جميلة فوق فراش بارد الجزء العاشر للكاتبة..حنان حسن بعدما رجعت للفيلا بالسيارة مع صقر باشا لقيتة بيقولي.. انزلي يا جميلة علي ما ...
الجزء العاشر
للكاتبة..حنان حسن
بعدما رجعت للفيلا بالسيارة
مع صقر باشا
لقيتة بيقولي..
انزلي يا جميلة علي ما ادخل العربية في الجراج
وبالرغم من اني كنت تعبانة ومازلت مريضة
الا اني تحاملت علي نفسي...
ونزلت لوحدي من العربية
بدون مساعدة
المهم
بعدما دخلت بالدور الاول للفيلا
وبمجرد ما دخلت من الباب
اتفاجئت ادامي( بصقر باشا)
فا وقفت مذهولة
ومش مستوعبة الي بيحصل
ازاي ابقي لسة سايبة صقر باشا في الجراج؟
وادخل هنا الاقية جوه الفيلا؟
وده خلاني
سالتة
وقلت..
هو انت مش كنت في الجراج؟
فا بصلي صقر باشا بتعجب
وسالني
وقالي..انهي جراج ؟
قلت..جراج الفيلا..
مش احنا لسة جايين مع بعض من المستشفي و....
وقبل ما اكمل استفساري
لقيت صقر باشا بيبصلي بشفقة
وقالي...
انتي تعبانة اوي كده؟
ارجوكي متجهديش نفسك بالكلام
وتعالي اقعدي ارتاحي
وبعدما صقر باشا اخدني لاقرب كرسي
قالي..
متزعليش نفسك يا جميلة
قلت.. لية بتقول كده؟
قال..
قالولي... انك اتعرضتي للاجهاض... و الجنين نزل
انا اسف بجد
كان مفروض اني ابقي معاكي لكن...
مكنش عندي وقت عشان اجيلك المستشفي
قلت..انت بتقول ايه؟
انا كده مش فاهمة حاجة؟
فا بصلي صقر باشا باسف
وكمل في تبرير غيابة عن زيارتي
في المستشفي
وقال ...
متزعليش مني
اصل من ساعة الحريقة ما حصلت..
و عربيات المطافي...
ورجال الاطفاء
كانوا مليان الفيلا
وكنت مشغول معاهم طول اليوم
ولسة ماشيين من شوية
فا ازدادت حيرتي ..من كلامة
وسالتة تاني
وقلت...هو انت مش كنت معايا في المستشفي من شوية ؟
فا رد صقر باشا وهو بيبصلي بحزن
وقالي...واضح ان البنج لسة مأثر عليكي
الف سلامة عليكي يا جميلة
انتي لازم ترتاحي شوية
عموما انا خلتهم يجهزولك غرفة جديدة..
تعالي اطلعي لغرفتك عشان ترتاحي
وفعلا اتوجهت معاه لغرفتي
لكن...
اثناء ما كنا متوجهين للغرفة
لقيتة بيقولي..
اه صحيح كنت هنسي
في ضيف في غرفة مكتبي
جاي عشان يشوفك
قلت..هو مين الضيف ده؟
قال...بيقول انه قريبك
تعالي قابلية
وهتعرفي هو مين بنفسك
قلت.. غريبة مين الضيف ده؟
وعرف مكاني هنا ازاي؟
فا رد صقر باشا
وقال...
محتارة كده لية
يلا تعالي معايا ندخل للضيف وهتعرفي هو مين حالا
وفعلا
اخدني صقر باشا لغرفة المكتب
واول ما فتح الباب
شوفت ادامي (خالد)
فا اتفزعت اول ما شوفتة
وتسارعت دقات قلبي
بمجرد ما لمحتة
ولما لاحظ خالد توتري
لحقني بالكلام
وقالي...
الف سلامة عليكي يا بنت خالتي
متتصوريش خالتك قلقانة عليكي ازاي
سبحانة الله
زي ما يكون قلبها كان حاسس ان بيكي حاجة
المهم طمنيني...
انتي عاملة اية؟ واخبارك اية؟
وفي اللحظة دي
فهمت طبعا
ان خالد عامل فيها ابن خالتي..
امام صقر باشا...
وجايلي زيارة
وطبعا انا وقفت مذهولة وساكتة وكأن لساني اكلتة القطة
وهنا اتدخل صقر باشا
وسال خالد
وقال..يظهر ان خالتها بتحبها اوي؟
فا رد خالد
وقال..طبعا
مهي امي هي الي ربت جميلة
لما المرحومة خالتي ماتت
دا حتي امي رضعت جميلة معايا
تصدق يا باشا
اني انا وجميلة اخوات في الرضاعة؟
فا ابتسم صقر باشا
وهو بيستعد للخروج من غرفة المكتب
وقال...طيب طالما بقي طلعتوا اخوات في الرضاعة ...
اقعد مع اختك علي ما اقولهم
يجهزوا الغدا
واعمل حسابك هتتغدي معانا
وبعدما خرج صقر باشا
بصيت لخالد بغضب
وسالتة
وقلت..ايه الي جابك هنا؟
فا رد خالد بغضب
وقالي..جيت لانك خلفتي اتفاقك معايا
وسالني خالد بعصبية
وقالي...
تقدري تقوليلي؟
ليه قلعتي السماعة من ودنك؟
تصرفك ده ملوش غير معني واحد
وهو..
انك كنتي عايزة تبعديني عن الي بيحصل في الفيلا..
وتاكلي عليا حقي...
وطبعا كنتي فاكرة انك بكدة هتبقي خلصتي مني ومش هقدر اوصلك ...صح؟
لكن لا..
انا عملت المستحيل لغاية ما عرفت مكانك
و مش هسيب حقي
قلت..حق ايه يا ابو حق؟
دا انت كنت سبب بلوتي
لانك السبب في دخولي هنا
وباين كدة اني مش هقدر اخرج من البيت ده تاني
فسالني خالد بفضول
وقالي ..ليه بتقولي كدة ؟
هو في حد عرف حاجة عن اتفاقي معاكي؟
قلت..لا
قال..امال لية مش هتقدري تخرجي من هنا؟
قلت..عفريت سيزر طلعلي
وهددني
اني لو خرجت من الفيلا هتصيبني لعنتة
فا رد خالد
وقال..انتي بتحوري علي فكرة
عفريت اية وكلام فارغ اية
مفيش حاجة اسمها عفاريت
قلت..صدقني في عفريت
محرم عليا مغادرتي للفيلا
فا بصلي خالد بشك
وقالي..مش مصدقك
لانك لسة راجعة من المستشفي
ادامي
يعني خرجتي...
ومفيش لعنة اصابتك ولا حاجة
قلت..
مهو ده الي هيجنني
معرفش ازاي سيزر سابني اخرج
وكمان حصلتلي حاجة اغرب
قال...اسرحي بعقلي اسرحي
وانا هعمل مصدق
ها خير ؟ حصل ايه ؟
قلت صدقني مش بحور عليك
الي هقولهولك ده الحقيقة
قال..طيب قولي حصل ايه ؟
فا سردتلة الي حصل مع صقر باشا في المستشفي
والي حصل مع صقر باشا برضوا لما رجعت ولقيتة هنا
فا فكر خالد شوية
وقالي..لو كلامك صدق فعلا ومش بتحوري عليا
يبقي عفريت سيزر اتجسد
في صورة صقر باشا
وده معناه ...
ان عفريت سيزر هيبقي موجود معاكي في البيت...
لكن....
وهو متجسد في هيئة صقر باشا
فا بصيت لخالد
وقلت ....
فعلا ده الي انا شكيت فيه
يظهر ان العفريت بتاع سيزر عرف
اني بحب صقر باشا فا خدعني
واتجسد في صورتة
عشان يجبرني ارجع للفيلا تاني
بس مش مهم...
انا هخرج من الفيلا تاني مهما حصل
وفي اللحظة دي
بصلي خالد بلؤم
وسالني..
وقالي..هو بتحبي صقر باشا؟
ايوه بقي اقعي بلسانك
و اعترفي
قلت..للاسف ده الي حصل
لكن خلاص انا هسيبة وامشي
فا رد خالد
وقالي..
مليش دعوة بكل الي قولتية ده
انا الي يهمني
هو انك تنفذي اتفاقنا
وقبل ما تمشي من هنا...
لازم تاخدي نصيبك من الميراث
عشان نتقاسموا مع بعض
قلت..حاضر
فا سكت خالد شوية
ورجع ينبهني
ويقولي..
خلي بالك
لغاية ما ربنا يقدرك وتمشي من هنا
لازم تفرقي في معاملتك بين العفريت
و (صقر باشا) بتاعك
بدل ما تفضحينا
قلت..
هفرق بينهم ازاي بس؟
دول تقريبا متطابقين
نفس الشكل..ونفس اللبس
ونفس الحركات.. وكل حاجة
فا هز خالد كتفة
وقالي..معرفش تعملي اية
المهم خلي بالك لا نتفضح
قلت..طيب وهخلص ازاي من عفريت سيزر؟
منتا لازم تساعدني
لان طول ما العفريت محتجزني هنا
مش هقدر اخد ميراثي
وبالتالي مش هنفذ اتفاقي معاك
فا فكر خالد شوية
وبعدين
قالي...
طيب اسمعي
انا عندي حل
قلت..حل ايه ؟
قال..
انا ممكن اساعدك انك تخلصي من العفريت ده....
وبكل سهولة
قلت..اخلص منه ازاي؟
تقصد اقتلة؟
فا رد خالد بسخرية
وقال..
تقت..لي مين يا خايبة؟
دا انتي لو حاولتي تق..تلية
ممكن تحصل لخبطة وصقر باشا هو الي يروح فيها
قلت..يعني عايزني اعمل ايه
فا رد خالد بعد تفكير
وقال..هفهمك قصدي
وبدء يشرحلي الفكرة الي في دماغة
وقال...
كان في واحد صاحبنا زمان
اصابة مس من الجن
يعني كان ملبوس
و(علية عفريت) برضوا
و كان عايش في عذاب
لغاية ما روحنا انا وكام واحد من اصاحبنا
(لواحد شيخ)
عشان يخرج الجان من جسم صاحبنا الملبوس
وبصراحة الشيخ طلع شاطر وواصل
وعرف يتعامل مع المسالة
والعلاج كان بحاجة بسيطة جدا
مش هتصدقيها
قلت..اية هي الحاجة دي؟
قال..
شوية مية مقروء عليهم بعض ايات من القران
قلت..يعني ايه؟
قال..يعني انا هروح للشيخ اياه
وهشرحلة المسالة
ولما الشيخ ينتهي من اتصالة بالجن
هيخلصوكي من العفريت سيزر
فورا
وده بمجرد ما يشرب من المية الي مقروء عليها
يعني كل الي مطلوب متك
هو انك تاخدي المية وتسقي صقر باشا
وساعتها هيبان مين فيهم صقر باشا الحقيقي
لان لما يشربوا الاتنين من المية
سيزر ساعتها هيختفي
وصقر باشا هو الي هيفضل
قلت..تمام فكرة ممتازة
هتروح للشيخ ده امتي؟
قال..
انا مستعجل اكتر منك لاني عايز اخد الفلوس واسافر
قلت..خلاص يبقي روحلة حالا
وهات منه المية
قال..تمام هروحلة حالا
وبمجرد ما اخد منه المية هجيبهالك واجي
بس انتي حاولي تتفاهمي مع حماكي
واطلبي حقك في الميراث منه
علي ما اجيلك
قلت..ماشي اتفقنا
وفعلا..
مشي خالد
بعدما اتفق معايا اننا نخلص من (عفريت سيزر)
وبعدما خالد مشي
لقيت صقر باشا داخل عليا المكتب
وبيسالني
وبيقولي..فين قريبك؟
قلت..جاله تليفون شغل ومشي...
بس هيرجع تاني عشان يطمن عليا
فا رد صقر باشا
وقالي...
طيب اتفضلي بقي روحي لغرفتك
عشان تاخدي الدواء و ترتاحي شوية
قلت..حاضر
وقبل ما امشي
استوقفني صقر باشا
وقالي..
جميلة
قلت ...نعم
قال...
ياريت لما تصحي تبقي تعرفيني
عشان عايزك في موضوع
قلت...حاضر
فا نادي صقر باشا علي حنة
وطلب منها توصلني لغرفتي
فا اخدتني حنة من ايدي
عشان توصلني لغرفتي الجديدة
وبعد ما وصلتني
دخلني لغاية السرير
وغطتني بغطا خفيف
وتركتني وخرجت من الغرفة وطفت النور
وبعدما حطيت راسي علي المخدة
فضلت افكر
هو صقر عايزني في اية؟
وياتري ده صقر فعلا ؟
ولا عفريت سيزر الي كان بيكلمني؟
ومحاولتش اجهد نفسي في التفكير
لاني كنت حاسة
اني في قمة التعب والارهاق
وكان لازم اخد قسط من الراحة
واحاول استسلم للنوم
وفعلا ..التعب خلاني روحت في النوم
لكن...
بعد شوية قلقت علي احساس فظيع بالبرودة
وقبل ما افتح عيني
شعرت بالغطا بيتشال من علي جسمي...
وبعدها ...حسيت بايد ادمية بتتحسسني
فا قمت مفزوعة واتنطرت من علي السرير
وبسرعة روحت فتحت النور
وفي اللحظة دي
شوفت صقر باشا قاعد في السرير
فا فهمت طبعا من جرائتة وبرودة السرير
ان الي معايا دلوقتي هو ..(العفريت)
فا قاومت خوفي وحالة الهلع الي انا فيها ..
وعملت نفسي مش فاهمة حاجة
وكلمتة علي انه هو صقر باشا
وسالتة..
وقلت..ايه الي جايبك دلوقتي لاوضتي
وبتعمل ايه في سريري يا صقر باشا؟
قال...
انا طلبت منك الجواز
وجاي دلوقتي عشان نتمم جوازنا
فا رديت وانا برتجف
وقلت..
جري ايه يا صقر باشا
هو انت مش عارف
ان مينفعش
تقرب مني ولا تلمسني قبل ما نكتب الكتاب ولا اية؟
في اللحظة دي
سالني بلهفة
وقالي..
وامتي هنكتب الكتاب؟
قلت..
عموما بكرة هنتفق علي الترتيبات بتاعة كتب الكتاب
ودلوقتي بقي اتفضل اخرج
عشان لسة حاسة اني تعبانة وعايزة انام
فا استجاب لرغبتي
وخرج بالفعل
وبعدما العفريت خرج
فضلت انتفض في سريري
وبقيت اقاوم النوم
وخوفت اغمض عيني لا الاقي سيزر جنبي تاني
المهم..
بعدما عدت الليلة الطويلة دي
صحيت الصبح علي خبط علي الباب
فا قولت ..مين؟
وفي اللحظة دي
سمعت صوت حنة
وهي بترد..
وبتقول..
انا يا مدام جميلة
فا قلتلها..ادخلي يا حنة
وبعدما دخلت حنة
قالتلي..
ابن خالة حضرتك جه تحت
وعايز يطلع يطمن عليكي
قلت..ماشي خلية يطلع
وبسرعة قمت لبست هدومي...
واستقبلت خالد بقلق وفضول
وقلت..ها طمني عملت اية؟
روحت للشيخ؟
فا رد خالد
وقال..ايوه انا لسة جاي من عنده حالا
قلت..وجيبت المية؟
قال..ايوه
الشيخ عمل اللازم بعدما شرحتلة كل حاجة
وبيقولك..
ممكن تضيفي المية علي عصير او شاي او اي مشروب..
عشان يقبلوا يشربوها
بس خلي بالك
لازم تقسمي المية علي كوبيتين
عشان لازم الاتنين يشربوا منها
قلت..ماشي فهمت
فا رد خالد
وقال...
انا همشي دلوقتي
ومتنسيش تنفذي الي قولتلك عليه
وابقي اتصلي بيا
وقوليلي علي النتيجة
قلت..تمام
وبعدما مشي خالد...
وتركلي الزجاجة الي فيها المية اياها
بدات في تنفيد الخطة الي هتخلصني من الغفريت
واول حاجة عملتها
هي...
اني اتصلت بالدادة حنة
وطلبت منها تجيبلي عصير بودره (تانج)
وكوبيتين .. وشوية سكر
فا عملت حنة الي طلبتة منها
وجابتلي الحاجة فعلا
بس في اللخظة دي
كنت ملاحظة ان حنة متدايقة شوية
ووجها متغير
فسالتها
وقلت..مالك يا حنة
قالتلي..مفيش
بس حاسة بشوية مغص
مخليني مش قادرة اعمل حاجة
فا بصيت جنبي علي شنطة الادوية
الي جابوهالي من المستشفي
وخرجت حباية من شريط المسكن
ومديت ايدي لحنة
وقولتلها..
خدي الحباية المسكنة دي
هتريحك
فا ردت حنة
بعدما اخدت مني الحباية
وقالت..لازم انزل اجيب مية عشان اخدها
اقولك...
ها ابقي خدها لما انزل
بس دلوقتي لازم انضفلك الحمام بتاع اوضتك
عشان البيه الكبير امرني بكده
قلت..ماشي
وبمجرد ما حنة تركتني ودخلت الحمام
جهزت انا كوبيتين عصير بالمية المقروء عليها
وتركت الكوبيات في الاوضة عندي..
وتحاملت علي نفسي...
وخرجت عشان ادور علي
صقر باشا
عشان استدرجة لغرفتي و اسقية بالعصير
وشوية وابقي اخرج اشوف التاني واسقية برضوا
المهم...
فضلت ادور بعيني في المكان لغاية ..
ما شوفت صقر باشا في مكتبة
ولما بص ناحيتي
عملت نفسي بقع علي الارض
ولما شافني
لقيتة جري عليا
وهو بيقولي..
ايه الي خرجك من اوضتك وانتي تعبانة؟
قلت..خرجت عشان اشكرك علي تعبك معايا
فا قومني صقر باشا من علي الارض...
ورحعني لغرفتي
وهو بيقولي...
بتشكريني علي ايه بس؟
قلت..
لازم اشكرك... واعزمك علي عصير كمان
وفي اللحظة دي
كنا وصلنا للغرفة بتاعتي
وكنت خلاص..
هسقية من العصير
لكن...
حصلت حاجة غيرت التخطيط تماما
فا بمجرد ما قربنا من الغرفة بتاعتي
سمعنا صوت حد بيتالم وبيتوجغ
عندي في الاوضة
فا دخلنا للغرفة بسرعة
واتفاجئنا ( بحنة)
وهي مرمية علي الارض...وبتصرخ
و ماسكة بطنها
وعلي ما حاول صقر باشا يعرف مالها..
كانت حنة فارقت الحياة
ولقيت صقر باشا مصدوم
و بيقول...
لا حول ولا قوة الا بالله
حنة قطعت النفس
وباين كده فارقت الحياة
وبسرعة مسك صقر باشا الموبيل بتاعة
وفضل يتصل بالاسعاف والدكتور
فا بصيت لحنة بحزن
وقلت..
يا عيني يا حنة
اتاريها يا قلبي كانت بتتالم من بطنها ومش قادرة تشتغل
وافتكرت في اللحظة دي...
ان حنة اتوفت بسبب مرض ما عندها
لكن...لما عيني جت علي كوبيات العصير...
اتفاجئت بكوباية واحده مليانة وواحده فاضية
ومعني كده
ان حنة لما لقيتني بعمل كوبيتين عصير
افتكرتني عاملة حسابها معايا
وممكن تكون اخدت الحباية المسكنة بالعصير
ينهار اسوووود
يعني انا كده الي قتلت حنة؟
ايوه قتلتها.......يلهوي
دا خالد كان جايبلي المية عشان صقر باشا
يعني كان ممكن اقتل صقر باشا؟
زي ما قتلت حنة
ينهار ازرق ده كمان كام دقيقة البوليس هيجي
وهيحللوا العصير الي شربتة
في اوضتي
وهيتهموني .. باني قتلت حنة
وممكن اتعدم
ايوه اكيد هيتهموني بقت$لها
مهو استحالة حد هيصدق اني ارتكبت جريمة قت$ل بدون ما اقصد
ورجعت اقول لنفسي
لا..
خالد هو الي قتلها..
وهو الي لازم يتع$دم مش انا
واثناء ما كان صقر باشا بيتصل بالاسعاف
انتهزت فرصة انه مشغول
وحاولت اهرب قبل ما يقبضوا عليا
وبالرغم من اني كنت عارفة...
ان اللعنة هتصيبني اول ما اخرج من باب الفيلا
لكن الخوف خلاني اجازف
وفعلا خرجت من باب الفيلا
لكن...
الغريبة اني محصليش اي حاجة
وكتت بتحرك عادي وبتكلم عادي
فا كملت في طريقي
واخدت تاكسي...
وروحت علي منال شريكتي في السكن
عشان اقولها ...
علي الجريمة الي اخوها ارتكبها
وورطني معاه فيها
المهم...
لما وصلت للاوضة
كنت خايفة لا تكون منال لسة مرجعتش من السفر
لكن..لحسن الحظ لقيتها
ولقيت منال مقبلاني بلهفة وترحيب
لكن انا مردتش عليها السلام
وسالتها..
قلت..فين خالد؟
فا اتعجبت منال من سؤالي
وقالت..خالد مين؟
قلت..خالد اخوكي
الي بعتية ليا وانا في الحجز عشان يضمني ؟
فا بصتلي منال بدهشة
وقالتلي..يا جميلة انا بنت وحيدة ...
ومليش اخوات خالص
لا بنات ولا صبيان
في اللحظة دي فهمت اني كنت غبية وحمارة
انا ازاي مفهمتش
ان عفريت سيزر كان متجسد في صورة خالد ؟
ازاي مخدتش بالي ان خالد كان عارف معلومات كتير
مش سهل حد يعرفها
ازاي مخدتش بالي ان خالد عرف مكان الفيلا بدون ما حد يقولة
ازاي مخدتش بالي لما السرير كان بيبرد وهو معايا عليه
ازاي مخدتش بالي من....
وفي اللحظة دي
فوقت لنفسي
و خوفت لا حمايا يبلغ البوليس عني
ويجوا يقبضوا عليا عند منال
لان حمايا عارف مكان الاوضة
فا نزلت اجري علي السلم عشان اهرب لمكان بعيد
لكن اثناء ما كنت نازلة اجري
اتفاجئت ب خالد
بيقطع عليا الطريق
ولقيتة بيقولي...
كنت عارف انك هتيجي هنا
عشان تدوري عليا
فا سالتة وانا بعيط
وقلت..
لية خلتني اقتل حنة ؟
ولية كنت عايزني اقتل صقر باشا يا سيزر؟
فا اتقلب خالد في لحظة لكلب اسود
ورد عليا
وقالي..طالما عرفتي اني سيزر
يبقي هرد علي سؤالك
واقولك الحقيقة
انا عملت كده عشان.... (بحبك)
ولما عرفت منك انك بتحبي
صقر باشا
كان لازم اخليكي تقت$لية بايدك
قلت..هو الي يحب حد يخلية يقتل؟
و يلبسة مصيبة؟
ذنبها ايه حنة ؟
و لا ذنبة ايه صقر باشا عشان تخليني اقتلهم؟
في اللحظة دي
فضل الكلب يهز ذيلة وبدء يتمسح فيا
وفي الاخر
همس في وداني
وقالي..
اقتلي صقر باشا
وعوضيني عن الحمل الي راح
وانا احللك كل مشاكللك في ثانية
فسالتة بغضب
وقلت .. اقت$ل تاني؟
ثم هتحلها ازاي بقي ان شاء الله؟
هتصحي حنة من الموت ؟
ولا هتقتل باقي العيلة وتقضي علي الشهود كلهم؟
في اللحظة دي
وقفت انتظر رده
لكن
قبل ما سيزر يرد عليا
سمعت صوت حمايا
بيقول...
هي دي جميلة زوجة ابني
فا صرخ احد الضباط قائلا
اقبضوا عليها
فا بصيت علي مصدر الصوت
لقيت السلم ومدخل العمارة مليان برجال البوليس
فا بصيت لسيزر
وقولتلة...
الحقني يا سيزر اعمل حاجة
فا اقترب الكلب مني
وهمس في ودني
وكرر السؤال
وقالي..هتقتلي صقر
وتعوضيني الحمل الي راح؟
قلت...ايوه بس انقذني من الورطة دي
وكنت فاكرة ان سيزر بيخدعني
ومش هيقدر يعمل حاجة
لكن المرة دي اتفاجئت بحاجة استحالة حد يصدقها
عارفين سيزر عمل اية..........؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة..
حنان حسن
عليه افضل الصلاة والسلام
ردحذفجميله جدا
ردحذفعليه افضل الصلاة والسلام
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صل وسلم وبارك على سيدنا ونبينا وحبيبنا محمد وعلى آله وصحبه أجمعين
ردحذفبجد فوق السحاب الحلقه تحفة
اللهم صل وسلم على سيدنا محمد وعلى آله وصحبه أجمعين
ردحذفعليه أفضل الصلاة والسلام ♥️
ردحذفاللهم صل وسلم وبارك على سيدنا محمد وعلى آله وصحبه وسلم
ردحذفعليه افضل الصلاة والسلام
ردحذفتحفه
ردحذفياقلبي يا بنتي كل شويه في مصيبه
ردحذفاللهم صل وسلم وبارك علي سيدنا محمد وعلي اله وصحبه وسلم تسليما كثيرا
ردحذفعليه افضل الصلاة والسلام وعلى آله وصحبه وسلم أجمعين
ردحذفرووعه حقيقي فوق كل التوقعات
ردحذفتحياتي لكي حنان
اللهم صل وسلم وبارك على سيدنا محمد وعلى اله وصحبه اجمعين حلوه جدا
ردحذفسبحان الله وبحمده سبحان الله العظيم
ردحذفاللهم صل وسلم على نبينا محمد وعلى آله وصحبه أجمعين اللهم اميين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذف😍😍😍😍😍😍😍
ردحذفعليه افضل الصلاه والسلام
ردحذفروعه يا حنان تسلم ايدك
اللهم صل وسلم وبارك عليه
ردحذفقمة الروعة والجمال والابداع والتشويق والتميز تسلم ايدك
ردحذف