الجزء الثاني من جوز(قزح) للكاتبة..حنان حسن

جوز (قزح) الجزء الثاني للكاتبة..حنان حسن بعدما ابني المراهق اختفي.. وعرفت بطريق الصدفة  ان... زوجي كريم (شااا...ذ  جنسيا) فضلت ع...

جوز (قزح)

الجزء الثاني

للكاتبة..حنان حسن

بعدما ابني المراهق اختفي..

وعرفت بطريق الصدفة

 ان... زوجي كريم

(شااا...ذ  جنسيا)

فضلت عاملة 

زي الي مضروبة علي دماغي

 ومش عارفة اتصرف ازاي؟

 ولا اطمن علي ابني ازاي ؟

واخيرا 

قررت اني ابلغ البوليس

 واقولهم كل حاجة 

عشان يرجعولي ابني

لكن قبل ما اعمل كده

جرس الباب ضرب

وبسرعة روحت افتح 

وانا كلي امل

 ان يكون...

 ابني رجع 

وهو الي علي الباب

ولما فتحت الباب...

اتفاجئت ادامي... بكريم جوزي

فا صرخت في وشة 

وسالتة 

وقلتلة...

ابني فين يا كريم؟

فا رد كريم بدون ما يبصلي

وقالي...معرفش

وسالني بصوت مهزوز

وقالي...

هو انتي.. مش قولتيلي الصبح

 انه هيخرج مع اصحابة؟

فا صرخت فية تاني

وكررت السؤال

وقلت..

بقولك ابني فين يا كريم؟

وفي اللحظة دي

لقيت كريم

 بيحاول يقرب مني

 عشان يطبطب عليا 

وهو بيقولي..

اهدي بس يا حبيبتي

فا ابتعدت عنه

وقلتلة..

حذار....

 تلمسني بايدك دي تاني

انت سامع ولا لا؟

فا بصلي كريم بتعجب

وقالي..حبيبتي مالك؟

انا زعلتك في حاجة؟

وبدون ما اجاوبة 

بصيتلة باحتقار

وسالتة

وقلتلة...

نفسي افهم؟

لما انت شااا...ذ؟

 و مش راجل 

اتجوزتني ليه اصلا؟

فا حاول كريم يمثل انه مش فاهم حاجة

وقالي..

هدير..انتي بتقولي ايه؟

وفي اللحظة دي

رميتلة الموبيل بتاعة

 الي كان مفتوح ع الوتس

وعلي رسايلة القذرة مع عشيقة 

وقلتلة..

 اظن دلوقتي

 انت اتاكدت اني عرفت حقيقتك البشع..ة

قولي بقي ابني فين؟

 احسن ما ابلغ عنك البوليس

 وهما يستجوبوك بمعرفتهم

في اللحظة دي

كنت فاكرة

 ان كريم هيخاف من القضيحة...

 ويعترف بمكان ابني

لكن الي حصل

ان كريم انشغل بالموبيل الي عليه دليل ادانتة

وكان عمال يقلب في الموبيل

وهو ساكت 

وبعد شوية

لقيتة رجعلي الموبيل

وهو بيقولي...

انا معرفش ابنك فين

ولو عايزة تبلغي البوليس  بلغي

فا اخدت منه الموبيل بعصبية

وقلتلة..

ايوه هبلغ ...وهفضحك... وهخليهم يعتقلوك

 لغاية ما ترجعلي ابني

فا رد عليا كريم بمنتهي الفتور

وقالي..

اعقلي يا هدير ...

وبلاش فضايح

انا انسان حر

وليا الحق اني اعيش حياتي بالطريقة الي تريحني

و(المثلية ) دلوقتي بقت واقع فارض نفسة

و بلاد كتير

 بتفرض عقوبات علي الي بيرفض المثلية ...او بيهاجمها

فا بصيتلة بقرف

وقلتلة..

الاول بس سميها باسمها الحقيقي

مسمهاش (مث...لية)

اسمها في القران (فاحشة)

واسمها في العرف( شذ...وذ)

والناس الي نفوسها سوية... وفطرتها طيبة

 بتشوف ان الي انتوا بتعملوه...

حاجة مقرفة..ومقززة

 وتقشعر لها الابدان

وصرخت فيه 

وقلتلة...

وبعدين الكلام الي انت بتقولة  ده ...هناك 

في بلاد العهر..والكفر..

لكن هنا... لا..

احنا في بلد مسلم 

و(الشذووو...ذ)

ملعون في كل الاديان السماوية 

 ده غير ان الناس في مجتمعنا الشرقي  هيعايروك 

 و هيحاربوا افكارك دي

لغاية ما يقضوا عليك

 انت والي زيك

ابتسم كريم بهدوء

وقالي..

يبقي انتي مغيبة ومش فاهمة حاجة

زي كتير من الناس

يا هدير( احنا كتير)

انا الي زي في كل بلد...

وفي كل مكان

قلت..ايه البجاحة الي انت فيها دي؟

انت فخور انك.......؟

طيب علي الاقل اذا بليتم فا استتروا

انت مش مكسوف وانت بتعلن ادامي

انك( شااااذ )؟

يبني انت بكده بتعلن حرفيا

انك (مش راجل)

فا بصلي كريم بغضب

وسالني

وقالي...

والمرحوم ابو عمر الي كنتي متجوزاه قبلي

كان راجل اوي؟

قلت...ايوه طبعا كان راجل

فا خرج كريم موبيلة من جيبة

وفتح عليه احد  الفيديوهات

وقالي...

وهو برضوا في (راجل)

 يوثق علاقتة الحميمة 

مع مراتة

 وهما في اوضة نومهم؟

ويحتفظ بيها في فيديوا

علي الموبيل بتاعة كمان؟

 

فا بصيتلة بتعجب

وسالتة

وقلت..

انت بتقول ايه؟

فا قرب كريم مني الموبيل اكتر

وشاورلي علي المراة الي في الفيديوا 

وقالي...

مش انتي دي؟

فا اتفزعت من الي شوفتة في الفيديوا

وقبل ما اسال كريم

واقولة..

انت جيبت الفيديوا ده منين؟

لقيتة بيفتحلي موبيل جوزي السابق

وبيقولي..

خدي شوفي المرحوم كان مصور ايه كمان

وفعلا ...

لقيت جوزي السابق كان بيصورنا انا وهو 

واحنا مع بعض في غرفة النوم

اثناء ما كنا مع بعض

 زي اي اتنين متجوزين

وواضح...

 ان كريم عثر علي موبيل زوجي السابق ...

وشاف الفيديوهات

ومفروض ان كريم كان عايز يثبتلي...

 انة افضل من المرحوم  

 فا بصيت لكريم

وسالتة

وقلتلة...

يظهر ان المرحوم  كان انسان مريض هو كمان

بس انت تزيد عنة انك مريض... ومجرم... وملعون في الدنيا والاخرة

ابتسم كريم ببرود

وقالي...

يا هدير بلاش نعمل زي النعامة

 ونخبي عنينا عن الحقيقة

احنا في زمن العولمة 

يعني العالم كله اتفتح علي بعضة

والمثليين اصبحوا جزء من العالم  ده فعلا  

قلت..ايوه ...

افكاركم دي منتشرة في الغرب

 بس مش

في البلاد العربية والاسلامية

ابتسم كريم

وقالي...

خدعوكي فقالوا

ولما بصيتلة بتعجب

لقيتة بيقولي

انا مش عايز اصدمك 

بس احنا ممكن نكون...

تفوقنا علي الغرب كمان

واستطرد كريم

قائلا...

يا هدير احنا العلم بتاعنا رفعناه في قنوات الاطفال

وبتدعمنا اكبر الشركات والمؤسسات

وهيفضلوا يدعمونا لغاية ما نثبت وجودنا...

و نبقي اغلبية

وساعتها الكل هيعترف بينا

بعد الهري الي قالة كريم ده كلة

توقفت عند جملة خطيرة

 قالها كريم

ولقيتني بقولة...

..استني ...استني

 ..

العلم بتاعكم...

 ولا شعاركم ده ....بيعمل ايه في قنوات الاطفال؟

رد كريم بوقاحة

وقالي..الاطفال..هما التربة الخصبة

 الي هنغرز فيها الفكرة

عشان المستقبل يبقي بتاعنا

قلت...بس فهمت ..

منكم لله

بس برضوا

انتوا مهما فسدتوا في الارض

و بقيتوا سرطان في المجتمع

مسير ربنا هيقطع دابركم

لانكم قوم لوط

وربنا  خسف بقوم لوط الارض

فا ضحك كريم بسخرية

 

واقترب مني 

وهمس في وداني

وقالي..بنبرة تحدي

(قوس قزح )هو العلم بتاعنا

وقريب جدا 

علمنا هيترفع علي العالم كلة

(وهفكرك)

معرفش ليه جسمي انتفض

اول ما سمعتة بيتكلم بالثقة دي

يمكن عشان بدات اتاكد ان ابني معداش من تحت ايده

وفي اللحظة دي

وطيت علي رجلة 

وقلتلة

ابوس رجلك يا كريم

 قولي ابني فين؟

فا فكر شوية

وقالي..

منا لو رجعتلك ابنك

هتفضحيني

 وممكن تبلغي عني

 وتقولي...

 اني كنت خاطف ابنك

قلت..

صدقني مش هعمل كده

 بس رجعلي عمر ارجوك

فا رد كريم

وقالي..لا

لو عايزة ابنك يرجعلك

عندي شرط واحد

قلت..وانا تحت امرك في اي شيئ تطلبة

قال..توقعي.. وتمضي ..وتبصمي علي وصل امانة

عشان اضمن انك مش هتقولي لحد 

اني كنت محتجز ابنك

قلت..حاضر

هات الي عايزني اوقع عليه

 وانا هوقع وابصم كمان

وفعلا..

جابلي ورقة وقلم

 ووقعت..وبصمت علي ورقة بيضاء تماما

وبعدما كريم اخد مني الورقة

قعد علي الكرسي

وقالي...

عايزة ايه دلوقتي بقي؟

قلت...عايزة ابني

فا رجع تاني ينكر

وقالي بغضب

قولتلك معرفش ابنك فين

فا بصيتلة بغيظ

وقلت..تمام..

يبقي انت كده بتجبرني اني اروح للبوليس

 واواريهم محادثاتك علي الواتس

مع الراجل الي انت تعرفة

فا استوقفني كريم

وقالي..

 نصيحة مني بلاش تعملي كده

 لانك مش هتستفادي حاجة

 ومش هتاخدي غير الفضيحة

لاني ساعتها  

هفرجهم عالفيديوهات بتاعة جوزك

 الي مش ظاهرفيها بوجهة وهقول..

انك اتجوزتي عرفي بعد جوازك مني

 يعني بتجمعي بين زوجين

وهوريلهم  العقد العرفي

 الي انتي موقعة علية بايدك دلوقتي

قلت..

يعني انت كنت بتخدعني

 وفهمتني اني وقعت علي وصل امانة 

وانت ناوي تعمل عقد عرفي مزور؟

رد كريم بمنتهي البجاحة

وقالي..

ايوه 

عشان لو فضحتيني افضحك انا كمان ...واحبسك

وانتي عارفة طبعا 

ان فضيحة المراة ممكن تخلي حياتها عاملة ازاي؟

قلت..

منا كمان هفضحك

 وهفرج  الناس كلها المحادثات بتاعتك علي الوتس

فا ابتسم كريم

وقالي...

 الدليل بتاعك الي انتي ماسكاه عليا خلاص انا مسحتة

فا بصيت بسرعة ع الموبيل الي عليه الدليل

 لقيتة اتقفل 

ولما حاولت افتحة تاني

 اكتشفت ان كريم لما مسك الموبيل

 عملة ضبط مصنع 

ومسح كل البيانات الي عليه

وفي اللحظة دي

لقيتني فقدت الدليل الوحيد الي بيثبت اتهامي لكريم

فا فضلت الطم ...واعيط

واقول...انا عايزة ابني

فا رد عليا كريم 

بدون اهتمام

وقالي...

روحي اسالي عليه عند اصحابة

ولا استني شوية 

كمان 

يمكن تلاقية داخل عليكي

وسابني كريم وراح علي المطبخ

عشان يعمل كوباية نسكافية 

وانا فضلت واقفة لوحدي

هتجنن ....وهموت من الرعب علي ابني 

لغاية ما سمعت جرس الباب بيرن 

بس المرة دي

لما فتحت 

لقيت ادامي رجال البوليس

فا دب الرعب في قلبي

اول ما شوفتهم ادامي

واول ما الظابط شافني

سالني

وقالي..ده بيت الطفل عمر محمد متولي؟

ابتلعت ريقي بصعوبة

وقلتلة...

ايوه ليه

فسالني تاني. ..

وقالي..هو فين؟

قلت..

ابني خرج مع اصحابة من الصبح 

ومرجعش لغاية دلوقتي

في اللحظة دي

بصلي الضابط 

وقالي..طيب لو سمحتي اتفضلي معانا

قلت..اتفضل معاك علي فين؟

و انتوا بتسالوا عن ابني لية

فا رد الضابط

وفجعني بالكلمات التالية

وقالي...

احنا جالنا بلاغ بغرق مركب في النيل

 عليها اكثر من ستة اطفال

وعلي ما وصلنا  لمكان الحادث

اكتشفنا ان فرق الانقاذ انتشلت ٦ جثث

ولحسن الحظ 

ان في طفل وحيد  نجي من الغرق

ولما حققنا مع الطفل الناجي

قال..انه كان خارج هو واصحابة في رحلة نيلية 

والمركب غرقت بيهم

وللاسف ...

من ضمن اصحابة دول

(ابنك عمر)

بعدما سمعت الخبر الاسود

 الي قالهولي الضابط

صرخت..وفضلت الطم

واقول..يلهوي

 واابني فين دلوقتي وحصلة ايه؟

رد الضابط

باسف

وقال...

ممكن يكون نجي..

وممكن يكون ما زال في قاع النيل

وممكن ....

يكون وسط الجثث الي انتشلناهم

اصلنا..

بعدما انتشلنا الجثث

لقينا اكتر من جثة مشوهة ومقدرناش نحدد هويتها

وعشان كده ..

عايزينك تيجي معانا دلوقتي

عشان تشوفي ان كانت جثة ابنك 

في وسط الجثث

 الي انتشلوها فرق الانقاذ ولا لا؟

بعدما سمعت الظابط

لقيتني بسند علي الكرسي الي جنبي

لاني كنت فقدت القدرة علي الوقوف

 والتنفس كمان

ولقيتني بهز راسي

واقولة..

عايزة اطمن علي ابني

خدني بسرعة 

علي المكان الي غرق فيه ابني

وفعلا روحت معاهم

و هناك اتفاجئت

بشيئ لا يمكن حد يتوقعة

عارفين اتفاجئت باية.........؟

لو عايز باقي احداث الرواية

صلي علي رسول الله

وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن