسر عشان عايزة اقولك علي السر

 الي كنت مخبياه عنك

طول الفترة دي

ولما قعد ياسر

سردتلة الحقيقة با اكملها

وفهمتة سر عدواة العقربة ليا ولاخويا اليتيم

فا اتأثر ياسر

وسالني علي العنوان الي فية اخويا

فا اخبرتة  بمكان اخويا بدون تردد

لان ياسر وعدني

 بانه هيجبلي بيت وهيحمينا احنا الاتنين

من العقربة وشرها

لكن بعد ما اعترفتلة بكل حاجة

حسيت ان ياسر وجهة اتغير

فا قلت لنفسي

يادي النيلة

واضح ان ياسر اتدايق وقفل مني

لان وجهة اتغير

 بعدما عرف باني كنت

 فتاة ليل

وببيع المتعة للزباين

وفضلت الوم علي نفسي

واقول ..

هوانا اية الي كان خلاني

 اصارحة بالحقيقة المهببة دي؟

وكنت هسألة

واقولة ...انت ناوي تسيبني يا ياسر بعد الي عرفتة ده؟

لكن قبل ما اطرح سؤالي علي ياسر

لقيت باب  غرفتي بيتفتح

واتفاجئت...

 بجلال شقيق العقربة وهو جاي ناحيتي 

وبيقولي..

 لو اختي جرالها حاجة انا هقتلك

فا اتحسس ياسر طريقة با اتجاه صوت جلال

واول ما وصل لجلال  استوقفة 

وقالة...

اية الي بتعملة ده يا جلال؟

هي هناء عملت اية؟

فا رد جلال  علي ياسر 

بغضب

وقالة...

 اختك مريضة... وبتموت يا استاذ

وانت واقف هنا مع هناء

 الي اختك... بتتهمها بمحاولة قتلها؟ 

 بعدما سمعت الاتهام المتوجه ضدي

  بصيت لجلال وانا مخضوضة

وسالتة

وقلت ..

هي مين دي

 الي متهمة بمحاولة قتل اختك؟

فا رد جلال وسألني

بسخرية

وقالي...

انتي  هستعبطي..ولا عايزة تعملي فيها بريئة؟

ولا مكنتيش تعرفي

 ان الفيرس الي حقنتي بية اختي

كان (فيرس مميت )

وملوش مصل؟

وقبل ما ارد وانفي الاتهام الباطل ده

 رد ياسر علي جلال

وقالة...

انت عندك حق في انفعالك ده طبعا

لكن...

لا انا ....ولا انت

 نقدر نجزم

 بان كلام اختك هو الصدق فعلا

وخصوصا ان هناء الفترة الي فاتت كانت مريضة

وحالتها مكنتش تسمحلها بانها تاذي حد 

دا غير ان اختك نفسها كانت مريضة 

اثناء ما اتهمت هناء.... بمحاولة قتلها

يعني ممكن  تكون اختك بتخرف و بتهزي بسبب مرضها 

عموما..احسن حل اننا نبلغ

 ادارة المستشفي

والادارة اكيد هتبلغ البوليس

ولو تحقيقات البوليس اثبتت ان هناء مدانة

فا اكيد هناء هتاخد عقابها بالحبس 

وممكن بلاعدام كمان

يعني مفيش داعي من استعمال العنف ضدها دلوقتي

في اللحظة دي

حسيت ان جلال هدي شوية

بعدما سمع لياسر 

 لكن...

جلال رجع بصلي بغيظ

وقالي..

اسمعينيي انا بقي ...

ودا اخر الكلام

 الاطباء دلوقتي ...

بيعملوا لاختي الفحوصات اللازمة

ولو التحاليل اكدت ان اختي مصابة باي فيرس 

انا ساعتها مش هنتظر تحقيقات البوليس...

 وهاخد حق اختي منك بطريقتي

فا رد ياسر

وقالة...

عندك حق طبعا

وانا كمان لو اتاكدت ان اختي مجني عليها

عمري ما هترك حقها

وبعد ما انتهوا الاتنين من تهديدهم ليا

 ياسر اخد جلال من ايده 

 وخرجوا مع بعض

وفي اللحظة دي

فهمت ان جلال حقن العقربة

بالفيرس اثناء ما كان قرد

لكن...جلال نسي الحكاية دي

 بمجرد ما طلع عليه النهار

وده من تاثير

(مفعول السحر) 

لان لما مفعول الخصلة بينتهي

المسحور بيصبح الصبح ناسي كل شيئ

انما العقربة بقي...

فا ظنت بيا بالباطل

اني حقنتها بالفيرس

لان  انا وهمتها قبل كده

 باني حقنت جلال بفيرس

 واتحول لقرد

فا شكت اني اكون حقنتها هي كمان بنفس الفيرس

او اي فيرس تاني

وخصوصا لما وجدت  نفسها مريضة 

وعلاجها بقي صعب علي الاطباء

والغريبة...

 انها مجاش في بالها ابدا

 ان الفيرس الي هي مصابة بية ...

هو نفس الفيرس

 الي هي جابتة بايدها...

 عشان تاذيني بية

المهم

بعدما فهمت  

الي حاصل

عرفت ان الفيرس  بدء ينشط في جسم العقربة

ووراد انها ممكن تموت في اي وقت

وبما انها اتهمتني انا بمحاولة قتلها

فا انا كده بقيت في خطر

ودا كان السبب في قراري 

با اني اهرب من المستشفي وبسرعة

وفعلا

 تحاملت علي نفسي 

وقمت عشان اخرج

لكن...

لما فتحت الباب

 لقيت في وجهي ناس كتير خارج الغرفة

ومن ضمن الناس الي بره

٢من  رجال الامن

فا رجعت بسرعة وقفلت الباب

وانا حاسة نفسي زي الفار الي وقع في المصيدة 

وبدات دقات قلبي تتسارع

من التوتر والرعب

لان مكنش ادامي اي حل للخروج

 ولاكان في سبيل للهرب

طب هعمل ايه بس ياربي

وهلجئ لمين؟

دنا كده هتحبس ظلم ...

وهدفع حساب جرم مرتكبتوش

وحتي ياسر بدء ياخد موقف عدائي ضدي

واتعاطف مع العقربة

والمصيبة ان ياسر دلوقتي عرف مكان اخويا

طب والعمل؟

هفضل منتظرة لغاية

ما يجوا ياخدوني؟

من هنا ويروحوا لاخويا وياذوه؟

طب بس هعمل اية؟

منا مفيش في ايدي حاجة

وفعلا 

فضلت قاعدة مرعوبة

لغاية ما الباب اتفتح

و الي كنت خايفة منه حصل

وفي اللحظة دي

ولقيت اتنين من رجال  الامن

دخلوا اخدوني من الاوضة

 ونزلوا بيا امام الجميع

ولما نزلت معاهم تحت المستشفي

 ركبوني السيارة بتاعتهم

وفضلت السيارة ماشية كتير

وبعدما توقفت السيارة

لاحظت ان السيارة  وقفت امام منزل

ولما نزلوني من السيارة

طلعوا بيا للمنزل

فا اتعجبت من الي بيحصل

وقلت لنفسي...

بوليس ايه ده؟

الي   بيحقق مع الناس في البيوت ؟

المهم ..

بمجرد ما دخلوني للشقة الي في المنزل

 

سالتهم

قلت..هو احنا فين هنا؟

فا رد واحد من الرجلين

وقالي..

انتي جاية هنا بناء علي اوامر منها

والي هي طلبتة مننا احنا نفذناه

قلت...اه كده انا فهمت

 انتوا تبع العقربة؟

في اللحظة دي

محدش منهم رد عليا

وبسرعة قعدوني علي كنبة الانترية

وتركوني لوحدي وخرجوا

لكن...مقفلوش الباب با احكام

 وتركوا ليا باب الغرفة موارب

وفضلت لوحدي خايفة

لكن بعد دقيقة

سمعت صوت طفل صغير بيعيط

ولما لاحظت ان صوت الطفل مألوف بالنسبالي...

روحت بسرعة ابص من خلال الباب الموارب

 عشان اتفاجئ ادامي ب

( اخويا الصغير)

في اللحظة دي فقط

كنت عايزة اضرب نفسي مية جزمة

لاني عرفت مين الي سلمني للعقربة انا واخويا

 وفهمت طبعا ان العقربة

وصلت لهدفها من خلال الشخص الوحيد الي عارف مكان اخويا

يعني  كده خلاص

وانا واخويا ثواني وهنبقي

في خبر كان

وفعلا اتفتح الباب

وكان مفروض...

 ان العقربة تدخل وتامرهم بذب&حي انا واخويا

لكن قبل ما اشوف العقربة 

علي الباب

شوفت قبلها اكبر مفاجئة في حياتي 

عارفين اية هي المفاجئة......؟

لو عايز باقي احداث الرواية صلي علي رسول الله

وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن