الجزء الاول من رواية..جواز مسيار..للكاتبة..حنان حسن

جواز ..المسيار الجزء الاول للكاتبة...حنان حسن يلا يا صباح اجهزي...  عشان  دخلتك علي العريس بتاع النهاردة  دي كانت اتقل جملة علي ...

جواز ..المسيار

الجزء الاول

للكاتبة...حنان حسن

يلا يا صباح اجهزي...

 عشان  دخلتك علي العريس بتاع النهاردة 

دي كانت اتقل جملة علي قلبي..

ومكنتش بحب اسمعها

مع اني كنت بسمعها كل يوم تقريبا

اصل الجملة دي...

 كانت بتتقال ليا ..

كل ما بتكلف بالمهمة اياها

وبرغم كرهي للمهمة المقرفة دي

لكن...

كنت بقوم بسرعة بمجرد ما اسمع فروالة (صاحبة الشغل)

وهي بتؤمرني اني البس... واتمكيج للعريس الجديد

وبسرعة كنت بنفذ المطلوب متي...واجهز

  وبعدها...

  اروح انام علي السرير 

وانتظر العريس الجديد بتاع الليلة 

كنت بنام مغمضة عين...

 ومفتحة عين

عشان اشوف 

 

 (رد الفعل)

 علي وجه العريس لما يشوفني

وكا العادة

 اول ما كان  يدخل العريس عليا الاوضة ...ويشوفني

 كان بيهرب فورا

لانة كان يتفاجئ ادامة

 ب امراة عجوز ة

عمرها عدي  الثمانون عام 

يعني تقريبا  في عمر جدتة...

فا يخرج العريس يجري من الاوضة

 زي الي  اتلدع من تعبان

 وطبعا مكنتش بشوف العريس  تاني بعد كده

ومع كل عريس

 كان بيطفش

 انا كنت بقبض فلوس كتير

واستعد تاني يوم للعريس الجديد

ايه رايكم في الشغلانة السهلة  دي؟

طبعا انتوا تهتوا مني...

  و مش فاهمين حاجة 

واكيد نفسكم تعرفوا انا بشتغل ايه كده؟

 وازاي بتجوز كل يوم عريس؟

وايه موضوع الست العجوزة ده؟

انا هحكيلكم حكايتي

بس الاول

هعرفكم بنفسي

انا اسمي عبير

السن ٢٥ سنة

عايشة في القاهرة

جميلة جدا زي ما بيقولوا

لكن للاسف..

مليش لا ام... ولا اب...

 ولا اي اقارب خالص

حكايتي بتبدء

من يوم ما امي ركبت القطر...

 ويومها كانت شيلاني علي كتفها 

وانا حتة لحمة حمرة

امي وقتها قعدت في القطر جنب ست كبيرة وطيبة

اسمها (الحاجة)

وبعد ما امي اتعرفت علي الست الحاجة

سالتها الحاجة الطيبة عن سبب نزولها القاهرة

فا ردت امي ..

وقالتلها..

انها نازلة القاهرة عشان تزور اختها نرجس

وقبل ما امي تقول هي نازلة لنرجس عشان ايه

وقف القطر في محطة من المحطات

و طلبت امي

 من الحاجة الطيبة

 انها تاخد البنت الي علي ايدها

(الي هي انا)

لغاية ما تنزل  عشان تملي زجاجة المية الي فضيت وترجع تاني

وفعلا..

اخدتني الحاجة من علي دراع امي

ونزلت امي من القطر

 عشان تملي المية

وكان مفروض امي ترجع قبل ما القطر يقوم

لكن...القطر قام ...

وامي مرجعتش

القطر تاني

واختفت امي من يومها..

وانا ضعت

 وبقيت بدون اهل نهائي

واضطرت الخاجة الطيبة..

 انها تاخدني معاها لبيتها في القاهرة

 وتربيني وسط احفادها ...

(ولاد بنتها )....

رغم اعتراض بنتها الي كانت كارهة وجودي اصلا

المهم مطولش عليكم

بعدما مرت السنين...

وكبرت

وخراط البنات خرطني

زاد كره ابنة الحاجة ليا 

لاني كنت احلي من بناتها

وبمجرد ما الحاجة اتوفت وقابلت وجه كريم

 طردتني بنتها من البيت...

ولقيت نفسي  في الشارع

وكان ممكن اتشرد في الشوارع..

واضيع

لولا روحت لعم رجب..

 الي كان يعرف الحاجة... وعارف حكايتي كلها

وعم رجب ده 

كان بيشتغل في السيرك

بصراحة...

اخدني عم رجب...

 واتوصطلي ... وشغلني معاه في السيرك

 كا (عاملة نظافة)

وفي السيرك شوفت العجب

واكتر حاجة لفتت نظري

شخصية الساحرة العجوز

ودي كانت فقرة بتعملها ممثلة شابة في السيرك

 وكنت بفضل اتفرج عليها وانا مبهورة

وخصوصا لما كانت تدخل اوضة المكياج...

 وتخرج امراة عجوزة بشعر ابيض مصطنع...

وكأنها بتتحول

بصراحة عجبتني الفكرة

فا اتسللت لغرفة المكياج 

وجربت المكياج و الباروكة...

 ام شعر ابيض....

 و الغريبة...اني معرفتش نفسي

لما بصيت في المراية

المهم...

مرت الايام

 وانا بشتغل الشغلانة الي جبهالي عم رجب

 وفي ليلة...

خلصت الشغل ..

وروحت انام في (الجراج)

 الملحق بالسيرك كا العادة

وبعد ما روحت في النوم 

صحيت باليل مفزوعة

 لما حسيت بوجود شخص معايا في الجراش ونايم جنبي علي فرشتي

 وبيحاول انه يت***حرش بيا

فا قمت بسرعة

 وحاولت ادافع عن نفسي

لكن...

هو كان اقوي مني...

 وحاول يستخدم معايا القوة

فا فضلت اصرخ..اصرخ بصوت عالي

لدرجة ان صراخي صحي الحارس

ولما الشخص ده لقي نفسة هيتفضح

ضربني ورماني علي الارض 

وهو بيتوعدني 

و بيقولي...

(مش هسيبك وهرجعلك تاني)

في اليوم ده خوفت اوي

 وعرفت ان جمالي لعنة مش هيجيلي منها غير المصايب

فا قررت اهرب من السيرك

بس قبل ما امشي

اخدت معايا المكياج ...والجلد المترهل ...والشعر المستعار 

الي في اوضة المكياج

وقررت اني هستخبي من الناس

 في  شكل الست العجوزة

وبسرعة...

لبست عباية سوداء   

وغيرت شكلي 

ولبست طرحة كبيرة ...

خرجت من تحتها شوية شعر ابيض مستعار

وخرجت بعدها علي الشارع

 

و فضلت ماشية مسافة كبيرة 

ولما تعبت..

قعدت جنب كشك صغير..

والكشك ده كان فيه راجل بيعمل شاي وقهوة

فا طلبت منة كوباية شاي

واول ما جابلي الشاي

سالتة ان كان يعرف مكان شغل ليا؟

فسالني انتي منين يا حاجة؟

فا ادعيت اني واحدة ست كبيرة ومريضة 

 علي باب الله 

ومحتاجة شغل ومكان ابات فيه

فا رق قلبة لحالي

 وعرض عليا اني اساعدة في الكشك 

واعمل شاي وقهوة

وباليل ابقي افرش في الكشك وانام 

ووافقت طبعا

واشتغلت في الكشك فعلا

واستمر الحال علي كدة 

كام يوم

 والجميع بيتعامل معايا علي اني الحاجة المريضة 

لغاية ما في يوم

عطلت عربية  ادام الكشك بالصدفة  

واثناء ما كنت قاعدة في الكشك

 سمعت الراجل صاحب العربية

 العطلانة 

وهو بيتكلم مع واحدة ست معاه في العربية

وبيقولها...

سيبيني في حالي يا فريال وفكك مني خالص

 انا دلوقتي مبقتش فاضيلك

 شوفيلك شغالة تساعدك في البيت 

وتشوف طلباتك

ولازم تعترفي

انك انتي خلاص بقيتي مريضة مرض مزمن 

ومحتاجة حد يساعدك

وانا يا ستي مستعد ادفع  اجرة الشغالة 

فا ردت المراة 

وقالتلة..

اقل اجرة للشغالة دلوقتي بتبدء من خمس الالاف جنية

فا رد الراجل 

وقالها...

ايه يعني خمس الالاف جنية 

بس اريح دماغي

قصدي...اريحك يا حبيبتي

 

فا ردت الست فريال

وقالتلة...

خلاص 

دور انت علي الشغالة

لاني مش قادرة

فا صرخ فيها

وقالها...

يعني عايزاني انا الي اسيب شغلي 

 واخرج ادور لك علي شغالة؟

وفي اللحظة دي

فضلت اكرر بيني وبين نفسي

واقول..

خمس الالاف جنية في الشهر؟

وشغالة في بيت كمان؟

يعني اربع حيطان... وامان ودفا؟

حقا لو اشتغلت انا الشغلانة دي؟

ولقيت نفسي خرجتلهم بدون تردد

وكلمة في حدوتة

عرفتهم بنفسي

وقولت للست اني سمعت كلامهم 

واني بدور علي شغل

واترجيتها تشغلني عندها

فا بصتلي الست فريال بضيق

وقالتلي...انتي متتفعيش

قلت...لية

قالت...

يا حاجة انا عايزة بنت صغيرة

 صحتها تكون كويسة..عشان

تشيل وتحط 

لكن انتي عايزة الي يسندك وانتي ماشية

في اللحظة دي

شيلت المكياج بسرعة..ورفعت الباروكة من عليا

وقلتلها...

طلبك موجود 

الحقيقة اني...

مش ست كبيرة ولا حاجة 

انا عندي ٢٥ سنة

فا بصتلي الست فريال هي وجوزها  بدهشة

وسالوني

ليه كنتي عاملة في نفسك كدة

فا شرحتلهم قصتي كلها

وفي اللخظة دي

رد جوز فريال

وقال...

خلاص بقي يا فراولة اهي كده اتحلت

 ولقيتي الشغالة الي كنتي عايزاها

فا صرخت فيه الست فريال

وقالتلة...

انت اتهبلت في عقلك ولا ايه؟

ازاي عايزني اصدق كلام بت من الشارع بسهولة كده؟

ما يمكن البنت دي عاملة مصيبة؟

 وهربانة منها 

عشان كده مغيرة شكلها؟

فا رد جوزها

وقالها...

حرام عليكي البت عايزة تستر نفسها 

استريها ينوبك ثواب

فا رجعت تصرخ فية تاني

وقالتلة...

بقولك استحالة اشغل واحدة من الشارع في بيتي

خلص الكلام

وهنا الزوج سلم امره لله

 وفضل يصلح العربية وهو ساكت

لغاية ما اخدها ومشي

اما انا فا رجعت الملم نفسي تاني بسرعة

ورجعت تاني ست عجوزة

وانا بعيط علي بختي

واقول لنفسي

يعني ياربي حتي الخدمة في البيوت

 بقت حلم بالنسبالي؟

 وصعب تحقيقة كمان؟

ايه الذل الي انا فيه ده ؟

المهم..

رجعت تاني اعمل الشاي والقهوة..

وقررت اني مش هحلم تاني بالاربع جدران ..و الدفأ ..والامان

لكن...تاني يوم

 اتفاجئت بالست فريال

 

جاية بتنادي عليا

وبتقولي...

تعالي هنا يا بنت

قلت...نعم ؟

قالتلي...

انتي لسة عايزة تشتغلي ؟

قلت...ايوه طبعا

ارجوكي شغليني عندك

 وجربيني انشلة شهر 

ولو معجبتكيش ابقي اطرديني

فا بصتلي فريال

وسالتني

وقالتلي..

فين اهلك؟

قلت...انا مقطوعة من شجرة

فا ردت باسف

وقالتلي...

لا حول ولا قوة الا بالله

طيب يلا تعالي معايا

فا صرخت م الفرحة

وقلتلها...ربنا يخليكي يا ست الكل ويكرمك يارب

وبسرعة ركبت عربيتها وروحت معاها بيتها

وهناك انا كنت فاكرة اني هشتغل في بيتها شغالة 

لكن...

فريال فاجئتني

وقالتلي...انتي مش هتشتغلي عندي في البيت

لاني خلاص جيبت شغالة

قلت...امال انا هنا ليه؟

قالت...انا عندي ليكي شغلانة احسن

قلت..اية؟

قالت...الجواز

قلت...هو الجواز شغلانة؟

قالت.. 

مفيش احسن من الجواز 

ستر للمراة 

وبيغنيها عن مد ايديها

قلت..جواز؟

قالت...ايوه جواز

احنا هنا عاملين جمعية خيرية

 بنساعد فيها الشباب الي مش معاه فلوس

 عشان يتجوز

وبنساعد البنات الي عايزة الستر زيك كده وبنسترها

قلت...ده بجد؟

قالت...ايوه بجد طبعا

والنهاردة هتكوني عروسة للعريس 

الي هختارهولك بنفسي

وفعلا لبستني فروالة

 وجهزتني

وجه شاب ومعاه ماذون واتنين شهود

واتكتب كتابي

 في كام دقيقة

وتمت دخلتي في نفس الليلة

وكنت فاكرة ان الدنيا خلاص ابتسمتلي

لكن...

الصبح قومت ملقتش العريس جنبي

ولما سالت عليه

ضحكت فروالة 

وقالتلي...

ده مكنش عريس بحق وحقيقي

دي كانت بروفة للجوازات الجاية

فا فهمت طبعا انها بتهزر

وضحكت

وقلتلها...

والنبي دمك شربات يا ست فروالة

قالت...بس انا مش بهزر

قلت...مش فاهمة؟

فا قالت... هفهمك

احنا عاملين مكتب للجواز

بس مش اي جواز

ده جواز اسمة

 

(جواز المسيار)

عشان نساعد الشباب الي عايز يتجوز بدون تكاليف زواج

  (جواز مسيار)

وطبعا بناخد عمولة من اي عريس

بنجيبلة العروسة عن طريقنا

قلت..

استني الاول فهميني

.يعني ايه جواز مسيار اصلا؟

قالت...

جواز المسيار

زية زي الجواز العادي بالظبط

مكتمل الاركان

يعني فيه ايجاب وقبول واشهار

لكن...

الفرق الوحيد

 انه مش بيلزم الزوج باي مسؤالية تجاة زوجتة

يعني الزوج مش بيجيب مسكن للزوجة

 ولا بيبقي ملزم انه يصرف عليها

ولا ملزم انه يعيش معاها في البيت باستمرار 

قلت...

وفي عروسة بتقبل بكدة؟

قالت...اه طبعا فيه

 بنات عندها ظروف بتجبرها تقبل

زي مثلا بنت عانس 

وحالتها المادية متيسرة

 وعايزة تتجوز وتتكفل هي بالانفاق 

وفي بنات كتير عندها ظروف شبيهة

 وبتضطر تتجوز جواز مسيار 

قلت...وانتوا بتلاقوا البنات دول فين؟

ردت فريال

وقالتلي..لما تشتغلي معانا هتعرفي كل حاجة

بس الي عايزه اقولهولك

ان في شباب كتير عايز يتملص من تكاليف الجواز

احنا بقي بنستدرج الشاب الي مش لاقي يتجوز

 وطمعان في واحدة تصرف عليه....

 ودول كتير

وبنوهمه ان عروستة الغنية

عندنا..

لكن...بنشترط عليه انه

قبل ما يتم الجواز

 لازم يدفعلنا العمولة بتاعتنا

واول ما بناخد العمولة 

بنجيب الماذون الفيك بتاعنا...

 وبنوهم العريس ان الكتاب اتكتب 

وبعدها ...

بنسيبة يتصدم بالحقيقة المرة

والمطلوب منك انتي دلوقتي

زي ما كنتي بتمثلي علي الناس بره انك ست عجوزة

هتمثلي هنا برضوا وبنفس الشكل

يعني هتوهمي كل عريس هنجيبهولك 

انك عروسة تبع المكتب بتاعنا

واتجوزتية جواز مسيار

ومش هيشوف شكلك 

لغاية ما ناخد منه العمولة

 وبعدما نقبض العمولة هيدخل عليكي

وساعتها هو هيهرب لوحده...

لما يشوف الست العجوزة الي اتورط و اتجوزها 

قلت...

انتي ناسية اني..

اتجوزت امبارح 

وجوزي لو عرف الي انتي بتطلبية ده ممكن......؟

وفي اللخظة دي

اابتسمت فروالة ابتسامة باردة

وقالتلي...

مين قالك ان الي حصل هنا امبارح ده  كان جواز اصلا؟

قلت...يعني ايه؟

قالت...يعني الماذون الي كتب كتابك

 مكنش ماذون بجد

ولا الشهود كانوا  شهود بجد

والحاجة الوحيدة الي كانت حقيقية..

 وحصلت بجد...

(هي الدخلة)

ودي اتصورت صوت وصورة

ولو مسمعتيش كلامي ونفذتي كل الي هطلبة منك 

الفيديوهات دي هتبقي علي النت من بكرة الصبح

وهسلمك بنفسي لبوليس الاداب

عشان يقبض عليكي

ده غير اني هطلق عليكي رجالتي...ينهشوا لحمك 

وهخلي حياتك جحيم

في اللخظة دي

فضلت اعيط

واقولها...

حرام عليكي

 انا اذيتك في ايه عشان

 تفضحيني؟

 وتعملي فيا كده؟

فا بصتلي فرولة

وقالتلي...

يا عبيطة لية بتعيطي؟

ده بدل ما تفرحي

 اني جيبالك شغلانة سهلة

 وهتقبضي منها فلوس كتير؟

قلت..انا خلاص مش عايزة اشتغل 

سيبيني اروح لحال سبيلي والنبي

فى اللخظة دي

صرخت فيا فريال 

وقالتلي...

دخول الحمام مش زي خروجة يا حلوة

يلا روحي اجهزي

عشان في عريس جاي بعد نصف ساعة

وفعلا لبست العباية السودة

 وحطيت الشعر الابيض المستعار

وبقي شكلي فعلا 

واحدة ست عجوزة اوي

وبعد ما نمت في السرير

انتظرت دخول العريس

وبمجرد ما العريس دخل عندي الاوضة وشافني

خرج يجري ...ومرجعش تاني

وبقيت علي  الحال ده كل يوم

وبعد ما العريس يهرب

انتظر  العريس الجديد الي جاي تاني يوم

وهاكذا...

لغاية ما في يوم اتقدملي عريس جديد...

لكن العريس المرة دي

 كان محتلف تماما عن كل مره

وحصل الي مكنش يخطر علي بالي نهائي....

عارفين حصل اية.....؟

لو عايز باقي احداث الرواية صلي علي رسول الله

وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن