الجزء الثالث عشر ..ليلة الدخلة الذهبية..للكاتبة حنان حسن

ليلة الدخلة الذهبية الجزء الثالث عشر للكاتبة..حنان حسن بعدما تمت زفتي  علي حسن... دخلت لغرفتي لوحدي  بدون عريسي  لان  انا وحسن ك...

ليلة الدخلة الذهبية

الجزء الثالث عشر

للكاتبة..حنان حسن

بعدما تمت زفتي

 علي حسن...

دخلت لغرفتي لوحدي  بدون عريسي

 لان  انا وحسن كنا اتفقنا...

 علي اننا هنتمم جوازنا (سوريا) او ظاهريا

 امام الجميع

 وهنوهم الكل اننا اتجوزنا بالفعل ..

لغاية ما نشوف حل ونخرج من الورطة الي احنا فيها

وكان من المفروض ان حسن عريسي

 ميدخلش عندي الاوضة في ليلة الدخلة

لكن الي حصل..

اني اتفاجئت..

 بان حسن ترك هند

 (عروستة الثانية)

وجاني اوضتي 

وكمان حاول يغ&تصبني...

فا فضلت اصرخ واستغيث

لغاية ما...

دخل علي صوتي اتنين من الرجال

واتفاجئت ان الاتنين الي دخلوا ينقذوني

واحد منهم يبقي ...(مهاود)

الغفير

والتاني يبقي ...(حسن)

وفهمت طبعا في اللحظة دي

 ان  العفريت مرازي

 اتجسد في صورة حسن عشان 

يوصلي من خلالة 

المهم...

لما  حسن و مهاود حاولوا

ينقذوني  

 اختفي مرازي 

وظهر مكانة ثعبان اسود علي الارض

وفي اللحظة دي

سمعت صوت شخص بيتألم

ولما بصيت علي الارض

لقيت حسن ومهاود الغفير بجانب  الثعبان

 

 وكان واضح

 ان الثعبان عض واحد فيهم

فا جريت علي حسن عشان اطمن علية

وسالتة...

وقلت...في ايه يا حسن؟

فا لقيتة بيقولي..

انياب الثعبان اخترقت الجلد...

 وممكن يكون السم اتوغل داخل الجسم

فا اتخضيت علي حسن

وافتكرت ان الثعبان افترسة

لكن...

لما ركزت مع ايد حسن

لقيتة ماسك ايد مهاود الغفير

وفهمت في اللحظة دي

ان الي اتعض من الثعبان

 هو...  (مهاود )

واتاكدت من كده

لما شوفت مهاود وهو عرقان وبيرتعش

 وبدء يغيب عن الوعي

فا مسك حسن الموبيل بتاعة بسرعة

واتصل بالوحدة الصحية

 التابعة لبلدهم

 وشرح لهم الحالة 

وطلب مسعفين في الحال

 ويكون معاهم مصل لسم الثعبان

وبعد كده

 اتصل حسن با ابوه العمدة

وسردلة الي حصل لمهاود

فا حضر العمدة في الحال

 وبدء يعمل اتصالاتة هو كمان

وفعلا..وصل رجال الاسعاف

وحقنوا مهاود بالمصل

لكن...للاسف

المصل معملش حاجة

ولفظ مهاود انفاسة الاخيرة

 ومات مهاود في لحظات

وكانت صدمة حسن كبيرة

وحزنة كان بالغ علي مهاود

وفضل حسن طول الليل  مع الرجالة 

في غسل مهاود وتكفينة

وفي التوقيت ده

لقيت شيماء داخلة عليا

وبتسألني

وبتقولي..

 مهاود مات ازاي ؟

وايه الي جابة في غرفتك؟

فا بصيت لشيماء بحزن

وقلتلها...

انا في ورطة يا شيماء

وللاسف الورطة ملهاش حل ولا مخرج

فسألتني تاني

وقالتلي

في اية وورطة اية؟

  احكيلي؟

وفعلا...

سردت لشيماء القصة كلها

فا بصتلي شيماء بدون ما تتكلم...

وكان واضح انها شردت بذهنها بعيد

وبعدها...

تركتني شيماء وخرجت بدون ما تكلمني نصف كلمة

المهم...

تاني يوم الظهر

 رجالة البلد صلوا علي مهاود

صلاة الجنازة

وبعدها... راحوا يدفنوه

وبعدما حسن انتهي من دفن مهاود

رجع حزين 

وحالتة كانت صعبة

في اللحظة دي

حسيت باني كنت السبب في الي حصل لمهاود

فا قربت من حسن

وقلتلة...

انا اسفة يا حسن

بس انا قولتلك سيبني امشي وانت الي مرضتش

فا بصلي حسن بحزن

وسألني

وقالي ..وانتي ذنبك اية؟

قلت..

مهو انا  لو كنت مشيت 

 مكنش مهاود اتعرض لقرص الثعبان

 وكان زمانة لسة معاك

 دلوقتي

فا رد حسن

وقالي.. الي حصل لمهاود ده مقدر ومكتوب

ومهاود مكنش مكتوبلة عمر اكتر من كده

وبصلي حسن بحزن

وقالي...

مهاود عاش راجل  

و مات وهو بيحاول يدافع عن العرض...

والي بيموت دون عرضة

 بيبقي  شهيد باذن الله

وقبل ما ارد علي كلام حسن الي هداني شوية

لقيتة غير الموضوع 

وقالي..

المهم دلوقتي يا داليا

 انا عايزك تخلي بالك من نفسك

لغاية ما اشوف حل للعفريت المؤذي ده

وقبل ما ارد علي حسن

واطلب منه يخلي بالة من نفسة هو كمان

اتفاجئت بمراة العمدة

وهي داخلة تلقح عليا بالكلام

وتقول...

حقك علينا يا حسن يا ابني

 انا وابوك 

الي بليناك بالبلوة دي

فا سألها حسن بتعجب

وقال..بلوة اية؟

قالت..

يظهر ان جوازتك كانت جوازة شوم علينا يا ولدي

بدليل...

ان بدايتها كانت.. 

  بموت الغفير ...

وخروجة من الدنيا

 في نفس اليوم الي كان مفروض انك هتدخل فيه دنيا

 

لا ...وكمان مات في اوضتك

فا رد حسن علي امة بضيق

وقال..

ملوش لازمة الكلام ده يا امي

دي اعمار

ومهاود لو مكنش مات هنا في اوضتي

كان هيموت في اي مكان تاني

و في نفس التوقيت برضوا

 بس كل الي حصلة مقدر ومكتوب

فا بصتلي مراة العمدة بقرف

وبعدها ...

بصت لحسن

وطلبت منة

انه ميقعدش في الاوضة الي مات فيها مهاود

فا رد حسن

وقالها..سيبيني دلوقتي يا امي بالله عليكي

 انا منمتش من امبارح

ودماغي مصدع

فا بصت مراة العمدة لحسن

وقالتلة...

 طب ما تدخل تنام  عند هند؟

دي حتي هند اجمل واحلي من المعرقبة داليا

في اللحظة دي

فا اتدخلت في الكلام

و رديت عليها بحماس

وقلت...

عندك حق يا حماتي

الافضل ان حسن ينام في اوضة هند 

مهي  هند عروستة برضوا

وغمزت لحسن

وقلت...

اتفضل يا حسن  روح لاوضة هند

 عشان تنام وترتاح شوية

وفعلا

خرج حسن  وسابني مع امة

فا قربت من امة

وقولتلها...

انا  مش معرقبة يا حماتي 

انا اجمل واحدة في بلدكم

فا بصتلي حماتي 

وقالتلي.. 

 برضوا العريس سابك

وراح لغرفة هند

وبعدما خرجت حماتي 

وهي متغاظة مني

 رجعت قعدت لوحدي

وفضلت اعيط علي مشكلتي الي ملهاش حل

وفي اللحظة دي

اتفاجئت بظهور 

 القط الاسود من تاني

ولقيتة بيسألني

و بيقولي..

مالك يا داليا؟ 

مش انتي الي طلبتي من حسن عريسك

 انه يروح ينام في اوضة هند؟

يبقي بتعيطي  لية دلوقتي؟

بعدما سمعت سخرية مرازي

افتكرت الي عملة فيا وفي مهاود..

وفي حياتي

 الي خلاها سواد

وحسيت اني لازم اصرخ فية واعرفة  اني بكرهة

لكن...معملتش كده

لاني..

خوفت منه ...ومن شرة

وكل الي عملتة 

اني ..بصيتلة بغضب

وسالتة

وقلت...

انت عايز اية تاني؟

مش كفاية قتلت مهاود بدون ذنب؟

وبعدما مرازي سمع سؤالي

نط القط علي حجري

وبدء يمسح وجهه بوجهي

وهمس في ودني

وقالي....

(انتي عارفة انا عايز اية)

ولو نفذتيلي رغبتي

هخليكي ملكة علي الارض

وكل الي تؤمري بية هيكون تحت امرك

قلت...برضوا لا 

الي بتطلبة مستحيل يحصل

ومهما عملت مش هنفذلك رغبتك

حتي لو قتلت مائة غفير

غير  مهاود

في اللحظة دي

رجعت عينة احمرت تاني

وبقت  بلون النار

و رد القط بغضب

وسألني

وقالي...

ومين قالك اني هقتل مائة غفير  زي مهاود؟

انا  ه&قتل 

اقرب الناس ليكي 

وهبدء بق&تل احب الناس لقلبك (وحالا)

ياتري انتي عارفة احب الناس ده يبقي مين ؟

وبعدما انتهي مرازي من تهديدة

اختفي القط كا العادة

لكن..

بعدما ركزت في تهديد مرازي

لقيتني صرخت 

وقلت...

مرازي قال هيقتل احب الناس لقلبي؟

يعني يقصد حسن ...ولا اهلي... ولا مين؟

وقبل ما الاقي

اجابة في دماغي علي السؤال

سمعت صوت صراخ  امراة في الخارج 

فا جريت علي باب الاوضة وفتحتة

وفي اللحظة دي

اتكرر صوت الصراخ تاني

ولما ركزت مع اتجاه الصوت

لقيتة جاي من ناحية اوضة هند

فا افتكرت ان حسن نايم في اوضة هند

فا جريت علي اوضتهم

و فتحت الباب عليهم

وبسرعة فتحت النور

عشان اتفاجئ

بثعبان نازل يجري من علي سريرهم

فا بصيت بسرعة علي السرير

عشان اطمن علي حسن

لكن ...

اتفاجئت..

 ان هند نايمة لوحدها في السرير

وحسن مكنش موجود اصلا

ولاحظت كمان ان هند هي الي بتصرخ وبتتالم

فا روحت اطمن عليها

ولقيتها ماسكة رجلها

 وبتقولي...

الحقيني يا داليا

في حاجة عضتني 

ولما بصيت علي رجلها لقيت مكان العضة فعلا

فافضلت اصرخ واستغيث واقول..

الحقوني يا ناس هند بتموت

وفي ثواني...

 لقيت العمدة وحسن  واهل البيت كلهم عند هند في الاوضة

ولما سالوني..

وقالوا ..مالها هند؟

قلتلهم...في ثعبان عضها

وفي لحظة اتكرر نفس السيناريوا

الي حصل مع مهاود

وحسن اتصل بالوحدة الصحية

 وطلب منهم  يبعتوا الاسعاف و مصل لسم الثعبان

في اللحظة دي

انا كنت عارفة ان هند هتموت

ومش هنلحقها.. وهيحصل معاها  زي مهاود

فا فضلنا انا وشيماء جنب هند علي الارض 

واحنا ماسكين ايديها

علي ما الاسعاف توصل 

 وفي الحقيقة احنا كنا بنودعها قبل ما ياخدوها يدفنوها هي كمان

لكن..اثناء ما كنا قاعدين بنعيط انا وشيماء

اتفاجئنا بهند 

وهي بتفوق 

ولاحظنا ...ان حالتها بتتحسن لوحدها

 بدون ما حد يلمسها

ولا حتي كانت الاسعاف وصلت 

ولا اخدت اي مصل

والاغرب من ده كلة

اني لما بصيت علي مكان العضة 

الي في رجلها

 لقيت مكان  العضة اختفي تماما

وفي ثواني

 قامت هند ووقفت علي رجلها وكأن شيئا لم يكن

فا بصتلها بذهول

وقلت...

هند انتي كويسة؟

فا بصتلي هند وهي بتحاول تغيظني

وقالتلي..ايوه انا كويسة 

وزي الفل

واتغاظي يا ضرتي

 لاني هفضل علي قلبك

وهفرسك 

فا ردت مراة العمدة

وقالتلي..

لية بتبشري علي ضرتك بقرصة الثعبان؟

بلاش شغل الضراير والغيرة

احنا مش ناقصين قرف

فا بصيت لحسن و لشيماء بذهول

وقلتلهم...

صدقوني يا جماعة

انا لما وصلت للاوضة شوفت العضة في رجل هند

وهند كانت بتصرخ من الالم

يبقي ازاى....؟

فا بصلي حسن بحنية بالغة

وقالي...

انا مصدقك يا داليا

وفي اللحظة دي

بصيت لحسن

وقلت...الحمد لله انك. مسمعتش كلام امك وروحت نمت في سرير هند

فا ردت  مراة العمدة 

وقالت..قولي كده بقي

انتي مفروسة عشان سابك وراح نام في سرير ضرتك

وعشان كده بتعملي الحوارات دي كلها

فا رد حسن

وقال...

يا داليا انا مروحتش لهند 

ولا  كان ليا نفس ادخل عندها اصلا

ولما خرجت من عندك 

روحت اشم هواء في البلكونة

قلت...

اه عشان كده الثعبان عض هند ؟

وقبل ما يرد حد علي سؤالي

وصلت الاسعاف

وكشفوا علي هند

وقالوا انها سليمة ومفيهاش اي حاجة

وانا بقي منظري وحش جدا

المهم..

عدي الموقف

لكن.. بعدها ..

 كنت بشوف الثعبان الاسود كتير 

مرة اشوفة جنب بابا ومرة جنب ماما

 ومره جنب شيماء ...

ومرة

 الاقية نازل من سرير دعاء

وكأن مرازي كان قاصد يسود عيشتي ويقلق راحتي

ولما فاض بيا

روحت لشيماء اختي

وقلتلها...

الحقيني يا شيماء مرازي بيهددني 

انة زي ما عض هند

 وعض مهاود وموتة 

هيعض اقرب الناس ليا

فا شيماء اختي شكت في الامر

وقالتلي

تفتكري لية هند محصلهاش حاجة من العضة

قلت...معرفش

فا ردت شيماء

وقالتلي...

علي فكرة بقي

حل المشكلة دي

هتلاقية عند

 الي اتسبب في المشكلة اصلا

فسالتها..

وقلتلها ...يعني ايه؟

قالت..يعني الي حضر

 العفريت

 هو الي هيقدر يصرفة

فسالتها

وقلت..

تقصدي اروح للساحر( ساهر)

  واطلب منه ..انه يخلصني من  العفريت مرازي؟

قالت...ايوه طبعا

 مفيش حل غير كده

بصراحة اقتنعت بكلام شيماء

وبالرغم من اني كنت كارهة مرواحي للساحر تاني

لكن...

مكنش في حل تاني غير كده

وفعلا 

انتهزت فرصة ان العمدة وحسن بره البيت

وخرجت انا وشيماء  واحنا مغطيين نفسنا بالملابس السوداء

عشان محدش يعرفنا

وبعدما روحت انا وشيماء للساحر 

فهمناه اننا محتاجين خدمة منة 

 وهندفعلة اي مبلغ يطلبة

فا سالنا

وقال...

طلباتكم اية؟

وفي اللحظة دي

سردتلة له كل الي حصل لنا من يوم ما دخلنا الكوخ

 لغاية النهاردة

فا بصلنا الساحر بتعجب

و بعدها...

سالني..

وقالي..

عيدي  عليا (الترنيمة)

 الي كان بيقولها العفريت مرازي  امامك.. لما بيغضب؟

فا حاولت اتذكر 

كلمات مرازي 

وبعدما تذكرتها

قلت...

هو كان بيقول..

حاجة غريبة  كده 

زي مثلا

سلطت عليكي ثعباني ..وسمي.. وشري

لا يبعدني عنكي سوي انياب الكوبرا الزرقاء

فا بصلي الساحر

وسألني

انتي قولتيلي من شوية

ان الغفير مهاود اتعض من الثعبان  ومات

وفي نفس الوقت

 في بنت اتعضت من الثعبان ومحصلهاش حاجة؟

الكلام ده حقيقي؟

قلت...ايوه

البنت دي تبقي (هند)

وهند تبقي ...

صاحبتي انا وشيماء

فا بصلي الساحر تاني

وسالني

وقالي..

هي هند دي

كانت معاكم يوم ما كنتم في الكوخ؟

قلت...ايوه كانت معانا

فا رد الساحر

وسالني

وقالي...

ولية هند مجتش معاكم

في اللحظة دي

بصيت للساحر بغضب

وقلت..

اية علاقة هند بموضوعنا دلوقتي؟

احنا جاينلك هنا النهاردة

عشان تمنع عننا اذي العفريت مرازي

هتقدر تساعدنا ولا اية؟

فا رد الساحر بكل ثقة

وقال..

اذا كنت انا الي سخرت الجن مرازي 

يبقي ازاي مش هقدر اصرفة؟

في اللحظة دي

بدات استعطف الساحر

وقلت.. خلاص ببقي ارجوك ساعدنا

لان  مرازي هددني انة هيقتل كل الي بحبهم

لو رفضت احققلة رغبتة  الي طلبها مني

في اللحظة دي

سكت الساحر عن الكلام

واخد وقتة مع تعاويذة واسحارة

وبعد صمت طويل

لقيناه بيقولنا..

في خبر سيئ ...وخبر حلو

وسألنا

وقال..

تحبوا تسمعوا انهي خبر الاول

فا ردت شيماء

وقالت..قول الخبر السيئ

فا رد الساحر

وقال..

للاسف... 

مرازي بيعشق اختك داليا بجنون

وله فيها رغبة

والي متعرفهوش عن مرازي

انه جن كاف&ر

 و عنيد...و مرازي فعلا

 وكدة الموضوع بقي صعب بالنسبالي...

 ومش هقدر اخلصكم منه

فا رديت علية بغضب

وقلت...

يعني سهل ترازينا بيه؟

 لكن..صعب تخلصنا منة؟

فا ردت شيماء

وسالت  الساحر بهدوء

وقالت..

امال ايه هو الخبر الحلو

فا رد الساحر

وقال..الخبر الحلو

ان العفريت مرازي بالرغم انه صعب الخلاص منه

 لكن..

 له رادع ...ولة كبير بيخشاة

وكبيرة ممكن يقضي علية في لحظة

يعني...الكبير ده 

 ممكن يبقي بمثابة واقي

 او ..سلاح

يخلصكم منه

 فا بصت شيماء للساحر

وسالتة

وقالت...

ومين الكبير الي بيخشاة مرازي؟

فا رد الساحر

وقال..

(الكوبرا ذات الانياب الزرقاء)

الي ذكرها  في الترنيمة بتاعتة

م الاخر 

عشان تتفادوا شر مرازي

فا لازم

تبقوا علي مقربة من ..

(الكوبرا ذات الانياب الزرقاء )

وتستعينوا بيها للخلاص من مرازي

في اللحظة دي

رديت انا بغيظ

وقلت..لا بص بقي

انا ملاحظة...

 اني كل ما اجيلك

 عشان اطرد عفريت 

اخرج من عندك وانا معايا عفريتين ثلاثة

 وكلهم اصعب من بعض

فا اية حكاية الكوبرا دي

 كمان؟

 وهنستفاداية لما نضيف لحياتنا عفريت جديد؟

 دا ممكن تتسببلنا

 في زيادة الخطر و المشاكل 

فا رد الساحر

وقال...

اولا الكوبرا ذات الانياب الزرقاء

مش هتحميكم من مرازي

دي هتخلصكم منة  (نهائي)

ولو مستعنتوش بيها

هيبقي الحل الوحيد عشان تتفادي اذي مرازي 

هو ...انك تلبي رغبتة 

وتنفذي كل طلباتة

وانتي طبعا عارفة طلباتة صعبة ازاي

فا بصتلة بانكسار

وسالتة

وقلت...

طب لو قررنا اننا نستعين  بالكوبرا ذات الانياب الزرقاء

 هنوصلها ازاي؟

في اللحظة دي

رد الساحر

وقال..

بالنسبة

 ل..هتجبوها منين؟

فا الكوبرا موجودة فعلا وعايشة في وسطكم

بس انتوا اكيد مش واخدين بالكم منها

بعدما سمعنا كلام الساحر

بصينا انا وشيماء لبعض

ورجعنا بصينا للساحر تاني

وسالتة ..

وقلت..

الكوبرا عايشة معانا؟

 وفي وسطنا كمان؟

وتطلع مين الكوبرا دي؟

فا رد الساحر

وفاجئنا

وقال........؟

 لو عايز باقي احداث الرواية

صلي علي رسول الله

وطبعا مش هننسي نضع عشر ملصقات

مع متابعة صفحتي الشخصية

مع تحياتي

الكاتبة

حنان حسن