جميلة فوق فراش بارد الجزء الثالث للكاتبة...حنان حسن بعدما حكمت عليا ام سيزر بالحبس حتي الموت عقابا ليا لاني اتسببت في ان ابنها...
الجزء الثالث
للكاتبة...حنان حسن
بعدما حكمت عليا ام سيزر بالحبس حتي الموت
عقابا ليا
لاني اتسببت في ان ابنها اتحول لكلب
فضلت اعيط باستمرار
طول فترة الحبس
واثناء ما كنت بنعي حظي
اتفاجئت بسيزر
وهو بيعرض عليا حل للخروج من الازمة
فا سالتة
وقلت...حل ايه؟
قال...قبل ما اقولك الحل
لازم تعرفي حقيقة الي بيحصل بالبظبط
عشان تقدري تتفهمي سبب الطلب الي هطلبة منك
قلت...ماشي فهمني
وفعلا بدء سيزر يفهمني
وقالي..
انا كان معمولي نوع من السحر الاسود
اصابني بالخرس
وده كان محطم حياتي وبيهدد مستقبلي
وخصوصا اني طبيب ولسة شاب في مقتبل حياتي
وده الي خلي امي تحاول انها تلجئ للسحر تاني لفك
السحر الاول
لكن...كان من شروط فك السحر
اني اتزوج... واتبادل مع زوجتي النعم الي في حياتها
او بمعني اوضح
( اخد لسان زوجتي)
فا ارجع سليم معافي
وهي تفقد النطق طول حياتها
وعشان كده انا اتجوزتك..
وكان مفروض اننا هنتمم الطقوس...
وهحيصل التبادل يوم ما وصلنا من السفر
لكن...
انتي رفضتي
وفضلتي تصرخي بجنون في حضرة الجان
فا اتدهور الامر وزادت اللعنة
واتحولت لكلب زي منا ادامك كدة
فا بصتلة
وقلت...
يعني انت اتجوزتني وجيبتني هنا
عشان تغدر بيا انت وامك؟
فا رد سيزر
وقالي..
مش وقت لوم وعتاب دلوقتي
لازم نوجد حل بديل
عشان تخرجي من سجنك
وانا ارجع لطبيعتي تاني
فا ردبت بكسرة
وقلت...
انت قولت من شوية انك عندك حل ؟
ايه هو الحل؟
قال..
الحل الي عندي صعب شوية
لكن..انتي مضطرة له
عشان تخرجي من هنا وترجعي لبلدك
قلت..قول بسرعة الحل
قال..
قبل ما اقولك علي الحل
عايزك تبصي بره الاوضة الي احنا فيها دي
وقوليلي شايفة ايه
فا بصيت من بين القضبان
الحديد
علي الي مو جود خارج الاوضة
الي انا محبوسة جواها
ولقيت اسد كبير علي الباب من برة
فا رديت
وقلت..
انا مش شايفة غير اسد انتوا حاطينة علي الزنزانة
بتاعتي
عشان لو فكرت اخرج ياكلني وتخلصوا مني
فا رد سيزر
وقال....
اولا ده مش اسد
ده راجل ومسحور برضوا
وكان شغال حارس هنا
لكن ..اتعملة سحر
وبقي اسد زي منتي شايفة كده
وثانيا...
انا مش قصدي تبصي علي الاسد
انا بقصد...
علي الشيئ الي موجود فوق التربيزة
الي في نفس الاوضة الي فيها الاسد
قلت..ايوه الي علي التربيزة
دي شنطة ايدي
فا رد سيزر
وقالي..تمام..
شنطتك دي فيها ورقك وقسيمة جوازنا و الباسبور بتاعك
و بمجرد ما هتنفذي و توافقي علي الحل
هتبقي الشنطة معاكي
وهتقدري ترجعي لبلدك
لان ساعتها السحر هيتفك عني
و الاسد الي علي الباب هيموت
والقضبان والابواب كلها هتتفتح
قلت..طيب ما تقول الحل بتاعك علي طول
ايه لازمة المقدمة الطويلة دي
في اللحظة دي
قبض سيزر بفمة علي زجاجة بها سائل لونة مائل للاصفرار
وبعد ما وضع الزجاجة امامي
قالي..
الحل انك تشربي من الزجاجة دي
فا بصيت علي الزجاجة
وسالتة
وقلت..
ايه الي في الزجاجة ده؟
قال.. (بول)
قلت..نعم؟
قال..
عشان السحر يتفك
فا لازم تشربي من بول الكلب المسحور
في اللخظة دي
ابتعدت عن الزجاجة
وانا بسالة بتقزز
وقلت..ايه القرف ده؟
يعني ده بول كلب كمان؟
فا رد سيزر
وقالي..ايوه
انا عارف انه طلب صعب
لكن...للاسف
دي الوسيلة الوحيدة للنجاة
فا فكرت شوية
وقلت لنفسي
اكيد دي محاولة جديدة منهم لقتلي
وهنا سالتة
وقلت...
انا ايه يضمن ليا
ان الي في الزجاجة ده مش سم مثلا؟
قال..صدقيني ده بول مش سم
قلت..لا مش هصدق غير لما
تشرب منه انت الاول
فا اتفزع سيزر من طلبي
وقالي..
انا مقدرش المس البول
لانة مسحور من قطري
م الاخر
بول الكلب ممكن يفك السحر عن اي كائن مسحور غيري
لكن... لو نقطة واحده منه لمستني
انا ممكن اموت في الحال
فا فضلت افكر وانا ببصلة
واقول في نفسي
انت فعلا مجرم محنك
يعني انت بتعمل الحوار ده كلة عشان تخلص مني ؟
ماشي..
انا بقي هكشف كدبك حالا
وقررت اثبتلة انه بيكدب
وارش علية من البول
و ساعتها هثبتلة انه بيكدب عليا ومش هيموت ولا حاجة؟
وفعلا.. اخدت الزجاجة منه علي اني اقتنعت وهشرب منها
لكن الي حصل
اني بدل ما اشرب رشيت علية
من البول
والمفاجئة..
ان بمجرد ما البول لمسة
سيزر وقع علي الارض
وبقي ادامي جثة كلب هامدة
وفي اللحظة دي
عرفت ان سيزر مكنش بيكدب
طيب وبعدين هخرج من السجن ده ازاي؟
وهعمل ايه مع الاسد الي واقف ع الباب ده؟
ده لو اهل سيزر عرفوا اني اتسببت في موتة
هيدفنوني معاه؟
ولما هديت شوية
وفكرت تاني بتركيز
تذكرت كلام سيزر لما قالي
ان الاسد مسحور
وبول الكلب ممكن يفك اي سحر
عن اي كائن مسحور
فا اتصرفت بسرعة
وقولت اتاكد من المعلومة دي كمان
فا خرجت ايدي من بين القضبان
بالزجاجة
واول ما الاسد قرب من ايدي
رشيت علية من البول
وفعلا
اتحول الاسد في ثانية وبقي بني ادم عادي
فا فضلت واقغة مذهولة من الي عيني شايفاة
اصل الاسد بقي راجل طول بعرض
و الغريبة...
ان الشخص الي كان مسحور اول ما رجع لطبيعتة
فتحلي الباب بدون ما اطلب منه
وفهمت في الوقت ده
ان الاسد...
كان سامع ...وفاهم كلامي
مع سيزر
قبل ما يجي علية البول
و يموت
وكان واضح من تصرفات الراجل الي كان مسحور
لاسد ...
انه كان بيدين ليا بالجميل
لانه كان بيتصرف معايا بجدعنة
واول حاجة عملها
هي... انه فتحلي البوابة الحديد
وبعد ما اعطاني شنطتي
ساعدني اني اخرج من البيت
بدون ما حد يشعر
ومش كده وبس
ده وصلني كمان لاحد اقاربة
الي ساعدني علي مغادرة البلد والعودة لبلدي مصر
وبعد ما رجعت لبلدي
لقيت نفسي برجع علي الاوضة الي كنت ساكنة فيها
مع منال
ولحسن الحظ ان مفاتيح الاوضة كانت مازالت في شنطتي
فا فتحت الباب
واول ما دخلت الاوضة
ملقتش منال موجودة
فا رميت شنطة ايدي علي التربيزة....
ورميت نفسي علي السرير
وروحت في النوم
وبعد فترة
صحيت علي صوت منال
وهي بتقولي...
اصحي يا بنتي احسن هتتاخري ع الشغل
فا فتحت عنيا
واول ما شوفتها ادامي
فضلت اعيط
وقولت...شوفتي الي حصلي يا منال؟
قالت..ايه الي حصل؟
قلت..انا قتلت سيزر بالبول
فا بصتلي منال بتعجب
وقالتلي..سيزر مين؟ وبول اية؟
قلت..سيزر جوزي
مهو سيزر اتجوزني قبل ما يتحول ل( كلب)
فا فضلت منال تبصلي وهي ساكتة... ومستغربة
من كلامي
فا حاولت اشرح لمنال الي حصلي من الاول
وقلت..
الي حصل ان الدكتور الي انا انجوزتة طلع....
وقبل ما اكمل
سالتني منال بدهشة
وقالت..
هو انتي اتجوزتي؟
قلت..ايوه يا بنتي منا اتجوزت الدكتور الي قولتلك عليه
با امارة لما قولتيلي..هو هيتجوزك علي ايه؟
فا ردت منال وصدمتني
وقالت...الكلام ده محصلش ...
وانتي مقولتليش علي ان في دكتور متقدملك اصلا
قلت...يبنتي افتكري..كويس
الكلام ده حصل بيني وبينك يوم ما مشيت من هنا
قالت..
مشيتي فين يا جميلة..؟
انتي بقالك اسبوع نايمة في السربر تعبانة
وكان عندك حمي وبتحرفي
في اللحظة دي اتجننت من الي منال بتقولة
واستغربت هي لية بتكدب؟
ولقيتني بكدبها
وقلت...لا لا الكلام ده كدب
انتي لية بتكدبي؟
وافتكرت الباسبور
وقولت اجببة واوريهولها
عشان تنكسف من نفسها
وبسرعة روحت اجيبلها شنطتي
واول ما جيبت الشنطة
فتحتها ادامها
لكن...ملقتش فبها الباسبور ولا البطاقة
فا شكيت انها تكون سرقت الباسبور بتاعي
ايوه مهي بتغير مني
وفضلت ازعق معاها
واقولها
لو مرجعتيش الباسبور والبطاقة هروح اعملك بلاغ في القسم
فا ردت منال
وقالتلي..
لا دا انتي باين الحمي سيحت لك دماغك
وعموما اعملي الي انتي عايزاه...
وشوفي مين هيصدق الهذيان بتاعك ده
فا استفزني ردها
وجريت بسرعة علي اقرب قسم شرطة
واول ما وقفت ادام امين الشرطة
لقيتة بيسالني
وبيقولي..نعم؟
قلت..عايزة اعمل بلاغ في زميلتي في السكن
قال..بتتهميها باية؟
قلت..سرقت الباسبور والورق بتاعي
قال..واية الي اكدلك انها هي الي سرقتك؟
قلت...
لاني فاكرة اني اول ما رجعت من المغرب
الباسبور وعقد الزواج والاوراق كلها كانوا في الشنطة بتاعتي
وهي بس الي كانت معايا
فا بصلي الامين
وقالي...انتي كنتي مسافرة المغرب؟
قلت ايوه...
كنت مسافرة مع جوزي
قال..
وجوزك مجاش معاكي لية عشان يشهد عليها
قلت...جوزي مرجعش معايا لانة اتقلب كلب
اصلة قبل ما يتقلب كلب...
كان اخرس...
اصلها حكاية طويلة
لحظة بس اديني فرصة وانا احكيهالك
فا تنحلي الامين
وقالي...بتقولي
قبل ما جوزك يتقلب كلب؟
قلت..دي الحقيقة للاسف زوجي سيزر اتقلب كلب
وهو كان فاكر ان الحل الوحيد هو البول
لكن الي حصل ....
وقبل ما اكمل كلامي
استوقفني الامين
وزعقلي
وقالي...انتي مبلبعة ايه يا بت؟
قلت..مش فاهمة؟
قال..يعني الصنف الجامد الي انتي واخداه ده اسمة اية؟
قلت.. والله ما بتعاطي حاجة
الي حصل ان...
وقبل ما كمل كلامي
لقيتة بيسالني
معاكي بطاقة يا بت؟
قلت...لا
سيزر اخدها مني عشان يعملي الباسبور
فا اتعصب عليا الامين
وقالي..تاني هتقوليلي سيزر؟
قلت..خلاص مش معايا بطاقة
فا رد الامين
وقالي..خلاص يبقي هحبسك
لغاية ما افيشك
واشوف عليكي كام سابقة
وفعلا..
رماني الامين في الحجز
واتبهدلت اخر بهدلة
لغاية ما.........؟
لو عايز باقي احداث الرواية
صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
أنا توهت من دلوقتى
ردحذفاللهم صل وسلم على نبينا محمد وعلى آله وصحبه أجمعين اللهم اميين يارب العالمين
ردحذفاللهم صل وسلم على نبينا محمد وعلى آله وصحبه أجمعين
ردحذفتحفه حقيقي
ردحذفعليه افضل الصلاة والسلام
ردحذفعليه افضل الصلاة والسلام
ردحذفاللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفحلوه اوي وفيها لغز
ردحذفقمة الروعة والجمال والابداع
ردحذف