جميلة فوق فراش بارد الجزء الرابع للكاتبة...حنان حسن بعدما حاولت اشرح لامين الشرطة ازاي سيزر جوزي اتحول لكلب وازاي مات بالبول الا...
الجزء الرابع
للكاتبة...حنان حسن
بعدما حاولت اشرح لامين الشرطة
ازاي سيزر جوزي اتحول لكلب
وازاي مات بالبول
الامين مصدقنيش واتهمني باني بتعاطي حاجة...
ومش كده وبس
دا رماني في الحجز لما ملقاش معايا بطاقة
واتبهدلت بهدلة عمري ما شوفتها في حياتي
وفضلت مرمية بين اللصوص والمجرمين
ومكنش حد بيجببلي اكل ولا حتي حد سال فيا
طبعا مين هيسال فيا منا مقطوعة من شجرة
ومكنتش اقدر اتصل بحد من المستشفي الي بشتغل فبها عشان ينجدني
احسن لو حد عرف اني في الحجز بتهمة التعاطي
وساعتها ممكن اتفصل من شغلي...
الي كان مخليني قادرة اكل لقمة عيش نضيفة
طيب وبعدين
هتفصل كده في البهدلة دي؟
وفضلت ادعي ربنا يخرجني من الكرب الي انا فيه
ويظهر ان ربنا استجاب فعلا
لاني سمعتهم نادوا علي اسمي من وسط الموجودين في الحجز
ولما روحت مع العسكري
لقيت في شاب غريب
اول مره اشوفة
جاي يضمني ببطاقتة
وبالرغم من ان الامين كان عايز يكبر الموضوع
لكن
الشاب عرف يتعامل معاه
وفعلا..قدر الشاب يخرجني
من الحجز
ومبقتش مصدقة نفسي...
اني خرجت من الكابوس ده
وبعدما خرجنا من الحجز
احدني الشاب لعربيتة
عشان يوصلني
وقبل ما ؤطلع با العربية
شكرتة...
وبعدها سالتة
قلت..
هو انت تعرفني قبل كده
قال..لا
قلت..امال ازاي عرفت اني في الحجز؟
قال...انا شقيق منال...
وهي الي طلبت مني اني اخرجك من الحجز
وده طبعا بعد ما اكدتلي انك انسانة محترمة
قلت..بص يا اخ.....
قال.. اسمي خالد
قلت..بص يا اخ حالد
منال اختك هي السبب في الي انا فية دلوقتي
قال..هي السبب ازاي؟
قلت...
هي عارفة كوبس بموضوع الدكتور سيزر جوزي
لاني كنت سردتلها قصتي معاه كلها
لكن معرفش ليه
منال اختك بتنكر ده
وبتنكر وجود سيزر اصلا
والادهي من كده..
انها اخدت مني الاور اق الي بتثبت جوازي منه
ومعرفش بتعمل كده لية برضوا
فا بصلي خالد
وقالي..
لا انا كده مش فاهم حاجة
سيزر مين؟
وجواز ايه؟
قلت..انا هحكيلك بس وحياة ابوك..
ما تقول عليا مجنونة انت كمان
قال....اتفضلي احكي
وفعلا..
سردت لخالد روايتي كلها
وبعدما خالد سمع حكايتي
بصلي بتعجب
وقالي...بصراحة منال عندها حق متصدقش
قلت..لية؟
قال..
هاتي كده مسجل ...
وسجلي الكلام ده
وارجعي اسمعية
انتي نفسك عقلك هيرفض يصدقة
قلت...
طيب انا هثبتلك
تعالي معايا المستشفي
وانا اثبتلك بالدليل
فا وافق خالد انه يروح معايا المستشفي
بس الغريبة
اني اول ما دخلت المستشفي
شوفت طقم ممرضات جديد تماما
ومكنش فية حد من الي اعرفهم
غير..
دكتور سامي مدير المستشفي
فا قلت ادخلة
واعنذر عن التاخير
عشان ارجع شغلي بالمرة
لكن...
اتفاجئت انهم بيمنعوني من الدخول عنده
والمصببة الاكبر
انهم سلموني قرار فصلي بسبب انقطاعي عن العمل
فقلت لخالد
تصدق انهم فصلوني؟
قال..انا اسف بجد
قلت..ولا يهمك
عموما...
انا برضوا مصممة اني
اثبتلك ان الدكتور سيزر
كان بيشتغل هنا فعلا
فسالت..
الممرضة الي اعطتني قرار الفصل
وقلت..هو دكتور سيزر هيرجع امتي من السفر؟
فا ردت الممرضة الي كنت بشوفها لاول مرة
وقالت..مين دكتور سيزر ده؟
قلت..الدكتور الاخرس
قالت..
انا اول مرة اسمع انهم بيشغلوا اطباء خرس
قلت..لا ارجوكي اتاكدي من معلوماتك لان الدكتور سيزر ده....
وقبل ما اكمل توضيح
صرخت فيا الممرضة..
وقالتلي..
اسالتك الكتير دي اسمها تطفل
وتضيع وقت يا انسة
وانا مش فاضيالك
واتفضلي بقي من هنا لو سمحتي
بدل ما اجيبلك الامن
وفعلا
خرجت انا وخالد
ورجعنا للعربية
ولقيتة بيقولي
انا جيت معاكي لغاية هنا
عشان ااكدلك انك ظالمة منال
قلت...يعني ايه؟
تقصد تقول اني اتجننت؟
فا ابتسم خالد
وقالي..لا طبعا لا سمح الله
منال قالتلي
انك كنتي مريضة مرض شديد
وكنتي مصابة بالحمي
وكل الي حصل
انك حلمتي بالي حصلك ده وانتي نايمة محمومة
فا سهمت شوية وانا بفكر في كلامة
وبعدما فكرت شوية
قلت..
طيب بطاقتي الي سيزر اخدها مني
عشان بخلصلي الباسبور راحت فين؟
رد خالد
وقالي. تلاقيها راحت هنا ولا هنا
قلت..
طيب وانا كنت فين الفترة الي انقطعت فيها عن شغلي؟
قال..ما قولتلك انتي كنتي مريضة
طول الفترة الي فاتت
وتقريبا كنتي في غيبوبة
ده غير الحمي الي كانت مسكاكي
فا اقتعنت بتبريراتة بصراحة
وقلت..
معقولة كل الي حصلي مع سيزر ده مكنش حقيقي؟
وكان من تخاريف الحمي؟
فا رد خالد
وقال..المنطق بيقول كده
واحنا لازم نخضع للمنطق
فا مسكت دماغي
وقلت..ياااااه
بقي كل الي فات ده طلع حلم؟
قال...الي سردتية ليا من شوية بيقول...
انه كان كابوس كمان
مش حلم بس
قلت...
الحمد لله اني فوقت منه
وبصيت لخالد
وقلت...
من فضلك روحني علي الاوضة
قال..حاضر
وفعلا
وصلني خالد لغاية السكن
وعرفني ان منال سافرت البلد
وبعدها اعطاني رقم الموبيل بتاعة
وقالي..
لو احتجتي لاي حاجة كلميني
وبعد ما انطلق خالد بسيارتة
دخلت من باب العمارة الي فيها السكن
ولسؤ حظي
اني اتقابلت بصاحب العمارة
الي سالني عن الايجار
فا قلتلة..
حاضر بمجرد ما اقبض هدفع الايجار
وطلعت الغرفة وانا حاسة اني مش قادرة افتح عنبا
وحاسة اني تعبانة وهلكانة
ده غير اني مبقتش قادرة اخد نفسي من قلة الاكل
وكان الحل اني انام عشان انسي الجوع
لكن..
النوم مبيجيش للجعان
زي ما بيقولوا
وفضلت افكر
هعمل اية وهجيب فلوس منين عشان اقدر اعيش
اتصل بخالد واستلف منه قرشين
لغاية ما اشتغل؟
لا لا
الراجل هيقول عليا ايه
دنا لسة عارفاه من كام ساعة بس...
اقوم استلف منه بالسرعة دي؟
طيب اعمل ايه؟
منا هموت من الجوع
وبسرعة فتحت شنطتي يمكن الاقي ٢جنية فضة
اجيب بيهم باكوا بسكوت
ولا حاجة
لكن...للاسف ملقتش
وبدات اشعر بهبوط
في قلبي
لاني كان بقالي كام يوم ماكلتش حاجة
وفي اللحظة دي
سمعت الباب بيخبط
فا روحت فتحت باب الاوضة
واتفاجئت ادامي (بخالد)
الي كان جاي وجايبلي شنطة في ايدة
فسالتة
وقلت...ايه ده؟
قال..دي اكلة سمك
انا قولت انك ملحقتيش تشتري حاجة للاكل
فا قولت اجيبلك عشا
فا اخدت الاكل من ايده
وقلت ..شكرا
بس معلش مش هقدر اقولك اتفضل
لاني لوحدي زي منتا عارف
فا ابتسم خالد
وقالي..وانا متفهم طبعا
وبصراحة بعد ما خالد اعطاني الكيس مشي علي طول
وانا فرحت جدا بالاكل
وبعدما اتعشيت ...
حمدت ربنا
ومحاواتش افكر في حاجة
وكل الي عملتة
هو...
اني غسلت اسناني بالفرشة...
وروحت ع السرير
وغوصت في نوم عميق
ومصحتش غير علي صوت الباب الصبح
ولما فتحت برضوا لقيت خالد ادامي
والمرة دي كان جايبلي الفطار
ولقينة بيقولي
وهو بيبتسم
لقيت محل بيعمل فول وطعمية سخنة
ولما دخلت اشتري
قلت اجيبلك معايا
فا اتكسفت من زوقة...
وبرضوا اخدت الاكل منه
وهو وافف علي الباب
وبعدها مشي خالد
كا العادة
وفضلنا علي الوضع ده لمدة اسبوع تفريبا
ولما حسيت بالاحراج من خالد
اتصلت بية
وقلتلة..
مينفعش تفضل تيجي كل يوم وتجيبلي اكل
الجيران هيقولوا اية
لو عايز تساعدني فعلا جيبلي اي شغلانة
فا رد خالد
وقالي...حرام واحدة جميلة زيك تتبهدل في الشغل
قلت...ولو مشتغلتش هعيش منين ؟
قال..
انا تحت البيت عندك
وبستاذنك اطلع عشان عايزك في موضوع
قلت..اتفضل
وفعلا طلع خالد
واول ما فتحتلة الباب
اتفاجئت بيه
بيقولي
.بصراحة كدة انا معجب بيكي وعايز اتجوزك
فا قلت....ايوه..بس.....؟
قال..اية ؟ هتقوليلي سيزر تاني والاوهام اياها؟
قلت..
لا لا ...خلاص
انا اتاكدت ان سيزر كان تخاريف حمي...
او كابوس وصحيت منه
فا ابتسم خالد
تمام يعني مفيش مانع من جوازنا
طيب قولتي ايه؟
قلت..موافقة بس انا مش معابا بطاقة وعلي ما اعمل البطاقة فيها شغلانة و...
فا استوقفني خالد
وقال..
مش مشكلة
نتجوز عرفي لغاية ما نشوف حل لموضوع البطاقة ده
قلت..عرفي؟
قال..
ايوه عرفي
وفيها اية؟
قلت..طبب ما نصبر لغابة ما اطلع بطاقة؟
فا رد خالد
وقال
اصلي بصراحة بقي
انا حاسس اني بقيت مسؤال عنك
ولازم اشوف طلباتك
ومش هينفع اجيلك هنا...
بدون ما يكون في بينا ا رتباط رسمي
قلت..ايوه بس... ؟
قال.. متخافيش انا هضمنلك حقوقك
انا عندي شقة بوضبها
وهجيبلك شبكة ...وهدفعلك مهر
وهعملك فرح كمان
بس ارجوكي وافقي
في اللحظة..
لقيت نفسي محتاجة حد جنبي فعلا في الوقت ده
فا بصتلة
وقلت...موافقة
فا فرح خالد بموافقتي
وبسرعة نزل
جاب اتنين شهود ....
وورقتين
كتبهم واحنا قاعدين
وانا وقعت عليهم
وبعدما الشهود مشيوا
كتبلي شيك بمليون جنية
وقالي..ده مهرك...
وشبكتك هجيبهالك اول ما
افك الوديعة
قلت..تمام
وفي اللحظة دي
قرب مني خالد
وقالي..انا عارف ان...
كان مفروض
نقضي اول ليلة لينا في بيتنا
لكن...البيت لسة علية اسبوع علي ما يجهز
ومضطرين نتمم دخلتنا هنا مؤقتا
فا قلت...لا
انا وافقت اتجوز عرفي
لكن...بالنسبة للدخلة
فا لازم نصبر علي ما شقتنا تتوضب
فا بصلي خالد
وقالي...
طيب عشان خاطري خليني سهران معاكي الليلة
فا قلت..
لو هتصبر وهتمسك العقل يبقي اقعد واسهر معابا شوية
مفيش مانع
قال ..امري لله..
هصبر وامسك العقل
وفعلا سهرنا انا وخالد مع بعض
بس قبل السهرة
نزل خالد جاب اكل و عصير
وبعدما اكلنا وشربنا
غصب عني روحت في النوم
ومفوقتش غير علي صوت خالد
وهو بيصرخ
فا صحيت مفزوعة
وبصيت جنبي
عشان اشوف في اية؟
واتفاجئت بخالد جنبي ع السرير
لكن...كان قاعد مش نايم
بس كان قاعد متكوم في السرير
وهو مازال بيصرخ
وجسمة متخشب ...و بيترعش
فسالتة...
وقلت
في ايه ؟
فا رد خالد وهو مازال بيرتعش
وقال...
انا جسمي كلة متجمد كاني في فريزر
اية ثلج الي ع السرير ده ؟
قلت...ثلج اية؟
مفيش ثلج ولا حاجة
وبعدين انت اية الي جابك علي السرير اصلا؟
وانا ايه الي نيمني جنبك؟
فا رد وقالي...
مش وقتة دلوقتي
امسكي ايدي وخرجيني من السرير بسرعة
فا نزلت من ع السرير وشديتة فعلا
وخرجتة من السرير
وبمجرد ما نزل من علي سربري
لقيتة قعد يرتجف وبعدها
لبس هدومة وسابني ومشي
بدون ما ينطق بكلمة واحده
وفضلت انا قاعدة لوحدي مستغربة من الي بيحصل
ومش مستوعبة اي حاجة
وبعد ما فوقت من صدمتي
حاولت اتصل بخالد
لكن..تليفونة كان اتقفل
وفضلت احاول اتصل تاني كتير بعدها
لكن برضوا معرفتش اوصلة
وفضل خالد مختفي فترة وموبيلة مغلق
لدرجة اني قولت انه ندم علي جوازنا
وبدات افقد ثقتي بنفسي
واقول....
تلاقي خالد فكر يتمم دخلتة
عليا..
ولما شعر بالبرودة
اخد انطباع عني اني باردة
وهرب بجلدة مني
المهم...
بعد يومين من اختفاء خالد...
قررت اني انزل ادور علي شغل
فا لبست وخرجت من الاوضة
وكان لازم اقفل الباب بالمفتاح
فا فتحت شنطتي عشان اجيب
المفتاح
وفي اللحظة دي
اتفاجئت بشيئ في الشنطة
والشيئ ده
كان عبارة عن...
شوية اوراق في شنطة ايدي
فا دخلت ايدي في الشنطة
لقيتني بمسك بطاقة
ولما بصيت فبها
اتفاجئت انها البطاقة بتاعتي
فا خرجت الاوراق من الشنطة بسرعة...
عشان اشوف اية الاوراق دي
واتفاجئت في وسط الاوراق ب..باسبور ..وعقد جواز رسمي
والعقد كان..
باسمي انا و.........؟
ينهار مش فابت
عارفين ده عقد جوازي من مين.........؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
عليه افضل الصلاة والسلام
ردحذفعليه افضل الصلاة والسلام
ردحذفاللهم صل وسلم على نبينا محمد وعلى آله وصحبه أجمعين
ردحذفاللهم صلي على محمد وعلى اله وصحبه اجمعين امين يارب العالمين
ردحذفاللهم صل وسلم وبارك عليه
ردحذفجميله وحلوه قوى ومشوقه ورائعه تسلم ايدك
ردحذفروووووووووعه
ردحذفاللهم صل وسلم على نبينا محمد وعلى آله وصحبه أجمعين اللهم اميين يارب العالمين
ردحذفعليه أفضل الصلاة والسلام ♥️
ردحذفاللهم صلى وسلم وبارك على نبينا محمد
ردحذفعليه افضل الصلاة والسلام
ردحذفاللهم صلي وسلم وبارك على حبيبي وقرة عيني سيدنا محمد وعلى آله وصحبه وسلم تسليما كثيرا
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفعليه افضل الصلاه والسلام
ردحذفاكيد عقد جوزها من سيزر