الجزء التاسع..جميلة فوق فراش بارد ..للكاتبة..حنان حسن

جميلة فوق فراش بارد الجزء التاسع للكاتبة..حنان حسن بعدما بيقيت بين نارين .. وبقيت مخيرة  ما بين...   اني اتعايش مع العفريت الي ظ...

جميلة فوق فراش بارد

الجزء التاسع

للكاتبة..حنان حسن

بعدما بيقيت بين نارين ..

وبقيت مخيرة 

ما بين...

  اني اتعايش مع العفريت الي ظاهرلي في صورة كلب...

او ..

اتفضح واترمي في السجن واتبهدل سنين 

في اللخظة دي..

 قررت اني اهرب ...

لكن...

 سيزر ( العفريت ) هددني

وقالي...

لو فكرتي في الهرب 

هتصييك اللعنة

فا ضربت بتهديدة عرض الحائط

وخرجت بالفعل

لكن..بمحرد ما خرجت

من باب الفيلا

اكتشفت ان اللعنة اصابتني فعلا

وده لما لقيت نفسي مش قادرة اتحرك...

ولا قادرة انطق

فا رجعت مع البواب للداخل تاني

ولما دخلت الفيلا

رجعتلي صحتي وتركتني  اللعنة

فا فهمت ان سيزر بيجبرني علي المكوث بالفيلا

عشان افضل معاه 

وفي اللحظة دي

مكنش ادامي غير اني احاول الهرب مره اخري

وفعلا خرجت تاني بره الفيلا

لكن المرة دي شعرت بالعجز التام

وحسيت باني فقدت النطق نهائي

فا اتصل البواب علي حمايا

وبعد دقايق

لقيت حمايا خارج يجري من الفيلا

ومعاه الداده حنة

ولما جالي حمايا 

سال البواب

وقال..

مالها جميلة؟

فا رد البواب

وقال..

باين كانت خارجة تتمشي وتعبت فجاءة

فا بصلي حمايا

وقالي..

مكنش لازم تجهدي نفسك وانتي حامل

وبص للداده وقالها..ازاي تسيبيها تخرج لوحدها؟..

وقبل ما حنة تدافع عن نفسها

بص حمايا للبواب وحنة

وقالهم...

قوموها معايا

وفعلا

اتعاون الجميع وسندوني

 لغاية ما رجعوني لغرفتي

و بعدما

نيموني علي السرير

نزل البواب ورجع للبوابة بتاعتة

وفضل معايا

حمايا ...وحنة

وانا فضلت ابص حواليا في الاوضة وانا مرعوبة

وخصوصا ...

اني نمت في السرير

 الي كنت بخاف اقرب منه

 والي زود من حالة الرعب الي انا فيها

 هو..ان النور قطع علينا جميعا فجاءة

وفي اللحظة دي

 بص حمايا لحنة..

وقالها..

شغلي النور الاحتياطي

فا ردت حنة

وقالت..

شغلتة ومش راضي يشتغل

يظهر ان في عطل  في اسلاك

 الكهرباء

الي واصلة للفيلا

فا رد حمايا بضيق

و قال..

خلاص... شغلي  اي كشاف ...

او اي شمعة..  اتصرفي

فا خرجت حنة من الاوضة  عشان تتصرف

وهي بتقول..

حالا هجيب كشاف  انور بيه

وبعدما خرجت حنة 

سمعت صوت  الموبيل بتاع حمايا

وكان المتصل هو صقر باشا 

وكان واضح من رد حمايا عليه

ان صقر باشا

 بيطلب منه انه ينزلة تحت

 فا بصلي حمايا قبل ما ينزل 

وقالي..

انا اتصلت بالدكتور

حاولي ترتاحي شوية علي ما الدكتور يوصل

فا هزيت راسي

وقلت..حاضر

وفي اللحظة دي

 لقيت لساني بيتحرك بالكلام

واكتشفت...

 اني رجعت اتكلم  واتحرك بطريقة طبيعية تاني

وده طبعا

 عشان رحعت للفيلا

المهم..

بعدما حمايا خرج

لقيت نفسي بقيت لوحدي تماما

وقلت ..اية ده؟هما سابوني لوحدي كلهم ؟

...والنور مقطوع؟

وفضلت ادعي ان  حنة ترجعلي بسرعة

وفكرت بيني وبين نفسي

هي حنة اتاخرت كده لية

انا لازم اتصل بيها عشان تيجي تقعد معايا

ومديت ايدي وانا بحاول اتحسس مكان الموبيل 

وللاسف... ملقتش الموبيل

لكن...

في اللحظة دي

 ايدي لمست حاجة غريبة

حاجة كده زي الشعر الكثيف

ووقبل ما استوعب انا لمست اية

فجاءة..

سمعت صوت سيزر

وهو بيقولي..

شوفتي عدم سمعانك لكلامي

 عمل فيكي اية؟

في اللحظة دي..

انا اتفزعت..وقلبي كان هيقف من الخضة

 وكنت عايزة اصرخ..

 لكن... 

صرختي كانت مكتومة

 فا اتسمرت في مكاني

وقلت..

 انت عايز مني اية؟

قال..عايز نعيش مع بعض زي اي اتنين متجوزين

قلت..ازاي؟

هتجوزك علي اي اساس؟

دا انا لغاية دلوقتي معرفش انت تطلع اية اصلا ؟

ولا عارفةان كنت  جن ؟... ولا كلب؟..

 وفي الحالتين مش هقدر اتجوزك

 لانك مش بني ادم

قال..مش فاهم اية سبب اعتراضك؟

قلت..كلامي واضح

انا لما هتجوز...

 لازم اتجوز انسان زي

فا بصلي سيزر

وقالي..خلاص هتجسد في صورة انسان

قلت...

ارجوك سيبنني في حالي..

انا حياتي معقدة ...

ومليانة مشاكل

يعني مش ناقصاك انت كمان

فا رد سيزر

با اصرار

وقالي..مهو طول منتي معايا

هحللك كل المشاكل

ومش هسمح لحد ياذيكي

ولو علي شكل الكلب الي مش عاجبك ..

فا انا  ممكن تجسد في شكل اي بني ادم يعجبك

قلت..

برضوا بقولك 

 مش هتجوز (كلب)

وقبل ما اسمع اجابة من سيزر

سمعت صوت حنة الي كان بيقرب من اوضتي

وهي بتقول..

ملقتش كشاف مشحون 

جيبت شمعة بقي وخلاص

 وفعلا شوفت  نور الشمعة الي كانت جاية وجايباها حنة

بينور غرفتي

وفي اللحظة دي

 اختفي سيزر من علي السرير

ولقيت حنة داخلة 

بصنية كبيرة عليها اكل ..ومية..وعصير

والشمعة  معاهم ع الصنية

المهم..

بعدما وضعت حنة  الصينية علي اقرب تربيزة ليا

لقيتها بتقولي..

الدكتور جه تحت وقاعد مع صقر باشا 

و صقر باشا قال انه هيطلع بالدكتور لحضرتك

بعد ما النور يرجع

فا هزيت راسي

وقلت..شكرا

فسالتني حنة وهي بتستعد للخروج

وقالت..

عايزة حاجة مني دلوقتي؟

فا رديت بلهفة

وقلت..ايوه...

استتي خديني معاكي بره الاوضة دي

عايزة اطلع للبلكونة

فا ردت حنة

وقالت..

 اصبري يا مدام جميلة

 لما تبقي كويسة..

 وابقي اطلعي للبلكون زي منتي عايزة

قلت.. بقولك ساعديني اخرج من هنا

فا ردت حنة بتوسل

وقالت..

معلش يا مدام جميلة

انتي دلوقتي تعبانة..

و البية الكبير منبة انك متتحركيش من السرير

فا هزيت راسي

وقلت..ماشي

فا سالتني حنة للمره الاخيرة

وقالت..

عايزة حاجة مني قبل ما انزل؟

فا شاورت علي كوباية المية

وقلت..

هاتيلي شوية مية

فا ناولتني المية

وبعدما اخدت منها الكوباية

وبليت ريقي

قولتلها..خلاص روحي شوفي شغلك

وفعلا...تركتني حنة وخرجت

وانا رجعت ابص حواليا 

وادور في الاوضة علي سيزر

وفجاءة

شعرت بحاجة مشعرة بتلمس 

خدي من الخلف

فا انتفضت من مكاني

وغصب عني الكوباية الي في ايدي..طرطشت نقطتين مية

علي السرير

وفي اللحظة دي

فضل سيزر يعوي بصوت مخيف

وكأني دلقت علية (مية نار)

ولما لقيتة بيصرخ وانيابة ظاهرة

وبيقرب مني...

خوفت منه جدا..

وقمت بسرعة اجري بره الاوضة

 وانا مفزوعة

واثناء ما كنت بحاول اهرب

وقعت الصينية بكل الي كان عليها علي الكرسي

حتي الشمعة الي كانت والعة.. وقعت علي الفراش

وطبعا انا محاولتش حتي اطفيها 

لاني مكنتش بفكر غير في الهرب بس

وفضلت اجري علي السلم..

 وانا خايفة من سيزر ومرعوبة

واثناء ما كنت نازلة بجري من علي السلم

اتكعبلت ووقعت

والوقعة كانت قوية جدا

 لدرجة اني فقدت الوعي لفترة من الزمن

وبعدما ما فوقت

لقيت نفسي في المستشفي

وصقر باشا جنبي 

فسالتة

وقلت..

هو انا ايه الي جابني هنا؟

فا بصلي صقر باشا بلهفة

ولقيتة بيقولي..

حمدا لله علي سلامتك يا جميلة

فا بصتلة  بتعجب 

وقلت..هو ايه الي حصل؟

فا رد صقر باشا باسف

وقال..

يظهر انك لما اتفاجئتي الحريقة

خوفتي من النار ...

ونزلتي تجري من علي السلم

واثناء ما كنتي نازلة وقعتي و........

قلت...واية؟

ايه الي حصلي بعد كده؟

قال..للاسف..

(فقدتي الجنين)

وقبل ما اعطي اي رد فعل

للي سمعتة من صقر باشا

لقيتة بيحاول يهديني

وبيقولي..

جميلة انا مش عايزك تزعلي انتي لسة صغيرة

والعمر لسة ادامك..وممكن ...

وقبل ما يكمل في مواساتة ليا

قاطعتة

وسالتة..

قلت..يعني افهم من كلامك ان الجنين الي في بطني نزل فعلا

فا هز راسة  تاني

وقالي..ايوه..نزل للاسف

فسالتة تاني

وقلت..امال حريقة ايه الي حصلت في الفيلا

قال..

الحريقة حصلت عندك انتي في الاوضة بتاعتك

وانتي لما خوفتي من النار 

نزلتي تجري علي السلم

وحصل الي حصل 

وفي اللحظة دي

افتكرت الشمعة الي وقعت علي الفرش

فسالتة بقلق

وقلت..

هو في حد جرالة حاجة بسبب الحريق الي حصل ده؟

قال..لا

مفيش خسائر حصلت في الارواح...ولا الفيلا

مفيش بس غير في اوضة سيزر

ودي اتفحمت تماما

وعموما متقلقيش

 انا طلبت من حنة تجهزلك غرفة احلي منها

بعدما سمعت كلام صقر باشا

بدات احمد ربنا انها جت علي

 اد كده

وحمدت ربنا كمان

ان الحمل الي حصل من خالد

نزل 

لاني كده خلصت من خالد للابد

بس مكنتش اعرف اني كنت غلطانة

من اعتقادي ده

لاني بعد شوية

 لقيت حمايا وويسكي وزوجتة داخلين علينا

وبص حمايا لصقر باشا

وهو في قمة الحزن

وقال..

اخوك  كان مع الدكتور الي قام بعملية الاجهاض

 وعرف منه معلومة جديدة

فا بص صقر باشا لويسكي 

وسالة

وقال...ايه هي المعلومة دي

فا رد ويسكي بحماس

وقال...

  الدكتور قالي..

انه بعدما انتهي من عملية الاحهاض...

قام باجراء تحليل

 ..دي ...ان.. ايه

من خلال الجنين ...

الي نزل

ومن كام شعراية

 اخدها من فرشة الشعر

 الي كان  بيستعملها المرحوم سيزر

و الدكتور لسة قايلي علي النتيجة حالا

فسالة صقر باشا بفضول

وقال..واية هي النتيجة؟

فا رد ويسكي بحزن

وقال...

التحليل اثبت ان الجنين ابن اخونا سيزر فعلا

وفي اللحظة دي

مبقتش مصدقة النتيجة

 ازاي طلع الحمل من سيزر؟

 بالرغم من انه مكنش بيخلف؟

معقولة الكلب له يد في تغير النتيجة؟

ولا هي دي الحقيقة فعلا؟

وياتري الكلب لسة عايش ولا مات في الحريق؟

ولو الكلب ما زال عايش ازاي سايبني اخرج من الفيلا واروح  المستشفي

بدون اللعنة اياها

انا سليمة وبتكلم عادي

يعني مفيش اي لعنة

 طييب يعني افهم من كده ايه؟

انا لو روحت علي الفيلا هلاقي سيزر

ولا بموت الجنين خلاص الكلب راح لحالة وسابني؟

واثناء ما كنت شاردة بذهني

 لقيت ويسكي

 بيقولي

انا عمري ما شكيت فيكي لخظة

ومد ايده ناحيتي

وقالي..يلا نمشي من جو المستشفي ده ونرجع علي البيت

فا رديت بهلع

وقلت..لا لا انا حاسة اني لسة تعبانة 

ومش عايزة ارجع البيت

فا رد حمايا

وقالي...اطمني يا بنتي

الدكتور بيقول ان حالتك مطمئنة

 وممكن تخرجي

وفي اللحظة دي

قرب ويسكي مني 

وحاول يحتضني بايده

عشان يساعدني علي النهوض

فا انا بعدتة عني

وقلت..

قولتلكم...

مش عايزة اخرج من المستشفي

فا استوقفة صقر باشا

وقال...

روح انت وزوجتك جهزوا الغرفة الجديدة  لجميلة

علي ما انا اجيب جميلة واجي

فا قبضت بسمة علي ذراع ويسكي

وقالتلة...تعالي احنا نسبق يا حبيبي

فا خرج ويسكي مع زوجتة

وهو متدايق

من الي عملتة معاه

وسبقوا علي الفيلا فعلا

وبعدما مشي ويسكي وزجتة وحمايا مع بعض

بصيت لصقر باشا

وقلت..

 انا مش هرجع الفيلا تاني

قال..يعني ايه؟

قلت...يعني خلاص

الجنين  الي كان بيني وبينكم راح 

وانا دلوقتي هرجع لحياتي القديمة تاني 

و مش عايزة منكم حاجة

فا بصلي صقر باشا

وقالي....

لا مش هينفع تمشي  

ولا ينفع ترجعي لحياتك القديمة تاني

قلت...ليه؟

فا بصلي صقر باشا

وفي عيونة نظرة غريبة عمري ما شوفتها قبل كده

وقال...عشان

 انا مش هبقي كويس لو مشيتي

قلت..مش فاهمة؟

قال... 

انا مش عايزك تغيبي عن حياتي

فا تنحت وانا بسمعة

ومكنتش مصدقة وداني

وفكرت 

 ان الي قالة صقر دلوقتي ده

كان بيقولة...

عشان كان حاسس بالذنب

بعدما اكتشف نتيجة التحليل

بعدما  كان فاكر انه ظلمني

لكن...

 الي صدم مسامعي اكتر

وافقدني الاستيعاب بجد

اني سمعت صقر باشا

وهو بيسالني

وبيقولي..(تتجوزيني)؟

في اللحظة دي  

وقف الزمن عند كلمة ...

(تتجوزيني)

 ووقف الهواء الي حواليا..

و حتي النفس الي كنت بتنفسة

و قف برضوا

ومبقتش مصدقة الي سمعتة

معقولة ؟؟؟

هو صقر باشا الي بيطلبني انا للجواز ده فعلا  ؟

ولا انا بحلم؟

ياررررربي

لا دي حقيقة فعلا

بس معني اني اوافق علي طلبة

يعني هرجع معاه الفيلا

وده معناه.......

اني هرجع للرعب تاني

فا اية؟

ارفض ولا اقبل؟

لا لا  مش مهم اي حاحة تحصلي

المهم اني ابقي مع صقر

هقبل الجواز  طبعا...

دا انا اصلا ما صدقت اصلا

 

وبدون ما افكر

هزيت راسي

وقلت...موافقة

فا ابتسم صقر باشا

وقالي..

يبقي قومي حالا

وتعالي معايا نرجع علي الفيلا

وفعلا

قومت بدون اي اعتراض

ولا حتي كلام

وكنت عاملة..

 زي الي نايمة تنويم مغناطيسي..

وجهزت نفسي

وبعدما لبست...

غادرت مع صقر باشا ورجعنا للفيلا

واول ما وصلنا ودخلنا  بالعربية علي جراج الفيلا

طلب مني صقر باشا اني اطلع علي ما يركن العربية

واستغربت ان صقر  سابني انزل لوحدي  بدون مساعدة

وانا مش قادرة اقف

علي رجلي

لكن..مخدتش في بالي

وتحاملت علي نفسي

ونزلت. من الغربية

ودخلت جوه الفيلا

وبمجرد ما دخلت

اتفاجئت بالمفاجئة الي كانت  في انتظاري...

اصلي شوفت حد كان قاعد بينتظرني 

وهو في قمة القلق عليا

وبصراحة ...

اتصدمت صدمة عمري لما شوفت الحد ده

عارفين الحد ده طلع مين....؟

لو عايز باقي احداث الرواية صلي علي رسول الله..وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن