بائعة المتعة الجزء الاول للكاتبة..حنان حسن في احد البيوت المش&بوهة وتحديدا في غرفة يكسوها الضوء الاحمر الناري... المثير كنت...
الجزء الاول
للكاتبة..حنان حسن
في احد البيوت المش&بوهة
وتحديدا في غرفة يكسوها الضوء الاحمر
الناري... المثير
كنت اجلس علي سريري لاعرض بضاعتي
التي يشهد بروعتها الجميع
وما كنت اخشي من اي كساد في تجارتي
فا الرغبة المحمومة لدي الزبائن الميسورين الحال...
والحكايات التي سمعوا بها عن جمالي المثير
كانت تاتي بهم دائما
وما اكثر الرجال الاثرياء الذين يلهثون خلف المتعة المح&رمة
وكل ليلة في ذلك البيت
كان لها زبونها الجديد
وبعد ان ياتي الزبون بالمال ويخرج بدونة
ياتي غيرة في الليلة القادمة وهاكذا
من قراءة السطور الاولي
تعتقد انها مجرد قصة (غانية)
او فتاة ليل عادية
لكن ...
المختلف في روايتي
ان الزبون في الخارج بيبقي شخص عادي
لكن...
بمجرد ما كان الزبون بيدخل لغرفتي
كان بيتحول (لقرد)
وكل قرد
كان بيبقي في رقبتة سلسلة
يعني..
ان اي زبون مهما ان كان وسيم
بمجرد ما بيدخل لغرفتي
كان بيتحول ل (قرد) فعليا
ومش اي قرد
دا بيبقي قرد مطيع
ومهما طلبت منه اي طلب
كان بينفذة فورا
وطبعا انا كنت بتقزز من منظر القرد
و الطلب الوحيد الي كنت بطلبة من القرد
هو ....انه (ينام)
(ينام وميقربش مني)
وفعلا القرد كان بينام
لكن الغريبة
ان لما الزبون كان بيصحي الصبح
كان بيصحي ناسي كل حاجة
و يخرج من عندي مبسوط
لدرجة...
انه كان بيترك كل ما معه من مال بكل راضا
وكانة بيدفعلي مقابل متعة عاشها بالفعل
وكان بيخرج يشيد بجمالي..
وجمال اليلة الي قضاها معايا
وبالرغم من كدة
مفيش زبون بيدخل عندي ويرجعلي تاني
يعني الزبون الي كان بيجي مرة مبيكررهاش تاني
وده في حد ذاتة كان لغز كبير
لان... ازاي كلهم كانوا بيشهدوا بالمتعة الي شافوها معايا
وازاي مش بشوف حد منهم تاني بعدها
المهم ...
انا كنت باخد من كده صيت.. وشهرة ..وفلوس كتير...
بدون ما اعمل اي حاجة
لكن... في المقابل برضوا
كنت بتاذي
لاني ...
كنت باخد سمعة سيئة..
وبتعامل من الناس بره
اسواء معاملة
وكنت وحيدة ديما
لان الجيران كانوا بيبعدوا بناتهم عني
ومحدش كان بيرضي يصاحبني من البنات او النساء
وكأني واحده مصابة بمرض معدي
ممكن ياذيهم ...
او يسؤ سمعتهم
وطبعا... صاحب البيت الي بيشغلني عنده
لما لقي الاقبال الشديد عليا من الزباين
استغل اني محتاجة
شغلي عنده
و خلاني وقعت علي عقد شبية( بعقد الاحتكار)
وبمقتضي العقد ده
مقدرش اشتغل مع حد غيرة..
ولا حتي كتت اقدر اتجوز...
واعيش حياتي زي اي بنت عادية
ولا كنت اقدر اروح في اي مكان تاني غير عنده
و انا وافقت بالطبع
علي كل بنود العقد
لان ساعة ما اشتغلت عنده
كان لازم عيش انا وابني
(الي مش ابني)
فا مكنش ادامي حل غير اني امضي ...واوقع... وابصم كمان
علي عقد الاتحكار
وعيشت علي الوضع ده
لغاية ما دفعت الثمن غالي اوي
.........
لحظة اقفوا هنا
......
للكاتبة..حنان حسن
طبعا انتوا عايزين تعرفوا
اية موضوع الزباين الي بيتقلبوا قرود؟
ومين ابني( الي مش ابني)؟
و اية السبب الي خلاني اقبل بالوضع الي انا فية ده؟
ولية الزباين الي بيخرجوا مش بيرجعوا تاني؟
حاضر ....
هقولكم حكايتي كلها بس الاول
هعرفكم بنفسي
انا اسمي... هناء
انسة...وعذراء كمان
عندي ٢٢سنة
جميلة جدا
بشهادة الجميع
عندي ولد
بالرغم من اني عذراء ومحدش لمسني
ودلوقتي بقي اسرد لكم قصتي من الاول
حكايتي بدات
من يوم ما ابويا مات
ايامها انا كان عندي ١٦ سنة تقريبا
وامي ايامها كانت مازالت صغيرة ...وحلوة
في الوقت ده
كان لينا جار شهم اسمة
( عم عبدو )
وعم عبدو ...كان راجل طيب
وميسور الحال
عنده معرض سيارات... و املاك ... وفلوس
والنعم الي عنده لا تعد ولا تحصي
لكن...
كان عيبة الوحيد انه مكنش بيخلف
من زوجتة الاولي
اصلة كان متجوز قبل امي
وزوجتة
كانت واحدة ست اجارك الله
معجونة بالشر
ودماغها سم
لدرجة انهم كانوا مسمينها عندنا في الشارع
(العقربة)
م الاخر ...
محدش كان بيسلم من اذاها
المهم..
جارنا ده (عم عبدو)
ايام وفاة ابويا
تكفل بمصاريف الجنازة كاملة
وكل حاجة كنا عوزينها انا وامي...
كان بيبعتهالنا
بدون ما نطلب منه
وكان بيعمل كل ده طبعا
بدون ما زوجتة (العقربة) تعرف
ومش بس كده
ده كان بيسال علينا با استمرار
و بعد العدة بتاعة امي ما انتهت ...
عم عبدو
طلب من امي الجواز
وطبعا امي وافقت
لان مكنش لينا دخل ولا حد يصرف علينا
لكن... عم عبدو كان شارط علي امي
ان الجواز يبقي في السر
بدون ما العقربة تعرف
وفعلا اتجوزوا وفضل الجواز في السر ..
لان عم عبدوا اخد لنا شقة بعيد عن المنطقة الي فيها
العقربة
ومفيش كام شهر
وامي حملت منه في اخويا صلاح
وبصراحة عم عبدو كان مخلينا عايشين في ترف
وسعادة انا وامي
لغاية...
ما امي بدات تشعر بالم الولادة
يومها انا كنت لوحدي معاها
ومكنتش عارفة اتصرف ازاي
لان زوج امي كان عند زوجتة الاولي
فا اتصلت علي عم عبدو
لكن مكنش بيرد
فا بعتلة رسالة علي
الواتس اب
وقلتلة...تعالي بسرعة زوجتك بتولد
فا رد عليا
علي الواتس برضوا
وقالي..معلش موبيلي حصلة مشكلة
خدي امك لاقرب مستشفي
وابعتيلي اللوكيشن بتاع المستشفي
(المكان الي انتوا فية)
وفعلا..
اخدت امي في تاكسي لاقرب مستشفي
لكن...
امي ملحقتش توصل المستشفي وولدت في التاكسي
فا ازدادت حيرتي ولبختي اكتر
وافتكرت طلب اللوكيشن الي طلبة زوج امي
فا بسرعة ارسلت لة اللوكيشن
علي موبيلة زي ما طلب مني
وبمجرد ما امي ولدت في التاكسي
لقيتها غمضت عنيها وغابت عن الدنيا
فا اتلبخت
وبقيت محتارة
انقذ مين فيهم الاول
اخويا الي لسة مولود
و الحبل السري كان مازال متصل با امة؟
ولا افوق امي الي غايبة عن الدنيا؟
ولجل الحظ الكويس
لقيت السواق بيساعدني
وشوفت السواق وهو داخل للصيدلية الي كان التاكسي واقف امامها
وفي ثواني لقيتة جايب معاه الطبيب الصيدلي
الي جاب مشرط وادوات معاه
وبعدما الصيدلي قطع الحبل السري
لقيتة بيلف ليا اخويا
في بطانيتة
وبيقولي...
خدي بالك منه
علي ما اشوف الام
فسالتة وانا مخضوضة علي ماما
وقلتلة...هي ماما مالها ؟
فا رد الصيدلي
وقالي..يظهر انها نزفت كتير
ولازم تروح المستشفي
وقبل ما ارد علي الصيدلي
سمعت صوت نسائي
جاي من جنبي
بيأمر سواق التاكسي انه يطلع بينا بسرعة
عشان ينقذ الام
فا بصيت علي صاحبة الصوت
واول ما شوفتها
اتفاجئت انها زوجة عم عبدو (العقربة)
ولقيتها بتسالني
وبتقولي...
مش عيب يبقي ابن جوزي بيتولد في الشارع
ومتتصليش عليا يا بنت الغالية؟
فا ابتلعت ريقي من التوتر الي كنت فية
ورديت عليها بتلعثم
وقلت...
منا اتصلت علي عم عبدو.... و.......
وقبل ما اكمل
امرت العقربة
السواق انه يطلع بينا بالعربية
ولما سالها السواق
وقالها...اطلع علي فين ؟
قالتلة...علي طول
وفعلا فضل التاكسي ماشي علي طول
لغاية ما وقفتة العقربة
وقالتلة ..استني هنا
وكان في سيارة تانية في انتظارنا
وفي ثواني
العقربة نزلت امي من التاكسي ...
فا نزلت معاها وانا شايلة اخويا
وكنت ببص علي العربية الي بتنقل امي فيها..
وانا قلقانة منها
فسالتها..
وقلت..احنا هنروح فين؟
قالتلي
هنروح لعمك عبدو
عشان نفرحوا بابنة الوحيد
ورجعت ضحكت بسخرية
وقالت...
اقصد...(الوريث الوحيد)
وفعلا اخدتنا في العربية بتاعتها
وفضلت ماشية بينا كتير
وبعد ما دخلت بينا العربية في اماكن مقطوعة
اتفاجئت انها دخلت بينا
في المقابر
وبعد شوية
لقيت العربية وقفت
وفي واحد راجل شكلة مخيف جه يستقبلنا
فا امرتة العقربة انه ينزل امي
وفعلا مسك الراجل امي الي كانت مازالت فاقدة للوعي
واخدها لداخل مقبرة من المقابر
فا اتفزعت من الي بيحصل
وسالت العقربة
وقلت ..هو الراجل ده واخد امي علي فين ؟
وهتعملوا فيها اية؟
فا تجاهلت العقربة سؤالي
وقربت مني
عشان تاخد اخويا الرضيع
من علي ايدي
لكن انا تشبثت باخويا
وفضلت حضناه جامد
وقلتلها ...
مش هتاخدي مني اخويا
غير علي جثتي
فا ابتسمت ببرود
ولقيتها بتقولي..
خلاص يبقي انتي الي اخترتي
وشاورت براسها لشخص واقف ورايا
وفي اللحظة دي
شعرت بضربة علي راسي
غيبتني عن الدنيا
ومحستش بنفسي بعدها
غير بعد مدة من الزمن
ساعة ما فوقت علي صوت صراخ اخويا الرضيع
فا تذكرت الي حصل مع العقربة
فا حاولت اقوم بسرعة
عشان اشوف امي واخويا حصلهم اية؟
لكن...
لقيت دماغي تقيلة...
وجسمي مهدود...
والصداع ماسك دماغي
فا حاولت ابص حواليا
لكن لقيت الدنيا ضلمة تماما
فا تحسست علي جيوب بنطلوني
مكان مابحتفظ بالموبيل ديما
ولحسن الحظ اني لقيت الموبيل فعلا
واول ما شغلت الكشاف
اتفاجئت اننا في (مقبرة)
فا اتفزعت وفضلت اصرخ
وبسرعة...
حاولت اتصل بعم عبدوا او باي حد
يمكن حد يغيثنا
لكن...
الموبيل مكنش لاقط اي شبكة للاسف
فا فضلت اعيط وانا برتجف
من الرعب
وصوت اخويا الرضيع كان بيعذبني اكتر
لانه ممكن يم&وت ادامي
وانا مش عارفة اعملة حاجة
فا حاولت اتماسك
وبالرغم من الد&م الي كان بينزف من راسي
والصداع الرهيب الي كنت بشعر بيه
لكن تحاملت علي نفسي وقربت من اخويا الرضيع
وضميتة لصدري
وبدات اسلط ضوء الموبيل علي المكان حواليا
وفي اللحظة دي
شوفت مشهد بش&ع
واول حاجة عنيا جابتها
هي الج&ثث الي كانت حواليا
وفضلت ابحث عن ج&ثة امي بين الج&ثث
لكن ملقتهاش
ولاحظت ان الج&ثث
الي جنبي
كان معظمها اتحلل وبقي كومة من العظام
لكن..كان في جثة واحدة لامراة عجوزة
كان واضح انها مازالت مدفونة جديد
وكانت مغمضة عنيها في سلام
فا فضلت اسلط الضوء تاني لاعلي المقبرة
واشوف اي فتحة في سقف المقبرة
يمكن الاقي طريق للخروج
لكن...
للاسف ملقتش
فارجعت اعيط بعدما اصابني اليأس
وفضلت احضن اخويا الرضيع
وكنت بضمه لصدري
وكأني بحتمي فيه
وكتير حاولت اسكتة عن الصراخ
لكن اخويا مكنش راضي يسكت
عشان كان جعان وعايز يرضع
وفي اللحظة دي
اتاكدت...
اني انا واخويا هالكين لا محالة
اخويا هيموت يا اما من الجوع
اوالخنقة والهواء القليل الي في المكان
وانا هموت من الجرح
الي في راسي
وخصوصا ان النزيف خلاني اشعر بهبوط حاد
لدرجة اني مبقتش قادرة علي حمل اخويا الرضيع
وبداءت عنيا تزغلل
وشعرت بهبوط حاد في قلبي
وكنت علي وشك اني اغيب عن الوعي
لكن...
بالرغم من اني كنت خلاص علي وشك اني انتهي
كنت مازلت بسمع صراخ اخويا الصغير
الي كان عايز يرضع
وفي اللحظة دي
لمحت حد لابس عباية بايضة بيتحرك جنبي في المقبرة
ومن خلال عنيا المزغللة
شوفت الشخص المجهول ده
بياخد اخويا الرضيع من ايدي
وانا طبعا مكنتش في حالة تسمحلي اني اقاوم
واسترده تاني
وحاولت افتح عنيا واركز
اكتر
مع الشخص الي اخد اخويا من حضني
وشوفت الشخص ده وهو بيضم اخويا لصدرة وكانة بيرضعة
واتاكدت من كده فعلا
لما صوت صراخ اخويا توقف
ولما ركزت علي اخويا
شوفتة وهو بيرضع بنهم
وكنت عايزة اعرف مين الي بترضعة دي
وجت منين؟
دي المقبرة مفيهاش غير اموات ..
ومتحللين كمان
والج&ثة الوحيدة السليمة
لواحدة ست عجوزة
يعني استحالة ترضع طفل
وكان نفسي اقوم
عشان اطمن علي اخويا
واشوف مين الست الي واخداه في حضنها
لكن...مقدرتش
وكنت حاسة اني خلاص بموت
فا غمضت عنيا استسلمت لقدري
لكن...بعد شوية وقت
رجعت للوعي تاني
واتفاجئت اني استعدت صحتي
والنزيف توقف تماما
واكتشفت ان في حد ربطلي راسي
ولقيت اخويا واكل وشبعان
وبطل يصرخ
والاكتر من كدة..
اني لقيت ببرونة مليانة باللبن جنبة
فا قلت لنفسي
اكيد في حد اكتشف وجودنا في المقبرة
و دخل ساعدني انا واخويا
اثناء ما كنت غايبة عن الوعي
وبسرعة جيبت الموبيل
وشغلت الكشاف تاني
لكن...
الغريبة ان الوضع في المقبرة كان زي ما هو
يعني مفيش باب اتفتح
ولا حد دخل.... ولا حد خرج
من المقبرة
وجثة الست العجوزة
كانت مازالت زي ماهية
نايمة في سلام
فا فضلت متسمرة مكاني
وانا مرعوبة
ومش فاهمة اية الي بيحصل
لغاية ما اخويا بدء
يعيط تاني
فا اخدت اخويا في حضني
ومديت ايدي
علي الببرونة عشان ارضعة
لكن قبل ما اقرب الببرونة من بوقة
سمعت صوت جنبي
بيقولي ..
قبل ما ترضعية...سمي الله
فا اتفزعت...
وبسرعة بصيت علي مصدر الصوت
عشان اتفاجئ ب...........؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
اللهم صل وسلم وبارك على سيدنا محمد وعلى اله وصحبه اجمعين كما صليت على إبراهيم وعلى آل ابراهيم وبارك اللهم على سيدنا محمد وعلى آله وصحبه أجمعين كما باركتعلى إبراهيم وعلى آل إبراهيم في العالمين إنك حميد مجيد عدد ما كان وعدد ما يكون من قبل خلق آدم إلى يوم يبعثون
ردحذفعليه افضل الصلاة والسلام
ردحذفاللهم صلي وسلم وبارك على سيدنا ونبينا وحبيبنا محمد وعلى اصحاب سيدنا محمد
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا
ردحذفاللهم صل وسلم على نبينا محمد وعلى آله وصحبه أجمعين اللهم اميين يارب العالمين
ردحذفاللهم صلي وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفعليه أفضل الصلاة والسلام ♥️🌹
ردحذفاللهم صلى وسلم وبارك على سيدنا محمد وعلى اله وصحبه أجمعين
ردحذفاللهم صلِّ وسلم وبارك على سيدنا محمد وعلى آله وصحبه اجمعين
ردحذفاللهم صل وسلم على نبينا و شفيعنا و حبيبنا محمد عليه افضل الصلاة والسلام وآله وصحبه اجمعين
ردحذفاللهم صل وسلم وبارك عليه
ردحذفقمة الروعة والجمال والابداع والتشويق والتميز تسلم ايدك
ردحذفروعه يا حنان انتى بجد كل مره بتبهرينا تسلم ايدك 👏 منتظرين الباقى بسرعه مطوليش يا قمر 🥰🌹
ردحذف