جواز علي يد مجنون الجزء التاسع للكاتبة..حنان حسن قبل ما ابدء الرواية عايزة اعتذر لحضراتكم لقصر الجزء وده لاني كان عندي شغل فا ...
الجزء التاسع
للكاتبة..حنان حسن
قبل ما ابدء الرواية
عايزة اعتذر لحضراتكم
لقصر الجزء
وده لاني كان عندي شغل
فا قولت انزل جزء قصير
ونعوضة الجزء الجاي باذن الله
وارجوا ان حضراتكم تتفهموا..
وتلتمسوا ليا العذر.
رواية/
جواز علي يد مجنون
بعد ما حلم اخد مراة ابويا...
وراح بيها لظالم
عشان يجوزهالة
سابوني لوحدي في الكوخ..
فا نمت شوية
وصحيت علي ايد حلم
وهو.. بيصحيني..
وبيقولي..
اصحي يا حبيبتي
وحشتيني
فا شكيت ان يكون
( نمرود )هو الي معايا
فا قررت اقطع الشك باليقين
واطلب منه
انه يرجعني مكان ما جيت
ولو هو (عفريت) فعلا
هيساعدني علي الرجوع...
انما بقي لو هو (حلم)
فا هقدر ساعتها اسالة
واقولة..
انت ازاي عايز تتجوزني..
وانا متجوزة من اخواتك الاتنين؟
وفعلا...
اشترطت علية انه يرجعني الاول..
عشان اقبل
اننا نتمم جوازنا
ولقيتة بيفاجئني هو كمان
وبيسالني
وقالي...
انتي عارفة يا ساجدة
مين الي جابك لغاية هنا؟
قلت..العفريت
قال..وعارفة العفريت ده يبقي مين؟
قلت..لا
قال...العفريت ده يبقي( انا)
قلت..ازاي الكلام ده
فا رد وقالي..
ايوه انا... الي اتجسدت
في هيئة الشاب
الي شوفتية جنب الجثة
وعملت كل ده
عشان اجيبك هنا... واتجوزك
يبقي ازاي عايزاني ارجعك دلوقتي تاني ؟
قلت...واية المشكلة لما ترجعني مكان ما جبتني
ونتجوز هناك عادي
وفي اللحظة دي
بصلي نمرود بغضب
وقالي...اسمعي
انتي زوجتي... و ملكي... وغصب عنك
هتفضلي معايا هنا
فا رديت عليه بسؤال
ونبرة تحدي
وقلت...ولو قولتلك اني مش موافقة
علي الي في دماغك
والي بتقولة ده استحالة يحصل؟
فا بصلي (نمرود)
بغضب ...وغيظ
وقالي...
يبقي استحملي بقي غضبي
وشوفي مين الي هيحميكي من الشر
الي هتشوفية علي ايدي
وسابني نمرود
ومشي
وانا قعدت افكر
هعمل ايه لو نفذ تهديدة واذاني؟
وفضلت قاعدة في القلق ده
لغاية ما شوفت ...
واحد من رجالة (حلم )
جاي علي حصانة
وحايب وراه (طيابة الشغالة)
فا حاولت اتكلم معاه ..
او حتي اعزم عليه
بانة ينزل ويرتاح من المشوار
عشان انفذ الخطة الي فكرت فيها
لكن...هو مقبلش انه يرد عليا حتي
ويادوب نزل طيابة من ع الحصان...
وسابنا ومشي
وبالرغم من اني اتدايقت لان خطتي فشلت
لكن... فرحت ان حلم وفي بوعدة وبعتلي
طيابة ...
قبل ما نمرود يستفرد بيا
وانا لوحدي
المهم...
بعدما رحبت بطيابة
قعدنا انا وهي
نجهز العشاء مع بعض
وفضلت تحكيلي علي ظالم
وقالتلي
انة لسة بيدور عليا
وقالتلي كمان انة مازال مصمم ينتقم مني
وبعد العشاء
فضلنا نحكي انا وطيابة
واحنا سهرانين وقاعدين
ع السرير
(في الكوخ)
واثناء ما كنت بحكيلها حكاية مراة ابويا
الي ضحكت علي حلم واتجوزتة..
اتفاجئت ...
ان طيابة
نامت علي نفسها من التعب طول النهار يا عيني
فا ساعدتها انها تنام علي السرير
كويس..
وبعدما عدلت راسها ع المخدة
كنت هنام جنبها
لكن ...
السرير كان بياخد فرد واحد
وانا اصلا مكنش جايلي نوم
فا قمت اتمشي
و بصيت من شباك الكوخ
لقيت ادامي السرير المعلق
وافتكرت حلم
الي كان( واحشني اوي)
فا فتحت باب الكوخ
وغصب عني...
لقيت رجاليا
واخداني ناحية السرير المعلق
ولما اقتربت من السرير
فضلت اتلمس مكان ما حلم كان بينام
وشعرت ان في شيئ بيجذبني للنوم
في السرير المعلق
ولقيت عندي رغبة جامحة
اني انام في سرير حلم
وفعلا تسلقت للسرير
وبمجرد ما استلقيت بظهري عليه
داعبتني نسمة الهواء الي في خارج الكوخ
ومحستش بنفسي
وروحت في نوم عميق
لدرجة اني مصحتش غير الصبح
ومصحتش لوحدي كمان
دنا صحيت لما حسيت بايد بتهزني
وشيئ بيخبطني في ظهري
عشان اصحي
فا حاولت افتح عيني
لكن...
مقدرتش
من ضوء النهار الي كان متسلط علي عيني
فا اعتقدت ان الي بيصحيني هي طيابة
ورديت عليها وانا مغمضة
وقلتلها..سيبيني انام شوية كمان يا طيابة
فا رد عليا صوت رجالي
وقالي...اصحي يا بت
اصحي..
عشان تقابلي المصير الاسود الي منتظرك... يا مجرمة
فا ااتفزعت اول ما سمعت الصوت...والكلام
وقلت لنفسي...انا اعرف الصوت ده كويس اوي
ايوه...الصوت ده...
صوت....( ظالم)
وفتحت عنيا بسرعة
عشان اتاكد
وللاسف
اتاكدت لما شوفتة
واقف علي دماغي...
هو... ورجالتة
وفضلت ادور بعيني علي حلم في وسطهم
لكن...
..ملقتهوش
فاسالت ظالم...
وقلتلة...انتوا عايزين مني ايه؟ انا معملتش حاجة
فا بصلي ظالم
وهو في قمة الغضب
وقالي...انتي مجرمة
ومن يوم ما جيتي هنا
واحنا بنتافجئ كل يوم بمصيبة جديدة
قلت...مصايب ايه بس؟
انا معملتش حاجة
وفي اللخظة دي
بص ظالم لرجالتة
وقالهم..بسخرية
يظهر كده..
ان البنية نظرها ضعيف
نزلوها من ع السرير
وهاتوها
عشان اوريها احدث جريمة ليها
يمكن تبطل
تقول (بريئة) تاني
وفعلا نزلوني...
ودخلوني الكوخ
وطلبوا مني اني ارفع الغطاء
الي علي السرير
فا قلتلهم... طيابة نايمة
هنا
ليه عايزين تكشفوا سترها وهي نايمة؟
فا صرخ فيا ظالم
وقالي..بقولك ا رفعي الغطاء
فا مديت ايدي
ورفعت الغطاء ...وانا مش فاهمة في ايه؟
واول ما اترفع الغطاء
اتفاجئت
بطيابة وهي (مقتولة )
وغرقانة في دمها
فا صرخت
وفضلت انادي عليها
واقولها..طيابة؟
مالك يا طيابة؟
وفي اللخظة دي
قبض ظالم علي شعري
وقالي...انا هدفعك ثمن الجرايم الي عملتيها غالي
وشاور لرجالتة
وقالهم...هاتوها
وفعلا...اخدوني معاهم ...وركبوني عربية بيجرها الحصان
واخدوني علي مملكة ظالم
ولقيتني رجعت تاني لقبضة ظالم
وبمجرد ما وصلنا مملكتة
اخدوني رجالتة
ودخلوني السجن
وقعدت لوحدي في زنزانة ضلمة
وكنت مرعوبة... وبعيط
وانا منتظرة حكم ظالم بالاعدام
وفضلت افكر
ياتري مين الي قتل طيابة؟
ولية؟
معقول يكون نمرود؟
ايوه هو نمرود
لانة اخر مره سابني فيها ومشي
كنت بيستحلفلي
وبيتوعدني..بالهلاك
وفضلت ابص حواليا وانا مرعوبة
واقول..
ياتري في حد مسجون معايا
في الزنزانة دي ؟
ولا انا مسجونة فيها لوحدي؟
وياتري هيعدموني امتي
وفضلت الافكار المخيفة تطاردني
ومن شدة هلعي
فضلت انادي
واقول...
حلم؟
انت فين يا حلم
تعالي الحقني
انا محتجالك
ورجعت اقول لنفسي
حلم مين؟
الي انا بنادي عليه؟
ده زمانة هايص مع عروستة
وبعدما سالت السؤال ده
سمعت صوت في الظلام
والصوت كان مالوف ليا
ولما ركزت مع الصوت
سمعتة بيقولي...
لسة بتفكري في حلم؟
الله يخربيتك
لبيت حلم بتاعك
علي اليوم الي شوفتكم فيه
فا استغربت...
لان الصوت
كان صوت مراة ابويا
واتفاجئت...
بان صاحبة الصوت
بتلمس كتفي
وبتقولي...
ايه مش عارفة صوتي يا ساجدة؟
انا (مراة ابوكي)
فا اتحققت منها
ولقيتها هي فعلا مراة ابويا
فسالتها
قلت...ايه الي جابك هنا يا مراة ابويا؟
هو مش مفروض انتي عروسة دلوقتي؟
فا ردت مراة ابويا
وقالتلي..شوفتي يا ساجدة؟
بعدما كنت بنصب علي طوب الارض
علي اخر الزمن
يجي هو وينصب عليا
ابن النصابة
فسالتها
وقلت..هو مين الي نصب عليكي
فقالت
الي يضرب في قلبة
الي اسمة (حلم )
هو الي جابني هنا
قلت..وحلم جابك هنا لية؟
قالت...معرفش
اهو سلمني لواحد من رجالتة
وقالهم...
خدوا الولية دي احبسوها
وكملت مراة ابويا كلامها
وقالتلي...
المهم..
سيبك مني دلوقتي
وقوليلي؟
انتي جاية هنا بتهمة ايه؟
قلت..محكوم عليا بالاعدام
فا ضربت علي صدرها
وقالتلي..يلهوي اعدام ليه؟
عملتي اية؟
قلت..اتهموني في قتل واحدة اسمها طيابة
بس انا والله ما قتلتها يا مراة ابويا
فا ردت مراة ابويا
وقالتلي..مصدقاكي
هو انتي تقدري تقتلي فرخة؟
دنا مشوفتش في خيبتك
وحطت ايدها علي كتفي
وقالتلي
بس انا عارفة مين الي قتل طيابة دي
قلت مين؟
قالت.. اكيد (حلم)
قلت..وحلم هيقتل طيابة ليه؟
فسالتني بدورها
وقالتلي..
ويعني كان بياخدني من الكوخ ويحبسني هنا ليه؟
فضلت افكر في كلامها
ولقيتني بقول لنفسي
ايوه فعلا
اكيد حلم خدعني...
وعمل فيها انه عفريت...
واسمة نمرود
وكل ده عشان يعمل تمثيلية الجواز من مراة ابويا
وياخدها و يحبسها
وبعد كده يجي يقتل طيابة
وبعدها
يقول لظالم علي مكاني
عشان ظالم يجي يقبض عليا...
واتعدم
ورجعت اسال مراة ابويا
وانا محتارة
وقلت...
لكن ...
( حلم) هيعمل كل ده ليه؟
واية مصلحتة في كدة؟
وقبل ما مراة ابويا تجاوبني
اتفاجئنا بالحراس بيفتحوا باب الزنزانة علينا
وبياخدوني انا ....ومراة ابويا
لساحة كبيرة...
فيها حاجة شبة الطبلية
لكن.. عالية
وبنطلعلها بسلالم خشب
م الاخر ...
كانت ( مشنقة)
والغريبة
ان اهل البلد كلهم
كانوا
ملمومين حوالين الطبلية
او المشنقة
وكان واضح
انهم هيعدموني انا ومراة ابويا في ميدان عام
ووقف ظالم يصدر حكمة
وقال..الاتنين دول
انا اصدرت عليهم حكم الاعدام
والحكم ينفذ فورا
في الحال
امام الجميع
واصدر ظالم حكمة بدون حتي ما يذكر الاسباب
وفي اللحظة دي
حصلت حالة من الهتاف ...
و التهليل
لظالم... وعدالتة المزعومة
فا بصيت لمراة ابويا وانا مرعوبة
و لقيتها بتصوت وبتلطم
لغاية ما وقعت من طولها
فا امرهم ظالم
انهم يبداؤا بيا انا
ويعدموني... الاول
وفعلا...
اخدوني وطلعوني علي كرسي
وحطوا الحبل في رقبتي
وكانوا منتظرين الاشارة من ظالم...
وبعدها
يبعدوا الكرسي من تحت رجليا
لكن... قبل ما ظالم يصدر الاشارة
ويامر باابعاد الكرسي من تحت رجليا
فجاءة...
انطلقت رصاصة من مكان مجهول..
وقطعت الحبل المتدلي من السقف
وسمعت بعدها..
صوت راجل بيصرخ في ظالم
وبيقولة...ابعد ايدك عن زوجتي...
يا ظالم
لان ابني في بطنها
وبسرعة بصيت ناحية الصوت
عشان اتفاجئ بزوجي.......
لكن ....
عارفين انهي زوج فيهم
بالظبط.......؟
لو عايز باقي احداث القصة صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
حلوه حلوه اوى اوى اوى
ردحذفجميل ما تتاخريش علينا
ردحذفروعة فى انتظار الجديد 😍
ردحذفروعة جدا
ردحذفروعه وحلوه جدا متتأخريش علينا يا قمر
ردحذفشيقه جدا
ردحذفاللهم صلِّ وسلم وبارك على سيدنا محمد
ردحذفعليه افضل الصلاة والسلام
ردحذفروعة مبدعة كالعادة
ردحذفبلاش تتأخري علينا علشان بننسي الأحداث
ردحذف🍓🍓🍓🍓🍓🤔🤔🤔
ردحذف💕💕💕💕💕💕
ردحذف🌸🌸🌸🌸🌸🌸🌸
ردحذف🍇🍇🍇🍅🍅🍅🍅
ردحذف🎈🎈🎉🎉🎊🎊
ردحذف😂😂😂😂😂😂😂
ردحذف🤔🤔🤔🤔🤔😊
ردحذفاكيد التاتى
ردحذفاللهم صل وسلم وبارك على سيدنا محمد
ردحذف