جواز علي يد مجنون الجزء السادس للكاتبة...حنان حسن بعدما عرفت من الست الجميلة بان الحراس بتوعها مسكوا شخص كان بيحاول يتسلل ...
الجزء السادس
للكاتبة...حنان حسن
بعدما عرفت من الست الجميلة
بان الحراس بتوعها
مسكوا شخص
كان بيحاول يتسلل للبيت... وقتلوة
واتفاجئت
بان الشخص ده
كان جاي للبيت مخصوص عشان..يقتلني..
طلبت متها اني اروح واشوف جثة الشخص ده
وفعلا...
روحت... وشوفت جثتة
لكن ساعتها ..
انا اتصدمت
لان الجثة دي
انا اعرف صاحبها
ايوه..الجثة دي ..بتاعة
( العفريت)
الراجل الي وعدني انه هيخبيني
من البوليس
وجابني للمكان المنيل ده
وفضلت ابص لجثتة وانا
مستغربة ..
ومش فاهمة حاجة
وسالت نفسي
هو ليه الراجل ده كان عايز يقتلني؟
ولية جابني لغاية هنا اصلا؟
وازاي ظهر في بيت مراة ابويا فجاءة ؟
بدون ما حد يفتحلة؟
وفضلت واقفة متنحة للجثة
وانا بسال نفسي مية سؤال
..وبقول..ليه؟ وليه؟ ولية؟
واثناء ما كنت ببص ع
الجثة..
لفت نظري ان في موبيل في جيب القتيل
فا مديت ايدي
وانا برتعش..
وخرجت الموبيل من جيبة
والغريبة...ان الموبيل مكنش عليه اي ارقام سرية
فا اخدت الموبيل... وفتحتة...
وجيبت سجلات الصادر... والوارد
وااتفاجئت ...
بان رقم مراة ابويا
كان علي الموبيل
وبسرعة ...
بدات اتصفح باقي السجلات... وتواريخها
واكتشفت...
ان رقم مراة ابويا متصل بالعفريت بتاريخ
قديم
يعني قبل حتي ما ارتكب جريمة القتل
ومن قوة المفاجئة
شكيت..اني اكون قرات رقم مراة ابويا غلط
فا راجعتة تاني
وفعلا... اتاكدت انه رقمها
فا لقيتني بهلل ...
وبقول بصوت عالي
(ايوه... هو رقم مراة ابويا)
وفضلت اكرر الجملة وانا
مصدومة
من المفاجئة
ايوه هو رقم مراة ابويا
وفي اللحظة دي
استوقفني صوت رجالي
وهو بيسالني
وبيقولي..
واضح انك كنتي تعرفي صاحب الجثة كويس؟
فا التفت بسرعة
عشان اتفاجئ
بان الي بيسالني
هو (حلم)
فا فضلت ابصلة
وانا مش عارفة ارد عليه
واقولة ايه؟
انا مش هقدر اقولة الحقيقة واعترفلة باني قتلت
لان الناس هنا
بيطبقوا حكم الاعدام
علي اهيف الاسباب
وانا لو قولت (لحلم )
اني قتلت
مش بعيد يقتلني
وينيمني جنب جثة العفريت
عشان كدة
قررت اني مش هجيب سيرة القتل دي خالص
المهم..
فضلت واقفة متنحة وببص (لحلم )
بدون ما اتكلم
فا شخط فيا
وسالني تاني
وقالي..
بقولك انتي تعرفي صاحب الجثة دي منين؟
قلت..ايوه
هقولك حاضر
الراجل ده هو الي جابني هنا
قال..جابك هنا ليه وازاي؟
قلت..معرفش
انا نمت وصحيت ولقيت نفسي هنا
وفي اللحظة دي
جذبني حلم من ذراعي بقوة
واخدني لغرفة من غرف البيت الكبير
وبعدما انفرد بيا
لقيتة بيقولي...
بت انتي؟
انتي من ساعة ما جيتي هنا
وانا مرتاب فيكي
ومش مقتنع بالكلمتين
الي انتي
مش بتقولي غيرهم
مفيش حد بينام ويصحي يلاقي نفسة في بلد تانية
فا بطلي استعباط احسنلك
وبلاش الكلمتين الي انتي حافظاهم دول
وجاوبيني حالا
انا سمعتك وانتي عمالة تهللي وتقولي..
(ايوه هو رقم مراة ابويا)
معناه ايه الكلام ده؟
فهميني انتي حكايتك ايه بالظبط؟
قلت...حاضر
انا هقولك كل حاجة
وفعلا بدات اسردلة
(بعض الحقيقة)
وقلت
انا كنت بنت يتيمة من الام
وبدل ما ابويا يعوضني حنان امي
راح اتجوز ست قاسية... وظالمة..
و شوفت علي ايديها من العذاب اللوان
وبعد ما ابويا مات..
كانت عايزاني اعمل حاجات عيب.. وحرام
عشان اجيبلها فلوس
لكن انا رفضت اني ابيع جسمي
فا اقترحت عليا
اني اشاركها في عملية نصب
علي الزباين
والزباين دول
كانوا عبارة عن...
رجالة خايبة
بتريل علي الحريم
وكانت الطريقة الي اتبعناها في النصب
اني اروح مع الزبون شقتة
وبعدما اقبض المبلغ المتفق عليه
اتصل علي مراة ابويا
وهي تيجي بسرعة
قبل ما الزبون يلمسني
وتعمل فيها انها امي..
ومعاها رجال البوليس
وطبعا الزبون يخاف ويترعش
ويسبنا نمشي بعدما نكون قبضنا
وفضلنا علي الحال ده
لغاية..
ما في مرة
كنت عند زبون من اياهم
و اتفاجئت
انه عايز يفترسني
وحاولت استنجد بمراة ابويا
لكن معرفتش
فا اضطريت اني اضرب الزبون علي راسة
و....و..... وبعدما (اغمي عليه)
سيبتة و هربت
فا رد حلم
وقالي...وبعدين؟
قلت
بصراحة...خوفت ارجع لمراة ابويا..
احسن تسلمني له تاني
وخوفت كمان الراجل يفوق من الخبطة
ويدور عليا
عشان ينتقم مني
فا فضلت محتارة
ومش عارفة اختفي ازاي ؟
و اروح فين ؟
وانا مليش حد
وفي اللحظة دي
قابلت الشخص الي اسمة العفريت صدفة
ولما عرف حكايتي
عرض عليا انة يساعدني
ويخفيني في مكان محدش يقدر يوصلة
ولما وافقت وركبت معاه في العربية
اشترط عليا اني مسالوش احنا رايحين فين
وطلب مني اني احط طرحة علي وجهي وانام
وفعلا نمت وصحيت ولقيت نفسي هنا
لكن ملقتش الراجل الي اسمة العفريت ده جنبي
ومن يومها
العفريت ده اختفي
ولسة شايفة جثتة دلوقتي حالا
وبعدما خلصت حكايتي
الي مذكرتش فيها موضوع القتل
بصيت لحلم بتردد
وقلتله
بس هي دي كل حكايتي
فا بصلي حلم بشفقة
وقالي..
لو الحكاية الي انتي حكيتهالي دي حقيقي
دا انتي كده تبقي مسكينة
وعيشتي حياتك كلها في غابة
قلت..ايوه صدقني دي الحقيقة
فا فكر حلم شوية
ولقيتة رجع يسالني تاني
وقالي..
امال ليه
كنتي ماسكة موبيل
العفريت من شوية
وعمالة تقولي
ايوه ده رقم مراة ابويا؟
قلت..لاني اتفاجئت برقم مراة ابويا
في الموبيل بتاع العفريت
فسالني تاني
وقالي..وايه الي اكدلك انه رقم مراة ابوكي؟
ما يمكن رقم مشابة؟
فا اجبتة بكل ثقة
وقلت...لا لا انا متاكدة من الرقم
لان الرقم ده بالذات انا حافظاة كويس
لاني كنت برن علي مراة ابويا منه كل ليلة
وانا عند الزباين
الي كنا بننصب عليهم
لما كنا بنعمل تمثيلية امي وامناء الشرطة
فا بصلي حلم
وسالني تاني
وقال..
مش يمكن
يكون العفريت...
تواصل مع مراة ابوكي
بعدما هربك
عشان يساومها اويطلب منها فلوس...
مقابل رجوعك مثلا؟
قلت...لا
انا راجعت سجل المكالمات كويس
ولقيت مكالمات كتير بين العفريت ..ومراة ابويا
بتواريخ قديمة..
وده معناه
ان العفريت
يعرف مراة ابويا من زمان
وممكن تكون مراة ابويا اتفقت معاه عليا
فا مد حلم ايده
واخد مني الموبيل
وقبل ما يكمل كلامة معايا
دخلت الست الجميلة
وقالت لحلم
الحق يا (حلم) تعالي
في مشكلة كبيرة
فا خرج معاها حلم
وبعدما غاب شوية
لقيتة راجع تاني
وقالي...اسمعي يا ساجدة
انا حاسس انك بنت مظلومة فعلا
ومصدق انك مش حرامية
وان الظروف الغلط
هي الي جابتك هنا ...وورطتك في الجواز من اخويا
وعارف كمان
انك هربتي ليلة فرحك من قسوة عريسك
لكن...للاسف
انا بس الي مصدق انك بريئة
لكن ظالم... وجوزك
بيدور عليكي عشان يقتلوكي
ده غير مغدورة الي متهماكي بسرقة العقد بتاعها
وكلة كوم
ووجود جثة لراجل الغريب هنا
واعترافة قبل ما يقتلوة انه كان جاي عشان يقتلك
فا ده كوم تاني لوحدة
م الاخر
انتي حياتك بقت مهددة بالخطر
ولازم تمشي من هنا حالا
وخصوصا
ان ظالم شوية وهيبقي هنا
فا انتفضت من مكاني
وسالتة
قلت..هو ظالم هيجي هنا ؟
طيب وبعدين؟ هعمل ايه وهمشي اروح فين؟
فا رد حلم
وقالي..
للاسف... المكان الوحيد الي كان امن ليكي
كان هنا..
في بيت والدتي
لان ظالم
مش بيجي هنا من يوم ما انفصل عن امي
لكن..
وجود قتيل في بيت امي هنا
امر خطير
ولازم نبلغ بيه ظالم ابويا
وطبعا ابويا هيجي
وهيحقق
و مش من مصلحتك ان ظالم يجي ويلاقيكي هنا
عشان كدة انا لازم اهربك من هنا وفورا
ومتقلقيش انا هدبرلك مكان تعيشي فيه
فسالتة
وقلت..
طيب ما الناس هنا
ممكن يعرفوا ظالم اني كنت هنا
قال..متخافيش
انا هصدر اوامر لرجالتي
با انهم ميذكروش انك كنتي هنا
ولاكمان يذكروا
ان العفريت ذكر اسمك
وقال انه جاي عشان يقتلك
فا وقفتة تاني
وسالتة
وقلت..
انت هتساعدني مقابل ايه؟
فا بصلي بدهشة
وقالي..
هو لازم يبقي فية مقابل للمساعدة؟
قلت...ايوه...
انا الدنيا علمتني
ان مفيش حد بيعمل حاجة لوجه الله
و لازم مقابل
رد حلم
وقالي..
بس مساعدتي هتبقي لوجه الله
فا ابتسمت وارحت لكلامة
وسالتة تاني
وقلت.. يعني بجد والنبي
هتساعدني...
وهترجعني لمكان ما جيت؟
فا رد حلم
وقالي..
لا طبعا...
انتي ناسية انك متجوزة اخويا
ومينفعش تروحي اي مكان وانتي علي زمتة؟
فسالتة تاني
وقلت...امال هتساعدني ازاي
قال
انا هساعدك انك تصلحي علاقتك بظالم ...وجوزك
وفهمت في اللحظة دي
ان حلم معندوش فكرة
عن السبب الي ظالم وابنة
عايزين يقتلوني عشانة
فا قلت لنفسي
اني لازم افهم (حلم)
ابوه شايفني ازاي
عشان يخرج من راسة فكرة رجوعي لظالم وابنة
فا قلت...في حاجة عايزة اقولك عليها
قال.. قولي
قلت..انت عارف ظالم واخوك عايزين يقتلوني ليه؟
وفاجئني حلم
وقالي..عشان العريس اكتشف انك مش عذراء
فا بصتلة بذهول
وقلتلة يعني عارف؟
قال..ايوه
فا نزلت دموعي غصب عني
واقسمتلة
وقلت..اقسملك اني عمري ما كنت كدة
كل الحكاية بس ان......
وقبل ما اكمل
حط حلم ايده علي بوقي
وقالي...هشششش
انا عارف انك بنت شريفة ..ومتاكد من كده
استغربت من الثقة الي بيتكلم بيها
وسالته
قلت..واتاكدت اني بنت شريفة ازاي يعني؟
ابتسم حلم
وقالي...بعدين..بعدين
يا ساجدة
المهم دلوقتي
لازم نمشي من هنا حالا
قبل ما ابويا يوصل برجالتة
وفعلا اخدني حلم
بعدما طلب مني اخفي وجهي بطرحتي
وفضلت ماشية معاه
لغاية ما وصلنا الاسطبل
الي في بيت الست الجميلة
ولقيتة بيوصي واحد من رجالتة
وبيقولة...
مجرد ما تجهزوا الحاجة الي انا طلبتها هاتها
وحصلني علي هناك
ومرة احده
لقيتة بينط علي الحصان بطريقة احترافية
ولا كأنة ..احمد مظهر في الناصر صلاح الدين
وبعدما ركب حصانة
لقيتة بيمدلي ايده
وهو بيقولي...
تعالي اركبي بسرعة يا ساجدة
وفعلا مسكت ايده
وركبت وراة علي الحصان
ولقيتة بيقولي..
لو بتخافي امسكي فيا كويس
قلت.. يعني ايه امسك فيك كويس؟
قال..احضنيني من ظهري
فا بصتلة بارتياب
وقلت في نفسي
ايه المسخرة وقلة الادب دي؟
وايه احضنيني من ظهري دي؟
هو انا عشان هركب وراه يبقي لازم امسك فيه كويس
و احضنة من ظهرة كمان؟
ايه المحن ده؟
لا ..ده باين كده
ان في مقابل...
ومقابل كبير كمان
وفي اللحظة دي
رفعت اكتافي ...
وفردت ظهري..
و ادعيت الجراءة
وقلتلة..لا شكرا
انا مش بخاف
تقدر تطلع بالحصان بتاعك
وانا قاعدة وراك عادي
فا رد بسخرية
وقالي.. اطلع بالحصان؟؟؟
انتي فاكره نفسك راكبة ميكروباص؟
عموما ماشي
...تمام
استعدي بقي عشان لازم ننطلق باقصي سرعة
قبل ما ظالم يطب علينا
فا هزيت راسي ...
وقبل ما اقولة ماشي
لقيتة نغز الحصان في بطنة ولقيت نفسي
بقيت جنب ذيل الحصان
وثواني وهطير وابقي علي الارض
ومن شدة الهلع الي كنت فيه
كنت هطلع اقعد علي كتفة
بس الحاجة الوحيدة الي منعتني
اني.. خوفت لاقع
فا اكتفيت
اني اتشبس بظهرة
وقلت لنفسي
مفيش داعي من الادب.. والحياء
دلوقتي خالص يا ساجدة
محبكتش يعني
لانه هو عمر واحد
وخلاص علي كده
وفعلا
فضلت حضناه من ظهرة
زي ما قالي
ولما لقاني متشبسة بظهرة
سالني
وقالي..انتي مش قولتي انك مش بتخافي؟
قلت.. وانا ايه الي عرفني اننا هنهرب علي حصان؟
وسالتة..
وانا مغمضة عنيا
وقلت
وبعدين هما مش لغوا ركوب الحصان
من العصور الوسطي؟
فسالني باستغراب
وقالي..
معقولة؟
انتي مركبتيش حصان قبل كده
قلت..
المره الوحيدة الي ركبت فيها حصان
كانت علي رجل بابا
لما كان بيمرجحني وانا عندي سنتين
فا ضحك (حلم) بصوت مسموع
وانطلق بالحصان
وفي اللحظة دي
اخدت بالي ان حلم بيعرف يضحك زينا
وبدات اركز
مع اللحظة الي انا فيها
وانسي الخوف ...
والمصايب الي حواليا
وحسيت اني دخلت بخيالي
في رواية
.من الروايات الاسطورية
الي فيها فارس الاحلام.. بيخطف البطلة
علي حصانة عشان ينقذها
و فضلت متشبسة بظهر حلم بقوة
وانا مستمتعة بالاحساس ده
لدرجة ان راسي كانت ساندة علي ظهرة
وفي اللحظة دي
شعرت بشعور غريب
و كنت عاملة زي
المحارب المطارد..
الجريح...
الي لقي اخيرا
ملجئ ..وحصن يتحامي فيه
ولاول مره من ساعة ما جيت المكان ده ....
لا...اقصد..
لاول مرة من يوم ما اتولدت...اشعر بالامان
وانا مع حد
وفضلت عايشة الاحساس الجميل ده
لغاية ما توقف (حلم)
بالحصان
ولما بصيت حواليا..
عرفت اننا مشينا مسافة كبيرة
لان الدنيا كانت اتمست علينا
وبقينا في ساعة الغروب
المهم..
بعدما توقف الحصان
اكتشفت ان (حلم)
اخدني لمكان منعزل
في الصحراء
ولمحت في المكان ده
مبني اشبة بالكوخ حوالية خضرة وزرع
واستغربت لوجود مكان زي ده في الصحراء
ولما نزلت علي الحصان
واتحققت من المكان حسيت
اني واقفة جوه لوحة طبيعية
او تبلوه رائع...
وفضلت ابص حواليا
وانا مبهورة
وقبل ما اسال حلم
واقولة..احنا فين
لقيتة بيشاورلي علي الكوخ
وبيقولي ..ده المكان الي هتعيشي فيه
لغاية ما تظهر برائتك وترجعي لجوزك
وفعلا
مشيت معاه لغاية الكوخ
ولما فتح الباب
نور المكان بشمعة
كانت جنب الباب
واول ما النور ملي المكان
شوفت الكوخ من جوه
وكان عبارة عن بيت متكامل من كل حاجة
يعني فيه اوضة نوم
وحمام ومطبخ صغير
بس الغريبة اني لاحظت بان المكان لا يصلح لوجودي انا وحلم مع بعض
يعني مثلا
الكوخ مكنش فيه غير سرير واحد
وحجرة واحدة
فا قلت لنفسي
يمكن يكون حلم ناوي يسيبني لوحدي هنا
فا سالتة
وقلت..انت ليه مجيبتش معايا طيابة تونسني بدل ما اقعد لوحدي
فا رد حلم
وقالي..ومين قالك انك هتقعدي هنا لوحدك
بصيتلة بتعجب
وسالتة
وقلت..مش فاهمة
قال ..متخافيش انا هقعد معاكي ومش هسيبك
قلت..ايوه بس الكوخ مفيهوش غير اوضة واحدة
قال..عادي
فا بصيتلة بتعجب
وقلت..ومفيش غير سرير واحد؟
بصلي حلم بتعجب
وقالي..وايه المشكلة
قلت لا بقولك ايه
انا مش زي ما خيالك مصورلك خالص
قال..عارف
ومتاكد كمان انك اشرف بنت في الدنيا
قلت ولما انت متاكد اني اشرف بنت في الدنيا
امال ايه شغل الهبل
والاستعباط ده؟
فا ابتسم حلم
وقالي...
تعالي بصي بره الكوخ كدة
فا بصيت بره
لقيت سرير علي هيئة مرجيحة مرفوع بين شجرتين
ولقيتة بيشاور عليه وبيقولي
انا هنام هناك
ابتسمت واتنفست بارتياح
اه يا راجل متقول كده من الصبح
وبعدها ..دخلنا احنا الاتنين ننظف الكوخ
وبعد شوية
سمعنا صوت جلبة في الخارج
فسالتة
وقلت..في ايه
قالي
متخافيش
ده واحد من رجالتي جايبلي حاجات كنت طالبها
وفعلا لما بصيت من الشباك
لقيتة...
واحد من رجالتة
جاي وجايب حاجات لزوم المعيشة في الكوخ
وبعدما انصرف الراجل بتاعة
وجهزنا انا وحلم اجمل عشاء
واكلنا
وبعدها ...
استاذن مني حلم عشان يروح ينام
وبعدما بقيت لوحدى
حسيت اني اسعد مخلوقة
في العالم
وكاني مكنش عندي اي مشاكل خالص
ونمت لاول مرة وانا مش خايفة
لكن..قبل ما اروح في النوم
لقيت باب الكوخ بيتفتح
فا بصيت ادامي
لقيت حلم
داخل من الباب وهو بيبصلي بدون ما يتكلم
فسالتة
وقلت..
في حاجة ولا ايه؟
انت مش قلت هتروح تنام
وللاسف...حلم مردش عليا
وفضل حلم بيقرب مني
وانا ابعد
وبعدما بقي ظهري للحيط
لقيتة بيقولي
هاتيها
قلتلة...هي ايه دي
قالي هاتي روحي الي اخدتيها
قلت ..روح ايه الي اخدتها
انت جاي تغني عليا ولا ايه
بقولك ايه
روح نام وبلاش الشويتين دول
ولو في دماغك حاجة انساها
وافتكر اني مراة اخوك
رد حلم
وقالي..
انا ماذتكيش
انا جيت عشان اخد حقي
انتي اخدتي مني روحي
ودلوقتي انا عايزها
قلت..حلم انت بتقول ايه
رد حلم وصدمني
وقالي...انا مش حلم
انا (نمرود)
فا بصيت بسرعة من شباك الكوخ الي كنت واقفة جنبة
واتفاجئت
بان (حلم) نايم علي سريرة المعلق فعلا
في اللحظة دي
شكيت في نفسي اني اكون بحلم
وفضلت اقرص في ايدي
عشان اصحي
لكن ايدي وجعتني
واتاكدت اني مش بحلم
وفضل نمرود يقرب مني لغاية ما..........
لو عايز باقي احداث الرواية صلي علي رسول الله..وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
عليه افضل الصلاه والسلام
ردحذفاللهم صل وسلم على نبينا محمد وعلى آله وصحبه أجمعين وسلم تسليما كثيرا
ردحذفكل ما اقرا جزء اشك انك كاتبة القصة دي ايه دا والله اسوء قصة اشوفها
ردحذفليه بتقولى كدا دا كاتبه محترمه
حذفدى كاتبه محترمه جدا
حذفمش عاجبك اللى بتكتبه متقرأيهوش
عليه الصلاه وأفضل السلام
ردحذفاللهم صل وسلم وبارك على سيدنا محمد وعلى آله وصحبه أجمعين
ردحذفاللهم صلي وسلم وبارك على سيدنا محمد
ردحذفعليه افضل الصلاة وأزكى السلام
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صلِّ وسلم وبارك عليك ياحبيبي يارسول الله
ردحذفاللهم صلى على محمد وآله وصحبه وسلم
ردحذفاللهم صل وسلم وبارك على سيدنا محمد
ردحذفاللهم صل وسلم وبارك علي سيدنا محمد وعلى آله وصحبه وسلم تسليما كثيرا
ردحذفاللهم صل وسلم وبارك على سيدنا محمد وعلى آله وصحبه أجمعين والتابعين لهم بإحسان إلى يوم الدين
ردحذفجميلة جدا
ردحذفاللهم صلِّ وسلم وبارك على سيدنا محمد وعلى آله وصحبه
ردحذفاللهم صل وسلم وبارك على سيدنا وحبيبنا ونبينا محمد وعلى آله وصحبه أجمعين
ردحذفاللهم صلِّ وسلم وزد وبارك على نبينا وحبيبنا محمد وعلى آله الطيبين الطاهرين اجمعين
ردحذفعليه افضل الصلاه والسلام
ردحذف